Nəqliyyat Nazirliyinin Rabitə və Yüksək Texnologiyalar Nazirliyinə birləşdirilməsindən sonra işsiz qalan nazirin müavini Arif Əsgərovun baldızı oğlu Rahib Hüseynov barəsindəki cinayət işi üzrə məhkəmə prosesi davam edib. Lent.az-ın məlumatına görə, Bakı Ağır Cinayətlər Məhkəməsində hakim Mirzə Xankişiyevin sədrliyi ilə keçirilən prosesdə Rahib Hüseynovun vəkili yenidən vəsatət verərək iş üzrə adı keçən Azərbaycan Avtomobil Yolları Dövlət Agentliyinin idarə heyətinin sədr müavini Əvəz Qocayev və ailə üzvlərinin məhkəməyə şahid qismində dəvət olunmasını istəyib: “Niyə görə adı bu işdə keçən Əvəz Qocayev və onun ailəsi məhkəməyə dəvət edilmir? Onlar bu iş üzrə əsas şahidlərdir. Bizim onlara suallarımız var”.

Hakim bildirib ki, vəkilin qaldırdığı vəsatət təmin edilib: “Şahidlər çoxdur, vəsatətinizdə adı keçən bütün şahidlər məhkəməyə dəvət ediləcək”.

Bundan sonra şahid qismində təqsirləndirilən şəxsin anası Lətifə Hüseynova ifadə verib. O qeyd edib ki, borc pulların qeydiyyatının aparıldığı kitablar barəsində çox sonra xəbər tutub: “İlk olaraq Rahib tutulanda xəbərim oldu. Əvəz Qocayev bizdən Rahibin kitabları ona verməyimizi istədi. Belə ki, bizə gəldilər, ərimlə onun maşınına mindik. Əvəz Qocayev özü şəxsən kitabları məndən götürdü. Yol boyunca onun adının qeyd edildiyi vərəqləri cırdı. Bəzilərinin üstünü qələmlə qaraladı. Rahib isə mənə xəbər göndərərək kitabları gizli yerdə saxlamağımı istəmişdi”.

Daha sonra hakim Mirzə Xankişiyev kitabda adı keçən Elton Aydınovun kim olduğunu soruşub. Təqsirləndirilən şəxs E.Aydınova Elnar Əsgərovun ailəsi tərəfindən 4 milyon manata yaxın pul verildiyini deyib.

R.Hüseyovun vəkili vəsatət qaldıraraq, zərərçəkmiş Qoşqar Zeynalovun gəlirləri və əmlakları barədə sorğu verilməsi vəsatət verib. Hakimlər vəsatəti təmin etməyib.

Proses iyunun 8-də davam edəcək.

Qeyd edək ki, Arif Əsgərovun oğlu Elnar Əsgərov bu iş üzrə əsas şahiddir və o da məhkəmədə ifadə verib. Hətta bəzi zərərçəkmişlər və təqsirləndirilən Rahib üseynov da Elnarı ittiham edirlər. Çünki alınan pullar Elnar Əsgərova çatıb. Rahib Hüseynov isə E.Əsgərovun işlərini gördüyünü deyir.

O, Cinayət Məcəlləsinin 178.3.2 -ci (dələduzluq, külli miqdarda törəldildikdə) maddəsi ilə ittiham olunur.

Arif Əsgərovun digər oğlu Rahib Hüseynov da dələduzluqda təqsirli bilinərək həbs edilmiş, daha sonra azadlığa buraxılmışdı. Rahib Hüseynovun adı 49 milyon manatlıq mənimsəmə işində hallanır.

Arif Əsgərov 2004-2015-ci illərdə “Azərbaycan Dəmir Yolları” Qapalı Səhmdar Cəmiyyətinin (QSC) sədri vəzifəsində çalışıb. A.Əsgərov 2015-ci ildə prezidentin fərmanı ilə tutduğu vəzifədən azad edildi. Başqa bir fərmanla o, nəqliyyat nazirinin müavini təyin edilib.

A.Əsgərovun oğlu “Liman Group” şirkətinin rəhbəri olub.

Hadisə Binəqədi rayonu, Mir Cəlal küçəsində qeydə alınıb.
“Ölkə.Az”ın xəbərinə görə, ötən gün 1956-cı il təvəllüdlü Kərimov Xanlar Səyyad oğlu özünü bina 127-nin qarşısında yerləşən yarımtikili tövlənin içində asıb. Hadisə yerinə rayonun hüquq-mühafizə orqanlarının əməkdaşları gəlib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Binəqədi rayon şöbəsinə aparılıb.
Faktla bağlı Binəqədi rayon prokurorluğunda cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb. İstintaq hərəkətləri aparılan zaman məlum olub ki, X. Kərimov icra hakimiyyətinin qanunsuz əməllərinə etiraz edərək intihar edib. Belə ki, bir müddət öncə sahibkara məxsus mağaza və avtodayanacağ saxta sənədlərlə Binəqədi rayon icra hakimiyyəti tərəfindən başqasına satılıb.

Xatırladaq ki, bu il may ayının 17-də Binəqədi rayon icra hakimiyyətinin başçısı Xaləddin İsgəndərov tutduğu vəzifədən azad olunub. Elə ondan sonra mağazanın və avtodayanacağın başqasına satılması barədə sahibkara məlumat verilib.

Qaçqınların və Məcburi Köçkünlərin İşləri üzrə Dövlət Komitəsində (“Qaçqınkom”) kadr dəyişiklikləri olub.

“Report” xəbər verir ki, Dövlət Komitəsi Aparatı rəhbərinin müavini Rafiq Şamıyev işdən çıxarılıb.

Bununla bağlı əmri Dövlət Komitəsinin sədri Rövşən Rzayev imzalayıb.

Digər əmrlə Elman Quliyev “Qaçqınkom” Aparatı rəhbərinin müavini təyin edilib. O, bu təyinata qədər Dövlət Komitəsinin Regional idarəetmə, sosial təminat və humanitar yardım şöbəsinin Humanitar yardım sektorunun müdiri işləyib.

Bundan başqa, Qaçqınların və Məcburi Köçkünlərin İşləri üzrə Dövlət Komitəsində Nəzarət və təftiş şöbəsi yaradılıb. Müvafiq əmrlə Namiq İbrahimov həmin şöbənin müdiri təyin edilib.

Qaçqınların və Məcburi Köçkünlərin İşləri üzrə Dövlət Komitəsində (“Qaçqınkom”) kadr dəyişiklikləri olub.

Report xəbər verir ki, Dövlət Komitəsi Aparatı rəhbərinin müavini Rafiq Şamıyev işdən çıxarılıb.

Bununla bağlı əmri Dövlət Komitəsinin sədri Rövşən Rzayev imzalayıb.

Digər əmrlə Elman Quliyev “Qaçqınkom” Aparatı rəhbərinin müavini təyin edilib. O, bu təyinata qədər Dövlət Komitəsinin Regional idarəetmə, sosial təminat və humanitar yardım şöbəsinin Humanitar yardım sektorunun müdiri işləyib.

Bundan başqa, Qaçqınların və Məcburi Köçkünlərin İşləri üzrə Dövlət Komitəsində Nəzarət və təftiş şöbəsi yaradılıb. Müvafiq əmrlə Namiq İbrahimov həmin şöbənin müdiri təyin edilib.

Qarabağ separatçılarının “dövlət naziri” Araik Arutyunyan istefaya gedib.

Virtualaz.org erməni KİV-ə istinadən bildirir ki, Araik Arutyunyan bununla bağlı ərizəsini separatçı rejimin başçısı Bako Saakyana təqdim edib.

A.Arutyunyan istefasının səbəblərini bu gün 15:00-da keçirəcəyi mətbuat konfransında açıqlayacaq.

Qeyd edək ki, Arutyunyan 2007-2017-ci illərdə qondarma rejimin “baş naziri” olub. O, Bako Saakyandan sonra Qarabağ separatçılarının 2-ci şəxsi hesab edilib

Dövlət Sərhəd Xidməti (DSX) tərəfin­dən sər­həd təhlükəsizliyinin təmin edilməsi sahəsində əməliyyat-axtarış və sər­­həd mühafizə tədbirləri uğurla davam etdirilir.

Bu barədə DSX-dan məlumat verilib.

