Quba Rayonu İcra Hakimiyyəti “Quba rayonu ərazisində abadlıq işlərinin satınalınması” və “Quba rayonunun rayondaxili avtomobil yollarının əsaslı təmiri” tenderlərinin nəticələrini açıqlayıb.

Hər iki tenderin qalibi "TALEH-A.T." Müəssisəsi olub. Şirkətlə birinci tenderlə bağlı 1 milyon 347 min 801 manat, ikinci tenderlə bağlı 1 milyon 120 min 811 manat, ümumilikdə isə 2 milyon 468 min 612 manat dəyərində müqavilə imzalanıb.

32gun.az-ın məlumatına görə, sözügedən müəssisə qanuni təmsilçisi Əliyev Məhəmmədəli Heydər oğludur. Müəssisənin təsisçisi isə qardaşı Gülağa Heydər oğlu Əliyevdir. Nizamnamə kapitalı 8 milyon 437 min AZN olan "TALEH-A.T." 18.02.1997-ci il tarixində dövlət qeydiyyatına alınıb.

"TALEH-A.T" müəssisəsi 2019-cu ildən indiyədək, yəni təqribən 3 il ərzində bu rayonlardan ümumilikdə 12 milyon 188,6 min manatlıq satınalma sifarişi qazanıb.

Bu vəsaitin böyük hissəsi quba rayonunun payına düşür - 6 milyon 817 min manat. Xaçmaz rayonundan isə 5 milyon 371,4 min manat həcmində dövlət sifarişi əldə edilib.

Təkcə hələ başa çatmayan 2022-ci ildə şirkət iki rayondan ümumilikdə 4,8 milyon manatlıq dövlət sifarişi alıb. Sifarişlərin əksəriyyəti təmir, yol təmiri və abadlaşdırma işləri üzrədir.

Mətbuatda gedən məlumatlara görə, "TALEH-A.T." adı korrupsiya qalmaqalında hallanıb.

"Taleh-A.T.” Müəssisəsidir ki, idxal etdiyi malların real dəyərini rəsmi sənədlərdə azaldararaq 62565.12 ABŞ dollarını gömrük vergi və rüsumlarına cəlb olunmasından yayındırılmışdı. İndi, Səfər Mehdiyev 50 min manat büdcə vəsaitinin sərf olunması nəzərdə tutulan Xaçmaz Gömrük Terminalı və anbarlarının giriş və çıxış hissələrində avtomobil yolunun təmiri işlərini "Taleh-A.T.” Müəssisəsinə həvalə edib. Bu isə haqlı olaraq Səfər Mehdiyev "quzunu qurda” tapşırıb qənaəti yaradıb. Məhəmmədəli Heydər oğlu Əliyevin direktoru olduğu "Taleh-A.T.” Müəssisəsinin idxal etdiyi malların real dəyərini rəsmi sənədlərdə azaldararaq 62 565.12 ABŞ dollarını gömrük vergi və rüsumlarına cəlb olunmasından yayındırması ilə qanun pozuntusu aşkar olundqudan sonra büdcə vəsaitləri hesabına həaya keçirilən layihəni Səfər Mehdiyev bu şirkətə hansı məntiqlə həvalə etməsinin səbəblərinə DGK-i aydınlıq gətirilməmişdi.

Xatırladaq ki, Quba rayon İcra Hakimiyyətinin başçısı Ziyəddin Əliyevdir.

Adı Səfər Mehtiyevlə korrupsiya qalmaqalında hallanan qardaşların müəssisəsini icra başçsı yenə qalib

32gun.az

"Gəncə - Qənnadı" Açıq Tipli Səhmdar Cəmiyyətinin dövlətə vergi borcu üzə çıxıb.

Sözügedən müəssisənin hazırki vergi borcu 750 min manata yaxındır (747123.07 AZN)

Nizamnamə kapitalı 5 milyon 288 min 190 AZN olan "Gəncə- Qənnadı" ATSC-nin qanuni təmsilçisi Ramiz Hüseynov Xasay oğludur.32gun.az

Son günlər sosial şəbəkələrdə Azərişıq” ASC-nin sədri Vüqar Əhmədovun topdağıtmaz biznes şəbəkəsi yayılıb.

“Azərişıq” rəhbərinin mülklərinin adlarını sizlərə təqdim edirik:

“Azərişıq” rəhbəri biznes fəaliyyətinə 2010-cu ildən başlayıb, həmin il o, nizamnamə kapitalı 100 manat olan “QRAD” MƏHDUD MƏSULİYYƏTLİ CƏMİYYƏTİni (VÖEN 1701121201) qeydiyyatdan keçirib.
MMC BAKI ŞƏHƏRİ SƏBAİL RAYONU, ZƏRİFƏ ƏLİYEVA KÜÇ. ev.23 m.35 ünvanında hüquqi qeydiyyata alınıb.
Şirkətin qanuni qanuni təmsilçisi Kazımov Elçin Sahib oğlu elə həmin il eyni ünvanda hüquqi qeydiyyata alınmış “ŞÜVƏLAN UŞAQ BAĞÇASI” MƏHDUD MƏSULİYYƏTLİ CƏMİYYƏTİ-nin də qanuni təmsilçisidir. “ŞÜVƏLAN UŞAQ BAĞÇASI” MMC-nin təsisçisi isə “Azərişıq” rəhbərinin həyat yoldaşı ƏHMƏDOVA NƏRMİN AZAD qızıdır.
Vüqar Əhmədov eyni hüquqi ünvanda keçmiş vergilər naziri Fazil Məmmədovun yaxın adamı kimi tanınan İSMAYILOV VÜQAR İSMƏT oğlu ilə şərik “TESTA” MƏHDUD MƏSULİYYƏTLİ CƏMİYYƏTİni (VÖEN 1701132901) də
təsis edib. Vüqar İsmayılov vaxtilə Vergilər Nazirliyinin Daxili təhlükəsizlik və Vergi öhdəliklərinin icrasına nəzarət departamentlərinə rəhbərlik edib.
Şirkətin qanuni təmsilçisi AĞAYEV SAHİB OKTAY oğlu keçmiş vergilər naziri Fazil Məmmədova məxsus Synergy Şirkətlər Qrupuna daxil olan “AZORCHİD HOTELS” MƏHDUD MƏSULİYYƏTLİ CƏMİYYƏTİnə və ATATRAVEL MMC-yə də rəhbərlik edib.
“Azərişıq” şefinin və xanımının şirkətlərinin hüquqi qeydiyyatda olduğu ünvanda daha 3 şirkət qeydiyyatdadır.
Bunlardan biri BƏHRAMİ MAHMUD ÇİNGİZ oğlunun təsisçiliyi ilə qeydiyyatdan keçmiş
“BEAT CATERING” MƏHDUD MƏSULİYYƏTLİ CƏMİYYƏTİdir
Eyni ünvanda hüquqi qeydiyyatda olan “BEAT GROUP” MƏHDUD MƏSULİYYƏTLİ CƏMİYYƏTİ Bakıdakı elit BEERBASHA, M’EAT, SUMAKH restoranları, GAZELLİ CAFÉ, EXPO, Dubaydakı BAKU kafelər şəbəkəsini idarə edir. Şirkətin təsisçisi BABAYEV MURAD KAMAL oğludur. O, təsisçiləri “SİNERJİ ŞİRKƏTLƏR QRUPU” AÇIQ SƏHMDAR CƏMİYYƏTİ və DOYURUCU RESTORAN PASTAHANE VE TURİZM İŞLETMECİLİĞ İ TİCARET LİMİTED ŞİRKETİ (Türkiyə Respublikası) olan “AZORCHİD HOTELS” MƏHDUD MƏSULİYYƏTLİ CƏMİYYƏTİnə, həmçinin bir müddət isə ATAHOLDİNQ-ə daxil olan “ATATRAVEL” MƏHDUD MƏSULİYYƏTLİ CƏMİYYƏTİnə rəhbərlik edib.
Vüqar Əhmədova məxsus ünvanda hüquqi qeydiyyata alınmış “VOGA” MƏHDUD MƏSULİYYƏTLİ CƏMİYYƏTİnin təsisçisi də “Azərişıq” şefinin şəriki, keçmiş vergi məmuru, Fazil Məmmədovun yaxın adamı Vüqar İsmayılovdur. VOGA MMC Bakının Zərdabi küçəsindəki eyniadlı mebel satış mərkəzinə sahibdir. Şirkətin qanuni təmsilçisi MƏMMƏDOV NURƏLİ ƏHMƏDİYƏ oğlunun adı “EVRA” , “SOLENNE” və “ERVA-EN” şirkətlərinin də təsisçisiləri sırasında yer alır.
“Azərişıq” şefinin şəriki Vüqar İsmayılova məxsus olduğu məlum olan daha 3 şirkət var. Bunlar “LAYF FİTNES”, “PEQAS MARKETİNQ” və “TOSCANA” MMC-lərdir.
Qarşı tərəfin mövqe haqqını tanıyırıq.xeberal.az

“Bakıda avtobus zolağına təyinatı üzrə daxil olmayan digər nəqliyyat vasitələri İnzibati Xətalar Məcəlləsinin 327-ci maddəsinin 1-ci bəndinə uyğun olaraq 40 manat məbləğinda cərimə oluna bilərlər”.

Bunu jurnalistlərə açıqlamasında Bakı Şəhər Dövlət Yol Polisi İdarəsinin naş inspektoru, polis mayoru Araz Əsgərli deyib.

DYP rəsmisi bildirib ki, bu gün paytaxtın daha bir küçəsində avtobus zolağı salınır: “Bu, ictimai nəqliyyatın fasiləsiz və rəvan hərəkət etməsi üçün vacib olan addımlardan biridir. Hesab edirəm ki, ictimai nəqliyyat üçün mümkün qədər yolların çox olması, eyni zamanda, digər hərəkət iştirakçılarının da vəziyyəti düzgün qiymətləndirərək ictimai nəqliyyatdan istifadə edən insanların vaxtında mənzil başına çatması üçün onların zolağına daxil olmaması da prosesi sürətləndirə bilər”.

“Cərimələnmə prosesi nəyinki, Yol Patrul Xidməti əməkdaşlarının xidməti ərazisində, eyni zamanda, xüsusi texniki vasitələrin imkanları ilə müəyyən ediləcək”, – A.Əsgərli vurğulayıb.

Medallarla təltif edilən Qarabağ qazisi diqqətdən kənarda qalıb.

Sozcu.az saytının redaktoru Ceyhun Nabi Ağstafa rayonunun Aşağı Göycəli kənd sakini, Qarabağ qazisi Məmmədov Mustafa Saqif oğlunun pozulmuş hüquqlarından yazıb.

Ceyhun Nəbinin Qarabağ qazisinin problemləri ilə bağlı verdiyi məlumata görə, "Ağstafa rayon Aşağı Göycəli kənd sakini, İkinci Qarabağ müharibəsi iştirakçısı, Fizulinin, Cəbrayılın, Xocavəndin, Şuşanın alınmasında iştirak etmiş və həmin rayonların işğaldan azad edilməsi ilə bağlı medallarla təltif edilmiş və bununla yanaşı döyüşlərdə göstərdiyi xidmətlərə görə "Cəsur döyüşçü" medalı ilə təltif edilmiş tankçı (tuşlayıcı operator) Məmmədov Mustafa Saqif oğlu tamamən dövlətin diqqətindən kənarda qaldığını bildirir.

Ona nə müharibə veteranı statusu verilib, nədə ki, müharibədə aldığı psixoloji tramvalarla bağlı (əlillik dərəcəsi) sosial qrup. Qazax Rayonlararası və Maştağa Psixiatriya Xəstəxanalarında psixoloji müalicə alıb. Müharibədə alıdığı tramvalar ilə bağlı əlində Hərbi Həkim Komissiyasının rəyləri var. Ailənin tək övladı olduğunu, ata və anasının xəstə olduğunu bildirən müharibə iştirakçısı Mustafa Məmmədov onunla heç kəsin maraqlanmadığını, probleminə heç kəsin kömək olmadığını bildirir". //Mediaxeberleri.Az//

Azərbaycan Respublikasının Prezidenti İlham Əliyevin Gürcüstana işgüzar səfəri oktyabrın 24-də başa çatıb.

Azərbaycanın və Gürcüstanın Dövlət bayraqlarının dalğalandığı Tbilisi şəhərinin Şota Rustaveli Beynəlxalq Hava Limanında dövlətimizin başçısının şərəfinə fəxri qarovul dəstəsi düzülmüşdü.Azərbaycan Prezidenti İlham Əliyevi Gürcüstanın Baş naziri İrakli Qaribaşvili yola saldı.

Qəzənfər Ağayevin uzun illərdir rəhbərlik etdiyi Astara rayonundan şikayətlər durmadan artır. Qeyd edək ki, özü barəsində toxunulmaz imici formalaşdıran Qəzənfər Ağayev hətta sakinlərdə belə bir qənaət də formalaşdırıb ki, ondan hara şikayət etsələr də, xeyri yoxdur.

Elə DİA.AZ-a göndərilən son şikayətdə də sakinlər başçının zülmündən giley edir, dəfələrlə dərdlərini Qəzənfər Ağayevə çatdırmaq istəsələr də, bunun mümkünsüz olduğunu bildirirlər.

Sakinlər dia.az-a yazır: "Astara rayonunda heyvanlar üçün ayrılan örüş yerlərini məmurlar öz adlarına sənədləşdirib, zəbt ediblər. Rayonun Şahağacı kəndində bir metr torpaq sahəsi yoxdur ki, heyvanlar otlasınlar. Kəndli bilmir nə etsin".

Sakinlər daha sonra dia.az-a bildirir: "Hətta kənd qəbirstanlıq üçün islahat zamanı ayrılmış torpaq sahəsini bələdiyyə tərəfindən satılıb. Bu rüşvətxor məmurların kimin əlinə nə keçirsə satır".

İddia olunanlarla bağlı bütün maraqlı tərəfləri dinləməyə hazırıq...

