“Omicron” koronavirusun mutasiyalarından biridir. “Omicron”da xəstəliyin gizlin dövrü çox qısadır. Dünya ölkələrində həmin ştamın da müəyyən növləri var”.

Zamantv.az xəbər verir ki, bu fikirləri Səhiyyə Nazirliyinin mütəxəssis-eksperti, infeksionist Təyyar Eyvazov deyib.

O bildirib ki, bu xəstəlik 3-4 gün, nadir hallarda 5 gün çəkə bilər:
“Buna görə də karantin müddəti 7 günə qısaldıldı. Yoluxuculuq günlərinin sayı da azdır. Hətta bəzi ölkələrdə karantin müddəti 5 günə qədər azaldılıb. Əlamətlərdə də fərqlilik var. Yuxarı tənəffüs yollarının zədələnməsi mövsümi xəstəliklərin simptomları ilə oxşarlıq təşkil edir”.

Nazirlik rəsmisi qeyd edib ki, digər infeksiyalarda 38-39 qızdırmalarda insanlar halsız olmurdusa, indi 37 dərəcə qızdırmada yorğunluq olur:

“Əvvəlki ştamlardakı iy, dad bilmə yeni ştamda az müşahidə olunur. Mədə-bağırsaq sisteminin pozulması daha çox qeydə alınır. Bəzi xəstələrdə ilkin əlamətlər bu cür ola bilər”.

Bakıda “Yeni Müsavat” qəzetinin əməkdaşı İlkin Muradovun maşınının şüşəsi sındırılıb.

Zamantv.az xəbər verir ki, bu barədə zərərçəkmiş jurnalist sosial şəbəkə hesabında paylaşım edib.

O, bildirib ki, hadisə bu gecə paytaxtın Sabunçu rayonu, Sabunçu qəsəbəsində, yaşadığı evin qarşısında qeydə alınıb. Naməlum şəxs və ya şəxslər tərəfindən maşının şüşəsi sındırılaraq oğurluğa cəhd olunub.
Jurnalistin sözlərinə görə, hadisəni törədənlər avtomobildən ona məxsus poverbankı aparıblar.

Hadisə qonşulardan birinin quraşdırdığı təhlükəsizlik kamerasına yansıyıb.

Faktla bağlı polisə məlumat verilib.

Qeyd edək ki, bir neçə ay əvvəl İ. Muradov eyni hadisə ilə üzləşmişdi. Belə ki, naməlum şəxslər paytaxtın Nizami rayonunda avtomobilin şüşəsini sındırılıb salondan pulqabını aparmışdılar.

Rusiya Liberal-Demokrat Partiyasının lideri və Dövlət Dumasının deputatı Vladimir Jirinovski ağır vəziyyətdə Moskva Mərkəzi Klinik Xəstəxanasına çatdırılıb.

Zamantv.az-ın Rusiya mediasına istinadla məlumatına görə, siyasətçi bir neçə gündür xəstəxanadadır.
Rusiya Liberal-Demokrat Partiyasının lideri Vladimir Jirinovski Moskvada xəstəxanaya düşüb.

Zamantv.az-ın Rusiya mediasına istinadla məlumatına görə, mənbə onun COVID-19-a yoluxduğunu bildirib.

Dekabrda siyasətçi iki il ərzində koronavirusa qarşı səkkiz peyvənd edildiyini bildirmişdi.

Mənbələrə görə, Jirinovskinin ağciyərlərinin 50-75 faizi zədələnə bilər, o, koronavirus fonunda inkişaf edən ikitərəfli pnevmoniya ilə xəstəxanaya yerləşdirilib.

Bakıda parklardan fontan başlıqları və elektrik avadanlıqları oğurlayan şəxs saxlanılıb.

Daxili İşlər Nazirliyindən Zamantv.az-a verilən xəbərə görə, Səbail rayonunda yerləşən parklardan birindən 32 ədəd ümumi dəyəri 2560 manat olan fontan başlığı oğurlanıb. Rayon Polis İdarəsinin 9-cu Polis Bölməsinin əməkdaşları tərəfindən keçirilən əməliyyatlar zamanı həmin hadisəni törətməkdə şübhəli bilinən əvvəllər məhkum edilmiş Balakən rayon sakini Rəşad Qurbanov saxlanılıb. O, ifadəsində törətdiyi oğurluq hadisəsini etiraf edib.

Bölmədə əlavə araşdırma aparılan zaman Rəşad Qurbanovun paytaxtın müxtəlif rayonlarında yerləşən parklarından da elektrik avadanlıqları oğurladığı müəyyən edilib.
Faktlarla bağlı saxlanılan şəxs barəsində 9-cu Polis Bölməsində toplanan materiallar Səbail rayon Polis İdarəsinin İstintaq Şöbəsinə göndərilib. Rəşad Qurbanovun qanunsuz əməllərindən zərərçəkən başqa vətəndaşlar varsa ərazi üzrə polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.

Rusiyanın Krasnoyarsk şəhərində 16 yaşlı məktəbli qız faciəli şəkildə öldürülüb.

Zamantv.az da Rusiya İstintaq Komitəsinin məlumatına istinadən xəbər verir ki, 19-23 yaş aralığında olan 4 kişi və 1 qadın 16 yaşlı məktəbli qızı qaçıraraq işgəncə verərək öldürüblər.

İstintaqın məlumatına görə, əvvəlcə qızı qəbiristanlığa gətirərək orada onun dırnaqları arasına iynə sancıblar. Sonra isə barmaqlarını çəkiclə əziblər.
Bu da azmış kimi, işgəncəni Yenisey çayının sahilində davam etdiriblər. Nəhayət məktəbliyə elektrik cərəyanı verərək öldürüblər.

İşgəncə və qətlin bütün iştirakçıları müəyyən edilərək saxlanılıb. Hazırda cinayət işi prokurorluğa verilib, məhkəmə üçün sənədlər hazırlanır.

Bakıda qanunsuz park edilən avtomobilləri evakuatorlar daşıyıb.

Zamantv.az xəbər verir ki, bu barədə sosial şəbəkədə görüntülər paylaşılıb.

Görüntülərdə “28 Mall”un qarşısında taksi duracaqlarında, qanunla qadağan edilən yerlərdə saxlanılan maşınların yol polislərinin müşayiəti ilə evakuasiya edilməsi əks olunub.
Ancaq həmin avtomobillərin hansı qurum tərəfindən evakuasiya edilməsi dəqiq bilinmir.

Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov Lent.az-a həmin məsələnin araşdırılmalı olduğunu bildirib:

“Fotoda yol polislərinin olması o demək deyil ki, evakuasiyanı onlar aparır. Evakuasiya başqa qurumun səlahiyyətindədir. Hər halda o maşının yoldan kənarlaşdırılması zamanı hərəkətlə bağlı maneə yarana bilər. Yaxud səlahiyyətli digər qurumun qanunvericiliklə tələb olunan formada inzibati tənbeh tədbirinin görülməsi ola bilər. Başa düşürəm, bu fotoya ilk baxanda, başa düşmək olar ki, yəqin evakuasiyanı yol polisi icra edir. Amma bu qənaətə gəlmək olmaz. DYP yollarda təhlükəsizliyə nəzarət edən, yol hərəkəti iştirakçılarının rahat və fasiləsiz hərəkətini təşkil edən səlahiyyətli şəxsdir. Ərazidə xidmət aparan əməkdaş görsə ki, yolda maşın qalıb, əlbəttə evakuator çağırıb onu hərəkət hissəsindən kənarlaşdırır. Yaxud belə hadisə olanda, biz aidiyyəti quruma məlumat veririk. Həmin qurumun evakuatoru da gəlir və qanun çərçivəsində avtomobili cərimə meydançasına aparır”.

Zamantv.az - "Əslində normalda Niyazi Bayramov vəzifəsindən dərhal atılmalı idi. Onun kimi dibçək fırıldağına əl atanlar əslində vətəndaşı yox dövlətin ali rəhbərliyini aldatmanın cəzasını almalıdır ki, digərlərinə görk olsun". Bu sözləri qeyd edən hökumətdəki mənbə yaxın vaxtlarda Niyazi Bayramovun vəzifəsindən alınacağı haqda xəbərləri şərh edərkən yeni məqamlara da aydınlıq gətirib.

Mənbənin dia.az-a söylədikləri: "Təbii ki Niyazi Bayramovdan hesabat istənilib və onun hesabatına kimsə inanmır da. Yəni cəzalandırma olacaq. Burada əsas məsələ Gəncə kimi strateji bir şəhərə kimin rəhbər gətirilməsilə bağlıdır".

Qeyd edək ki, artıq yerli KİV-də müəyyən versiyalar irəli sürülüb. Bununla bağlı danışan mənbə əlavə etdi ki, hazırda PA-da yüksək vəzifə tutan fiqurlardan birinin Gəncəyə başçı göndəriləcəyi də müzakirə olunur...

Xatırladaq ki, dünən gununsesi.info saytı Niyazi Bayramovun yola salınacağı haqda informasiya paylaşdı ki, buna reaksiya verən Gəncə RİH-in açıqlamasında da dəyişikliyin qaçılmaz olduğu açıq şəkildə sezildi.

Əlavə bilgilərimiz olacaq. Bizi izləməkdə davam edin...

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Türk Dövlətləri Təşkilatının Baş katibi Bağdad Amreyevlə görüşüb.

“Zamantv.az” xəbər verir ki, bu barədə Hikmət Hacıyev tviterdə yazıb.

Qeyd olunub ki, tərəflər Təşkilatın gündəmində olan hazırkı layihələri müzakirə ediblər.

Prezident İlham Əliyev "Əmək pensiyaçılarının sosial müdafiəsi sahəsində əlavə tədbirlər haqqında" sərəncam imzalayıb.

"Zamantv.az" xəbər verir ki, sərəncamda deyilir:

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Əhalinin sosial rifahının qorunması sahəsində əlavə tədbirlər haqqında” Azərbaycan Respublikası Prezidentinin 2021-ci il 16 oktyabr tarixli 2965 nömrəli Sərəncamının icrası olaraq əmək pensiyaçılarının sosial müdafiəsini gücləndirmək, COVID-19 pandemiyasının, habelə beynəlxalq bazarlardakı proseslərin ölkədaxili qiymətlərə sirayət etməsinin əmək pensiyaçılarının sosial rifahına mənfi təsirlərini yumşaltmaq, həmçinin postmüharibə dövründə xüsusi əhali qruplarına dövlət qayğısını artırmaq məqsədilə qərara alıram:

1. Azərbaycan Respublikasının Əmək və Əhalinin Sosial Müdafiəsi Nazirliyi:

1.1. 2022-ci il yanvarın 1-nə 2021-ci il üzrə Azərbaycan Respublikası Dövlət Statistika Komitəsinin müəyyən etdiyi:

1.1.1. orta aylıq nominal əməkhaqqının illik artım tempinə uyğun olaraq 2022-ci il yanvarın 1-dək təyin edilmiş bütün növ əmək pensiyalarının sığorta hissəsinin;

1.1.2. istehlak qiymətləri indeksinin illik səviyyəsinə uyğun olaraq fərdi uçot sistemində fərdi hesabların sığorta hissəsində 2022-ci il yanvarın 1-dək qeydə alınmış pensiya kapitalı məbləğlərinin indeksləşdirilməsini həyata keçirsin;

1.2. bu Sərəncamın 1.1-ci bəndində nəzərdə tutulmuş indeksləşdirməyə əlavə olaraq, 2022-ci il yanvarın 1-dək pensiya təyin edilmiş əmək pensiyaçılarına (qulluq stajına görə əlavələr alan əmək pensiyaçıları istisna olmaqla) 2022-ci il üzrə 200 (iki yüz) manat məbləğində maddi yardımın bərabər hissələrlə rübdə bir dəfə olmaqla ödənilməsini təmin etsin.

2. Azərbaycan Respublikasının Nazirlər Kabineti:

2.1. bir ay müddətində:

2.1.1. bu Sərəncamın 1.2-ci bəndində nəzərdə tutulan maddi yardımın 2023-cü il yanvarın 1-dən etibarən onun şamil edildiyi əmək pensiyaçılarının illik pensiyalarının tərkibinə daxil edilməsinə dair təkliflərini Azərbaycan Respublikasının Prezidentinə təqdim etsin;

2.1.2. qulluq stajına görə əlavə alan əmək pensiyaçılarının əmək pensiyalarının indeksləşdirilməklə artırılması mexanizminə, habelə həmin şəxslərə 2022-ci ildə maddi dəstək göstərilməsinə dair təkliflərini Azərbaycan Respublikasının Prezidentinə təqdim etsin;

2.1.3. bu Sərəncamın 1.2-ci bəndində nəzərdə tutulmuş maddi yardımın dövlət büdcəsinin vəsaiti hesabına maliyyələşdirilməsi üçün tədbirlər görsün;

2.1.4. bu Sərəncamdan irəli gələn digər məsələləri həll etsin.

Azərbaycan Alban-Udi xristian dini icmasının sədri Robert Mobili icma adından bəyanat yayıb.

"Zamantv.az" xəbər verir ki, bəyanatda deyilir:

“Uca Yaradanımızın adı ilə!

Biz – Alban Apostol Kilsəsinin varisi olan Azərbaycan Alban-udi dini icması işğaldan azad olunmuş ərazilərdə son bir ildə tarixi-dini abidələrin, o cümlədən xristian alban irsinə aid məbədlərin qorunması və bərpası istiqamətində həyata keçirilən ardıcıl tədbirləri yüksək qiymətləndirərək dəstəkləyir, Azərbaycan dövlətinin iradəsi və əzmi sayəsində bu prosesin mümkün qədər qısa vaxtda uğurla başa çatacağına inamımızı ifadə edirik.

Eyni zamanda, bəyan edirik ki, ciddi mina təhlükəsinin olmasına, çətin yolsuzluq şəraitinə baxmayaraq, alban-udi dini icmasının üzvlərinin işğaldan azad olunmuş ərazilərdəki tarixi alban məbədlərini ziyarət etmələri üçün bütün zəruri tədbirlər həyata keçirilmişdir. Nəticədə biz udilər son bir ildə Alban Apostol Kilsəsinin mənəvi varisləri kimi işğaldan azad olunmuş Laçındakı Ağoğlan, Kəlbəcərdəki Xudavəng monastrlarını, eləcə də Hadrut qəsəbəsi və Tuğ kəndindəki alban məbədlərini dəfələrlə ziyarət edə bilmişik.

Qeyd edək ki, Qafqazda xristianlığın rəsmi din kimi strukturlaşmasının tarixi Alban kilsəsindən başlayır. Qədim qaynaqlar sübut edir ki, tək Azərbaycanın deyil, bütün Qafqazın dini-mədəni həyatında silinməz izlər qoymuş Alban kilsəsi xristian dünyasında ən qədim kilsələrdən biridir və apostol mənşəlidir. Alban kilsəsinin qədimliyini təkcə tarixi faktlar yox, həm də mövcudluğunu dövrümüzə qədər qoruyub saxlamış qədim alban məbədləri təsdiqləyir.

Təəssüf ki, müxtəlif təzyiq və təsirlərdən sonra 1836-cı ildə Alban Apostol Kilsəsi ləğv edilmiş, onun maddi və mənəvi irsinin bir qisminə Erməni Qriqoryan Kilsəsi sahib çıxmağa çalışmışdır. Nəticədə Azərbaycanda, xüsusilə Qarabağda tarixi alban məbədlərinin böyük bir qismi qriqoryanlaşdırılmış, tarixi abidələrimizlə yanaşı, arxiv materialları və sənədlər saxtalaşdırılmışdır. Alban irsinin, o cümlədən yaşı yüz illərlə, hətta min illərlə ölçülən Alban məbədlərinin qriqoryanlaşdırılması son yüz ildə Ermənistanın dövlət siyasətinə çevrilmişdir. Bunun nəticəsidir ki, indiki Ermənistan ərazisində və Azərbaycanın işğal edilmiş torpaqlarında bir dənə də olsun alban məbədi saxlanılmamışdır. Ermənistan ya Alban məbədlərinin arxitekturasını dəyişdirərək qriqoryanlaşdırmış, ya da arxitekturasını dəyişdirə bilmədiyi məbədləri dağıtmışdır.

Azərbaycan müstəqilliyini bərpa etdikdən və ölkəmizdə vicdan azadlığı tam təmin olunduqdan sonra Alban Apostol Kilsəsinin statusunun bərpası və üzləşdiyimiz ədalətsizliyin aradan qaldırılması üçün tarixi fürsət yaranmışdır. Udi ziyalılarının təşəbbüsü ilə 2003-cü ildə Alban-Udi xristian icması yaradılmış və dövlət qeydiyyatından keçmişdir. Dini icmanın qeydiyyatı Alban apostol avtokefal kilsəsinin dirçəldilməsi yolunda ilk addımdır. Azərbaycan hökumətinin dəstəyi ilə Şəki rayonu, Kiş kəndində yerləşən və Qafqazda “kilsələrin anası” hesab olunan apostol Yelisey məbədi bərpa edilmiş, 2006-cı ildə isə udilərin kompakt halda yaşadığı Qəbələ rayonu, Nic qəsəbəsindəki “Çotari” Alban-udi kilsəsinin rəsmi açılışı olmuşdur.

Təbii ki, Alban-udi xristian icmasının dirçəldilməsi və alban abidələrinin bərpası tarixi ədalətsizliyin aradan qaldırılması, ölkəmizdəki tolerantlıq mühitinin qorunub-saxlanılması baxımından təkcə Azərbaycan deyil, həm də bütün xristian dünyası üçün mühüm əhəmiyyət kəsb edir. Biz udilər Alban Apostol Kilsəsinin mənəvi varisləri olaraq Qəbələ və Oğuzdakı alban məbədləri kimi, işğaldan azad edilmiş ərazilərimizdəki digər alban məbədlərinin də yüksək səviyədə bərpa olunacağına inanırıq.

Eyni zamanda, Azərbaycan xalqının tolerantlığı, Azərbaycan dövlətinin bütün dinlərin nümayəndələrinə olan qayğısı və dəstəyi onu deməyə əsas verir ki, Erməni Qriqoryan Kilsəsinin mənsublarına da humanist münasibət göstəriləcəkdir. Bu hörmətin bariz nümunəsi Bakı şəhərinin mərkəzində yerləşən Azərbaycan hökuməti tərəfindən qorunub-saxlanılmış, restavrasiya olunmuş “Müqəddəs Qriqori” erməni kilsəsidir. Əsrlərboyu Erməni Qriqoryan Kilsəsinin təsir və təzyiqlərinə, mənimsəmə və saxtalaşdırmaqla Alban irsinə böyük zərbə vurmasına baxmayaraq, sülh və insanlıq naminə biz də Erməni Qriqoryan Kilsəsi ilə əməkdaşlığa, işğaldan azad edilmiş ərazilərdə birgə yaşamağa hazır olduğumuzu bildiririk.

Uca Yaradan yardımçınız olsun!“