Müasir dövrdə Azərbaycan Respublikasında fəaliyyət göstərən “Azərsu” Açıq Səhmdar Cəmiyyəti – su təchizatı sahəsində dövlət siyasətini həyata keçirən, mərkəzləşdirilmiş qaydada istehlakçıları içməli su ilə təchiz edən və onlara kanalizasiya xidmətləri göstərən dövlət şirkətidir.
Hər kəs yaxşı bilir ki, bundan əvvəl Gəncə şəhərinin su təchizatı və kanalizasiya sisteminin yenidən qurulması ilə bağlı dövlət büdcəsindən “Azəraqrartikinti” ASC-yə 450 mln manat vəsait ayrılmışdır.Bu günə kimi görülən işlərin keyfiyyətsizliyindən həm Gəncə sakinləri narazılıq edirdi həm də ölkə mediası davamlı olaraq “Azəraqrartikinti” ASC-ni tənqid edirdi.
Bu ilin avqust ayından “Azərsu” ASC “Gəncə şəhərinin su təchizatı və kanalizasiya sisteminin yenidən qurulması” işlərinin satın alınması bağlı tenderinin qalibi olaraq “Maqro Construction” MMC-nin Azərbaycan Respublikasındaki filialı və AKM Yapı Taahhüt Sanayti ve Ticaret Şirketi” Birgə Müəssisəsinin seçildiyini elan etmişdir.
Bildirmək istəyirik ki, Gəncənin su və kanalizasiya sisteminin yenilənməsinə 50 mln manat vəsait xərclənəcək.Amma şirkətin əsas işçi korpusu sayılan azərbaycan vətəndaşlarının əmək hüquqları pozulmaqla yanaşı həm də onları qul kim istismar edirlər.
Bu haqda Dünyanınsəsi.Az saytına bir qrup şəxs tərəfindən şikayət daxil olub.
Şikayətşilər qeyd edir ki, sözügedən şirkət bizimlə əmək müqaviləsi bağlasada 3 aydırki əməkhaqlarımızı vermirlər.
Şirkətdə çalışan işçilər qeyd edirlər ki, “Maqro Construction” MMC-nin yerli nümayəndəsi sayılan İbrahim adlı şəxsə dəfələrlə müraciət etsəkdə gündə bizə bir yalan danışmaqla vaxtı uzadır.
Şirkətin işçiləri bildirirlər ki, Gəncə şəhərinin su təchizatı və kanalizasiya sisteminin yenidən qurulması işlərində heç bir təcürbəsi olmayan mütəxəssislər toplusundan ibarətdir.
Belə ki, çəkilən boru xətləri lahiyəyə görə borunun alt hissəsi müəyyən texnikalar vasitəsi ilə torpaq qatı bərkidilməli və borular basdırılarkən üst qatları yumşaq qum materialı ilə örtülməlidir.Amma bu şirkət işləri tez başa vurub lahiyyəyə ayrılmış olan vəsaiti həzmraberdən tez keçirmək üçün əllərinə gələn daş-kəsək materialları ilə örtürlər.Buda gələcəkdə çəkilən boru kəmərlərinin qısa zaman kəsiyində zədələnməsinə zəmin yaratmış olur.Həmdə yeni çəkilən boru xəttlərinin üzərləri düzgün asfalt qatı əlavə edilməyəndə yağış və yeraltı qrunt suları təsirindən dağılmaya səbəb olur.Gorəsən yeni nəzərdə tutulmuş olan bu lahiyəyə sifarişçi olan “Azərsu” ASC -nin nəzarət etməli olan maddi məsul şəxsi hara baxır.Şəhər daxilində kilometrlərlə qazılmış yollarda və quyularda işçilərin texniki təhlükəsizliyinə niyə riayət edilmir? Halbuki qazılmış olan quyuların yan səthlərində torpaq uçqunlarının qarşısını almaq üçün təhlükəszilik lövhələrindən istifadə edilməlidir.
Redaksiya olaraq ümidvarıqki, yuxarıda qeyd edilən nöqsanlar Azərsu” ASC -nin rəhbərliyi tərəfindən nəzarətə götürüləcək eləcə də hüquqları pozulan soydaşlarımızın əməkhaqları qısa bir zamanda ödənilməsinə də göstəriş veriləcəkdir.
Səsləndirilən iddia ilə bağlı qarşı tərəfin də mövqeyini dərc edə bilərik.
“Maqro Construction” MMC -nin çəkdiyi su xətlərinin videosunu təqdim edirik

Dünyanınsəsi.Az

Kəlbəcər rayon təhsil şöbəsi ilə bağlı şikayətlər və narazılıqlar bitmək bilmir.

Belə ki, Dünyanınsəsi.Az saytının elektron poçt ünvanına gələn bu dəfə ki,şikayətlər dərs bölgüləri ilə bağlıdır.Bu sahədə hər il direktorlarla müəllimlər arsında ciddi narazılıqlar olur. Bu ildə qanun pozuntusu olmaqla yanaşı həm də hər bir direktor saat bölgülərini özlərinin şəxsi biznes mənbəyinə çeviriblər.Məhz buna görə üç aydırki Kəlbəcər rayon müəllimlərinin maaşları avans vəziyyətində verilir.

Şikayətçi Zahid İbrahimov uzun illərdir ki, Tərtər rayonun Şıxarxı kəndində “Tarix və içtimaiyyət” fənnini tədris edir.

Amma iki ildir ki, 127 saylı ümumi orta məktəbinin direktoru Yaşar Məmmədov özünün məktəbdə yaratdığı saxta diplomlu “ailə ansambılı” Zahid İbrahimovun dərs saatlarından məhrum edib. Şıxarxı kəndində şagirdlərə “içtimaiyyət” fənnini tədris edən Z.İbrahimovun əlindən alınaraq başqa texniki ixtisaslı fənn müəllimlərinə veriblər.Sözügedən məktəbin fəaliiyəti eləcə də digər korrupsiya yol açan faktlarla bağlı ümidvarıqki rayon prokuorluğu ciddi araşdırmalar aparıb içtimaiyyətə açıqlama verəcəkdir.

Dərs bölgüsü aparılarkən müəssisədə işləyən müəllim üçün həftəlik dərs yükü 18 saat müəyyənləşdirilir” fikri özünə yer alır və bu açıq-aydın müəllimlərin dərs yükünün 18 saat müəyyən edilməsini özündə etiva edir.

Müvafiq əmək və təhsil qanunvericiliyinin tələbinə görə yalnız müəllimlər ixtisasına uyğun azı bir stavka – aylıq vəzifə maaşı ilə tam yəni 18 saat dərs yükü ilə təmin edildikdən sonra dioqnostik qiymətləndirmənin nəticələrinə uyğun əlavə dərs saatları ilə təmin edilməlidirsə belə olan halda niyə zahid İbrahimovun dərs saatları kəsilib? Şikayətçi qeyd edir ki, əlavə dədrs yükü üçün yuxarılara mütləq şirinlik verməlisən.
Şəmkir rayonunun inzibati ərazi vahidinə aid olan Varlı Həyat kəndi ərazisində faəliiyət göstərən 96 saylı ümumi orta məktəbininin fəaliiyətsizliy barədə də saytımıza şikayətlər daxil olub.
Sözügedən kənddə məskunlaşan Kəlbəcərli və yerli sakinlər bildirirlər ki, yeni dərs ili başlayandan bu günə kimi məktəbin qapıları şagirdlərin üzünə bağlı qalıb.Ancaq ayda bir dəfə direktor Habil Mirağa oğlu məktəbə gəlib jurnalları yazdırıb gedir.
Kənd sakinlər mətbuat vasitəsi ilə Elm və Təhsil Nazirliyinin rəhbərliyindən xahiş edirlər ki, məktəbin fəaliyyətini bərpası üçün aidiyyatı üzrə göstəriş versin.
Redaksiya olaraq qarşı tərəfin də mövqeyini dərc edə bilərik.

Dünyanınsəsi.Az

Naxçıvanda baş verən hadisələr, bölgədə yaşayan əhalinin problemləri ictimailəşdirildikcə muxtar respublika rəhbərliyinin jurnalistlərə, ictimai fəallara qarşı aqressiyası daha da güclənir. Trol şəbəkəsinin apardığı təhqir kampaniyası sübut edir ki, Naxçıvanla bağlı səsləndirilən tənqidi fikirlərə onların verəcək cavabları yoxdur. Sadəcə olaraq, belə iyrənc metodlarla muxtar respublikadakı qanunsuzluqları, özbaşınalıqları ifşa edən, haqqını tələb edənləri susdurmağa çalışırlar.

Muxtar respublika ilə bağlı tənqidi fikirlər səsləndirən əslən Naxçıvandan olan, vaxtilə orada yaşayan insanlara qarşı bu trol şəbəkəsinin “maraqlı arqumenti” var: “Vasif Talıbovun çörəyini yeyənlər indi onun əleyhinə danışır”.

Vasif Talıbovun çörəyi? Naxçıvanlılar bu sözü tez-tez eşitdiyinə görə bu ifadə onlara yad deyil. Amma bilirəm ki, ölkəmizin digər bölgələrində və xaricdə yaşayan insanlar bu yazını oxuyanda mütləq təəccüblənəcəklər. Nə qədər təəccüblü və absurd olsa da, bu, müasir Naxçıvanın gerçəkliyi, yeni “zərbi-məsəli”dir. Sən demə, bütün naxçıvanlılar Vasif Talıbovun çörəyini yeyir, Naxçıvanda havanı belə onun sayəsində udurmuşlar. Niyə Naxçıvanın ali vəzifəli şəxsi mülkədardır? Azərbaycan dövlətinin dotasiyası ilə yaşayan naxçıvanlılara “Vasif Talıbovun çörəyi” ilə qidalanan adamlar kimi baxılması bölgə əhalisinə və elə dövlətin özünə həqarətdir. Ölkəmizin digər bölgələri kimi, Naxçıvan sakinləri də Azərbaycan dövlətinin ayırdığı vəsait hesabına əməkhaqqı alır, yaşayır, qurub-yaradırlar. Muxtar respublikadan fərqli olaraq, ölkəmizin heç bir bölgəsində kimsə əhaliyə demir ki, “mənim çörəyimi yeyirsiniz”. Azərbaycanın dövlət rəhbərliyi də insanlar üçün etdiklərini onların başına qalxmır. Bunu heç vaxt etməz də. Çünki bu dövləti Azərbaycan xalqı qurub. Dövlət insanların rifahının yaxşılaşdırılması istiqamətində gördüyü işləri xalqın sərvətləri hesabına reallaşdıra bilir. Yəni sən bu xalqın özünün olanını onun başına qalxa bilməzsən.

Bəs əslində kim kimin çörəyini yeyir? Öz dövlətinin ayırdığı vəsaitlə yaşayan naxçıvanlılar Vasif Talıbovun çörəyini yeyir, yoxsa 30 ilə yaxındır ki, muxtar respublikanın sərvətlərini istədiyi kimi istifadə edən, bölgə əhalisinin mandatı ilə bu vəzifədə qalan Talıbov naxçıvanlıların çörəyini yeyir? Belə zərərli yanaşmanı torollara tezis kimi verən Naxçıvanın “başbilənləri” bu sual barədə də düşünməlidir.

