Şəmkir rayonunun Şiştəpə kəndi məişət tullantılarının içərisində itib-batır.

İş o yerə çatıb ki, kəndə yolu düşənlər zibilxanaya düşdüklərini hesab edirlər.

Kəndin hər küçəsində, hər döngəsində qalaq-qalaq zibil topaları var. Üstəlik problem dünənin, bu günün deyil, illərin problemidir.

"Məişət tullantıları daşınmır deyə, kimin əlinə nə keçir gətirib atır bura", -sakinlər narazılıq edirlər.

İctimai nəzarət yoxdur

Kənd diqqətdən o qədər kənarda qalıb ki, görən deyər, bu kəndin nə icra nümayəndəsi var, nə də bələdiyyəsi. Sakinlər bütün problemlərin ictimai nəzarətin olmamasından qaynaqlandığını hesab edirlər. Deyirlər ki, kifayət qədər problem var, lakin heç kim bu haqda danışmaq istəmir. İnsanlar tələb edərsə, aidiyyatı qurumlar da məsuliyyətlərini dərk edərlər.

Başlı-başına qalmış kənd zibil içində boğulur

Şiştəpə kəndində 6000-dən artıq sakin yaşayır. Zibilxanaya çevrilmiş kənddə ümumiyyətlə zibil konteyneri qoyulmayıb. Vaxtilə Şiştəpədə vəziyyət fərqli olub. Kəndin ərazisindən keçən çayın üzərində körpü tikilib. İndi kəndin ərazisində daha çox zibil atılan ərazi sözügedən çay yatağıdır.

Məsələ ilə bağlı Şiştəpə kənd bələdiyyəsinə üz tutduq. Rəsmi qurumdan bildirildi ki, problem tez bir zamanda həllini tapacaq.

DİA.AZ mövzu ilə bağlı Belediyye.net-in sujetini təqdim edir:

""Bolt" və "Uber" taksi şirkətləri Azərbaycandakı şirkətlər arasında xaotik vəziyyət yaradıb. Həm də bazarda olan süni qiymət sayəsində manapoliya quraraq, bunun adını rəqabət qoyurlar. Bununla da digər taksi şirkətlərini sıradan çıxarırlar".

DİA.AZ xəbər verir ki, bunu Sonxeber.az-a nəqliyyat üzrə ekspert Elməddin Muradlı deyib.

O bildirib ki, söhbət iqtisadi inkişafdan, xarici investorların Azərbayacana cəlb edilmısindən gedirsə, "Uber" və "Bolt" taksi şirkətlərinin, eləcə də "Yango" və "Maxim"in bizim ölkəyə heç bir xeyri yoxdur.

"Ziyanı isə çoxdur. Azərbaycanda qazandıqları pulları aparıb xaricdə, bəzən də ermənilərin arasında yeyib kef edirlər, biz də burda hər gün qəzaya baxırıq, sürücülər itin zülmünü çəkir, qəpik-quruşa taksi sürürlər.

Bütün bunları nəzərə alaraq deyirəm ki, bu şirkətlərin hamısı Azərbaycandan qovulmalıdır. Yerli şirkətlər inkişaf etməlidir. Vahid taksi qiyməti müəyyən edilən kimi "Bolt" və "Uber" ləğv olunmalıdır. Onlar bizim yerli şirkətləri məhv edib. Onlar bizə hər gün qəza yaşadır, onların sayəsində Prius kimi avtomobil modeli gözdən düşüb".

Elmira Məmmədova şəhid Sərdar Məmmədovun anasıdır. Onun təqaüd kartından hər ay 80 manat məbləğ çıxılır.

Bu barədə Elmira Məmmədova Sonxeber.az-a bildirib. O bildirib ki, vaxtilə onun təqaüd kartına artıq məbləğ yükləyiblər. Lakin bundan onun xəbəri olmayıb. İndi vaxtilə artıq məbləğ yükəndiyinə görə hər ay təqaüdündən 80 manat çıxılır.

