Rusiyanın hücumu altında olan Mariupolun 90 faizi dağıdılıb. Zamantv.az "Ölkə.Az"a istinadla xəbər verir ki, bu barədə Mariopolun meri məlumat verib.

Yanacaqlarının tükənmək üzrə olduğunu bildirən şəhər merinin sözlərinə görə, şəhərdə fabriklərin tamamilə yararsız hala düşdüyünü açıqlayıb.

Rusiyanın bombardmanları altında olan Mariupol şəhərindəki dağıntıların çox böyük olduğu bildirilib.

Mariopol merinin müavini Sergey Orlov verdiyi açıqlamada isə deyib ki, polislərimizi güllələyirlər, yanacaq tükənir.

"Zavodlar işləmir, metal fabriki tamamilə dağılıb. Şəhərin 90 faizi ruslar tərəfindən dağıdılıb", - o qeyd edib.

Nikolayev vilayətinin Voznesensk şəhərində rus hərbçilərini həyətlərindən qovaraq sosial şəbəkələrdə məşhurlaşan ailə hadisənin bir neçə təfərrüatını danışıb.
Zamantv.az yeniavaz.com-a istinadla xəbər verir ki, onlar bu barədə “Azadlıq Radiosu”nun Ukrayna xidmətinin reportajında bildirilib.
“Tankların üzərində Z hərfini gördüm, sonra 10-15 piyada gəldi, həyətə girdilər, kameralarda görürəm ki, ruslar içəri girir”, - həyətinə rus hərbçiləri girən şəxs deyib.
O bildirib ki, daha sonra arvadı ilə onları qarşılamağa çıxıb. Rus əsgərləri onları hədələyib atəş açıblar:
“Onları rusca nalayiq sözlərlə qarşıladıq. Fikirləşdik ki, “Yat!”, “Əllər yuxarı!” sözləri ilə bizi qorxudacaqlar. Biz yenidən onların rusca cavabını verdik. Sonra bir növ bizi qorxutmaq üçün havaya atəş açmağa başladılar. Biz onları yavaş-yavaş həyətimizdən qovduq, vəssalam”.
Qeyd edək ki, ötən gün ukraynalı ailənin onların həyətinə daxil olan rus silahlılarının qarşısına əliyalın çıxıb müqavimət göstərməsi videosu sosial şəbəkələrdə yayılıb.

“Ukraynada hərbi əməliyyatlar başlayandan sonra, 22 gün ərzində Rusiya hakimiyyəti Ukraynada ölən rusların qalıqlarının ekstradisiyasını tələb etməyib”.

Zamantv.az xəbər verir ki, bu barədə martın 17-də keçirdiyi brifinqdə Ukrayna Baş nazirinin müavini İrina Vereşçuk danışıb.

“Bu gün Ukraynanın Baş naziri Denis Şmıqal Beynəlxalq Qızıl Xaç Komitəsinin prezidenti Peter Mauerlə görüşüb. Bu görüş zamanı biz Rusiya Federasiyasının həlak olmuş hərbçilərinin cəsədlərinin toplanması və identifikasiyası işinin təşkilinin zəruriliyi barədə məsələ qaldırdıq. Biz “Qırmızı Xaç” Cəmiyyətinin diqqətini çəkdik ki, Rusiya hələ də sayı 14 mini ötmüş meyit və qalıqların ekstradisiyası üçün müraciət etməyib”, – Vereşçuk bildirib.

Onun sözlərinə görə, Ukrayna “Qırmızı Xaç” Cəmiyyətinin rəhbərinə müraciət edərək Rusiyaya ölən əsgərlərinə “hörmət göstərməyi” və onların cəsədlərinin Ukraynadan çıxarılması üçün danışıqlara başlamağı təklif edib.

Yaponiya, Avstraliya və Yeni Zelandiya Ukraynaya qarşı başlatdığı müharibəyə görə Rusiyaya qarşı yeni sanksiyalar tətbiq edib.

"Zamantv.az" "Reuters"ə istinadən xəbər verir ki, Yaponiya müdafiə sektoru rəsmiləri və dövlət silah ixracatçısı Rosoboronexport da daxil olmaqla 15 rus fiziki və doqquz qurumuna sanksiya tətbiq edəcək.

Aktivlərin dondurulmasını nəzərdə tutan sanksiyalara əsasən, Rusiya Xarici İşlər Nazirliyinin rəsmi nümayəndəsi Mariya Zaxarova, oliqarx Süleyman Kərimov və Rusiya Federasiyasının müdafiə nazirinin səkkiz müavini daxildir. Şirkətlər arasında "Rosoboroneksport", "Rusiya Helikopterləri", "Birləşmiş Aviasiya Korporasiyası", "Uralvaqonzavod" və digər şirkətlərə qarşı sanksiyalar tətbiq edilib.

Ümumilikdə, Rusiyanın Ukraynaya təcavüzündən sonra Yaponiya Rusiyada 76 nəfərə, 7 banka və 12 digər təşkilata qarşı sanksiya tətbiq edib.

Bakıda və Abşeron yarımadasında martın 18-i səhərdən 19-u səhərədək şimal-qərb küləyi 15-20 m/s, arabir 23-25 m/s-dək güclənəcəyi, arabir yağıntılı olacağı, bəzi yerlərdə sulu qar yağacağı gözlənilir.

"Zamantv.az" xəbər verir ki, bu barədə Milli Hidrometeorologiya Xidmətinin yaydığı xəbərdarlıqda bildirilib.

Fransa prezidenti Emmanuel Makron bildirib ki, ölkə Avropa qitəsinə qayıda biləcək yüksək intensivlikli müharibəyə hazır olmalıdır.

O, seçki kampaniyası zamanı bəyan edib ki, Fransanın 2025-ci ildə müdafiə büdcəsi 50 milyard avro olacaq (hazırda 40 milyard avrodan çoxdur).

Prezident qeyd edib ki, Fransa kosmosda və kiberməkanda yeni növ münaqişələr fonunda çevik olmalıdır.

Həmçinin, Makron əlavə edib ki, o, qabaqcıl texnologiyaya investisiya qoymaq və qitəyə qayıda biləcək yüksək intensivlikli müharibəyə hazır olmaq üçün investisiyaları artırmaq istəyir.

Bununla yanaşı, Fransa lideri silahlı qüvvələrdə ehtiyatda olan əsgərlərin, eləcə də polis və jandarmların sayının artırıldığını deyib.

Mənbə: liberation.fr

Bakıda kişidən hədə-qorxu ilə pul tələb olunub.

Daxili İşlər Nazirliyindən Zamantv.az-a verilən məlumata görə, martın 9-da 3 nəfər Bakı şəhər sakini Ə.Cəlilovu döyəcəkləri ilə hədələyib 1200 manat borcunu ödəmək üçün mobil telefonunu 1500 manata satdıraraq pulunu götürüblər.

Bu barədə Nizami rayon Polis İdarəsinin 24-cü Polis Şöbəsinə müraciət daxil olub.
Polis əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən paytaxt sakinləri F.Tağıyev, S.Tağıyev və M.Məmmədov müəyyən edilərək saxlanılıblar.

Araşdırma aparılır.

İran Fars Körfəzində batan Birləşmiş Ərəb Əmirliyinə məxsus gəminin ekipajından 28 nəfəri xilas edib.

Zamantv.az-ın APA-ya istinadla məlumatına görə, batan gəmidə 30 ekipaj üzvü olub. 28 nəfər xilas olunaraq Buşəhr şəhərinə gətirilib.

Qəzada 1 nəfər həyatını itirib, 1 nəfər itkin düşüb.
Qeyd olunub ki, fırtına səbəbindən itkin düşən gəmiçinin axtarışları müvəqqəti dayandırılıb.

İstanbulda gözlənilən güclü qar səbəbi ilə məktəb, universitet və digər təhsil ocaqlarında tətil elan olunub.

Zamantv.az-ın APA-ya istinadla xəbərinə görə, müvafiq qərar İstanbul valisi tərəfindən qəbul edilib.

Bütün təhsil ocaqlarında dərslər martın 21-dək təxirə salınıb.

UNESCO Ukraynada fəaliyyət göstərən jurnalistlərə zirehli gödəkçə və dəbilqə verəcək.

Zamantv.az-ın “Figaro”ya istinadla xəbərinə görə, bunu qurumun baş katibi Odre Ozule bildirib.

“Jurnalistlər hər gün həyatlarını təhlükəyə ataraq Ukraynadakı müharibə reallıqlarını dünyaya çatdırırlar. Minlərlə media işçisi Ukraynada heç bir fərdi mühafizə vasitəsi olmadan çalışır” deyə, Ozule qeyd edib.
Qurum ilk mərhələdə 125 jurnalisti gödəkçə və dəbilqə ilə təmin etmək istəyir.

Qeyd edək ki, Ukraynada mart ayında peşə fəaliyyətini yerinə yetirərkən 5 jurnalist öldürülüb.