Prezident İlham Əliyev Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu əməkdaşlarının “Tərəqqi” medalı ilə təltif edilməsi haqqında Sərəncam imzalayıb.

Sərəncama əsasən, sosial müdafiə sahəsinin inkişafında səmərəli fəaliyyətinə görə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun aşağıdakı əməkdaşları “Tərəqqi” medalı ilə təltif ediliblər:

Abubəkirova Kəmalə Abdulməcid qızı

Abuşov Ruslan Mürsəl oğlu

Bağırov İlqar Ağami oğlu

Əhmədov Mikayıl Qədir oğlu

Ələkbərov Nazim Şəmistan oğlu

Hüseynova Səadət Yaşar qızı

İsmayılov Eyvaz Firqət oğlu

Qasımova Sevil Rəhim qızı

Qocayev Famil Ələddin oğlu

Mahmudova Dürdanə Heybətağa qızı

Mehdiyev Səfər Arif oğlu

Məmmədov Mail Ağasən oğlu

Rzayeva Səidə Cəmil qızı

Səfərəliyeva Qumru İbrahim qızı

Süleymanov Ceyhun Allahyar oğlu.

Yəqin ki, Bakı şəhəri, Binəqədi rayonu, Xocasən qəsəbəsində fəaliyyət göstərən və 3 ulduzlu “Çinarlı” hoteldə baş verən ictimai mənəviyyat əleyhinə cinayətlərdən zaman – zaman çox deyilib, çox yazılıb. İkimərtəbəli və təqribən 40-45 otaqdan ibarət olan bu hoteldə yüngül əxlaqlı qadınların cinsi istismarı həyata keçirilir və görüşən cütlüklər üçün lazım olan hər cür şərait var. Yəni, hər bir otaqda televizor, hamam, yataq dəsti və digər avadanlıqlar mövcuddur. Cəmiyyətin tör-töküntülərinin bu ünvana daha çox üz tutmasının bir özəl səbəbi də hotelin bir qədər xəlvəti, gözdən uzaq ərazidə fəaliyyət göstərməsidir. Bu xəlvətilik müştərilərin müəyyən söz-söhbətlərdən, qınaq obyektinə tuş gəlməkdən və s. qoruyur. İstər-istəməz ortaya sual çıxır: Əcəba, Zahid adlı şəxsə məxsus bu otelə “3 ulduz” keyfiyyət nişanını ən “xod gedən” əxlaqsızlıq yuvasına çevrilməsinə görəmi veriblər? Adamın fəaliyyəti, çörək qazanmaq növü özünün adı ilə təzad təşkil edir (“Zahid” sözü tərki-dünya, aşırı dərəcədə ibadətlə məşğul olan, daim Allahı zikr edən, dünya malında gözü olmayan deməkdir).

Hətta pandemiyanın tüğyan etdiyi dönəmdə də xəlvətdə öz fəaliyyətini davam etdirmiş bu obyektdə cinsi istismara məruz qalan qadınların döyülməsi halları da az olmayıb. Məsələn, bir neçə il əvvəl Vüsalə Yusubova və Ayşən Quliyeva adlı qadınlar Binəqədi RPİ-nin 40-cı polis bölməsinə Vüsal adlı şəxsin onları döyərək ümumilikdə 500 manat pulunu soyğunçuluq yolu ilə ələ keçirərək aradan çıxdığı barədə şikayət etmişdilər və bu məsələ sosial mediaya, KİV-ə sızmışdı. Məsələnin maraqlı tərəfi bu olmuşdu ki, baş verən belə bir cinayət hadisəsindən sonra hotelin rəsmi şəxslərindən bir kimsə məsuliyyətə cəlb olunmadı. Nə adları çəkilən insident iştirakçılarının, nə də otelin xidmətindən istifadə edən başqa müştərilərin qeydiyyatı aparılmayıb.

Ondan da yazılıb ki, gün ərzində dövriyyəsi təqribən bir neçə min manatlarla hesablanan 3 ulduzlu “Çinarlı” hoteldə bir ədəd olsun belə kassa aparatı olmadığından, həmin ünvana üz tutan müştərilərə heç bir halda ödəniş qəbzi verilmir. Yəni, obyekt sahibi heç də vicdanlı vergi ödəyicisi deyil. Burada əmək qanunvericiliyinin tələblərinə, sanitar-gigiyena normalarına ciddi riayət olunmasından da söhbət gedə bilməz.

Daha böyük məyusluğumuza səbəbn olan məsələ isə “Çinarlı”ya, onun sahibinə məhz cəmiyyətin görən gözü, eşidən qulağı sayılan jurnalistlərin qahmar çıxmasıdır. Bu günlərdə hoteldə baş verən qanunsuzluqlarla əlaqədar həmin ünvana yollanıb araşdırma aparmaq məqsədilə otelin inzibatçısına suallar verən redaksiyamızın əməkdaşı təhdidə məruz qalıb. İnzibatçı ona “səni gecə ilə yatağından götürdərik” deyib hədələyib. Əməıkdaşımızın mobil telefonuna zəng edən başqa bir şəxs isə özünü “Banker.az” saytının rəhbəri Fuad Mədətov” kimi təqdim edərək, otel barədə tənqid yazmaq fikrindən daşınmağı tələb edib, əks halda onun üçün pis nəticə verəcəyi haqda xəbərdarlıq edib. Əməkldaş rastlaşdığı bu xoşagəlməz hal barədə redaksiyaya məruzə edəndən sonra redaksiya rəhbərliyi otelin inzibatçısına zəng vuraraq məsələni dəqiqləşdirməyə çalışıb. İnzibatçı isə əməkldaşımıza dediyi təhdidləri baş redaktora da təkrarlayıb.

Əgər əməkdaşımızla telefonla danışan şəxs həqiqətən də “Banker.az” saytının rəhbəridirsə, demək o, “Bank of Baku” ASC-nin Alternativ satış kanalları departamentinin direktor müavini Fuad Mədətovdur. Elədirsə, gözləmək olar ki, yaxın vaxtlarda müştərilərinə istifadə etdikləri “Çinarlı” hotelinin xidmətlərindən, o cümlədən intim xidmətlərindən “bolkart” taksit kartı ilə hesablaşmağı da təklif edəcək.

“Əsli ilə doğrudur!”.azerinfo.az

Azərbaycan sığorta bazarının iştirakçılarından olan “Günay Sığorta” şirkətinin yığımları son bir il ərzində kəskin azalıb.

DİA.AZ-ın məlumatına görə, FED.az Azərbaycan Mərkəzi Bankının (AMB) 2022-ci ilin yanvar-sentyabr ayları üzrə açıqladığı hesabatına istinadən xəbər verir ki, şirkət tərəfindən bu ilin 9 ayında 5,669 mln. manat həcmində sığorta haqqı toplanılıb ki, bu da ötən ilin analoji dövrünün göstəricisi ilə müqayisədə 2,320 mln. manat və ya 29% azdır.

Qeyd edək ki, azalma cari ilin yanvar-avqust aylarında da davam edib. Cari ilin 8 ayında şirkətin topladığı yığımlar son bir illə müqayəsədə 2,378 mln. manat və ya 48,7% azalaraq 4 885 mln. manata enib.

Xatırladaq ki, bu yaxınlarda şirkətin rəhbər heyətində istefalar olub. Belə ki, Şirkətin İdarə Heyətinin sədri Mahir Niftəliyev və Direktorlar Şurası sədrinin müşaviri Azad Cavadov öz xahişi ilə vəzifələrindən uzaqlaşıb.

Göyçay rayon, Qaraxıdır kənd sakini İsrafılov Əlövsət Əjdər oğlu qarşılaşdığı problemlə bağlı növbəti dəfə “Hürriyyət” qazetinin redaksiyasına şikayət məktubu göndərib.

Xatırladaq ki, Ə.İsrafilovun səlahiyyətli qurumlara müraciətini “Hürriyyət TV”-də və Hürriyyət.az saytında vermişdik. Amma təəssüflər olsun ki, hələ də problemin həlli istiqamətində hansısa mübət addım atılmayıb. Bu isə qanunsuzduğun davam etməsinə daha geniş şərait yaradır.

