“Ömrünü ölkəsinə və xalqına xidmətə həsr edən dahi şəxsiyyət Heydər Əliyev müstəqil Azərbaycanın tarixində xilaskar kimi əbədi qalacaq. Azərbaycanda elə bir sahə yoxdur ki, orada ulu öndər Heydər Əliyevin misilsiz xidmətləri olmasın. Məhz bu səbəbdən də Azərbaycan deyəndə Heydər Əliyev, Heydər Əliyev deyəndə isə Azərbaycan yada düşür. Milli liderliklə siyasi liderlik keyfiyyətlərinin bir dövlət adamında birləşməsi bəşər tarixində nadir rast gəlinən haldır”.

Bunu “Report”a açıqlamasında Milli Məclisin deputatı, Yeni Azərbaycan Partiyası (YAP) İdarə Heyətinin üzvü Cavid Osmanov deyib.

Onun sözlərinə görə, Heydər Əliyev fəaliyyət göstərdiyi bütün sahələrdə özünü məhz birinci şəxs kimi, lider kimi təsdiq edib:

“O, idarəetmənin ustadı və siyasətin kamil bilicisi idi. Dünya tarixi sübut edib ki, şəxsiyyətlərin gücü, siyasi iradəsi və müdrikliyi mənsub olduğu xalqın, onun yaratdığı dövlətin həyatında əvəzedilməz rola malikdir. Heydər Əliyev güclü xarizmatik şəxsiyyət, fenomenal siyasətçi və dövlət xadimi idi. Ulu öndərin ən böyük gücü dərin və universal biliyində, qətiyyətində, işgüzarlığında, qeyri-adi yaddaşında, tükənməz səbrində, uzaqgörənliyində və müdrikliyində idi.

Ulu öndər öz müdrikliyi, cəsarəti ilə Azərbaycan xalqının sevgisini qazanıb. Dahi şəxsiyyət hər zaman Azərbaycanı düşünmüş, xalqın milli maraqlarının qarantı olmuşdur. Hələ Sovetlər dövründə ölkəmizə rəhbərlik edən ulu öndər Heydər Əliyev Azərbaycanın inkişafı naminə mühüm siyasi qərarların verilməsinə nail olub. Eyni zamanda xalqın milli-mədəni dəyərlərinin qorunub-saxlanması da ulu öndərin adı ilə bağlıdır.

Dahi şəxsiyyətin Azərbaycan dili ilə bağlı tarixi təşəbbüsü milli dilimizin qorunub-saxlanması üçün atılmış çox böyük və qətiyyətli addım olub. Ulu öndər Heydər Əliyevin “Azərbaycan Sovet Sosialist Respublikasının dövlət dili Azərbaycan dilidir” təklifi 1978-ci il 21 aprel tarixində qəbul olunmuş Azərbaycan SSR Konstitusiyasında öz əksini tapıb. Azərbaycan dilinə dövlət dili statusunun verilməsi ümummilli lider Heydər Əliyevin xalq qarşısında ən böyük tarixi xidmətlərindən biridir. Ulu öndər bununla gələcək müstəqil dövlətçiliyin milli rəmzlərindən birini məharətlə qoruyub”.


YAP funksioneri xatırladıb ki, Heydər Əliyevin Azərbaycan dövlətçiliyi qarşısındakı ən böyük xidmətlərindən biri də müstəqil dövlətin yeni, müasir Konstitusiyasının qəbul olunmasıdır:

“Müstəqil Azərbaycanın ilk Konstitusiyasının müəllifi olan Heydər Əliyev demokratik, hüquqi dövlət quruculuğu istiqamətində davamlı siyasət yeridərək, ölkədə insan hüquq və azadlıqlarının başlıca prinsiplərinin bərqərar olması üçün əsaslı zəmin yaratmışdır. 1995-ci il noyabrın 12-də keçirilmiş referendumda seçicilərin 86 faizi iştirak edib və onların 91,9 faizi Konstitusiyanın qəbul edilməsinin lehinə səs verib. Dövlətin Əsas Qanunu 1995-ci il noyabrın 27-də qüvvəyə minib.

Ulu öndər Heydər Əliyevin rəhbərliyi ilə həyata keçirilən siyasət fonunda ölkənin siyasi-hüquqi sistemində müsbət mənada əsaslı dəyişikliklər oldu. Dövlətin hüquqi bazasının möhkəmləndirilməsi istiqamətində növbəti addımlar atıldı: məhkəmə islahatlarının həyata keçirilməsi, Konstitusiya Məhkəməsinin və Ombudsman təsisatının yaradılması, ölüm hökmünün ləğv edilməsi və onlarla digər bu kimi islahat xarakterli demokratik təşəbbüslər bilavasitə Heydər Əliyevin gərgin əməyinin nəticəsidir. Bir sözlə, ulu öndər Heydər Əliyev hüquqi dövlətin sarsılmaz əsaslarını qoydu”.

