Tamaşaçılarımız avqustun 3-dən 10-dək Azərbaycanın klassik filmlərini “CinemaPlus”da ödənişsiz şəkildə izləyə bilərlər.

Kult.az xəbər verir ki, bu fikirləri jurnalistlərə açıqlamasında "CinemaPlus" kinoteatrlar şəbəkəsinin Müşahidə Şurasının sədri Zaur Darabzadə deyib.

O qeyd edib ki, bu gün Azəbaycan kinosunun 125, Azərbaycan kinostudiyasının 100 illiyi münasibətilə Azərbaycan klassik filmlərinin təqdimatı həyata keçirilir:

“Belə ki, Azərbaycan kinostudiyasının son 100 ildə təqdim etdiyi müxtəlif filmlər yaxın bir həftə ərzində “CinemaPlus” kinoteatrlar şəbəkəsində təqdim ediləcək”.

“Bakı, Sumqayıt, Naxçıvan və Gəncə şəhərlərinin sakinləri klassik Azərbaycan filmlərini kinoteatrlarda ödənişsiz izləyə bilərlər”, - Z.Darabzadə bildirib.

İŞİD terror təşkilatının lideri Əbu Hüseyn əl-Hüseyni əl-Qureşinin ölümü təsdiqlənib.

Bu barədə "Əl Cəzirə" məlumat yayıb.

Qeyd olunub ki, İŞİD-in lideri Suriyanın şimal-qərbində Cəbhət ən-Nusra qruplaşmasıilə baş verən qarşıdurma zamanı öldürülüb.

Ankarada Prezident Rəcəb Tayyib Ərdoğanın sədrliyi ilə keçirilən Türkiyə Ali Hərbi Şurasının iclasında ölkənin hərbi rəhbərliyindəki yeni təyinatlar açıqlanıb.

Dövlət başçısı şuranın müvafiq qərarlarını imzalayıb.

Qərara əsasən, 2-ci Ordunun komandanı, ordu generalı Metin Gürakın Türkiyə Silahlı Qüvvələrinin Baş Qərargah rəisi təyin edilməsi ilə yanaşı, Quru Qoşunlarının komandanı postu general Səlcuq Bayraktaroğluna, Hərbi Hava Qüvvələrinə rəhbərlik isə general Ziya Cemal Kadıoğluna tapşırılıb.

Bundan əlavə, Ali Hərbi Şuranın qərarı ilə 32 general və admiralın rütbəsi artırılıb, 63 polkovnik general və admiral rütbələri alıb.

Ali Hərbi Şuradan verilən açıqlamaya görə, Türkiyə Silahlı Qüvvələrində general və admiralların sayı 266 nəfərdən 286 nəfərə yüksəlib.

Qeyd edək ki, Türkiyə Ali Hərbi Şurasının toplantısı Ankaradakı Prezident iqamətgahında mətbuata qapalı keçirilib və üç saata yaxın davam edib.

Mənbə: Anadolu
17:26

Türkiyə Silahlı Qüvvələrinə yeni Baş Qərargah rəisi təyin olunub.

Bu barədə qərar Türkiyə Ali Hərbi Şurasının (YAŞ) Prezident Rəcəb Tayyib Ərdoğanın sədrliyi ilə keçirilən iclasında qəbul olunub.

Bildirilib ki, bu vəzifəyə ordu generalı Metin Gürak gətirilib.

Mənbə: NTV

ABŞ Maliyyə Nazirliyi Rusiya Elmlər Akademiyasının A.M.Proxorov adına Ümumi Fizika İnstitutunu, Kazan Elmi Mərkəzini və Bərk Cisimlər Fizikası İnstitutunu "qara siyahı"ya əlavə edib.

Bu barədə Rusiya Maliyyə Nazirliyi məlumat yayıb.

Rusiyanın iki konteyner gəmisi də sanksiyalara məruz qalıb. Nazirlik onların Saxalin Gəmiçilik Şirkəti (SASCO) ilə əlaqəli olduğunu bildirir

Maliyyə Nazirliyinin məlumatına görə, “Vega Strategic Services”lə əlaqəli olan 59 yaşlı Rusiya vətəndaşı Anatoli Smolin də sanksiyalar siyahısına əlavə edilib.

Baş prokuror yanında Korrupsiyaya qarşı Mübarizə Baş İdarəsi tərəfindən keçirilən əməliyyat-axtarış tədbirləri nəticəsində “Salyan rayon Mərkəzi Xəstəxanası” PHŞ-nin Vərəm şöbəsinin müdiri Xanış Abbasovun qanunsuz əməlləri ifşa olunub.

Baş Prokurorluğun mətbuat xidmətindən bildirilib ki, Xanış Abbasovun əlillik dərəcəsinin təyin olunması üçün müxtəlif şəxslərdən aldığı rüşvət müqabilində xəstəlik diaqnozu və stasionar müalicəyə dair tibbi sənədlərin məzmununa yalan məlumatlar daxil etməsinə əsaslı şübhələr müəyyən edilib.

Faktla bağlı başlanmış cinayət işi üzrə əldə edilmiş ilkin sübutlar əsasında Xanış Abbasov Cinayət Məcəlləsinin 308.1 (vəzifə səlahiyyətlərindən sui-istifadə mühüm zərər vurduqda), 311.2 (vəzifəli şəxs tərəfindən qanunsuz hərəkətlərə görə rüşvət alma) və 313-cü (vəzifə saxtakarlığı) maddələri ilə təqsirləndirilən şəxs qismində cəlb olunaraq yaşı və səhhəti nəzərə alınmaqla barəsində polisin nəzarətinə vermə növündə qətimkan tədbiri seçilib.