Odur ki, şikayətçinin yeni video-müraciətini oxucularımıza təqdim edirik:

My Webpage
https://www.facebook.com/hurriyyet.org/videos/933904294248430/?t=32

“Dövlət başçısının fərmanı ilə Azərbaycan Milli Elmlər Akademiyasının humanitar institutlarından ibarət akademiya quruldu və bura yeni prezident seçildi. Mən də seçkilərə şəxsən qatıldım və yeni prezidenti təbrik etdim. AMEA-nın digər institutuları isə Elm və Təhsil Nazirliyinə bağlıdır. Məncə, bu istiqamətdə işlər davam edəcək”.

Bunu Azərbaycanın keçmiş təhsil naziri Misir Mərdanov deyib.

Onun sözlərinə görə, AMEA-nın sabiq prezidenti, akademik Ramiz Mehdiyev bir müddət bu elm ocağında prezident vəzifəsini daşıyıb, lakin bu müddətdə heç bir inkişaf və irəliləyiş baş verməyib. M. Mərdanov iddia edir ki, R. Mehdiyev AMEA-nı geriyə sürükləyib.

M. Mərdanov əlavə edib ki, R. Mehdiyevin qabiliyyəti ancaq buna çatardı: “Hamı bunu bilir, o cümlədən də mən. Yeri gəlmişkən, bir zaman mən rəsmi şəkildə onu tənqid etmişəm. Ramiz Mehdiyev Azərbaycan üçün heç vaxt xeyir gətirəsi şəxs olmayıb. Hətta Prezident Administrasiyasında işlədiyi dövrdə də. Mən onu çox yaxşı tanıyıram. Əvvəl Mərkəzi Komitənin katibi olub. Amma heç bir vaxt Azərbaycana xeyir verməyib. Bilirsinizmi, onun ailəsi belə azərbaycanlı deyil. Ondan nə gözləyəsən?”.

Sabiq nazir diqqətə çatdırıb ki, R. Mehdiyev dəfələrlə ona problem yaratmağa çalışıb: “Söhbət dəfələrlədən gedir. Bəli, problem yaradıb və buna nail olub”.

M. Mərdanov qeyd edib ki, R. Mehdiyev AMEA-ya prezident gələn gündən onunla əks cəbhədə olub.

Reyting.az

Mərhum Prezident Heydər Əliyevin qurucusu olduğu, 1993-cü ildən iqtidarda olan Yeni Azərbaycan Partiyasının (YAP) yaradılmasının 30 ili tamam olur. Hakim partiya 800 min üzvü özündə birləşdirməklə ölkənin ən böyük partiyası, uzun illər Milli Məclisdə çoxluğu əlində saxlayan yeganə siyasi qüvvədir. YAP-ın buna necə nail olması başqa yazının mövzusudur, amma bu o demək deyil ki, hakim partiya haqqında yazılası başqa mövzu yoxdur. Məsələn, yüz minlərlə kasıb vətəndaşın üzv olduğu partiyanın hesabına topdağıtmaz sərvəti olan oliqarxlar formalaşıb. Qohumbazlıq, hakimiyyətdən su-istifadə, dövlət əmlakını talama və s. natəmiz üsullarla ağılagəlməz var-dövlətə sahib olan bu şəxslər YAP-ın ictimai nüfuzuna böyük xələl gətirir.

Onların sayı xeyli çoxdur, bu yazıda birinci onluqda gələn isimlərdən biri – YAP Suraxanı təşkilatının sədri Vüqar Seyidovdan bəhs edəcəyik. Bu barədə redaksiyamıza YAP kularlarından maraqlı məlumatlar daxil olub.

Cənab Seyidov kimdir? YAP Siyasi Şurasının üzvü, uzun illər Bakı şəhər İcra Hakimiyyətinin başçısı olmuş Hacıbala Abutalıbovun qardaşı Osman Abutalıbovun kürəkəni. Əlbəttə, bu qohumluq YAP-ın rayon sədrinin oliqarxa çevrilməsində mühüm rol oynayıb. Amma bu yeganə vasitə deyil.

Vüqar Seyidov 14 Suraxanı Rayon İcra Hakimiyyətinin başçısı olmuş, hazırda Şirvan şəhərinə başçılıq edən İlqar Abbasovla birlikdə rayonun gəlirli sahələrinə əl qoyub. Torpaq, vəzifə satmaqdan tutmuş dövlət resurslarına sahiblənməklə dəyəri on milyonlarla dollarla ölçülən daşınmaz əmlaka, ayda yüz minlərlə gəlir gətirən biznesə sahib olub.

Mənbə onlardan bəziləri haqqında redaksiyamıza maraqlı məlumatlar göndərib. Belə ki, Nizami rayonu, 8-ci km. yaşayış sahəsi, M.Abbasov küçəsi 2 ünvanında ümumi sahəsi 809.82 kvm olan 4 mərtəbəli ofis binası ona məxsusdur. Cənab Seyidov bu gəlirli obyekti həyat yoldaşı Reyhan Seyidovanın adına sənədləşdirilib. Bundan başqa Binəqədi rayonu, Biləcəri qəsəbəsi Yəhya Hüseynov küçəsi 70 f ünvanında yerləşən, ümumi sahəsi 506 kvm olan kafe-çayxana, “Yaşıl Ada Uşaq Bağçası MMC” də həyat yoldaşı Reyhan Seyidovanın adınadır. Bundan əlavə Vüqar Seyidov yaxın qohumu Rəna Nazim qızı Abutalıbovanı Yeni Günəşlidə yerləşən 23 saylı uşaq bağçasına müdir təyin etdirib.

Mənbə bildirir ki, Qaraçuxur qəsəbəsində yerləşən “Qədim Qarabağ” restoranı, Yeni Günəşli, Abbas Fətullayev küçəsindəki beton zavodu və 20 hektar torpaq sahəsi də YAP təşkilat sədrinin biznes imperiyasına daxildir.

Məlumata görə, Vüqar Seyidov tikinti sektoruna da baş vurub, mənbə bildirib ki, hazırda 21 yaşayış binasının tikintisi üçün hazırlıqlar gedir. YAP-ın yerli sədri eyni zamanda Nərimanov və Nəsimi rayonları ərazisində hündürmərtəbəli binalar tikdirib.

Cənab Seyidovun bahalı maşın həvəskarı olduğu da verilən məlumatlar sırasındadır. Mənbə bildirib ki, onun avtomobil kolleksiyasına “Range Rover”, 77-ZZ-776 nömrəli son model “Toyota Land Cruiser”, “Mercedes Benz Maybach” və s. lüks modellər daxildir.

Vüqar Seyidovun qaynatası Osman Abutalıbov da böyük biznes sahibidir. Belə ki, o 2009-cu ildə Türkiyədə “Baytaş Su və Meşrubay Pazarlama Sanayi Ticarət Limited” şirkətində 16,7 faiz pay alıb. 2010-cu ilin mayında əvvəlcə şirkətin adı (Nida Su və Meşrubat Pazarlama Sanayi Ticaret Limited) oktyabrda isə payçıları dəyişib. Abutalıbov onu tamamilə Azərbaycan kapitallı şirkətə çeviərək sahiblənib. Dekabrda şirkət İstanbuldan Sakarya bölgəsində – Sapancaya köçürülüb. Mənbə bildirir ki, burada Osman müəllimin və ortqalarının 14 min kv.metrdən çox daşınmaz əmlakı olub. Amma 5 il sonra – 2015-ci ilin sonunda ortaqlar qəflətən şirkətin ləğv edilməsi haqda qərar qəbul ediblər.

Mənbə Seyidov-Abbasov cütlüyünün Suraxanı rayonunda çoxşaxəli işbirliyi ilə bağlı da redaksiyamıza maraqlı məlumatlar verib.

Bizi izləyin. //gununsesi.info//

Vicdanlı alimləri, gənc elmi araşdırmaçıları dəyərləndirməli olan Ali Atestasiya Komissiyası bu gün elmi dərəcə, elmi ad alveri ilə məşğuldur. İllərdir elmi dərəcə satan bu qurumun keçmiş rəhbərinin qoyduğu ənənəni indi də yeni sədr Mustafayev Famil Front oğlu yüksək səviyyədə davam etdirir.
Tribuna.Az xəbər verir ki, Ali Attestasiya Komissiyasında fironluq edən F.Mustafayev komisiyadan keçənlərin sevincini də qursağında qoyur. Elmi adların verilməsində alimlərin qarşısında minimum 20 min manat tələb qoyan AAK sədri yaxınlarda bu işin topdan satışı ilə də məşğul olar. Hətta professorluq diplomunun saxta olmasına dair iddialar var.
F.Mustafayevin rəhbər vəzifəyə gəlişindən sonra AAK-da rüşvətin yığışdırılacağına ümidlər çox idi. Ancaq rüşvət və korrupsiya yuvasına çevrilən AAK-ın yeni rəhbərliyinin də köhnədən qalma ənənələri davam etdirməsi elm ictimaiyyətini, vicdanlı alimləri çox narahat edib.
Məsələn, vicdanlı professorlardan olan İdris Abbasov mətbuata verdiyi müsahibəsində qeyd edib ki, AAK sədri müzakirə edilmiş elmi işləri dəfələrlə təkrar müzakirəyə cəlb edir. Çarəsiz qalan əksər gənc alimlər və araşdırmaçıların dəfələrlə müzakirə edilmiş işləri əllərində qalmış olur:
“Mən ona görə də təkrar müzakirəyə sədrlik etməkdən imtina etdim. Elmə, inkişafa heç bir faydası olmayan belə yanlış qərarın icraçısı olmaq üçün o qədər cahil olmalısan ki, bu hərəkətə boynubükük şəkildə razı olasan. Həyatda hər şey elmdən, ziyalılıqdan, haqq sözünü deməyi bacarmaqdan, özünə qarşı tələbkar olmaqdan başlayır. Təəssüf ki, bizim bəzi alim-məmurlarımız bunu hələ də anlamaq istəmirlər. Şirnikləndirici təkliflər, formal müzakirələr, formal seminar vədləri elmin inkişafına deyil, rüşvətə xidmət edir”.
Professor əlavə edir: “Ekspert Şurasının lüzumsuz olduğunun şahidi oldum. Famil Mustafayev yenilik etmək istəyirsə, ilk olaraq elmə aidiyyəti olmayan Ekspert Şurasını ləğv etməliydi”.
Bəs F.Mustafayev nə etdi? Nazirlər Kabineti qarşısında məsələ qaldırdı ki, ekspertlərə pul vəsaiti ayrılsın. Professor bildirib ki, kənardan baxanda da elə bilirlər ki, Ekspert Şurası böyük iş görür, içəridə nəsə iş gedir. Dəhlizlərdə isə vicdanlı alimlər, gənc araşdırmacılar əllərində işləri müdafiəsini, ona verilən rəyı gözləyir. Bu gözlənti aylarla, illərlə davam edir.
Ancaq qızına, gəlininə toy hədiyyəsi kimi elmi ad, elmi dərəcə alıb hədiyyə vermək istəyənlər heç o dəhlizlərdə ayaq da döymürlər. Bu cür evdar “alimlər” də elmi dərəcələrinin qiyməti ilə öyünürlər. 20 min manatlıq elmi ad, 30 min manatlıq elmi dərəcə…
Uzun illərdən bəri ömrünü elmə həsr etmiş, min əziyyətlə dissertasiya yazıb müdafiə etmək istəyənlərin qarşısında AAK rəhbəri F.Mustafayev Çin səddi çəkib. Elmi dərəcə, elmi ad admaq istəyən gənc alimlərin əli ciblərində olmalıdır. Yoxsa onların bu günə qədər oxuduqları, araşdırdıqları, yazdıqları dissertasiyalar heç kəsə lazım deyil.

Gələn il dövlət sifarişi ilə ali təhsil alanların, həmçinin təqaüd yerlərinin sayının artırılması və əhalinin aztəminatlı təbəqəsinin ali təhsilə əlçatanlığının daha da artırılması və ali təhsilin əhatə dairəsinin genişləndirilməsi məqsədilə daha çox tələbə kreditinin verilməsi, habelə təhsil müəssisələrində informasiya-kommunikasiya texnologiyalarının tətbiqi üzrə artan tələbatın qarşılanması təhsil xərclərinin artımında əsas istiqamətlərdəndir.