Muxtar respublika əhalisi son 30 ilə yaxın bir dövrdə Naxçıvanın sərvətlərindən hansı forma istifadə edə bilib? Bəlkə “Badamlı” suyunu Şahbuzun ucqar dağ kəndindən çıxan, dövlətin verdiyi kreditlə müəssisə quran bir iş adamı istehsal edir bizim xəbərimiz yoxdur? “Badamlı” suyunu və digər sərvətləri istehsal edib sataraq milyonlar qazanan “Gəmiqaya” Holdinq mənim şirkətim deyil. Naxçıvanın duzundan, mərmərindən, qranitindən, digər yeraltı və yerüstü sərvətlərindən kimlərin faydalandığını muxtar respublika əhalisi çox gözəl bilir. Naxçıvanın kəndlərində yaşayan insanlara ev tikmək üçün çay yataqlarındakı daşdan belə pulsuz istifadə etməyə imkan verilmir. Nə isə. Naxçıvanın sərvətləri ilə bağlı ayrıca bir yazı təqdim edəcəyimiz üçün bu mövzunu çox genişləndirmək istəmirək. Bu faktları ona görə qeyd edirik ki, hər kəsə aydın olsun, kim kimin çörəyini yeyir.

Sonda mövzuya birbaşa aidiyyəti olmasa da, yazının hazırlanmasına səbəb olan bir məqamı da ayrıca qeyd etmək istəyirik. Trollar sosial şəbəkələrdə “Kiminsə çörəyi”nə “xəyanət” edənləri “qaloşlu” adamlar adlandırır. Qaloş Şahbuzun ucqar dağ kəndindən gəlib Vətəninə, dövlətinə, xalqına, Prezidentinə sədaqətlə xidmət edən adamlar deyil. Yoxsa elə düşünürlər ki, onlar da bu trollar kimi sona qədər Naxçıvan əhalisinin deyil, uzun illərdir bölgəyə zülm edənlərin, ölkə rəhbərliyinə açıq-açığına hörmətsizlik nümayiş etdirənlərin yanında yer almalı idilər. Qaloş bu dövlətdə yaşayıb, onun bütün imkanlarından faydalanan, sinəsinə bir neçə medal taxılan, ancaq öz evində PKK-çı Abdullah Öcalanın fotoşəklini saxlayan, bir “lider” kimi ona pərəstiş edən satqın, naqis insanlardır. Bu ölkənin aydınları Azərbaycanımız belə naqislərdən təmizlənənə qədər mübarizə aparacaq.

tns.az
Tural Səfərov

Azərbaycan Avropa Şurasına üzv olduqdan sonra dövlətin cəza icra siyasətinin Avropa Penitensiar Qaydalarına uyğunlaşdırılması prosesi başlasa da son illər bu sahədə vəziyyət olduğu kimi qalıb.

Qeyd edək ki, dövlət büdcəsi hesabına Lənkəranda və Gəncədə yeni Penitensiar müəssisələr inşa olunsa da ancaq illərdir ki, bu proses tamamlanmır.

Paytaxtın istər istintaq təcridxanalarında, istərsə də cəzaçəkmə müəssisələrində ciddi sıxlığın olması məhkumların sağlamlığına təsir göstərir.

Həmçinin, bu cür regional müəssisələri inşa etmək, məhbus yaxınlarının onları görmək üçün bölgələrdən Bakıya gəlməsinin də qarşısını almış olardı.

Çünki, qanunvericilikdə məhkumun cəza çəkdiyi yerin onun ailəsinin yaşayış yerinə yaxın yer seçilməsi tələbi var.

DİA.AZ bildirir ki, Gununsesi.info-nun araşdırması zamanı bəlli olub ki, bir neçə il əvvəl inşa olunan və yalnız kiçik tamamlama işləri qalan Gəncə Penitensiar Müəssisəsinə çəkilən yolun belə asfalt örtüyündə ot bitib.

Qeyd edək ki, Gəncə-Şəmkir yolunda inşa olunan Penitensiar Müəssisədə həm istintaq təcridxanası, həm də müxtəlif rejimli cəzaçəkmə müəssisələri yaradılmalı idi.

Hazırda Gəncədə yalnız bir İstintaq təcridxanası var ki, orada da acınacaqlı vəziyyət hökm sürür.

Çar Rusiyasının dönəmində tikilmiş bu bina heç bir müasir qanunun tələbinə cavab vermir.

Eyni qaydada inşası yarımçıq qalmış müəssisələrdən biri də Lənkərandadır. Məlumatllara görə, Lənkəranda inşa olunan müəssisə istifadəyə tam hazır olsa da nədənsə bu iş yarımçıq qalıb. Bunun səbəbi kimi isə Ədliyyə NAzirliyinin yeni işçiləri götürə bilməmisidir.

Penitensiar Xidmətin adının çəkilməsini istəməyən rəsmisinin sözlərinə görə, bu proseslərin yarımçıq qalması hökumətin günahıdır.

Tikinti üçün vəsaitin davamının ayrılmadığını deyən mənbəmiz bildirir ki, pandemiya dövründən sonra bu proses tam dayandı.

Dia.az-ın məlumatına görə, vəkil Bəhruz Bayramov Gununsesi.info-ya açıqlamasında həbsdəki şəxslərin hüqularının dövlət üçün prioritet olmalı olduğunu deyir: “Qanunvericlikdə də yazılıb ki, insan ləyaqəti alçaldılan formada cəza çəkə bilməz. Bu gün Azərbaycanın cəzaçəkmə müəssisələrində vəziyyət ürəkaçan deyil. Xüsusilə, Qaradağ rayonundakı 8, 12 və 13 saylı cəzaçəkmə müəssisələrində acınacaqlı durumdur. Sanki, ora hökumətin diqqətindən tamamilə çıxıb. Bir “barak”da 200-250 məhkum saxlanılır. İstilik və soyutma sistemləri yoxdur. Həm yayda, həm də qış aylarında məhkumlar ciddi əziyyət çəkir. Bundan başqa müxtəlif yolxucu xəstəliklərin daşıyıcı olan məhkumlar eyni yerdə saxlanılır. Ona görə də bu müəssisələrdə vərəmdən tutmuş, digər xəstəliklər sürətlə yayılmaqdadır”.

Göründüyü budur ki, dövlətin milyonları hesabına inşa olunan bu müəssisələr illərlə bu vəziyyətdə qalacaq.

“Biz qumarın hər cür təzahürünün əleyhinəyik. İstər bu qumaq rəsmi formada dövlət səviyyəsində təşkil olunsun, istərsə də özəl və şəxsi formada. Qumar bizim dini dəyərlərimizə haramdır, yaxşı olmayan ziyanlı fəaliyyət növüdür”.
Bu sözləri Tribuna.Az-a Ağ Partiya başqanı Tural Abbaslı ölkəni bürüyən, total şəkil alan küçə qumarı, mərc oyunları haqda danışarkən deyib. Partiya lideri bildirib ki, qumarın, mərc oyunlarının heç bir alqışlanası tərəfi yoxdur: “Bu gün TOPAZ, MİSLİ kimi ani uduşlar olan lotoreyaların birdəfəlik ləğv olunmasının tərəfdarıyam. Millətin onsuz da iqtisadi vəziyyəti ağırdır. Belə bir zamanda insanlar saman çöpündən də yapışırlar. İnsanların da bu acizliyindən belə mərc oyunları istifadə edir, mədəni formada kasıbın cibinə girmiş olur. Ani şəkildə pul qazanmağa həvəsləndirir, ancaq burada, bu oyunları təşkil edənlər özləri qazanır, vətəndaş isə heç bir halda udmur. Bu cür ani pul uduşu olan oyunlar dünyanın heç bir yerində insanlara xoşbəxtlik gətirməyib, Azərbaycanada da gətirməyəcək. Belə fəaliyyətin təşkilini və ya təşviqini təmin edən qurumlar yaxşı olardı ki, yeni iş yerlərinin açılmasında müəyyən addımlar atsın”.
T.Abbaslı bildirib ki, bütün bu oyunlar ölkədə tamamilə qadağan olunmalıdır: “Biz ümumiyyətlə, Azərbaycanda “Poz, qazan”, MİSLİ və digər mərc oyunlarının, qumarın hər cür təzahürünün qadağan olunamasının tərəfdarıyıq. Kazino fəaliyyəti kimi bu mərc oyunları da qadağan olunmalıdır. Çünki bu mərc oyunlarının kazinodan heç bir fərqi yoxdur”.

