"ABŞ prezidenti Co Bayden İndoneziyada və ya G20 sammitində rusiyalı həmkarı Vladimir Putinlə görüşmək niyyətində deyil" .

Bu barədə Ağ Evin Milli Təhlükəsizlik Şurasının (MTŞ) Strateji Kommunikasiyalar üzrə koordinatoru Con Kirbi onlayn brifinq zamanı bildirib.


“Vladimir Putinlə G20-də görüşmək planı yoxdur və ya hazırda Putinlə bu səviyyədə söhbət etmək niyyətində deyil”, – Kirbi bildirib.

Onun sözlərinə görə, Bayden Ukraynada baş verənləri , o cümlədən son bir neçə gündə baş verənləri nəzərə alaraq, Rusiya ilə “həmişəki kimi” iş aparmağı mümkün hesab etmir.

Ağ Evin sözçüsü onu da qeyd edib ki, Amerika prezidentinin Putinlə Rusiya Federasiyasında məhkum olunmuş ABŞ vətəndaşları Pol Uilan və Britni Qrinerin azadlığa buraxılmasının müzakirəsinin mümkünlüyü barədə sözləri “potensial hipotetik” planda deyilib.

Bundan əvvəl bildirilmişdi ki, İndoneziya G20 sammitində bütün ikitərəfli görüşləri, o cümlədən prezidentlər Vladimir Putin və Co Bayden arasında danışıqları keçirməyə hazırdır.

G20 sammiti noyabrın 15-16- da Balidə keçiriləcək.

“Bizim münasibətlər nə dərəcədə dinamik inkişaf etsə də, Siz dediyiniz kimi, bir çox məsələlər üzrə mövqelərimizi dəqiqləşdirməyə həmişə ehtiyac var”.

Bu fikirləri Azərbaycan Prezidenti İlham Əliyev Astanada Rusiya Prezidenti Vladimir Putinlə görüşdə deyib.
“Biz ölkələrimiz arasında münasibətlərin bu cür inkişaf etməsinə görə çox şadıq. Fikrimcə, bu münasibətlər ən yüksək səviyyəyə - müttəfiqlik qarşılıqlı fəaliyyət səviyyəsinə çatıb və biz bir çox məsələlər üzrə fəal surətdə irəliləyirik”, - Azərbaycan Prezidenti qeyd edib.

Rusiya Azərbaycanın aparıcı iqtisadi-ticari tərəfdaşlarından biri kimi qalmaqdadır və əmtəə dövriyyəsi ötən il 14 faiz, bu ilin ilk 7 ayı ərzində 7 faizdən çox artıb. Bizim iqtisadi operatorlar Azərbaycan iqtisadiyyatına 4,5 milyard dollar sərmayə yatırıblar.

Bunu Astanada Prezident İlham Əliyevlə görüşdə Rusiya Prezidenti Vladimir Putin bildirib.

Hökumətlərarası Komissiyanın həmsədrlərinin müntəzəm görüşdüklərini bildirən Rusiya Prezidenti deyib:

“İşlər Sizin təklif etdiyiniz plan üzrə gedir. Düşünürəm ki, 2024-cü il də daxil olmaqla, Sizin tərəfinizdən təklif olunan bir sıra perspektivli, maraqlı layihələr üzrə gedir. Təbii ki, biz regionda vəziyyətin nizamlanması ilə bağlı məsələləri də həmişə diqqətdə saxlayırıq. Ümidvaram ki, bütün bu məsələlər üzrə bir daha danışmaq fürsətindən də istifadə edəcəyik və mövqelərimizi dəqiqləşdirəcəyik”.

Oktyabrın 13-də Prezident İlham Əliyevin Astanada İran Prezidenti Seyid İbrahim Rəisi ilə görüşü olub.

Bu barədə Azərbaycan liderinin Mətbuat xidməti məlumat yayıb.

***

Görüşdən məmnunluğunu ifadə edən Prezident Seyid İbrahim Rəisi Azərbaycan Respublikasının İran İslam Respublikasının qonşuları içərisində ölkəsi üçün çox vacib tərəfdaş olduğunu bildirdi. Ölkələrimiz arasında iqtisadi-ticari əlaqələrin səviyyəsindən məmnunluğunu bildirən İran Prezidenti dedi ki, İranın Azərbaycanla əməkdaşlığı hərtərəfli inkişaf etdirmək üçün ciddi niyyəti var.
Ətraflı

Prezident İlham Əliyev Azərbaycanın Xəzər dənizində və Cənubi Qafqaz regionunda sülhün və təhlükəsizliyin təmin olunması istiqamətində səylərini davam etdirdiyini dedi.

Dövlət başçısı xüsusilə Xəzəryanı ölkələr arasında münasibətlərin dostluq əsasında inkişafından razılığını ifadə etdi.

Azərbaycanın müstəqil xarici siyasət həyata keçirdiyini vurğulayan Prezident İlham Əliyev bu il sentyabrın 12-13-də Ermənistanın regional vəziyyəti gərginləşdirmək istiqamətində təxribatlar törətdiyini diqqətə çatdırdı. Hazırda Cənubi Qafqazda sülh quruculuğu proseslərinin getdiyini deyən dövlətimizin başçısı bildirdi ki, Azərbaycan irəli sürdüyü 5 prinsip əsasında Ermənistanla sülh müqaviləsinin imzalanmasını təklif edib. Dövlətimizin başçısı Ermənistan tərəfindən siyasi iradə göstəriləcəyi təqdirdə, bu istiqamətdə irəliləyişə nail olmağın mümkünlüyünə inandığını qeyd etdi.

Görüşdə İranla Azərbaycan arasında Ağbənd körpüsünün açılışının həm rəmzi, həm də böyük praktiki əhəmiyyətinin olduğu qeyd edildi.

Söhbət zamanı qarşılıqlı maraq doğuran regional təhlükəsizlik məsələləri barədə fikir mübadiləsi aparıldı.

Oktyabrın 13-ü saat 15:15-dən saat 15:50-dək Ermənistan silahlı qüvvələrinin bölmələri Basarkeçər rayonunun Yuxarı Şorca və İstisu yaşayış məntəqələri istiqamətlərində yerləşən mövqelərindən Ordumuzun Kəlbəcər rayonunun Əlibayramlı və İstisu yaşayış məntəqələri istiqamətlərində yerləşən mövqelərini müxtəlif çaplı atıcı silahlardan istifadə etməklə fasilələrlə atəşə tutub.

Bu barədə Müdafiə Nazirliyi məlumat yayıb.

Azərbaycan Ordusunun qeyd olunan istiqamətlərdə yerləşən bölmələri tərəfindən adekvat cavab tədbirləri görülüb.

"27 Sentyabr 2020-ci ildə başlayıb 44 gün ərzində Azərbaycanın zəfəri ilə bitən II Qarabağ savaşından sonra həm Azərbaycan, həm də dünyada yeni dövrün əsası qoyuldu.
10 Noyabr 2020-ci ildən etibarən Azərbaycanın xarici siyasət strategiyada yeni konsepsiyaya keçməsi getdikcə öz məntiqi nəticəsini verməkdədir".

Bu barədə “Sherg.az”a Beynəlxalq Münasibətlər və Diplomatiya Araşdırmaları Mərkəzinin rəhbəri, politoloq Samir Hümbətov bildirib. O qeyd edib ki, Azərbaycanın seçdiyi xarici siyasi strateji xətt çoxşaxəli xarici siyasət strategiyasından ibarətdir:
" Azərbaycan bir tərəfdə Ermənistanı sülhə məcbur edib, Zəngəzur dəhlizini açmağı hədəfləyir. Digər tərəfdə Avropa ilə enerji sahəsində əməkdaşlığı dərinləşdirir. Naxçıvana keçid üçün İranla anlaşmaya imza atır. Ukrayna müharibəsindən öncə Rusiya ilə müttəfiqlik müqaviləsi imzalayır. Həmçinin Özbəkistanda Şanxay Əməkdaşlıq Təşkilatının dialoq ortağı olaraq sammitə önəmli tərəf kimi qatılır. Avropa Siyasi Birliyinin Praqada keçrilən ilk sammitinə dəvət alır və orada 30 ildən sonra Avropanın gözü önündə Ermənistana Azərbaycanın ərazisini tanıtmağı bacarır.

Nəhayət, bütün türkdilli dövlətlərlə müttəfiqlik haqqında sənədə qol çəkir. Asiyada təhlükəsizlik və əməkdaşlıq platformasında aktiv şəkildə iştirak edir.

Azərbaycan ən çətin vəziyyətdə belə dünyanın mövcud şərtlərini nəzərə almaqla yanaşı, həm də balanslı xarici siyasət qurmaqla, öz təhlükəsizliyini təmin etməklə region və dünya dövlətləri ilə aktiv xarici siyasət yürüdür. Ən başlıca şərt siyasəti və onun şərtlərini bilməkdən asılıdır.