Bunu maliyyə naziri Samir Şərifov deyib. Nazir bildirib ki, 2023-cü ilin dövlət büdcəsində 4,4 milyard manat təhsil xərcləri nəzərdə tutulur ki, bu da 2022-ci illə müqayisədə 536,5 milyon manat və ya 13,8 faiz, 2021-ci ilin icra göstəriciləri ilə müqayisədə isə 1,3 milyard manat və ya 42,4 faiz çoxdur.

O qeyd edib ki, tələbə kreditinin verilməsi ilə bağlı növbəti il üçün dövlət büdcəsindən 8 milyon manat vəsaitin ayrılması nəzərdə tutulur. S.Şərifov əlavə edib ki, dövlət sifarişi ilə ali təhsilin maliyyələşdirilməsi və təhsil sahəsidə digər tədbirlər üçün 414 milyon manat vəsait proqnozlaşdırılıb ki, bu da 2022-ci illə müqayisədə 17,1 milyon manat və ya 4,3 faiz çoxdur. Milli Məclisin Elm və təhsil komitəsinin sədr müavini Musa Qasımlı isə Azərbaycanda ali məktəblərə qəbul qaydalarının dəyişdirilməsini təklif edib. O, çıxışı zamanı bildirib ki, ali təhsil almaq istəyən hər kəsə bu şərait yaradılmalıdır:

“Universitetlərin qapılarını açaq, kim ali təhsil almaq istəyirsə, gəlsin. Amma qəbul prosesini asanlaşdırıb, təhsil alma prosesini çətinləşdirməliyik. Hazırda isə vəziyyət əksinədir. Biz təhsilimizi bu baxımdan sağlamlaşdırmalıyıq ki, gələcəkdə problemlər olmasın".

Qeyd edək ki, ölkənin dövlət ali təhsil müəssisələrində ödənişsiz yerlərin sayının artırılması xeyli müddətdir müzakirə olunur. Eyni zamanda, ali məktəblərə attestatla qəbulun keçirilməsi barədə də fikirlər səslənir.

Dövlət ali təhsil müəssisələrinə ödənişsiz yerlərin artırılması və qəbul qaydalarının dəyişdirilməsi nə dərəcədə realdır?

Təhsil üzrə ekspert Elşən Qafarov Cebhe.info-ya bildirdi ki, dövlət universiteti anlayışı doğru deyil:

“Universitetlər müstəqil olmalıdır. 2011-ci ildən ali məktəblərimiz özünü maliyyələşdirmə sisteminə keçib. Təhsilin İnkişafı üzrə Dövlət Strategiyasında da nəzərdə tutulur ki, ödənişli təhsili dövlət sifarişi ilə olan təhsillə əvəz edin. Ölkədə aparılan islahatlar nəticəsində son 3 ildə bu sahədə çox ciddi işlər görülüb. Belə ki, 2019-cu ildə ali məktblərdə oxuyan hər 100 nəfərdən 79-u ödənişli təhsil alırdısa, 2022-ci ildə hər 100 nəfərdən 45 nəfəri ödənişli təhsil alır. Həmçinin, 2021-ci ilə yaradılan Təhsil Tələbə Krediti Fonduna ölkə başçısı tərəfindən 80 milyon manat vəsait köçürülüb ki, bu da neft kapitalının insan kapitalı ilə əvəz olunması, o cümlədən ödənişli təhsil sistemində təhsil alanların uzunmüddətli kreditlərin verilməsini müəyyənləşdirir. Bu sahədə də TTKF çox uğurla fəaliyyət göstərir. Artıq 1500-dən artıq tələbə Fondun fəaliyyətindən yararlana bilir. Burada məsələ ödənişli təhsilin tamamilə dövlət sifarişindən azad edilməsi yaxın gələcəkdə dövlətin tutduğu əsas prioritet istiqamətlərdən biridir”.

