Bakı sakini 27 yaşlı M. A.nı Turan adlı şəxs şantaj edib.

Zamantv.az-ın məlumatına görə, Turan M. A.nın sosial şəbəkədə tanış olduğu Sahid Məmmədovla cinsi əlaqədə olmasını ərinə deyəcəyi ilə hədələyərək ondan pul istəyib. M. A . bundan sonra polisə müraciət edib.

Daxil olan müraciət əsasında polis əməkdaşları müvafiq tədbirlər görüb. Nəticədə S. Məmmədov saxlanılıb.

Dünən saat 16 radələrində tanınmış bloger, eyni zamanda sərbəst jurnalist işləyən Əvəz Hafizli Balaxanı qəsəbəsindəki yaşadığı evdə qətlə yetirilib. Onu qətlə yetirən şəxs isə öz doğma əmisi oğlu olub.

APA TV xəbər verir ki, hadisə ilə bağlı Baş Prokurorluq və Daxili İşlər Nazirliyi birgə məlumat yayıb. Məlumata görə, Əmrulla Güləliyev əmisi oğlu, Əvəz Hafizli kimi tanınan Əvəz Şıxməmmədovu bıçaqla qətlə yetirib.

Hadisə yerində olarkən qonşular bildirdilər ki, bəzi xəbər saytlarında yayılan informasiyalarda yanlış detallar var. Belə ki, mərhumun cinsi azlıq olduğuna görə öldürülməsi və cinsiyyət orqanının kəsilməsi xəbərləri həqiqət deyil.

Ərazidə yaşayanların fikrincə, Əvəz Hafizlinin LGBT üzvü olmasına görə öldürülməsi cəfəngiyyatdır. Çünki mərhumunun LGBT üzvü olması haqqında daha əvvəldən hər kəsin xəbəri vardı.

Qonşular deyir ki, hadisə baş verən vaxt Əvəz Hafizli evdə tək olub.

İlkin araşdırmalarla müəyyən edilib ki, Əmrulla Güləliyev cinayəti törədərkən sərxoş vəziyyətdə olub və o, ifadəsində cinayəti aralarında yaranmış şəxsi mübahisə zəminində törətdiyini etiraf edib.

Mərhum bu gün saat 10 radələrində torpağa tapşırılıb.

Faktla bağlı Sabunçu Rayon Prokurorluğunda Cinayət Məcəlləsinin müvafiq maddələri ilə cinayət işi başlayıb. Əmrulla Güləliyev tutularaq istintaqa təhvil verilib.

Bu gün daha bir erməni hərbçisinin cəsədi tapılıb.

Bunu Trend-ə açıqlamasında Azərbaycanlı Əsir və Girovlarla bağlı Məlumat Mərkəzinin koordinatoru Əhməd Şahidov deyib.

O bildirib ki, 1 erməni hərbçinin cəsədi bu gün Xocavənd ərazisində aparılan axtarışlar zamanı tapılıb.

Axtarış qrupunun aşkar etdiyi cəsəd Ermənistana təhvil verilib.

"Mən daim bunu deyirəm, vətəndaşlara müraciət edirəm, biganə qalmayın və nəzarət edin. İctimai nəzarət bir çox məmurları bu cinayət xarakterli işlərdən çəkindirəcək. Ona görə ictimai nəzarətin hansısa institusional formatı da gərək işlənilsin. Sizin, media nümayəndələrinin bu sahədə çox böyük rolunuz var. Deyə bilərəm ki, mən bəzən xoşagəlməz hallar haqqında sizdən öyrənirəm, sizdən bu xəbəri tuturam və dərhal reaksiya verilir. Deyə bilərəm ki, bir çox hallarda mediada olan məlumatlar təsdiqlənir. Elə məlumatlar var ki, onlar qərəzli xarakter daşıyır. Amma, məlumatların mütləq əksəriyyəti təsdiqlənir və dərhal ölçü götürülür. Ona görə dövlət məmurları bilməlidirlər, onların işinə təkcə Prezident Administrasiyası yox, həm ictimaiyyət, həm də media nümayəndələri nəzarət edir."