Xatırladaq ki, bu yaxınlarad aktualxeber.az saytında “Ədalət Həsənovla Hacı Mazanın gizli sövdələşməsi” başlıqlı məqalə dərc etmişdik. Məqalədə qeyd etmişdik ki, Ədalət Həsənov bu yaxınlarda Emin Əhədov adlı şəxsə saxta rəy vermək üçün Hacı Mazandan 15.000 manat rüşvət alıbdı. Hacı Mazanın adı mətbuatda vaxtaşırı çəkilsə də onunla bağlı ictimaiyyət o qədər də geniş bilgiyə malik deyil. Ona görə də, Hacı Mazanın keçmişi ilə bağlı yüngül bir araşdırma apardıq. Bu araşdırma zamanı Hacı Mazanı yaxından-uzaqdan tanıyan bəzi şəxslərin bilgisindən də yararlandıq. Ortaya çıxan məlumatlar isə çox maraqlı oldu.
Beləliklə aydın olur ki, Ramazan Zeynalovu Paşazadələrlə bağlayan təkcə qohumluq əlaqələri deyil. Sovet dövründə R.Zeynalov, separatçılıq fəaliyyətinə görə uzun müddət həbsdə yatmış, azadlığa çıxdıqdan sonra isə ölkədən qovulmuş Əlikram Hümbətov və Şeyxin qardaşı, hazırda Milli Məclisin üzvü olan Cavanşir Paşazadə cavanlıq illərindən dostluq ediblər. Həmin dövrdə Ə.Hümbətov Lənkərandakı avtobazanın baş mühəndisi, R.Zeynalov isə həmin bazaya məxsus “KamAZ” markalı maşınlardan birinin sürücüsü olub. Bu məlumatı yazmaqla heç də R.Zeynalovun keçmişinə həqarət etmirik. Sadəcə “qəhrəmanımızın” keçmişi ilə bağlı vacib bir detalı oxuculara təqdim edirik. Həmin dövrlərdə Cavanşir Paşazadə Lənkərandakı çay fabriklərindən birində rəhbər vəzifədə işləyib. R.Zeynalovun C.Paşazadə ilə bu gün də işbirliyində olmasını şərtləndirən məqamlardan biri də budur. Yəni R.Zeynalovun ilkin kapitalını formalaşdırmaq üçün təkcə C.Paşazadənin rəhbəri olduğu fabrikdən “KamAZ”la Bakıya, keçmiş Sovet respublikalarına çay daşıması kifayət etməzdi. R.Zeynalovun sonradan Hacı Mazana çevrilməsi çayla yanaşı başqa çəkidə yüngül, qiymətdə ağır “strateji məhsullar”ın daşınması və bundan külli miqdarda vəsait əldə edilməsi hesabına olub. R.Zeynalov familiyası ilə yanaşı adının önündəki Ra-dan da imtina etməklə hazırda iş aləmində tanındığı Hacı Mazana dönüb.
Onun bioqrafiyasında olan və kimliyi haqda əlavə təsəvvür yaradan başqa bir məlumat 7 iyul 2010-cu ildə mətbuatda dərc olunub. Həmin vaxt qəzetlər yazmışdı ki, 6 iyul 2010-cu ildə Bakı-Astara yolunun 75-ci km-liyində ağır yol-nəqliyyat hadisəsi baş verib. Yazılarda qeyd olunurdu ki, Bakıdan İran istiqamətinə hərəkət edən “Bayram M” firmasına məxsus Az 10 AA 641 dövlət nömrə nişanlı “Mercedes Benz” markalı avtomaşın qarşı tərəfdən gələn “VAZ-2121” markalı, Az 10 KL 322 dövlət nömrə nişanlı “Niva” avtomobili ilə toqquşub.Nəticədə “Niva”nın sürücüsü, Yardımlı rayonu, Mansurov küçəsi ev 5-də yaşayan, 1949-cu il təvəllüdlü Qurbanov Gülağa Ağa oğlu dünyasını dəyişib. Araşdırmalar nəticəsində o da müəyyənləşib ki, “Mercedes Benz” markalı maşının sükanı arxasında “Bayram M” firmasının rəhbəri Ramazan Zeynalov özü olub və hadisəni də o özü törədib. Həmin vaxt hadisə qəzetlərdən birində bu cür təsvir edilib: “Araşdırmalar nəticəsində müəyyənləşdirə bildik ki, R.Zeynalovun avtomobilində – Əhmədli qəsəbəsi, Sarayevo 20 ünvanında yaşayan, 1989-cu il təvəllüdlü Zəkəranlı Mətanət Ağabala qızı, elə həmin ünvanda qeydiyyatda olan 1950 təvəllüdlü Nuriyeva Qəmzə (Qənirə) Ərəstun qızı və hələlik adları bizə məlum olmayan bir neçə xanım olub. Hadisə şahidlərinin redaksiyamıza telefon açaraq bildirdiyi məlumatlarda göstərilir ki, hadisə zamanı “Niva” markalı avtomobilin sürücüsü ağır yaralansa da sağ olub. Amma Ramazan Zeynalov və onun yanındakılar “Niva”nın sürücüsü Qurbanov Gülağa Ağa oğlunu söyüşlərlə ağır təhqir ediblər və deyilənə görə onu döyüblər də. Yaralı sürücü onu xəstəxanaya çatdırılmasını xahiş etsə də, buna məhəl qoyan olmayıb”. Şahidlər bildirir ki, dünyasını dəyişən “Niva” markalı avtomobilin yaralı sürücüsü xəstəxanaya çatdırılsaydı, onun həyatını xilas etmək mümkün olardı. R.Zeynalov isə ağır yaralını xəstəxanaya çatdırmaq əvəzinə onu təhqir edib və qanunu pozub”.
Mətbuat o dövrdə yazıb ki, hadisənin tam təfərrüatları bununla bitməyib: “Etibarlı mənbələrdən aldığımız məlumata görə, Ramazan Zeynalov başqa xoşagəlməz hərəkətlər də törədib. Bildirilir ki, “Niva” markalı avtomobildə təxminən 50 min dollara yaxın pul olub. R.Zeynalov bu pulu götürərək onun az miqdarını yol polislərinə verib. Böyük bir hissəsini isə özü götürüb. Lakin polislər bu pulu qəbul etsələr də, sonradan istintaqa təhvil veriblər. Onlar aldıqları pulu – təxminən 6 min dolları istintaqa təhvil veriblər”. Hacı Mazan haqda araşdırmalarımız davam edir. Yaxın vaxtlarda onun barəsində yeni materiallar dərc edəcəyik.
Qarşı tərəfin də öz mövqeyini verməyə hazırıq. //aktualxeber.az//

Prezident İlham Əliyevin Gürcüstana səfər edərək bu ölkənin Baş naziri İrakli Qaribaşvili ilə görüşü, dövlət başçısının yüksək səviyyədə qarşılanması iki ölkə arasındakı strateji tərəfdaşlığın və yaxşı qonşuluq, dostluq münasibətlərinin bariz nümunəsidir.

Azərbaycanla Gürcüstan arasındakı münasibətlər həm iki ölkənin birgə maraqlarına xidmət edir, həm də Avropa üçün önəm daşıyır.

Bunun üçün iqtisadi-siyasi münasibətlər möhkəmləndirilməlidir. Enerji və nəqliyyat layihələrinin şaxələndirilməsi bu istiqamətdə həlledici vasitə sayıla bilər.

Qaribaşvili ilə Əliyev görüşdən sonra mətbuata birgə bəyanatlarla çıxış ediblər. Liderlərin bəyanatından görünür ki, iki ölkənin strateji tərəfdaşlığı sülh və təhlükəsizlik üçün töhfə vermək məqsədlərinə söykənir.

Qaribaşvili Azərbaycan-Ermənistan münasibətlərinə toxunub. O bildirib ki, İlham Əliyevlə regional vəziyyəti, Azərbaycan və Ermənistan arasında olan təmasları, iki ölkə arasında sülh prosesini nəzərdən keçirib.

Sitat: “Şəxsən mən və bizim hökumətimiz ümidvarıq ki, sülh siyasətini həyata keçirmək üçün əlimizdən gələni edəcəyik. Regionumuzdakı mehriban qonşuluq əlaqələri heç bir əməkdaşlıq formatına zidd deyil, bunu yalnız gücləndirəcəyik və əminəm ki, biz bir yerdə çox işlər görə bilərik”.

İqtisadi layihələrlə yeni stimullaşdırıcı amillər yaratmaq olar ki, bu da təhlükəsizlik modelinin dayanıqlı olmasına şərait yarada bilər.

İlham Əliyev mətbuata birgə bəyanat zamanı gələcək layihələr haqqında bəzi məlumatlar verib.

“O ki qaldı ikitərəfli gündəliyimizə, əlbəttə ki, ticarət dövriyyəmizin artması bizi sevindirir. Bu ilin doqquz ayında qarşılıqlı ticarət dövriyyəsi bir milyard dollara yaxınlaşıb. Əlbəttə ki, Azərbaycanın sərmayəsi ilə həyata keçirilən layihələr bizim əməkdaşlığımızı daha da gücləndirir. Azərbaycan Gürcüstana üç milyard dollardan çox sərmayə qoyub. Bu sərmayə qarşılıqlı faydalı sərmayədir, çünki hər iki tərəfin maraqlarına cavab verir. Əlbəttə, biz bu gün gələcək enerji siyasətimizlə bağlı geniş fikir mübadiləsi apardıq.

Baş nazir də qeyd etdiyi kimi, həyata keçirilmiş layihələr artıq uğurla fəaliyyətdədir. Biz yeni layihələr haqqında düşünürük. Biz dünya bazarlarına qaz ixracatını artırmaq fikrindəyik. Bu il 22 milyard kubmetr ixracımız olacaq, gələn il daha da artacaq. Bu ilin iyul ayında Avropa Komissiyası ilə Azərbaycan arasında imzalanmış enerji sahəsində strateji tərəfdaşlığa dair Memorandumda göstərilir ki, növbəti beş ildə Azərbaycan Avropaya qaz ixracını iki dəfə artıracaq. Yəni bizim niyyətimiz bundan ibarətdir, imkanlarımız da buna çatır.

Beləliklə, biz planlaşdırırıq ki, 2027-ci ildə Azərbaycanın təkcə Avropaya qaz ixracatı 20 milyard kubmetrə çatacaq. Əlbəttə ki, bununla əlaqədar görüləcək işlər həm ikitərəfli formatda müzakirə olundu, həm də gələcək müzakirələrə ehtiyac var. Eyni zamanda, gələn il Bakı-Tbilisi-Ceyhan neft kəməri xətti ilə ixrac artırılacaq. Biz bununla bərabər, hazırda istismarda olmayan Bakı-Supsa neft kəmərindən də istifadə etmək istəyirik. Bu barədə də danışmışıq. Mən bizim planlarımız haqqında cənab Baş naziri məlumatlandırdım. Buna da böyük ehtiyac və böyük potensial var”, - deyə o əlavə edib.

Bundan başqa, Bakı-Tbilisi-Qars dəmiryolunun ötürmə qabiliyyətinin beş milyon tona çatdırılması, eyni zamanda Gürcüstan limanlarından istifadə edərək Orta Asiyadan və bütövlükdə Asiyadan Qərb istiqamətinə və əks istiqamətə ötürülən yüklərin həcminin artırılması artıq yeni reallıq yaradır.

Bakı Beynəlxalq Dəniz Ticarət Limanının ötürmə qabiliyyətini 15 milyon tondan 25 milyon tona çatdırmaq da hədəflər sırasındadır.

Görünür ki, Ermənistanın da proseslərdə iştirakı üçün şərait yaradılır. Lakin hər şey Ermənistanın öz mövqeyindən asılı olacaq. İlham Əliyevin Qaribaşvili ilə Gürcüstan-Azərbaycan-Ermənistan məsləhətləşmələrinə dair fikir mübadiləsi aparması da buna dəlalət edir. Lakin Prezidentin dediyi kimi, Ermənistan tərəfi buna hazırdırsa, Azərbaycan da buna hazırdır.

Elm və Təhsil Nazirliyi önündə oktyabrın 21-i etiraz aksiyası keçirilib. Aksiyanı 335 nömrəli məktəbin direktorundan şikayətçi olan Züfüqar Qubadov təşkil edib. O ailəsi ilə birlikdə nazirliyin önünə gələrək piket qaldırıb və uşaqlarının təhsil hüququnun bərpa edilməsini tələb edib.

Zülfüqar Qubadov uşaqlarının dərsində iştirak etmək istəyib. Ancaq direktor buna etiraz edib. Onun sözlərinə daha sonra direktor bir qrup şəxsi onun üzrinə göndərib və təhqir etdirib.

Təhsil Muzeyində qəbula alınan Züfüqar Qubadov daha sonra bu barədə Toplum TV-yə danışarkən şikayətinə biganə yanaşıldığını bildirib.

Nazirliyin müasibətini öyrənmək üçün əlaqə saxladıq. Əvvəlcə cavab verəcəklərini bildirsələr sə, daha sonra telefona cavab vermədilər.