2019-cu ildə “Miss ABŞ” yarışmasının qalibi seçilən Çesli Krist intihar edib.

Zamantv.az-ın xarici KİV-ə istinadən məlumatına görə, o, özünü yaşadığı binadan atıb.

Qadının meyiti evinin yanında tapılıb.

Mərhum intihar məktubunda bütün var-dövlətinin anasına təhvil verilməsini istəyib.

Hadisə ilə bağlı araşdırma aparılır

İspaniyanın Valensiya vilayətində baş vermiş qəzada azı 5 nəfər həlak olub, 3 nəfər xəsarət alıb.

Lent.az-ın xəbərinə görə, bu barədə regionun yanğınsöndürmə xidməti məlumat yayıb.

Hadisə gecə saatlarında baş verib. İlkin ehtimala görə qəzaya nəqliyyat vasitəsinin qarşı yola çıxması səbəb olub. Yaralıların vəziyyəti ağırdır.

Azərbaycan kubokunda son 10 ildə ən çox oyun keçirən futbolçular bəlli olub.

Zamantv.az Apasport.az saytına istinadla məlumatına görə, 2012-21-ci illərdə turnirin rekordçusu Denis Silvadır.

Braziliyalı 36 matçda meydana çıxıb. O, Əfran İsmayılovu 1 oyun qabaqlayır.
“Qarabağ”ın və yığmanın kapitanı Maksim Medvedev 34 matçla üçüncüdür. Ümumilikdə isə 8 futbolçu 30 və ya daha çox görüşdə şans qazanıb.

1. Denis Silva - 36
2. Əfran İsmayılov – 35
3. Maksim Medvedev – 34
4. Araz Abdullayev – 33
5. Urfan Abbasov – 32
6-7. Cavid Hüseynov – 31
6-7. Rahid Əmirquliyev – 31
8. Rəhman Hacıyev - 30

Türkiyəli məşhur aktyor Engin Akyürek koronavirusa yoluxub.
Zamantv.az APA-ya istinadən xəbər verir ki, asktyorun hazırkı serial çəkilişləri dayandırılıb və müalicəsi davam etdirilir.

Qeyd edək ki, aktyor "Sefirin kızı", "Fatmagülün suçu ne?", "Kara, para, aşk" kimi reytinqli seriallarda rol alıb.

Moskvanın Zaqoryevskaya küçəsində məktəbli qız 22-ci mərtəbənin pəncərəsindən yıxılaraq sağ qalıb, indi həkimlər onun vəziyyətinə nəzarət edirlər.

Zamantv.az Rusiya mediasına istinadla məlumatına görə, hadisə yanvarın 29-da baş verib.

Hadisənin səbəbi açıqlanmır, amma araşdırmalar davam edir.
Digər məlumata görə, qız eyvan vasitəsilə mənzilə keçməyə çalışıb, gücü çatmayan sinif yoldaşının əlindən çıxan qız yerə düşüb.

Son anda yayılan məlumatda isə 22-ci mərtəbədə pəncərədən yıxılan məktəbli qızın sərxoş olduğu bildirilir.

Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Sumqayıt şəhərində 1 nəfər mənzildə bağlı qapı arxasında köməksiz vəziyyətdə qalıb.

Zamantv.az FHN-nin saytına istinadən bildirir ki, çağırış ünvanına cəlb olunan nazirliyin Sumqayıt Regional Mərkəzinin xilasetmə qüvvələri mənzilin giriş qapısını açıb və orada aşkarlanan 1962-ci il təvəllüdlü Hüseynova Həqiqət Sərdar qızının meyitini aidiyyəti üzrə təhvil veriblər.

Yanvarın 29-u saat 01 radələrində Suraxanı rayonu, Yeni Günəşli qəsəbəsi “V” yaşayış sahəsi bina 012E, mənzil 98 ünvanında 1972-ci il təvəlüdlü İlham Hüseynovun meyitinin aşkar edilməsi barədə rayon prokurorluğuna məlumat daxil olmuşdur.

