Paytaxda yerləşən “ADA” Universitetinin yeni korpusu üçün tikinti işinin aparılması məqsədi ilə Bakı şəhəri, Nərmanov rayonu, Tələt Şıxaəliyev 18 ünvanında yerləşən evlər kompensasiya qarşılığında vətəndaşlardan alınır. Vətəndaşlara verilən kompensasiya ilə bağlı narazılıqlar yaranıb. Məlumata görə söküntü işinə nəzarət edən Nərmanov rayon icra başçısının keçmiş birinci müavini Şahmar İbadov vətəndaşlara “ADA” Universiteti adından hədə-qorxu gələrək, istdəyi kompensasiyanı ödəyir. Bununla bağlı bir video müraciəti diqqətinizə çatdırırıq.
Bəs kimdir bu Şahmar İbadov?
Uzun illər Nərimanov rayon İcra Hakimiyyəti başçısının birinci müavini işləmiş İbadov hazırda Prezident Adminstrasiyasının İşlər İdarəsində sektor müdiri vəzifəsində çalışır. Şahmar İbadov var-dövləti ilə seçilən məmurlardandır. Onun obyektləri və özünə tikdirdiyi villalar buna misal ola bilər. Məsələn qalmaqallarda adı hallanan “Ariva” hotelin, Nərimanov rayonunda “Çanaqqala”, “Pürrəngi”, Nərimanov parkının içində yerləşən obyektlərin onun təsir dairəsində olduğu bildirilir. Onu da qeyd edək ki, cənab İbadov biznes fəaliyyətinə hələ 90-cı ilin əvvəllərində Binəqədidə (“pasyolka kirov”da) başlayıb. Kifayət qədər geniş maddi imkanlara malik olan İbadovun adı ölkədəki FETÖ şəbəkəsi ilə də hallanıb. Bununla bağlı Şahmar İbadovun Gülənin Azərbaycanda fəaliyyət göstərən “komandasının” rəhbərlərindən birinın olması ilə bağlı hətta türk mətbuatı da geniş məqalə dərc etmişdi. Bundan başqa Şahmar İbadovun Elnur Aslanov və Ceyhun Osmanovla ilişkilərinin olması da artıq sübut olunub.

Parlament sədrinin köməkçisi vəzifəsindən, Nərimanov İcra Hakimiyyətinə şöbə müdiri təyinatı və ən qısa zamanda icra başçısının I müavini təyin olunması, burdan uzaqlaşan kimi isə Prezident Adminstrasiyasında vəzifə alması da onun hansısa qüvvələr tərəfindən himayə olunduğunu düşünməyə əsas verir. Bu imkanlar qalmaqallı məmurun övladlarına təsir edib. Şahmar müəllimin oğlu Elmar İbadov 2017-ci il avqustun 22-də idarə etdiyi “Range Rover” markalı avtomobillə yaşlı qadını vurub. Bir neçə gündən sonra qadın ölüb. Abşeron Rayon Məhkəməsinin hökmü ilə Elmar İbadov 5 il müddətinə azadlıqdan məhrum olunub. Məhkəmə onun cəzasının məntəqə tipli cəzaçəkmə müəssisəsində çəkməsi haqqında qərar qəbul edib. Daha sonra Sumqayıt Apellyasiya Məhkəməsi ona tam bəraət alıb. Hakim Məhəmmədəli Rzayevin məhkəmə-hüquq sisteminin tarixinə “qızıl” hərflərlə “imza” atdığı bu qərara Şahmar İbadovun zərərçəkmişin ailəsinə hədiyyə etdiyi təzə avtomobil mühüm rol oynayıb. Şahmar İbadovun o biri Totu ləqəbli oğlunun isə 555 qeydiyyat nişanlı milyon manatlıq avtomobil kolleksiyası var. Bir sözlə, Şahmar İbadov və oğlanları bu məmləkətdə nə lazımdırsa edirlər. Bunlar üçün qayda-qanun-zad kağız üstündədir. Məlumata görə qalmaqallı tarixçəyə malik İbadov rayonların birinə icra başçısı və ya nazir müavini getməyə hazırlaşır.(GundemXeber.Az)

Aktyor Nofəl Şahlaroğlunun Youtube-da yayımlanan “Bax da” layihəsinin növbəti buraxılışında səsləndirdiyi fikirlər müzakirələrə səbəb olub.

Onun mərhum Xalq artisti Siyavuş Aslanı tənqid etməsi birmənalı qarşılanmayıb.

Mövzu ilə bağlı Yenisabah.az-a danışan mərhum Xalq artisti Yaşar Nurinin xanımı Rəhimə Nuriyeva əsəblərini cilovlaya bilməyib.

O, Nofəl Şahlaroğlunu səsləndirdiyi fikirlərə görə qınaq atəşinə tutub:

“Mən bu gün Nofəlin dediklərini gördüm. Oxuduğum mövzu mənə o qədər təsir etdi ki, bilmirəm buna nə ad verim...

Kim nə istəyirsə, ağzına, ağlına gələni deyə bilərmi? Siyavuş Aslan haqda dediklərini eşitdikcə dəhşətə gəldim. Ümumiyyətlə, Nofəl kimdir?! Mən Nofəli üzbəüz gəlsək heç tanımaram, bir-iki dəfə efirlərdə görmüşəm. O, aktyordur, sənətçidir, tənqidçidir, musiqişünasdır, blogerdir, tiktokerdir? Mən onun sənətini təyin edə bilmirəm. Əgər o İncəsənət Universitetinin aktyorluq fakültəsini bitiribsə, getsin öz işi ilə məşğul olsun. Onun sənət adamları haqda axmaq fikirlər söyləməyə heç bir ixtiyarı yoxdur! O deyir ki, Siyavuş Aslanın oynadığı rolun kəkələməyi insanlarda qıcıq yaradır. Bu nə deməkdir?

Mən sənətkarın həyat yoldaşı olmuşam, daim sənətkarların əhatəsində olmuşam. Nofələ kim ixtiyar verir ki, “Hicran” tamaşasını tənqid etsin? O tamaşa Azərbaycan mədəniyyətinin incilərindən biridir, fenomenal əsərdir. O kimdir ki, tamaşadan 50 il keçəndən sonra haqqında rəy verir?!

Yaşar haqqında da danışmışdı, cavabını vermişdim, yerinə otuzdurmuşdum, əgər otura bilmədisə, təzədən otuzdura bilərəm! Buna gücüm də çatır! Bəsdir! Gündə bir sənətkar haqda danışır, ona cavab vermək lazımdır ki, ağzı yumulsun!”

Rəhimə Nuriyeva aidiyyəti qurumlara müraciət edərək aktyor haqda ölçü götürülməsini tələb edib:

“Mən Teatr Xadimləri İttifaqına, Mədəniyyət Nazirliyinə müraciət edirəm, bu insanı çağırıb başa salın, ağzını yumun. Bu gün həyatda olmayan, ömrünü sənətə həsr etmiş insanları çıxıb necə tənqid etmək olar?

Nofəl Siyavuş Aslan, Yaşar Nuri kimi sənətkarların yanında heç dənizdəki damla belə deyil.

Aidiyyəti qurumlardan xahiş edirəm, o insanı çağırıb ağlını başına gətirsinlər. Əgər ağlı başında deyilsə, onun üçün yaxşı həkim taparam. Müalicə olunması üçün yaxşı psixiatrlar, nervpotoloqlar tapa bilərəm. Sözü varsa, məni yığsın! Ayıb olsun, sadəcə ayıb olsun!

Belə çıxır ki, bütün tarixi filmlərimizi, əsərlərimizi, tamaşalarımızı qoyaq ortaya başlayaq tənqid etməyə? Birincisi, danışdığı insanlar bu dünyada yoxdur, ikincisi, sənət adamları haqda bu cür danışmaq ayıbdır. Yalnız həyasız insan bu cür danışa bilər”.

“Tabaterra” Qapalı Səhmdar Cəmiyyəti təşkilati-hüquqi formasını dəyişir.

Banker.az xəbər verir ki, “Tabaterra” QSC məhdud məsuliyyətli cəmiyyətə çevrildiyini elan edir.

Xatırladaq ki, Azərbaycan Respublikasında fəaliyyət göstərən Tabaterra Qapalı Səhmdar Cəmiyyəti tütün məmulatlarının istehsalını həyata keçirir.

Şirkətin nizamnamə kapitalı 78 010 000 manatdır və qanuni təmsilçisi Elman Cavanşirdir.

“Turan Hospital” uzun müddətdir çalışmayan xidməti ilə klinikada müayinəyə gələnləri yola verir.

Tribunainfo.az yazır ki, “Turan Hospital” klinikada analiz verənlərin işini asanlaşdırmaq üçün uzun müdddətdir ki, bir xidmət istifadəyə verib. Belə ki, klinikanın saytında analiz verənlərin cavablarını QR (küar) kod ilə əldə edə bilməsi üçün “müayinə nəticəsini əldə et” pəncərəsi qoyulub. Ancaq xidmət uzun müddətdir ki, işləmir.

Bir neçə aydır çalışmayn xidmətlə bağlı klinikanın verdiyi cavab isə təəcccüb yaradır. Klinikadan bildirilib ki, texniki problem səbəbindən xidmət işləmir. Maraqlıdır ki, uzun müddət keçməsinə baxmayaraq texniki problemi aradan qaldırmaq mümkün deyil.

Klinikanın mövqeyini işıqlandırmağa hazırıq.

Ölkənin qosqoca ticarət şəbəkələrinin endirim fırıldaqları öz tempində davam edir. Hər halda, müşahid etdiklərimizin başqa adı yoxdur. Doğrudur, bütün bunların dövlət ərkanındakı adı İSTEHLAKÇILARIN ALDADILMASIDIR... Amma nə olsun ki? İndi kimdir istehlakçı marağı güdən?.. Nə isə...

Biz dia-az.info olaraq, sözügedən qəbildən olan növbəti faktı təqdim edirik. Beləliklə, oxucumuz bizə yazır...

"Neptun Market" (Xalqlar Dostluğu) müştəriləri aldatmaqla məşquldur.

Arxa rəflərdə standard qiyməti 1.90 olan məhsulu, endirim səbətinə 2.79-dan 1.90-a enmiş şəkildə qoyublar".

Oxucumuz sübut kimi fotoları da təqdim edib...

Mülki iş üzrə iddiaçı Aslanov Anar Yurik oğlunun nümayəndəsi və vəkili Yusif Allahverdiyev Sabunçu rayon məhkəməsinin hakimi Nilufər Cəfərlidın şikayətçidir.

Gununsesi.info-nun xəbərinə görə, Məhkəmə Hüquq Şurasına müraciət edən vəkil bildirib ki, iddiaçı Aslanov Anar Yurik oğlu cavabdeh Oqneva Raisa Nikolayevnaya qarşı “payların naturada bölünməsi” tələbinə dair iddia ərizəsi ilə məhkəməyə müraciət edib.

Müraciətində Bakı şəhəri, Sabunçu rayonu, Sabunçu qəsəbəsi, Şəhər Şossesi küçəsi, ev 19, mənzil 15 ünvanında yerləşən mənzilin natura ilə bölünməsi və iddiaçı Aslanov Anar Yurik oğlunun ½ hissədə payının naturada təhvil verilməsi barədə qətnamə qəbul edilməsini xahiş edib.

Vəkil bildirib ki, işə baxan məhkəmə tərkibi tərəfindən qərəzli olaraq mübahisənin uzadılması məqsədi ilə mülki prosessual qanunvericiliyinin tələblərini pozulması ilə müşahidə olunan silsilə pozuntulara yol verilib, məhkəmə iclaslarında diqqətinə çatdırılmasına baxmayaraq izah olunan xüsuslar nəzərə alınmamış və nəticədə iddia ərizəsinin məhkəməyə daxil olduğu 08.06.2022-ci il tarixindən etibarən hələ də iş üzrə yekun məhkəmə aktı qəbul edilməyib.

Belə ki, ilkin olaraq məhkəmənin 16.09.2022-ci il tarixli, e-2(008)-4506/2022 saylı qərardadı ilə iş üzrə məhkəmə tikinti-texniki ekspertizası təyin edilsə də, qərardadın iş materialları ilə birlikdə ekspertizanı həyata keçirən orqana göndərilməsi ancaq 22.12.2022-ci il tarixində mümkün olub.

Vəkil şikayətində qeyd edib ki, bundan sonra isə ekspertizanı həyata keçirən qurum tərəfindən 06.01.2023-cü il tarixində məhkəməyə vəsatət təqdim olunaraq tədqiqat obyektinə baxış keçirilməsinin vaxtının 10.02.2023-cü il tarixinə təyin edilməsi xahiş olunb, bu vəsatət məhkəməyə 23.01.2023-cü il tarixində daxil olunub.

“Lakin Azərbaycan Respublikasının Mülki Prosessual Məcəlləsinin 101.2-ci maddəsində ekspertizanın aparılmasının bu Məcəllənin 101.1-ci maddəsində göstərilən müddətlərdə təmin etmək mümkün olmadıqda, məhkəmə ekspertizası idarəsinin rəhbəri tərəfindən əsaslandırılmış səbəblər göstərilməklə bu barədə məhkəməyə dərhal məlumat verilməsi qaydası müəyyən edilsə də, bu qaydaya riayət olunmamış, məhkəmə tərəfindən də bu pozuntu ilə bağlı heç bir münasibət bildirilməmişdir. Bundan sonra isə ekspert rəyi yalnız 14.03.2023-cü il tarixində çıxarılmış və beləliklə, yol verilmiş pozuntulara görə ekseprtizanın həyata keçirilməsi 6 aya yaxın vaxt almışdır”.

Vəkilin sözlərinə görə, bundan sonra məhkəmə icraatı yenilənib və məhkəmənin 25.04.2023-cü il tarixli qərardadı ilə iş üzrə təkrar məhkəmə tikinti-texniki ekspertizası təyin olunub. “Bu dəfə isə ekspertizanın təyin olunması barədə qərardad və iş materialları ekspertizanı həyata keçirən orqana 02.06.2023-cü ildə göndərilmiş, iş üzrə ekspert rəyi isə 24.11.2023-cü il tarixində çıxarılmış və məhkəmənin 08.12.2023-cü il tarixli qərardadı ilə iş üzrə məhkəmə icraatı təzələnmişdir. Beləliklə təkrar ekspertizanın keçirilməsi 7 aya yaxın vaxt almışdır. İşin gedişində 16.01.2023-cü il tarixinə təyin olunmuş məhkəmə iclası işə əhəmiyyəti olan halları əlavə olaraq aydınlaşdırmağın zəruri olduğu əsası ilə məhkəmə icraatı yenidən təzələnmiş və 08.02.2024-cü il tarixinə yeni məhkəmə iclası təyin olunmuş, bu sonuncu iclasda isə bunun üçün əsaslarının mövcud olmaması, əvvəl təyin edilmiş ekspertizaların nəticələrinin eyniliyi izah olunaraq bunun süni surətdə uzadılan məhkəmə prosesinin daha da uzadılmasına səbəb olacağı bildirilsə də, yenə də məhkəmə tərəfindən eyni yarıtmaz mövqe nümayiş olunmuş və komisyon ekspertiza təyin edilmişdir”.

O qeyd edib ki, məhkəmə tərəfindən Mülki Prosessual Məcəllənin 172-ci maddəsində işə baxılması və qətnamə çıxarılması üçün göstərilmiş müddətlərə riayət edilməyib: “İddia ərizəsi daxil olduğu müddətdən 1 il 6 ay keçməsinə baxmayaraq hələ də yekun məhkəmə aktı çıxarılmamış, iş üzrə artıq 4-cü məhkəmə baxışı təyin edilmiş və məhkəmənin yekun qərarı elan edilməmiş, həmçinin ekspertizanın həyata keçirilməsi ilə bağlı yuxarıda qeyd olunmuş pozuntulara yol verilmişdir.

Mülki işə baxılması yolverilməz olan bu pozuntular məhkəmənin qərəzli mövqeyini ortaya qoymaqla, onun tərəfindən qanunvericiliyin müddəalarının tətbiqi və onlara riayət edilməsi ilə bağlı lazımi keyfiyyətlərin mövcud olmadığını nümayiş etdirməklə, işə baxan hakim barəsində qanunla nəzərdə tutulan tədbirlərin görülməsi üçün müvafiq göstərişlərin verilməsinin vacibliyini göstərir”.

Məhkəmə Hüquq Şurasına müraciət edən vəkil yuxarıda göstərilənləri nəzərə alıb, qeyd olunan məsələyə münasibət bildirilməsi və işin nəzarətə götürülməsini xahiş edib.

Gununsesi.info müraciətdə adı çəkilən qurum və şəxslərin mövqelərini dərc etməyə hazır olduğunu bildirir.

Ucar rayonu, Bərgüşad kənd sakini 1-ci Qarbağ müharibəsi veteranı Nəsiyev Azər Ataş oğlu JAMAZ.İNFO-ya müraciət edərək, Qarabağ qazisi olan oğlunun əlilliyinin ləğv edildiyini bildirib.

O bildirir ki, oğlu Nuruş Nəsiyev 2016-cı ilin aprel döyüşlərində ağır yaralanıb. “Partlayış nəticəsində oğlum ağır yaralanıb. Ona verilmiş 2-ci qrup əlillik 2023-cü ildə qanunsuz olaraq dayandırılıb.Çoxlu şikayətlər etsəmdə baxılmır, heç bir tədbir görülmür”.

Atası qeyd edir ki, oğlu Nuruş Nəsiyev döyüşdə aldığı xəsarətə görə, gözünün biri kor olub. “Qulağı eşitmir, ağır kəllə-beyin travması alıb”.

Azər Nəsiyev JAMAZ.İNFO-ya deyib ki, 4 oğlu Qarabağ qazisidir. Bacısı oğlu Səbuhi Ələkbər oğlu Süleymanov isə Vətən Müharibəsində Şəhid olub. “Nuruşun müalicə olunması üçün həyətimizdən iri buynuzlu heyvanlarımızı satmışıq. Banklardan kredit götürmüşük. İndidə borclarımızı ödəyə bilmirik. Nuruşa əlillik dərəcəsi 5 illik təyin edilsə də, 3 il keçəndən sonra qanunsuz dayandırdılar”.

Ucar sakini dövlət başçısına müraciət edərək, ondan kömək istəyib.

Əmək və Əhalinin Sosial Müdafiə Nazirliyinin məsələyə münasibəti maraqlı olardı. Ən azından ona görə ki, aprel döyüşlərində bir gözünü və bütnlükdə sağlamlığını itirmiz Qazimizin əlillik dərəcəsinin dayandırlmasının səbəbini izah etmiş olardılar.

Yasamal rayonu ərazisində yerləşən ofislərin birində seyfdən qeyri-aşkar şəraitdə 14 800 manat pul oğurlanıb.

Bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, Yasamal Rayon Polis İdarəsinin 28-ci Polis Şöbəsinin əməkdaşlarının keçirdikləri tədbirlərlə oğurluq əməlində şübhəli bilinən yeniyetmə müəyyən olunaraq saxlanılıb.
Faktla bağlı araşdırma aparılır.

"Yəqin bu il canmız bu qardaşlardan da qurtarar..." Dia-az.info bildirir ki, bunu "Cəlilabadlılar" qrupundakı paylaşımlarında qeyd edən narazı vətəndaşlar iddia edirlər ki, bu gün Cəlilabad rayonu Kərəm və Malik Həsənov qardaşları tərəfindən işğal olunub.

Müraciətdə daha sonra deyilir: "Biz Cəlilabad sakinləri 7 fevral seçkilərin byük inamla qatıldıq. Çünki dəyişikliklərin olacağına inanır və ümid edirik. Düşünürük ki, bu seçkidən sonra hörmətli Prezidentimiz cənab İlham Əliyevin apardığı islahatlar rayonumuzu da əhatə edəcək.

Bizlər bir camaat olaraq bizə ərazi bütünlüyü xoşbəxtliyini nəsib etmiş Prezident İlham Əliyevə bir kişi olaraq borcumuzu vermək üçün ona səs verdik. Və eyni şövqlə də islahatların olacağına ümid edirik. İnanırıq ki, yaxın günlərdə Cəlilabad rayonu Həsənovlardan azad olunacaq..."

Qanunla deputatların bizneslə məşğul olmasının qadağan edilməsinə baxmayaraq, hələ də bəziləri iş fəaliyyətini davam etdirir. Hətta onların bir qismi ölkədə qurduqları biznes imperiyasını xaricdə də genişləndirməklə məşğuldurlar.

“Yeni Gundem”in araşdırmasına görə, belə deputatlardan birinin də Anar Məmmədov olduğu iddia edilir.

96 saylı Goranboy-Naftalan seçki dairəsi üzrə Azərbaycan Milli Məclisinin deputatı Anar Məmmədovun Parlamentdə təmsil olunması müəmmalar doğurur.Əvvəla, ölkənin ictimai -siyasi həyatında heç bir rola malik olmayan Məmmədovun qanunverici hakimiyyətin üzvü olması əsaslı şübhələrə gətirib çıxarır.

İlk öncə şübhələr ondan ibarətdir ki, ixtisasca nəqliyyatçı olan deputat niyə Milli Məclisi seçib?. Normalda o, aidiyyəti üzrə vəzifələrə də yiyələnə bilərdi.

İkinci müəmmalı məqam isə ondan ibarətdir ki, Anar Məmmədov deputat olmamışdan əvvəl seçildiyi dairənin seçiciləri ilə bağlı heç bir ictimai fəaliyyəti olmayıb. Çünki Anar Məmmədovun sosial şəbəkə hesablarında fəaliyyəti, ictimai əhəmiyyət kəsb edən paylaşımları məhz deputatlığ mandatı əldə etdikdən sonra edilib.

Azərbaycan Respublikasının Sabiq nəqliyyat naziri Ziya Məmmədovun biznes ortağı kimi tanınan Anar Məmmədov adı müxtəlif cinayətlərdə hallanan kriminal oliqarx Qulam Ələkbərovun kürəkəni olduğu üzə çıxıb. Bu barədə Axar.az bir müddət əvvəl məlumat yayıb.

Qeyd edək ki, Anar Məmmədov 1984-cü ildə Bakı şəhərində anadan olub. Orta təhsili haqqında məlumatları qeyri-müəyyən olan Məmmədovun Azərbaycan Texniki Universitetinin Nəqliyyat fakültəsində ali təhsil aldığı müəyyən olunub. O, Z.Məmmədovun nəqliyyat naziri olduğu illərdə (2006-2009) Bakı şəhər Nəqliyyat Departamentində bölmə rəisi işləyib.

Anar Məmmədovun qayınatası Qulam Ələkbərov hamının bəlkə də az-çox eşitdiyi AQ İnşaatçı Servis MMC-nin sahibidir. Bu MMC-nin adı mənzil qalmaqallarına görə dəfələrlə mətbuatda çəkilib. O, vaxtilə paytaxtın “Gənclik” metrostansiyasının yaxınlığında “Milyonçular məhəlləsi” deyilən ərazidə ev tikintisi ilə məşğul olub. Onun Z.Məmmədovla tanışlığı da buradan başlayıb. Qulam Ələkbərov nazirin Teymur Əliyev küçəsindəki villasının inşasını həyata keçirib. Daha sonra eks-nazir tikinti biznesinin idarəçiliyini Qulam Ələkbərova verib və bununla da onlar arasındakı dostluq əlaqələri güclənib.

Eyni zamanda Qulam Ələkbərovun bir neçə icra hakimiyyəti başçıları ilə dostluq münasibətlərində olması barədə yerli mediada məlumatlara rast gəldik. Həmin icra başçılarından biri də bu yaxınlarda yüksək məbləğdə pul mənimsəyən və məhz bu səbəbdən vəzifəsindən azad edilərək həbs edilən Ağstafa rayon İcra Hakimiyyətinin başçısı Nizaməddin Quliyevdir. Qeyd edək ki, bu barədə məlumatı AzToday.az saytı yayıb.

Gənc deputat Anar Məmmədovun Ukrayna Respublikasında geniş biznes şəbəkəsi olduğu da üzə çıxıb. Bir müddət əvvəl jurnalist Cavanşir Həsənli bu barədə məlumat yaymışdı.

Onun sözlərinə görə, deputat qayınatası Qulam Ələkbərovla açdığı şərikli biznes tikinti sektorunda fəaliyyət göstərir:

“Ukraynanın Dnepr şəhərinin mərkəzində, Şmidt küçəsi 15-də “Bakı” adında möhtəşəm görünüşlü bina tikilib. Yaşayış kompleksi 21 mərtəbədən, 301 mənzildən ibarətdir.

Kompleksin tikintisi K.A.S. LTD tərəfindən həyata keçirilib. K.A.S. LTD Azərbaycan, Ukrayna, Türkiyə, Gürcüstan və Monakoda inşaat sektorunda fəaliyyət göstərir.

Ukraynanın şirkət və müəssisələrin vahid reyestr xidmətinin məlumatına görə şirkətin nizamnaməyə kapitalının 30 faizi Milli Məclisin gənc deputatlarından olan MƏMMƏDOV ANAR İLYAZ oğluna məxsusdur.

2005-ci ildə qeydiyyatdan keçmiş şirkətdə Anar Məmmədovun benefisiar olaraq yatırım payı 6 milyon qrivnadır, qalan 70 faiz deputatın qayınatası Qulam Ələkbərovun yaxın adamına məxsusdur. Ukraynada Anar Məmmədovun ailə üzvlərinin adına daha bir neçə şirkət fəaliyyət göstərir.

Jurnalist Səbuhi Abbasov deputat Anar Məmmədov haqqında bir müddət əvvəl maraqlı paylaşım edib.

“Bu deputatı, yəqin ki, tanıyırsınız, 96 saylı Goranboy-Naftalan Seçki Dairəsindən 2020-ci ildə seçilib. Necə seçilib, onu goranboylular, naftalanlılar çox gözəl bilirlər. Sözüm o deyil, Parlamentin “P”sından xəbəri olmayan bu şəxs surətlə tikinti maqnatına çevrilməkdədir. Və bunları dövlət büdcəsinə qənim kəsilməklə edir. Adamın şəxsən rəhbərlik etdiyi “Amazon” şikəti Qarabağdakı tenderlərə özünü soxuşdura bilib. Ayrı-ayrı şəxslərin texnikalarını işlədir, dövlətdən pulunu alır, sonra texnika sahiblərinə qırıq-salxaq texnikaları təhvil verir, qara qəpik vermədən. Çox yaxın insandan kran sifariş verib, rəsmi müqavilə bağlanıb, aylıq icarə müəyyəb edilib, 4 ay sonra kranı gətirib tullayıblar həyətlərinə, özünə də bir qəpik verməyiblər. Anar Məmmədov özü də qaynatası Qulam kişi ilə “Amazon” şirkətinin ofisində oturur. Bu özbaşınalıqlar birbaşa YAP-dakı islahatları puç edir, yeni kadrlara olan inamı sıfıra endirir. Ən əsası, Ali Baş Komandanın xalq arasındakı nüfuzunu xərcləyir, həm də Qarabağ adı ilə… Dünyadaka baş verən geosiyasi proseslərə baxın, bizim yeni kadrlarımıza baxın. Bunlarnan sizcə hara qədər getmək olar? Qarabağ adı ilə millətin qanını soran kim olursa olsun, xəyanətkardır. Deputatın biznes fəaliyyəti tam başqa mövzudur. Əl-qərəz, məsələ məhkəmədədir. Anar Məmmədovun qanunsuz fəaliyyəti, mülkləri, avtomobilləri, eyni zamanda, qeyd etdiyim özbaşınalığın məhkəmə müstəvisinə daşınması, məhkəmə prosesi: bir sözlə, geniş yazı gəlir…”,- deyə jurnalist qeyd etmişdi.

Haqqında müxtəlif vaxtlarda yerli mediada yayılan məlumatlara Azərbaycan Respublikasının Milli Məclisinin deputatı Anar Məmmədov bir neçə ay əvvəl bunları cəfəngiyat adlandırmışdır. Və bu məlumatların səhv olduğunu qeyd etmişdi.

“Yeni Gündem”