Azərbaycan prezidenti cənab İlham Əliyevin uzun dövlətçilik təcrübəsi və dərin siyasi savadı imkan verir ki, hətta kiçik dövlət olmağımıza baxmayaraq, əlimizdə olan maddi və mənəvi resurslarımızdan səmərəli şəkildə faydalanmaqla dünyanın nəhəng dövlətləri ilə bir masada nüfuz mübarizəsi apara bilək".

Qeyd edək ki, Prezident İlham Əliyev oktyabrın 13-də Astanada Asiyada Qarşılıqlı Fəaliyyət və Etimad Tədbirləri üzrə Müşavirənin 6-cı Zirvə Toplantısının plenar iclasında çıxış edib. Ölkəmizin başçısı Zəngəzur dəhlizi məsləsinə toxunaraq qeyd edib:
"Azərbaycan Orta Dəhlizin önəmli hissəsini təşkil edəcək Zəngəzur dəhlizinin yaradılmasını fəal şəkildə təşviq edir. Hörmətli həmkarlar, Azərbaycan tərəfindən həyata keçirilən genişmiqyaslı nəqliyyat infrastrukturu layihələri ölkəmizi ən mühüm beynəlxalq nəqliyyat və logistika mərkəzlərindən birinə çevirib. 2022-ci ilin ilk doqquz ayı ərzində Azərbaycan ərazisindən keçən tranzit təxminən 65 faiz artıb. Azərbaycan Şərq-Qərb və Şimal-Cənub nəqliyyat dəhlizlərinin inkişafına mühüm töhfələr verir. Azərbaycan Orta Dəhlizin önəmli hissəsini təşkil edəcək Zəngəzur dəhlizinin yaradılmasını fəal şəkildə təşviq edir".

Son dövrlərdə idaretmə orqanlarında gəncləşdirmə siyasəti özünü aydın formada büruzə verməkdədir. Bu siyasətin məntiqi nəticəsi olaraq bir sıra yüksək vəzifələrə gənc kadrlar təyinat alıblar.

Lakin ölkəmizdə hakimiyyətin icredici qolunun ikinci pilləsi olan Nazirlər Kabinetində müxtəlif vaxtlarda təmsil olunmuş məmurlar var ki, illərlə yüksək vəzifələr icra ediblər.

Gundem.media bildirir ki, Bizim.Media bu cür məmurların siyahısını hazırlayıb:

Yaqub Eyyubov

Baş nazirin birinci müavini Yaqub Eyyubov 2003-cü ildən etibarən bu vəzifəni icra edir. Artıq baş nazirin I müavini kimi 19 illik staja malik olan Y. Eyyubov 1999-2003-cü illərdə Baş nazirin müavini kimi fəalliyət göstərib.

Şahin Mustafayev

2019-cu ildən etibarən Baş nazirin müavini olan Şahin Mustafayev əvvəlki illərdə də bir sıra yüksək vəzifələrdə çalışıb. O, 2008-13-cü illərdə iqtisadi inkişaf, 2013-16-cı illərdə iqtisadiyyat və sənaye, 2016-19-cu illərdə isə iqtisadiyyat naziri kimi çalışıb.

Samir Şərifov

Azərbaycan Respublikasının sayca 5-ci maliyyə naziri olan Samir Şərifov da NK-nin stajlı üzvlərindəndir. O, 2006-cı ildən etibarən bu vəzifədədir.

Nazirlər Kabinetinin əvvəlki üzvləri içərisində də uzun müddət vəzifə tutmuş məmurların sayı kifayət qədərdir:

Artur Rəsizadə

Sabiq Baş nazir Artur Rəsizadə 2003-2018-ci illərdə bu yüksək vəzifəni icra edib.

Hüseynqulu Bağırov

Ekologiya və Təbii Sərvətlər Nazirliyinin sabiq rəhbəri Hüseynqulu Bağırov 2001-2018-ci illər arasında sözügedən vəzifəni 17 il icra edib. O, 2000-2001-ci illərdə ticarət naziri vəzifəsində olub.

Ramil Usubov

Müstəqillik dönəmində ən uzun müddət nazirlik kürsüsündə əyləşmiş şəxslərdən biri də məhz sabiq daxili işlər naziri Ramil Usubovdur. O 1994-2019-cu illərdə, düz 25 il nazir vəzifəsində olub.

Əli Həsənov

Qaçqınların və Məcburi Köçkünlərin İşləri üzrə Dövlət Komitəsinin sabiq sədri Əli Həsənov 1998-2008-ci illərdə bu vəzifəni icra edib. Buna paralel olaraq o, 1998-2019-cu illərdə Baş nazirin müavini kimi NK-da yer alıb.

Fazil Məmmədov

Sonradan ləğv edilən Vergilər Nazirliyinə Fazil Məmmədov 2000-2017-ci illərdə rəhbərlik edib.

Oqtay Şirəliyev

Eks səhiyyə naziri Oqtay Şirəliyev də stajlı nazirlərdəndir. O, 2005-2021-ci illərdə nazir kürsüsündə əlyəşib.

Ziya Məmmədov

Sabiq nəqliyyat naziri Ziya Məmmədov 15 il bu vəzifəni icra edib. O, 2002-2017-ci illərdə Nazirlər Kabinetində olub.

Əbülfəs Qarayev

Sabiq mədəniyyət naziri Əbülfəs Qarayev 26 il Nazirlər Kabinetində olub. O, 1994-2001-ci illərdə gənclər və idman, 2001-2006-cı illərdə gənclər, idman və turizm, 2006-2018-ci illərdə mədəniyyət və turizm, 2018-2020-ci illərdə isə mədəniyyət naziri vəzifəsində çalışıb.

Şəmkir rayonunun Şiştəpə kəndi məişət tullantılarının içərisində itib-batır.

İş o yerə çatıb ki, kəndə yolu düşənlər zibilxanaya düşdüklərini hesab edirlər.

Kəndin hər küçəsində, hər döngəsində qalaq-qalaq zibil topaları var. Üstəlik problem dünənin, bu günün deyil, illərin problemidir.

"Məişət tullantıları daşınmır deyə, kimin əlinə nə keçir gətirib atır bura", -sakinlər narazılıq edirlər.

İctimai nəzarət yoxdur

Kənd diqqətdən o qədər kənarda qalıb ki, görən deyər, bu kəndin nə icra nümayəndəsi var, nə də bələdiyyəsi. Sakinlər bütün problemlərin ictimai nəzarətin olmamasından qaynaqlandığını hesab edirlər. Deyirlər ki, kifayət qədər problem var, lakin heç kim bu haqda danışmaq istəmir. İnsanlar tələb edərsə, aidiyyatı qurumlar da məsuliyyətlərini dərk edərlər.

Başlı-başına qalmış kənd zibil içində boğulur

Şiştəpə kəndində 6000-dən artıq sakin yaşayır. Zibilxanaya çevrilmiş kənddə ümumiyyətlə zibil konteyneri qoyulmayıb. Vaxtilə Şiştəpədə vəziyyət fərqli olub. Kəndin ərazisindən keçən çayın üzərində körpü tikilib. İndi kəndin ərazisində daha çox zibil atılan ərazi sözügedən çay yatağıdır.

Məsələ ilə bağlı Şiştəpə kənd bələdiyyəsinə üz tutduq. Rəsmi qurumdan bildirildi ki, problem tez bir zamanda həllini tapacaq.

DİA.AZ mövzu ilə bağlı Belediyye.net-in sujetini təqdim edir:

""Bolt" və "Uber" taksi şirkətləri Azərbaycandakı şirkətlər arasında xaotik vəziyyət yaradıb. Həm də bazarda olan süni qiymət sayəsində manapoliya quraraq, bunun adını rəqabət qoyurlar. Bununla da digər taksi şirkətlərini sıradan çıxarırlar".

DİA.AZ xəbər verir ki, bunu Sonxeber.az-a nəqliyyat üzrə ekspert Elməddin Muradlı deyib.

O bildirib ki, söhbət iqtisadi inkişafdan, xarici investorların Azərbayacana cəlb edilmısindən gedirsə, "Uber" və "Bolt" taksi şirkətlərinin, eləcə də "Yango" və "Maxim"in bizim ölkəyə heç bir xeyri yoxdur.

"Ziyanı isə çoxdur. Azərbaycanda qazandıqları pulları aparıb xaricdə, bəzən də ermənilərin arasında yeyib kef edirlər, biz də burda hər gün qəzaya baxırıq, sürücülər itin zülmünü çəkir, qəpik-quruşa taksi sürürlər.

Bütün bunları nəzərə alaraq deyirəm ki, bu şirkətlərin hamısı Azərbaycandan qovulmalıdır. Yerli şirkətlər inkişaf etməlidir. Vahid taksi qiyməti müəyyən edilən kimi "Bolt" və "Uber" ləğv olunmalıdır. Onlar bizim yerli şirkətləri məhv edib. Onlar bizə hər gün qəza yaşadır, onların sayəsində Prius kimi avtomobil modeli gözdən düşüb".