Azad İstehlak Birliyinin sədri Eyyub Hüseynova
Baki şəhəri Yasamal rayonu Moskva pr.73A mən:117 ünvanında yaşayan Xəlilova Nilufər Nizami qızı tərəfindən

Ərizə

Yazıb Sizə bildirmək istəyirəm ki, 28.05.2023-cü il tarixində İsmayıllıda yerləşən Bax Belə istirahət mərkəzində (0507002515) yer rezervasiya edərək, göstərildiyi kimi otelin kartına (xxxxxxxxxxxxx) 150 azn ödəniş etdim. Bizə what’s appa otagın video rolik göndəriblər, göstərildiyində otaq geniş idi və rayona gedən yolların acıq oldugu bildirildi. Beləliklə mən və iki övladım 28.05.2023 il tarixində istirahətə getdik, lakin otaqın vəziyyətini görüb peşman olduq. Belə ki, İsmayıllı rayonunda və Bax Belə istirahət mərkəzin qarşısında 3 yerdə yol çəkilişi gedirdi və təmir işləri aparılırdı, səs-küy və toz-torpaqdan istirahət etmək mümkün deyildi və realda otaq çox dar idi və 1 gecə üçün ödəniş həmin video rolikdə 130azn idi, amma bizdən 150 azn tələb etdilər. Hətta orada şikayətçi olan qonaqlar da pulunun geri qaytarılmamasına görə məcbur orada qalmalı oldular. Mən bu vəziyyəti görüb dərhal etiraz etdikdə otelin administratoru (adını bilmirəm, telefon nömrəsi 0507002515)mənə Qəbələdə, Vəndamda gəzib daha sonra İsmayıllıya qayıdıb gecələməyini dedilər. Mən pulumu geri tələb etdikdə isə administrator mənə ödədiyim 150 azn məbləgi geri qaytarmayacaqlarını dedi və çox təəssuf ki, mən övladlarım ilə Bakıya qayıdası olduq, həmin yerdə istirahət edə bilməzdik. Xahiş edirəm mənim hüququmu qoruyasınız. Bu istirahət mərkəzi barədə muvafiq dövlət orqanlarına, kütləvi informasiya vasitələrinə məlumat verəsiniz ki, insanlar mənim kimi video roliki görüb -aldadılmasın. 150 azn ödədiyim pul mənə təcili geri qaytarılmasında köməklik edəsiniz.

İmza: Xəlilova Nilufər Nizami qızı
31.05.2023 //moderator.az//

Bu gün Uşaqların Beynəlxalq Müdafiəsi Günüdür. Dünyanın əksər ölkələrində olduğu kimi, bu gün Azərbaycanda da qeyd edilir.

1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün (International Children's Day) qeyd olunması qərara alınıb.

Həmin gün təşkil olunan “Qadınların Beynəlxalq Konfransı”nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib.

Azərbaycanda uşaqların müdafiə olunması və onlara qayğı göstərilməsi istiqamətində çoxsaylı işlər görülüb.

Ölkəmizdə uşaqların sosial və hüquqi müdafiəsi ilə bağlı məsələlər Konstitusiya, qanunverici və normativ-hüquqi aktlarla tənzimlənir. Uşaq hüquqlarının müdafiəsi ilə bağlı Azərbaycanda qanunvericilik bazası formalaşıb, “Uşaq hüquqları haqqında” qanun (1998-ci il 19 may) və bəzi digər normativ-hüquqi aktlar qəbul edilib.
Prezident İlham Əliyev Azərbaycanda uşaqlara dövlət qayğısının gücləndirilməsi, uşaq problemlərinə vətəndaş cəmiyyəti qurumlarının diqqətinin artırılması və ölkənin uşaqlarla bağlı demoqrafik perspektivlərinin müəyyənləşdirilməsi məqsədi ilə 22 dekabr 2008-ci il tarixli sərəncam imzalayıb. Sərəncama görə 2009-cu il “Uşaq ili” elan olunub.

Azərbaycanda uşaqların problemlərinin həlli istiqamətində müxtəlif layihələr həyata keçirilir.

Buzovna sakinləri uzun müddətdir dəniz qırağında istirahətə həsrət qalıblar. Ötən il sahildəki qanunsuz tikililərə etiraz edəndən sonra onlar sökülsə də, bu günlərdə yenidən dəniz kənarı hasarlanmağa başlayıb. Hətta hasarın dirəkləri sahil qayalıqlarına qədər vurulub.

“Dəniz xalqın sərvətidir. Hanı o xalqın sərvəti?! Nə oldu, 3-5 nəfərin sərvəti oldu?!” – Buzovna sakini deyir.

Daha ətraflı aşağıdakı videoda: