Kənd təsərrüfatı naziri İnam Kərimov adətən Azərbaycanda çəltikçiliyin inkişafından ağız dolusu danışır. Hətta bu shədə "uğurların" əldə edilməsi ilə bağlı olaraq büdcədən ayrılan pullar hesabına maarifləndirici tədbirlər də keçirir. Hesabatlar təqdim olunur. Bəzən ölkəmizdə çəltikçiliyin inkişafı ilə bağlı olaraq elə artımdan bəhs edilir ki, ilk olaraq bizdə elə təəssurat yaranır ki, xaricə də çəltik satırıq. Məsələn bu yaxınlarda “Azərbaycan Respublikasında çəltikçiliyin inkişafına dair 2018–2025-ci illər üçün Dövlət Proqramı” nın icrası ilə bağlı təmtəraqlı bir toplantı keçirilmişdi.

Gundeminfo.az xəbər verir ki, bu toplantıda Meliorasiya və Su Təsərrüfatı ASC-nin təmsilçiləri də KTN əməkdaşları ilə birgə prossesə qoşulmuşdu.
Məsələn həmi tədbirdə deyilirdi ki, . “Kənd təsərrüfatı məhsulları istehsalının subsidiyalaşdırılması Qaydası”nda 2021-ci ildə çəltik əkinləri üçün müəyyən edilmiş 1.4 əmsal üzrə hər hektar üçün 280 manat əkin subsidiyası ödənilir. Görülən tədbirlər nəticəsində 2021-ci ildə çəltik istehsalında yüksək məhsuldarlığa nail olunub.

Amma həmin tədbirdə yüksək məhsuldarlıqla bağlı heç bir konkret fakt yox idi.

"Çəltikçiliyin inkişafına dair 2018–2025-ci illər üçün dövlət proqramı"nda qeyd edilir ki, hazırda Azərbaycanda çəltik əkinçiliyi əsasən Lənkəran–Astara, Mərkəzi Aran, Mil–Muğan və Şirvan–Salyan iqtisadi rayonlarında aparılır.

Yeri gəlmişkən ölkəmizdə düyüyə olan illik istehlak tələbatı adambaşına 4 kiloqramdır. Əgər tarixə geri dönsək o zaman Azərbaycanda çəltik əkinin nə qədər azaldığını müşahidə edə bilərik. Belə ki, 1927-ci ildə çəltik sahələri 54 min hektar olub. Lakin sonralar tərəvəzçiliyin inkişa­fı səbəbindən bu tendensiya azalıb, yalnız 1995-ci ildən başlayaraq, çəltik əkinləri genişləndirilib. 2016-cı ildə bu sahələr 2,5 min, 2017-ci ildə isə 5,1 min hektara çatdırılıb, ölkə üzrə orta məhsuldarlıq 31,1 sentner olub. Artıq 12 rayonda çəltikçilik inkişaf etdirilir. Ümumi məhsulda Lənkəranın payı xeyli çoxdur.

Lakin İnam Kərimov Dövlət Başçısının onun qarşısına qoyduğu daha bir tapşırığı da doğru-düzgün yerinə yetirə bilməyib.

GUNDEMİNFO.AZ rəsmi qaynaqlara istinadən xəbər verir ki, 2017-ci ildə ölkə üzrə 16,2 min ton çəltik isteh­sal edildiyi halda, 2019-cu ildə bu rəqəm 12 min ton, 2020-ci ildə isə 9,9 min ton olub. Halbuki Dövlət Proqramına görə, 2025-ci ilə qədər ölkədə illik çəltik isteh­salı 40 min tona çatdırılmalı idi.

Kənd Təsərrüfatı Nazirliyindən isə istehsalın azalmasını havaların quraq keçməsi ilə əlaqələndirirlər. Lakin məhz çəltik əkilən sahələrə ayrılan subsidiyaların həcmi milyonlarla manat həcmində ölçülür.

Və nəhayət bu gün açıqlanan rəsmi statistikadan da görünür ki, ölkəyə idxal edilən düyünün həcmi ötən ilin eyni dövrü ilə müqayisədə ciddi şəkildə artıb.

Cari ilin yanvar-sentyabr aylarında 43 min ton düyü idxal edilib.

Dövlət Gömrük Komitəsi xəbər verir ki, idxal edilən düyünün dəyəri 36,4 milyon dollar olub. Xatırladaq ki, ötən ilin yanvar-sentyabr aylarında dəyəri 26,3 milyon dollar olmaqla 35,9 min ton düyü idxal edilib.

Görünən odur ki, Azərbaycan xalqına təqdim edilən aqrar sektorun inkişaf nağılları özünü doğrultmur. Və gələn il aqrar sektora ayrılacaq subsidiyaların həcmi daha 700 milyon manat artırılaraq 2 milyard manata çatdırılacaq. //GUNDEMİNFO.AZ//

Ağcabədi rayon Nəcəfqulubəyli kənd sakinləri elektrik naqillərinin vəziyyətindən narazıdır. DİA.AZ bildirir ki, bunu onlar şikayətlərində qeyd edirlər.

Dərdlərini danışan, yalnız rəsmi qurumların hələ də fəaliyyətsiz qaldığını bildirən sakinlər hara şikayət edəcəklıərini də bilmirlər:

"Həyati təhlükə daşıyan problemin həlli üçün aidiyyatı qurumlar heç bir iş görmür".

Daha ətraflı aşağıdakı videoda:

Məsələ ilə bağlı dia.az olaraq qarşı tərəfi də dinləməyə hazırıq...

Azərbaycan Respublikası Prezidentinin Administrasiyasının Hərbi məsələlər şöbəsinin müdiri general-polkovnik ötən cümə günü Naxçıvana səfər edib.

Ovqat.com-un Naxçıvandakı etibarlı mənbələrdən əldə etdiyi məlumata görə, Məhərrəm Əliyev Muxtar Respublikadakı sərhəd qoşunları və əhaliddə ordunun rəhbərliyi ilə görüşüb və Ali Baş Komandanın tapşırıqlarını onlara çatdırıb.

Maraqlıdır ki, general-polkovniki hərbi hissələrə gedərkən Naxçıvan Ali Məclisinin sədri Vasif Talıbov müşayiət etməyib.

Məhərrəm Əliyevin Muxtar Respublikaya səfəri zamanı pişvazına Naxçıvan Əlahiddə Ümumqoşun Ordusunun komandanı Kərəm Mustafayevin çıxmadığı xəbər verilir. Onun Kərəm Mustafayevlə görüşüb-görüşmədiyi də bilinmir. //OVQAT.COM//

Abşeron rayonunun Masazır qəsəbəsindəki “Qurtuluş – 93” yaşayış kompleksində yerləşən 3 saylı tam orta məktəb təşkilati-hüquqi formasına görə özəl təhsil müəssisəsi deyil, dövlətə məxsus olsa da, əslində kompleksin sahibkarı, naxçıvanlı iş adamı Hacı Məhərrəm Novruzov tərəfindən idarə olunur. Elm və Təhsil Nazirliyinin sözügedən məktəbə heç bir səlahiyyəti keçmir. Etibarlı mənbədən gundemxeber.az-ın redaksiyasına verilən məlumata görə, məktəbin direktoru Xəyalə Mustafayeva bir il əvvəl Hacı Məhərrəm tərəfindən hazırki vəzifəsinə yerləşdirilib və idarəçilikdən xəbəri yoxdur. Məktəb faktiki olaraq direktorun “əkə-bikə” müavini Fəxrinisə Əhmədova tərəfindən idarə olunur. O isə məktəbdə belə bir qayda qoyub: “Təqvimdə hansı rəqəmlər qırmızıdırsa (nə ilə əlamətdar olduğu bilinməsə belə), hamı direktoru təbrik etməli, 30-dan, 50-dən, 100-dən (manat) kimin nəyə gücü çatır, verməlidir. Yoxsa, direktor mənim günümü qara eləyər”.

Məlumatda xatırlanır: “Sentyabr ayının axırları idi. Hələ müəllimlər maaşlarını almamışdılar. Direktor işçiləri çağırıb tələb etdi ki, adama 30 manat gətirib versinlər, məktəbdə yeni siniflər bölünəcək və təmir olunacaq. Bu və digər neqativ hallarla bağlı dəfələrlə yuxarı instansiyalara şikayətlər göndərilsə də, hər dəfə Hacı Məhərrəm məktəbə gələn yoxlama komissiyası ilə “dil tapıb” susdurur. Maddi sıxıntı çəkən müəllimlər artıq bir-birinin çantasına girib oğurluq edir, digərləri alver edir, kalqotka, yuyucu toz və s. satırlar. Bir sözlə, məktəbdə özbaşınalıq hökm sürür, dəlixanaya çevrilib. Təhsil Nazirliyinin burada baş verənlərdən xəbəri yoxdur”.