İlham Əliyev

Ölkə başçısı: "bəzən qərəzli xarakter daşıyır" deyərkən, medianın bəzən qərəzli məlumatlar yayımlanmasına işarə etdi. Amma, məmurların mediaya qarşı qərəzindən deyəsən hər kəs xəbərsizdir.

Bir çox məmurlar var ki, onların saymazlıqları və korrupsioner fəaliyyətləri barəsində məlumatlar yayımlayan mətbuat nümayəndəsini cəzalandırmaq üçün hər vasitədən istifadə edirlər. Gah "trol"larına "irəli" əmrini verirlər, gah şantaj, gah da müxtəlif cür şər-böhtanla onun peşə fəaliyyətinə ləkə vurmağa çalışırlar. Yasamal rayon İcra Hakimiyyəti isə bu dəfə fərqli üsula əl atıb. Daha doğrusu əlinə düşən fürsətdən yararlanmağa çalışıb.

Belə ki, biz "DogruXeber.az" olaraq, dəfələrlə Yasamal rayonunda aparılan qanunsuz tikintilərlə bağlı məlumatlar yayımlamışıq. Adımızdan da göründüyü kimi, hər zaman cəmiyyətimizə doğru xəbərlər verib, bacardığımız qədər gerçəklikləri diqqətə çatdırmışıq. Yasamal rayonunda aparılan qanunsuz tikintilər və rayon sakinlərinin İcra başçısı haqqında narazılıqlarını da olduğu kimi dərc etmişik.

"Bir qalanın sirri" - Yasamaldakı tikintilər necə həyata keçirilir?

Yasamalda "quruculuq" işləri davam etdirilir

Yeri gəlmişkən, onu da qeyd edək ki, biz Yasamal rayonunda baş verənlər barəsində dəfələrlə yazsaq da, hər dəfəsində fərqli mövzu, yaxud eyni mövzu - fərqli ünvanlardan bəhs etmişik. Bu da o deməkdir ki, sözügedən rayonun problemləri bir, iki, üç və sair deyil, saymaq üçün uzun vaxt lazım olacaq qədər çoxdur.

Misal üçün, biz ötən yayımlarımızda sakinlərin narazılığından və Yeni Yasamal 2, 1-ci Alatava, Şəfaət Mehdiyev küçəsi 97 - su anbarının üstü, Ümid Əkbərov küçəsi, Nazim Hikmət küçəsi (3 saylı "Asan xidmət"in yanı) və.s. ünvanlarında aparılan qanunsuz tikintilərdən bəhs etmişdik. Bu dəfə isə yuxarıda sadaladığımız ünvanlara daha bir əlavəmiz də var. Belə ki, əldə etdiyimiz məlumata görə Şərifzadə küçəsində (Kaktus restoranının yaxınlığında) daha bir qanunsuz tikintinin inşası həyata keçirilməkdədir.

Hazırda tikinti işləri aparılır. Yasamal rayon İcra Hakimiyyəti isə bu kimi qanundankənar halların qarşısını almaq yerinə, bütün diqqətini cəmləyib əlinə düşən, bu kimi faktları gündəmə gətirən media vasitəsini "cəzalandırma" fürsətinə. Amma, özü tərəfdarı olub, bütün fəaliyyəti dövründə qanunlara riayət edib, hər kəsdən də bunu gözləyən bir media qurumu həmçinin nümayəndəsindən "qisas" almaq üçün bu kimi ucuz davranışların yararsız olduğunu düşünmədən.

Demək, bir neçə gün əvvəl "Azəriqaz" İstehsalat Birliyinin əməkdaşları rəhbərliyin göstərişi ilə və təyinat əsasında Yeni Yasamal-2, Xiyabani 8 ünvanında yeni küçə xəttinin qazlaşdırılmasına başlamaq üçün sözügedən ünvanda olublar. Lakin, həmin küçəyə yaxın binada yaşayan sakinlər qalmaqal yaradaraq, buna mane olublar. "Fədakar" İcra nümayəndəsi də "biz sakinlərin mövqeyini qoruyuruq" deyərək, duruma müdaxilə etmədi. Amma, özü də bilmirdi ki, o bu sözü deməklə qaz çəkilən digər sakinlərin hüququnu pozmuş olur.

Beləliklə, sakinlərin səs-küyü və İcra nümayəndəsinin bina sakinlərinə qarşı olan "aşırı düşkünlüyü" nəticəsində, elə İcra nümayəndəsi Fərhad adlı şəxsin göstərişi ilə qaz çəkilişi prosesi həmin gün təxirə salındı. Növbəti cəhddə yenidən həmin sakinlər etiraz etdilər. Qeyd edək ki, hər iki cəhddə Daxili İşlər Nazirliyinin "102" qaynar xətt xidmətinə məlumat verilib. Polis əməkdaşları məsələyə cəlb edilsə də yenə proses təxirə salındı.

Qeyd: Birinci cəhddən sonra Ərazi üzrə İcra nümayəndəsi Fərhad adlı şəxslə telefon əlaqəsi saxlayarkən, o bildirdi ki, "mən İcra Hakimiyyəti ilə danışdım. Ordan mənə cavab verdilər ki, "Azəriqaz"la telefon əlaqəsi saxladıq, dedilər sənədləri qaydasındadır. İşlərini davam etdirə bilərlər." Lakin, ikinci cəhddə həmin hadisələrin təkrar yaşanmasından sonra redaksiyamızın rəhbəri Kamal Əsgərov yenidən icra nümayəndəsi ilə telefon əlaqəsi saxladı. Bu dəfə isə İcra nümayəndəsi ilk dediyi sözləri dandı və bildirdi ki, "Azəriqaz"dan telefonla deyiblər sənədlərin qaydasında olduğunu. Təqdim etməyiblər. Burda narazılıq edən sakinlər də sənədləri görmək istəyirlər. Təqdim edin, problem yoxdur, işinizi görün".


Bundan sonra redaksiyamızın rəhbəri Yasamal rayon İcra Hakimiyyətinin rəsmi internet səhifəsində yerləşdirilən telefon nömrələri vasitəsilə ictimai-siyasi və humanitar məsələlər şöbəsinin müdiri Zöhrab Cəfərova zəng etdi. Dəstəyi qaldıran olmadı. Sonra İcra başçısının müavini Təravət xanım Muradovaya zəng etdi. Təravət xanım cavab verdi ki, "bu kimi məsələlər bizim şöbəyə aid deyil". Ardından, İnformasiya Təminat və Təhlil sektoru müdirini aradı. Nömrə işləmirdi. Daha sonra İTT sektorunda aparıcı məsləhətçi Aytək xanım Babayevaya zəng etdi. Bu dəfə isə dəstəyi Vətən müharibəsi iştirakçıları və şəhid ailələri ilə işin təşkili şöbəsindən böyük məsləhətçi Tural Əsgərov qaldırdı. Məsələnin onların şöbəsinə aidiyyatı olmasa da, dinlədi və telefon nömrəsi götürdü ki, "mən deyərəm özləri əlaqə saxlayarlar". Lakin, əlaqə saxlayan olmadı.

Əlqərəz...

Beləcə qazlaşdırma prosesi bir neçə dəfə təxirə salındı.

Qeyd: Yeri gəlmişkən onu da qeyd edək ki, redaksiyamızın rəhbəri Kamal Əsgərovun yaxınları da qazlaşdırma aparılan küçədə yaşayırlar.

Proseslər zamanı sakinlərin yersiz və haqsız narazılıqlarına ərazi üzrə İcra nümayəndəsi ümumiyyətlə müdaxilə etmədi. Özünü mühəndis kimi təqdim edən Mübariz adlı şəxs sakinlərin arasında olurdu və tez-tez icra nümayəndəsi ilə telefon əlaqəsi saxlayırdı. Hər telefon zəngindən sonra sakinlər daha da israrla mane olmağa çalışırdılar. Nəhayət, qanun yadlarına düşdü və İcra nümayəndəsi bildirdi ki, "Mən İcra Hakimiyyətinə məruzə etdim, dedilər sənədlərini təqdim etsin sonra." Hətta, sənədlər təqdim edildiyi halda belə İcra Hakimiyyəti bununla qane olmayıb, digər əsaslı sənədlər - layihə və sair də tələb etməyə başladılar. "Azəriqaz" İstehsalat Birliyi tərəfindən bütün lazımi sənədlər təqdim edildikdən sonra nəhayət ki, qazlaşdırma işləri həyata keçirildi. Maraqlıdır ki, sənədlər İcra Hakimiyyətinə göstəriləndən sonra ərazidə qalmaqal yaradan bəzi sakinlər də susdular. Deyəsən, onlar da "qanunları rəhbər tutub" ona "riayət etmək istəyiblərmiş" sadəcə. Lakin, onu da qeyd edək ki, elə bəzi sakinlərdən əldə etdiyimiz məlumata görə sakinləri bu işlərə mane olmağa sövq edən İcra nümayəndəsi imiş. Əslində, "bu əvvəldən bizim ağlımıza gəlmədi" desək yalan olar. İkinci cəhddə artıq, bunu təxmin etmişdik və yanılmamışıq.
Sən demə, İcra Hakimiyyəti bu yolla haqqında doğruları yazan medianı güya cəzalandırıırmış.

Redaksiyamız hər kəsin söz haqqını tanıyır.

DogruXeber.az

Xatırlayırsınızsa bir neçə gün əvvəl "MUM.TV" YouTube kanalımızda Astara rayon Miki kəndində acınacaqlı vəziyyətdə yaşayan bir ailənin yaşamağa məcbur qaldığı evin şəraitinin görüntülərini sizlərə təqdim etmişdik. Eyni zamanda, "DogruXeber.az" informasiya portalında da ətraflı məlumat dərc etmişdik.

Zəngin ölkəmizin səfil vətəndaşı

Əslində ümid edirdik ki, dövlət büdcəsindən milyonların ayrıldığı Astara rayon İcra Hakimiyyəti bu görüntüləri izlədikdən sonra dərhal, min bir çətinliklə gələcəyin iki əsgərini böyüdən bu ailəyə müəyyən qədər köməklik göstərəcəkdir. Lakin, təəssüflər olsun ki, Astara rayon İcra Hakimiyyəti ümidlərimizi doğrultmadı.

Görüntülərdə gördüyünüz kimi ailənin vəziyyəti nəinki düzəlməyə doğru getməyib, əksinə soyuqdan sağlamlıqlarına da ziyan dəyib. Evin xanımı Hüseynova İlhamə Süleyman qızının da dediyi kimi yaxın gələcəkdə adına "həqiqi hərbi xidmətə çağırış" vərəqəsi gələcək oğulun ayaqları soyuqdan tutulub. Ailənin bildirdiyinə görə rayonda fəaliyyət göstərən dövlət qurumlarından kimsə bugünə qədər onların mövcud durumu ilə ümumiyyətlə maraqlanmayıb.

Əslində, ailənin istəyi mümkünsüz deyil. Ümumiyyətlə, çox çətin də deyil. İlhamə Hüseynova bildirir ki, yaşadığı kəndin sakinləri əlbir olub, onun üçün həyətində daşdan ev tikiblər. Lakin, kənd sakinlərinin maddi imkanı yalnız divarların inşasına yetib. Xanımın istədiyi kömək odur ki, həmin evin dam örtüyü və digər işləri başa çatdırılsın ki, ən azından çadırdan çıxıb, övladlarını yanına alıb, o evdə yaşasın.

Güman edirik, Astara rayon İcra Hakimiyyəti ailənin durumunu nəzərə alacaq və ailənin o qədər ehtiyaclara rəğmən, yeganə istəyi evinin tikintisinin başa çatdırılmasında lazımi köməklik göstərəcəkdir.

Hələlik isə bu bir arzudur...

