Lənkəran şəhər Xarici Dillər Təmayüllü Gimnaziyasında direktor işləyən 74 yaşlı Mənsur Ağayev məktəbi özünün şəxsi obyektinə çevirib.

DİA.AZ Tehsil.biz-ə istinadla xəbər verir ki, bu barədə sosial şəbəkədə məlumat paylaşılıb.

Qeyd olunub ki, adıçəkilən direktor müəllimlərin dərs bölgüsünü diaqnostik qiymətləndirmə balı ilə deyil, özünün şəxsi maraqları əsasında aparıb.

Şikayətçi şəxs bildirib ki, məsələ barəsində Elm və Təhsil Nazirliyinə dəfələrlə edilən müraciətlər cavabsız qalıb:

“Məktəbdə özbaşınalıq baş alıb gedir, belə görünür ki, direktorun bu hərəkətlərini ya nazirlik görmür, ya da kimlərsə onu himayə edir. Əgər belə olmasaydı, dəfələrlə Elm və Təhsi Nazirliyinə edilən şikayətlər cavabsız qalmazdı”.

“Sentyabrın 4-də Tovuz Rayon Mərkəzi Xəstəxanasında oğlum dünyaya gəlib. Uşaq doğulandan bir neçə gün sonra həkim onun sarılığa yoluxduğunu deyib və sağ qoluna sistem vurublar. Bundan sonra uşağın qolu iflic olub. İndiyədək müalicəyə 5 min manatdan artıq pul xərcləmişəm. Fəhləyəm, artıq gücüm qalmayıb”.

Bunu Meydan TV-yə müraciətində Tovuz rayon sakini Elvin Yusifli deyib. Onun sözlərinə görə, uşağı evə apararkən körpənin qolunun işləmədiyini görüblər.

“Sanki kukla qoluydu, hərəkət etmirdi, toxunan kimi uşaq çığırırdı. Xəstəxanaya geri qaytardıq. Həkim dedi ki, doğuşda travma alıb. Ginekoloq isə uşağın tam sağlam doğulduğunu təsdiqlədi. Körpəni Bakıdakı Elmi-Tədqiqat Pediatriya İnstituna gətirdik, 21 gün xəstəxanada qaldı. Məlum oldu ki, infeksiya salıblar, iynədən sonra həmin yerə peyvənd də vurulub”,-Elvin Yusifli deyib.

Foto: Meydan TV

Şikayətçinin sözlərinə görə, həkim və tibb bacısı evinə gələrək uşağın bələyinə 200 manat qoyub və ondan şikayət etməməsini xahiş edib:

“Fəhləyəm, evdə 5 yaşında bir qızım da var. Artıq müalicəyə gücüm çatmır. Ayda 2-3 dəfə Tovuzdan Bakıya gəlirəm, yol xərci də bir tərəfdən məni çökdürür. Uşağın qolunda nisbətən irəlləyiş var. Dərmanları Moskovadan alıb gətizdirdim. Hələ uzun müddət müalicə davam etdirilməlidir, köməyim də yoxdur”.

Valideyn həkim və tibb bacısının cəzalandırılmasını tələb edir. Məsələ ilə bağlı TƏBİB, Səhiyyə Nazirliyi və Tovuz Rayon Prokrorluğuna müraciət olunub. Hadisənin üstündən 1 aydan çox keçsə də, araşdırma ilə bağlı nəticə yoxdur.

Tovuz Rayon Mərkəzi Xəstəxanasından məsələyə münasibət bildirmək istəməyiblər. TƏBİB-dən isə Meydan TV-tə deyiblər ki, araşdırma aparılır. Nəticələrinə uyğun qərar veriləcək.

Meydan TV

"Bahar" Əməliyyat Şirkətində hələ də işçilərinin sentyabr ayının əmək haqqını ödənməyib". DİA.AZ bildirir ki, bu barədə redaksiyamıza təkrar müraciət edən neftçilər bildirib.

Onu da eyd edək ki, artıq iki aya yaxındır anoloji problem davam etsə də, "Bahar Energy"dən kimsə məsələyə aydınlıq gətirmək istəmir. Son olaraq isə 25 oktyabrda maaşların veriləcəyi bildirilmişdi. Aydın olanı odur ki, işçilər yenə də aldadılıb.

DİA.AZ-a yazan fəhlələr bildirir: "Bu artıq bir neçə ildir ki, davam edir... Burada işçilərə sahib duran da yoxdur. Bəs hasil olan neft necə oldu?"

"Əməliyyat Şirkətinin hasil etdiyi neftdən gəlir əldə etmirlər ki? Hanı o pullar..." deyəm neftçilər sual edirlər.

Məsələ ilə bağlı dia.az olaraq bütün maraqlı tərəfləri dinləməyə hazırıq...

Azərbaycan Mərkəzi Bankı (AMB) oktyabrın 31-nə olan USD/AZN rəsmi məzənnəsini açıqlayıb.

Bankın oktyabrın 31-dən etibarən USD/AZN rəsmi məzənnəsi 1,7000 manat səviyyəsində müəyyən olunub.