GundemXeber.Az qeyd edir ki, tanınmış tikinti maqnatı, Masazırdakı "Qurtuluş-93" yaşayış kompleksinin, Novxanıdakı "My Beach" istirahət mərkəzlərinin sahibi Hacı Məhərrəm qanunu susdurmaqda pərgardır. Məsələn, hacının həyat yoldaşı Gülnar Hüseynova 90-HN-009 dövlət nişanlı ““Mercedes Galandewagen” markalı avtomobili idarə edərkən Masazırdakı duz gölünün yanında “Nissan”a, daha sonra “Mercedes” və “VAZ 2106” markalı nəqliyyat vasitələrinə çırpılıb törətdiyi qəza zamanı üç nəfərə xəsarət yetirmişdi. Daha əvvəl isə Hacı Məhərrəmin kürəkəni Elşad Kəlbəliyevin idarə etdiyi "Range Rover" (dövlət nömrəsi 10 CO 002) yüksək sürətlə "Daewoo Damas"a çırpılmışdı. Avtomobildə olan Murad Ziyadov, Kamran Əhmədov, Elman Şıxəliyev və Yunis Mürsəlov yerindəcə ölmüşdü. Daxili İşlər Nazirliyindən Elşad Kəlbəliyevin sərxoş vəziyyətdə olduğu bildirilmişdi. Bununla belə hacının yaxın qohumları layiq olduqları cəzanı almadılar. Görünür, 3 saylı məktəbin tərəqqipərvər müəllimləri də tapdalanmaqdan qorxurlar, yoxsa, məktəbdə baş verənlər barədə gerçək mənzərəni açıb göstərərdilər.

GundemXeber.Az

P.S. Təqdim etdiyimiz audio səs yazısında məktəbin müəllimlər otağında baş verən oğurluq hadisələrindən direktorun müavini Fəxrinisə Əhmədova oğruları aşkar etmək üçün həmkarlarından kamera gətirmələrini xahiş edir...

Oktyabrın 31-də Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinin dəvəti ilə Soçi şəhərinə işgüzar səfərə gedib.

Bu barədə Prezidentin Mətbuat Xidməti məlumat yayıb.

Naxçıvan MR Səhiyyə Nazirliyinin qapısı ağzında müfəttişlər peyda olar-olmaz nazir Niyazi Novruzovun "xəstəliyi" tutub. Dərhal əlinə qələm alıb ərizə yazmağa başlayıb. Ərizəsində bildirib ki, səhhətində meydana gələn problemlərlə əlaqədar işdən çıxmaq istəyir.

DİA.AZ bildirir ki, Ovqat.com-a bu barədə məlumatı Naxçıvan Respublika Xəstəxanasındakı mənbə verib.

Mənbənin iddiasına görə, müfəttişlər Niyazi həkimə «xəstələnməyə» hələ tələsməməsini və yoxlamaların nəticəsini gözləməsini məsləhət görüblər: «Əgər o, bu təftişdən "salamat" çıxa bilsə, istefa ərizəsini yazıb-yazmamağa özü qərar verə bilər. İşdir, şayət, şər deməsən, xeyir gəlməz, bu yoxlamalardan "salamat" çıxmasa, ərizə yox, izahat və ya ifadə yazmalı olacaq.

Deyilənlərə inansaq, yoxlamaların ilkin nəticəsi Niyazi həkimin vəziyyətinin ərizəlik olmadığını göstərir. Onun rəhbərlik etdiyi sahədə inanılmayacaq səviyyədə qanunsuzluqlar aşkarlanıb. Ən çox şübhə doğuran məqam isə sağlamlıq sığortası ilə bağlı olub.

Digər bənzər hadisə isə Naxçıvan MR Maliyyə Nazirliyində yaşanıb. Amma Niyazi həkimdən fərqli olaraq, Rafael Əliyevin ürəyi həqiqətən də sözünə baxmayıb.

İddialara görə, Naxçıvan Maliyyə Nazirliyində aparılan yoxlamalar zamanı məlum olub ki, nazir Rafael Əliyev korrupsiyada iştirak edib. Bunu binəva nazirin özünə də deyiblər. «Korrupsiya» sözünü eşidər-eşitməz, Rafael Əliyevin səhhəti pisləşib. Dərd burasındadır ki, onun bəxti Naxçıvan MR DGK-da aparılan yoxlamalarda da gətirməyib. Yoxlamalar zamanı müəyyənləşdirilib ki, Rafael Əliyev bu komitənin Gömrük tariflərinin tənzimlənməsi və ödənişlər şöbəsinin rəisi vəzifəsində çalışarkən də korrupsiya ilə məşğul imiş. Qeyd edək ki, Rafael Əliyev 2020-ci ilin avqust ayına qədər Naxçıvan DGK-da işləyirdi. Bu dövrdə Rafael müəllim MR Dövlət Gömrük Komitəsinin xüsusi vəsaiti hesabına yığılan pulları elə həzmi-rabedən keçirirmiş ki, barəsində yayılan müxtəlif əfasanələr indiyədək köhnə iş yoldaşlarının dillərində dolaşır. Bu söz-söhbətə inansaq, Rafael müəllim öz ev əşyalarını belə Naxçıvan MR DGK-nin hesabına rəsmiləşdiribmiş. Hətta bu gün evində istifadə etdiyi unitazı da. Özü də unitazı neçəyə rəsmiləşdirsə yaxşıdır? - 1800 manata. Hər gün dövlətin 1800 manatlıq vəsaitini ən azı bir dəfə murdarlayan şəxsin indi «korrupsiya» adını eşidən kimi ürəktutmasına düşməsi bu mənada təəccüblü olmasa gərək. Görünür, onun gömrük sistemindəki korrupsioner bacarığı Ali Məclis sədri Vasif Talıbovu elə məftun edib ki, bu qabiliyyətdə olan bir təbərrük kadrın kiçik vəzifədə zay olmasını istəməyən «xan» həzrətləri Rafael Əliyevi 2020-ci ilin 19 avqustunda imzaladığı fərmanla Maliyyə naziri vəzifəsinə gətirib.

Vasif Talıbovun digər təbərrük kadrı, daha doğrusu, baş təbərrükü Azər Zeynalov barəsində də «ürəkağrıdıcı» məlumatlar gəlməkdədir. İddialara görə, həmkarı arasında «xan həzrətlərinin boz kardinalı» ünüylə məşhur olan Azər Zeynalovun sələhiyyətləri dondurulub. Onun ürəktutma krizisinə girib-girmədiyi barədə heç bir məlumat yoxdur. Amma «baş təbərrük»ün ya sərəncama göndəriləcəyi, ya da «öz xoşuyla» istefa verəcəyi gözlənilir.

Bu hələ Azər Zeynalov üçün sonun başlanğıcı da ola bilər. «Boz kardinal»ın qoluna qandal vurulması ehtimalı da masadadır. Naxçıvanda bütün korrupsiya və rüşvət mexanizminin başında dayanan, bir kəlməsi ilə iş adamlarından tutmuş xalq artistlərinə qədər hər kəsin taleyini dəyişdirən Azər Zeynalovun hətta ifadə verməsi üçün Bakıya dəvət olunduğu da gələn iddialar arasındadır. Niyə məhz Bakıya? Mənbəmizin bildirdiyinə görə, bu sualın bir neçə cavabı var. Ən inandırıcı cavab isə Azər Zeynalovdan Bakıda «xan» əleyhinə ifadə almaq ehtimalıdır. Görünür, bu adamın barəsində hələ də son qərarın verilməməsi Bakıdakı istintaqa nə dərəcədə doğru məlumat verib-verməməsinin araşdırılması ilə bağlıdır. «Boz kardinal»ın «xan» həzrətlərini Bakıda satıb-satmadığı, yəqin ki, yaxın zamanlarda aydınlaşacaq. Amma su boğazına çıxanda meymunların öz balalarını ayaqlarının altına aldığını nəzərə alsaq, «Boz kardinal»ın meymundan daha ağılsız olmadığını düşünmək üçün kifayət qədər əsas var. Üstəlik, «xan» onun balası da deyil.

