Prezident İlham Əliyev Ermənistan ilə Azərbaycan arasında normallaşma prosesinin ikitərəfli xarakter daşıdığını diqqətə çatdırıb.

Bu sözləri dövlət başçısı fevralın 16-da Münxendə ATƏT-in fəaliyyətdə olan sədri, Malta Respublikasının xarici, Avropa işləri və ticarət naziri İan Borq ilə görüşü zamanı deyib.

Dövlət başçısı bildirib ki, Qarabağ münaqişəsi artıq həll olunub, Azərbaycan öz suverenliyini və ərazi bütövlüyünü təmin edib.

Bakının “Gənclik” metrosunun yaxınlığında, Fətəli Xan Xoyski 8 ünvanında yerləşən “The Roof” restoranı ilə bağlı redaksiyamıza şikayət məktubu daxil olub. Nərmin Həsənova tərəfindən cumhuriyyet.az-a daxil olan məktubda deyilir:

“Hömətli redaksiya!

Şikayətim “Gənclik” metrosunun yaxınlığında yerləşən “The Roof” restoranındandır. Restoran görünüş baxımından müasir görünsə də, öz qiymətləri ilə “əl yandırır”. Burada hər şeyin qiyməti digər kafe və restoranlardan əhəmiyyətli dərəcədə bahadır. Qiymətlər o dərəcədə bahadır ki, burada çay içmək üçün alınan pulla digər restoranlarda yemək yemək mümkündür. Lakin bu, yeganə şikaytət doğuran məqam deyil. Restoranla bağlı narazılıq doğuran əsas məqam menyüdə göstərilən qiymətlərlə real qiymət arasında ciddi təzadın olmasıdır. Məsələn, hər hansı bir yemək menyüdə 10 manatdırsa, hesabı ödəyəndə məlum olur ki, sizdən 13-15 manat pul alıblar. Niyə belə olduğunu soruşanda isə fərqli cavablar verirlər. Gah deyirlər ki, qiymət yeni qalxıb, menyü isə dəyişilməyib, gah da deyirlər ki, xidmət haqqı da bura daxil edilib. Bir sözlə, vətəndaşın aldadılmasına müxtəlif cür haqq qazandırmağa çalışırlar.

Xahiş edirəm ki, əlaqədar qurumlar “The Roof”dakı qiymət artımı və vətəndaşların aldadılması fakltı ilə bağlı araşdırma aparsınlar. Bu özbaşınalıqların aradan qaldırılması istiqamətində addımlar atsınlar. Xalqın pulu ilə milyon qazanaraq xalqı aldadanlar başa düşsünlər ki, heç bir fırıldaq cəzasız qalmır”.

“2010-cu ildən ikinci qrup əlil kimi pensiya almışam. Amma 11 il sonra, 2021-ci ildən əsassız olaraq pensiyam dayandırılıb”.

Bu iddia ilə “Qafqazinfo”ya Sabirabad sakini Bəybala Zülfü oğlu Əsgərov müraciət edib.

Onun sözlərinə görə, əlillik almasına səbəb hərbi xidmətdə olarkən səhhətində yaranan problemlər olub: “Hərbi xidmətdə olarkən ayağım sındı. Səhhətimdə problem yarandı. Hərbi Hospitalda 3 ay yatdım. 10 ayın əsgəri idim, hərbiyə qayıtmaq istəyirdim, amma qayıda bilmədim. Ürəyimdə və başımda da problemlər var idi. Rasim Gözəlov komissiya üzvü təyin olunandan sonra pensiyamı saxladı. Gedirəm Sabirabad Rayon Mərkəzi Xəstəxanasına, mənim sənədlərimi sistemə vurmurlar. Gözəlovla əvvəllər aramızda pul söhbəti olub, indi ona görə mənimlə belə edir. Deyir hara şikayət edirsən et, vəkil tutub səni süründürəcəyəm. Hərbi Hospitalın verdiyi sənədi “saxta” adlandırır. Deyir mən bu sənədi sistemə vursam, məni tutarlar”.