Bundan başqa, həmin binanın qarşısındakı asfalt örtük üzərində 1997-ci il təvəllüdlü Fuad Mayılovun meyiti aşkar edilmişdir.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilmiş, digər prosessual hərəkətlər yerinə yetirilmişdir.
İlham Həsənovun meyitinin müayinəsi zamanı onun üzərində deşici-kəsici alətlə törədilməyə xarakterik çoxsaylı xəsarətlər, Fuad Mayılovun meyitinin üzərində isə hündürlükdən yıxılmaya xarakterik çoxsaylı sınıq xəsarətlərinin olması müəyyən edilmişdir.
Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.
Hazırda hadisənin təfərrüatlarının tam, hərtərəfli və obyektiv araşdırılması istiqamətində zəruri istintaq və əməliyyat-axtarış tədbirləri davam etdirilir.

Gəncədə bədbəxt hadisə baş verib.

Lent.az-ın APA-ya istinadla məlumatına görə hadisə şəhərin Yeni Gəncə yaşayış massivində yerləşən 5 mərtəbəli binada qeydə alınıb.

2006-cı il təvəllüdlü E.Rəfiyeva yaşadığı eyvanında paltar asan zaman ehtiyatsızlıqdan yerə yıxılıb. Yeniyetmə qız xəstəxanaya yerləşdirilib, vəziyyətinin ağır olduğu bildirilir.

Ucarda 6 nəfərin xəsarət alması ilə nəticələnən yol qəzası baş verib.
Zamantv.az APA -ya istinadən xəbərinə görə, hadisə bu gün axşam saatlarında rayonun Heydər Əliyev prospektində baş verib.

Ucar rayon sakini, 2002-ci il təvəllüdlü Mirabdulla Rüstəmovun idarə etdiyi "VAZ-21099" markalı minik avtomobili ilə rayonun Alpout kənd sakini, 2002-ci il təvəllüdlü Kənan Zeynalovun idarə etdiyi "Opel" markalı maşını toqquşub. Toqquşmadan sonra idarəetmədən çıxan avtomobillər yol kənarında olan 2 piyadanı da vurub. Nəticədə sürücülər – M. Rüstəmov, K. Zeynalov, daha 2 sərnişin və 2 piyada xəsarət alıb.
Xəsarət alanlar – 1999-cu il təvəllüdlü Məqsəd Bəxtiyar oğlu Əsgərov, 2005-ci il təvəllüdlü Kənan Asif oğlu Abuzərov, 2001-ci il təvəllüdlü İbrahim İlqar oğlu İbrahimov, 2001-ci il təvəllüdlü Ramil Baba oğlu Abdurəhmanov aldığı müxtəlif xəsarətlərlə Ucar Mərkəzi Rayon Xəstəxanasına yerləşdiriliblər.
Durumu daha ağır olan R. Abdurəhmanov Göyçay Rayon Xəstəxanasına aparılıb.

Baba Atayevin dediyinə görə ona məxsus "VAZ 21099" markalı minik maşınını nəvəsi M. Rüstəmov qaçırıb.

“Nəvəmin sürücülük vəsiqəsi olmadığına görə avtomobili ona idarə etməyə vermirdim. Xəbərim olmayıb, açarı götürüb, maşını sürmək üçün şəhərə çıxıb və məlum hadisə baş verib”, - B.Atayev deyib.

Faktla bağlı araşdırma aparılır.

Sabunçu Rayon Polis İdarəsinin əməkdaşlarının cari ilin yanvar ayının əvvəlindən bu günə qədər həyata keçirdikləri silsilə əməliyyat-axtarış tədbirləri nəticəsində rayonun Zabrat, Bakıxanov, Balaxanı, Pirşağı, Maştağa və digər qəsəbələrində narkotik maddələrin qanunuz dövriyyəsi ilə məşğul olan daha 40 nəfər saxlanılıb.

Daxili İşlər Nazirliyinin Mətbuat Xidmətindən Lent.az-a verilən məlumata görə, narkotik vasitələrin qanunsuz dövriyyəsi ilə məşğul olan bu şəxslərin hər biri barəsində Sabunçu Rayon Polis İdarəsinin İstintaq Şöbəsində araşdırmalar başlanılıb.

Saxlanılan şəxslərdən ümumilikdə 4 kiloqrama yaxın müxtəlif xassəli narkotik vasitə və psixotrop maddə aşkar edilib.
Narkotik vasitələrin Sabunçu rayonu ərazisində qanunsuz dövriyyəsinin qarşısının alınması və bu şəxslərin daxil olduğu şəbəkənin digər üzvlərinin aşkar olunması istiqamətində əməliyyat-axtarış tədbirləri davam etdirilir.