Kolleclərdə baş verən acınacaqlı durumla bağlı yazıya keçməzdən öncə, ümumiyyətlə, kollec təhsili barədə qısa məlumat verək. 70 il yaşadığımız sovet dönəmində “Kollec” sözü bizdə yox idi, bunu haradasa “Texnikum” sözü əvəz edirdi. Və Azərbaycanda 10-larla müxtəlif sahələrə aid texnikumlar fəaliyyət göstərirdi.
Gəlin açıq etiraf edək ki, sovet dövründə Tibb texnikumunu bitirənlər bu gün Tibb Universitetini bitirənlərdən savadlı və peşəkar idi. Bu məqamda bir maraqlı nüans.
Bir neçə il əvvəl Rusiyada çalışan bir biznesmen xahiş etdi ki, onu Tələbə Qəbulu üzrə Dövlət Komissiyasının sədri Məleykə xanımla tanış edək. Səbəbini soruşanda dedi ki, qızımı AMİ-yə ( yəni ATU-ya ) qoymaq istəyirəm. Biraz da maraqlananda cavab verdi ki, istəyirəm qızıma “Medinstitut”un diplomunu cehiz verəm. Bəli, bu bizim az qala milli faciəmizdir. Mütləq ali təhsil, olmasa kollec diplomu olsun-filan. Yaxşı, bu savadsız həkimlər ordusu kimə lazımdır..?
Elə bilrsiniz, təkcə tibb kolleclərində vəziyyət belədir. Əsla, bütün sahələr eyni acınaqcaqlı durumdadır. Bax, beləcə bizim təhsil sistemi bu gün iflas həddindədir.
Sözün düzü, bu gün nəinki kolleclər, heç ali məktəblər normal təhsil verə bilmir. Əgər ali məktəbi bitirən şəxs iş tapmayıb, gözəllik salonunda çalışırsa, hansı təhsildən danışmaq olar..?
Əgər bu insan gözəllik salonunda işləyəcəkdirsə, 5 ilini və üstəlik 20-25 min manat təhsil xərcini niyə ödəməli id..?
Qısa məlumat üçün qeyd edək ki, bu gün Azərbaycanda 54 orta ixtisas təhsili müəssisəsində (kolleclərdə) 58 minə yaxın tələbə təhsil alır. İndi özünüz fikirləşin hər il 58 min tələbə kolleci bitirir, bunlar harada işlə təmin olunacaqlar..?
Sovetlərin dağılmasından sonra Azərbaycanda tələm-tələsik texnikumları kolleclərə çevirdilər və bir az sonra həmin müstəqil kollecləri uyğun ali məktəblərin tabeliyinə verdilər. Məsələn, Maliyyə-İqtisad Kollecini Azərbaycan Dövlət İqtisad Universitetinə, Pedaqoji Kolleci Azərbaycan Dövlət Pedaqoji Universitetinə, Bakı Neft-Energetika Kollecini Azərbaycan Dövlət Neft və Sənaye Universitetinə, İncəsənət Kollecini Azərbaycan Rəssamlıq Akademiyasına, İnşaat Kollecini Azərbaycan Memarlıq və İnşaat Universitetinə, Bakı Texniki Kollecini Azərbaycan Texniki Universitetinə…..və.s…və.i… bu siyahını 54-ə qədər davam etdirmək olar.
İndi sual olunur ki, bu tabeçilikdən sonra nəsə müsbət dəyişiklik oldumu..?
Yeri gəlmişkən, dəfələrlə Bakı texniki Kollecində baş verən neqativ hallarla bağlı Texniki Universitetin prorektoru ilə söhbətimiz olub. Hər dəfə and-aman edib ki, oranın adı bizə tabedir, özünün sahibi Təhsil Nazirliyində oturub… İndi aydın oldumu, bu tabeçilik-filan hamısı boş söhbətlərdir, kolleclər hamısı sanki kimlərinsə biznes obyektidir.
İndi isə kolleclərlə bağlı bizim Alalh qoymasa Nazirlər Kabineti təzə qərar verərək kollecləri public hüquqi şəxslərə çevirib. Sizi inandırıram ki, həmin kolleclərin direktorlarından soruşsanız, PUBLİK HÜQUQİ ŞƏXSİN nə olduğunu düz-əməlli bilməyəcək. Bir dəfəlik bilməliyik ki, Azərbaycandakı nəinki kolleclərin heç universitetlərimizin təhsil səviyyəsi xaricdəki kolleclərin səviyyəsində deyil. Həm də elektrik mühəndisi olmaq üçün 5 il oxumağa nə ehtiyac var axı..?
Hələ, üstəlik kolleclərdə tədris olunan köhnə dərsliklərlə müasir standartlara cavab verən mütəxəssis hazırlamaq mümkün deyil. Bütün bunlar azmış kimi kolleclərin ilbəil təhsil haqqını, ödənişi qaldırması da bir ayrı problemdir. Bir soruşan yoxdur ki, sən axı nə təhsil verirsən ki, hələ bu qədər ödəniş də tələb edirsən. Axı, sənin yetişdirdiyin kadrlar əmək bazarının tələblərinə uyğun kadrlar deyil. Azərbaycana bu gün savadlı orta ixtisaslı tibb işçilər lazımdır. Görəsən, ölkəmizin Tibb Kollecləri belə mütəxəssis hazırlaya bilirmi..?
Bir siyahıya nəzər salın: 2 nömrəli Bakı Baza Tibb Kolleci, Ə.Əliyev adına Sumqayıt Tibb Kolleci, Gəncə Tibb Kolleci, Mingəçevir Tibb Kolleci, Şəki Tibb Kolleci, Lənkəran Tibb Kolleci, Cəlilabad Tibb Kolleci, Quba Tibb Kolleci, Saatlı Tibb Kolleci… Və əgər kollecin xanım direktoru tələbəyə, əə, şam tutan deyirsə…
Sözün qısası, təhsilimiz sanki ölür, üstündə ağlayanı, daha doğrusu, onu xilas edən lazımdır.
P.S. Görəsən, burada da cənab Prezidentin DƏMİR YUMRUĞU lazımdır? //gundelik-baku.com//