Digər bir məlumata görə, yoxlamalar artıq Naxçıvanın mərkəzindən rayonlara keçib. Yoxlamalardan sonra Naxçıvandakı bütün strukturlarda ciddi dəyişikliklərin aparılması gözlənilir. Dəyişikliklər yalnız Əlinin papağının Vəlinin başına qoymaqla da tamamlanmayacaq. Bütün dövlət qurumlarında struktur dəyişikliklərinin aparılması planlaşdırılıb. Deyilənlərə görə, əsas dəyişikliklər bütün qurumların mərkəzi hakimiyyətə bağlanması ilə əlaqədar olacaq. Artıq Dövlət Təhlükəsizlik Xidmətində bu struktur dəyişikliyi baş verib. Naxçıvan MR DTX-sı ləğv olunub, yerində Azərbaycan DTX-nın Naxçıvandakı Bas İdarəsi yaradılıb. Hətta Baş İdarənin yeni adının lövhəsinin hazırlandığı, tezliklə onun qapısına yapışdırılacağı iddia olunur.

Digər güc strukturları, o cümlədən DİN, Miqrasiya və Ədliyyə sistemində də yoxlamalar aparılır və tezliklə Naxçıvan DTX-nın başına gələnlərin həmin qurumlarda da yaşanacağı bildirilir.

Müəllim müqəddəsdir, bütün dövrlərdə bu peşə sahiblərinin üzərinə böyük vəzifələr düşüb. İnsanlara bilik vermək, elm öyrətmək kimi mühüm vəzifənin öhdəsindən onlar gəlir.Amma bu müqəddəs ada bəzən ləkə salanlarda tapılır.

DİA.AZ bildirir ki, bu haqda Dünyanınsəsi.Az saytına Goranboy rayonun Şadlı kənd sakini Əhmədov Habil Mobil oğlu tərəfindən video-şikayət göndərilib.

Şikayətçi qeyd edir ki, onun həyat yoldaşı Əhmədova Günel Vahid qızı 7 ildir xərçəng xəstəliyindən əziyyət çəkir.Onun Şadlı kənd tam orta məktəbində müəllim işləyən əmisi oğlu Əliyev Samir Aftandil oğlu 2021-ci ilin əvvəlində evlərinə gələrək həyat yoldaşının səhhəti ilə maraqlanıb.Və söhbət əsnasında bildirib ki, onun Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Tibbi-Sosial Ekspertiza və Reabilitasiya Agentliyində adamı var.Əgər istəsəniz yoldaşınıza əlilliyin müəyyən edilməsinə görə köməkdarlıq edə bilərəm.Nəticədə müəllim işləyən “əmioğlu” Samir Əliyev şikayətçidən 4800 manat pul alıb.Hazırda xərçəng xəstəsi olan Günel Əhmədovaya bu günə kimi heç bir əlillik də müəyyən edilməyib.Məhz buna görədə çarəsiz qalan şikayətçi məcburiyyət qarşısında qalaraq mətbuat vasitəsi ilə hüquq mühavizə orqanlarına şikayət etməyi qərarlaşdırıb.

Sonda goranboylu şikayətçi Daxili İşlər Nazirliyinin rəhbərliyindən xahiş edir ki, etibarından sui-istifadə etməklə ona qarşı dələduzluq etmiş əmisi oğlu Samir Əliyev barəsində qanunamüvafiq formada ölçü götürülməsinə göstəriş versin.
Redaksiya olaraq inanırıq ki, şikayətçinin səsləndirdiyi ittiham DİN-nin müvafiq qrumları tərəfindən araşdırılaraq bu dədləduzluq faktına hüquqi qiymət veriləcəkdir.

Qarşı tərəfin də mövqeyini dərc edə bilərik.

“Biz dədə-babadan heyvandarlıq təsərrüfatı ilə məşğul olmuşuq. Qışlaq dövründə Hacıqabul rayonundakı qışlaq ərazilərində, yay aylarında isə şimal zonasında olan yaylaqlardan istifadə etməklə dolanırıq. İndi mal-qaranı kəndimizdəki örüş yerlərinə buraxmırlar”.

Bunu Meydan TV-yə müraciətində Qobustan rayonu Təklə kəndində yaşayan fermer Əfqan Məhərrəmov bildirib. Şikayətçi deyib ki, 400 baş xırdabuynuzlu heyvanı yaylaqdan Təklə kəndinə gətirib. Heyvanları kəndin “Acıdərə” adlandırılan 100 hektar örüş sahəsinə buraxmırlar.

“Kəndə məxsus örüş ərazisini zəbt ediblər, yaxın qohum olan həmin şəxslər digərlərini əraziyə buraxmırlar. Qoyunlar sahədə olarkən heyvanları otaran çoban Rövşən Abdullayevi döyüblər. Çoban lal-kar olduğundan günahsızlığını başa sala bilməyib. O, aldığı xəsarətlərə görə hazırda müalicə alır”,-fermer deyib.

Şkayətçi bildirib ki, həmin şəxslər onun telefonuna təhqirdolu hədələr göndərirlər:

“Mən və mal-qara sahibi olan digər kəndlilər dəfələrlə yerli bələdiyyə sədri və kənd icra nümayəndəliyinin yanına gedib şikayət etmişik. Amma ümumilikdə 60 ailənin müraciətinə baxılmır. Qarşı tərəf isə deyir ki, örüş yerlərini pul verib alıblar”.

Əfqan Məhərrəmov bildirib ki, çobanın döyülməsi ilə bağlı polisə şikayət edib. Həmçinin digər dövlət qurumlarına, Prezident İlham Əliyevə müraciət ünvanlayıb.

Qobustan Rayon İcra Hakimiyyətinin Təklə kənd üzrə nümayəndəsi Hüseynağa Hüseynov Meydan TV-yə bildirib ki, örüş sahəsi kənd əhalisinin mülkiyyətindədir və bütün fermerlər həmin sahədən istifadə edə bilərlər.

“Bakı-Şamaxı yolunun üstündə Aydərə adlanan ərazi var. Orada bir kənd sakininin təxminən bir hektar sahəni əhatə edən ferması var. O fermer də köçəridir, yayda heyvanları yaylağa aparır, qışda da fermaya gətirir. Həmin fermer deyib ki, fermada qadın, uşaq var, ona görə də kənar şəxslər yaxınlığa gəlməsinlər. Amma digərlərinin də tam hüququ var ki, heyvanlarını örüş sahəsinə buraxsın”,-icra nümayəndəsi deyib.

Onun sözlərinə görə, şikayətlərdən sonra qarşı tərəflə danışıb:

“Ona da başa saldım, yalnız xahiş edə bilər ki heyvanları fermaya yaxın əraziyə buraxmasınlar. Amma heç kimə qadağa qoya, tələb edə bilməz. Çobanın döyülməsi ilə bağlı polisə şikayət edilib. Tərəflər arasında anlaşmazlıq olub, yəqin ki, həll ediləcək. Amma örüş sahəsi satılmayıb, fermerlər ora buraxılır”.

Meydan TV

Bir neçə gün bundan öncə "Azərbaycan Reallığı" “Azərbaycan Dəmir Yolları”-na yeni sədr təyin edilməsi haqqında məlumat verilmişdi.

Cavid Qurbanovun Azərbaycan Dəmir Yollarında yarıtmaz idarəçiliyindən sonra ölkə başçısı onu tutduğu postdan azad edib quruma idarəçilik isə Qurubanovun həmyerlisi və yaxın adamlarından sayılan Hicran Valehova həvalə etdi.

Lakin Hicran Valehovda sözü gedən qurumu tam bərbad hala salaraq Cavid Qurbanovun yanında loru dildə desək toya bayrama getməli vəziyyətə salmışdır və çox keçmədi ki, Prezident İlham Əliyev müvafiq Sərəncamı ilə bu posta Rövşən Mürvət oğlu Rüstəmov təyin edildi.

Digər məlumata görə Cavid Qurbanov dönəmində dəmir yollarından küsdürülmüş və uzaqlaşdırılmış peşəkar işçilərin yenidən öz işlərinə çağırılaraq bərpa olunacağı deyilir, hətta bir neçəsi ilə artıq danışıqlara başlanılıb.

Məlumatlı mənbə isə iddia edir ki, Daha sonra mənbə bildirir ki, Cavid Qurbanov artıq kurasıya etdiyi və dəmiryolçulara düşün halal evi bəzi saytın baş redaktorlarına hədiyyə etdiyi sayt rəhbərlərinədə tapşırıqlar verib.

Artıq onlar "Rövşən Rüstəmov nə vaxtdan peşəkar dəmir yolçu olub onun dəmir yolundan anlayışı yoxdur" kimi qaralama konpanıyasına start veriblər. C.Qurbabov və komandası düşünür ku, bu cür qaralama konpaniyalarda yeni sədirə heçdə müsbət təsir etməyəcək. //AZƏRBAYCANREALLIĞI.COM//