Livanın baş naziri Nəcib Mikati aprelin 24-də Tripoli sahillərində suriyalı qaçqınların olduğu gəminin qəzaya uğraması nəticəsində həlak olanların xatirəsinə bazar ertəsi (25 aprel) ölkədə milli matəm elan edib.

Son məlumatlara görə, batmış gəmidən 48 nəfər xilas edilərək sahilə çıxarılıb.

Doqquz nəfər isə suda boğularaq ölüb.

Tripoli limanının direktoru Əhməd Tamerin sözlərinə görə, tutumu 30 nəfər olan qayıq həddindən artıq yüklənib. Kiprə getməyə çalışan qaçqınların dəqiq sayı hələ müəyyən edilməyib.

Axtarış-xilasetmə əməliyyatı davam edir.

Mənbə: rossaprimavera.ru

Rusiyanın Ukraynaya müdaxiləsi və Qərbin sanksiyalarının tətbiqindən sonra Rusiyanın ABŞ-dakı konsulluqlarının “Bank of America”dakı özəl hesabları bağlanıb.

Bu barədə Rusiyanın Vaşinqtondakı səfiri Anatoli Antonov “Rossiya 1” telekanalına verdiyi açıqlamada məlumat verib.

“Əslində səfirlik ABŞ dövlət qurumları tərəfindən blokadadadır, Hyuston və Nyu Yorkdakı iki baş konsulluğumuzun hesabları “Bank of America” tərəfindən bağlanıb”, - deyə diplomat deyib.

Onun sözlərinə görə, hələ də ABŞ-da olan Rusiya Federasiyasının nümayəndələri telefonla və ya yazılı qaydada təhdidlər alırlar.

“Mariupolda döyüşlər dərhal dayandırılmalıdır ki, mülki əhalinin təxliyə imkanları olsun”.

Bunu BMT-nin Ukrayna üzrə böhran koordinatoru Amin Avad bildirib.

“Mariupolda qadınlar, uşaqlar və qocalar da daxil olmaqla on minlərlə insanın həyatı təhlükə altındadır. İnsanların həyatını xilas etmək üçün hazırda döyüşlərdə fasilə lazımdır. Nə qədər gözləsək, bir o qədər çox insanın həyatı risk altında olacaq. Onların təhlükəsiz şəkildə təxliyə edilməsinə icazə verilməlidir. Sabah çox gec ola bilər”, - Avad açıqlamasında deyib.

Bundan əvvəl Beynəlxalq Qızıl Xaç Komitəsi (BQXK) Mariupoldakı vəziyyətdən narahatlığını bildirib və mülki əhalinin şəhərdən təxliyəsi üçün təcili humanitar yardım çağırıb.

Fransada prezident seçkilərinin ikinci turunda “exit-poll”un ilkin nəticələri məlum olub.

Yayılan xəbərlərə görə, səsvermədə hazırkı dövlət başçısı Emmanuel Makron liderlik edir.

O, səslərin 55-58% faizini toplaya bilib. Dövlət başçısı Parisdə seçkilər başa çatdıqdan sonra Eyfel qülləsinin ətəyində vətəndaşlara müraciət edərək qələbəsini elan etməyə hazılaşır.

Qeyd edək ki, 2017-ci ildə keçirilən prezident seçkilərində də Makron məhz Le Penə qalib gəlmişdi. O zaman hazırki prezident səslərin 66,1 %-ni toplamışdı.

Xatırladaq ki, Fransa prezidenti beş il müddətinə seçilir.

Mənbə: “RİA Novosti”

Ukraynanın Odessa vilayəti raket hücumlarına məruz qalıb.

Zamantv.az xəbər verir ki, bu barədə Ukrayna Prezidenti Administrasiyasının rəhbəri Andrey Yermak məlumat verib.

Onun sözlərinə görə, 5 Ukrayna vətəndaşı ölüb. Yaralı sayı isə 18 nəfərdir. Ölənlərin sayının artacağı istisna edilməyib.
Bildirilib ki, qanadlı raketlər Rusiyanın “Tu-95” strateji təyyarəsi tərəfindən Xəzər dənizindən buraxılıb.

Döyüşlər zamanı Cənub Hərbi Hava Qüvvələri Komandanlığının zenit-raket bölmələrinin əsgərləri Odessa şəhərini vuran düşmənin 2 qanadlı raketini və 2 əməliyyat-taktiki PUA-nı sıradan çıxarıblar.

Həmçinin, qeyd olunur ki, Rusiya ordusunun Xəzər dənizindən atdığı qanadlı raketlərdən 2-si hərbi obyektə və digər 2-si isə yaşayış binasına düşüb.

Ukraynanın Melitopol şəhərindəki Bolqarstanın konsulu oğurlanıb.

Zamantv.az UNİAN-a istinadən xəbər verir ki, bu barədə Melitopol meri İvan Fedorov məlumat verib.