Mövzuya qayıdacağıq və ailəyə hər hansı bir yardım göstərilərsə, onu da diqqətinizə çatdıracağıq.

Redaksiyamız hər kəsin söz haqqını tanıyır.

DogruXeber.az

"DogruXeber.az"a daxil olan məlumata görə, Abşeron rayonunun inzibati mərkəzi Xırdalan şəhərində sakinlərin "makler" (dəllal) kimi tanıdığı Cavid adlı şəxs öz şəriki ilə əlbir olaraq, Xırdalan şəhərində bir neçə qanunsuz tikintilər həyata keçirirlər. Belə ki, sözügedən şəxslərin fərdi yaşayış evlərinin tikintisi və satışı ilə məşğul olduğu deyilir.

Onların hansı ərazilərdə, hansı qanunsuz tikintilər ərsəyə gətirdikləri və bu qanunsuz işləri həyata keçirməkdə onlara yardımçı olan tərəflər barəsində daha ətraflı məlumat növbəti yayımlarımızda.

Bizi izləyin.

Redaksiyamız hər kəsin söz haqqını tanıyır.

DogruXeber.az

Cavid Tağıyev və Loğman Süleymanov haqqın və ədalətin keşiyində təmənnasız xidmət edən Gəncə hakimləridir!

Bəli, bu gün Azərbaycanda haqq-ədalətin müdafiəsində dayanan məhkəmələrimizdir. Məhkəmə qanun çərçivəsində hər bir vətəndaşın, hüquqlarını müdafiə edir.
Bu deyimi, Ulu Öndərimiz əbəs yerə qeyd etməyib:-"Dövlət iki şeydən sarsıla bilər:Cinayətkar cəzasız qalanda və Günahsız cəzalandırılanda".

Bəs görəsən, bu deyim doğrudanmı bütün məhkəmə-sistemlərində təsdiqini tapa bilir?
Azərbaycanın bəzi şəhər və rayon məhkəmələrində əsassız, ədalətsiz hökmlər çıxarılır. Bu, göz qabağındadır. Kimin pulu varsa, cinayət törətməsinə baxmayaraq əməli cəzasız qalır.

Əfsuslar olsun, biz hələ də, bu xoşagəlməz mənzərə ilə tez-tez üzləşirik. Belə ki, son vaxtlar Azərbaycanda məhkəmə qərarları ilə bağlı daxil olan şikayətlərin sayı heç də az deyil. Bu, onu göstərir ki, qərarların böyük əksəriyyəti çox təəssüf ki, ədalətsiz qərarlardır. Ancaq, ədalətli məhkəmə qərarlarının qəbulu isə hesab edirəm ki, gələcəkdə bu sahədə ciddi irəliləyişə gətirib çıxara bilər.

Təssüflər olsun ki, bu gün hakimlər qanunsuz qərarları maksimum rüşvət müqabilində çıxarırlar. Burada mən bunu açıq yazmalıyam. Bunu məhkəmə sistemlərində çalışan bütün hakimlərə də aid etmək olmaz.

Hazırda haqqında yazacağım Gəncə Şəhəri Kəpəz Rayon Məhkəməsinin hakimi Tağıyev Cavid Tahir oğlu və Gəncə Apellyasiya Məhkəməsinin hakimi Süleymanov Loğman Sirac oğludur ki, onların dövlətimizə sadiqliyi və vətəndaşa təmənnasız xidmətləri digər şəhər və rayonlarımızda fəaliyyət göstərən hakim həmkarlarına nümunə ola bilər.

Yəni, araşdırmalarım göz qabağındadır. Burada heç bir sözü şişirtməyimə ehtiyac yoxdur.
Düzü haqqı tapdalayan, özünə və Azərbaycan qanunlarına hörmətsiz yanaşan hakimlərə nümunə olsun deyə, bu əsl hakimlər haqqında yazmağı peşəmdən əlavə özümə vicdan borcu bildim.

Hakim kürsüsündə çalışan, peşə şərəfini daim uca tutan, prinsipial və qətiyyətli hakim kimi tanıdığım çox hörmətli Cavid Tağıyevin hakimlik karyerasında qazandığı uğurların əsasında mənəvi təmizliyi, qanunçuluğa və dövlətçiliyə sədaqəti durur.

Mən əminliklə qeyd edirəm ki, O, Gəncə Şəhəri Kəpəz Rayon Məhkəməsinin ən ədalətli, ən qətiyyətli, və xeyirxah hakimlərindən biridir.
Hakim Cavid Tağıyevin proses zamanı vətəndaşlarla münasibətində son dərəcə obyektiv, qərəzsiz, diqqətli olması, onları sona qədər səbirlə dinləməsi düzgün qərar qəbul etməsində böyük rol oynayır.

Bəli, hakimlər hər zaman ədalətli və qərəzsiz olmalıdır. Əlbəttə, növbəti müsahibim hakim Loğman Süleymanovda dövlətə və dövlətçiliyə olduqca sədaqətlidir. Ədalətli hakimdir. Hakim kimi qəbul etdiyi qərarlar özü kimi obyektiv və ədalətli olur.

Hakim Loğman olduqca tələbkardır, üzərinə düşən vəzifələri vicdanla yerinə yetirir, işlərə və digər materiallara vaxtında baxır. Qərarı ədalətli səviyyədə bərqərar edə bilir.

Sözügedən hakimlər haqqında bir qədər ətraflı məlumat ona görə verdim ki, Cavid hakim və Loğman hakim kimi az sayda belə hakimlərə nəinki vətəndaşlarımızın, həmçinin dövlətimizin də böyük ehtiyacı vardır.
Cavid Tağıyev və Loğman Süleymanov ədalətli qərarları ilə vətəndaşlarımızda güvənin artmasına təkan verdiklərinə görə düşünürəm ki, onlar Azərbaycan məhkəmə-hüquq sistemində ədalətliliyi və obyektivliyi ilə hər zaman nümunə sayılacaq və xoş xatırlanacaq hakimlərimizdən olacaqlar.

Media əməkdaşı olaraq arzu edirəm ki, Azərbaycanmızın bütün şəhər və rayonlarında məhkəmə sistemlərində xidmət edən bütün hakimlərimiz rüşvətlə deyil, xeyirxah və qəbul etdiyi qərarlarda Gəncə Şəhəri Kəpəz Rayon Məhkəməsinin hakimi Tağıyev Cavid Tahir oğlu və Gəncə Apellyasiya Məhkəməsinin hakimi Süleymanov Loğman Sirac oğlu kimi ədalətli olsunlar. Əminəm ki, başda dövlətimiz olmaqla, mənim kimi hər bir azərbaycanlı bunu istəyir.

Bir sözlə, Azərbaycandakı bütün məhkəmə sistemləri maksimum dərəcədə şəffaf olmalıdır. Belə olduqda əminəm ki, verilən ədalətli qərarlar vətəndaşlarımızda dövlətə inamı artıracaqdır!


Aybəniz Abdulova
jurnalist

Zərdab rayonu ərazisində yerləşən ərzaq və mobil telefon satışı ilə məşğul olan mağazalardan müxtəlif vaxtlarda oğurluq edilməsi barədə Rayon Polis Şöbəsinə məlumatlar daxil olub.

DİN-in Mətbuat Xidmətinin Bərdə regional qrupundan verilən məlumata görə, vətəndaşların müraciətləri əsasında Zərdab RPŞ-nin əməkdaşları tərəfindən müvafiq araşdırmalara başlanılıb. Keçirilən intensiv əməliyyat-axtarış tədbirləri nəticəsində həmin oğurluq əməllərini törətməkdə şübhəli bilinən Zərdab rayon sakini Əli Əkbərov saxlanılıb. Ə.Əkbərovun mağazalardam 3 ədəd mobil telefon və 500 manata yaxın pul oğurladığı müəyyən edilib. Cinayəti əməllərini törədərkən istifadə etdiyi əşyalar isə maddi sübut kimi götürülüb.

Faktla bağlı Zərdab RPŞ-də cinayət işi başlanılıb və Ə.Əkbərov barəsində məhkəmənin qərarı ilə həbs qətimkan tədbiri seçilib.

Azərbaycan Respublikasında koronavirus (COVID-19) infeksiyasına 1 979 yeni yoluxma faktı qeydə alınıb, 7 198 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 27 nəfər vəfat edib.

İndiyədək ölkədə ümumilikdə 779 783 nəfərin koronavirus infeksiyasına yoluxması faktı müəyyən edilib, onlardan 749 514 nəfər müalicə olunaraq sağalıb, 9 307 nəfər vəfat edib, aktiv xəstə sayı 20 952 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10 506, ötən müddət ərzində isə ümumilikdə 6 511 864 test aparılıb.

Fevralın 23-də SOCAR-ın birinci vitse-prezidenti, prezident vəzifəsini müvəqqəti icra edən Rövşən Nəcəf Dünya İqtisadi Forumunun prezidenti Borge Brendenin rəhbərlik etdiyi nümayəndə heyəti ilə görüşmüşdür. Görüşdə SOCAR və Dünya İqtisadi Forumu arasında mövcud əlaqələrin inkişaf etdirilməsi və əməkdaşlıq perspektivləri ətrafında fikir mübadiləsi aparılmış, Bakıda fəaliyyətə başlamış Dördüncü Sənaye İnqilabı Rəqəmsal Mərkəzi ilə təcrübə mübadiləsi və tərəfdaşlıq imkanları müzakirə edilmişdir.

Rövşən Nəcəf qeyd etmişdir ki, SOCAR Dünya İqtisadi Forumunun uzunmüddətli tərəfdaşıdır, əməkdaşlığın davam etdirilməsində, Forumun gələcək tədbirlərində iştirak etməkdə maraqlıdır. SOCAR-ın iki müəssisəsi- “Petkim” və “STAR” neft emalı zavodu Dünya İqtisadi Forumunun “Global Lighthouse Network” şəbəkəsinin ən çox rəqəmsallaşmış müəssisələri arasında yer almağa nail olmuşdur. Rəqəmsallaşma SOCAR-ın 2035-ci ilədək Korporativ Strategiyasında şirkətin prioritet inkişaf istiqamətlərindən biri kimi təsbit olunmuşdur. Bu baxımdan Azərbaycanda Dördüncü Sənaye İnqilabı Rəqəmsal Mərkəzinin fəaliyyətə başlaması Forumla SOCAR arasında əməkdaşlığın genişləndirilməsi üçün yeni perspektivlər açır.

Dünya İqtisadi Forumunun prezidenti Borge Brende Bakıda Dördüncü Sənaye İnqilabı Rəqəmsal Mərkəzinin açılmasından məmnunluğunu bildirmiş, Mərkəzin yaradılmasının iki il əvvəl Azərbaycan Respublikasının Prezidenti İlham Əliyev cənabları ilə razılaşdırıldığını vurğulamışdır. Bakıdakı Mərkəzdə süni zəka, rəqəmsal ticarət və s. sahələrdə araşdırmaların aparılacağını söyləyən Borge Brende bu istiqamətlər üzrə Forumun dəyərli tərəfdaşlarından olan SOCAR-la yeni əməkdaşlıq imkanlarının yarandığını ifadə etmişdir. O, eyni zamanda enerji təchizatının dünya ölkələrinin gündəmində əsas məsələlərdən biri olduğunu xatırladaraq, bərpa olunan enerjinin inkişafı və digər enerji layihələri çərçivəsində də əməkdaşlığın genişləndirilməsinə maraq göstərdiklərini vurğulamışdır.

Görüşdə SOCAR-ın neft-qaz sənayesində zəngin təcrübə və ənənələrə, insan kapitalına malik olması qeyd edilmiş, mövcud resurslardan Dördüncü Sənaye İnqilabı Rəqəmsal Mərkəzinin fəaliyyətində istifadə imkanlarına dair fikir mübadiləsi aparılmışdır.