Ekspert illərdir ki, DİM-in qəbul imtahanlarında köklü dəyişikliklər təklif etdiyini deyir:

“Azərbaycan yeganə ölkədir ki, abituriyentlərdən hər 100 nəfərdən 95 nəfəri arzuladığı ixtisasa daxil ola bilmir. Səbəb isə odur ki, DİM-in keçirdiyi qəbul imtahanları qruplar üzrədir. Bir qrup üzrə fərqli-fərqli ixtisasların olmasıdır. Biz təklif edirik ki, DİM-in keçirdiyi qəbul imtahanları ixtisaslar üzrə olsun. Ölkədə 45 ali məktəb və 6 ali məktəbin filialı var. Qəbul zamanı 1 insan 1 ixtisas üzrə sənəd verə bilsin. Hansı ali məktəbə düşə bilirsə, topladığı bala görə həmin ali məktəbə düşsün. Reallıq ondan ibarətdir ki, hər bir gənc bir peşə arzulaya bilər və o ixtisas üzrə təhsil alaraq dövlətə və cəmiyyətə faydalı olar. Ancaq bizdə elə deyil. Hansı ixtisasa düşməsinin fərqi yoxdur. Həm valideynin yenidən repetitorlara küllü miqdarda pul sərf etməsi, yaxud ictimai qınaq məsələsi var və ona görə də məcburi olaraq təhsil alır. Nəzərə alsaq ki, hər il 3 minə yaxın tələbə adını qazanmış şəxslər ödənişə görə təhsil ala bilmir, yaxud ildə 6 minə qədər tələbə ödənişi verə bilmədiyinə görə təhsilini yarımçıq qoyur. Ona görə də hesab edirəm ki, xüsusilə də KİV-in, ziyalıların borcudur ki, ödənişli təhsil Azərbaycanda tamamilə ləğv edilənə qədər TTKF-nun fəaliyyəti və insanların bu fonda müraciət etməsi üçün maarifləndirici işləri genişləndirsinlər”.

Digər tərəfdən DİM-in qəbul imtahanlarında dəyişiklik edilməli, qruplar üzrə imtahanlar ləğv edilməli, ixtisaslar üzrə intahanlarla əvəz edilməlidir”.

Ali təhsildə keyfiyyətin səviyyəsinə gəldikdə isə ekspert deyir ki, biz hələ də 70-ci illər səviyyəsindən çıxa bilməmişik:

“Ali təhsil müəssisəsinə müstəqillik verilməli, ali təhsildə həm məzmun, həm də keyfiyyət baxımından ciddi addımlar atılmalıdır. İlk növbədə əmək bazarı öyrənilməlidir. Bu sahədə artıq ölkə başçısının sərəncamları var. Növbəti ildə əmək bazarını öyrənə biləcək iki elmi-tədqiqat institutunun yaradılması nəzərdə tutulur. Əmək bazarının tələblərinə uyğun olaraq kadr hazırlığı həyata keçirilməlidir. Nəticə etibarilə ali təhsil, o cümlədən orta ixtisas, peşə təhsili müəssisələri əmək bazarının tələblərinə uyğun kadr hazırlamağı bacarmalıdırlar. Attestatla qəbula gəldikdə isə bu ancaq xarici ölkələrdə tələbə axını ilə bağlıdır. Attestat təhsildə şagirdlərin fərdi nailiyyətlərinin ölçülməsidir və həmin attestasiyanın nəticələrinə uyğun olaraq tələbələrə seçim verilməlidir. Gənclərə imkan verilməlidir ki, arzuladığı ixtisas üzrə ali məktəbə sənəd verib, təhsil ala bilsin”.

Şamaxı rayon sakini Sahib Əhmədov evinin qəzalı vəziyyətdə olmasından şikayət edir. 2019-cu ildə Şamaxı rayonunda baş verən zəlzələ onun da mənzilindən yan keçməyib. DİA.AZ-ın məlumatına görə, narazı vətəndaş 4 ildir, 5 nəfərlik ailəsi ilə birgə qəzalı evdə yaşamağa məcbur olduğunu deyir. Şikayətçi deyir, dövlət qurumlarına köməklik göstərilməsi üçün dəfələrlə üz tutsa da, onunla maraqlanan olmayıb.

FHN-dən isə Sahib Əhmədova yazılı olaraq bildirilib ki, evi bərpaya ehtiyacı olan evlər siyahısına daxil edilib. DİA.AZ bildirir ki, Sahib Əhmədov eyni zamanda ünvanlı sosial yardım ala bilməməsindən də gileylənir. Deyir, sosial yardım üçün iş yerindən sənəd tələb olunur.

