"Brüsseldə Ermənistan və Azərbaycan liderləri arasında Azərbaycanı Naxçıvan, (Zəngəzur dəhlizi - red.) həmçinin Ermənistanla birləşdirən əlaqə və onun necə qurulması barədə kifayət qədər ətraflı müzakirə aparılıb".

Bunu Brüsseldə Avropa Siyasət Mərkəzinin təşkil etdiyi "Cənubi Qafqazda Təhlükəsizlik" mövzusunda Aİ-nin Cənubi Qafqaz üzrə xüsusi nümayəndəsi Toivo Klaar deyib.

Onun sözlərinə görə, tərəflər müəyyən ümumi razılığa gəliblər: "Biz müəyyən ümumi anlaşmaya nail olmuşuq və bunun necə həyata keçirilməsi baş nazir müavinlərindən ibarət işçi qrupuna qalıb, orada Ermənistan və Azərbaycan baş nazirlərinin müavinləri rusiyalı həmkarı ilə görüşüblər".

"Unikal"

Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində törətdiyi təxribat nəticəsində 4 hərbçisini itirib.

Bu barədə Ermənistan Müdafiə Nazirliyi açıqlayıb.

Məlumata görə, daha 6 erməni hərbçi yaralanıb.

Erməni KİV ölü sayının artacağı barədə açıqlamalar verir: "Meyit və yaralıların bir çoxu ərazidən çıxarılmayıb".

Yaralananlar arasında Ermənistan ordusunun xüsusi təyinatlı korpusunun komandiri Armen Gözəlyan da var.

Xəbər verdiyimiz kimi, bu gün erməni təxribatı nəticəsində üç hərbçimiz şəhid olub.

Bunlar Zalov Vidadi Nizami oğlu, Həsənov Elşad Qabil oğlu və Tağıyev Səbuhi Gündüz oğludur.

Şəhid olan hərbçilərimizin fotolarını təqdim edirik.

Ermənistan tərəfi artilleriya və pilotsuz uçuş aparatlarından (PUA) istifadə edir, düşmənin canlı qüvvəsi və ağır texnikasının Laçın istiqamətində cəmləşməsi qeydə alınıb.

Bu barədə “Caliber” internet-nəşri özəl mənbələrə istinadən yazıb.

Nəşr yazır ki, Ermənistan artilleriya və zirehli tank qoşunlarını toplayır, güman etmək olar ki, Ermənistan tərəfi ciddi hərbi əməliyyata hazırlaşır.

“Bu gün baş verənlər Azərbaycanın ərazi bütövlüyü və suverenliyinə qəsddir və Ermənistan buna görə çox ciddi cavab verəcək”, - “Caliber”dən bildiriblər.

“Report”

Səfər Mehdiyevin Dövlət Gömrük Komitəsinin sədri postundan uzaqlaşdırılması böyük ajiotaja səbəb olmuşdu. O vaxt bəzi müşahidəçilər bu qərardan uzağagedən nəticələr çıxarsalar da, iş adamları və sıravi vətəndaşlar gömrük orqanlarında köklü islahatların aparılacağına ümid edərək, bu dəyişiklikdən məmnun qalmışdılar.

Səfər Mehdiyev Azərbaycan Prezidenti İlham Əliyevin 16 iyul 2022-ci il tarixində imzaladığı sərəncamla vəzifədən azad olunub. İki gün sonra Səfər Mehdiyevin səlahiyyətləri müavini Şahin Bağırova həvalə olunub. Ş.Bağırov 2023-cü il fevral ayının 14-nə kimi DGK sədrinin birinci müavini, sədr səlahiyyətlərini müvəqqəti icra edən şəxs olub.

Şahin Bağırov cari ilin 14 fevralından DGK-ya rəhbərlik edir. Maraqlıdır ki, onun sədr postuna təyin edilməsi ilə bağlı məlum sərəncamın üzərindən 2 aydan da az vaxt keçməsinə rəğmən bu qurumun ətrafında yenidən narazılıq yaranıb. Həm iş adamları, həm də sıravi vətəndaşlar DGK əməkdaşlarının fəaliyyətindən ciddi şəkildə narazılıq edirlər. Onların fikrincə, Ş.Bağırovun qurum daxilində nisbətən şəffaf və ədalətli fəaliyyət göstərməsi sədr postuna təyinat aldığı günə kimi olub. O, DGK sədri vəzifəsinə təsdiqlənəndən sonra gömrük orqanları əvvəlki idarəçilik prinsipinə dönüb. İş adamları mətbuatda və sosial şəbəkələrdə Şahin Bağırovun Səfər Mehdiyevin yolu ilə getdiyini açıq şəkildə dilə gətirirlər. Onların iddiasına görə, DGK-da islahatlar imitasiya xarakteri daşıyır. Sədr əvəzi özünün müsbət imicini yaradaraq qurumun başına keçidini təmin edəndən sonra yenə “köhnə hamam, köhnə tas” prinsipi işə düşüb.

Xatırladaq ki, bu, DGK-nın fəaliyyəti ilə bağlı ilk narazılıq deyil. Gömrük əməkdaşları bir müddət əvvəl vətəndaşın çantasındakı şəxsi əşyaları - qol saatını, zinyət əşyalarını, gödəkçələri, köynəkləri, hətta alt paltarlarını görüntüləyib xəbəri ictimailəşdirəndən sonra ciddi tənqid obyektinə çevrilmişdilər.

İqtisadçılar vəziyyətdən çıxış yolunu DGK-nın ləğv edilərək, bu qurumun səlahiyyətlərin müvafiq nazirliklərdən birinin balansına verilməsində görürlər. //Yenisabah.az//

Aprelin 11-i Ermənistan silahlı qüvvələrinin bölmələri tərəfindən Laçın rayonu istiqamətində törədilən təxribat nəticəsində yaranmış gərginlik davam edir.

Bu barədə Azərbaycan Müdafiə Nazirliyindən bildirilib.

Qeyd olunan istiqamətdə yerləşən bölmələrimiz tərəfindən görülən zəruri tədbirlər nəticəsində qarşı tərəf xeyli sayda itki verib.

İctimaiyyətə əlavə məlumat veriləcək.

Ötən həftə Baş prokuror yanında Korrupsiyaya qarşı Mübarizə Baş İdarəsi tərəfindən Abşeron Rayon İcra Hakimiyyəti başçısının Mehdiabad qəsəbə inzibati ərazi dairəsi üzrə nümayəndəsi Əli Həsənov açılmış cinayət işi üzrə həbs edildi. İcra nümayəndəsinin həbs edilməsi səbəbi isə Əli Həsənovun Mehdiabad qəsəbəsində yerləşən kənd təsərrüfatı təyinatlı torpaq sahələrində fərdi yaşayış evlərinin tikintisinə icazələrin, müxtəlif məzmunlu arayışların verilməsi və ümumi himayədarlıq müqabilində çoxsaylı vətəndaşlardan rüşvət alması müəyyən edilib.
Əli Həsənov Cinayət Məcəlləsinin 308.1 (vəzifə səlahiyyətlərindən sui-istifadə) və 311.3.2-ci (təkrar rüşvət alma) maddələri maddələri ilə ittiham olunur.
Bildirək ki, Abşeron rayonun bir çox qəsəbəsələrində kənd təsərrüfatı təyinatlı torpaq sahələrində qanunsuz fərdiq evlərin, obyektlərin tikintisi artıq adi halı alıb. Rayon icra hakimiyyətinin himayəsi və qəsəbə icra nümayəndələrinin havadarlığı altında son illər maklerlər tərəfindən minlərlə qanunuz evlərin tikilməsi göz önüdədir. Abşeron rayonunda kənd təsərrüfatı təyinatlı torpaq sahələrində fərdi ev və obyektlərin ən çox tikildiyi ərazi Masazır qəsəbəsidir. Hazırda Masazırda qəsəbəsində bəlkədə yüzlərlə heç bir sənədi olmayan, ancaq Abşeron icra hakimiyyətindən "icazə" verilən və qəsəbə icra nümayəndəliyi tərəfindən himayə edilən evlər tikilməkdədir. Masazırda tikilən bütün sənədsiz fərdi evlərin tikintisinə isə qəsəbə icra nüamyəndəsi Şahlar Əsgərov "nəzarət" edir. Belə ki, qəsəbədə ev tikintiinə Abşeron rayon icra hakimiyyətinin icazə alınmasında "vasitəçi"rolunu məhz Şahlar Əsgərov edir. Hazırda Masazır qəsəbəsində sənədsiz fərdi ev tikintisinin icazəsi 3 min manatdan başlayır.
Bildirək ki, Masazır qəsəbəsində hazırda kənd təsərrüfatı təyinatlı torpaq sahələrinə aid ərazilərdə tikilən qanunsuz, heç bir rəsmi icazəsi olmayan yüzlərlə fərdi evlərin tikintisinə göz yumna, himayədarlıq edən şəxs icra nümayəndəsi Şahlar Əsgərov olub. Zakir Fərəcovun dövründən Masazır qəsəbə icra nümayəndəsi işləyən Şahlar Əsgərov milyonçuya çevrilib. Təkcə Masazır qəsəbəsində Şahlar Əsgərova məxsus ancaq qardaşının adına sənədləşdirdiyi onlarla obyekt mövcuddur. Əldə etdiyimiz məlumata görə Şahlar Əsgərov Masazırdakı kənd təsərrüfatı təyinatlı torpaq sahələrində qardaşı vasitəsilə onlarla fərdi ev tikdirərək satdırıb. Aylıq əmək haqqısı 800 manat olan qəsəbə icra nümayəndəsi Şahlar Əsgərovun varidatının 10 milyona yaxın olduğu iddia edilir.
Qeyd edək ki, Baş prokuror yanında Korrupsiyaya qarşı Mübarizə Baş İdarəsi Masazır qəsəbəsində kənd təsərrüfatı təyinatlı torpaq sahələrində və digər ərazilərdə maklerlər tərəfindən hər gün tikilən qanunsuz fərdi yaşayış evləri ilə bağlı araşdırma apararsa qəsəbə icra nümayəndəsi Şahlar Əsgərovun həbs edilməsi qaçılmaz olacaq.
Bildirək ki, növbəti yazımızda masazır qəsəbəsində kənd təsərrüfatı təyinatlı torpaq sahələrində və digər ərazilərdə sənədiz evlərin tikintisi ilə bağlı reportajımızı oxucularımıza təqdim edəcəyik.
Bizi izləyin...

Bu gün təxribata əl atan erməni silahlı birləşmələri çox sayda itki verib.

"Unikal" erməni KİV-ə istinadən xəbər verir ki, ordumuzun cavab tədbirləri nəticəsində Ermənistanın Əlahiddə Ordu Korpusunun komandiri Armen Gyozalyan ağır yaralanıb.

Qeyd edək ki, polkovnik rütbəsini daşıyan erməni zabit sözügedən vəzifəyə cari ilin fevral ayında təyin edilmişdi.

Xatırladaq ki, Ermənistan Müdafiə Nazirliyi atışma nəticəsində itkilərinin və yaralılarının olduğunu açıqlayıb.

Balıq və digər su bioresurslarının kürüləmə dövrü ilə əlaqədar Kür çayında, Sarısu gölündə, Mingəçevir, Şəmkir, Araz, Yenikənd su anbarlarında aprelin 1-dən sənaye balıq ovuna moratorium qüvvəyə minib. Buna baxmayaraq FHN -nin Xüsusi Riskli Xilasetmə Xidmətinin Mingəçevirdəki şöbə rəisi bu qadağaya məhəl qoymur.
Bu haqda Dünyanınsəsi.Az saytına Mingəçevir şəhərindəki keçmiş turist bazasında olan özəl mənbədən məlumat daxil olub.
Mənbənin bildirdiyinə görə , hazırda daxili su hövzələrində balıq ovu ilə bağlı moratorium qüvvəyə minsədə Mingəçevir çimərliyində hər kəsin rəis Kamil kimi tanıdığı şəxs yenədə qayıqları ilə balıq ovlatdırır.
Həm də etibarlı mənbədən əldə etdiyimiz məlumata görə FHN -nin Xüsusi Riskli Xilasetmə Xidmətinin şöbə rəisi Kamil müəllimə məxsus olduğu iddia edilən yaxta Kür çayında sərnişin daşıma ilə məşğuldur.
Xidmətin fəaliyyəti haqqında üzərinə düşən vəzifələri bir yana qoyaraq əsas maddi maraqlara başıı qarışmış olan bu məmurdan fövqəladə halların (hadisələrin) nəticələrinin aradan qaldırılması zamanı hansı çevik reaksiya verilməsini gözləyə bilərik?
Redaksiya olaraq inanırıq ki, FHN-nin rəhbərliyi sözügedən məsələ ilə bağlı Xüsusi Riskli Xilasetmə Xidmətinin Mingəçevirdəki şöbə rəisinin qanunsuz “balıq ovlama” fəaliyyətinin araşdırılmasına müvafiq göstərişlər verəcəkdir.
Bu sahəyə cavabdeh və nəzarət etməli olan müvafiq qurumlardan biri də Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətidir.
Bir müddət öncə Xidmətin rəisi Firuddin Əliyev mətbuata açıqlamasında qeyd etmişdir ki, moratoriumun davam etdiyi müddətdə qanunsuz balıq ovunun qarşısının alınması məqsədilə Daxili İşlər Nazirliyinin Su Nəqliyyatında Polis İdarəsi ilə birgə ölkənin daxili su hövzələrində mütəmadi nəzarət tədbirlərinin həyata keçiriləcək və təqsirkar şəxslər İnzibati Xətalar və Cinayət Məcəllələrində nəzərdə tutulmuş qaydada məsuliyyət daşıyacaqlar.
Səsləndirilən iddialarla bağlı qarşı tərəflərin də mövqeyini dərc edə bilərik. //Dünyanınsəsi.Az//

Aprelin 11-i Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətində yerləşən üzbəüz mövqelərini atıcı silahlardan intensiv atəşə tutub.

Bu barədə Müdafiə Nazirliyindən məlumat verilib.

Bildirilib ki, qarşı tərəfin törətdiyi təxribat nəticəsində Azərbaycan Ordusunun hərbi qulluqçuları şəhid olub və yaralanıb. Hazırda Ordumuzun bölmələri tərəfindən adekvat cavab tədbirləri görülür.