Oktyabrın 31-də Dövlət Təhlükəsizliyi Xidmətinin (DTX) rəisi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev Beynəlxalq Qızıl Xaç Komitəsinin (BQXK) Azərbaycandakı nümayəndəliyinin rəhbəri xanım Draqana Koiçi qəbul edib.

"Unikal" DTX-nın saytına istinadən xəbər verir ki, Dövlət Komissiyasının sədri Əli Nağıyev görüşdə BQXK-nin ölkəmizdə həyata keçirdiyi humanitar missiya, Ermənistanın təcavüzkar siyasəti nəticəsində Qarabağ müharibələri zamanı itkin düşmüş vətəndaşlarımızın taleyinin müəyyənləşdirilməsi və axtarış prosesinin davamlı olaraq intensiv şəkildə aparılması, Ermənistanın itkin vətəndaşlarımıza dair məlumatları təqdim etməməsi ilə bağlı fikirlərini bildirib.
DTX rəisi həmçinin son dövrlərdə işğaldan azad olunmuş ərazilərdə aşkarlanan Azərbaycan vətəndaşlarına məxsus meyit qalıqlarının ekshumasiyası və eyniləşdirilməsində göstərdiyi dəstəyə görə BQXK-yə minnətdarlığını ifadə edərək, Azərbaycan cəmiyyətində yüksək narahatlıqla qarşılanan yuxarıda sadalanan hallarla bağlı BQXK ilə birgə səylər sayəsində tezliklə konkret nəticələrin əldə olunacağına ümidvar olduğunu bildirib.

Xanım Draqana Koiç isə öz növbəsində səmimi qarşılanmaya görə təşəkkür edib, gündəlikdə duran önəmli məsələlərin həlli istiqamətində qarşılıqlı səmərəli münasibətlər çərçivəsində vacib addımların atıldığını diqqətə çatdırmaqla BQXK-nin son zamanlarda həyata keçirdiyi tədbirlər barədə ətraflı məlumat verib.

Görüşdə eyni zamanda, hər iki tərəf üçün maraq kəsb edən digər məsələlər ətrafında da geniş fikir mübadiləsi aparılıb.

“Instagram” sosial şəbəkəsinin işində irimiqyaslı problemlər baş verib.

Bunu internet resurslarının işində problemlərə nəzarət edən “Downdetector” xidmətində istifadəçilərin şikayətləri sübut edir.

Saytda minlərlə insan “Instagram”ın çökməsi ilə bağlı mesajlar yerləşdirib. “Downdetector”dakı xəritəyə əsasən, ABŞ-dan olan istifadəçilər problemlərlə üzləşiblər.

Şikayətlərin əksəriyyəti (65 faiz) proqramın işləməməsi ilə bağlıdır.

Bundan əlavə, istifadəçilərin 29 faizi hesablarına daxil olmaq istəyərkən, 6 faizi isə “Instagram”ın brauzer versiyasından istifadə edərkən problemlərlə üzləşib.

Şəbəkə məsələ ilə bağlı şərh verməyib.

“Qarabağ münaqişəsi artıq tarixdə qalıb, iki il əvvəl həll olunub. Buna görə də bu kontekstdə praktiki olaraq müzakirə olunacaq heç nə yoxdur və Azərbaycan-Ermənistan münasibətlərinin normallaşması çox ciddi addımlar tələb olunduğu formatdır”.

Bu fikirləri Azərbaycan Prezidenti İlham Əliyev Rusiya dövlət başçısı Vladimir Putinlə görüşündə deyib.

Dövlət başçısı bildirib ki, Azərbaycan bu yaxınlarda 5 əsas prinsip irəli sürüb: "Onların əsasında Azərbaycanla Ermənistan arasında münasibətlər normallaşdırılmalıdır. Bütün bunlar beynəlxalq hüququn əsas prinsipləridir. Hesab edirəm ki, bunun əsasında normallaşmaya nail olmaq olar”.

Xətai Rayon İcra Hakimiyyəti Başçısı Mənzil Kommunal Təsərrüfatı Birliyi “Parklarda istifadə olunacaq oyun qurğuları və digər malların satınalınması” tenderinin nəticələrini açıqlayıb.

DİA.AZ xəbər verir ki tenderin qalibi "ETNIK GƏLƏCƏK-2021" Məhdud Məsuliyyətli Cəmiyyətiolub. Şirkətlə bu tender üzrə 792 min 110 manat dəyərində müqavilə imzalanıb.

DİA.AZ xatırladır ki, "ETNIK GƏLƏCƏK-2021" şübhəli maliyyə dairələrinə yetərincə tanış bir isimdir. Belə ki, elə təkcə bu ilin əvvəli özünün bir hoqqabazlığı ilə meydana çıxmışdı.

Həmin məlumatlardan aydın olurdu ki, Azərbaycanın dövlət satınalmaları sahəsində yeni «tender çempionu» ortaya çıxıb. Təqribən 1 il əvvəl yaradılmış “Etnik Gələcək-2021” MMChəmin zaman cəmi 1 həftə ərzində 9 tender qazanaraq adını dövlətsatınalmaları tarixinə yazmağı bacarıb.

Bu ilin martın 3-dən 10-dək şirkət ümumi məbləği 2,15 milyon manat olan dövlət satınalmalarını qazanıb. Maraqlıdır ki, “Etnik Gələcək-2021” MMC yalnız Bakının rayonlarındakı tenderlərdə qalib gəlir. Belə ki, şirkət Bakının Nizami, Nəsimi, Xətai rayonlarında tenderləri udub. Bunlar parklar üçün zibil qabı almaqdan tutmuş məişətdə istifadə olunan əşyalara qədər ən müxtəlif satınalmalardır.

Digər maraqlı məqam odur ki, şirkətin iri tenderlərinin heç biri 300 min manatlıq həddi keçmir. Nəhayət, ötən il “Etnik Gələcək-2021” daha çox Mədəniyyət Nazirliyi ilə işləyib.

Qeyd edək ki, “Etnik Gələcək-2021” MMC 22.12.2020-ci il tarixində dövlət qeydiyyatına alınıb və qanuni təmsilçisi Əbilov Qabil İslam oğludur. Bakı şəhəri Binəqədi rayonu, Həmzə Babaşov 9 MKR, ev 6, m. 37 ünvanında qeydiyyatda olan şirkətin nizamnamə kapitalı 100 manatdır.

Beləliklə “Etnik Gələcək-2021” MMC şirkətinin bu ilin mart ayında cəmi 1 həftədə qazandığı tenderlər:

Görünəni odur ki, bu şirkət yenə də ənənəvi ampluasındadır.

Məsələ ilə bağlı dia.az olaraq bütün maraqlı tərəfləri dinləməyə hazırıq...

"Kontakt Home" şirkəti Azərbaycan Respublikasının qanunlarını tanımır. Şirkət alınan malların 14 gün ərzində qaytarılması ilə bağlı qanunvericiliyin tələbinə riayət etmir”.

Bu barədə Qaynarinfo-ya bir müddət öncə mağazadan mobil telefon alan jurnalist Çingiz Səfərli məlumat verib. O bildirib ki, "Kontakt Home"un İnşaatçılar filialından aldığı "Samsung A23” markalı mobil telefonu kamerasının zəif olması və batereyasının yaxşı saxlamaması səbəbindən qaytarmaq istəyib, lakin şirkət razılıq verməyib.

"Əslində "Samsung A32” model telefon almaq istəyirdim. Onun çəkilişi qane etmişdi. Lakin mağazanın satıcısı A23 modellərinin daha yeni və eyni parametrlərə sahib olduğunu bildirdikdən sonra həmin modelin daha münasib olduğuna inanaraq aldım və həmin məhsulun kamerasını yenidən yoxlamağa ehtiyac duymadım.

Məhsulu aldıqdan bir müddət sonra çəkilişin zəif olduğunu və aldadıldığımı başa düşdüm. İnternetdə araşdırma apararkən "Samsung A32” markalı telefonun 64, "A23”ün isə 50 meqapiksel foto çəkmək xüsusiyyətinə malik olduğunu öyrəndim. Eyni zamanda telefonun batareyasının da enerjini yaxşı saxlamadığını müşahidə etdim və bu səbəblərdən də məhsulu mağazaya qaytarmaq qərarına gəldim”, deyə jurnalist bildirib.

Çingiz Səfərlinin sözlərinə görə, mağazada ona ekspertə yönləndiriblər: "Həmin şəxs 10 dəqiqəyə yaxın əski ilə telefonu sildikdən sonra cavab verdi ki, bəs məhsulda guya nöqtə və cızıq aşkarladığı üçün bunu geri götürə və ya başqa bir model telefonla dəyişdirə bilməzlər. Beləliklə, adi gözlə görünməsi mümkün olmayan bir nöqtəyə görə mağazadan rədd cavabı aldım.

Bu zaman mağazanın müdiriyyətinə "İstehlakçı hüquqlarının müdafiəsi haqqında" Azərbaycan Respublikasının Qanununu xatırlatdım və göstərdikləri səbəbin əsassız olduğunu bildirdim. Onlar isə dedilər ki, hara istəyirsiniz, şikayət edə bilərsiniz. Bizdə qaydalar belədir. Məhsul alınan gündən etibarən qoruyucu üzlük və qoruyucu örtük taxılıb. Göstərilən səbəblər tamamilə uydurma və məhsulu geri götürməmək üçün irəli sürülən bəhanədən başqa bir şey deyil. Şirkətin qanunvericiliyimizə məhəl qoymamasını, istehlakçılara bu cür münasibətini nəzərə alsaq, "Kontakt Home"dan məhsul almaq istəyərkən iki və daha çox dəfə düşünmək və oradan heç bir şey almamaq lazımdır".

Əslində isə qanun nə deyir?

"İstehlakçı hüquqlarının müdafiəsi haqqında" Azərbaycan Resoublikasının qanunun 7-ci maddəsinin ("Qüsuru olan mal satılarkən istehlakçının hüquqları") 1-ci bəndində qeyd olunur ki, istehlakçı müqavilə və ya digər qaydalarla müəyyən olunmuş zəmanət müddəti ərzində aldığı malda qüsur və ya saxtalaşdırma aşkar edərsə, öz istəyinə görə satıcıdan və ya istehsalçıdan aşağıdakıları tələb etmək hüququna malikdir:

lazımi keyfiyyətli mala dəyişdirməyi;
satış qiymətini uyğun məbləğdə azaltmağı;
malın qüsurlarının icraçının (satıcının, istehlakçının) hesabına aradan qaldırılmasını və ya qüsurların aradan qaldırılması üçün istehlakçının və ya üçüncü şəxslərin çəkdiyi xərclərin əvəzinin ödənilməsini;
malın, həmin mala uyğun digər modelli (markalı, tipli və i. a.) mal ilə, dəyəri yenidən hesablanma şərti ilə əvəz edilməsini;
müqavilənin ləğv edilməsini və çəkdiyi zərərin ödənilməsini.

2. Satıcı (icraçı) istehlakçıdan lazımi keyfiyyəti olmayan, malı geri götürməyə və bu maddənin birinci bəndində göstərilən istehlakçının tələblərindən birini yerinə yetirməyə borcludur.

3. İstehlakçının malı dəyişmək tələbi mal olduqda dərhal yerinə yetirilməli, zərurət olduqda onun keyfiyyəti müvafiq tələb verilən andan 14 gün müddətində yoxlanılmalı və ya tərəflər arasında razılaşdırılmış müddət ərzində dəyişdirilməlidir.

Qaynarinfo məsələ ilə əlaqədar "Kontakt Home”la əlaqə saxlayıb. Mağazanın əməkdaşı gün ərzində məsələyə aydınlıq gətiriləcəyini desə də, sorğumuza heç bir cavab verilməyib.

Qaynarinfo

Soçidə Azərbaycan Prezidenti İlham Əliyev ilə Rusiya Prezidenti Vladimir Putin arasında ikitərəfli görüş başlayıb.

Rusiya Prezidenti Vladimir Putin dövlətimizin başçısını qarşılayıb.

Sonra birgə foto çəkdirilib.

Qeyd edək ki, Prezident İlham Əliyev oktyabrın 31-də Rusiya Prezidenti Vladimir Putinin dəvəti ilə Soçi şəhərinə işgüzar səfərə gedib.

“Bizim Market” MMC-yə daxil olan market rəhbərləri icraçı direktorlar Fərid Ələkbərov və Ramin Şirinovdan şikayətçidirlər.

Bakupost.az bildirir ki, bu barədə sosial şəbəkədə məlumat yayılıb. Qeyd olunur ki, hər iki şəxs şirkət bağlandığı üçün mağaza müdirlərini hədələyərək, onlardan külli miqdarda pul tələb edirlər.

Şirkətin təsisçisi Rasim Salmanovun səlahiyyətindən sui-istifadə edərək, onlara hədə-qorxu gəldiyi bildirilir. Qeyd olunur ki, market rəhbərlərinə maaş və bonuslar verlmir. Onlara bildirilib ki, yalnız əmək haqqının rəsmi hissəsini karta köçürərək gətirəcəkləri halda onların əmək kitabçaları özlərinə veriləcək.

Məsələ ilə bağlı “Bizim Market”lə əlaqə saxlasaq da, zənglərimizə cavab verən olmadı.

Qeyd edək ki, bir neçə müddət əvvəl “Bizim Market MMC”nni satılması ilə bağlı xəbər vermişdik. Belə ki, şirkəti "Promart" MMC alıb.

Əlavə edək ki, "Bizim Market” mağazalar şəbəkəsi tanınmış iş adamı Rasim Salmanova aiddir.
R.Salmanov daha öncə dəfələrlə qalmaqallı məsələlərlə gündəmə gəlib. Onun ölkədən 100 milyon dollar çıxardığı bildirilirdi.

BakuPost

“Ailəmizdə heç kim işləmir. İş olanda torpaq sahələrində fəhləlik edib 5-10 manat pul qazanıram. 3 az yaşlı övladım var. Ünvanlı sosial yardım ala bilmək üçün aidiyyatı quruma 3-4 dəfə müraciət etmişik. Hamısında da imtina cavabı almışıq. İmtinaya səbəbin nə olduğu isə bizə qaranlıqdır”.

Bunu Toplum TV-nin qaynar xəttinə Goranboy rayonu Baxçakürd kənd sakini İsrafil Xuduyev deyib.

Şikayətçi bildirir ki, oktyabrda böyük ümidlə bir daha həyat yoldaşı Ayşən Xuduyevanın adından ünvanlı sosial yardım almaq üçün aidiyyatı quruma müraciət ediblər və cavab gözləyirlər.

“Ata anamdan qalma köhnə bir evim var. Ailəmlə orada yaşayırıq. Üç azyaşlı övladım var. Uşaqlarıma çörək almağa pul tapmıram. Nə mal qaramız var, nədə ki, təsərrüfatımız. Hər dəfə müraciətimizdən sonra evimizə, yaşayış şəraitimizə baxmaq üçün yoxlama gəlib. Hər dəfə də imtina verilib. Bizə qarşı haqsızlıq edilir. Anam və atam rəhmətə getdiyi üçün onlardan qalan torpaq sahəsi və pay torpaq ortada qalmışdı. Düşündüm ki,
bəlkə imtinaya səbəb bu olur. Buna görə də həmin torpağı öz adıma çevirdim. O torpaqdan da bir gəlirimiz yoxdur. Ünvanlı sosial yardım üçün müraciətimdə də bunları qeyd etmişəm. Yenə də imtina gəlir. İndi oktyabr ayında etdiyimiz müraciətin cavabını gözləyirik. Ümid edirik ki, bu dəfə bizə qarşı haqsızlıq olamayacaq”.

Dövlət Sosial Müdafiə Fondunun İctimaiyyətlə əlaqələr departamentinin müdiri Rəşad Mehdili sorğumuza cavab olaraq bildirdi ki, ailə əmlakı barədə məlumatı düzgün qeyd etmir, buna görə də imtina cavabı verilir:

“Goranboy rayon sakini Xuduyeva Ayşən Rəsul qızının ünvanlı sosial yardımla bağlı 04.10.2022-ci il tarixli müraciətinə əsasən ailənin yaşadığı ünvanda maddi-məişət şəraitinin müayinəsi həyata keçirilib. Müayinə zamanı ailənin əmlakı barədə məlumatın ərizədə düzgün qeyd edilmədiyi müəyyən edilib və bu səbəbdən vətəndaşın müraciətinə imtina cavabı verilib. Bu barədə Aysən Xuduyevanın ərizə-bəyannamədə qeyd olunan əks-əlaqə vasitəsinə məlumat göndərilib”.

Şikayətçi isə iddia edir ki, bütün mülkü barədə ərizədə düzgün məlumat verib.

Toplum TV

Azərbaycan sığorta bazarının iştirakçılarından olan “Qala Sığorta” şirkətinin son bir il üzrə yığım göstəricisi ürək açan olmayıb. Müştərilərin azalması fonunda şirkətin yığmlarının həcmində də geriləmə olub.

DİA.AZ-ın məlumatına görə, FED.az Azərbaycan Mərkəzi Bankının (AMB) 2022-ci ilin yanvar-sentyabr ayları üzrə açıqladığı hesabatına istinadən xəbər verir ki, “Qala Sığorta” bu ilin 9 ayında ərzində 33,423 mln. manat həcmində sığorta haqqı toplayıb ki, bu da ötən ilin analoji dövrünün göstəricisi ilə müqayisədə 2,895 mln. manat və ya 8,0% azdır.
Ətraflı

Hesabat dövründə şirkətin sığorta ödənişlərində artım müşahidə olunub. Belə ki, baş vermiş sığorta hadisələri üzrə zərərçəkmiş müştərilərə ödənilən vəsaitlərin həcmi 324 min manat və ya artaraq 4,330 mln. manata çatıb.

Xatırladaq ki, yeganə səhmdarı “AzRe Təkrarsığorta” ASC olan “Qala Sığorta” şirkəti müştərilərinə bir filial və 10 regional nümayəndəlik vasitəsi ilə qanunvericiliklə nəzərdə tutulan qeyri-həyat sığorta sahəsinin 27 növü üzrə, o cümlədən 23 könüllü və 4 icbari sığorta məhsulları üzrə xidmətlər göstərir.

Naxçıvan şəhərindəki aviakassa və hava limanındakı kassalar qarşısında uzun növbələr yaranıb.

DİA.AZ xəbər verir ki, bu barədə “Gündəlik Naxçıvan”a yerli sakinlər məlumat verib.

Onların sözlərinə görə, buna səbəb əlavə təyyarə reyslərinin təxirə salınmasıdır.

Şikayətçilər deyir ki, Bakıya bileti yalnız uzun növbə gözləməklə, həm də ən yaxşı halda 4-5 gün sonraya almaq mümkündür. Onların iddiasına görə, “Biznes klas” (Biznes sinif) adı ilə 170 manata satılan bileti isə, istənilən günə və saata növbəsiz almaq mümkündür.

Hazırda Bakıda yaşayan Ordubad rayon sakini Elvin Məmmədov deyir ki, iki gün əvvəl yaxın qohumunun yas məclisinə gəlib. Təcili işi çıxdığından Bakıya qayıtmalı olsa da, normal qiymətə bilet tapa bilməyib:

“Səhər tezdən, saat 7-də kassaya getdim, gecə saat 11-ə kimi bilet ala bilmədim. Aviakassada dedilər ki, 4-5 gün sonraya bilet var. Gəldim hava limanına, burada da kassanın qarşısında növbələr var, hamı gözləyir. “Bilet yoxdur” desələr də, “Biznes klas” adı ilə 170 manata təklif edirdilər. Mənim buna maddi imkanım çatmasa da, məcbur olub aldım. Çünki, səhər Bakıda olmalı idim. Təyyarəyə minəndə məlum oldu ki, heç də “Biznes klas” deyilmiş. Normalda 60 manata satılan salona saldılar, səsimizi çıxara bilmədik”.

Digər şikayətçi Şəfa Rüstəmov da deyir ki, o da bir gün hava limanında qaldıqdan sonra məcbur qalıb 160 manata “bizness klas” bilet alıb:

“Adi sərnişinlərlə bir yerdə getdik. Xidmət də həmin xidmət idi. Heç bir özəlliyi yoxdur. Sadəcə fərq ondadır ki, əvvəlcədən aviakassadan bilet alanlar həmin bileti 60 manata, biz isə 160 manata almışıq. Biz bunların fırıldağını çoxdan bilirik. Əvvəlcədən aviakassada bilet satılarkən, hər reysdən 40 yer “biznes klass” üçün saxlayırlar. Həmin yerlərə sata biləcəkləri qədər satırlar. Əgər yerlər hamısı satılmırsa, qalan yerlər təyyarə qalxana yaxın işbazlar tərəfindən daha ucuz qiymətə, yəni, 100 manata satılır. Bunu da almaq hər adama nəsib olmur. Gərək adamın ola”.
Naxçıvan hava limanından sərnişinlərin iddialarını təkzib ediblər.