Bakının məşhur iaşə obyektlərindən olan "Dukkan" restoranı üçün avtomobil dayanacağının düzəldilməsi qalmaqala səbəb olub.

Qaynarinfo xəbər verir ki, qalmaqal avtomobil dayanacağının sakinlərdən birinin evinin qarşısında düzəldilməsidir. Həmin sakin Xəzər rayonu Mərdəkan qəsəbəsi, Buzovna-Mərdəkan şossesi 719C ünvanında yaşayan İlham Məmmədovdur.

Qaynarinfo məsələ ilə bağlı İlham Məmmədovla əlaqə saxlayıb. Vətəndaş məlumatı təsdiqləyib. Bildirib ki, "Dukkan" restoranının Eyvaz adlı sahibi ona məxsus fərdi yaşayış evinin qarşısında müştərilər üçün avtomobil dayanacağı düzəldib.

"Fərdi yaşayış evim Buzovna-Mərdəkan şossesinin kənarında yerləşir. Həmin şossedə asfalt kənarındakı səkilərə daşların döşənməsi işləri layihə əsasında Bakı Nəqliyyat Agentliyi (BNA) tərəfindən aparılıb. Bu gündə işlər davam etdirilir. Lakin mənim fərdi yaşayış evimin qarşısında qoyulmuş səki daşlarını qonşuluğumda yerləşən "Dukkan" restoranının sahibi kimi tanıdığım Eyvaz adlı şəxs qanunsuz olaraq sökdürərək yerini dəyişdirib. O, restorana gələn müştərilərin maşınlarını saxlaması üçün obyektin qarşısında kifayət qədər yer olmasına baxmayaraq, mənim evimin qarşısında dayanacaq düzəldib. Nəticədə velosiped yolu da ləğv edilib", deyə İlham Məmmdov əlavə edib.

Vətəndaşın sözlərinə görə, oxşar hal bundan əvvəl də baş verib. Lakin İlham Məmmədovun müvafiq qurumlara müraciətindən sonra problem həllini tapıb. Bu dəfə isə "Dukkan"ın sahibi "dayanacaq əməliyyatı"nı gecə saatlarında həyata keçirib.

"Əgər onun gördüyü iş qanunidirsə, layihəyə uyğundursa, nə üçün gecə vaxtı edir bunu? Mən artıq baş verənlər barədə müvafiq qurumlara müraciət etmişəm. Onlar da tədbir görüləcəyini bildirib", deyə İlham Məmmədov qeyd bildirb.

Vətəndaş olayla bağlı foto və videofaktları da redaksiyamıza təqdim edib.

Baş verənlərlə bağlı "Dukkan" restoranının sahibi ilə əlaqə saxlamaq mümkün olmayıb.

Sosial şəbəkələrin xarici seqmentində Bakı şəhərindəki bəzi məktəblərə silahlı hücum planlaşdırıldığı ilə bağlı insanlarda həyəcan və süni ajiotaj yaratmağa yönələn məlumatlar yayımlanmış və vətəndaşlarımız arasında narahatlığa səbəb olmuşdur.

Bu barədə Dövlət Təhlükəsizliyi Xidmətinin Mətbuat xidməti məlumat yayıb.

Qeyd olunub ki, reallıqdan uzaq olan analoji aksiyaların daha əvvəl saxta adlardan istifadə edilməklə sosial şəbəkələr vasitəsilə bəzi xarici ölkələrdəki təhsil müəssisələri ilə əlaqədar həyata keçirildiyi məlumdur.

Əməliyyat-texniki tədbirlər zamanı sözügedən sosial şəbəkə səhifəsinin xaricdən idarə olunduğu öz təsdiqini tapmış, xarici tərəfdaşlarla həyata keçirilmiş birgə təxirəsalınmaz tədbirlərlə məlum sosial şəbəkə kanalını yaratmış ölkə ərazisində hər hansı təhdid doğurmaq imkanında olmayan şəxslər və onların Azərbaycan Respublikası ilə heç bir əlaqəsinin olmadığı müəyyən edilmişdir. Bu istiqamətdə zəruri tədbirlər həyata keçirilir.

Həmçinin eyniadlı “Telegram” səhifəsində yerləşdirilmiş, Bakı şəhəri Nizami rayonu 229 saylı tam orta məktəbə aid fotoşəkli həmin məktəbin azyaşlı şagirdinin 12.03.2024-cü il tarixində çəkdiyi və özü tərəfindən eyni adda və məzmunda yaradılan kanala yerləşdirildiyi müəyyən edilmiş, həmin şəxs qanuna müvafiq qaydada istintaqa cəlb edilmişdir.

Hazırda dünyada çoxsaylı sosial şəbəkələrin fəaliyyət göstərdiyi, onların texniki imkanlarından hər cür dezinformasiya məqsədləri üçün istifadə mümkünlüyünün məlum olduğu bir vaxtda ölkə ictimaiyyətini əhali arasında narahatlıq yaradılması məqsədilə paylaşılan bu kimi qeyri-ciddi məlumatlara inanmamağa, belə aşkar əsassız məlumatları geniş auditoriyaya yayaraq təşviş yaradanları qınamağa çağırır, bu qəbildən olan informasiyaların aidiyyəti orqanlar ilə birgə daim ətraflı yoxlanıldığını bildiririk.

2024-cü ilin fevral ayında Azərbaycandakı banklardan şikayət indeksi açıqlanıb.
Yeniavaz.com xəbər verir ki, bu barədə Azərbaycan Mərkəzi Bankı (AMB) məlumat yayıb.
Siyahıya əsasən, ötən ay ən çox şikayət edilən bank 5,26 indekslə “Bank of Baku” seçilib.
“Bank VTB Azərbaycan” siyahıda ikinci (3,24 indeksi), “Accessbank” isə üçüncü (2.55 indeksi) olub.
Digər banklar üzrə göstəricilər isə aşağıdakı kimidir:

“Azərbaycanda fındığın ixrac dəyəri tez-tez dəyişir. Bu dəyişmələr fermerlərin ziyanındadır”.

Kənd təsərrüfatı üzrə ekspert Vahid Məhərrəmov belə deyir. O bildirir ki, ötən il 2022-ci ilə baxanda fındıq ixracı həm fiziki çəkidə, həm də dəyər ifadəsində artıb. Lakin 2019-cu illə müqayisə onu göstərir ki, fındıq ixracatçılarının gəliri 2 dəfəyədək azalıb.

Son illər Azərbaycanda fındığın əkin sahəsi xeyli genişləndirilib. 2015-ci ildə 32,7 min hektarda fındıq bağı salınmışdısa, 2022-ci ildə bu rəqəm 81,4 min hektaradək artıb. Bu o deməkdir ki, son 7 ildə fındığın əkin sahəsi 2,5 dəfə böyüyüb.

2017-ci ildə Qax rayonunda barama, tütün və fındıq istehsalının inkişafı məsələlərinə dair respublika müşavirəsində çıxış edən ölkə başçısı İlham Əliyev də baramaçılıqdan və tütünçülükdən fərqli olaraq fındıqçılığın daha çox inkişaf etdiyindən danışmışdı.

Demişdi ki, 2000-ci ildə Azərbaycanda fındıq bağlarının sahəsi 18 min hektar olub, bu rəqəm 2013-cü ildə 30 min hektara, 2015-ci ildə 32 min 700 hektara çatıb.

“Hazırda 55 min hektarda fındıq bağları salınıb. Əlbəttə, bu, son hədəf deyil. Qarşıya məqsəd qoyulub ki, biz fındıq bağlarının sahəsini 80 min hektara çatdıraq”.

Həmçinin Prezident deyib ki, fındığın ixracı ilə bağlı gələcəkdə heç bir problem olmayacaq.

Vahid Məhərrəmov isə deyir ki, son illər fındığın ixracında xeyli problemlər yaranıb. Onun sözlərinə görə, son 5 ildə fındıq ixracının dinamikası tez -tez dəyişir, gah artır, gah azalır:

“2019-cu ildə ixrac edilən fındığın miqdarı 22 639 ton, dəyəri isə 125 621 min dollar olub. Bu göstərici 2018-ci ilə nisbətən fiziki çəkidə 24 faiz, dəyər ifadəsində 30 faiz çox olsa da, növbəti 2020-ci ildə fındıq ixracı 2019-cu ilə nisbətən fiziki çəkidə 16,5 faiz, dəyər ifadəsində isə 7,3 faiz azalıb. Növbəti iki ildə də fındıq ixracının həcmi 2019-cu il səviyyəsinə qalxmayıb. 2023-cü ildə fındıq ixracı fiziki çəkidə 2019-cu ilə nisbətən artsa da, dəyər ifadəsində 2 faizədək azalıb. 2023-cü ildə 2019-cu ilə nisbətən fındıq ixracatçılarının gəlirləri 2 milyon 486 min dollar azalıb”.

2023-cü ildə Azərbaycandan 44,6 milyon avro dəyərində Avropa İttifaqı ölkələrinə fındıq ixrac edilib. Bu, əvvəlki ilə nisbətən 23,2 faiz azdır.

Azərbaycandan Almaniyaya 23,4 milyon avro dəyərində 4,2 min ton meşə fındığı idxal edilib. Bu da əvvəlki ilə nisbətən dəyər ifadəsində 64,1 faiz, fiziki çəkidə isə 71,4 faiz çoxdur.

Vahid Məhərrəmov deyir ki, dünyada fındıq istehsalı ilə cəmi 30 ölkə məşğul olsa da, fındıq bazarında cox ciddi rəqabət var.

Onun sözlərinə görə, fındıq məhsulunun rəqabətqabiliyyətli olması üçün keyfiyyət səviyyəsinin yüksək, maya dəyərinin isə ucuz olması şərtdir. Məhsulun maya dəyərinin aşağı olması üçün məhsuldarlıq yüksək olmalıdır:

“Türkiyə və bəzi ölkələr istisna olmaqla əsas fındıq istehsal edən ölkələrdə məhsuldarlıq yüksəkdir. Məsələn, hər hektardan İtaliyada 16 sentner, Polşada 15, Çində 20, Fransada 19, Gürcüstanda 17, ABŞ-da isə 23 sentner məhsul əldə olunur. Azərbaycanda isə fındığın ən yüksək məhsuldarlığı 2005-ci ildə 15 sentner olub. 2022-ci ildə ölkə üzrə orta məhsuldarlıq 13,9 sentnerədək düşüb”.

Ekspert deyir ki, ölkə üzrə fınıdığın hər hektar üçün ortalama məhsuldarlığı 800-900 kiloqramdır və bu, çox azdır:

“Beləliklə, fındıqçılıqda əkin sahələri genişlənir, məhsul istehsalı artır və hektardan məhsuldarlıq isə lazımı səviyyəyə qalxmır. Bunun da səbəbi sahədə mövcud olan problemlərin uzun müddət həll edilməməsi ilə bağlıdır. Fındıqçılıqla məşğul olan əksər fermerlər fasiləsiz suvarma suyu ilə təmin olunmur. Həmçinin keyfiyyətli gübrə, pestisid çatışmazlığı səbəbindən rəqabətqabiliyyətli, yüksək keyfiyyətli məhsul istehsal edə bilmirlər. Emal müəssisələri məmurlara yaxın olan adamların əlindədir, qiyməti onlar diktə edir. Ən ciddi problemlərdən biri də ölkədə peşəkar kadr çatışmazlığıdır”.

Vahid Məhərrəmov düşünür ki, sahənin inkişaf etdirilməsi üçün fermer, kəndli təsərrüfatlarının fasiləsiz suvarma suyu ilə təmin edilməsi, aqrar sahə üzrə yüksək səviyyəli peşəkar kadrların hazırlanması, emal sahəsində, bazarda inhisarçılığın aradan qaldırılması kimi məsələlər həll edilməlidir.

dia-az.info

"Baktelekom" abunəçiləri bir həftədir ki, internet ala bilmir.

Abunə haqqı zamanı internetin verilişini anında kəsən provayder 1 həftədir edilən müraciətləri qulaqardına vurur, sözün əsl mənasında abonentləri “yola verir”. Üstəlik, sözügedən provayder internet şəbəkəsi qurduğu ərazilərə başqa provayderlərin girişinə icazə vermir. Nəticədə əlacsız qalan abonent şikayət etməkdən də bezir, zəng edib interneti yenilətməkdən də, modemi təkrar-təkrar yenidən başlatmaqdan da.

Bəhanə isə hər zaman var.

Budəfəki bəhanə belədir - husilərin Yəməndə kabelləri zədələməsi səbəbilə internetin sürəti aşağı düşüb. Lakin bu provayderin təmin etdiyi internetin sürəti husilərin kabel zədələməsindən əvvəl də belə idi. Yəni əslində dəyişən budur ki, əvvəl sürət heç olmasa, gündə 10 dəfə düşürdüsə, indi 100 dəfə eyni problem yaşanır.

Məsələ ilə bağlı Rabitə və Yüksək Texnologiyalar Nazirliyindən “Cebhe.info”-nun sorğusuna cavab olaraq bildirilib ki, məsələ araşdırılacaq.

Amma bu araşdırmanın nəticəsini yazmaq üçün internetin olub-olmayacağına kimsə zəmanət vermir…

Azərbaycan bütün dövlət qurumları kimi Ədliyyə Nazirliyinin Məhkəmə Ekspertizası Mərkəzi də bir çox xidmətləri və tələb olunan malları qanunla müəyyən olunmuş qaydada, satınalmalar yolu ilə alır. Buraya dəftərxana və təsərrüfat mallarından, ofis mebellərinin satınalımasından tutmuş, ekspertizaların aparılması üçün kimyəvi maddələrin satın alınmasına, komputerlərə, printerlərə, lokal şəbəkələrə və turniketə texniki xidmətdən tutmuş, mərkəzin balansında olan avtomobillərin təmiri, ehtiyyat hissələrinin, yağ və sürtgü materiallarının dəyişdirilməsi xidmətlərinin, Mərkəzin inzibati binalarında cari təmir işlərinin satınalınmasına qədər müxtəlif növ malların və xidmətlərin satın alınması daxildir.

Ədliyyə Nazirliyinin Məhkəmə Ekspertizası Mərkəzi tərəfindən 2023-cü ildə bu məqsədlərlə bir neçə açıq tender və kotirovka sorğusu həyata keçirib. Onların arasında bir neçə açıq tender müsabiqəsinin nəticələri xüsusilə diqqət çəkir.

Ədliyyə Nazirliyinin Məhkəmə Ekspertizası Mərkəzi xüsusi kriminalistik, laborator, kompüter, telefoniya, qazanxana, dayanıqlı enerji təchizatı üzrə avadanlıqların, soyutma sistemləri və məişət texnikasının əldə edilməsi və quraşdırılması işlərinin satınalınması üzrə 15.09.2023-cü il tarixdə başladığı açıq tender müsabiqəsində zərflərin açılış tarixini 19.10.2023-cü ilə müəyyənləşirib. 06.12.2023-cü il tarixdə tender müsabiqəsinin yekunlaşdırıldığını və “BAKINITY” MMC ilə 2.335.999,98 manat məbləğində satınalma müqaviləsinin bağlanıldığını 07.12.2023-cü il tarixdə açıqlayıb. Tenderin başlanma tarixi 06.12.2023-cü il, bitmə tarixi isə 30.12.2023-cü ilə müəyyən edilib.

Tenderin əsas şərtlər toplusunda qeyd olunanlara görə qalib şirkət 24 gün ərzində Məhkəmə Ekspertizası Mərkəzinin Sumqayıt Regional Bölməsi və Sabunçuda yerləşən İnzibati binasında 64 adda və müxtəlif sayda avadanlıqların alınması və quraşdırılması işlərini həyata keçirməli olub. Sizcə qısa bir vaxtda bu mümkündürmü? Əsasən kompüter və kompüter avadanlıqlarının satınalınması üzrə ixtisaslaşmış bir şirkət istilik sisteminin, laborator avadanlıqların alınması və onun quraşdırılmasını necə təşkil edib? Bir az şübhəli görsənmirmi?

Ədliyyə Nazirliyinin Məhkəmə Ekspertizası Mərkəzi 2023-cü ildə daha bir şübhəli satınalma müqaviləsini “SİRR-M” MMC ilə bağlayıb. Məhkəmə Ekspertizası Mərkəzinin Bakı şəhəri Səbail, Sabunçu rayonlarında yerləşən inzibati binalarında və Sumqayıt regional bölməsində cari təmir işlərinin satınalınması üzrə bağlanan bu müqavilənin qiyməti 253.160,06 manat təşlil edib və satınalmaların portalında 12.12.2023-cü il tarixdə açıqlanıb. Tenderin başlanma tarixi 05.12.2023-cü il, bitmə tarixi isə 27.12.2023-cü ilə müəyyən edilib. Sual yaranır. Sözügedən MMC Səbail, Sabunçu və Sumqayıtda 22 gün ərzində nə kimi təmir işləri apara bilər?

Qeyd edək ki, Məhkəmə Ekspertizası Mərkəzi ilə “SİRR-M” MMC arasında 275.885,27 manat məbləğində daha bir satınalma müqaviləsinin bağlanılması barədə məlumat satınalmalarının vahid internet portalında 06.07.2023-cü il tarixdə açıqlanıb. Məlumatdan da görsəndiyi kimi, açıq tender müsabiqəsinə 24.01.2023-cü il tarixində başlanılıb. Tendrdə zərflərin açılış tarixi isə 23.02.2023-cü il tarixə müəyyən edilib. Tenderin şərtlər toplusuna görə MMC Məhkəmə Ekspertizası Mərkəzinin Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18 ünvanda yerləşən inzibatı binasında təmir işləri aparmalı olub.

Burada da şübhəli məqamlar var. Tender zərfləri 23.02.2023-cü il tarixdə açılıbsa, məlumat nə üçün qanunvericiliyin tələblərinə uyğun olaraq 10 bank günü ərzində deyil, üstündən üç ay keçdikdən sonra, 06.07.2023-cü il tarixdə açıqlanıb?

Qeyd edək ki, Ədliyyə Nazirliyinin Məhkəmə Ekspertizası Mərkəzi “SİRR-M” ilə Mərkəzin Bakı şəhərində və regionlarda yerləşən inzibati binalarında cari təmir işlərinin satınalınması üzrə 276.295,14 manat məbləğində bir satınalma müqaviləsi də 17.11.2022-ci ildə bağlayıb. Tenderin şərtlər toplusunda aparılacaq bu təmir işlərinin də Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18-də aparılacağı göstərilir. Buradan belə çıxır ki, Ekspertiza Mərkəzi göstərilən ünvanda təmir işlərinin aparılması üçün “SİRR-M” ilə ümumi olaraq 552 180 manat məbləğində satınalma müqaviləsi bağlayıb.