"Mən kiminsə savadsızlığının qurbanı olmaq istəmirəm. Aidiyyatı orqanlar tədbir görməsə, Prezident Aparatına müraciət edəcəm" ,- deyə şəhid anası qeyd edib.
Sonxeber.az Dövlət Sosial Müdafiə Fonduna müraciət edib. Mətbuat katibi Rəşad Mehdili məsələnin araşdırıldığını bildirib. Lakin hələ bir nəticə yoxdur.

Sonxeber.az

Şirvan şəhər E.B. İmanov adına 10 nömrəli məktəbin direktoru Arif Əliyev elə bir idarəçilik sistemi yaradıb ki, məktəbdə xadimələr, müəllim və valideynlərə divan tutur..

Məktəb təhsil ocağına yox, ciddi cəzaçəkmə müəssisəsinə bənzəyir.

Mənim övladım həmin məktəbin 1-ci sinifində təhsil alır və valideyn kimi onun təhsil şəraiti ilə maraqlanmaq və o cümlədən məktəbə daxil olmaq hùququmdur.

Övladımın azyaşlı olmasını nəzərə alsaq, hələ ki onun məktəbdə bəzi şeylər üçün valideyn köməyinə ehtiyacı olduğu da danılmaz faktdır..

10 nömrəli məktəbdə Arif Paşa (direktor) həzrətləri tərəfindən elə bir "vəziyyət" qurulub ki, valideynin duxu çatmır ki, "Çin Səddi" olan məktəbin qapısından içəri daxil olsun.

Elə bir hal baş verərsə, ani şəkildə sinif müəlliməsinin və valideynin üstünə xadimələr tərəfindən hücum çəkilir və birbaşa tapşırıq direktor tərəfindən verildiyi bildirilir!

Bu, nə deməkdir? Bu, hansı qanundur?

Təhsil ocağı kiminsə dədəsinin daşınmaz əmlakı və ya imarəti deyildir.

Təhsil ocağı dövlətin və xalqındır!

16.09.2022-ci il tarixdə şahidi olduğum məsələ bütün əsəblərimi korlayıb. Təsəvvür edin saat 10:30-da birinci siniflərin dərsi bitir və valideynlər məktəbə daxil olaraq övladların məktəbdən götürür. Məndə bütün valideynlər kimi içəri daxil oldum və sinif qarşısında gözlədim ki, müəllimə dərs tapşırıqlarını bitirsin və övladımı götürüm. Bu zaman bir xadimə üstümüzə elə gəldi ki, elə bildim valideynlərin hansınınsa çantasında bomba var və məktəbdə terror aktı törədəcək.

Biranlıq susub dayandım və gördüm ki yox, "paşa həzrətləri"-nin tapşırığına əsasən valideyn məktəbə daxil ola bilməzmiş deyə, xadimə səsin atıb başına..

Xadimə birbaşa valideynlərin qisasın sinif müəlliməsindən almağa çalışdı sanki.

Sinif müəlliməsinə elə qışqırdı ki, elə bil xadimə yox direktor idi.. Çünki o, tərbiyə və təlimatı direktordan almışdı..

Xadimə, daha sonra məktəbin rəhbər vəzifəsində çalışan bir xanımı çağırdı və sinif müəlliməsin el dili ilə desək danlatdırdı.. Həqiqətən sinif müəlliməsinin heçbir günah olmadan danlaq alması mənə çox pis təhsir etdi. Müəllimə danlanan zaman, xadimənin üzündə ki sevinc ifadəsi hələdə gözümün önündən getmir..

Mən 7 il mətbuat sahəsində çalışmışam və kurs bitirən jurnalist kimi hərzaman ali təhsilli jurnalistlərə sayğı ilə yanaşmışam. Onların qarşısında yerimi bilmişəm. Bəzən onlar bilmədiklərini bilsəm belə, susmuşam və ya sakitcə özlərinə bildirmişəm ki, biz bunu belə etməliyik.

Ən azından xadimə xanım düşünməlidir ki, müəllimin ondan böyük təhsili var və heçbir xanıma səs tonunu yüksəltmək yaraşmır.

Doğrudur mən bu mövzuda xadiməni qismən qınayıram. Çünki onların işi təmizlikdən ibarət olsa da, bununla yanaşı direktorun əmrin icra edirlər..