"Bildiyiniz kimi, hal-hazırda heç bir qurum COVİD yaxmasının nəticəsini tələb etmir. O cümlədən daxili və beynəlxalq uçuşlar zamanı. Ancaq hələ də "Azneft" İB dəniz obyektlərində çalışan neftçilərdən yaxma götürməkdə davam edir". Bu barədə DİA.AZ-a göndərilən müraciətdə qeyd olunur.

Müraciətdə daha sonra deyilir: "Bildiyimiz qədər "Azneft" İB bunun üçün "müvafiq" klinikalara il ərzində 10 milyon manata yaxın vəsait ödəyiır!! Onu da qeyd edək ki, hər işçidən götürülən yaxma üçün "Azneft" İB 150 manata yaxın pul ödəyir. Hər gün Zığda və dəniz vağzalında 400-ə yaxın işçidən yaxma götürülüb yenidən evinə göndərilir,
Yaxma götürələcək işçiləri siyahi ilə çağrılıb onlara barkod verilir, sonra analiz verirlər. Həmin barkod da həkimə verilir.

Həkim isə onu yapışdırır işçinin analiz tübikinə və aparır. Barkodun üstündə isə "Caspian hotel" yazılır. Guya ki işçilər orada qalır, sonra analiz verib işə gedirlər.

Yaxmadan sonra hotelə aparmalıdırlar ki, kənarla təmas olmasın. Amma göndərirlər evə.

Yoxlanılmasına ciddi ehtiyac duyulur bu faktların! Bu açkar korrupsiyadır!"

Həmin otel və klinikaların sahibi kimdir?.. Bu barədə növbəti yazılarımızda... Bizi izləməkdə davam edin.

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Ölkənin yeni daxili işlər naziri Vilayət Eyvazovun barəsində vətəndaş narazılığı olan polis idarə və şöbələrinin rəislərini işindən azad etməsi faktlarına tez-tez rast gəlinir.

Turantv.az-in xəbərinə görə, yaxın günlərdə nazirin “qələmini sındıracağı” şəxslərdən biri də BDYPİ-nin 9 saylı Gəncə İmtahan-Qeydiyyat Şöbəsinin rəisi Eldar Əliyevdir.

Belə ki, adıçəkilən şəxslə bağlı DİN-nə daxil olan çoxsaylı şikayətlərlə yanaşı həm də rəis Eldar Əliyevin öz işçilərinin ciddi narazılığıdır.