Göründüyü kimi Məhkəmə Ekspertizası Mərkəzi “SİRR-M” arasında 17.11.2022-ci ildən 27.12.2023-cü ilə qədər ümumi olaraq 805 340 manat məbləğində 3 satınalma müqaviləsi bağlanılıb.

Bəs “SİRR-M” haqqında nə kimi məlumatlar var? Kommersiya qurumunun hüquqi şəxslərin dövlət reyestrinə daxil edilmiş məlumatlarında “SİRR-M” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində 03.06.1996-cı il tarixdə dövlət qeydiyyatına alındığı bildirilir. Nizamnamə kapitalı 20 manat olan MMC-nin hüquqi ünvanı MASALLI RAYONU, YEDDİOYMAQ Ə/V, qanuni təmsilçisinin isə Qulamov Vüsal Nəsrəddin oğlu olduğu göstərilir.

Apardığımız ətraflı araşdırmalarda məlum oldu ki, “SİRR-M” MMC-nin adı 2016-cı ilə qədər “BAYRAM-M” MMC olub. Dövrü mətbuatın 2014-cü ildə yaydığı məlumatda “BAYRAM-M” MMC-nin 25 kilometrlik Şorsulu-Xırmandalı yolunun çəkilişini 200 milyon manata həyata keçirməsi və külli miqdarda dövlət vəsaitinin mənimsənilməsində iştirakçı olduğu bildirilir. Məlumatda həmçinin qeyd edilir ki, Şirkətin təsisçisi Ramazan Zeynalovdur. Arayış üçün bildirək ki, R.Zeynalov Qafqaz Müsəlmanları İdarəsinin sədri Allahşükür Paşazadənin yaxın qohumu, ölkənin tanınmış iş adamlarından sayılan Hacı Mazandır. İş adamı ictimai rəydə rəsmi ad və soyadı ilə yox, məhz Hacı Mazan kimi tanınır. Rəsmi olaraq şirkətin ticarət avadanlıqlarının idxalı, satışı və təmiri ilə məşğul olub. Yəni şirkət yol tikintisi üzrə ixtisaslaşmayıb. Bu halda şirkətin hansı yolla 200 milyon manatlıq tenderi udmasının özü qaranlıq məqamlardan biri və birincisidir.

Aktualinfo.org-un Dövlət Vergi Xidmətinin reyesr məlumatları üzərindən apardığı araşdırmada məlum oldu ki, Zeynalov Ramazan Hüseyn oğlu 2018-ci ildə “SİRR-M” MMC-nin qanuni təmsilçisi kimi göstərilib. Göründüyü kimi Hacı Mazanın sahib olduğu şirkət daha çox qeyri leqal işlərin görülməsi ilə tanınır. Araşdırmalarımızda həmçinin məlum oldu ki, “SİRR-M” MMC ancaq Ədliyyə Nazirliyinin Məhkəmə Ekspertizası Mərkəzi tərəfindən keçirilmiş tenderlərin qalibi olub. Əldə etdiyimiz məlumata görə Hacı Mazan hazırda paytaxtın Nərimanov rayonunda binaların fasadlarında və dam örtüklərində təmir işlərinə rəhbərlik edir. Amma rəsmi məlumatlarda şirkətin adına heç yerdə rast gəlinmir.

Göründüyü kimi Ədliyyə Nazirliyinin Məhkəmə Ekspertizası Mərkəzinin qalib elan etdiyi “SİRR-M” MMC haqqında çoxsaylı qaranlıq məlumatlar var. MMC-nin adının “BAYRAM-M” kimi yol tikintisinə heç bir aidiyyatı olmayan, 200 milyon manatlıq layihənin talan edilməsində hallanması, sonra da, “SİRR-M” MMC kimi Məhkəmə Ekspertizası Mərkəzinin keçirdiyi 3 tenderin qalibi olması, müəyyən şübhələrə yol açır.

Biz bir mətbuat orqanı olaraq ötən il Fikrət Məmmədovun hələ Ədliyyə naziri olduğu dövrdə Nazirliyin Məhkəmə Ekspertizası Mərkəzinin bu şübhəli tenderlərinin “SİRR”-ni çözməyə çalışdıq. Lakin təəssüflər olsun ki, qurum rəsmiləri bununla bağlı heç bir açıqlama vermədi. Ümid edək ki, yeni Ədliyyə naziri Fərid Əhmədov Məhkəmə Ekspertizası Mərkəzinin üç satınalma müqaviləsi bağladığı “SİRR-M” MMC ilə işbirliyinin “SİRR”-nin çözülməsinə yardımçı olacaq.

Qeyd edək ki, Ədliyyə Nazirliyinin Məhkəmə Ekspertizası Mərkəzinin rəisi vəzifəsi ötən ilin avqustundan Elçin Qasımova həvale olunub. Bu təyinata qədər o, Ədliyyə Nazirliyinin Strateji planlaşdırma və monitorinq baş idarəsinin rəisi olub. Daha əvvəl isə Mərkəzinin rəisi vəzifəsini kimin içra etməsi barədə məlumat yoxdu.

Aktualinfo.org

Bakı Dövlət Universiteti İKT avadanlıqlarının satın alınması ilə bağlı elan etdiyi tenderin qalibi "EVEREST-2022" Məhdud Məsuliyyətli Cəmiyyəti müqavilə imzalayıb.

Müqavilənin məbləği 1.444.952,53 AZN-dir.

Əldə etdiyimiz məlumata görə, qalib şirkətin dövlətə vergi borcu var.

"EVEREST-2022" Məhdud Məsuliyyətli Cəmiyyətinin hazırda vergi borcu 15 min 234 manat 40 qəpikdir.

Bildirək ki, qalib olan MMC-nin nizamnamə kapitalı 100 AZN, qanuni təmsilçisi Babayev Fuad Şakir oğludur.

Xatırladaq ki, BDU-nun rektoru Elçin Babayevdir.

Ayxan, (32gün.az)

Xəbər verdiyimiz kimi, Göyçay Dövlət İdarəetmə və Texnologiya Kollecinin direktoru Şahin Əliyev tutduğu vəzifədən azad edilib.

Elm və Ali Təhsil üzrə Dövlət Agentliyi tərəfindən aparılan araşdırmalar nəticəsində müvafiq qərar qəbul edilib.

Məsələ ilə bağlı maraqlı məlumatlar əldə etmişik. Kollecin əməkdaşlarından biri saytımıza bildirib ki, Elm və Ali Təhsil üzrə Dövlət Agentliyi ilə paralel olaraq Göyçay rayon prokurorluğu və Maliyyə Nazirliyi də bir neçə aydır ki, kollecin fəaliyyətini yoxlayır. Aparılan yoxlamalar nəticəsində cinayət əməli kimi qiymətləndirilə biləcək çoxlu sayda qanunsuzluq aşkarlanıb.

Bura dövlət vəsaitini mənimsəmədən tutmuş, tələbələrdən rüşvət almağa kimi bir çox hallar daxildir.

Maliyyə Nazirliyinin apardığı araşdırma zamanı məlum olub ki, kollecə məxsus olan avadanlığın çoxu yararsız vəziyyətdədir. Buna baxmayaraq, vaxtaşırı onlar üçün avadanlıqlar və yanacaq alınıb. İşləməyən texnika üçün alınan yanacağa ayrılan vəsaitin bir neçə min manat dəyərində olduğu bildirilir. Məlumatlara görə, bu faktlar prokurorluq orqanlarının diqqətindən yayınmadığı üçün hüquqi müstəvi araşdırma davam etdirilir.

