G7 liderləri mümkün qədər tez bir zamanda Ukraynada atəşkəs əldə olunmasına çağırış edib.

“Böyük yeddilik” liderləri Rusiyanı Ukraynada atəşkəs barədə razılığa gəlməyə və qoşunları çıxarmağa çağırıb.

Zamantv.az "RİA Novosti"yə istinadən xəbər verir ki, bu barədə Almaniya kansleri Olaf Şolz bildirib ki,
“Biz Rusiya Prezidentini atəşkəs haqqında razılığa gəlməyə və mülki əhalinin təchizatı və təxliyyəsi üçün humanitar dəhlizlər yaratmağa çağırırıq. Rusiya qoşunları Ukraynadan çıxarılmalıdır”, - deyə Şolts G7 liderlərinin görüşündən sonra Brüsseldə keçirilən mətbuat konfransında bildirib.

Almaniya kansleri bildirib ki, ölkəsi Rusiyanı diplomatik həll yolu axtarmağa sövq etmək üçün bütün gücündən istifadə edəcək.

“G7-dəki bütün tərəfdaşlar əhatəli sanksiya paketləri qəbul edib. Biz bu gün sanksiyalar tədbirlərini diqqətli şəkildə həyata keçirməyi öhdəmizə götürmüşük”, - deyə Şolts əlavə edib.

Sabunçu rayonunda yol qəzası baş verib.

Zamantv.az xəbər verir ki, Ramana qəsəbəsində yoldan çıxan “Tofaş” markalı avtomobil su kanalına düşüb.

Hadisə yerinə Fövqəladə Hallar Nazirliyinin əməkdaşları, Təcili Tibbi Yardım briqadası və polis əməkdaşları cəlb olunub.
İlkin ehtimala görə, hadisəyə səbəb avtomobilin yüksək sürətlə idarə olunması olub.

Faktla bağlı araşdırma aparılır.

Böyük Britaniyanın Baş naziri Boris Conson bugünkü NATO sammiti və G7 toplantısından sonra mətbuat konfransı keçirib.

Zamantv.az APA-nın Britaniya bürosuna istinadən xəbər verir ki, Boris Conson bildirib ki, Böyük Britaniya Ukraynaya yardımı artırmaq üçün müttəfiqləri ilə işləyəcək.

Baş nazirin sözlərinə görə, Britaniya Ukraynaya göstərdiyi yardımı ikiqat artıracaq. O, həmçinin Ukraynaya əlavə 6 min raketin göndəriləcəyini deyib.

“Biz uzunmüddətli perspektivdə azad və demokratik Ukraynanı dəstəkləməliyik”,- deyə Boris Conson açıqlamasında bildirib.

O, qeyd edib ki, Ukrayna tək deyil və Britaniya Kiyev, Mariupol, Lvov və Donetsk xalqının yanındadır.

Böyük Britaniyanın Baş naziri Ukraynanın hava məkanının bağlanmasının mümkün olmayacağını deyib.

Baş Nazir bildirib ki, bu Hərbi Hava Qüvvələrinin Rusiyanın sürətli təyyarələrini vurması deməkdir. O, NATO-da heç bir ölkənin bunu etməyəcəyini bildirib.

Boris Conson qeyd edib ki, NATO Ukraynanı havadan müdafiə etmək üçün raketlərlə təmin etmək fikrindədir.

“Bir aylıq müharibədən sonra sizdən tələb etdiyim yeganə şey ordumuz naminə xahişdir – Rusiyaya qarşı belə müharibədən sonra daha bizə deməyin ki, ordumuz NATO standartlarına cavab vermir”.

Zamantv.az xarici mediaya istinadən xəbər verir ki, bunu Ukrayna Prezidenti Vladimir Zelenski NATO-ya üzv ölkələrin liderlərinin bu gün keçirilən fövqəladə toplantısında çıxışı zamanı deyib.

Prezident NATO liderlərini qınayıb ki, silahların alınması Alyansın siyasi qərarlarından asılıdır:

Rəsmi İrəvan destruktiv addımları ilə Bakını məcbur edir ki, daha sərt tədbirlərə əl atsın. 10 noyabr üçtərəfli bəyanatından təxminən il yarım keçməsinə baxmayaraq Ermənistan bu müddət ərzində üzərinə götürdüyü öhdəliklərdən yayınmaq məqsədilə manipulyativ cəhdlərdən başqa heç nə etmir.

Rusiya-Ukrayna cəbhəsindəki gərginlik fonunda rəsmi Bakı İrəvanı ipə-sapa yatırmaq üçün, oxları üzərinə döndərməmək məqsədilə daha düşünülmüş, güc faktorunun bir qədər arxa planda qalacağı gedişlər etməklə Ermənistan rəhbərliyini adekvat addım atmaq məcburiyyətində qoymaq haqda düşünür. Bunun ilk nümunəsini günlər öncə Ermənistanın son kartını əlindən alan İranla aramızda imzalanan Anlaşma Memorandumunu misal göstərmək olar. Bu zamana kimi Ermənistan hərbi-siyasi rəhbərliyi əgər Zəngəzur dəhlizi kartından aktiv istifadə edərək Azərbaycan qarşısında vaxt qazanmaq, revanşist qüvvələrə dirçəlmək şansı vermək haqda düşünürdüsə, rəsmi bakı Ermənistanı imzalanan Memorandumla həmin fürsətdən məhrum etdi.