Birdaha vurğulayıram ki, Salyan Regional Təhsil Şöbəsi hökmən 10 nömrəli məktəbə nəzarət etməli və məktəbdən "cəza çəkmə müəssisəsi" qanunlarını yığışdırmalıdır! //hurriyyet.az//

"Azərbaycann Reallığı"na vətəndaş Kərimov Əbdüləli tərəfindən şikayət ünvanlanıb.

Şikayətdə bildirilir:

Hörmətli media nümayəndələri!

28 oktyabr 2017 ci ildə, Bakı şəhəri N.Nərimanov rayonu, Firdovsi Məmmədov küç 11, mən 14; 15 də daimi ailəmizlə yaşadıqımı, evin pilot layihə əsasında sökülmüşdür.

Pilot layihəni icra edən yani evimizi söküb tikən şirkət "İnteks"MMC olub.

Bizə evimizin söküntüsü zamanı özünü şirkətin səlahiyyətli nümayəndəsi kimi təqdim edən, Fərid Şabanov adlı şəxs verdiyi vədləri, göstərdiyi formal avropa stilli, italyan oboylu yüksək keyfiyyətli təmirli şəkillərlə bizi evimizdən çıxarmaqa razı saldı.

Təəssüflər olsun ki, bu verilən vədlər elə vəd olaraqda qaldı.

Lakin bina 3 il müddətində rəsmi müqavilə ilə hazır olacaqı deyilsdə 3 ildən sonram illərlə gecikərək sonda tikintisi başa çatmaq üzrə olduqu halda bizim iştirakımız olmadan, bizə düşən iki mənzili verdilər. Biz bizə düşən mənzilə baxış keçirmək istəsəkdə, hər dəfəsində süni maneələr yaradaraq mənzilə baxmaq şansının hələ olmadıqını bildirdilər.

Lakin bir müddətdən sonra, guya bizə avropa standarlarına cavab verəcək mənzilimizi ortaya çıxardılar,

Vətəndaş iddia edir ki,mənzilə daxil olanda mənzildə avropa standarlarından başqa, italyan oboylarından, başqa mənzildə keçmiş SSR zamanındaki standartlara cavab verən bir mənzillə qarşılaşdıq.

Mən mənzili qəbul etmədim ona görə ki, mənim keçmiş mənzilimdə hər bir otaqda pəncərə var idi, eyvan var idi, və təmirim isə əla vəziyyətdə idi.

Şirkətdən tələb etdiyim haqlı haqqımnan mənə verilən vəd düşəcək mənzili istəsəmdə, onlar israrla bildirdilər ki, budur istəyirsən yaşa! İstəyirsən imtina et! Hara istəyirsən şikayətini bildir!

Vətəndaş iddia edir ki, bu şəxslərə bildirdikdə ki, Fövqalada hallar naziri Kəmaləddin Heydərova şikayət edəcəm,Baş prokuror Kamran Əliyevə şikayət edəcəm. İnteks MTK İcraçı direktoru Fərid Şabanovun cavabı isə arxayınlıqla belə olub:"Kəmaləddin Heydərov kimdi? Baş prokuror kimdi?" Elə eləmə ki səni məhkəmələrdə süründürüb sənə düşən payıda əlindən alım.

Etibarlı mənbədən əldə etdiyimiz məlumatda bildirilir ki, "İnteks"MTK iş adamı kimi tanınan Ruslan Məmmədova aiddir.Etibarlı mənbədən əldə etdiyimiz məlumata görə Ruslan Məmmədov bir vaxtlar bir iki dövlət məmurları ilə biznes ortaqlıqı olduquda bildirilir.

İş adamı Ruslan Məməmdov şirkəti "İnteks"MTK bir çox vətəndaşları şikayətlərə səbəb olacaq qədər incidir narazıçılıqlar yaradir, buna şahid olmaq elədə çətin deyil. İnternet resurslarında "İnteks"MTK yazıb axtarış verə bilərsiz və əldə etdiyiniz nəticələrdən edilən şikayətlərdən haraylardan agah ola bilərsiz. //"Azərbaycann Reallığı"//

"Yolumuzdan yazın, mavi yanacağımızdan yazın, heç bir xəstəyə şəfa olmayan, dağılmış tibb məntəqəmizdən yazın… Bir azdan kənddə adam qalmayacaq, hamı şəraitli yer axtarır getməyə, ondan yazın. Çətinliyin də bir həddi var, biz o həddi də çoxdan keçmişik, yazın…”.