Aparılan araşdırmalar nəticəsində direktor Şahin Əliyevdən, əyani şöbənin müdiri Kamilə Həmidova və qiyabi şöbənin müdiri Gülbəyim Həsənovadan da izahat alındığı bildirilir.

Rüşvət qalmaqalı ilə bağlı redaksiyamıza audioyazı daxil olub. Audioyazıda Şahin Əliyevin kollecin direktoru olarkən uzaq rayondan gələn tələbədən rüşvət istədiyi, onun isə tələb olunan məbləği verə bilməyəcəyini dediyi iddia edilir. Məlum olur ki, tələbənin cəmi 20 manat verməyə imkanı çatır. Direktor isə bununla razılaşmır. Deyir ki, gediş-gəliş xərcin 40 manat edir. Belə çıxır ki, Göyçaya 60 manatla gəlmisən… Tələbə isə evdən çıxarkən üzərində cəmi 50 manat olduğunu iddia edir.

Sözügedən audioyazını və kollecin balansında olan texnikanın mövcud durumunu əks etdirən fotoları təqdim edirik:(yenisabah)

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədovun təkcə ölkə ərazisində 20-dən çox villası var...
Azərbaycan Avtomobil Yolları Dövlət Agentliyinin İdarə Heyətinin sədri, ölkənin son dönəm oliqarx siyahısında önəmli yer tutan Saleh Məmədovun ölkə daxilində -dən çox villası var.
Redaksiyamıza daxil olan siyahıda göstərilir ki, bu villaların hər birinin qiyməti 2 milyon manatdan yuxarıdır. Bəzi villaların qiymətləri isə 10-15 milyon dollar arasında dəyişir.
Saleh Məmmədovun iddia olunan villarının siyahısını təqdim edirik:
1. Qax rayonunda İlisu kəndində 1 villa;
2. Mingəşevirdə 1 villa;
3. Hackənddə 1 villa;
4. Tərtərdə 2 villa;
5. Lənkəranda 1 villa;
6. Bakıda milyonerlər məhəlləsi kimi tanınan Teymur Əliyev küçəsində 2 villa;
7. Qubanın Qəçrəş kəndində 1 villa;
8. Qubada 2 villa;
9. Bakının Fatmeyi kəndində 1 hektar torpaq sahəsinin içində 3 villa;
10. İsmayıllı rayonunun Zərgəran kəndində 2 villa;
11. Şamaxıda 2 villa;
12. Maştağada 4 hektar ərazidə 1 villa;
13. Bakını Novxanı kəndində 2 villa;
14. Mərdəkanda 1 villa;
15. Nabranda 1 villa.

Bundan başqa redaksiyamıza daxil olan siyahıda Saleh Məmmədovun İstanbulda boğazda və Bodrumda şahanə villalrının olduğu bildirilir.
Qeyd edək ki, bu iddilarla bağlı Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədova sorğu ilə müraciət etmişik. Sorğunun göndərilməsindən bir həftə keçməsinə baxmayaraq cavab ala bilməmişik. Bütün hallarda qarşı tərəfin mövqeyini dərc etməyə hazırıq.(poliqon)

“Sosial şəbəkələrə baxanda, gözümüz “mazol” olub, elə bil toyxanadır”

Bu sözləri müğənni Günel Ələkbərova “Xəbərin var?” verilişində deyib.

O, sənət cameəsini yad ladlar üzərində bayağı mahnılar oxuyan və bununla populyarlıq qazanan “müğənni”lərdən təmizləməyə çağırıb:

“Sosial şəbəkələrə baxanda, gözümüz “mazol” olub, elə bil toyxanadır. Olmaz belə. Bir senzura olsun, bu “qıjı”ları yığışdırsınlar.

Bizim o qədər savadlı müğənnilərimiz var. Lalə Məmmədova, Elnarə, Natavan, Səidə…

Bizim sənətimiz Hindistan ladlı “qıjı” mahnıları oxuyanlardan ibarət deyil axı”.(Yenicag)