Dünən “Azəriqaz” İstehsalat Birliyinin sədri Ruslan Əliyevin vəzifəsindən azad edilməsilə bağlı informasiyalar yayıldı.
Xəbərə görə, yayılan məlumatda deyilirdi ki, bu barədə müvafiq əmr imzalanıb. Həm də xəbərdə Ruslan Əliyevin səlahiyyətləri müavinlərindən birinə tapşırıldığı da iddia olunurdu.

Qeyd edək ki, “Azəriqaz”ın mətbuat xidmətinin rəhbəri Eldəniz Vəliyev mətbuata açıqlamasında onda belə bir məlumatın olmadığını bildirib.

Dia-az.info xattırladır ki, Ruslan Əliyevin görəvdən alınması xəbəri ilk dəfə deyil yayılır. Hələ keçən ilin oktyabr ayında da portalımızda SOCAR-dakı mənbbələrə istnadən belə bir informasiyya yer tapmışdı. Və aydın olduğu kimi sonradan informasiyamız təkzib olundu.

Dünən yenidn eyni məzmunlu xəbərin dövriyyəyə buraxılması səbəbindən məsələni araşdırmaq qərarına gəldik. Bu barədə dia-az.info-ya danışan mənbə iddia edir ki, əslində Ruslan Əliyev hal-hazırda mvqeləri ən zəif oln məmurların başında gəlir. Mənbənin söylədikləri:

“Onun istefaya göndərilməsi əslində, çox asan bir məsələdir. Sadəcə olaraq, onun dövründə o qədər böyük yeyinti işləri həyata keçirilib ki, Ruslan Əliyevin asanlıqla – sakitt şəkildə gedəcəyini gözzləmək sadəlövhlük olar.

Xüsusi xidmət orqanları onun fəaliyyəttini araşdırarsa, ortaya çox ciddi faklar çıxar.

Sayğac dəyişdirmə bəhanəsi ilə, həm də bir neçə dəfə dövlət büdcəsi və vəəndaşlar aşkar şəkildə qarətt olunub. Bu, hamısı deyil… Çox ciddi faktlar var və məhz bu səbəbə görə, bu gün deyə bilərik ki, əslində rahatlıqla gedişini arzulayan elə Ruslan Əliyevin özüdür. Bu isə olmayacaq. Biz onun istefasnı yox, həbsini gözləməliyik…

Şünki dövlətimiz artıq Ruslan Əliyev kimi məmurların psevdonovatorluqlarının bir hiylə olduğunu asanlıqla çözməyə başlayıb. Yəni qaçası yeri yoxdur…”

Azərbaycan hakimiyyətində edilən kadr dəyişiklikləri bəzən lazımi nəticəni vermir. Məsələn Yasamal rayonuna icra başçısı gətirilmiş Elşad Həsənovun misalında olduğu kimi. Prezident deputat Elşad Həsənova Yasamal kimi bir rayonu həvalə etdi, onu sınadı ki, icra başçısı kimi özünü təsdiqləsin. Lakin Elşad Həsənov Yasamalda necə deputat olmuşdusa, elə də icra başçısı oldu. Onun fəaliyyəti ilə bağlı cumhuriyyet.az olaraq internet resurslarında apardığımız araşdırma onu göstərdi ki, deputat olduğu dövrə aid bir-iki informasiya qarşımıza çıxdı, o da Həsənovun alayarımçıq açıqlamaları… Hətta mediada gedən məlumatlarda qeyd olunur ki, deputat olduğu zaman seçiciləri Elşad Həsənovu tapanlara xüsusi mükafat vəd veriblərmiş.

Onun fəaliyyətini bu gün Yasamalın hər qarışında yaşıllıqların kəsilməsi, səkilərin satılması, səliqə-sahmanın olmaması, harada boş yer vaesa satışa çıxarılmasında görmək mümkündür. Bir sözlə, ona havadarlıq edən yüksək çinli məmur kimdirsə, ilk gündən yanlış təqdimat verib, çünki nə 4 il deputat kimi, nə də icra başçısı olaraq etimadı doğruldub. Lakin deputat kimi səsi gəlməyən Elşad Həsənov icra başçısı təyin olunaraq mətbuata bildirmişdi ki, “Əlimdən gələni əsirgəməməyə, mənə həvalə edilən işin öhdəsindən gəlməyə çalışacam”. Amma nə baş verdi? Elşad Həsənov Yasamalın Onun fəaliyyəti rayon büdcəsini, resurslarını və təşkilatların fəaliyyətini qazanc mənbəyinə çevirməkdən ibarət oldu. Məlumdur ki, Yasamalda torpaq satışı ən gəlirli sahələrdən biridir. Elşad Həsənova qədər satılması mümkün olan bütün ərazilər imkanlı şəxslərə satılmışdısa, indi səkilər, istirahət parkların böyür-başından kəsərək satışa çıxarırlar.

Təbii ki, Elşad Həsənovun sərəncamları ilə. Rəsmi rəqəmlərə görə, Yasamal rayonunda Ticarət departamenti və 19 Mənzil İstismar sahəsi var. Bu təşkilatlar ərazidə yaşayan əhalidən hər il əmlak və zibildaşıma haqqı yığır, amma insanların rahatlığı üçün lazım olan işləri görməyi unudur. Hər bir Mənzil İstismar Sahəsində yetəri qədər xadimələr olsa da, icra hakimiyyəti nəzdində olan işsiz insanları sosial işlərə çox sayda adam cəlb olunsa da, binaların blok və həyətlərində, küçə və parklarda insan sağlamlığı üçün çox böyük təhlükə mənbəyi olan antisanitariya hökm sürür. Mənbənin cumhuriyyet.az-a bildirdiyinə görə, icra hakimiyyətindən tutmuş JEK-lərə qədər bütün təyinatlar rüşvətlə həyata keçirilir. Bu da Uasmalaın icra başçısının qurduğu sistemin nəticəsidir. Məhz rayon rəhbərinin xeyir-duası ilə JEK müdirlərinin işə götürdüyü qohum-əqrabaları işə çıxmır, onların əməkhaqqı kartlarından qanunsuz istifadə edilir. Yasamal Rayon Ticarət departamentlərinin küçə ticarətini genişləndirməsi və bunun hesabına yığılan rüşvət, küçə və həyətlərin abadlaşdırılması üçün dövlət büdcəsindən ayrılan pulların tenderlə icra başçısına yaxın şirkətlərə verilməklə mənimsənilməsi böyük bir gəlir sahəsidir. Yasamal ərazisində dünyasını dəyişən tənha insanlarının evlərinin qanunsuz olaraq vətəndaşlara satılması ilə bağlı faktlar isə ayrıca araşdırma mövzusudur və bu proses bir gün məhkəmə salonlarına çıxacaq.
Belə iddialar var ki, özünü doğrultmayan məmurlardan biri kimi Elşad Həsənov da siyasi rəhbərliyin “qara siyahısı”na düşüb və yaxın vaxtlarda Yasamal icra hakimiyyəti başçısı vəzifəsindən azad edilsin…

Masallı rayonu Lürən kendi tam orta məktəb direktorunun iki azyaşlı qız övladın anadan alınaraq atasına verilməsində oynadığı rolu nədir?
Lürən sözünün mənası Talış dilində “Lır” (lür) “bataqlıq”, “sucaq yer” və “ən”(on) isə yer olmaqla “bataqlıqda salınan kənd” mənasını özündə ehtiva edir. Kəndin adı talış dilində Lıron kimi tələffüs olunur.
Sözün əsil mənasında adındanda göründüyü kimi əhalinin hansı oyuna düşəcəyi məlum deyil. Lürən kəndinin talış dilində mənası Bataqlıq anlamın verir. Adın mənasına nəzər saldıqda əslən Masalının Ərkivan kəndindən olan Bahar xanım Lürən kəndinə getdiyi gün balaqlığa batıb. Hələ 18 yaşın tamam etmədən ərə verilən qızın taleyinin qara günləri məhs ilk rəsmi nigah şəhadətnaməsinin alınması günündən başlayıb. Çox maraqlıdır nigah şəhadətnaməsin verən orqan xanımın razılığının olub-olmadığın bilmədən qeyri qanuni üzünü görmədiyi qızı necə bir şəxslə nigahın kəsib. 18 yaşını yeni tamam edən Bahar Mikayılovanı razılığını almadan Rafat Cəbiyevlə nigaha salan Zahir əslində ailənin qohumudur. Zahirin Rafətlə qohumluq bağı Respublika qanunlarına zidd getməyə tam sözün əsil mənasında izin verib. Zahir qohumuna jest edərək gəlin xanımın nigahda iştirakının vacibatını arxa plana atıb. Burdanda anlaşılır ki, xanımın nigahda YOX cavabı verməsi qaçınılmaz olub. Görünən dağa bələdçi lazım olmadığı kimi Bahar Mikayılovanın nigaha etirazı ailə içində çox münaqişəyə səbəb olduğundan xanımın nigah rəsmiləşdirməsində iştirak etməməsi üçün dəridən qabıqdanda çıxılıb. Lakin 9 il sonra açılan bu məsələ bir çox cinayətin törəndiyindən xəbər verir. BU gün bildirilən lakin illərdi susduqları üçün şəxslərin məsuliyyət daşımadıqların sananlarda qanun qarşısında cavab verməli olacaqlar. Qeyd edək ki, hər hansı cinayət faktoru olur olsun mediada yayılan hər bir materyal bir cinayət işinin başlanması üçün hüquq mühafizə orqanları üçün əsaslı şübhə meyarı kimi götürülür. Bax kəndin adının mənasından bura gedən xanıma düşən paydı, bu günə qədər düşdüyü bataqlıqdan çıxa bilməməsinə gətirib çıxarıb desək yəqin yanılmarıq. Yaımızda Bahar Cəbiyeva (Mikayılova) tərəfindən verilən məlumatların Hüquq mühafizə orqanları tərəfindən araşdırılmasını xahiş edirik.
Bu gün pozulmuş hüquqularının bərpası ilə bağlı Azərbaycan Respublikasının qanunlarına inandığın deyən Bahar Cəbiyeva “Turantv.az”a danışıb. Onun dediklərini bir anlıq göz önünə gətirdikdə sanki hüquqi dövlətde deyil B.Cəbiyevanın Afrika qitəsində yaşamış hadisə ilə bağılı nəql etdiyini düşünmək olar. Lakin danışılanlar Afrikada deyi Azərbaycan Respublikası Masallı rayon dövlət qurumlarının sayəsində yaşanıb. Bahar xanım “Turantv.az”a göndərdiyi Masallı rayon məhkəməsinə məxsus qərarı və Lürən kənd tam orta məktəbin direktoru ilə yazışmalarından şok olduq. Bir direktorun cəmiyyətə bir qurumlara bir cavabları bu şəxsin məktəb rəhbəri olmasını şübhə altına qoydu.

“Turantv.az”a apardığı kiçik araşdırma nəticəsində məktəbdə təhsilin ali məktəblərə hazırlıq altında hansı oyunlardan çıxmasıda aydın olmuşdur. Lakin bu günkü mövzumuz məktəbdə oynanılan başqa bir qurma oynların açığa çıxaması ilə bağlıdır. Lürən kənd məktəbində iki azyaşlı qız uşaqlarısının ana himayəsində olduğu zamanla bağlıdır. Məktəb direktorunun İcra hakimiyyəti və məhkəmə orqanına verdiyi yalan məlumatlardan söhbət gedir. Lürən kənd Faiq Şükürov adına məktəbdə baş olan amma başını başqalarının idarə etdiyi rəhbərlik tərəfindən idarə edilən təhsil ocağıda var. Beləki, bu qeyd etdiyimiz məktəbdə min oyun bir xahişin bir şirinliyin başında imiş. Məktəb direktoru və onun müavininin qurduğu oyunlar iki qızın anadan alınaraq ataya verilməsi üçün aprılan sistematik oyun nəhayətki aşkar edildi.
Məktəbin direktoru Fərid Hüseynov müavini Rəsmiyyə Cəbiyevanın idarəsindədir yoxsa oyunun bir alətidir…?
Apardığımız kiçik araşdırmadan məlum olub ki, Masallı rayon Məhkəməsinin № 2(050)-2524/2023 saylı hakim Ceyhun Quliyevin Qətnaməsində bir çox düzmə oyunlarla qanuna uyumluq təşkilinin olduğu Bahar Cəbiyeva tərəfindən qeyd edilir. O bildirir ki, Fərid Hüseynov onun keçmiş həyat yoldaşı ilə cinayət əməlinə girərək övladlarının paytaxta yerləşən 310 saylı məktəbə qəbul etdirməsinə süni maneə yaratması azmış kimi barəmdədə həqiqəti əks etdirməyən arayış təqdim edib. Məhkəməyə və icra orqanına verdiyi arayışı əslində müavini Rəsmiyyə Cəbiyevaya etibar edərək etmişdir. Bahar Cəbiyevanın keçmiş həyat yoldaşı Rafət Cəbiyevin əmisi arvadı olan Rəsmiyyə Cəbiyeva Fərid hüseynovun rəhbəri olduğu təhsil ocağında müavin vəzifəsindədir. 2023-cü il tarixində Suraxanı rayon 310 saylı tam orta məktəbdə elektron müraciət vasitəsi ilə iki azyaşlı qızının birini 3 cü sinifə digər qızını isə məktəbə qədər hazırlıq sinifinə qəbul edilməsinə nail olur. Lakin tək müraciət buna kifayət deyil. Əzəldən azyaşlı ikinci sinif şagirdinin əvvəlki məktəbdən şəxsi işinin yeni məktəbə verilməsi təmin edilməli idi. Bahar xanım dərhal Fərid Hüseynovla telefon əlaqəsi saxlayır xahiş edir ki övladının sənədlərinin yeni məktəbə verilməsində köməklik etsin. Lakin keçmiş həyat yoldaşının əmisi yoldaşı Rəsmiyyə Cəbiyevanın müavin olduğu məktəbdən sənəd götürmək o sandığı qədərdə asan olmur. F.Hüseynov Bahar xanımın kəndə gələrək sənədləri özünün götürməli olduğun birir. Bahar xanımda ona ölümlə hədələndiyini nəyinki kəndə hətta Masallıya girə bilmədiyini həyatının təhlükədə olduğun qeyd edir. Bu arada diqqətə çatıraq ki, Bahar Cəbiyeva ilə Rafət Cəbiyev boşandıqdan sonra xanımın ailə üzvləri onun rayona gələcəyi təqdirdə öldürüləcəyi ilə bağlı hədə-qorxu gəlib. Ailəsinin cox ciddi olduğun bilən xanım Masallıya getməkdən ehtiyyat edir. Və bunuda Lürən kənd məktəbinin direktoruna bildirir. Lakin direktor üçün bu deyilənlərin ciddi faktor olmasına baxmayaraq müavininin xahişi əsasında sənədləri Bahar xanıma göndərilməsi direktor tərəfindən təmin edilmir.

Əslində məktəb direktoruna şagirdin hansı məktəbə qoyulduğu bildirildikdən sonra direktor qanuni olaraq həmin şagirdin sənədlərini rəsmi qaydada adı çəkilən məktəbin direktoru ilə rabitə yaradaraq göndərməlidir. Lakin azyaşlı şagirdin distant təhsildən bilərək yayılması şəraitinin yaradılması planın olması üçün bu qeyd edilənlər həyata keçirilmir. Distant təhsil Azərbaycanda 9 illik təhsil sistemi üçün vacib amildir. Və 9 illik təhsil Respublika qanunlarına görə məcburdur. Bəs Fərid Hüseynov hansı səbəbdən Suraxanı məktəbinə qəbul edilən və ölümlə hədələndiyi üçün rayona daxil ola bilməyən xanıma məcbur edirmişki gəlməlisən özün.
Bahar xanım qeyd edir ki, telefonda yalvardım Fərid müəllim qeyri bir insana etibarnamə verim gəlsin o sənədləri sizdən götürüb gətirsin. Lakin Fərid Hüseynov inadla etdiyim təkliflərin heç birini qəbul etmədi. Odur ki, məcburiyyət qarşısında qızlarımı özəl olan bir təhsil ocağında təhsildən yayınmaması üçün ödənişli hazırlıqlara təhkim etdim. BU gün isə mənə məlum olub ki, mən guya azyaşlı qızlarımı distant təhsildən yayındırırmışam. Məhtərəm hakim bu qətnaməni qəbul edərkən heç vicdanızın səsinə qulaq asdınız? Yoxsa tanışlıq və gizli keçirilən məhkəmə oyunlarınız düşündünüzki ananın vecinə olmayacaq və uşaqlarının əlindən alınması onun ürəyincə olacaq? BU hansı təvəkür, düşüncə tərzidir ki, bir ananın övladlarında bu qədər asan vaz keçəcəyin düşünmüsünüz!
Bu gün redaksiyamıza saatlarla dərdin danışan və çox dinlənilməyə ehtiyacı olan ananın fəryadı iki qızının sinəsindən qoparılan yara olduğu aydın bilinir. Bahar Cəbiyevanın həyat hekayəsinə qulaq asdıqda özünü dərk etdiyi gündən valideyn dayağının olmadığı əksinə onlar tərəfindən 15 yaş özündən böyük şəxsə zorla ərə verilməsi daha sonra bu evlilikdən olan iki körpəsinin zorla əlindən qanunsuz yollarla alınması bir roman əsəridir desəm yanılmaram. Bu dediklərim həqiqətəndə şərqdə-qərbdə cənubda-şimalda görünməmiş acı həqiqətləri pzündə əks etdirir.
Həmçinin qeyd edək ki, Bahar Cəbiyevanın Masallı rayon Polis idarəsində ölümlə hədələnməsi, təhdidləri ilə bağlı rəsmi ərizə müraciəti mövcudur. Müraciət teleqram vasitəsi ilə ünvanlanmışdır. Öncədən Polis idarəsində verdiyi ərizəsində də Bahar xanım qeyd edib ki, əgər mənim sağlamlığıma hər hansı təhlükə törənərsə məsuliyyəti kimlər daşıyır. Ərizənin tam mətnini yazmaq niyyətindədə deyilik. Lakin məlumat xarakterli olaraq qeydləri sizlər çatırmağı özümüzə borc bilirik hörmətli dövlət orqanları. Gerisi sizə qalıb nə vaxt hansı saatda məsələyə tam təminatlı yanaşacaqsız…
Məsələnin o qədər dərin və bir o qədərdə qanunsuzluqlarla dolu olması bu məsələnin gündəmdə qalmasının vacibliyin üzə çıxarmışdır. Odur ki məsələ ilə bağlı silsilə olaraq məqalələrimizi oxumağınızı haqq səsini çıxaran xanıma hər kəsin dəstək olmasını gözləyirik.

TuranTv.Az

 

Əsrlər boyu itaətlə xidmət etdiyi Rusiyadan kənarlaşmaqda meylli olan Ermənistan Qərbə doğru sürətlə getdiyini deyir. Amma erməniləri ciddi problem gözləyir: Moskva ilə əlaqələr sərinləşəndən sonra Ermənistan yalnız özünə güvənə bilər: Qərb həmişə olduğu kimi, yalnız "güzəştli kredit"lər, siyasi bəyanatlar və dəstək mesajları ilə kömək edəcək.

Yenixeber.org: Ermənistanla əlaqələrin minimallaşdırılmasına, əslində, Rusiya da hazır deyil.

Rəsmi Moskvanın, habelə rusiyalı siyasətçilərin, təbliğatçıların, siyasi şərhçilərin Ermənistanın baş naziri Nikol Paşinyana ünvanlanmış qəzəbli açıqlamalarına rəğmən, Rusiya hazırda Ermənistanla mövcud olan siyasi, iqtisadi, hərbi-texniki əlaqələri zəiflətməkdə, Cənubi Qafqazdakı geosiyasi təsir rıçaqları arasında ən önəmlisini itirmək fikrində deyil.

Rusiya bilir ki, Ermənistana iqtisadi və maliyyə təzyiqləri göstərməyə başlayaraq pressinqə keçərsə, İrəvandakı hakimiyyətə son təsir imkanlarından könüllü əl çəkmiş olacaq.

Nikol Paşinyanın Ermənistan parlamentində çıxış edərkən MDB ölkələrinin Kollektiv Təhlükəsizlik Müqaviləsi Təşkilatında (KTMT) fəaliyyətlərini de-fakto "dondurduqlarını, amma zərurət yaranarsa, fəaliyyəti de-yure dayandıra biləcəklərini" söyləmişdi.

Daha sonra o, İrəvandakı "Zvartnots" hava limanında sərhəd-buraxılış nəzarəti funksiyalarını həyata keçirən rusiyalı sərhədçilərin aeroportdan çıxarılacaqlarına işarə vurdu. Halbuki "Zvarotnots"da Ermənistana gələn və ölkədən gedənləri erməni sərhədçilərlə polislər yoxlayırlar.

Bununla belə, N.Paşinyan Rusiyanın Gümrüdəki 102-ci hərbi bazası və ya Ermənistan-Türkiyə sərhədini qoruyan rusiyalı sərhədçilər barədə bir kəlmə də deməyib.

Baş verənləri şərh edənlərin bəziləri rəsmi İrəvanın Moskvanın əsəbləri ilə oynadığını, bəziləri Rusiya ilə münasibətlərdə yarana biləcək riskləri əvvəlcədən müəyyənləşdirməyə çalışdığını, bəziləri isə Paşinyanın Fransadan aldığı təlimatları yerinə yetirdiyini söyləyirlər.

Ehtimalların heç biri doğru deyil.

Ermənistan dövlət müstəqilliyi qazandığı ilk gündən Rusiyanın satelliti, Cənubi Qafqazdakı forpostu hesab olunub. Halbuki reallıq tam fərqlidir: Cənubi Qafqazda Rusiya üçün əlahiddə və xüsusi önəm kəsb edən ölkə Azərbaycandır.

Əslində Ermənistanın özündə də həmişə anlaıblar ki, Azərbaycanla hərbi əməliyyatlar olacağı təqdirdə Bakı ilə xüsusi münasibətlərə malik Moskva həmin təmasları riskə ataraq İrəvana açıq yardım etməyəcək.

Nikol Paşinyanın administrasiyası 2018-ci ildən sonra əvvəlcə özünü, sonra da erməniləri bunun əksinə inandırmaqla məşğuldu. İrəvan əmin idi ki, hərbi əməliyyatlar olarsa Rusiy mütləq şəkildə KTMT çərçivəsində və 1997-ci ildə Ermənistanla imzalanmış müttəfiqlik anlaşmasına uyğun olaraq ermənilərə yardım edəcək, Azərbaycana qarşı döyüşə rusiyalı hərbçiləri yollayacaq.