İyunun 4-də DSX-nin sərhəd qoşunlarının Zaqa­tala sərhəd dəstəsinin hərbi qulluqçuları tərəfindən Ba­la­kən rayo­nu­nun Mazımqara kəndinin yaxınlığın­dakı sərhəd zasta­va­sı­nın xid­mə­ti ərazisində dövlət sərhə­dinin po­zulmasının qarşısı alınıb. Belə ki, həmin tarixdə sərhəd naryadı tərəfindən dövlət sərhədində 2 nəfər Azər­baycan Res­pub­likası vətəndaşı – 1983-cü il tə­vəllüdlü Hacılı Ramin Rasim oğlu və 1988-ci il təvəllüdlü Qa­sı­mov Fəx­rəddin Azad oğlu saxlanılıb.

İlkin araşdırma zamanı R.Hacılı ölkədən çıxışına qadağa qoyul­ması səbəbindən dövlət sərhədindən buraxılış məntəqələrindən ölkə ərazisini tərk edə bilməməsini və sərhəd zastavasının xidməti sahə­sindən dövlət sərhədini pozmaqla qanunsuz yolla Gürcüstan ərazi­sinə keçməyə cəhd etməsini, F.Qasımovun isə bu əməlin həyata keçiril­mə­­­sində ona köməklik et­məsini etiraf edib. F.Qasımov da eyni məzmunlu ifadə verib.

R.Hacılı 250 min manat həddində borclarının olmasını, xaricə getməklə bu borcları işləyərək qay­tar­mağa çalışmasını bildirib.

Saxlanılmış şəxslər barəsində Azərbaycan Respublikasının Cina­yət Məcəlləsinin müvafiq maddələri üzrə cinayət işi başlanıl­ıb.

Arif Əsgərovun digər baldızı oğlunun da məhkəməsi davam edir. O da dələduzluqda ittiham edilir.

Musavat.com xəbər verir ki, Bakı Ağır Cinayətlər Məhkəməsində külli miqdarda dələduzluqda təqsirləndirilən Rahib Hüseynovun cinayət işi üzrə məhkəmə iclası davam etdirilib.

Hakim Mirzə Xankişiyevin sədrliyi ilə keçirilən prosesdə R.Hüseynovun vəkili bir neçə əlavə şahidlərinin olduğunu deyib.

Hakim isə bildirib ki, onların bu vəsatəti təmin edilib: “Şahidlər çoxdu. Vəsatətinizdə adı keçən bütün şahidlər məhkəməyə dəvət ediləcək”.

Məhkəmədə şahid qismində təqsirləndirilən şəxsin anası Lətifə Hüseynova ifadə verib.

O bildirib ki, oğlunun borc kitabları barəsində sonradan xəbər tutub.

“Rahib tutulanda mənim xəbərim oldu. Rahib mənə xəbər göndərərək kitabları gizli yerdə saxlamağımı istəmişdi”- deyə şahid bildirib.

Hakim Mirzə Xankişiyev kitabda adı keçən Elson Aydınovun kim olduğunu soruşub. Təqsirləndirilən Elson Aydınova Elnar Əsgərovun ailəsi tərəfindən 4 milyon manata yaxın pul verildiyini deyib.

Bildirək ki, Rahib Hüseynov məhkəməyə gündəlik xərcləri və görülən işlərlə bağlı ayrılan məbləğləri qeyd etdiyi kitabları təqdim edib.

Rahib Hüseynov 2013-cü ildə həbs edilmədən öncəyə qədər həmin kitablarda görülən işlərlə, alınan məbləğlərlə bağlı qeydlər yazıb. Hüseynov həmin 5 kitabda ayrı-ayrı şəxslərdən aldığı, iş üçün ayrılan milyonları qeyd edib. Həmin kitablarda xeyli sayda vəzifəli şəxslərin adının keçdiyi məlum olub. O kitablarda qeyd edilən məbləğlər 20-25 milyondur. Alınan pullarla Arif Əsgərovun oğlu dəmiryol üçün xaricdən avadanlıqlar alaraq dövlətə baha qiymətə satıb. Qazancdan isə pul aldığı şəxslərə də faiz verib.

Məlum olub ki, kitablarda adı keçən həmin şəxslər Arif Əsgərovun oğlu Elnar Əsgərova verdikləri pullar qarşılığında xeyli qazanc əldə ediblər. Pulların alınması və aylıq faizlərin verilməsinə, “qara mühasibatlıq” işinə də R.Hüseynov nəzarət edib.

R.Hüseynov 4 milyon 300 min manatlıq dələduzluqda ittiham edilir. Bundan başqa, R.Hüseynov vətəndaş Namiq Mehdiyevə də qarşı dələduzluq edib. Elan olunmuş ittiham üzrə R.Hüseynov özünü təqsirli bilmədiyini deyib.

Qeyd edək ki, R.Hüseynov bir neçə nəfərdən iş görmək adı ilə külli miqdarda pul alıb. Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunur. Onun barəsində polisin nəzarətinə verilmə qətimkan tədbiri seçilib.

R.Hüseynovun digər qardaşı Emil Hüseynov da dələduzluqda ittiham edilib və onun barəsində də hazırda cinayət işi Bakı Ağır Cinayətlər Məhkəməsində hakim Zeynal Ağayevin sədrliyi ilə 9 il azaflıqdan məhrum edilmə cəzası çıxarılıb və məhkəmə zalında həbs edilib.

Bildirək ki, Hüseynov qardaşları Arif Əsgərovun baldızı oğludur.

Arif Əsgərov 2004-2015-ci illərdə “Azərbaycan Dəmir Yolları” Qapalı Səhmdar Cəmiyyətinin (QSC) sədri vəzifəsində çalışıb. A.Əsgərov 2015-ci ildə prezidentin fərmanı ilə tutduğu vəzifədən azad edildi. Başqa bir fərmanla o, nəqliyyat nazirinin müavini təyin edilib. Ziya Məmmədov postunu itirən zaman o da vəzifəsiz qalıb.

Bu işdə də Arif Əsgərovun oğlu Elnar Əsgrovun da adı keçir.

AZAL prezidenti Cahangir Əsgərovun maraqlı görüntüləri yayılıb.

“Qafqazinfo” xəbər verir ki, yayılan vidoada AZAL prezidenti rəqs edir. Toy məclisinə bənzəyən görüntünün nə zaman çəkildiyi bəlli deyil.

Video Azpolitika saytının sosial şəbəkə üzərindəki hesablarında yayılıb. Həmin görüntüləri təqdim edirik:

Dilavər Əzimli: “Akif Əlizadənin gördüyü işlər şəxsən məni qane edir”; Yasəmən Qaraqoyunlu: “İllərdir ki, AMEA-nın işçilərinin sosial problemləri həll edilmir”
İyunun 8-də Azərbaycan Milli Elmlər Akademiyasının (AMEA) prezidenti və vitse-prezidentləri yenidən seçiləcək. AMEA-nın bir çox elmi işçiləri hesab edirlər ki, hazırkı prezident Akif Əlizadə tam dəstək alaraq, yenidən prezident olacaq. Bu barədə “Trend”ə açıqlamasında AMEA-nın vitse-prezidenti, akademik İsa Həbibbəyli də danışıb. “Hesab edirəm ki, bizim elmi cəmiyyətimiz iyunun 8-də keçiriləcək Azərbaycan Milli Elmlər Akademiyasının prezidenti seçkilərində Akif Əlizadəyə tam dəstək verəcək” deyə, o bildirib.

İ.Həbibbəylinin sözlərinə görə, akademik A.Əlizadə ötən 5 il ərzində AMEA-ya uğurla rəhbərlik edib.

AMEA-nın vitse-prezidenti qeyd edib ki, A.Əlizadə akademiyanı durğunluq dövründən çıxararaq onu islahatlar mərhələsinə çatdırıb, onun rəhbərliyi ilə elmin fundamental və tətbiqi sahələri genişləndirilib, inkişaf edib: “Mən akademiyanın üzvü olaraq, yalnız Akif Əlizadənin namizədliyi haqqında düşünürəm. Hesab edirəm ki, bizim elmi cəmiyyətimiz də Akif Əlizadəyə növbəti seçkilərdə tam dəstək verəcək. İnanıram ki, AMEA-nın digər üzvləri də Akademiyanın növbəti 5 il ərzində Akif Əlizadənin rəhbərliyi altında inkişaf etməsini istəyirlər”.

Akademiyanın üzvü tarixçi Dilavər Əzimli da “Yeni Müsavat”a bildirib ki, Akif Əlizadənin prezident seçiləcəyini gözləyir:“Hamı bilir ki, Akif müəllimin özü seçiləcək. Təbii ki, Akif Əlizadənin gördüyü işlər məni qane edir. AMEA elmi qurumdur, o da elmi qurumun rəhbəri kimi idarə etməyi bacarır. Akif Əlizadə akademikdir, uzun müddətdir ki, elm adamıdır. AMEA-da getdikcə müəyyən mənada maaşların artımı hiss olunur. Ancaq hər halda, daha yaxşı şəraitin olmasını istəyərdik. Hesab edirəm ki, ildən-ilə bu məsələlər öz həllini tapacaq. Dövlət nə qədər güclənərsə, onun sahələri də güclənir. 10-20 il bundan öncə ilə müqayisədə indi xeyli fərqlər var”.

AMEA-nın üzvü tarixçi Yasəmən Qaraqoyunlu isə hesab edir ki, Akif Əlizadə prezident seçilməli deyil: “Ölkə başçısına məktubum olmuşdu. Oradakı məsələlərlə bağlı aylarla Akif Əlizadəyə müraciət etdim ki, məni qəbul eləsin. Ancaq onun köməkçisi aylarla müxtəlif bəhanələrlə bu görüşün baş tutmasına imkan vermədi. Bir rəhbər ki, öz işçisinin problemləri ilə maraqlanmırsa, o, nə üçün rəhbər olmalıdır? İndiyə qədər rəsmi ərizə ilə AMEA rəhbərliyinə dəfələrlə müraciət etmişəm ki, həyat yoldaşım xəstədir, bir övladım da əlildir və mənə növbədənkənar ev verilsin. Hələ də məktubuma rəsmi şəkildə heç bir cavab gəlməyib. Yalnız Həmkarlar İttifaqı mənə cavab verib ki, Saray qəsəbəsində elmi işçilər üçün ev tikilir və gedib oradan mənzil ala bilərsiniz. Elmi işçilərin bu evə sahib olmaları üçün ilkin ödəniş kimi 10 min manat lazımdır. Bu ödəniş olmasa, hər ay 1000 manat pul verməliyik. Bunları ona görə sayıram ki, AMEA-nın işçilərinin sosial problemləri çoxdur. Bu problemləri həll edə bilməyən akademiyanın rəhbəri ola bilməz. Ona görə də Akif Əlizadənin namizədliyini qəti şəkildə dəstəkləmirəm. Prezidentin səlahiyyəti elmin inkişafına dəstək olmaqdır. İnsan yeməsə, içməsə, onun problemi həll olunmasa, elmlə necə məşğul ola bilər? İndiyə qədər AMEA prezidenti məsələ qaldırmayıb ki, elmi işçilərin sosial probleminin həlli üçün nə etməliyik. Yaxud da bizim ”Tomson” jurnalında elmi məqalələrimizin dərc olunması üçün hansı köməklik göstərilib? Bu istiqamətdə heç bir addım atılmayıb. Elə namizəd istəyirəm ki, o, elmin inkişafı üçün ciddi şəkildə ölkə rəhbərliyi qarşısında çıxış etsin”.

Bakının Nərimanov rayonunda bir ailənin üç üzvü döyülüb.

“Report” xəbər verir ki, Əliyar Əliyev küçəsi, 7 ünvanında yaşayan Xanlar Qurbanov evə gələrək ailə üzvləri ilə mübahisə edib.

O, əvvəlcə 1997-ci il təvəllüdlü oğlu Sirac Qurbanovu döyərək ona xəsarətlər yetirib. Bununla hirsi soyumayan X.Qurbanov 1969-cu il təvəllüdlü həyat yoldaşı Qurbanova Reyhan Çingiz qızını da döyüb. Yaralılar 1 saylı Kliniki Tibbi Mərkəzə yerləşdirilib.

Kişi ardınca qızı Q.S-nı da döyüb.

Yaralılardan S.Qurbanovun vəziyyəti nisbətən ağır olduğundan o, xəstəxananın Reanimasiya şöbəsinə yerləşdirilib.

Faktla bağlı Nərimanov Rayon Polis İdarəsi araşdırma aparır.

Hadisəni törədən X.Qurbanov əvvələr məhkumluq həyatı yaşayıb. O, bir neçə gün öncə həbsxanadan azad olunub.