Şikayətçinin dolanışığının çətinliyi ilə yanaşı, həm də soyuq aylar yaxınlaşdığından evinin qəzalı vəziyyətdə olması da narahat edir.

Məsələ ilə bağlı dia.az olaraq bütün maraqlı tərəfləri dinləməyə hazırıq...

Hesablama Palatası AZAL-da aparılan yoxlamalardan sonra qiymətlərin optimallaşdırılmasını tövsiyə edib.
Hamıya məlumdur ki, AZAL -ın təklif etdiyi qiymətlər çox yüksək səviyyədədir. Bu özünü əsasən beynəxalq uçuşlar zamanı büruzə edir. Göstərilən xidmət və qarşılığında təklif edilən qiymət tərs mütənasibdir. Yəni mütəxəssislər belə hesab edir. Amma hər kəsə bəllidir ki, qiymətləri inzibati qaydada endirmək də çıxış yolu deyil. “AZAL” inhisarçıdır, hökumət bu şirkətin rəqabətsiz şəraitdə işləməsinə şərait yaradır. Ona görə də AZAL istədiyi qiyməti diqtə edə bilir.

İqtisadçı Pərviz Heydərov Bizimyol.info xəbər portalına açıqlamasında bildirib ki, AZAL-ın qiymətləri, aviabiletlərə tətbiq etdiyi qiymətlər AZAL-ın göstərdiyi xidmət üzrə ən yaralı, ən mənfi məqamdır. İqtisadçının fikrincə, bu ondan irəli gəlir ki, AZAL monopolist şirkətdir. Yəni faktiki olaraq ölkədə mülki aviasiya üzrə AZAL-dan başqa heç bir avia şirkət yoxdur, fəaliyyət göstərmir. AZAL-ın praktiki olaraq rəqabət aparmaq üçün qarşısında heç bir digər avia şirkət mövcüd deyil. Bu səbəbdən də, AZAL aviabiletlər üzrə istədiyi qiymətləri tətbiq edir. Tətbiq edilən həmin qiymətləri AZAL-ın göstərdiyi xidmətlərə müvafiq olub-olmadığı qətiyyən heç bir şəkildə nəzərə alınmır.

P.Heydərov deyir ki, bu indinin problemi deyil. Neçə illərdir ki, bu çox ciddi bir müzakirə mövzusu, ciddi bir problem hesab edilir. Haqlı olaraq sərnişinlərin, AZAL-ın xidmətindən istifadə edənlərin narazılığına şərait yaradır. Buna görə də, Hesablama Palatasının AZAL-da apardığı yoxlamalar nəticəsində, bilavasitə bu faktı ortaya çıxarması heç bir halda qeyri-adi bir məsələ hesab oluna bilməz.

“Ümumiyyətlə, Hesablama Palatasının AZAL-da apardığı yoxlamalar nəticəsində üzə çıxardığı neqativ halın, yalnız məhz bundan ibarət olduğu, hətta ciddi mübahisə olunmalıdır. Əslində AZAL monopolist şirkət olduğuna görə, neqativ hal var. AZAL-da hamını narahat edən məsələ aviabiletlərin qiymətlərinin baha olmasıdır. Hesablama Palatasının AZAL-da apardığı yoxlamalar nəticəsində üzə çıxardığı əgər yeganə məsələ bu hesab olunursa, bu heç bir reaksiya doğurmur. Əslində həmin yoxlamaların özünün keyfiyyətinə ciddi şübhələr yaradır. Ortaya ciddi suallar çıxarır. Hesablama Palatasının apardığı yoxlamalar nəticəsində yalnız bu faktın ortaya qoyulması kifayət hesab edilmir”,- deyə o qeyd edib.

İqtisadçı hesab edir ki, mülki aviasiya sahəsində rəqabət şəraitinin yaranmasına nail olunmasa, o zaman AZAL-ın qiymətlərindən vətəndaşların narazılığı ilə qarşılaşacağıq. Bundan sonra qiymət amili məsələsində neqativ hallar davam edəcək. Yəni bütün bu problemlərin həll yolu, bazarda digər iştirakçıların olmasını da təmin etməkdir.