Naxçıvan MR Ali Məclisinin deputatı, Naxçıvan Dövlət Universitetinin müəllimi Nazim Bababəyli dünyasını dəyişib.

Deputat 59 yaşında dünyasını dəyişib.

Nazim Bababəyli mərhum alim Səfəralı Babayevin oğlu, Bakı Dövlət Universitetinin rektoru Elçin Babayevin qardaşıdır.

Qeyd edək ki, Nazim Bababəyli 28 may 1953-cü ildə Naxçıvan şəhərində anadan olub. 1961-ci ildə Naxçıvan şəhər 1 saylı orta məktəbə daxil olan Nazim Bababəyli 1971-ci ildə həmin məktəbi bitirib. 1971-1975-ci illərdə indiki Azərbaycan Dövlət Pedaqoji Universitetinin Coğrafiya fakültəsində təhsil alıb. 1975-ci ildə Azərbaycan SSR EA "Kaspi" mərkəzində baş laborant vəzifəsində əmək fəaliyyətinə başlayıb. 1977-1978-ci illərdə Moskva şəhərində SSRİ EA Coğrafiya İnstitutunda kiçik elmi işçi vəzifəsində, 1978-1990-cı illərdə Kosmik Tədqiqatlar Elm və İstehsalat Birliyində mühəndis, kiçik elmi işçi, elmi işçi, laboratoriya rəisi, Elmi-Texniki Kompleksin rəhbərinin müavini vəzifəsində çalışıb. 1990-cı ildən Milli Aerokosmik Agentliyin Naxçıvan şöbəsində rəis vəzifəsində çalışmaqda idi. 2004-cü ildə "Araz çayının yuxarı hissəsinin ekoloji şəraiti” adlı dissertasiya müdafiə edib və coğrafiya üzrə fəlsəfə doktoru elmi adını alıb.

1994-cü ildə Naxçıvan şəhər Məclisinin, 2005-ci ildə III çağırış , 2010-cu ildə IV çağırış, 2015-ci ildə V çağırış və 2020-ci ildə VI çağırış Naxçıvan MR Ali Məclisinin deputatı, Avropa Şurası Regional və Yerli Hakimiyyətlər Konqresində Azərbaycan nümayəndə heyətinin üzvü olub.

Naxçıvan MR-in əməkdar müəllimi olan Nazim Bababəyli "Tərəqqi” medalı, "Akademik Plyuqin” medalı və "Akademik H.Əliyev adına döş nişanı” ilə təltif olunub. 269 elmi məqalənin, o cümlədən 6 monoqrafiyanın, ali məktəblər üçün bir neçə proqramın müəllifidir.

Nazim Bababəyli 2010-cu ildən Naxçıvan Dövlət Universitetinin Təbiətşünaslıq və kənd təsərrüfatı fakültəsinin Coğrafiya kafedrasının dosenti, 2003-cü ildən 2016-cı ilədək həmin kafedranın müdiri vəzifəsində işləyib.

HİT.az

Əməkhaqları verilməyən Kəlbəcər rayon Təhsil şöbəsinin müəllimləri etiraz aksiyası keçirəcək.

DİA.AZ bildirir ki, bu haqda bir qrup Kəlbəcərli müəllimlər tərəfindən Dünyanınsəsi.Az saytına şikayət daxil olub.

Belə ki, müəllimlər bildirilər ki, 3 aydırki əməkhaqlarımız səbəbsiz olaraq verilmir.Bu haqda Kəlbəcər rayonu İcra hakimiyyətinin eləcə də Elm və Təhsil Nazirliyinin xəbərləri olsada heç bir tədbir görmürlər.Məcburiyyət qarşısında qalan yüzlərlə müəllim vəziyyətdən çıxış yolu üçün məskunlaşdıqları ərazilərdə eləcə də Gəncədə etiraz aksiyası keçirmək istəyirlər.

Hətta bir qrup müəlim məsələnin həll edilməsi üçün məşhur vəkilimiz Əziz Qənbərliyə də müraciə ediblər.