Deputat deyib ki, Azərbaycan ümumlilli lider Heydər Əliyevin uğurlu siyasəti sayəsində dünyada tanınan nüfuzlu bir dövlətə çevrilib:

“Qısa müddət ərzində xarici siyasət sahəsində böyük dönüş yarandı, uğurlar əldə olundu. Yalnız Heydər Əliyevin hakimiyyətə qayıdışından sonra Azərbaycan özünün geosiyasi imkanlarını gerçəkləşdirməyə başlayıb, Azərbaycanın beynəlxalq aləmdən təcrid olunmaq təhlükəsi aradan qaldırılmışdı.

Dünya siyasət meydanında cərəyan edən proseslərə təsir baxımından ulu öndər həmişə öz sözü və çəkisi ilə seçilmişdir. Heydər Əliyevin xarici siyasət məsələlərinə müstəsna əhəmiyyət verməsi, beynəlxalq miqyasda uğurlu və cəsarətli addımlar atması, milli məqsədlər naminə ən nüfuzlu tribunalardan bacarıq və məharətlə istifadə etməsi Azərbaycan dövlətçiliyinin bu günü və gələcəyi baxımından son dərəcə əhəmiyyətli olub.

Fəal diplomatiyanın nəticəsində dünyanın demokratik dövlətlərinin və aparıcı təşkilatlarının ölkəmizə, onun zorla cəlb olunduğu silahlı münaqişəyə münasibətinin əsaslı surətdə dəyişməsi mümkün olub. Heydər Əliyevin xarici siyasətinin əsasını sülh, beynəlxalq hüquq normalarına, sərhədlərin bütövlüyünə və toxunulmazlığına, dövlətlərin ərazi bütövlüyünə hörmət və qarşılıqlı surətdə faydalı əməkdaşlıq prinsipləri təşkil edib”.

Bu gün Bakıda 164 nömrəli orta məktəbdə keçirilən 9 May - Qələbə Günü tədbiri müzakirələrə səbəb olub.

Belə ki, iddialara görə, tədbirdə iştirak edən şagirdlərin sinəsinə “Georgi lenti” yapışdırılıb.

“Qafqazinfo” məsələ barədə Bakı Şəhəri üzrə Təhsil İdarəsinə sorğu ünvanlayıb.

Qurumun İctimaiyyətlə əlaqələr sektorunun müdiri Bəşarət Məmmədov sorğuya cavab olaraq bildirdi ki, məsələdən məlumatlıdırlar:

“Bu barədə araşdırma aparılır, məlumat veriləcək”.

Qeyd edək ki, sözügedən məktəbin direktoru Kəmalə Qədirovadır.

Xatırladaq ki, “Georgi lenti” Rusiyanın imperiya simvollarından biri hesab edilir.

Ukraynada döyüşən İsrail muzdlularının sayı açıqlanıb.

Zamantv.az Rusiya KİV-ə istinadla bildirir ki, bu barədə Kiyevin baş ravvini Moşe Reuven Asman danışıb. O bildirib ki, İsraildən olan 200 muzdlu Ukrayna Silahlı Qüvvələrində xidmət edir.

Məlumata görə, həmin əməkdaşlardan biri - aprel ayından Xerson istiqamətində döyüşlərdə iştirak edən “Vəhşi Qaz” ləqəbli 29 yaşlı baş leytenant Maksim P..dir. O, Ukraynanın Vinnitsa vilayətində doğulub, lakin 2015-ci ildə anası ilə birlikdə İsrailə köçüb.
2017-ci ildə İsrail Müdafiə Qüvvələrində xidmətə çağırılıb, sonra zabit kurslarına gedib. Muzdlu əsgər kimi Maksim P. 2022-ci ilin martında Ukraynaya yollanıb.

Bundan əvvəl Rusiya Xarici İşlər Nazirliyinin sözçüsü Mariya Zaxarova bildirib ki, İsrail muzdluları Ukrayna Milli Qvardiyasının Azov alayının sıralarında ukraynalı yaraqlılarla birlikdə döyüşürlər. O, Rusiyada bu faktı təsdiqləyən video sübutların olduğunu da açıqlayıb.

