Azərbaycanda epidemioloji vəziyyət yenidən neqativə doğru dəyişməkdədir. Xüsusilə də son günlər ölüm sayının artması narahatlıq doğurub. Yoluxmanın ölkə üzrə ən pik həddə çatması məktəblərdə də vəziyyəti pisləşdirib.

Belə ki, sosial şəbəkələrdə bir sıra müəllim, valideyn və şagirdlər məktəblərdə koronavirusun “Omicron” ştamına yoluxmanın çox olmasına baxmayaraq hələ də distant təhsilə keçilməməsindən şikayətlənirlər.

Araşdırma nəticəsində məlum oldu ki, respublikanın bir çox məktəblərində vəziyyət həddən artıq pisdir. Hətta şikayətçi müəllimlərdən biri sinif uşaqlarının 80 faizdən çoxunun xəstə olduğu üçün dərsə gəlmədiyini bildirdi. Lakin buna baxmayaraq həmin təhsil müəssisəsi hələ də bağlanmayıb.

Neftçala şəhər Samir İmanov adına 1 saylı orta məktəbin müəllimi Flora Gülüsova bildirir ki, məktəbdə çox adam xəstədir:

"Bizim məktəbdə nə qədər müəllim, şagird xəstədir. Buna baxmayaraq hələ də məktəbimiz bağlanmayıb. Sinfin yarısından çoxu dərsə gəlmir".

Abşeron rayonu Ə.Vahid adına 1 saylı tam orta məktəbin ədəbiyyat müəllimi Zeynəb Babayev də şikayətçilər sırasındadır:

"Məktəbimizdə hər 10 müəllimdən 7-i xəstədir. Şagirdlər 40 dərəcə qızdırma ilə evdə otururlar. Bu qədər xəstəliyin sürətlə yayılmasına nəzərə almırlar. Ən azı 1 həftə karantinə alınmalıyıq".

İsmayıllı rayonu, Təzəkənd kənd tam orta məktəbin müəllimi Selcan Uğur məktəbdə xəstəliyin pik həddə olduğunu vurğulayıb:

"Artıq uzun müddətdir ki, normal dərs keçə bilmirik. Hər gün nə qədər uşaq xəstəliyə yoluxduğu üçün dərsdən qalır".

Tovuz rayonu Y.Sadıqov adına Bozalqanlı kənd orta məktəbinin tarix müəllimi Pəri Hüseyn qeyd edir ki, dərsə gələn 5 müəllimdən 4-ü xəstədir:

“Təbii ki, xəstəlik olmasa, məktəblərin bağlanmasını heç kim istəməz. Amma, vəziyyət bərbaddır. Məktəbimizdə xəstəlik baş alıb gedir. Sinifə gün ərzində 5 müəllim dərsə girirsə, onlardan 4-ü xəstədir. Və ya uşaqların 80%-i xəstədir, dərsə gəlmir. Belə laqeydlik olmaz. Fəsadları böyük olacaq”.

Xətai rayonu 116 saylı orta məktəbin müəllimi Günel Cəfərovanın sözlərinə görə isə yanvar ayı həm özü, həm də övladları xəstə olub:

"Yanvar ayının cəmi 6 günü sağlam olduq. Həm mən, həm övladlarım bütün ay ərzində xəstə yatdı. Bu qədər biganəlik olmaz. Məktəblər bağlanmalıdır".

Lent.az məsələ ilə bağlı Təhsil Nazirliyinə sorğu ünvanlayıb.

Nazirlikdən sorğuya cavab olaraq bildirilib ki, bizdə qapanma ilə bağlı bir məlumat yoxdur: "Ölkə üzrə karantin vəziyyəti barədə qaydalar Nazirlər Kabineti yanında Operativ Qərargah tərəfindən tənzimlənir. Bundan əlavə, məktəblərin müəyyən müddətə bağlanılması ilə bağlı məsələ nazirliyin gündəliyində deyil".



Məsələni şərh edən təhsil eksperti Kamran Əsədov fevralın 14-dən məktəblərin 1 həftəlik bağlanmasını təklif edib:

“Bu gün məktəblərin distanta keçməsinə ehtiyac yoxdur. Biz bu vəziyyətdə sadəcə tətil elan etməliyik. Çünki şagirdlərimiz sentyabrın 22-dən fasiləsiz olaraq dərs prosesində iştirak ediblər. Fiziki, psixoloji cəhətdən həm müəllimlər, həm də şagirdlər yorulublar.

Mən təklif edirəm ki, fevral ayının 14-dən uşaqlara tətil elan edək. Bu tətil həm də koronavirusun qırılma nöqtəsi olacaq. Çünki virusun ən çox yayıldığı məkanlardan biri də məktəblərdir. Tətil yoluxmanın sayının azalmasında müsbət təsir edəcək”.

Bakıda ev qarət olunub.

Daxili İşlər Nazirliyindən Zamantv.az-a verilən məlumata görə, fevralın 4-də Mərdəkan qəsəbəsindəki evlərin birindən 600 manat pul, 2000 dollar (təxminən 3400 manat) və 13.000 manat dəyərində qızıl-zinət əşyaları oğurlanıb.

Bakı şəhər Baş Polis İdarəsi və Xəzər rayon Polis İdarəsinin 1-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Bakı şəhər sakinləri E.İsmayılov və İ.Abbasov saxlanılıblar.

Prezident İlham Əliyev Bakı şəhərinin inzibati ərazisində nəqliyyat sahəsində idarəetmənin təkmilləşdirilməsi haqqında fərman imzalayıb.

Zamantv.az-ın xəbərinə görə, fərmana əsasən, Bakı Nəqliyyat Agentliyi (bundan sonra – Agentlik) publik hüquqi şəxs statusu ilə Bakı şəhər İcra Hakimiyyəti başçısının tabeliyinə verilir.

2. Agentlikdə təsisçinin səlahiyyətlərinin həyata keçirilməsi aşağıdakılara həvalə edilsin:
2.1. Azərbaycan Respublikasının Prezidentinə:

2.1.1. Agentliyin yenidən təşkil və ləğv edilməsi;

2.2. Azərbaycan Respublikasının Nazirlər Kabinetinə:

2.2.1. Azərbaycan Respublikasının Prezidenti ilə razılaşdırmaqla, Agentliyin nizamnaməsinin təsdiq olunması və nizamnamə fondunun miqdarının müəyyən edilməsi, onların dəyişdirilməsi;

2.2.2. Azərbaycan Respublikasının Prezidenti ilə razılaşdırmaqla Agentliyin idarəetmə orqanlarının yaradılması;

2.2.3. Azərbaycan Respublikasının Prezidenti ilə razılaşdırmaqla Agentliyin işçilərinin say həddinin təsdiqi;

2.2.4. “Publik hüquqi şəxslər haqqında” qanunun 3.3-cü maddəsinə uyğun olaraq Agentliyin mənfəətinin dövlət büdcəsinə köçürülməsi barədə qərar qəbul edilməsi;

2.3. Bakı şəhər İcra Hakimiyyətinə:

2.3.1. bu fərmanın 2.1-ci və 2.2-ci bəndlərində nəzərdə tutulmuş hallar istisna olmaqla, “Publik hüquqi şəxslər haqqında” Azərbaycan Respublikası Qanununun 8.2-ci maddəsində publik hüquqi şəxsin təsisçisinin səlahiyyətlərinə aid edilmiş digər məsələlərin həlli.

3. Agentliyin tabeliyində olan “Nəqliyyatı İntellektual İdarəetmə Mərkəzi” Məhdud Məsuliyyətli Cəmiyyəti Daxili İşlər Nazirlyinin tabeliyinə verilsin.

4. Azərbaycan Respublikasının Nazirlər Kabineti:

4.1. Agentliyin yeni nizamnaməsini üç ay müddətində Azərbaycan Prezidenti ilə razılaşdırmaqla təsdiq etsin;

4.2. bu fərmanın 1-ci və 3-cü hissələri ilə əlaqədar olaraq Bakı şəhərinin inzibati ərazisində yol hərəkətinin təşkili, ümumi istifadədə olan nəqliyyat vasitələri ilə müntəzəm sərnişindaşıma və taksi minik avtomobilləri ilə sərnişindaşıma sahəsində həyata keçirilən fəaliyyətin təkmilləşdirilməsi ilə bağlı normativ hüquqi aktların layihələrini üç ay müddətində Azərbaycan Respublikasının Prezidentinə təqdim etsin;

4.3. bu fərmanın 3-cü hissəsinə uyğun olaraq Agentliyin balansında olan və “Nəqliyyatı İntellektual İdarəetmə Mərkəzi” Məhdud Məsuliyyətli Cəmiyyətinin funksiyalarının təmin edilməsi üçün zəruri olan dövlət əmlakının və maddi-texniki bazanın Azərbaycan Respublikası Daxili İşlər Nazirliyinin balansına verilməsini bir ay müddətində təmin etsin;

4.4. bu fərmandan irəli gələn digər məsələləri həll etsin.

Mətbuat Şurasının sədri Əflatun Amaşov koronavirusa yoluxub.

Zamantv.az xəbər verir ki, bu barədə sədr Musavat.com-a verdiyi açıqlamada bildirib.

O, hazırda koronavirusa yoluxduğunu və evdə müalicə aldığını söyləyib

Ağcabədi sakinini cərəyan vuraraq öldürüb.

Zamantv.az Ağcabədi rayon prokurorluğundan verilən məlumata görə, fevralın 6-sı saat 15 radələrində Ağcabədi rayonu, Şənlik kənd sakini 40 yaşlı Ehtiram Əmirovun elektrik cərəyanı vurması nəticəsində ölməsi barədə rayon prokurorluğuna məlumat daxil olub. İlkin araşdırmalarla müəyyən edilib ki, Ehtiram Əmirov Şənlik kəndinə gedən yolun kənarında quraşdırılmış transformatorda təmir işləri görərkən elektrik cərəyanı vurması nəticəsində ölüb.

Faktla bağlı rayon prokurorluğunda araşdırma aparılır.

Türkiyənin Sakarya bölgəsindəki toy məclislərinin birində kütləvi dava olub.

Zamantv.az-ın Türkiyə mətbuatına istinadən məlumatına görə, məclisdə iştirak edən yüzə yaxın qonaq əlbəyaxa olub.

Hadisə zamanı 24 nəfər yaralanıb. 40-a yaxın şəxsin ifadəsi alınıb, polisə müqavimət göstərdiyi üçün 1 nəfər saxlanılıb.
Məlumata görə, dava zinət əşyaları üstündə olub.

Qeyd edək ki, gəlin qohumlarını məhkəməyə verib.

Hadisənin görüntülərini təqdim edirik:

Xocavənddəki qəza nəticəsində xəsarət alan şəxslər Bakı Sağlamlıq Mərkəzinə yerləşdiriliblər.

Zamantv.az xəbər verir ki, bu barədə Səhiyyə nazirliyindən bildirilib. Belə ki, qəza nəticəsində mərkəzə müştərək travmalarla 13 nəfər yerləşdirilib. Onlardan 11-i Türkiyə vətəndaşıdır. 2 nəfər reanimasiya şöbəsində müalicə alır vəziyyətləri ağırdır.

Qeyd edək ki, digər 11 nəfərin vəziyyəti orta ağır kimi qiymətləndirilir.
Hazırda müayinə və müalicələr davam edir.

Dünən axşam saatlarında Əhmədbəyli-Füzuli-Şuşa avtomobil yolunun tikintisi işlərini həyata keçirən subpodratçı “Kolin İnşaat Turizm Sənaye və Ticarət” şirkətinə məxsus xidməti avtobusun qəzaya uğraması nəticəsində müxtəlif dərəcəli xəsarətlər almış 16 nəfər ilkin tibbi yardımdan sonra Bakı Sağlamlıq Mərkəzinə təxliyə edilib.

Zamantv.az xəbər verir ki, bu barədə TƏBİB məlumat yayıb.

Qeyd edək ki, qəza dünən axşam saatlarında Xocavənd rayonu ərazisində baş verib

Qəza nəticəsində axşam növbəsinə gedən işçilərdən xəsarət alanlar olub.

Qəzanın baş vermə səbəbləri və digər təfərrüatlar barədə hələlik rəsmi məlumat açıqlanmayıb.

Azərbaycan təhsilində baş verən ilginc hadisələr barəsində kifayət qədər yazılıb. Bu sahəni tənqid etmək üçün münəccimliyə, tədqiqatçılığa ehtiyac yoxdur. Necə deyərlər, görünən dağa bələdçi lazım olmur. Amma rastlaşdığım hadisə məni bu sətirləri yazmağa vadar etdi. Yazdım ki, çox hörmətli Təhsil nazirimiz Emin Əmrullayev, Texniki Universitetin rektoru Vilayət Vəliyev də məsələdən hali olsunlar. Çünki yazacaqlarım təhsil adına bir utanc, Azərbaycan vətəndaşı üçün isə rüsvayçılıqdır. Rüşvət almaq da, korrupsioner olmaq da mümkündür-insan xisləti bu xüsusiyyətlərdən xali deyil. Amma öz dövlətinə, onun qazisinə nifrət bəsləmək, milli kimliyini pərdələyərək genetik köklərinin qisasını almaq heç bir mizan-tərəziyə uyğun gəlmir.

Beləliklə baş verənləri bəzək-düzəksiz, sadə el dilində diqqətinizə çatdırıram ki, siz də bu rüsvayçılıqdan, xalqımıza qarşı baş qaldıran milli nifrətdən xəbərdar olasınız.
Qələm əhli olan dostumuzla xəbər tutduq ki, aprel döyüşçüsü olan qardaşımızın Bakı Dövlət Rabitə və Nəqliyyat Kollecində təhsil alan övladının kəsirləri var. Bir döyüşçü qardaşımız qarşısında mənəvi borcumuzu azacıq da olsa ödəmək istəyi ilə onun özünün xəbəri belə olmadan yaranmış borcu ödəmək və tələbə övladımızın imtahanlara qatılmasına şərait yaratmaq istədik. Ən azından tələbə övladımızın atası cəbhədə olarkən keçirdiyi mənəvi iztirabların onun təhsil almasında hansı problemlər yaratdığını müəllimlərindən daha yaxşı anlayırıq. Əlqərəz, yollandıq Kollecə və qapının ağzında bizi qarşılayan mühafizəçiyə gəlişimizin məqsədini və direktor Bəxtiyar Bəxtiyarovla görüşmək istədiyimizi söylədik. Mühafizəçi Bəxtiyar müəllimin gəlişimzdən xeyli bəxtiyar olacağını söyləyərək təəssüflə qeyd etdi ki, direktor burda yoxdur, nazirlikdədir və sabah gəlməyimizi məsləhət gördü. Geri qayıdaraq Kollecin binasından bir az aralanmışdıq ki, mühafizəçi qaçaraq gəldi ki, bəs direktor olmasa da müavini Üzeyir müəllim buradadır və sizi o qəbul edəcək.
Romanlarda deyildiyi kimi elə nə oldusa da bundan sonra oldu. Geri dönərək Tədris işləri üzrə direktor müavini Üzeyir Salehzadə ilə görüşdük. Gəlişimizin məqsədini ona söyləyəndə Üzeyirin (inciməsin müəllim deməyəcəyəm) mimikası, jestləri qəflətən dəyişdi. Nə qədər pərdələməyə çalışsa da onda xalqımıza, qazilərə qarşı olan pataloji nifrəti elə ilk andaca sezdik. Çünki nifrət onun baxışlarında alovlanaraq sözlərindən od kimi tökülürdü. Bir döyüşçü övladına kömək etmək istədiyimizi eşidən kimi Salehzadə Üzeyir necə əsəbləşdisə bizi gah reketçilikdə, gah da qanunları pozmaqda ittiham etməyə başladı. Anlamadıq ki, bir müharibə iştirakçısına, qəhrəman döyüşçü övladına kömək etməyin reketçiliklə nə əlaqəsi var. Üzeyirin HAYqırtısına bayaqdan nazirlikdə olduğu söylənilən Bəxtiyar müəllim kabinetindən çıxdı və hadisənin məğzindən xəbər tutmamış müavinisayaq üzərimizə hücuma keçdi. Onu birtəhər sakitləşdirərək gəlişimizin məramını anlatdıq. İnsafən Bəxtiyar müəllim bizi dinləyəndən sonra tələbələrin gəlməsini və onlara kömək ediləcəyini bildirdi. Amma artıq necə deyərlər, olan olmuşdu və Üzeyirin bulandırdığı suyu Bəxtiyar müəllimin sözləri durulda bilmədi.
Bir təhsil ocağında qazilərə olan bu münasibət məni sadəcə olaraq dəhşətə gətirmişdi. Apardığım qısa araşdırmadan sonra baş verənlərin məğzini anladım. Aldığım xəbərlərə görə, Üzeyirin xalqımıza və qazilərimizə qarşı olan nifrətinin kökündə onun Hadrutdan rədd edilən qohumlarının təəssübkeşliyi dayanır. Görünür, qəhrəman Azərbaycan əsgərinin qazandığı möhtəşəm qələbə və Hadrutun azadlığı genetik kodları süni milli kimliyindən güclü olan Üzeyiri hələ də rahat buraxmır. Bu səbəbdən də qazi adını eşidən kimi HAYqırtısı bütün Kollecə yayılır.
Üzümü hüquq-mühafizə orqanları, təhlükəsizlik xidmətinin əməkdaşlarına tutaraq bu faktın araşdırılmasını xahiş edirəm. Böyük bir təhsil ocağında xalqımıza qarşı düşmən münasibət bəsləyən birisinin rəhbər mövqedə əyləşməsi, at oynatması, qazilərimizə fürsət düşən kimi əlindən gələn pisliyi etməsi hansı məntiqə sığır? Bəs deyilmi belə hallara göz yumduğumuz?
Məncə Təhsil nazirliyi və Texniki Universitet rəhbərliyi də baş verənlərə qəti münasibət açıqlamalıdır. Ən azından bütün bunlarda onların da mənəvi və hüquqi məsuliyyəti vardır. Hansı haqla qəlbində xalqımıza nifrət hissi bəsləyən, 44 gün ərzində məğlub olaraq haqlı cəzasına çatan qohumlarının ədavətini aparan birisi balalarımızın gələcəyinə balta çalmalıdır? Bəs olmadımı bu qədər unutqan, soyuqqanlı olduğumuz ?
İndi söz sizindir, cənab yetkililər. Bizsə məsələni diqqətdə saxlamaqda davam edəcəyik !

Nicat Mahmudov
Rubrika.Az

Müğənni Elnarə Xəlilova onun geyim tərzini tənqid edən stilist Elnur Həsənova cavab verib. Zamantv.az “Qafqazinfo”ya istinadla xəbər verir ki, bu barədə o, “Şourum” verilişində danışıb.

İfaçı dəb bilicisinin əl işlərini bəyənmədiyini bildirib. Xəlilova Əməkdar artist Lalə Məmmədovanın Türkiyənin TRT telekanalında qatıldığı verilişdə əynindəki geyimini buna misal çəkib:

“Elnurun geyindirdiyi, Elnurun yaratdığı Lalə Məmmədova obrazında dərin dekolte var idi. Bunu mən gördüm və gördüm ki, TRT o dekolteni bağlayıb. Özü də yaşıl parça ilə. Qara paltarı yaşıl parça ilə bağlamışdılar. Zövqdən danışırıqsa, biri mənə başa salsın ki, qara parçanın yanında yaşıl parça nə gəzirdi. Bu mənim zövqüm deyil. Mən elə geyinməzdim. Sözüm həmkarlarımadır. Heç kim özünü pis hiss etməsin, heç kim dediyim sözü şəxsisinə qəbul etməsin, çünki söhbət obrazdan gedir, sizin şəxsiyyətinizdən yox.

Qeyd edək ki, daha əvvəl Xəlilova instaqram hesabında ad çəkmədən Həsənova bir işlə məşğul olmasını, sadəcə makiyaj etməsini təklif etmişdi: “Məncə, sən bir iş görsən olar. Ya vizaj et, ya da kolor. Geyim sənlik deyil, inan. Pornoqrafik, ürəkbulandıran sonuncu obrazlarının TRT-dən sorağı gəlir”.


Məmmədovanın isə cavabı belə olmuşdu: “Həddini bilmədikdən sonra çox şey bilmək mənasızdır. Susqunluq heç kimi çaşdırmasın. Çünki susan danışsa, dözən olmaz. Bu arada TRT-yə qucaqdolu sevgilər və salamlar”.

Xatırladaq ki, L.Məmmədovanın TRT-də qonaq olduğu “İpek Açar ile ipek yolu” verilişi yanvarın 13-də efirə gedib.

Cavanşir Feyziyevin Azərbaycan Mətbuat Şurasının İdarə Heyətinin üzvlüyündən istefası məsələsi müzakirə olunub. Zamantv.az "Report"a istinadla xəbər verir ki, bu barədə Mətbuat Şurasının sədri Əflatun Amaşov bildirib.

Onun sözlərinə görə, bu gün səhər Cavanşir Feyziyevlə əlaqə saxlayıb: "Baş verənlər və onun Mətbuat Şurasının İdarə Heyətinin üzvlüyündən istefası məsələsini müzakirə etdik. Hazırda Cavanşir müəllim ölkədə yoxdur. Bir neçə günə gələcək. Onun özünün də iştirakı ilə İdarə Heyətinin iclasında məsələni bir daha müzakirə edəcəyik".

"Koronavirusa yoluxduğum üçün bir neçə gündür ki, işə çıxmıram. Belə bir durumda Azərbaycan Mətbuat Şurasının İdarə Heyətinin üzvlərindən birinin İdarə Heyətinin iki üzvünə və digər həmkarlarımıza qarşı səsləndirdiyi fikirlər məni üzdü. Xeyli təəssüfləndim. İstənilən vəziyyətdən, emosional durumdan asılı olmayaraq, jurnalistlərə qarşı həssas davranmaq vacibdir. Nəzərə alaq ki, hazırkı xoşagəlməz situasiyaya səbəb olmuş mövzunun özü də kifayət qədər həssas idi. Belə olan halda yalnız soyuq həqiqətlər açıqlanmalıydı, əlavə ritorikaya ehtiyac yox idi", - deyə Ə.Amaşov əlavə edib.