2018-2020-ci illərdə Ermənistanın Azərğaycana qarşı ifrat aqressiv münasibəti, provokasion bəyanatları, sonda da Paşinyanın Şuşada sərxoş vəziyyətdə rəqs etməsi və "Qarabağ Ermənistandır və nöqtə" deməsi məhz bəhs etdiyimiz vəsilələrlə bağlı olan hadisələr idi.

Nikol Paşinyanın ən böyük, strateji səhvi də budur.

KTMT-nin nizamnaməsində NATO anlaşmasının 5-ci maddəsinin analoqu yoxdur. Bundan başqa, elə həmin 1997-ci ildə Rusiya Azərbaycanla analoji müqavilə imzalamışdı. Maraqlıdır ki, Moskva və Bakı arasında imzalanmış müqavilənin 5-ci maddəsində deyilir: "Sənədi imzalayan tərəflər separatizmi onun istənilən halında pisləyir və separatçı hərəkatları dəstəkləməməyi öhdələrinə götürürlər". Yəni hətta formal olaraq, de-yure qaydada Ermənistanla Rusiya arasında hansısa əlahiddə, eksklüzim müttəfiqlik münasibətləri barədə danışmağa belə, dəyməz.

Di gəl, Ermənistan hakimiyyətində, siyasətində və cəmiyyətində belə mif davranışlarla şüurun əsasını təşkil etməyə başladı. Ermənilər hələ də inamla və qətiyyətlə iddia edirlər ki, Rusiya Ermənistanın təhlükəsizliyinin təminatı ilə bağlı məsələlərdə qırmızı cizgiləri keçə bilməz.

Onillər ərzində Ermənistanda bu mifə sidq-ürəklə inanırdılar.

Niyə də yox?

Rusiya Ermənistana silah, sursat və hərbi teznika verirdi, Qarabağ məsələsində İrəvna sərt təzyiqlər göstərmirdi.

İş o yerə çatmışdı ki, Ermənistan cəmiyyəti, siyasi elitaları və siyasəti ölkənin Cənubi Qafqazda Rusiyanın forpostu olması ilə qürrələnirdilər.

Halbuki sahibi forpostu inkişaf etdirmirlər, gül-çiçəkli, gözəl məkana çevirmir.

Forpost tikanlı məftillərlə əhatə olunur - siyasətin və həyatın qanunu belədir.

Amma nə olsun: Ermənistanda heç nə dəyişməyib.

Səbəblər çoxdur, amma onların arasında ən əsası budur ki, erməni sosial və siyasi mifologiyasında, uydurma yaşam modelində Rusiyam mövzusu arxa plandadır.

Ən önəmli məqam ermənilərin şüurunda əsrlərdən bəri hakim olan və ekzistensial təhlükələrdən bəhs edən betonlaşmış mifdir. Uydurma “faciəli tarix” və “əsrlərə qarışan qüdrət”lə bağlı yalanlar üzərində qurulmuş rəvayətlər erməni identikliyinin az qala əsasını təşkil etməklə yanaşı, Ermənistandakı təhsilin və tədrisin, kütləvi mədəniyyətin bazisini formalaşdırır.

Həmin motiv sonucda Ermənistan sakinlərinin kütləvi şüurunda bölgə ilə yanaşı, dünyada yaşananların qavramı ilə təhlilini müəyyənləşdirir.

Ermənilər üçün o mifə işləyən nə varsa, yaxşıdır. Hansısa xalq, dövlət və ya təşkilat suverenlik, ərazi bütünlüyü və sərhəd toxunulmazlığı məsələlərində Azərbaycanın mövqeyini anlayaraq dəstəkləyirsə, ermənilər bunu özlərinə qəsd sayırlar.

İndisə Paşinyan hakimiyyəti öz aləmində ehtiyatla Qərbə doğru hərəkət edir, Rusiya ilə əlaqələrin aktivliyini və intensivliyini azaldır.

Moskva da İrəvana cavab variantlarını seçməklə məşğuldur. Həmin variantlar o qədər çox deyil. Ermənistandan Rusiyaya yeganə yolun keçdiyi, Gürcüstan-Rusiya sərhədindəki Yuxarı Lars sərhəd-keçid məntəqəsinin müxtəlif səbəblərdən sürəkli qapadılmasına ermənilər artıq öyrəşiblər.

Belə qapanmalar Ermənistan üçün fatal deyil, üstəlik Rusiya onların sayını ifrata çatdıra bilməz.

Fəqət, Moskva İrəvanı cəzasız qoya da bilmədiyindən dərhal yox, tədricən və kompleks formatda təzyiqlərin seçiləcəyi şübhəsizdir.

Bir az Ermənistan ixracının məhdudlaşdırılması, bir az Ermənistana verilən təbii qazın qiymətinin artırılması, bir ax siyasi təzyiq: yəni onsuz da sürəkli nevroz və təlaş içində olan Nikol Paşinyanın gününü Moskva çox ustalıqla qaralda bilər, qaraldacaq da.

Qərbə meyllənməyə gəldikdə isə, Qərb üçün Ermənistan arzuolunan, profil aktiv deyil. Dənizə çıxışı və tranzit imkanları olan, Azərbaycanla sıx ədaqələrə malik Gürcüstan belə, hələ də Avropa İttifaqının və ABŞ-ın diqqətini arzuladığı formada cəlb edə bilməyib.

Ermənistan Qərb üçün Cənubi Qafqazda yerli geosiyasi mozaikanın bir hissəsi olaraq qalır.

Rusiyanın təsirindən qurtulmaqla bağlı Fransanın və ümumiyyətlə, Qərbin ruhlandırıcı bəyanatları, AŞPA-nın Azərbaycana qarşı qətnamələri, Avropa İttifaqının Ermənistandakı Müşahidə və Monitorinq Missiyası (EUMA) - bütün bunlar Rusiya ilə qarşıdurmaya başlayan Nikol Paşinyan hakimiyyətinə həm də erməni seçicilərin nəzərində gözdən düşməmək üçün edilən mənəvi dəstəkdir.

Rusiyanın “Ermənistanı müdafiə” rəvayəti mif olsa da, əsasında nəzəri də olsa, hansısa mövcudluq məqamları vardı.

Fransa, Hindistan, Avropa İttifaqı və ya NATO ermənilərə heç bu mifi də təklif etmək istəmirlər.

Ukraynadakı hərbi əməliyyatları və təbii ehtiyatlar resursları qıtlığını nəzərə alsaq, istəməyəcəklər də.

Doğrudur, Fransa ermənilərə təhlükəsizliyin təminatı sistemini dəyişəcəyini, Ermənistana hamilik göstərəcəyini vəd edir: lakin bütün bunlar nəinki bu günün, heç orta perspektivin məsələləri və riskləri deyil.

Ermənistan rəhbərliyi və sakinləri hələ də dərk etmirlər ki, təhlükəsizlik sisteminin ən effektiv variantı Cənubi Qafqazda sülh və stabillikdir.

Bunun üçünsə İrəvan ilk əvvəl Azərbaycan, sonra Türkiyə ilə problemləri nizamlamalı, miflərindən və uydurma rəvayətlərindən əl çəkməlidir.

Qərb bu işdə Ermənistana yardım etməsə də, maneələr də yaratmayacaq.

Əsas odur ki, Nikol Paşinyan şüur dumanından çıxa bilsin.(Trend)

Kəlbəcərdən olan keçmiş məcburi köçkün Pərviz Rəşid oğlu Əsgərov Prezidentdən kömək istəyir.

Dia-az.info-nun xəbərinə görə, Prezident İlham Əliyevə müraciət edən Pərviz Əsgərov iddia edır ki, 2016-cı ildə Mingəçevir şəhərində Su elektrik stansiyasında “YAPSAN” şirkətindən iş götürüb. 2 il öz briqadası ilə həmin şirkətdə tikinti işində çalışıblar. “YAPSAN” şirkətinin rəhbəri Rəşad Şirinov 2018-cı ilə kimi onlara çatacaq məvacibi vaxtı-vaxtında ödəyib.

2018-ci ildən sonra Rəşad Şirinov bildirib ki, Emin Qurbanov tərəfindən şirkətə pul köçürülmədiyi üçün o da onlara çatacaq məvacibi ödəyə bilmir. Bu barədə Emin Qurbanova edilən müraciətlər nəticəsiz qalıb:

“Cənab Prezident! Artıq çıxılmaz durumda qalmışam. Tərəfimdən “YAPSAN” şirkətində işə cəlb edilən adamlar məni təhdid edir, haqlı olaraq maaşlarını istəyirlər. Hazırda 86.000 manat əməkhaqqı və 117.000 manat isə tikinti materialına ödəniş borcum var. Vətəndaş olaraq ümidim Sizədir. Məvacibin ödənilməsi üçün lazımi göstəriş verməyinizi Sizdən xahiş edirəm!”, deyə o müraciətində bildirir.(Dia-az.info)

Gundemxeber.az-ın əldə etdiyi məlumatlaradan, video-çəkilişdən aydın oldu ki, Masallı Rayon İcra Hakimiyyəti başçısının Masallı şəhər üzrə nümayəndəsi Muradov Nazim Abusət oğlu, həm üçrəngli Azərbaycan bayrağına hörmətsizlik edir, həm də media qurumlarının əməkdaşlarına qarşı sui-qəsd etmək planı düzüb qoşur. Baş verən olayla bağlı yayımlanan çəkilişi gördükcə, sanki özözlüyümüzdə dəhşətə gəldik. Yəni, həmin çəkilişdən görünür ki, şəhər üzrə nümayəndə Nazim Muradov üçrəngli Azərbaycan bayrağını rəhbərlik etdiyi inzibati binada yağış sularının axıdılması üçün nəzərdə tutulan su-boru xəttinə bağlatdırmış və belə bir səbəbdən də, bayrağımız olduqca yarasız görkəmə düşmüşdür. Sual oluna bilər ki, görəsən Masallı rayonunda strateji bir sahəyə rəhbərlik edən bu şəxsin, üçrəngli Azərbaycan bayrağına nifrət etməsinə səbəb nədir? Məgər, həmin bayrağı şəhər üzrə nümayəndəliyin giriş qapısının üst hissəsinə, yaxud da binanın daha görkəmli yerinə asmaq olmazmı? Yəqin ki, olar! Deməli, xalqımızın qanı-canı bahasına əldə etdiyi və bu gün də qoruyub yaşatdığımız üçrəngli Azərbaycan bayrağının, Nazim Muradovun rəhbərlik etdiyi şəhər üzrə nümayəndəliyin binasında çirkab sularının axıdılması üçün nəzərdə tutulmuş su-boru xəttinə bağlanmasının hansısa səbəbi var. Bu haqda geniş ictimaiyyət məlumatlı olmasa da, yəqin ki, şəhər üzrə nümayəndə lazımınca məlumata malikdir ki, o, bayrağımıza qarşı belə bir hörmətsizliyin olmasına göz yumur.

Digər tərəfdən, Nazim Muradovun Azərbaycan bayrağına qarşı qol qoyulan hörmətsizliyi ictimailəşdirən media qurumunun Çinarə adlı xanım əməkdaş(lar)ına qarşı sui-qəsd edəcəyi ehtimalı da, məhz ortaya düşündürücü sualların çıxmasına səbəb olur. Yəni, həyata keçirilən çəkilişdən görünür ki, xanım əməkdaş danışığı zamanı dönə-dönə bildirir: “Biz Nazim Muradov tərəfindən həyatımıza ola biləcək zoraklıqların, sui-qəsdin qarşısının alınması üçün, ilk öncə DİN-nin 102 xidmətinə zəng etməyə, daha sonra isə polis əməkdaşlarının köməyindən istifadə etməyə məcbur olduq”. Bəli, çəkiliş xanım jurnalistin söylədiklərini tam şəkildə təsdiq edir. Deməli, polis əməkdaşlarının qətiyyətli addımları olmasaydı, o halda xanım jurnalistlərin həyatları hansısa acı sonluqla nəticələnərdi. Bütün bunlar onu söyləməyə əsas verir ki, Masallı RİH başçısının Masallı şəhər üzrə nümayəndəsi Nazim Muradovda nə vətən, nə xalq, nə də ki, üçrəngli bayrağımıza qarşı sevgi hissi formalaşmayıb. Belə olan halda, görəsən bu şəxsin strateji bir sahəyə rəhbərlik etməsinə nə dərəcədə mənəvi haqqı çatır? Yəqin ki, yox! Görünən dağa nə bələdçi?!
Daha ətraflı video görüntüdə izləyə bilərsiniz.

Ağstafa rayonunun sakinləri həkim çatışmazlığından əziyyət çəkir. Bu barədə dia-az.info-ya daxil olan müraciətdən anlaşılır.

Onların sözlərinə görə, xüsusən ultrasəs müayinəsi edən radioloq həkimlərin azlığı günlərlə növbə gözləməyə səbəb olur.

Sakinlər adından dia-az.info-ya daxil olan müraciətdə daha sonra deyilir:

“Ağstafa Mərkəzi Xəstəxanasında ultrasəs müayinə aparatı yoxdur, həmçinin həkim də yoxa çıxır.

Bizə Qazax rayonuna getməyimizi deyirlər. Oraya getdiyimiz zaman isə həkim tapa bilmirik”.

“Nə Azərbaycan Kinematoqrafçılar İttifaqını, nə onun qurultayını, nə də yeni rəhbərliyi qəbul etmirəm”.

Bunu “Qaynarinfo”ya açıqlamasında Xalq artisti Tariyel Qasımov deyib. Aktyor Rusiya Kinematoqrafçılar İttifaqının üzvü olduğunu qeyd edib: “Rasim Balayevi sədr kimi qəbul etmirəm. Nə qədər ki, Rasim Balayev həmin ittifaqdadır, mən orada yoxam”.

Tariyel Qasımov Xalq artisti Rasim Balayevin bundan əvvəlki illərdə ittifaqa rəhbərliyini belə qiymətləndirib: “Rasim Balayev ittifaq sədri oldu, həmin illərdə nə iş görmüşdü ki, hələ bir yenidən də seçsinlər. Mən onların vəsiqəsini atmışam, nəyimə lazımdır. Əgər onu qəbul etmirəmsə, vəsiqəsini niyə gəzdirim. Açığı, mən Şəfiqə Məmmədovanın da ittifaqını qəbul etməmişəm. Onların heç biri sədr postuna layiq deyil”.

Xatırladaq ki, martın 6-da ikiyə bölünmüş Kinematoqrafçılar İttifaqı birləşib. Yeni yaradılan kino ittifaqının sədri vəzifəsinə Xalq artisti Rasim Balayev təsdiq edilib.

Azərbaycan Kinematoqrafçılar İttifaqının İdarə Heyəti təsdiq edilərkən heç də hamının yeni qurumdan razı olmadığı üzə çıxıb.

İdarə heyətinin tərkibində Xalq artisti Şəfiqə Məmmədova, Xalq artisti Vaqif Mustafayev, Xalq yazıçısı Anar da daxil olmaqla, 30-dan çox şəxsin adı təsdiqlənib.

Xalq artisti, rejissor Oqtay Mirqasımova idarə heyətində təmsil olunması təklif edilsə də, o, birləşmənin əleyhinə olub.

“Bu birləşmə dağıdıcı proses ola bilər. Burada bizim sədrimiz və idarə heyətimiz oturub. Yuxarı orqanlara müraciət etmişik ki, səsvermə şəraiti bərabər deyil. Biz istədik ki, Azərbaycan mentallığı ilə səsləşən bir səsvermə aparaq”, - deyə Oqtay Mirqasımov bildirib. Bu zaman qalmaqal yaşanıb, belə ki, qurumun üzvlərindən biri Xalq artistinin fikirlərinə müdaxilə edib. Oqtay Mirqasımov isə “sən mənim sözümü niyə kəsirsən?” deyərək, sərt etirazını bildirib.

Eləcə də Şeyx Əbdül Mahmudovun adı idarə heyəti üçün təklif edilib. Lakin o özü bundan imtina edib. “Belə idarə heyəti heç kimə lazım deyil. Hər kəsə uğurlar arzulayıram. Könüllü surətdə üzvlükdən imtina edirəm”, - deyə Şeyx Əbdül Mahmudov bildirib.

Rejissor Zamin Məmmədov isə idarə heyəti seçkisindən narazı olduğunu deyərək, ümumiyyətlə, üzvlükdən çıxdığını bəyan edib.

Rasim Balayev isə bütün bu etirazlarla bağlı “Yeni Müsavat”a açıqlamasında münasibət bildirib: “Əgər kino çəkilərsə, həmin sənətkarların başı kinoya, işə qarışar. Bütün bunlar bekarçılıqdandır. İş olmayanda biri o birisinə sataşır, digəri o birinə söz atır və sairə. İş olan yerdə söz-söhbət də az olur”.

Beləliklə, kino ittifaqları birləşdi, amma yenə narazılar var. Səbəb nədir? Bundan sonra kinoçular bir araya gələ biləcəkmi?

Məsələ ilə bağlı Xalq artisti Afaq Bəşirqızı “Yeni Müsavat”a danışıb: “Rasim Balayev bundan sonra qazandığı hörməti xalq üçün xırdalamalıdır. Prezident Rasim Balayevin xətrini çox istəyir. Ola bilər ki, hansısa məsələ ilə bağlı zəng etsin, bu zaman deyə biləcək ki, "mən Rasim Balayevəm". Bu nöqteyi-nəzərdən Rasim Balayev bir çox işləri həll edə bilər. Mən demirəm ki, Rasim Balayev kino sahəsini “beşbarmağı” kimi bilir, onu deyirəm ki, hər halda, Rasim Balayev hörmətli şəxsiyyətdir. O, şəxsiyyətini camaat, xalq üçün işlətsə, məncə, məsələlər öz həllini tapar. O ki qaldı Oqtay Mirqasımov, Tariyel Qasımovun fikirlərinə, onlar məgər indiyə qədər kino üçün nə edə biliblər? Yaxşı, Tariyel Qasımov aktyor kimi filmə çəkilib, bəs Oqtay Mirqasımov nə edib?"

“Bundan sonra da kino sahəsində sənətkarlar bir araya gələ bilməyəcək” sualına xalq artisti bu cür cavab verdi: “Ümumiyyətlə, kinomuzun gələcəyi ilə bağlı hələ ki heç nə görmürəm. Bu sistem yenidən qurulmalıdır. Amma yenidən qurulma da o demək deyil ki, Rasim Balayevi çıxardıb, yerinə Vaqif Mustafayevi və yaxud Afaq Bəşirqızını qoysunlar. Azərbaycan kinosunun konsepsiyası olmalıdır. Ayıbdır! Müharibəni bitirdik, qələbə qazandıq, hələ də Qarabağ haqqında film yoxdur. Yalnız "Fəryad" filmi var. Bir də ki, nə zaman sənətkarlar, incəsənət xadimləri bir masaya toplandı? Şəxsən məni həmin konfransa dəvət etməmişdilər, dəvətnamə gəlməmişdi. Çünki bilirlər ki, qalxıb danışacaqdım, ona görə..."

Bu gün bütün dünyada 8 Mart – Beynəlxalq Qadınlar Günü qeyd olunur. 8 Mart - iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günüdür.

Beynəlxalq Qadınlar Gününün bayram edilməsi Klara Setkinin təklifi ilə 1910-cu ildə sosialist qadınların 2-ci Beynəlxalq konfransında (Kopenhagen) qərara alınıb.

Dünyanın bir çox ölkələrində 8 Mart məhz çalışan, əməkçi qadınların günü kimi qeyd olunur. İlk dəfə 1911-ci ildə Almaniya, Avstriya, İsveçrə və Danimarkada, 1913-cü ildə isə Rusiyada bu gün qeyd edilməyə başlanılıb. 1975-ci ildə BMT tərəfindən 8 Mart Beynəlxalq Qadınlar Günü kimi elan edilib.

Azərbaycanda bu bayram 1917-ci ildən mütəmadi qeyd edilməyə başlanılıb.

1998-ci ildə Azərbaycanda Ailə, Qadın və Uşaq Problemləri üzrə Dövlət Komitəsi də yaradılıb. Azərbaycan həm də Avropa Şurasının qadınlarla bağlı bürosunda təmsil olunur, BMT-nin qadın məsələləri üzrə komissiyasının tam hüquqlu üzvüdür.

1995-ci ildən isə ölkəmiz qadınlara qarşı münasibətdə ayrı-seçkiliyin bütün formalarının aradan qaldırılması haqqında beynəlxalq konvensiyaya qoşulub.

8 Mart-Beynəlxalq Qadınlar günü Azərbaycanda qeyri-iş günü elan olunub.

"BakTelekom", səni zəlil qalasan! Yanvarın sonundan əvvəlki internet provayderlə müqaviləni dayandırıb, bunlarla müqavilə imzalamışıq. Kefimizdən deyil, əlbəttə. Yaratdığı problem üzündən. Düz deyiblər, pisi görməsən yaxşının qədrini bilməzsən. Aya 40 manat ödədiyimiz "BakTelekom" üst-üstə elə 40 gün xidmət göstərir. Bu 40 gündə 40 dəfə gəlib-gediblər. İki dəfə modem dəyişiblər, indi üçüncü modem dalınca gediblər görək məsələni həll edə bilirlərmi? Təsəvvür edin, saat 16.00-da LAF TV-də canlı yayıma çıxmışıam. 5-6 dəqiqədən sonra baxdım ki, internet getdi. Söz ağzımda qaldı. Saat 5-ə qalmış adam göndəriblər. Düz iki saatdır bu adam əlləşir-vuruşur nə baş verdiyini anlamır. Soruşuram ki, heç olmasa bir ehtimalın varmı? Deyir, yox, hələ ömrümdə belə problem görməmişəm. Məsələ burasındadır ki, " müdir" dediyi xəttin o başındakı adam da heç nə bilmir. Onun da internetdən xəbəri yoxdur. Ciddi-ciddi soruşuram ki, bəlkə falçı -zad çağıraq? Elə üzümə baxır.
İndi gedib ayrı modem gətirməyə. Mən də oturub gözləyirəm. Normal ölkələrdə yəqin bu şirkətin əməkdaşlarını fermaya göndərərdilər get təbiətin qoynunda qoyun-quzu otar deyə. Bizə isə məsləhət görərdilər ki, məhkəməyə ver, təzminat al.
Hələ gözləyirəm.
P.S. Bu ölkədə deyəsən bir Nazirlik də var, nazir də. Onlardan soruşuram: interneti hardan alaq???

Ləman Ələşrəfqızı - LAF TV-nin rəbəri
dia-az.info