- "Qadın nəinki gəzə, heç ayaq üstdə dura bilmirdi. Təcili yardım maşınına xərəkdə mindirmişdik"

Bunu sosial şəbəkə hesabında jurnalist Rumiyyə Miraslan qeyd edib. O küçədən ölümcül vəziyyətdə tapdıqları gənc qadını polislə birlikdə 3 saylı təcili tibbi yardımın həkimlərinə təhvil verdiyini qeyd edib. Lakin xəstəyə qarşı qeyri-insani münasibət göstərilib:

"Dünən bu qadını polislə birlikdə 3 saylı təcili tibbi yardımın həkimlərinə təhvil vermişik, aparıblar xəstəxanaya. Hələ nə qədər yalvarmışam ki, atmayın küçədə. Ancaq sən demə həmin həkim bu dünyadakı ən şərəfsiz, vicdansız, əxlaqsız qadin imiş. Çünki qadını aparıb hardasa atıb çıxıb gediblər. Təcili Tibbi Yardima zəng edirəm, deyirlər həmin xəstəyə küçədə yardim göstərilib. (Yəni biz xəstəni təcili yardıma mindirib gönderməmişik) Baş həkimin müvani Nərminə xanim isə deyir ki, xəstəni aparıblar Respublikanski xəstəxanaya, orda deyiblər ki, xəstənin xəstəxanalıq heç nəyi yoxdur (halbuki qadının nə halda olduğu şəkillərdən də aydın görünür) və aparıblar 21-ci polis bölməsinə ki, guya harasa yerləşdirilsin, bölmədə də qadına sahib çıxmayıblar, qadın özü çixib harasa gedib. Halbuki qadın nəinki gəzə, heç ayaq üstdə dura bilmirdi. Təcili yardım maşınına xərəkdə mindirmişdik.

Təsəvvür edirsiz, qadının ailəsi tapılıb, qızına sahib çıxmaq istəyir, evə aparmaq istəyirlər, amma mən qızı tapa bilmirəm. Bəlkə də hardasa ölüb, təcili yardımın həkimi öldürüb onu. Xahiş edirəm, aidiyyəti qurumları tag edin, Vüsaləni tapaq, ailəsinə verək. (Əgər sağ qalıbsa)

Respublikanski xəstəxananın baş həkiminin müavini Mahir doktorla danışdım, araşdırdi və bildirdi ki, onlara ümumiyyətlə belə xəstə gətirilməyib".

P.S. Gənc qadının yaxınları tapılıb. Lakin Azərbaycan Səhiyyəsinin adına ləkə olan "həkimlər" peşə və insani borcunu yerinə yetirməyərək, yaralı şəxsi küçədə atıb gediblər. Hazırda həmin gənc qadın tapılmır. Jurnalist həmkarımızın da dediyi kimi bəlkə də həmin qadın ölüb və ya onu təcili yardımın həkimi öldürüb...Digər tərəfdən isə baş həkimin müavani Nərminə adlı şəxs yalan məlumat verərək, xəstənin Respublika xəstəxanasına aparıldığını iddia edir. Lakin sonradan Respublika xəstəxanasının baş həkiminin müavini bunun yalan olduğunu qeyd edir. Ümid edirik ki, aidiyyatı yuxarı qurumlar məsələni araşdıracaq və bu hadisədə əli olan şəxslər ən sərt şəkildə cəzalandırılacaq. //hurriyyet.az//

Meşə yanğınları ilə əlaqədar Rusiyanın Kurqan vilayətində üç kəndin sakinlərinin təxliyəsinə başlanılıb.

Bu barədə Rusiya Fövqəladə Hallar Nazirliyinin Regional Baş İdarəsinin mətbuat xidmətindən məlumat verilib.

“Profilaktik tədbirlər çərçivəsində Belozerski rayonunun Redkina kəndinin də təxliyəsi elan edilib. Ümumilikdə 367 nəfər, o cümlədən 66 uşaqdır”, - deyə məlumatda bildirilir.

Daha əvvəl, Kurqan vilayətinin Belıyar və Peredergina kəndlərinin də sakinləri təxliyə edilib.

Ümumilikdə 500 nəfərin təxliyəsi planlaşdırılır.

Yanğının söndürülməsini sürəti 20-25 m/s-ə çatan güclü külək çətinləşdirir. Ən çətin vəziyyət regionun Ketovski, Belozerski və Karqapolski rayonlarının ərazisində qalır.

Ukrayna Prezidenti Volodimir Zelenski “Ukrayna qanunvericiliyinin sovetsizləşdirilməsi haqqında” qanunu imzalayıb.

Bu barədə Ali Radanın spikeri Ruslan Stefançuk bildirib.