Təqsirləndirilən şəxsin digər qanunazidd əməllərinin, habelə iş üzrə digər təqsirli şəxslərin dairəsinin müəyyən edilərək məsuliyyətə cəlb olunmaları istiqamətində əməliyyat-istintaq tədbirləri davam etdirilir.

Bakıda keçirilən şahmat üzrə Dünya Kubokunda sensasiyalı nəticə qeydə alınıb.

Azərbaycan şahmatçısı Şəhriyar Məmmədyarov turnirlə erkən vidalaşıb.

Qrossmeysterimiz mübarizəyə başladığı 1/64 final mərhələsini adlaya bilməyib. O, iki görüşün cəmində sinqapurlu Tin Jinqyaoya 1,5:0,5 hesabı ilə məğlub olub. Dünən baş tutan ilk qarşılaşmada heç-heçə edən Məmmədyarov bu gün rəqibinə uduzaraq, Dünya Kubokunda mübarizəni erkən dayandırıb.

Tbilisidəki “Lilo Mall” ticarət mərkəzində iş adamı etnik azərbaycanlı Roman İsayev silahlı hücuma məruz qalıb.

Bu barədə “TV Pirveli” məlumat yayıb.

Bildirilib ki, başından güllə yarası almış biznesmen xəstəxanaya çatdırılıb, həkimlər onun vəziyyətini ağır qiymətləndirirlər. Roman İsayevin süni tənəffüs aparatına qoşulduğu bildirilir.

Məlumata görə, silahlı şəxs ticarət mərkəzində tekstil mağazasının sahibi olan Roman İsayevdən söhbət etmək üçün küçəyə çıxmasını istəyib, lakin sonuncu buna rədd cavabı verib. Bundan sonra şübhəli atəş açaraq onu yaralayıb və daha sonra ərazidən qaçıb.

Polisin hazırda cinayətkarı axtardığı, yaralama anının təhlükəsizlik kamerasına düşdüyü bildirilib.

Faktla bağlı cinayət işi açılıb.

Apa

Azərbaycanda pərakəndə və topdan satılan şəkər tozunun qiymətində artım müşahidə edilir. Pərakəndə satılan şəkər tozunun bir kiloqramının qiymətində 10-20 qəpik, topdan satılan şəkər tozunun (50 kiloqramlıq) qiymətində isə 3-4 manat artım olduğu bildirilir. Bundan başqa, marketlərdə şəkər tozunun məhdud sayda satılması barədə xəbərlər dolaşır.

Ümumilikdə, şəkər qıtlığı yalnız Azərbaycanda deyil, digər ölkələrdə də müşahidə edilir. “Reuters” agentliyi “Green Pool” analitik agentliyinə istinadən yazır ki, bu il şəkər istehsalında 1.01 milyon ton həcmində kəsirin qeydə alınacağı gözlənilir.

Məlumat üçün bildirək ki, 2023-cü ilin ilk 6 ayında Azərbaycana 103 milyon dollar dəyərində şəkər və şəkərdən hazırlanan qənnadı məmulatları idxal edilib.

Ölkədə şəkər qıtlığının səbəbi nədir? Gündəlik tələbat malları içərisində önəmli yer tutan şəkərin qiymətində daha çox artım ola bilərmi?

Mövzu ilə bağlı Modern.az-a danışan Liberal İqtisadçılar Mərkəzinin sədri, kənd təsərrüfatı üzrə ekspert Akif Nəsirli şəkər tozu qıtlığının yaranma səbəblərini belə izah edib:

“Mövsümlə əlaqədar olaraq şəkər tozuna tələbat artıb. Yəni insanlar kompot və ya mürəbbə bişirirlər. Qış üçün şəkərlə tədarük olunan məhsulların artmasına görə tələbat da çoxalır. Bunun nəticəsində əvvəlki qayda ilə tədarük olunan şəkər tozunun qıtlığı yaranır, bu isə öz növbəsində qiymətin artmasına səbəb olur”.

2 min ildən çox yaşı olduğu deyilən Daşkəsən rayonunun Bayan kəndi “Çovdar” qızıl mədənindən 18 kilometrlik məsafədə yerləşir.

Sakinlərin sözlərinə görə, mədəndə istehsal zamanı əmələ gələn təhlükəli maddələr onları zəhərləyir.

Bu barədə onlar “Amerikanın səsi”nə danışıblar.

Sakinlər bildirirlər ki, qızıl mədəninə görə kəndə “qırmızı yağış” yağır.

Kənddə yaşayanlar deyirlər ki, həmçinin yaşadıqları yerdə su da tapılmır, yollar da yaxşı vəziyyətdə deyil.

Kənd sakini Nəriman Əzizovun sözlərinə görə, sosial infrastrukturların bərpası, eləcə də tarixi kilsələrin restavrasiyası üçün layihələr nəzərdə tutulsa da, icra olunmayıb.

Daha ətraflı:

Xudat sakinləri DİA.AZ-a fotofakt yollayaraq dərdlərini anladıblar. Onlar yaşadıqlaqı ünvanda işıq dirəklərinin acınacaqlı durumundan giley edirlər.

Şəkildə təsvir olunan ərazi Xudat şəhəri, 2-ci şöbəyə aiddir. Sakinlər dia.az-a bildirir ki, dəfələrlə aidiyyatı qurumları xəbərdar etsələr də, onların probleminə diqqət ayıran olmayıb.

Qeyd edək ki, sakinlər bu acınacaqlı mənzərəni ironik şəkildə şərh də ediblər: "BUDURMU ALTI-ÜSTÜ QIZIL OLAN ÖLKƏNİN MƏNZƏRƏSİ?"

Məsələ diqqətimizdədir, olaraq bütün aidiyyatı olan qurum və şəxsləri də dinləməyə hazırıq...