Vəkilimizdə sosial şəbəkə vasitəsi ilə Kəlbəcər Təhsil Şöbəsini yönləndirən Namiq müəllidən də xahiş edir ki, səsləndirilən problemlərin həlli üçün müvafiq addımlar atsın.

Redaksiya olaraq bölgədə fəaliyət göstərən bəzi məktəb direktorları ilə söhbətləşib problemin nədən ibarət olmasına çalışdıq.Adının çəkilməsini istəməyən bəzi direktorlar bildirdilərki Kəlbəcər təhsil şöbəsinin məktəblərində məqsədyönlü dərs bölgüsü böhranı üçbatından maaşlarımız verilmir.

Qəbələnin Həzrə kəndinin sakinləri qaz üzünə həsrətdirlər.

Qış aylarında Həzrənin mənzərəsi belə olur - kəndin kişiləri səhər tezdən oyanır, əllərində baltayla düşürlər meşələrə, ağac kəsir, odun toplayırlar.

Kənd sakinləri deyirlər ki, problemlərilə bağlı dəfələrlə İcra Hakimiyyətinə də, "Azəriqaz"a da müraciət ediblər, amma nəticə yoxdur.

2010-cu ildə "Azəriqaz" İstehsalat Birliyi Qəbələnin Həzrə kəndinə qaz xəttinin çəkildiyini bildirmişdi. 12 il keçib, amma hələ də kəndə qaz verilməyib.

Qurumun mətbuat xidmətinin rəhbəri Eldəniz Vəliyev bildirir ki, 12 il bundan qabaq kəndin qazlaşdırılması aktual olub. Sonra hansısa proseslər səbəbindən ertələnib. Kəndə qaz çəkilməsi 2023-cü il planına daxil deyil, böyük ehtimalla 2024-cü il planına salınacaq.

Bir neçə gün əvvəl yazdığımız məqalədə Azərbaycan Respublikası Dövlət Sığorta Kommersiya Şirkətində ( qısaca, “Azərsığorta”) baş verən neqativ hallardan, şirkətin sədri Fərhad Adıgözəlovun əməllərindən bəhs etmişdik. “Azərsığorta” şirkəti haqqında qısa məlumat verək. 1991-ci ildə Azərbaycan Respublikasının Maliyyə Nazirliyi yanında fəaliyyət göstərən Dövlət Sığortası İdarə Heyəti bazasında Azərbaycan Respublikası Dövlət Sığorta Kommersiya Şirkəti yaradılıb. Şirkət haqqında ötən yazımızda geniş yazmışıq. Ona görə də uzun-uzadı yazmağa ehtiyac görmürük.
Sadəcə, onu qeyd edə bilərik ki, Dövlət Sığorta Şirkəti respublika üzrə geniş filial şəbəkəsinə malikdir. Şirkətin 15 departamenti, sədri, müşavirləri, rayonlarda filialları və s var.
Uzun illər şirkətin rəhbəri Məmməd Əhməd oğlu Məmmədov olub və 2020-ci ilin mart ayında vəzifəsindən uzaqlaşdırılıb. Və Fərhad Adıgözəlov 07 dekabr 2021-ci il tarixdə Dövlət Sığorta Kommersiya Şirkətinə Sədr təyin edilib. Və Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin müdiri Natiq Əmirov Dövlət Sığorta Kommersiya Şirkətinin yeni təyin olunmuş sədri Fərhad Adıgözəlovu şirkətin kollektivinə təmtəraqla təqdim edib.
Biz ötən yazımızda vətəndaşların şikayətləri əsasında sığorta şirkətinin bir qrup işbilməzlərin əlində korrupsiya şəbəkəsinə çevrilməsindən bəhs etmişdik. Bəli, vətəndaşlar yazır ki, Azərbaycan Respublikası Dövlət Sığorta Kommersiya Şirkəti bizi süründürməçiliyə məruz qoyaraq sığorta pulumuzu vermək istəmir.
Şikayətçilər yazır: “Bu şikayəti imza edən şəxslər bir neçə aydır avtomobil qəzası nəticəsində bizə dəymiş zərərin əvəzi olaraq sığorta pulumuzu Azərbaycan Respublikası Dövlət Sığorta Kommersiya Şirkətindən ala bilmirik. Hər dəfə bir bəhanə gətirib vaxt uzadırlar. Baxmayaraq ki, tələb olunan bütün sənədləri təqdim etmişik. Bizə dəymiş ziyanı qanunsuz olaraq bir neçə dəfə azaldıblar”. Şirkətdə nəinki süründürməçilik, hətta cinayət halları da baş verir.
Belə ki, xeyli sayda vətəndaş yazır ki, qəza nəticəsində avtomobilimə 4500 ziyan dəyib, şirkət 2000 təklif edir, başqa birisi yazır ki, qəza nəticəsində 1200 ziyana düşmüşəm, sığorta şirkəti 400 manat təklif edir...və s. Vətəndaşlar yazır ki, dəfələrlə sədr Fərhad Adıgözəlova müraciət etmişik, ancaq şikayətə baxan yoxdur. Bizim təqdim etdiyimiz sonuncu şikayətdə isə Qarabağ müharibəsi veteranı olan avtomobil sahibi deyir ki, Yasamalda qəzaya məruz qalan avtomobilim üçün təkcə bir detala 2500 manat pul vermişəm, şirkət isə mənə 90 manat təklif edir. Belə haqsızlıq olmaz.
Bəli, daxil olan məlumata görə, son illər şirkətdə ciddi neqativ hallar baş verir. Belə ki, şirkətin 90-dan artıq şöbələri birləşdirilir və boşalmış sahələr kimlərəsə hədiyyə edilir. Son bir ildə sığorta şirkətinə məxsus maşınlar özəlləşdirilir və özlərinin yaxın adamlarına satılır.
İndi isə gəlin görək, Fərhad Adıgözəlov Sığorta Kommersiya Şirkətinə haradan gəlib. Fərhad Adıgözəlov bir müddət maliyyə nazirinin köməkçisi olub, sonra isə mühüm vəzifəyə, “Azər-Türk Bank”ın İdarə Heyətinin sədri vəzifəsinə təyin olunub.
Məlumdur ki, 2015-ci ildə ölkədə baş verən iki kəskin devalvasiyadan sonra ölkənin bank sistemində baş verən cinayətlərin bir qisminin üstü açıldı. Məlum oldu ki, Cahangir Hacıyev rəhbərlik etdiyi Beynəlxalq Bankdan külli miqdarda vəsaiti şəxsi məqsədləri üçün istifadə edib, iş adamlarına böyük həcmli kreditlərin verilməsində korrupsiyaya yol verib. Beynəlxalq Bankda baş verən korrupsiya ilə əlaqədar bankın prezidenti Cahangir Hacıyev həbs olundu. Oxşar problemlər “Bank Standart”, “Azəriqaz Bank” və “Dəmir Bank”da da qeydə alınmışdı.
Amma ən maraqlı hadisələr “Azər-Türk Bank”da yaşansa da hansısa sirli əl bankda baş verən maliyyə maxinasiyalarına göz yumdu. Və həmin vaxt banka rəhbərlik edən Fərhad Adıgözəlov həbsdən yayına bildi. 2020-ci ildə bankda baş verənlərlə bağlı araşdırmalar zamanı “Azər-Türk Bank”da 128 milyonluq qalmaqal ortaya çıxdı. Və hamı gözləyirdi ki, bu gün-sabah Fərhad Adıgözəlov həbs olunacaq. Amma... Əmması odur ki, Fərhad Adıgözəlov 1 gün saxlanılsa da, sonradan bəxti açılıb və Sığorta Kommersiya Şirkətinə sədr təyin olunub.
Fərhad Adıgözəlovun Vikipediyadakı tərcümeyi-halındakı “kölgələr” haqqında növbəti yazıda. //gundelik-baku.com//