Ötən il Lənkəranın Gəgiran kənd sakinləri Meydan TV-yə kənddəki yol problemindən danışmışdı. Hazırda onlar yenə şikayətçidirlər.

Deyirlər ki, problem ictimailəşdirilsə də, aidiyyəti qurumlar kənddə heç bir iş görməyib.

Problemlərdən danışan kəndlilər deyir, heç nə həllini tapmır, əvəzində problemləri mediaya ötürənlər "başağrısına” düşür. Ona görə də sakinlər adlarının anonim saxlanmalarını istəyiblər.

"Xəstələrimiz yolda keçinir”

Rayon mərkəzindən 36 km aralıda, ucqar dağ ərazisində yerləşən kəndin əhalisinin sayı 3500 civarındadır. Ümumilikdə Gəgiran ərazi dairəsi 3 kəndi, Gəgiran, Jidi və Dıryan kəndlərini özünə birləşdirir.

Sakinlər deyirlər ki, kəndə giriş çətin olduğundan UAZ tipli maşınlardan istifadə edirlər. Yollar gah körpüsü olmayan kiçik çayların üzərindən, gah daşlı-kəsəkli, ən dözümlü maşınların belə tab gətirə bilmədiyi ərazilərdən keçir.

Payız, qış aylarında bu yollar daha keçilməz olur: "Qışda kəndə giriş və çıxış qeyri-mümkündür. Həftələrlə mərkəzə gedib-gələ bilmirik. Bəzən xəstələrimiz elə yolda keçinir”.

Məktəb var, yol yoxdur

Ötən il kənddə məktəb tikilib. Ancaq belə getsə, məktəbin qapısı da qıfıllı qalacaq. Çünki yağış yağanda uşaqlar üçün palçıqlı məktəb yollarında addımlamaq daha da çətinləşir.

Yolsuzluq əsasən heyvandarlıq və əkinlə məşğul olan kəndlilərə məhsullarını bazara aparmaqda da əngəllər yaradır. Bu səbəbdən də kəndlilər artıq təsərrüfata üstünlük vermirlər. Kəndlilər Sovet vaxtı çayçılıqla məşğul olub. 30 ildir ki, çayçılıq təsərrüfatı yoxdur. İşsizlik üzündən gənc ailələr kəndi tərk edir.

Gəgiranın dərdi təkcə bunlar deyil. Kənddəki tibb məntəqəsi beş ilə yaxındır tikilib, ötən beş ildə fəaliyyət göstərməyib, dağılıb. 3500 sayda insana tibbi xidmət göstərən yoxdur.

Meşədəki çöpün də sorğusu var

Kəndin daha bir vacib məsələsi mavi yanacaqla bağlıdır. Kəndlilər deyir, artıq havalar soyuyub, baltanı əlinə alıb kimisi həyətindəki ağacları kəsir, kimisi maşınla odun alır, imkanı olmayanlar da qonşu qapılarını döyür:

"Meşəyə girişimizi də qadağan ediblər. Meşədən quru çöp götürüb evinə gətirəni də ora-bura çəkib sorğu-sual edirlər. Bir az işıq cəhətdən problem yoxdur. Ancaq məcburuq ki, istiliyi elektrik cihazları qoşmaqla təmin edək. Bu isə o deməkdir ki, bir azdan elektrik kabellərimiz də yüklənməyə dözməyib sıradan çıxacaq. Bir sözlə, adamlar belə yaşamaqdan bezib”.

Lənkəran Şəhər İcra Hakimiyyətindən Meydan TV-yə bildirilib ki, avqustun 17-də icra başçısı Taleh Qaraşov Gəgiranda səyyar görüş keçirib, kənd sakinlərinin problemlərini dinləyib. Bu problemlərin aradan qaldırılması üçün aidiyyəti qurumlara müraciət olunub. //Meydan TV//

Rabitə və Yüksək Texnologiyalar Nazirliyinin (indiki Rəqəmsal İnkişaf və Nəqliyyat Nazirliyi) sabiq Aparat rəhbəri Vidadi Zeynalov mülklərini geri istəyir.

DİA.AZ-ın Qaynarinfo-ya istinadən məlumatına görə, sabiq Aparat rəhbəri bununla bağlı Ali Məhkəməyə müraciət edib. İşə İspəndiyar Şəfiyevin sədrliyi ilə baxılacaq.

Vidadi Zeynalov özü ilə yanaşı, ailə üzvlərinin və yaxın qohumlarının adına olan əmlaklarını da geri istəyir.

Bunun üçün onun həyat yoldaşı Şura Zeynalova, oğlanları Pərviz Zeynalov və Zeynal Zeynalı, yaxın qohumu Natavan Zeynalova da məhkəməyə müraciət edib.

Məhkəmədə cavabdeh kimi Baş Prokuror yanında Korrupsiyaya qarşı Mübarizə Baş İdarəsi göstərilib.

2015-ci ilin noyabr ayının 13-də həbs edilən, 2017-ci il iyulun 27-də Bakı Ağır Cinayətlər Məhkəməsinin hökmü ilə barəsində 13 il müddətinə azadlıqdan məhrumetmə cəzası seçilən və 15.03.2019-cu ildə azadlığa buraxılan V.Zeynalovun üzərinə həbs qoyulmuş əmlakların ümumi dəyəri 43 milyon 489 min 537 manat təşkil edir. Onun xaricdə də qiyməti milyonlarla olan əmlakları var.

Həmin əmlakların tam siyasını təqdim edirik:

1. Nərimanov rayonu, Məsud Əlizadə küçəsi, 138 və 140 saylı qeyri-yaşayış sahəsi (Zeynalova Natəvan Hüsü qızı) - dəyəri 14 milyon 445 min;
2. Nərimanov rayonu, Akademik M.Qaşqay küçəsi, 110 saylı ünvanda yerləşən mənzil (Zeynallı Pərviz Vidadi oğlu) - dəyəri 6 milyon 944 min;
3. Xətai rayonu, Telnov küçəsi, ev 24, mənzil 38 (Zeynallı Pərviz Vidadi oğlu) - dəyəri 125 min;
4. Nobel prosepekti, məhəllə 1212, ev 15, mənzil 260 (Seyidova (Zeynalova) Əminə Zeynal qızı) - dəyəri 500 min;
5. Yasamal rayonu, 533 məhəllə, Qutqaşınlı küçəsi, blok 2, 3-cü mərtəbə, mənzil-33 (Kərimov Fuad Hüsü oğlu) - dəyəri 148 min;
6. Yasamal rayonu, 533 məhəllə, Qutqaşınlı küçəsi, blok 2, 3-cü mərtəbə, mənzil-34 (Kərimov Fuad Hüsü oğlu) - dəyəri 128 min;
7. Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 44 (Nuriyev Bəxtiyar Çingiz oğlu) - dəyəri 157 min;
8. Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 45 (Nuriyev Bəxtiyar Çingiz oğlu) - dəyəri 138 min;
9. Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 46 (Nuriyev Bəxtiyar Çingiz oğlu) - dəyəri 120 min;
10. Yasamal rayonu, M.Fətəli küçəsi, 107 saylı ünvanda yerləşən ümumi sahəsi 40.5 kv m olan mənzil (Cəfərova (Zeynalova) Kəmalə Zeynal qızı) - dəyəri 60 min;
11. Binəqədi rayonu, Biləcəri qəsəbəsi, X.Malik-Aslanov küçəsi, 5C saylı ünvanda yerləşən qeyri-yaşayış binası (Zeynalova Lalə Vidadi qızı) - dəyəri 2 milyon 45 min;
12. Binəqədi rayonu, Əcəmi Naxçıvani küçəsi, ev 13C, mənzil 143 (Zeynalov Zeynal Vidadi oğlu) - dəyəri 110 min;
13. Qaradağ rayonu, Sənqəçal qəsəbəsi, Əsas küçə, ev 25 (Zeynallı Zeynal Vidadi oğlu) - dəyəri 620 min;
14. Qaradağ rayonu, Şanqar qəsəbəsi ünvanında yerləşən 15 ha torpaq sahəsi (Zeynallı Pərviz Vidadi oğlu) - dəyəri 135 min 400 manat;
15. Səngəçal qəsəbəsi, Əsas küçə, ev 29 ünvanında 0,0472 ha torpaq sahəsi və üzərində yerləşən fərdi yaşayış evi - dəyəri 1 milyon 500 min;
16. Səbail rayonu, M.Mənsur küçəsi, ev 39, mənzil 13, 14, 15 - dəyəri 300 min;
17. İstiqlaliyyət küçəsi, ev, mənzil 28 (Zeynalova Şura Məhəmməd qızı) - dəyəri 92 min;
18. Səbail rayonu, Telman Bağırov küçəsi, ev 6, 4, 10, 2/6 mənzillər (Zeynalova Lalə Vidadi qızı) - dəyəri 349 min;
19. Səbail rayonu, M.Mənsur küçəsi, M.Mənsur küçəsi, ev 59, mənzil 10 (Zeynalova Lalə Vidadi qızı) - dəyəri 51 min;
20. Xətai rayonu, Xocalı prospekti, ev 24, mənzil 40- (Zeynalova Natəvan Hüsü qızı) - dəyəri 82 min;
21. Nərimanov rayonu, Akademik M.Qaşqay küçəsi, 110 saylı ünvanda yerləşən mənzil (Zeynallı Pərviz Vidadi oğlu) - dəyəri 6 milyon 944 min;
22. Nərimanov rayonu, Akademik M.Qaşqay küçəsi, ev 11, 3a, mənzil 5,6, 6A, 7, 8 və ümumi sahələri 43,6 kv m, 61 kv m olan məzillər, (Zeynallı Pərviz Vidadi oğlu);
23. Nərimanov rayonu, C.Hacıbəyli küçəsi, ev 129b (Zeynallı Pərviz Vidadi oğlu) - dəyəri 1 milyon 900 min;
24. Nərimanov rayonu, H.Əliyev prospekti, ev 68, mənzil 33, (Seyidova (Zeynalova) Əminə Zeynal qızı) - dəyəri 215 min;
25. Nərimanov rayonu, F.X.Xoyski prospekti, 132 saylı ünvanda yerləşən qeyri-yaşayış binası (Seyidova (Zeynalova) Əminə Zeynal qızı) - dəyəri 310 min;
26. Nərimanov rayonu, A.M.Cümə küçəsi, ev 10, mənzil 10 (Cəfərovov (Zeynalova) Kəmalə Zeynal qızı) - dəyəri baxılmayıb;
27. Nəsimi rayonu, Abbas Səhət küçəsi, ev 5A (Zeynalov) Zeynal Vidadi oğlu) - dəyəri 1 milyon 100 min;
28. Nəsimi rayonu, Mir Cəlal küçəsi, ev 2A, mənzil 98 (Zeynallı Pərviz Vidadi oğlu) - dəyəri 52 min;
29. Nəsimi rayonu, Nəsib bəy Yusifbəyli küçəsi, ev 10B (Zeynallı Pərviz Vidadi oğlu) - dəyəri 1 milyon 100 min;
Ətraflı
30. Nəsimi rayonu, Puşkin küçəsi, 16 saylı ünvanda yerləşən qeyri-yaşayış binası (Zeynallı Pərviz Vidadi oğlu) - dəyəri 550 min manat;
31. Nəsimi rayonu, 28 May küçəsi, 54 saylı evin 17, 17a, 19, 15 saylı mənzilləri və 14 saylı mənzilinin bir hissəsi (Seyidova (Zeynalova) Əminə Zeynal qızı) - dəyəri 250 min;
32. Nəsimi rayonu, Bakıxanov küçəsi, ev 31, mənzil 2 (Seyidova (Zeynalova) Əminə Zeynal qızı) - dəyəri 510 min;
33. Cavadxan küçəsi, 80 saylı fərdi yaşayış evi (Zeynalova Şura Məhəmməd qızı) - dəyəri 1 milyon 400 min;
34. Suraxanı rayonu, Hövsan qəsəbəsinin Şimal-qərbində yerləşən 0,02 ha torpaq sahəsi (Zeynalov Vahid Zeynal oğlu) - 3 min;
35. Xəzər rayonu, Mərdəkan qəsəbəsi, Cəfər Rəmzi küçəsi, ev 48a, 48b (Zeynalova Natəvan Hüsü qızı) - dəyəri 223 min;
36. Nərimanov rayonu, M.Araz küçəsi, ev 56a, mənzil 33-ün (Zeynalova Şura Məhəmməd qızı) - dəyəri 95 min
37. Nərimanov rayonu, M.Araz küçəsi, ev 56a saylı 6 sot torpaq sahəsinin (Zeynalova Şura Məhəmməd qızı) - dəyəri 1 milyon 344 min;
Bunlardan əlavə, Vidadi Zeynalovun nazirliyə məxsus torpaq sahələrini də özəlləşdirdiyi məlum olub. Məhkəmənin qərarı ilə həmin daşınmaz əmlakların üzərinə həbs qoyulmuşdu.
RYTN-ə məxsus V.Zeynalovun özəlləşdirdiyi əmlaklar
38. Xəzər rayonu, Dübəndi bağ sahəsi, RYTN-in b/y-nin 4-cü Şimal küçəsi, 32F saylı bağ sahəsində 0,2782 ha torpaq sahəsi (Zeynallı Pərviz Vidadi oğlu - dəyəri 95 min;
39. Xəzər rayonu, Türkan qəsəbəsi, RYTN-in "Poçt Daşınma Mərkəzi” bağçılıq yoldaşlığının 16 saylı bağ sahəsi (Cəfərova (Zeynalova) Kəmalə Zeynal qızı) - dəyəri 19 min 700 manat;
40. Xəzər rayonu, Mərdəkan qəsəbəsi, Aslanov küçəsi, ev 8-in (Cəfərova (Zeynalova) Kəmalə Zeynal qızı) - dəyəri 180 min;
Vidadi Zeynalovun həbs qoyulmuş rayonlardakı əmlakları
41. Qəbələ rayonu, Bum kəndində 0,90 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) - dəyəri 111 min 500 manat);
42. Qəbələ rayonu, Bum kəndində 1,16 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) - dəyəri 144 min;
43. Qəbələ rayonu, Bum kəndində 0,69 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) - dəyəri 54 min;
44. Qəbələ rayonu, Bum kəndində 0,53 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) - dəyəri 66 min manat;
45. Qəbələ rayonu, Bum kəndində 0,90 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu - dəyəri 115 min;
46. Qəbələ rayonu, Qəmərvan kəndində 0,15 ha torpaq sahəsi üzərində yerləşən fərdi yaşayış evi (Zeynalov Pərviz Vidadi oğlu) - dəyəri 72 min manat;
47. Yevlax rayonu, Kövər kəndində yerləşən 0,33 ha torpaq sahəsi (Zeynalova Şura Məhəmməd qızı) - dəyəri 34 min 600 manat;
48. Yevlax rayonu, Kövər kəndində yerləşən (ailə üzvləri ilə birlikdə ümumi birgə mülkiyyət hüququ) 3,6494 ha torpaq sahəsi (Zeynalov Vahid Zeynal oğlu) - dəyəri 4 min 100 manat;
49. Yevlax rayonu, Kövər kəndində yerləşən 0,26 ha torpaq sahəsi (Məmmədova Adilə Zeynal qızı) - dəyəri 34 min 900 manat;
50. Yevlax rayonu, Kövər kəndində yerləşən 3,0741 ha torpaq sahəsi (Məmmədova Adilə Zeynal qızı) - dəyəri 3 min 500 manat;
51. İsmayıllı rayonuda 1,5632 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 17 min 110 manat;
52. İsmayıllı rayonu, Tircan kəndində 0,83 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 177 min 222 manat;
53. İsmayıllı rayonu, Tircan kəndində 0,29 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 32 min 417 manat;
54. İsmayıllı rayonu, Tircan kəndində 0,52 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 57 min 673 manat;
55. İsmayıllı rayonu, Tircan kəndində 0,17 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 18 min 876 manat;
56. İsmayıllı rayonu, Tircan kəndində 0,86 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 95 min 695 manat;
57. İsmayıllı rayonu, Tircan kəndində 0,18 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 19 min 965 manat;
58. İsmayıllı rayonu, Tircan kəndində 2,01 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) - dəyəri 22 min 63 manat;
59. Lənkəran rayonu, Sağlaküçə kəndində 4,2282 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 57 min 293 manat;
60. Lənkəran rayonu, Sağlaküçə kəndində 3,9185 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 53 min 96 manat;
61. Lənkəran rayonu, Sağlaküçə kəndində 0,3222 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 142 min 842 manat;
62. Lənkəran rayonu, Sağlaküçə kəndində 0,0662 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 28 min 349 manat;
63. Lənkəran rayonu, Sağlaküçə kəndində 0,93 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu - dəyəri 376 min 77 manat;
64. Lənkəran rayonu, Sağlaküçə kəndində 1,4247 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) - dəyəri 21 min 877 manat;
65. Sabirabad rayonu, Cavad kəndində 13,5 ha torpaq sahəsi (Zeynalov Zeynal Vidadi oğlu) - dəyəri 27 min manat;
66. Şamaxı rayonu, Məlhəm kəndində əmək kompleksi kimi müəssisə (Zeynalova Lalə Vidadi qızı) - dəyəri 1 milyon 927 min manat;
67. Şamaxı rayonu, Məlhəm kəndində yerləşən 0,12 ha torpaq sahəsi (Zeynalova Natəvan Hüsü qızı) - dəyəri 24 min;

Habil Məmmədov adına Qaraağaclı tam orta məktəbdə gülünc hadisə baş verib.

Gundem.media bildirir ki, 32gun.az-ın əldə etdiyi məlumata görə, sözügedən məktəbin həyətində qoyun-quzu saxlanılır.

Əldə etdiyimiz məlumata görə, məktəbin həyətində heyvandarlıqla məşğul olan şəxs Samux rayon Təhsil Şöbəsinin keçmiş müdiri, hazırda Gəncə-Daşkəsən Regional Təhsil İdarəsində sektor müdiri kimi çalışan Nurlana Həsənovadır.

Qoyun-quzu Nurlana xanıma məxsusdur.

Məktəb həyətində otarılan heyvanlarla bağlı saytımıza daxil olan görüntüləri təqdim edirik:

Mətbuatda gedən məlumata görə, Nurlana Həsənova Müsavat Partiyasının keçmiş başqanı İsa Qəmbərin yaxın qohumudur.

Qarşı tərəfində mövqeyini dərc etməyə hazırıq.

""Bahar Energy" Əməliyyat Şirkətində hələ də işçilərinin sentyabr ayı üçün əmək haqqlarını ödəməyiblər". Bu barədə DİA.AZ-a işçilər adından daxil olan müraciətdə deyilir.

İşçilərə bildirilib ki, əməkhaqları oktyabrın 25-dən tez olmayacaq. Bu halın bir neçə ildən artıq davam etməsinə baxmayaraq "Bahar Energy" ƏŞ məsul şəxsləri hələ də cəzasızdır.

Onu da qeyd edək ki, indiki halda Bahar ƏŞ tərəfindən ARƏM 5.1.,172.5 pozulduğuna baxmayaraq ,hələ də müvafiq qurumlar tərəfindən şirkətə ARƏM maddə 310. tədbiq olunmayıb.

İşçilərin dediyinə görə, şirkətin bəzi sexlərində işçilərlə Əmək Müqaviləsi deyil, Xidməti Müqavilə bağlanır ki, bunun özü də ciddi qanun pozuntusudur və bütün bunlara etiraz olaraq işçilər dia.az yazır:

""Bahar Energy" ƏŞ-nin benefisiar sahibi kimdir ki, şirkət illərlə ölkə qanunvericiliyini pozduğuna rəğmən, xətrinə dəyən yoxdur? Niyə nə köhnə, nə də təzə komandanın şirkət rəhbərliyinə "dur" deməyə cəsarəti çatmır?"

Məsələ ilə bağlı dia.az olaraq bütün maraqlı tərəfləri dinləməyə hazırıq...