Lakin Ermənistan vədinə naxələf çıxmaqla, ikili oyun oynamaqla Azərbaycanı daha sərt tədbirlər görmək məcburiyyətində qoyur. Elə bu səbəbdən də Azərbaycan Ordusunun nəzarətindəki ərazilərimizdə boru xəttində baş verən qəza sonrası Qarabağın dağlıq hissəsinin qazla təminatı məsələsində ciddi problemin yaranması Ermənistanın işini bir az da müşğülə saldı. Artıq iki həftədən artıqdır yaranan istilik problemi Xankəndində, Xocalıda separatçı rejim qalıqlarının yaşayışını dözülməz həddə çatdırıb. Artıq Rusiya sülhməramlılarının bu cür problemlərə müdaxilə imkanlarının məhdudlaşdığının şahidiyik. Bu vaxta kimi kontingentin müvəqqəti nəzarət zonasındakı ermənilərin məişət problemlərinin həllində böyük canfəşanlıq nümayiş etdirən sülhməramlılar artıq gözə dəymir. Təbii ki, onlar da bu vəziyyətdən məmnun deyillər. Lakin rəsmi Bakı Rusiya-Ukrayna müharibəsi fonunda vəziyyəti düzgün qiymətləndirməklə, Moskvanın Qarabağda manevr imkanlarını məhdudlaşdırmış kimi göründü.

Elə bu səbəbdən də Ermənistan höküməti dərhal prosesə Qərbin müdaxiləsini vacib bildi. Qarabağdan qaçan yüzlərlə erməninin (Qarabağda yaşayan ermənilərin sayı barədə Azərbaycan rəsmiləri 25 min, Rusiya sülhməramlıları 50 min nəfər ifadəsi işlədir. Ermənistan XİN isə bu rəqəmi süni şəkildə 3-4 dəfə artırıb – red) qarşısını kəsmək üçün istilik probleminin həllinə çalışan Ermənistan XİN Qarabağda qazın kəsilməsinə görə Azərbaycan hökumətini günahlandırıb və beynəlxalq qurumlara çağırış edib.

Türkiyə “Akkuyu” AES-dən elektrik enerjisi satışından 40 milyard dollardan çox gəlir əldə edəcək.

Zamantv.az xəbər verir ki, bunu “Akkuyu Nükleer” şirkətinin baş direktoru Anastasiya Zoteyeva bildirib.

“Ölkə iqtisadiyyatının və elektrik enerjisinə tələbatın artımını nəzərə alsaq, Türkiyə tərəfinə ödənişlərin məbləği 40 milyard dolları keçə bilər. Vergilərin və sosial ödənişlərin məbləği isə daha çox olacaq”, – deyə o, qeyd edib.

Xatırladaq ki “Akkuyu” AES Türkiyədə tikilməkdə olan ilk atom elektrik stansiyasıdır. Layihə Rusiya Federasiyası ilə Türkiyə arasında 2010-cu il mayın 12-də bağlanmış əməkdaşlıq haqqında hökumətlərarası saziş əsasında həyata keçirilir. Bu günə qədər layihə tam şəkildə Rusiya tərəfindən maliyyələşdirilir.

“Akkuyu Nükleer” şirkətinin əsas səhmdarı “Rosatom” Dövlət Korporasiyasıdır.

Zamantv.az xəbər verir ki, bu barədə haker qrupu öz Twitter hesabından bildiriş yayıb.

Bildirişdə deyilir:

“”Anonymous” komandası Rusiya Mərkəzi Bankını “sındırdı”. İçində gizli razılaşmalar olan 35 mindən çox fayl 48 saat ərzində ictimaiyyətə açıqlanacaq”.

Ukrayna ordusu Azov dənizinin Berdyansk şəhəri sahillərində Rusiyanın “Orsk” adlı iri desant gəmisini məhv edib.

Zamantv.az UNİAN-a istinadən xəbər verir ki, bu barədə Ukrayna Silahlı Qüvvələrinin Hərbi Dəniz Qüvvələri məlumat yayıb.

Rusiya gəmisinin partladıldığını və yandığını əks etdirən video da yayımlanıb.

Qeyd edək ki, Rusiya qoşunları Berdyanska müharibənin ilk günlərində daxil olublar.

Türkiyədə baş tutan toylardan birində qəribə hadisə yaşanıb.

Zamantv.az yerli mətbuata istinadən xəbər verir ki, toyda havaya səpələnən pulları yığmaq üçün qaçan uşaqlar gəlinin qəzəbinə tuş gəlib.

Belə ki, gəlin onları döyərək pulları yığmaqlarının qarşısını alıb.

Ermənistanın baş naziri Nikol Paşinyan sülh sazişinin imzalanması üçün Azərbaycanla təcili danışıqlara başlamağın vacibliyini açıqlayıb.

“Dünyada və regionda vəziyyət gərgindir, biz gərginliyin səviyyəsinin azaldılması və fundamental həll yollarının tapılmasında özümüzü məsul hesab edirik. Düşünürük ki, Ermənistan və Azərbaycan arasında sülh danışıqları dərhal başlamalıdır”, - Paşinyan hökumətin iclasında deyib.

Onun sözlərinə görə, sərhədlərdə təhlükəsizliyin və sabitliyin yaxşılaşdırılması üzrə tədbirlərlə paralel olaraq sərhədlərin demarkasiyası və delimitasiyası üzrə işləri sürətləndirmək lazımdır.