B. Əsgərov ayağının şişdiyini, yerimək qabiliyyətini itirdiyini deyir: “Əmək qabiliyyətimi də itirmişəm, ev şəraitindən kənarda qala bilmirəm. Başımda və ürəyimdə problemlər var. Kardiologiya İnstitutunda müayinələrdən keçmişəm”.

Problemlə əlaqədar adı hallanan 16 nömrəli TSEK-in (Şirvan, Sabirabad, Salyan, Neftçala, Hacıqabul) keçmiş sədri, hazırda komissiya üzvü olan Rasim Gözəlovla əlaqə saxladıq. O, səsləndirilən ittihamları təkzib edərək B. Əsgərova əlillik düşmədiyini bildirdi: “Bu şəxs dəfələrlə prokurorluğa müraciət edib ki, guya mən ondan 1000 manat pul istəmişəm. Geniş izahat vermişəm ki, onun dediyi şər-böhtandır. Özü ilə də üzbəüz söhbət etmişik, demişəm ki, əgər pul istəmişəmsə, ver komissiyaya, tutdur. TƏBİB-ə neçə dəfə müraciət olunub, izahat vermişəm ki, şər-böhtandır. Hazırda heç Tibbi Sosial Ekspert Komissiyasının sədri də deyiləm, belə bir səlahiyyətim də yoxdur. O, bizdə müayinəyə gəldi, Kardiologiya İnstitutundan rəy gətirmişdi. Həmin rəy onun TSEK-ə göndəriş verilməsinə heç bir əsas vermirdi. Bu adam xəstə olmağına xəstədir, amma ona əlillik düşmür. Bizdə obyektiv müayinə olundu və təqdim olunan tibbi sənədlər TSEK-ə göndərişə əsas vermədiyinə görə ona bir sənəd də yazıb verdik. Orada qeyd olunur ki, bu sənədlərlə meyarlara uyğun deyil. Bundan sonra mənimlə intriqa aparmağa başladı. O gün anası da gəlmişdi, direktorun yanında məni hədələdi. Bir müddət əvvəl də qohumu gəlmişdi, o da məni hədələyirdi ki, “biz Əsgərovlardanıq”. Bilmirəm bu işdə mənim adım niyə hallanır? Qərarı hamı imzalayıb, mən də həmçinin…”

R. Gözəlov B. Əsgərovun hazırda sağlam və əmək qabiliyyətli olduğunu iddia edib: “Bu adam sintezatorda ifa edir, pulunu qazanır.

Əslində çox adamın xəstəliyi var. Bunun da əvvəl müəyyən xəstəliyi olub və o dövr üçün əlil sayılıb. İndi isə sağlamdır. Xəstəliyində revmatizmi faktor kimi göstərmişdilər. Lakin yoxlandı gəldi, revmofaktorların hamısı mənfi çıxdı. Onda mülayim dərəcədə funksiya pozğunluğu var. Bu da əsas vermir ki, əlillik alsın. Mən vaxtilə TSEK-in sədri olmuşam, əsgərlikdən gələndə kasıb adam olduğunu nəzərə alıb ona hörmət eləmişəm. O da mənim səhvimdir və indi də onun cəzasını çəkirəm”.

Gülnar Əliyeva

“Olimp-Hospital” Məhdud Məsuliyyətli Cəmiyyəti (MMC) barəsində əhalinin sanitariya-gigiyena və sanitariya-epidemioloji salamatlığı qaydaları əleyhinə olan (Sağlamlığın qorunması sahəsində vətəndaşların hüquqlarının pozulması) inzibati xəta protokolu tərtib olunub.
Qaynarinfo-nun məlumatına görə, hospital barəsində protokol İnzibati Xətalar Məcəlləsinin 215.1-ci maddəsi ilə irəli sürülüb.
İnzibati Xətalar Məcəlləsinin 215.1-ci maddəsinə əsasən, tibb fəaliyyəti ilə məşğul olan şəxslər tərəfindən dövlət tibb müəssisələrinin nizamnamələrində və ya özəl tibb fəaliyyəti sahəsində onlara verilmiş lisenziyada göstərilən işlərdən və xidmətlərdən kənar tibb fəaliyyətinin həyata keçirilməsinə görə fiziki şəxslər 300 manatdan 500 manatadək, vəzifəli şəxslər 800 manatdan 1000 manatadək, hüquqi şəxslər 6000 manatdan 8000 manatadək məbləğdə cərimə edilir.
İş Yasamal Rayon Məhkəməsinin hakimi Murad Məmmədovun icraatındadır.

Qeyd edək ki, “Olimp-Hospital” MMC qanuni təmsilçisi və baş direktoru Şükürov Samir Dünyamalı oğludur. Samir Şükürov “HB Güvən Klinika”da baş həkim, “EGE Hospital”da baş direktoru olub, 2021-ci ildən isə “Olimp-Hospital”ın baş direktorudur.

Ləğv olunan “Gəncəbank”ın Müşahidə Şurasının sabiq rəhbəri Pərvanə Novruzovanın Gəncədə törətdiyi qanunsuz əməllərdən daxili işlər naziri Vilayət Eyvazova müraciət ünvanlanıb.

Müraciət müəllifi Natalya Kərimova nazirə ünvanladığı məktubun surətini Musavat.com-a yollayıb.

Natalya Kərimova məktubunda yazır ki, Pərvanə Novruzova 2023-cü il Novruz bayramı tətili günlərində ona məxsus olan Gəncə şəhəri, Heydər Əliyev prospekti 271 ünvanında yerləşən gözəllik salonunda əvvəlcə işçisinin əli ilə yanğın törədib. Yanğını yaxınlıqdakı “ASAN xidmət” mərkəzinin mühafizəçiləri görüb və yanğınsöndürmə briqadası çağırılıb, yanğının qarşısı alınıb:

“Bundan sonra 10 gün tətil günlərində Pərvanə Novruzova mənim gözəllik salonumun talanı ilə məşğul oldu.

Cənab nazir, sizin Azərbaycan vəıtəndaşlarının əmin-amanlığının qorunması yolunda atdığınız addımları görürük. Lakin Gəncə şəhərində Pərvanə Novruzovanın qarşısını alan yoxdur. Həmin günlərdə 102 xidmətinə dəfələrlə, 40 dəfədən artıq zəng edib talançılığın, özbaşınalığın, əmlakımın dağıdılmasının, oğurlanmasının qarşısının alınmasını tələb etdim. Pərvanə Novruzovanı dayandıran olmadı. Obyektim darmadağın ediləndən sonra Gəncə Şəhər Baş Polis İdarəsinə dəvət olundum, dedilər ki, cinayət işi başlayıb, Pərvanə Novruzovanı cinayət məsuliyyətinə cəlb edəcəklər. 1 ilə yaxındır ki, istintaq apardıqlarını deyirlər, ekspertiza təyin ediblər. Orada da yazdırıblar ki, guya obyektimə 7500 manat ziyan dəyib. Halbuki, Pərvanə Novruzova obyektdən ələ gələn nə varsa, talan edib, divarlardan elektrik naqillərinə qədər çıxarıb, qapı-pəncərəni belə söküb aparıblar.

Bu gün obyektim ermənilərin Gəncə şəhərinə atdıqları bombanın təsirindən uçub-dağılmış evlərdən, obyektlərdən fərqli durumda deyil.

Hörmətli cənab nazir,

Sizdən dönə-dönə xahiş edirəm ki, mənim mülkiyyət hüququma olan qəsdlə bağlı hərtərəfli araşdırmanın aparılması, Pərvanə Novruzovanın mənə qarşı cinayətlərinə müvafiq qiymət verilməsi üçün Gəncə Şəhər Baş Polis İdarəsində başlanmış cinayət işinin istintaqını şəxsi nəzarətinizə götürəsiniz. Təsəvvür edin ki, əmlakımı yandıran şəxsi tutub istintaqa təhvil vermişdilər. O şəxs Pərvanə Novruzovanın fermasında işləyirdi. İstintaq həmin şəxsin barəsində heç bir tədbir görmədi. Əmlakı yandırmaq ağır cinayətdir. Buna baxmayaraq, araşdırmadılar”.

Natalya Kərimova müraciətində qeyd edir ki, Pərvanə Novruzova “Gəncəbank” rəhbəri olarkən ona məxsus gözəllik salonu ilə yanaşı, evini də əlindən alıb, özünü isə hədə-qorxu ilə Azərbaycandan didərgin salıb.

Sonradan ölkəyə qayıdaraq barəsindəki qondarma cinayət işinə xitam verilməsinə nail olub. Əmlakları ilə bağlı isə 8 illik məhkəmə çəkişmələrindən sonra Pərvanə Novruzovadan ala bilib. Bununla barışmayan P.Novruzova onun şəxsi mülkiyyətinə qəsd edib.

Natalya Kərimova redaksiyamıza Gəncə şəhərinin mərkəzində yerləşən, Pərvanə Novruzova tərəfindən darmadağın, talan edilən gözəllik salonunun foto və videolarını da göndərib.

Bir neçə aydır "AcceessBank"ın ödəmələrində problemlər yaşanır.
Kommersant.az xəbər verir ki, "AccessBank" 6 aydan çoxdur ki, ödəmələrini həyata keçirə bilmir və ya gecikir.

Bu barədə məlumatı bankın "PR meneceri" Ülviyyə İsmayılova verib. Onun sözlərinə görə bankın öhdəliklərində sıxıntılar yaşanır və "AccessBank" ödənişlərini gecikdirir. Bu da texniki səbəblərdən qaynaqlanır.

Ü.İsmayılovanın sözlərinə görə, texniki problemlər aradan qaldırıldıqdan sonra bankın öhdəliyində olan ödənişlər baş tutacaq.

Azərbaycanın Türkiyədəki səfirliyində Dövlət Gömrük Komitəsinin keçmiş nümayəndəsi (gömrük attaşesi) Əliqulu Cəfərovla qurum arasında əmək münasibətlərinə dair mübahisə yaranıb.

Qaynarinfo-ya daxil olan məlumata görə, Əliqulu Cəfərov bu mübahisədən dolayı DGK-ni məhkəməyə verib.

İş hazırda apellyasiya mərhələsindədir. Şikayəti Əliqulu Cəfərov verib. Onun şikayətinə Bakı Apellyasiya Məhkəməsində baxılacaq. İş hakim Kamran Əkbərovun icraatındadır.

İddialara görə, Əliqulu Cəfərov işə bərpa olunmasını istəyir. Başqa məlumatda isə mübahisənin əmək və məzuniyyət haqqı ilə bağlı olduğu iddia olunur.

Əliqulu Cəfərov DGK-nın keçmiş sədri Səfər Mehdiyevin yaxın qohumu olduğu bildirilir. O, 2020-ci ildə Səfər Mehdiyevin müvafiq əmri ilə Azərbaycanın Türkiyədəki səfirliyində gömrük attaşesi vəzifəsinə təyin edilib.

Gömrük polkovniki olan Əliqulu Cəfərov buna qədər DGK-nın Daxili təhlükəsizlik idarəsinin rəis müavini vəzifəsində çalışıb.

Səfər Mehdiyev 2018-2022-ci illərdə DGK-nın sədri olub. Onu Şahin Bağırov əvəzləyib.

Xəbər verdiyimiz kimi, 7 fevral növbədənkənar prezident seçkilərində yenidən ölkə başçısı seçilən İlham Əliyevin Milli Məclisdə inaqurasiya mərasimi keçirilib.

Mərasimdə hökumət üzvləri ilə yanaşı, Milli Məclisin deputatları da dəvətli olub. Ancaq Prezidentin andiçmə mərasimində Naxçıvandan olan deputat Vasif Talıbovun orada görünməməsi diqqətə səbəb olub.

Gununsesi.info-nun araşdırması zamanı məlum olub ki, Vasif Talıbov İlham Əliyevin inaqurasiya mərasiminə çağırılmayıb.

Məlumatda görə, o, bu tədbirə qatılmaq üçün Naxçıvandan Bakıya gəlsə də, son anda adının dəvətlilər siyahısında olmamasını öyrənib.

Prezident İlham Əliyev Azərbaycan Respublikası Nazirlər Kabinetinin yeni tərkibi haqqında sərəncam imzalayıb.

Sərəncamın mətnini təqdim edirik:

1. Azərbaycan Respublikası Nazirlər Kabinetinin üzvləri aşağıdakı şəxslər təyin edilsinlər:

1.1. Azərbaycan Respublikası Baş nazirinin birinci müavini – Yaqub Abdulla oğlu Eyyubov;

1.2. Azərbaycan Respublikası Baş nazirinin müavini – Əli Cavad oğlu Əhmədov;

1.3. Azərbaycan Respublikası Baş nazirinin müavini – Şahin Abdulla oğlu Mustafayev;

1.4. Azərbaycan Respublikasının daxili işlər naziri – Vilayət Süleyman oğlu Eyvazov;

1.5. Azərbaycan Respublikasının ekologiya və təbii sərvətlər naziri – Muxtar Bahadur oğlu Babayev;

1.6. Azərbaycan Respublikasının elm və təhsil naziri – Emin Eldar oğlu Əmrullayev;

1.7. Azərbaycan Respublikasının energetika naziri – Pərviz Oqtay oğlu Şahbazov;

1.8. Azərbaycan Respublikasının əmək və əhalinin sosial müdafiəsi naziri – Sahil Rafiq oğlu Babayev;

1.9. Azərbaycan Respublikasının fövqəladə hallar naziri – Kəmaləddin Fəttah oğlu Heydərov;

1.10. Azərbaycan Respublikasının gənclər və idman naziri – Fərid Fazil oğlu Qayıbov;

1.11. Azərbaycan Respublikasının xarici işlər naziri – Ceyhun Əziz oğlu Bayramov;

1.12. Azərbaycan Respublikasının iqtisadiyyat naziri – Mikayıl Çingiz oğlu Cabbarov;

1.13. Azərbaycan Respublikasının kənd təsərrüfatı naziri – Məcnun Qadir oğlu Məmmədov;

1.14. Azərbaycan Respublikasının maliyyə naziri – Samir Rauf oğlu Şərifov;

1.15. Azərbaycan Respublikasının mədəniyyət naziri – Adil Qabil oğlu Kərimli;

1.16. Azərbaycan Respublikasının müdafiə naziri – Zakir Əsgər oğlu Həsənov;

1.17. Azərbaycan Respublikasının müdafiə sənayesi naziri – Vüqar Valeh oğlu Mustafayev;

1.18. Azərbaycan Respublikasının rəqəmsal inkişaf və nəqliyyat naziri – Rəşad Nəbi oğlu Nəbiyev;

1.19. Azərbaycan Respublikasının səhiyyə naziri – Teymur Yusif oğlu Musayev;

1.20. Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri – Bahar Əvəz qızı Muradova;

1.21. Azərbaycan Respublikası Diasporla İş üzrə Dövlət Komitəsinin sədri – Fuad Rauf oğlu Muradov;

1.22. Azərbaycan Respublikası Dövlət Gömrük Komitəsinin sədri – Şahin Soltan oğlu Bağırov;

1.23. Azərbaycan Respublikası Dövlət Sərhəd Xidmətinin rəisi – Elçin İsağa oğlu Quliyev;

1.24. Azərbaycan Respublikası Dövlət Statistika Komitəsinin sədri – Tahir Yaqub oğlu Budaqov;

1.25. Azərbaycan Respublikası Dövlət Şəhərsalma və Arxitektura Komitəsinin sədri – Anar Adil oğlu Quliyev;

1.26. Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri – Rövşən Şükür oğlu Rzayev;

1.27. Azərbaycan Respublikası Dövlət Miqrasiya Xidmətinin rəisi – Vüsal Əfqan oğlu Hüseynov;

1.28. Azərbaycan Respublikası Dövlət Təhlükəsizliyi Xidmətinin rəisi – Əli Nağı oğlu Nağıyev;

1.29. Azərbaycan Respublikası Xarici Kəşfiyyat Xidmətinin rəisi – Orxan Sedyar oğlu Sultanov;

1.30. Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi – Mürsəl Qorxmaz oğlu İbrahimov;

1.31. Azərbaycan Dövlət Su Ehtiyatları Agentliyinin sədri – Zaur Rauf oğlu Mikayılov;

1.32. Azərbaycan Respublikası Dövlət Turizm Agentliyinin sədri – Fuad Hümbət oğlu Nağıyev;

1.33. Azərbaycan Respublikası Qida Təhlükəsizliyi Agentliyinin sədri – Qoşqar İlahi oğlu Təhməzli;

1.34. Azərbaycan Respublikası Milli Arxiv İdarəsinin rəisi – Əsgər Adil oğlu Rəsulov.

2. Bu Sərəncam imzalandığı gündən qüvvəyə minir.

"Gürcüstanda fəaliyyət göstərən RMG Holding-ə daxil olan RMG Copper və RMG Gold şirkətləri, Bolnisi rayonu ərazisində mədənlərdən qızıl çıxarmağı aktivləşdiriblər. Flizlərdən qızıl külcələrinin təmizlənməsində müxtəlif kimyəvi maddələrlə yanaşı, sianid geniş istifadə olunur. Yəni RMG Holding faktiki olaraq sianidlə Debed və Xram çaylarının, daha sonra isə Kur çayının Qazax rayonundan tutmuş ta Neftcala rayonuna qədər bütün su hövzəsini zəhərləyir". Dia-az.info bildirir ki, bu barədə Gürcüstandan olan ictimai fəal Daşqın Gülməmmədov həyəcan təbili çalıb.

D.Gülməmmədov vəziyyəttin nə qədər ciddi olduğuna işarə edərək, gərəkən qurumların da müdaxiləsini zəruri hesab edib. O, açıqlamasında daha sonra qeyd edib: "Hazırda Gurcüstanın Bolnisi və Marneuli, Azərbaycanın isə Qazax, Tovuz, Ağstafa və Səmkir rayonlarının su hövzələri, su quyuları sianidlə zəhərlənib. Gürcüstanın azərbaycanlılar yasayan bölgələrində xərçəng xəstəliyi yüksək sürətlə yayılmaqdadır. Bu o deməkdir ki, RMG Holding Gürcüstanın Bolnisi və Marneuli, Azərbaycanın Qazax, Ağstafa, Tovuz və Şəmkir rayonları ərazisində ekoliji genosid həyata kecirir. Bu isə burbaşa azərbaycanlı əhalinin genosidi deməkdir!
Avropa və Qərb təskilatlarinın cəlb etməklə boyük bir araşdirmaya start verdik.
RMG Holdingin azərbaycanlı və gurcü əhalisinin genosidinə son qoyulmalidir. İnsanlar, torpaq, su, təbiət qızıla gorə sianidlə zəhərlənməməlidir!"(Dia-az.info)