Bir qrup Ucar sakini yerli Təhsil Sektorunun müdiri Rahib Burcəliyevdən şikayətçi düşüblər. JAMAZ.İNFO-ya göndərdikləri məktubda qeyd edirlər ki, Burcəliyev yarıtmaz fəaliyyələ məşğul olduğu üçün şagirdlər və valideyinlər çox əziyət çəkirlər.

Həmin şikayətdə deyilir ki, Ucar şəhər 1 nömrəli Texniki-Humanitar fənlər təmayüllü Məktəb-liseyində qızdırıcı sistemi düzgün işlədilmədiyi üçün sinif otaqlarında şagirdlər soyuqdan donurlar. “İstifadə edilən kombi qıcdırıcıları sinifləri isitmədiyi üçün şagirdlər otaqda palto və papaqla əyləşirlər. Oxşar acınacaqlı vəziyyət Ucar şəhər 4 №-li, 5 №-li, 6 №-li və digər tam orta məktəblərdə mövcuddur”.

Şikayətçiləri yazırlar ki, Ucar rayon üzrə Təhsil Sektorunun müdiri Rahib Burcəliyev problemin həlli üçün heç bir tədbir görmək istəmir. “Baxmayaraq ki, valideyinlər bu acınacaqlı vəziyyətdən hər gün şikayətlər edirlər”.

Onlar daha sonra qeyd edirlər ki, həmin məktəblərdə müasir tipli kombi qızdırıcı sistemi var. Lakin həmin istilik sisteminin qazla işlədilməsi nəzərdə tutulsa da, Rahib Burcalıyevin göstərişi ilə dizel yanacağı ilə əvəzlənib. “Nəticəsə, sistem pozulub və istilik vermir. Bunu isə ona görə etdirir ki, sayğac yazdığı üçün işlədilən qaza kələk gələ bilmirlər. Ancaq işlədilən dizel yanacağını şişirdərək ayrılan pulu talan edə bilirlər”.

Ucar sakinləri onu da iddia edirlər ki, orta məktəblərdə qızılca xəstəliyi də tüğyan edir. “Bunun qarşısını almaq üçün heç bir addım atılmır”.

Şikayətçilərin yazdığına görə, Rahib Burcaliyev Ucar rayonu üzrə Təhsil Sektoruna müdir vəzifəsinə təyin ediləndən sonra rayonda taksi fəaliyyəti ilə məşğul olan Etibar adlı şəxsi özünə köməkçi təyin edib. “Elementar savadı olmayan Etibar adlı keçmiş taksi sürücüsü Rahib Burcalıyevə talançılığı həyata keçirməkdə yaxından köməklik göstərir. Bu səbəbdəndir ki, məktəb direktorlarından aylğı Etibar adlı keçmiş taxsi sürücüsü yığır”.

Onlar sonda dövlət başçısından kömək istədiklərini bildiriblər. Xahiş ediblər ki, məsələ ilə bağlı tədbir görülməsi üçün Ucar rəhbərliyinə göstəriş verilsin.

Xatırladaq ki, sözügedən şikayətçilər Ağayev Mahir Məhəmməd oğlu, Dadaşov Müşfiq Şakir oğlu, Səfərov Zahid Mikayıl oğlu, Kərimova Mətanət Rasim qızı, Rəhimova Bənövşə Qasım qızı və Nəsirova Nəzrin Vahid qızıdır.

Fövqəladə Hallar Nazirliyində kütləvi istefalar gözlənilir.

AzToday.az-a daxil olan məlumatlarda iddia olunur ki, nazirliyin əsasən yanğından mühafizə dəstələrində maaşların az olması və rəhbərliyin şərtləri ağırlaşdırması səbəbindən yüzlərlə işçi başqa işə keçmək fikrindədir. Artıq zabit heyətindən bir-neçə nəfərin qurumu tərk edib.

Nazirlikdə işçilər üçün şərtlərin ağırlaşması səbəbi kimi ötən il qurumda yaşanan erotik olayları göstərən mənbə qeyd edir ki, nazir Kəmaləddin Heydərov faktiki olaraq müavinlərini idarəçilikdən uzaqlaşdırıb. Hazırda FHN-də əsas söz sahibi olan idarə daxili təhlükəsizlik idarəsidir. Bu idarəyə isə Lənkəranın icra başçısı Taleh Qaraşovun oğlu Seymur Qaraşov rəhbərlik edir. Seymur Qaraşovun nazirlikdə “at” oynatması və nazirliyin başqa qurumlarının işinə birbaşa müdaxilə etməsi ciddi narazılıq yaratmaqdadır.

Mənbə qeyd edir ki, Seymur Qaraşov nazirlikdə idarə rəisi təyin olunan kimi hətta vaxtilə birgə işlədiyi iş yoldaşlarını belə vəzifələrindən uzaqlaşdırıb. Məsələn, Lənkəran rayonun yanğından mühafizə şöbəsinin rəisi Saleh Ağayev və Elşən Bağırovun Seymur Qaraşovun səyləri nəticəsində işdən çıxarıldığı yayılan məlumatlar sırasındadır.
2006-cı ildə yaradılan Fövqəladə Hallar Nazirliyinə indiyə qədər rəhbərlik edən Kəmaləddin Heydərovun işçilərini niyə narazı saldığının səbəbi məlum deyil. Bu arada yayılan məlumatlarda bildirilir ki, el arasında daha çox kasıblara və ətrafına şərait yaradan məmur kimi tanınan Kəmaləddin Heydərovun nazirlikdə ciddi kadr dəyişiklərinə hazırlaşır…(AzToday.az)

Yasamal rayonunda piyada səkilərinin zəbti davam edir. Rayonun əksər küçlərində olduğu kimi indi də Zivər bəy Əhmədbəyov küçəsində səkilər tamamilə zəbt edilir. Piyadalar, ən pisi isə məktəblilər avtomobil yolu ilə hərəkət edir.

Tribunainfo.az-a fotolar göndərən sakinlər bildirib ki, Yasamal rayonunda bütün səkilər ya qanunsuz olaraq satılıb, ya səkilərdə obyekt tikilib, ya da avtomobil parklanması üçün istifadə edilir.
Zivər bəy Əhmədbəyov küçəsi boyunda boş səki tapmaq mümkün deyil. Burada piyadalar uzun bir məsafəni avtomobil yoluna çıxaraq qətt etməli olurlar. Səkinin bir hissəsində böyük bit tikili yerləşir. Ondan sonra səkinin böyük bir hissəsi maşınlar üçün parkin yeri olaraq ayrılıb. Ardınca isə səkinin böyük hissəsini zəbt etməklə dəmir hasar vurulub ki, bu da hərəkəti tam məhdudlaşdırır.
Sakinlər bildirir ki, səkilərin zəbt edilməsi Yasamal rayonunda adi haldır. Onlar mövcud problemlə bağlı Yasamal Rayon İcra Hakimiyyətinə dəfələrlə müraciətlər ediblər. Ancaq bütün müraciətləri cavabsız qalıb, heç bir tədbir görülməyib, təhlükəni isə aradan qaldıran yoxdur.

Culfa rayon Bənəniyar kənd sakini 85 yaşlı fermer Mehralı Mamedov deyir ki, dörd övladı ilə birlikdə heyvandarlıqla məşğul olur. O, təsərrüfatını böyüdüb, daha bir neçə ailəni işlə təmin etmək istəsə də, yerli icra hakimiyyəti buna süni maneələr yaradır. Fermer „Gündəlik Naxçıvan“a bildirir ki, hazırda min başdan artıq kiçikbuynuzlu heyvanın sayını artırmaq və planlarını həyata keçirmək üçün ona daha geniş ərazi lazımdır. Lakin, Culfa rayon İcra Hakimiyyəti onlara heç kimə ehtiyac olmayan dağlıq ərazidə icarəyə yer vermək istəmir. Bundan əlavə, heyvanları saxlamaq üçün kifayət qədər yeri olmadığı üçün, fermer hazırda ziyana düşmək təhlükəsi qarşısında qalıb.
Mehralı Mamedov deyir ki, heyvanlarını hazırda dövlət fonduna aid olan torpaq sahənsində saxlayır:
“Təssərrüfatı genişləndirmək, daha çox işçi saxlamaq, daha çox kənd təsərrüfatı məhsulları istehsal etməklə cəmiyyətə, dövlətimizə xeyir vermək istəyirəm. Amma, yerli icra hakimiyyəti buna şərait yaratmır. Adətən, insanlar münbit ərazidə yer icarəyə götürməyə çalışırlar. Mən isə heç kimə lazım olmayan, heç kimin istifadə etmədiyi dağın ərazisini icarəyə götürüb, arteizan vurmaq, elektrik xətti çəkdirmək, münbitləşdirərək təsərrüfatımı genişləndirmək istəyirəm. Bir ildir get-gələ salıblar, vermək istəmirlər. Məqsədləri nədir, anlamıram.”
Fermer bildirir ki,, səlahiyyətli nümayəndə Fuad Nəcəfli ilə görüşməsi də bu problemin həll olunmasına kömək etməyib:
„Culfa rayon İcra Hakimiyyətində müraciətimə baxılmadığı üçün səlahiyyətli nümayəndə Fuad Nəcəfli rayona gələndə, ona müraciət etdim. Qəbul etdi, elə yerindəcə problemin həllinə göstəriş verdi. Lakin, məmurlar onun sözünü saymırlar. Culfa rayon İcra hakimiyyəti də həmçinin. Mənə cəmi bir hektar yer vermək istəyirlər. Min baş kiçikbuynuzlu heyvanı bir hektar ərazidə necə saxlamaq olar? Cənab Prezidentimiz də çıxışlarında sahibkarlara dəstək verilməsini, şərait yaradılmasını bildirir. Lakin yerlərdə bunun əksinədir. İşləmək, dövlətə xeyir vermək istəyən sahibkarlara problem yaradılır”.

Nazirlər Kabineti 29 mart 2023-cü ildə istehsal müddəti 10 ildən çox olan minik avtomobillərinin Azərbaycana gətirilməsini qadağan edib. 94 saylı qərar dərc edildikdən 30 (otuz) gün sonra qüvvəyə minib.

Nazirlər Kabineti (NK) qərarına dair izahında müxtəlif səbəblər göstərib. Səbəblər sırasında ətraf mühitin qorunması, avtonəqliyyat vasitələrindən atmosfer havasına atılan zərərli maddələrin miqdarının azaldılması və ekoloji vəziyyətin yaxşılaşdırılması da var.

Qərarın qəbulunda insanların həyat və sağlamlığı əsas götürülür. Amma bu qərar, Nazirlər Kabinetinin izahında göstərildiyi kimi, Azərbaycan vətəndaşlarının heç də hamısının həyat və sağlamlığına müsbət təsir etmir. Əksinə, Dövlət Gömrük Komitəsinin NK-nın qərarını əsas gətirib yaratdığı süni problemlər bəzi insanların əsəblərini tarıma çəkir, sağlamlıqlarına zərbə vurur, üstəlik, onları müflisləşdirir.

Hazırda Azərbaycanın xeyli sayda vətəndaşı Gömrük Komitəsinin yaratdığı süni problemlərdən və özbaşınalıqlardan əziyyət çəkir. Bunu onların müxtəlif KİV-lərə göndərdikləri şikayət məktubları da təsdiqləyir.

Qusar rayon sakinləri də Gömrük Komitəsinin yaratdığı problemlərlə üzləşiblər. Rayon sakinləri Eduard Əlibalayev, Xədicə İsayeva və Ramin Vəlibəyov Reyting.az-a yazıblar ki, Koreyadan aldıqları avtomobilləri Azərbaycana gətirə bilmirlər, Gömrük Komtəsi əsassız olaraq buna imkan vermir.

Onların aldığı 4 ədəd “KİA Sorento” marakalı avtomobil xeyli müddətdir Gürcüstan ərazisində qalıb və ödənişli dayanacaqlarda saxlanılan avtomobillər üçün sahibləri əlavə maliyyə ödəmli olurlar ki, bu da vətəndaşlarımızın zərərinədir.

Gömrük Komitəsi avtomobillərin ölkəyə buraxılmamasına səbəb kimi NK-nın məhdudiyyətini əsas gətirsə də, gömrükçülərin əsaslandırması məntiqli deyil, qərarla ziddiyyətli məqamları və sui-istifadə halları var.

Avtomobillər ölkə xaricində alınarkən həmin ildə istehsal edilmiş texnikanın Azərbaycana gətirilməsinə hər hansı qadağa olmayıb. Azərbaycan vətəndaşları onları aldıqdan sonra isə istehsal müddəti 10 ili keçmiş avtomobillərin ölkəmizə gətirilməsi qadağan edilib. Hansı ki, həmin vaxt artıq sözügedən avtomobillər Azərbaycana yola salınmışdı və onların uzaq Koreyadan gəmilər vasitəsi ilə Azərbaycan sərhəddinə - Gürcüstana gətirilməsi xeyli vaxt aparıb. Bu, avtomobillərin alınaraq Azərbaycana gətirilməsi üçün beynəlxalq səviyyədə tanınan müxtəlif sənədlərdə də əksini tapıb (Sənədlərin surəti əlavə olunur).

Həmin avtomobillərdən biri 2010-cu il, ikisi 2012-ci il, biri 2013-cü ildə istehsal edilib. 2013-cü il istehsalı olan avtomobil isə logistika problemi səbəbindən sonradan qadağaya məruz qalan avtomobillərin siyahısına düşüb. Yəni avtomobil alınarkən istehsal müddəti 10 il olmasa da, gömrükçülərin özbaşınalığı, əsassız bəhanələri, qeyri-qanuni tələbləri səbəbindən Azərbaycan ərazisinə gətirilməsi ləngiyib və bu müddət ərazində texnikanın istehsal tarixi 10 ilə çatıb.

İddia olunur ki, gömrükçülər Azərbaycan vətəndaşlarının haqlı tələblərinə - əmlaklarının ölkəyə buraxılmasına nəinki məhəl qoymur, əksinə, onlara hədə-qorxu gəlməkdən də çəkinmirlər. Hətta vətəndaşların beynəlxalq sənədləri saxtalaşdırdığını da bildirirlər ki, bu da gülüş doğurur. Çünki belə bir qanunsuzluq baş versəydi, bunu Azərbaycan gömrükçülərindən əvvəl digər ölkələrin müvafiq qurumları müəyyən edərdi. Üstəlik, bu sənədlərin üzərindəki kodları dünya logistik sisteminə daxil etməklə saxta olmadığını müəyyənləşdirmək mümkündür.

Dövlət Gömrük Komitəsinin Azərbaycan vətəndaşlarından avtomobillərin ölkəyə gətirilməsi üçün tələb etdiyi əsas sənədlərdən biri də bank vasitəsi ilə ödəniş qəbzidir. Vətəndaşlarımız isə avtomobili alarkən Azərbaycan vətəndaşı İlqar Alik oğlu Əliyevin Koreyadakı şirkəti vasitəsi ilə ödəniş ediblər. Hətta sahibkar İlqar Əliyev də Gömrük Komitəsinə müraciətində bunu təsdiqləyib və problemin həllinə kömək istəyib.

Bildirilir ki, avtomobillər İ. Əliyevin Koreyadakı şirkətinə məxsus olub, NK-nın məlum qərarından 10 gün əvvəl, Azərbaycana yola salınarkən adıçəkilən şəxslərə satılıb.

Şirkətdə buna dair sənədlər də var. Bu sənədlərdən biri Koreya dövlətinə məxsus olan və dünyada tanınan Eksport sənədi, digərləri - BL və B OFF LOADİNG sənədləridir. Bunların üzərindəki kodlara daxil olmaqla, dünya logistik sistemində avtomobillərin hansı tarixdə alındığını və nə vaxt Azərbaycana yola salındığını müəyyən etmək olar. Amma Gömrük Komitəsi təqdim olunan nə bu sənədlərə, nə də şirkət vasitəsi ilə ödəniş qəbzinə məhəl qoymur, ölkə vətəndaşlarını müflisləşdirir və qanunlara əməl etmir.

Qeyd olunur ki, avtomobillərə görə alınmış vəsaitlərin sonradan bank vasitəsi ilə ödənilməsinə də imkan verilməyib. Azərbaycan gömrükçülərinin bu özbaşınalığı isə vətəndaşlar üçün yaranmış problemin əsasına çevrilib və vətəndaş hüquqlarının pozulması ilə nəticələnir.

Vətəndaşlarımız üzləşdikləri problemlərlə bağlı Gömrük Komitəsinin adiyyəti şəxslərinə müraciətlər etsələr də, məsələ müsbət həllini tapmır. Hətta sabiq gömrük məmuru A. Aslanov problemin həllinə razılıq verib və rəsmi sənədin üzərinə "Həll edilsin" yazaraq, imza atsa da. Bu səbəbdən də, şikayətçilər Azərbaycan Respublikasının Prezidenti İlham Əliyevdən və Gömrük Komitəsinin rəhbərliyindən problemin həllində kömək istəyirlər.

Onu da qeyd edək ki, Qusar sakinləri üzləşdikləri problem səbəbindən məhkəməyə müraciət edəcəklərini istisna etməyiblər. Çünki onlar Gömrük Komitəsinin tələblərini qanunsuz, gömrükçülərin əməlini özbaşınalıq sayırlar. Bir daha vurğulayırlar ki, avtomobillərin Koreyadan Azərbaycan sərhəddinə gətirilməsi 30 gündən də çox vaxt apara bilərdi və NK-nın məlum qərarının onlara şamil edilməsi qanunsuzluqdur.

Azərbaycanın daha dörd sərbəst güləşçisi Rumıniyanın paytaxtı Buxarestdə keçirilən Avropa çempionatında bürünc medal qazanıb.

Yarışın sonuncu günündə Nurəddin Novruzov (61 kq), Turan Bayramov (74 kq), Arseni Cioyev (86 kq) və Georgi Meşvildişvili (125 kq) üçüncü yeri tutublar.

Qeyd edək ki, Azərbaycan millisi hazırkı Avropa çempionatında indiyədək ümumilikdə 16 medal qazanıb.