Saytımızı bilgiləndirən mənbənin sözlərinə görə, Eldar Əliyev şöbədə çalışan polis mayoru Arif Məmmədov qarşısında bir sıra qanunsuz tələblər qoymuş və istəyinə nail olmayınca adıçəkilən mayoru işlərdən kənarlaşdırmaqla hədələyib.
Belə ki,sovet maşınların texniki baxışı 30-70 manat,xarici maşınlar 90 manata qədər qaldırılıb.Sovet və xarici maşınları ada keçirtmək və rəsmiləşdirmək fantastik qiymətiə qaldırılıb.Bu sahəyə isə polis mayoru Arif Məmmədov rəhbərlik edir.
“Mero” rəisi vəzifə səlahiyyətlərindən sui-istifadə etməklə bu qurumda qohumlarından ibarət Komanda təşkil etməkdən belə çəkinməyib.
Aldığımız məlumata görə Sözügedən 9 saylı Gəncə İmtahan-Qeydiyyat Şöbəsinin rəis Eldar Əliyevin qohumlarından ibarət dəstə “Mero”da ən gəlirli sahələrə nəzarət edir.
Məlumat üçün deyək ki,”Mero”-num Axtarış bölməsinə həyat yoldaşının dayısı polis mayoru Şahin Süleymanov rəhbərlik edir.
Avtomobillərin yeni bahalı nömrələrin verilməsi biznesinə isə həyat yoldaşının başqa dayısı Rövşən Süleymanov tapşırıb.

Gəncə “MERO”da Eldar Əliyev 10 pəncərədən ibarət “Köhnələr” təşkil edib.Orada hər xırda əməliyyat 5 manata başa gəlir.Bu pəncərədən yığılan pullar işdən sonra Mero rəisi Eldar Əliyevə çatdırılır.
Sürücülük vəsiqəsi ilə də bağlı vəziyyət ürəkaçan deyil.Belə ki,polis mayoru Həsən Mirzəyev sürücülük vəsiqəsinə 1000-1200 manat “taska” qoyub.Bu şəxs deyir “Burda mənəm,Bağdadda kor xəlifə”.
Yəni bu adamın qardaşı FHN-in müavini Etibar Mirzəyevdir.

Ona görə bu “Prava kralı”nın heç bir dövlət qurumundan qorxusu yoxdur…

Qarşı tərəfin də mövqeyini dərc etməyə hazırıq.

Gəncə “Mero”sundaki qanunsuzluqla bağlı Həmən videonu sizə təqdim edirik.

Turantv.az

TEREF.AZ yazır ki, Xaçmaz rayonunun Ağarəhimoba kəndinin sakinləri təbii qazın olmamasından şikayətçidir. Onların sözlərinə görə, yaxınlıqdakı bütün kəndlərdə mavi qaz olsa da, 30 ildir ki, bu kəndə qazın "cari ildə gələcəyini" vəd edirlər.

Sakinlər bildirir ki, yerli camaat evləri qızdırmaq üçün, min bir əziyyətlə yetişdirdikləri meyvə bağlarını doğrayıb yandırırlar...

Daha ətraflı məlumat üçün videonu izləyin...

Göygöl rayonu Hacıməlik qəsəbəsi sakinləri içməli su problemindən əziyyət çəkir.

Qəsəbə sakinlərinin Yenicag.az-a verdiyi məlumata görə, “Azərsu” tərəfindən qəsəbəyə içməli suyun verilişi dayandırılıb.

Şikayətçilər bildirirlər ki, qəsəbə 30 ildir su problemi ilə üz-üzədir. “Azərsu”nun su maşınları Hacıməlikdə qapı-qapı su satmaqla məşğuldur.

Hacıməlik qəsəbəsində su sayğacları qoyulmayıb. “Azərsu” əməkdaşları isə hər ay hər evdən supulu yığır. Qəsəbə sakinləri bildirir ki, layihəyə görə 2013-cü ildən hər evə su çəkilib və sayğac qurulmalı imiş. Məsələ ondadır ki, Hacıməlikdən sonra qəsəbələrin hamısında sayğaclaşma gedib. Bu baş vermədiyi üçün də istənilən vaxtı suyu kəsirlər və su çənləri vasitəsi ilə qəsəbə sakinlərinə su satırlar.

Hacıməlik sakinləri bildirir ki, qəsəbədə axar su da yoxdur və heyvanlara belə aldıqları sudan verirlər. Hacıməlik qəsəbəsində cəmi bir artezian quyusunun olduğu deyilir və həmin artezian 500 evə xidmət göstərir.

Hacıməlik sakinləri su problemi ilə bağlı müraciət etmədikləri qurumun qalmadığını bildirir. Heç bir qurum Hacıməlikdəki su probleminə çarə tapa bilmir.

Qəsəbədəki su satışının videogörüntüsünü sizə təqdim edirik: