Rusiya ilə Ukraniya ölkələri arasında başlanan müharibədə başqa ölkələrin də vətəndaşları zərər çəkir, təşvişə düşür ,hətda günahsız yerə dünyasını dəyişənlər də olur. Ölkəmizin Ukraniya da olan vətəndaşlarının təxliyyə olunması üçün ölkəmizin Ukraniya da olan qurumları yüksək səviyyədə failyyət göstərməkdədirlər.
"Zamantv.az" bildirir ki Ukraniyada minlərlə vətəndaşlarımızla yanaşı "Səbail" futbol klubunun 13 yaşlılarından ibarət komandasının məşqçisi Manaflı Aydın da var ki, aldığımız muəllumata görə Kiyev şəhərində hansısa binanın zirzəmisində köməksiz vəziyyətdədır.
İnanırıq ki, qüdrətli ölkəmizin qüdrətli, cəsarətli Prezidenti Cənab İlham Əliyevin səyi ilə bütün vətəndaşlarımız tezliklə ölkəmizə sağ-salamat dönəcəklər.


Xəyalə ibrahimli.

Gəncə Ağır Cinayətlər Məhkəməsində xalasının həyat yoldaşını qətlə yetirən Seymur Rəfiyevə hökm oxunub.

“Kriminalqafqaz”ın məlumatına görə, Seymur Rəfiyev borc üstündə xalasının ərini öldürüb.

Daha sonra isə özü də intihara cəhd edib. Ölən Yusif Dəmirov Gəncə şəhər tibb kollecində tarix müəllimi işləyib.

Onun qızı Sevinc Dəmirova ifadəsində bildirib ki, anası uşaq yaşlarında dünyasını dəyişib: "Atam anamın ölümündən sonra sarsıntı keçirdiyi üçün yay tətilində Bakıya mənim yanıma gəlirdi. Seymur atamdan 420 manat borc pul alıb. Atam pulu istəyəndə hər dəfə bəhanə gətirərək pulu verməyib. Seymur borcun ödənilməsi üçün təqaüd kartını atama vermişdi. Mən iyulda Seymurun kartından 110 manat çıxarıb atama verdim. Avqustda yenidən pul çıxarmaq istədikdə kartın blok olduğunu görüb atama bildirdim. Atam Seymura zəng etdi. Fikirləşdim ki, Gəncəyə qayıdanda Seymurla söhbət edib məsələni həll edərlər”.

Mərhumun qızı onu da bildirib ki, xalası oğlu Seymurla və onların ailəsi ilə münasibətləri yaxşı olub: “27 avqustda Seymur mənə zəng vuraraq atamdan borcun ödənilməsi üçün vaxt verməsini istədi. Mən də atama zəng edib bu barədə bildirəndə etiraz etmədi. Hadisə baş verən gün - 28 avqustda atamla dəfələrlə əlaqə saxlayıb hal-əhval tutmuşdum. Həmin gün axşam yenidən atamla əlaqə saxlamaq istədim, lakin telefonu açmadı. Bir müddət sonra xalam zəng edərək atamın öldüyünü dedi. Xəbəri eşidən kimi Gəncəyə gəldim. Atamın bıçaqla qətlə yetirildiyini, Seymurun polis idarəsinə çağırılan zaman intihar etdiyini Gəncəyə gələndən sonra öyrəndim. Seymurun intihara cəhd etdiyini eşidəndən sonra atamın qətli ilə əlaqəsi olduğundan şübhələndim”.

Sevinc Dəmirova xalası oğlundan şikayətçi olmadığını bildirib.

Qeyd edək ki, S.Rəfiyev Y.Dəmirovu qətlə yetirdikdən sonra polis əməkdaşları onu aparmağa gəlib. Bu zaman o paltarını dəyişmək adı ilə evə girib. Evə girdikdən sonra “essens” turşusu içərək intihara cəhd edib, lakin ölməyib.

Gəncə Ağır Cinayətlər Məhkəməsinin qərarı ilə Seymur Rəfiyev 15 il müddətinə azadlıqdan məhrum edilib.

Ukraynanın Nikoloyev şəhərində yaşayan azərbaycanlılar şəhərə yaxın ərazidə yerləşən Makiyevkaya yardım aparıblar.

Bu barədə Zamantv.az-a Nikolayevdə yaşayan və xırda ticarətlə məşğul olan həmyerlimiz Sabir Şirinov deyib.

O bildirib ki, qardaşı Umud Şirinov və digər azərbaycanlı soydaşlarımız Makiyevka şəhərində Ukrayna əsgərlərinə yardım aparıblar.

Rusiya Prezidenti Vladimir Putinin ölkəsinin nüvə qüvvələrini gücləndirilmiş döyüş hazırlığı vəziyyətinə gətirilməsi qərarından sonra rəsmi Pekin Moskvanı təmkinli olmağa çağırıb.

“Bütün tərəflər sakitliyi qorumalı, təmkinli olmalı və gərginliyin artmasından qaçmalıdır”, - deyə Çin XİN-in rəsmi nümayəndəsi Van Venbin bildirib.

Çin nümayəndəsi bildirib ki, rəsmi Pekin hərbi qarşıdurmanı aradan qaldırmaq və sülh yolu ilə siyasi həllə nail olmaq üçün bütün səyləri dəstəkləyir.

Mənbə: Spiegel.

İsmayıllı rayonunda ötən ilin noyabr ayından cari ilin yanvar-fevral aylarınadək olan müddət ərzində 9 evdən oğurluq edilib. Polis Şöbəsinə müraciət edən zərərçəkənlər onlara məxsus evlərdən ümumi dəyəri 7000 manatdan artıq olan müxtəlif məişət əşyaları, elektrik kabelləri, su qızdırıcları və təmir-tikinti alətlərinin oğurlandığını bildiriblər.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, polis əməkdaşlarının həyata keçirdikləri əməliyyat-axtarış tədbirləri nəticəsində hadisələri törətməkdə şübhəli bilinən rayon sakinləri Rəsul Bəbirov və 2020-ci ildə törətdiyi oğurluğa görə azadlığı məhdudlaşdırılaraq elektron qolbaqla təchiz olunmuş Samir Əsədli tutulub.
Onlar əməllərini etiraf edib və oğurladıqları əşyaları dəyərindən ucuz qiymətə rayon ərazisində ayrı-ayrı şəxslərə satdıqlarını bildiriblər.

Faktla bağlı cinayət işi başlanılıb, istintaq-əməliyyat tədbirləri davam etdirilir.

Ukrayna və Rusiyanın nümayəndə heyətləri arasında danışıqlarda fasilə elan edilib.

Danışıqlarda hansısa nəticənin əldə edilib-edilmədiyi məlum deyil.

Görüş fasilədən sonra davam edəcək.

Mənbə: TASS

Belarusun Qomel vilayətində Rusiya ilə Ukrayna arasında danışıqlar başlayır.

Nümayəndə heyətlərinin görüşü Ukrayna sərhədi yaxınlığında, Pripyat çayının sahilində keçirilir.

Təhlükəsizlik səbəbi ilə dəqiq görüş yerinin adı açıqlanmır.

“Sputnik Belarus” xəbər verir ki, danışıqlarda Belarusun xarici işlər naziri Vladimir Makey də iştirak edir.

Mənbə: Sputnik Belarus

Ukrayna nümayəndə heyəti Belarusla sərhəddə Rusiya ilə danışıqların keçiriləcəyi rayona gəlib.

Bu barədə Ukrayna Prezidenti Ofisinin mətbuat xidməti məlumat yayıb.

Nümayəndə heyətinə “Xalqın xidmətçisi” fraksiyasının sədri David Araxamiya, Ukraynanın müdafiə naziri Aleksey Reznikov, Ukrayna Prezidenti Ofisinin rəhbərinin müşaviri Mixail Podolyak, Ukraynanın üçtərəfli təmas qrupundakı nümayəndə heyətinin sədri Andrey Kostin, deputat Rüstəm Umerov və xarici işlər nazirinin müavini Nikolay Toçitski daxil olub.

Danışıqlarda əsas tələbin atəşin dərhal dayandırılması və qoşunların Ukrayna ərazisindən çıxarılması olduğu bildirilir.

Mənbə: Unian.net

Bakının Heydər Əliyev prospektində qəzada həlak olan piyadanın adı məlum olub.

Zamantv.az-ın məlumatına görə, həmin şəxsin 28 yaşlı Bəşirova Türkan Elşad qızı olduğu bildirilir.
Bakının Heydər Əliyev prospektində baş verən qəzada 1 nəfər ölüb, bir neçə nəfər xəsarət alıb.

Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli Lent.az-a bildirib ki, paytaxtın Heydər Əliyev prospektində avtomobil gənc qadını vuraraq öldürüb. Onun sözlərinə görə, qəza nəticəsində bir nəfər yaralanıb. Xəsarət alan Məsimov Həsən Mənsim oğlu 3 saylı Kliniki Şəhər Xəstəxanasına yerləşdirilib.

A. Əsgərli bildirib ki, hazırda Nizami rayon Polis İdarəsinin əməkdaşları hadisə yerindədir, istintaq araşdırmaları aparılır.

Bakıda qəza olub.

Bakı Nəqliyyat Agentliyindən verilən məlumata görə, qəza Heydər Əliyev prospektində qeydə alınıb. Bildirilir ki, hazırda prospektdə nəqliyyat vasitələrinin hərəkətində sıxlıq müşahidə olunur. Şəhər mərkəzi və “Koroğlu” metrostansiyası istiqamətində əsas və köməkçi yollarda avtomobillərin hərəkəti çətinləşib.

Sıxlıq baş verən ağır yol-nəqliyyat hadisəsi səbəbindən yaranıb.

Qəza ilə əlaqədar "ASK ARENA"dan "Koroğlu" metrostansiyası istiqamətində zolaqlar üzrə sürət həddi 20 km/saat azaldılıb.

Bu dəqiqələrdə Ukraynanın ikinci ən böyük şəhəri olan Xarkov "Qrad"dan atəşə məruz qalıb.

Zamantv.az Ukrayna Daxili İşlər nazirinin məsləhətçisi Anton Geraşinkanın telegram kanalına istinadən xəbər verir ki, onlarla ölü var, yaralıların sayı həddən artıq çoxdur.

Hadisə yerinə təcili yardımlar gedir.
Hazırda Xarkovda sakitlikdir, insanlar küçələrə çıxa bilirlər”.

Bunu Lent.az-a Xarkovda yaşayan azərbaycanlı Kifayət Cəfərova deyib. O bildirib ki, bu səhər saat 4-ə işləmiş şəhər atəşə tutuldu, indi sakitlikdir:

“Dünən isə şəhər polislərlə dolu idi. Onlar ordudan qaçan rus hərbçilərini axtarırdılar. Çoxlu əsr tutulub, ruslar çox itki verib. Ukraynaya kömək məqsədilə gələn yardımlar da Rusiyanı qıcıqlandırıb”.

Xarkovda təhsil alan tələbələrdən danışan Kifayət xanım bildirib ki, onlar üçün ən təhlükəsiz yer yataqxanaların zirzəmisidi. “Uşaqları da zirzəmidə saxlayırıq. Buranın binaları keçmişin binaları olduğundan çox möhkəmdi”.

Həyatını itirən azərbaycanlı 35 yaşlı tələbə oğlan da çox məşhur memar Katib Məmmədovun qardaşı oğludur. Ailəli idi. O, ehtiyatsızlığının qurbanı oldu.

Qalan bütün tələbələr nəzarətimizdədir. Onlara evdən çıxmamaqları qəti şəkildə tapşırılıb. Tələbələrin ünvanlarını qeyd etmişik, ərzaqları göndərilir”.

Nərimanov rayon Polis İdarəsinin Cinayət Axtarışı Şöbəsi əməkdaşlarının keçirdikləri əməliyyat-axtarış tədbiri nəticəsində narkotik vasitələrin qanunsuz dövriyyəsi ilə məşğul olan Lənkəran şəhər sakini Əfrail Seyfullayev saxlanılıb.

Daxili İşlər Nazirliyindən Zamantv.az-a verilən xəbərə görə, onun üzərinə baxış zamanı 2 kiloqram yüksək təsiredici xassəyə malik narkotik vasitə olan heroin aşkar edilib.

Araşdırma zamanı bu şəxsin ev təmiri ilə məşğul olduğu və “İnstagram” sosial şəbəkəsində gördüyü işləri reklam etmək məqsədi ilə özünəməxsus səhifə açdığı müəyyən edilib. Daha sonra Əfrail Seyfullayev sosial şəbəkədə tanış olduğu xarici ölkələrdən birində yaşayan narkotacirin şirnikləndirici vədlərinə aldanaraq onun narkokuryerlik təklifi ilə razılaşıb. Bu məqsədlə o, narkotik vasitələrin paytaxt ərazisində satışını təşkil edib. Əfrail Seyfullayev ifadəsində narkotik vasitələrin qanunsuz dövriyyəsi ilə məşğul olduğunu etiraf edib.
Faktla bağlı Nərimanov rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Narkotiklərin qanunsuz dövriyyəsində təqsirli bilindiyi üçün tutulan Əfrail Seyfullayev barəsində məhkəmənin qərarı ilə həbs-qətimkan tədbiri seçilib.

Ukrayna prezidenti Volodimir Zelenskinin çağırışına artıq bir neçə min əcnəbi reaksiya verib.

Zamantv.az xəbər verir ki, bu barədə Ukraynanın Müdafiə nazirinin müavini Anna Malyar məlumat yayıb.

O bildirib ki, Rusiyaya qarşı vuruşmaq üçün beynəlmiləl legionun yaradılması effekt verib.
Malyar minlərlə əcnəbinin bu legiona qatılmaq istədiyini qeyd edib.