2018-ci ilin yanvar-may aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 3,2 faiz, o cümlədən ərzaq məhsullarının qiymətləri 3,2 faiz, qeyri-ərzaq mallarının qiymətləri 3,9 faiz, əhaliyə göstərilən ödənişli xidmətlərin qiymətləri 2,6 faiz bahalaşıb.

“ZamanTv.az” xəbər verir ki, Dövlət Statistika Komitəsinin hesablamalarına görə, cari ilin may ayında aprel ayına nisbətən ərzaq məhsullarının qiymətləri 1,3 faiz ucuzlaşıb, əhaliyə göstərilən ödənişli xidmətlərin qiymətləri 1,6 faiz bahalaşıb, qeyri-ərzaq mallarının qiymətləri isə sabit qalıb.

Azərbaycan və Rusiya kinematoqrafları Bakıda "Gecə qabarması" filminin çəkilişinə başlayıb.

"Qafqazinfo" xəbər verir ki, ekran işinin rejissoru İsmayıl Səfərlidir. Çəkilişlər Xəzər sahillərində - Nardaran qəsəbəsində aparılır. Baş rolda Həmayıl Həsənova çəkilir. Filmdə Günəş Mehdizadə, Rasim Cəfər, Vüsal Əzizov, Fərid Aslanov, Qurban İsmayılv kimi aktyor və aktrisalar da rol alıblar.
Filmin ssenari həmmüəlifi Mariya Zelinskaya, prodüserləri Aleksandr Rodnyanski, Sergey Melkumov və Mariya İbrahimovadır.

Çəkilişdə iki şirkət iştirak edir: Rusiyanın "Non-Stop Production" və Azərbaycanın "Cinex Productions" şirkəti. Film 2019-cu ildə nümayiş olunacaq. Qeyd edək ki, film Sara adlı 14 yaşlı qızın balıq tutarkən itkin düşən atasının ölümü ilə barışmamağı haqqındadır. O, bu itki ilə barışmır və haqlı olduğunu sübut etmək üçün ailəsinin, kəndin adət-ənənələrinə qarşı çıxır. O, əmindir ki, itən balıqçı kəndin üzərinə çökən bədbəxtliyin səbəbinə çevrilib.

Gürcüstan Abxaziya və Cənubi Osetiyanın müstəqilliyini tanıyan Bəşər Əsəd rejimi ilə bütün diplomatik əlaqələri kəsib.

"ZamanTv.az" xarici KİV-ə istinadən xəbər verir ki, bu barədə Gürcüstanın Xarici İşlər Nazirliyi (XİN) BMT-yə nota göndərib:

"İki ölkə arasındakı diplomatik əlaqələrin kəsilməsi notası Suriya Ərəb Cümhuriyyətinin BMT-dəki və Misir Ərəb Cümhuriyyətinin diplomatik missiyalarına çatdırılıb".

XİN-in bəyanatında Əsəd rejiminin Abxazya və Cənubi Osetiyanı müstəqil dövlət kimi tanıması "Rusiyanın təzyiqi, etnik təmizləmə və həmin ərazilərin işğalının dəstəklənməsi" kimi göstərilib.

Azərbaycanda sürücülük vəsiqəsinin verilməsi və ya dəyişdirilməsi üçün dövlət rüsumu dəyişdirilir.

"ZamanTv.az" "Dövlət rüsumu haqqında" qanunda dəyişikliklər layihəsinə istinadən xəbər verir ki, avto-moto nəqliyyat vasitələri üçün sürücülük vəsiqəsinin verilməsi və ya dəyişdirilməsi üçün rüsum 39% artırılır.

Belə ki, dəyişiklik təsdiq olunanandan sonra avto-moto nəqliyyat vasitələri üçün sürücülük vəsiqəsinin verilməsi və ya dəyişdirilməsi rüsumu 18 manatdan 25 manata qaldırılacaq.

Bu gün DogruXeber.az-ın redaksiyasına gələn Ağsu rayon Xətai küçəsi 5 ünvanında yaşayan Oruclu Adil Aydın oğlu olmuşdur. Ağsu rayon sakini A.Oruclu qeyd etmişdir ki,”rayon icra hakimiyyətinin başçısı Ənvər Seydəliyev mənə küllü miqdarda maddi ziyan vurmuş və mənə məxsus olan müasir üslubda tikilmiş obyektimi söktürmüşdür.” Şikayətçi A.Oruclu onu da bildirib ki,”rayon icra hakimiyyetinin başçısı Ə.Seydəliyev məni həbs etdirmək və ölum ilə hədələyir” . Onu qeyd etmək istəyirik ki, Adil Aydın oğlunun şikayəti ilə bağlı Ağsu rayon icra hakimiyyətinin başçısı Ənvər Seydəliyev ilə telefon əlaqəsi yaratdıq. Amma təəssüflər olsun ki, zəngimizə cavab vermədi. Şikayətçi Oruclu Adil Aydın oğlunun video çarxını və birinci Vitse prezident Mehriban xanım Əliyevaya yazdığı müraciət məktubunu sizlərə təqdim edirik.

İsmayıllı rayon sakinləri yenidən ayağa qalxdılar. Bir kəndin sakinləri nələrdən narazıdırlar və kimləri ittiham etdilər ?

Bir neçə gün əvvəl DogruXeber.az informasiya agentliyinin baş redaktoru Kamal Əsgərov İsmayıllı rayon Mucəfdəran kənd sakinlərinin redaksiyamıza ünvanladıqları müraciət ilə bağlı rayonda olub. K.Əsgərov Mucəfdəran kənd sakinləri ilə görüşüb problemləri ilə yaxından tanış olmuşdur. Kənd sakinləri şikayətlərində ilk öncə kəndin neçə illərdir maye qazı olmadığından və örüş sahələri bələdiyyə sədri tərəfindən başqa adamlara satıldığı barədə böyük narazılıqlarını bildirmişlər. Şikayətçilər bildiriblər ki,dəfələrlə bu barədə rayon icra hakiminin başçısı cənab Sadıqov Mirdaməd Mirsadıq oğlunun yanında olmuşuq. İcra hakimi bəzi hallarda heç bizi dinləmirdi deyə kənd sakinləri qeyd edirlər ki,dərdimizi kimə deyək bilmirik. Mucəfdəran kənd sakinləri onuda qeyd ediblər ki, bələdiyyə sədri Seyidli Elvin Xalid oğluna dedikdə ki,örüş sahələrimizi niyə satırsan? heyvanlarımızı otarmaq üçün örüş sahəsi tapmırıq nə edək dedikdə cavabinda bizə bildirir ki, yaxşı edirəm ərazilər mənimdir isdədiyimi edərəm. Bir söz ilə demək olar ki, 4 kəndə bələdiyyə sədrliyi edən E.Seyidli kəndlərdə öz bildiyi kimi hökmüranlıq edir. DogruXeber.az informasiya agentliyinin baş redaktoru K.Əsgərov sakinlərin şikayətinin nə dərəcədə əsaslı olduğunu bilmək üçün örüş sahələrinə baxış keçirdikdə ərəazilərin boydan-boya hasarlara alndığının şahidi olmuşdur. Sonda kənd sakinlərinin üzücü sözlərini qeyd etmək istərdik: unudulmuş kənd sakinlərinin dərdini aidiatı orqanlara çatdırın deyə bizlərə səsləndilər.

İordaniya qiymət artımını nəzərdə tutan mübahisəli vergi qanununa qarşı keçirilən etiraz aksiyalarından sonra istefa verən baş naziri Hani əl-Mülkinin yerinə təyinat olub.

“ZamanTv.az” “Dünya bületteni”nə istinadən xəbər verir ki, Kral II Abdulla yeni hökumət qurmaq vəzifəsini Ömər ər-Rəzzaza tapşırıb.

Kral sarayından verilən açıqlamada ona həsas bir zamanda reformasiya və inkişaf yolunda atılan addımları tamamlamaq öhədiliyi verildiyi bildirilib.

Qeyd edək ki, Ömər ər-Rəzzaz buna qədər təhsil naziri olaraq çalışırdı.

“Açığı, bu cür oyun gözləmirdim. Görünür, məğlubiyyətə layiq idik”.

“ZamanTv.az” xəbər verir ki, bu fikirləri Azərbaycan millisinin futbolçusu Ramil Şeydayev affa.az-a açıqlamasında bildirib.

Millimizin Qazaxıstan yığmasına Astanada 0:3 hesabıyla yenildikləri yoldaşlıq görüşünü dəyərləndirən hücumçu pis oynadıqlarını etiraf edib:

“Mübarizələri uduzduq. Ancaq həvəsdən düşmək lazım deyil. Düşünürəm ki, qarşıda hər şey yaxşı olacaq. Əsas odur ki, daha çox çalışmalıyıq. Özümüzə və komandaya inanmalıyıq”.

“Maşın” realiti-şosusunda bu axşam səsverməyə aktyor-müğənni Cavidan Novruz çıxıb.

“ZamanTv.az” xəbər verir ki, Cavidan səs toplayacağı təqdirdə aparıcı Aytən Səfərovanı uzaqlaşdıracağını deyib.

Lakin, o, cəmi 17,98 faiz səs toplaya bilib və şounu özü tərk edib.