“Ölkə boyu 50-dən çox həmkarım oğurlanıb. Bu gün onlardan 29-u qarşı tərəfdə həbsxanada saxlanılır. Bir neçə saat əvvəl məlum olub ki, Melitopolda Bolqarıstanın fəxri konsulu oğurlanıb”,- deyə o bildirib.
Melitopoldakı əməliyyat vəziyyətinə gəlincə, Fyodorov bildirib ki, artıq dördüncü gündür ki, rus hərbçiləri Zaporojye istiqamətində getmək istəyən sakinləri buraxmırlar.

“Son dörd gündə onlar Zaporojyedə istənilən evakuasiya marşururtu tamamilə bloklanıb. Yalnız Krıma getməyə imkan verirlər”, - deyə o bildirib.

Merin sözlərinə görə, şəhərdə nağd pul yoxdur.

Yeni Zelandiyada jokey Roşel Lokett və onun yarış atının yarışlardan birində qalib gəldikdən sonra qanlarında metamfetamin (şüşə) izləri aşkar edilib.

Zamantv.az-ın xarici mediaya istinadla məlumatına görə, bu səbəbdən idmançı qız və atı yarışdan üç illik diskvalifikasiya edilib. Bununla belə, Lokett 18 ay narkotikdən istifadə etməzsə, yenə də manejə qayıda bilər. Həmçinin qaydanı pozanlara yarışı təşkil edən “Otaki-maori” yarış klubunun mükafat məbləği 6720 Yeni Zelandiya dolları (təxminən 4428 ABŞ dolları) büdcəsinə qaytarılması barədə göstəriş verilib.

Jokey özü metamfetaminin atın bədəninə necə daxil olduğunu hələ izah etməyib, lakin 2021-ci ilin noyabrında özünün ondan istifadə etdiyini etiraf edib.
Testin müsbət nəticələrini aldıqdan sonra o, dərmanı yarışa iki gün qalmış ad günündə istifadə etdiyini də boynuna alıb.

Rusiyanın Tomsk vilayətində ölümlə nəticələnən avtoqəza olub.

Zamantv.az yerli mediaya istinadla bildirir ki, hadisəyə səbəb sürücünün sərxoşluğu olub.

Belə ki, vilayətin Şeqarski rayon Polis Şöbəsinin 24 yaşlı əməkdaşı qeyri-iş saatlarında sərxoş halda sükan arxasına keçib. İdarəetməni itirən polis sürücü 16 yaşlı 2 qızı vuraraq, öldürüb.
Hadisədən sonra o, xidmətdən uzaqlaşdırılıb. Tibbi ekspertiza polisin qanında spirt olduğunu sübut edib və o, həbs edilib.

Xarici işlər naziri Mövlud Çavuşoğlu Latın Amerikasına səfəri çərçivəsində Uruqvaya gedib.
Zamantv.az “Haberler” saytına istinadən xəbər verir ki, paytaxt Montevideoda iki mühüm sənədə imza atan Çavuşoğlu, iki ölkə arasında İnvestisiyaların Gücləndirilməsi və Azad Ticarət Sazişinə dair İstinad Sənədinin imzalanmasının ardından Uruqvay xarici işlər naziri Fransisko Bustillo ilə də birgə mətbuat konfransı keçirib.

Nazir Çavuşoğlu Uruqvay səfərinin bir hissəsi zamanı Montevideodakı Türkiyə səfirliyindən çıxarkən etiraza məruz qalıb. Bir qrup erməni etirazçı səfirliyin qarşısındakı parka toplaşaraq Türkiyə və Azərbaycan əleyhinə şüarlar səsləndirib.
Səfirlikdən çıxaraq avtomobilininə əyləşən nazir Çavuşoğlu şüarlar səslləndirən etirazçılara “Bozqurd” işarəsi göstərərək cavab verib.

İsrailin maliyyə naziri Aviqdor Liberman yüksək səviyyəli nümayəndə heyətinin müşayiəti ilə bu gün Azərbaycana gəlir.
Zamantv.az xəbər verir ki, bu barədə Ynet saytı məlumat yayıb.

Səfər zamanı İsrail nümayəndə heyəti üç məsələni müzakirə etməyi planlaşdırır:
- Azərbaycan neftinin İsrailə idxalı (indiyə qədər Rusiya İsrailin ən böyük neft məhsulları tədarükçüsü idi, indi isə Azərbaycandan tədarük etmək qərara alınıb);

- Dizel avtomobilləri - yük maşınları və avtobuslar üçün istifadə olunan karbamid idxalı. (karbamid bütün Avro 4 və Avro 5 dizel mühərriklərində istifadə olunan xüsusi kimyəvi maddədir;

- Buğda idxalı (vesty.co.il xəbər verir ki, indiyədək bu növ məhsulun İsrailə idxalının 30%-i Rusiya və Ukraynanın payına düşüb).

Qeyd olunur ki, imzalanacaq sazişlər ən qısa zamanda həyata keçiriləcək./haqqin.az