Parlamentin sədri vurğulayıb ki, artıq Ukrayna qanunvericiliyində “Böyük Oktyabr Sosialist İnqilabının qələbələri”ndən bəhs edilmir və Kommunist Partiyasının hazırladığı proqramlara istinad edilmir.

“SSRİ və Ukrayna SSR dövlət hakimiyyəti və idarəetmə orqanlarının 1200-ə yaxın aktı təmizlənir”, – deyə o əlavə edib.

Ukrayna hökumətinə həmçinin yeni Əmək, Mənzil və İnzibati Xətalar məcəllələrinin hazırlanması tapşırılıb.

Qeyd edək ki, Rada “Ukrayna qanunvericiliyinin sovetsizləşdirilməsi haqqında” qanun layihəsini aprelin 21-də qəbul edib.

Mənbə: TASS

İspaniyanın paytaxtı Madriddə dördmərtəbəli yaşayış binasında güclü partlayış baş verib.

Hadisə ilə bağlı sosial şəbəkələrdə videolar paylaşılır
Salamanka rayonunda, General Pardinyas küçəsində baş verən dağıntı zamanı on yeddi nəfər yaralanıb. Hadisənin başvermə səbəbi dəqiq bilinməsə də, qaz partlayışı ilkin versiyadır.

Xilasedicilər yaralıların sayının artması ehtimalı ilə hadisə baş verən ərazidə səhra hospitalı yerləşdiriblər.

Mənbə: El Pais

“ATƏT-in Minsk qrupunun həmsədrləri həmişə çalışırdılar ki, BMT Təhlükəsizlik Şurasının dörd məlum qətnaməsi unudulsun”.

Oxu.Az-ın məlumatına əsasən, bunu Azərbaycanın BMT-dəki ilk daimi nümayəndəsi Həsən Həsənov ADA Universitetində keçirilən tədbirdə deyib.

“Biz isə çalışdıq və həmin sənədlərin imperativ xarakter daşımasına nail olduq”, - H.Həsənov deyib.

O bildirib ki, Azərbaycan 2020-ci ildə həmin qətnamələri təkbaşına icra edərək işğalda olan torpaqlarını azad etdi.

“Amma həmsədrlər çalışırdılar ki, BMT Təhlükəsizlik Şurasının qətnamələri unudulsun, bunu danışıqlarda da deyirdilər”, - deyə o əlavə edib.

Aqşin Kərimov

İrana səyahət edən İsveç vətəndaşını vətəninə qayıtmağa qoymayıblar.

Bu, ölkələrə təzyiq etmək üçün xarici vətəndaşların girov götürülməsi ilə bağlı İranda növbəti hadisədir.

Turist olmasından başqa, İranla heç bir əlaqəsi olmayan 30 yaşlı şəxs ölkəni tərk etmək istədiyi zaman həbs olunub.

İsveç Xarici İşlər Nazirliyi bir İsveç vətəndaşının hazırda İran nəzarətində olduğunu təsdiqləyib, lakin əlavə məlumat və ya şərh təqdim etməyib. İran rəsmiləri hələlik məsələyə münasibət bildirməyiblər.

İsveçin Tehrandakı səfirliyi İran hakimiyyəti ilə əlaqə saxlayaraq hadisəni nəzarətə götürüb.

İsveçin “Aftonbladet” qəzetinə “məlumatlı mənbə” bildirib ki, həbs İsveçdə mühakimə olunan keçmiş İran prokuroru Həmid Nurinin işi ilə bağlıdır. İsveç prokurorları Nuriyə 1988-ci ildə İranda həbsxanaların təmizlənməsi zamanı insanlıq əleyhinə cinayət törətdiyinə görə ömürlük həbs cəzası istəyiblər.

Mənbə həmçinin bildirib ki, İran müxtəlif kanallar vasitəsilə Nurinin azad edilməsini tələb edib, lakin İsveç hökuməti məhkəmələrinin hökumətdən müstəqil fəaliyyət göstərdiyini və onların qərarlarına müdaxilə edə bilməyəcəyini açıq şəkildə bəyan edib.

Mənbə: Iran International

“Yenə köhnə adamlar, köhnə idarəetmə sistemi davam edir”.

Bu sözləri Azərbaycan Milli Elmlər Akademiyasındakı son vəziyyətdən danışarkən Baku TV-yə açıqlamasında qurumun müxbir üzvü Misir Mərdanov deyib.

O qeyd edib ki, AMEA-nın keçmiş prezidenti Ramiz Mehdiyevdən sonra qurumda heç bir yenilik olmayıb.

Daha ətraflı süjetdə: