Dövlət Tibbi-Sosial Ekspertiza və Reabilitasiya Agentliyi tərəfindən keçirilən tender müsabiqənin (Açıq tender) qalibi məlum olub.
Yeniavaz.com açıqlanan rəsmi məlumatlara istinadən bildirir ki, tenderin qalibi fiziki şəxs Ziyafət İsa oğlu Fərzəliyev (VÖEN – 1803349532) olub.
Tender müsabiqəsinin şərtlərinə görə Ziyafət Fərzəliyev Dövlət Tibbi-Sosial Ekspertiza və Reabilitasiya Agentliyinin tabeliyində olan reabilitasiya müəssisələrində reabilitasiya xidməti alan şəxsləri hazır yeməklə təmin edəcək.
Məlumatda bildirilir ki, Ziyafət Fərzəliyev bir il müddətində həftədə 7 gün olmaqla 319 min 667 ədəd hazır yemək satacaq. Bu yeməklərin 285 min 357 ədədi böyüklər, 34 min 310 ədədi uşqalar üçün nəzərdə tutulur.
Agentlik satın alacağı yeməklər üçün Ziyafət Fərzəliyevə 3 milyon 336 min 258 manat 19 qəpik ödəyəcək.
Açıqlanan rəqəmlərdən də göründüyü kimi 1 ədəd yeməyin orta qiyməti 11,4 manat olacaq.
Məlumat üçün onu da bildirək ki, ötən il də Dövlət Tibbi-Sosial Ekspertiza və Reabilitasiya Agentliyi reabilitasiya müəssisələrində reabilitasiya xidməti alan şəxslər üçün hazır yeməkləri Ziyafət Fərzəliyevdən alıb. 2023-cü ildə Ziyafət Fərzəliyev Agentliyə 1 milyon 828 min 536 manat 85 qəpik qarşılığında 175 min 200 ədəd hazır yemək satıb.
Bundan başqa Ziyafət Fərzəliyev 2022-ci ilin dekabrında Sosial Xidmətlər Agentliyinin 6 milyon 422 min 706 manat 8 qəpiklik tenderində də qalib olub. O bu məbləğin müqabilində bir il müddətində həftənin 7 günü, sutkada 3 dəfə olmaqla ümumilikdə 617 min 215 ədəd hazır yemək təqdim edib.

Azərbaycan Milli Elmlər Akademiyasının (AMEA) keçmiş prezidenti Ramiz Mehdiyevin xanımı Qalina Mehdiyevaya məxsus "Fireland Vineyards" MMC-nin keçmiş direktoru Elmir Səidov yenidən məhkəməyə müraciət edib.

Qaynarinfo xəbər verir ki, o, bu dəfə də Qalina Mehdiyeva və "Fireland Vineyards" MMC barəsində iddia qaldırıb.

Elmir Səidovun iddiasına Səbail Rayon Məhkəməsində baxılacaq. Rəna Qafarova iş üzrə hakim təyin edilib. Məhkəmə çəkişməsi əmək münasibətləri üzrə mübahisələrdən ibarətdir.

Elmir Səidovla Qalina Mehdiyeva arasında bundan əvvəl də məhkəmə çəkişməsi olub. Mübahisənin kökündə vergi məsələləri dayanıb. Həmin işdə İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsi də maraqlı şəxs qismində çıxış edib.

Çəkişmə 2021-ci ildən başlayıb. 2021-ci ildən davam edir. Həmin ilin yanvarında Elmir Səidov Bakı Kommersiya Məhkəməsində Qalina Mehdiyeva və "Fireland Vineyards" MMC barədə iddia qaldırıb. İddiaya hakim Aytən Əliyevin sədrliyi ilə baxılıb.

Bu məsələ Ali Məhkəməyə qədər uzanıb. Nəticə barədə bilgi yoxdur.

"Fireland Vineyards" MMC 26 yanvar 2007-ci ildə dövlət qeydiyyatına alınıb. Elmir Səidov şirkətin direktoru vəzifəsində çalışıb. Qalina Mehdiyeva isə şirkətin benefisiarıdır.

Ramiz Mehdiyevin xanımı ilə Elmir Səidov arasında məhkəmə çəkişməsi başlayanda mediada məlumat yayılmışdı ki, o, milyonlarla manat mənimsəyib.

Azərbaycanda vətəndaşların ən çox şikayət etdiyi qurumun Əmək və Əhalinin Sosial Müdafiəsi Nazirliyi olduğu heç kimə sirr deyil. Son vaxtlar xüsusən də vətəndaşların pensiyalarının qanunsuz olaraq kəsilməsi, əlillik dərəcəsinin verilməməsi, yaxud da düzgün təyin olunmaması və s. məsələlər ilə bağlı şikayətlərin sayı durmadan artmaqdadır. Eynilə sosial müavinətlərin, ünvanlı sosial yardımın ayrılması zamanı da adıçəkilən nazirliyin çoxsaylı ədalətsizliklərə və qanunsuzluqlara yol verdiyi haqda şikayətlərin ardı-arası kəsilmir.

Hətta bir sıra vətəndaşlar iddia edirlər ki, Əmək və Əhalinin Sosial Müdafiəsi Nazirliyinin əməkdaşları rüşvət qarşılığında imkanlı şəxslərə ünvanlı sosial yardım ayırsa da, bu müavinətə ehtiyacı olan insanlara müxtəlif bəhanələrlə rədd cavabı verilir. Qeyd edək ki, bugünlərdə redaksiyamıza daxil olan məlumat əslində sözügedən nazirlikdən şikayətçi olan, vətəndaşların heç də haqqsız olmadığını ortaya qoyur. Belə ki, etibarlı qaynaqlardan redaksiyamıza daxil olan məlumata görə, Dövlət Sosial Müdafiə Fondunun (DSMF) Ağdam rayon şöbəsində bu kimi qanunsuzluqların sayı-hesabı yoxdur. Mənbənin sözlərinə görə, şöbə rəhbərliyi müəyyən sövdələşmə qarşılığında “sağlam şəxsləri əlil”, imkanlı sakinləri isə “kasıb” kimi təqdim etməklə, külli miqdarda dövlət əmlakını talan etməkdədir. Mənbə dövlətdən qanunsuz olaraq sosisal müavinat alan bir neçə vətəndaşında siyahısını təqdim edib. Bunlar Ağdam rayonunun 3 oğlan kənd sakinləri Əhmədov Qədir Sədi oğlu, Cəfərov Rüstəm Əhməd oğlu və Hətəmov Rafil Saday oğludur. Onun sözlərinə görə hər 3 şəxs sağlam olsalarda 2-ci qrup əlil kimi illərdir dövlətdən müavinat alırlar. Mənbə iddia edir ki, DSF-nin Ağdam rayon şöbəsində qanunsuz olaraq dövlətdən sosial yardım alan şəxslərin sayı yüzlərlədir. Bununla belə həqiqətəndə yardıma ehtiyacı olan vətəndaşlara əksər hallarda rəhbərlik tərəfindən yox cavabı verilir. Bu isə Ağdam sakinlərinin haqlı narazılıqlarına səbəb olur.

hurriyyet.az

Azərbaycanda vətəndaşların ən çox şikayət etdiyi qurumun Əmək və Əhalinin Sosial Müdafiəsi Nazirliyi olduğu heç kimə sirr deyil. Son vaxtlar xüsusən də vətəndaşların pensiyalarının qanunsuz olaraq kəsilməsi, əlillik dərəcəsinin verilməməsi, yaxud da düzgün təyin olunmaması və s. məsələlər ilə bağlı şikayətlərin sayı durmadan artmaqdadır. Eynilə sosial müavinətlərin, ünvanlı sosial yardımın ayrılması zamanı da adıçəkilən nazirliyin çoxsaylı ədalətsizliklərə və qanunsuzluqlara yol verdiyi haqda şikayətlərin ardı-arası kəsilmir.

Hətta bir sıra vətəndaşlar iddia edirlər ki, Əmək və Əhalinin Sosial Müdafiəsi Nazirliyinin əməkdaşları rüşvət qarşılığında imkanlı şəxslərə ünvanlı sosial yardım ayırsa da, bu müavinətə ehtiyacı olan insanlara müxtəlif bəhanələrlə rədd cavabı verilir. Qeyd edək ki, bugünlərdə redaksiyamıza daxil olan məlumat əslində sözügedən nazirlikdən şikayətçi olan, vətəndaşların heç də haqqsız olmadığını ortaya qoyur. Belə ki, etibarlı qaynaqlardan redaksiyamıza daxil olan məlumata görə, Dövlət Sosial Müdafiə Fondunun (DSMF) Ağdam rayon şöbəsində bu kimi qanunsuzluqların sayı-hesabı yoxdur. Mənbənin sözlərinə görə, şöbə rəhbərliyi müəyyən sövdələşmə qarşılığında “sağlam şəxsləri əlil”, imkanlı sakinləri isə “kasıb” kimi təqdim etməklə, külli miqdarda dövlət əmlakını talan etməkdədir. Mənbə dövlətdən qanunsuz olaraq sosisal müavinat alan bir neçə vətəndaşında siyahısını təqdim edib. Bunlar Ağdam rayonunun 3 oğlan kənd sakinləri Əhmədov Qədir Sədi oğlu, Cəfərov Rüstəm Əhməd oğlu və Hətəmov Rafil Saday oğludur. Onun sözlərinə görə hər 3 şəxs sağlam olsalarda 2-ci qrup əlil kimi illərdir dövlətdən müavinat alırlar. Mənbə iddia edir ki, DSF-nin Ağdam rayon şöbəsində qanunsuz olaraq dövlətdən sosial yardım alan şəxslərin sayı yüzlərlədir. Bununla belə həqiqətəndə yardıma ehtiyacı olan vətəndaşlara əksər hallarda rəhbərlik tərəfindən yox cavabı verilir. Bu isə Ağdam sakinlərinin haqlı narazılıqlarına səbəb olur.

hurriyyet.az

Ötən il Gürcüstandan Azərbaycana 862 milyon 70,1 min dollar dəyərində məhsul ixrac olunub.
Yeniavaz.com xəbər verir ki, bu barədə məlumatı Gürcüstan Statistika İdarəsi yayıb.
Məlumat üçün bildirək ki, Azərbaycan Dövlət Gömrük Komitəsinin məlumatında isə göstərilir ki, ötən il Gürcüstandan 126 milyon 381,6 min dollar dəyərində məhsul idxal edilib.
Hər iki ölkənin açıqladığı rəsmi məlumatlardan belə görünür ki, 2023-cü ildə Gürcüstan Azərbaycana 862 milyon dollarlıq məhsul satdığı halda, Azərbaycan Gürcüstandan 126,4 milyon dollarlıq məhsul alıb.
Qeyd edək ki, iki ölkənin açıqladığı məlumat arasında təxminən 7 dəfə fərq var.
Onu da bildirək ki, daha əvvəl də Azərbaycanın digər ölklərlə ikitərəfli ticarət əlaqələrində bu cür fərqlər olub. Hətta, 2016-cı ildə Dövlət Gömrük Komitəsi ticarət dövriyyəsində yaranan fərqlə bağlı açıqlama da verib. Həmin açıqlamada qeyd olunurdu ki, MDB ölkələrinin əksəriyyəti və xarici ölkələrlə xarici ticarət statistikasının göstəriciləri arasında fərqlər 40%-ə çatır. Ancaq, yaxın qonşumuz olan Gürcüstanla ticarət əlaqələrində 7 dəfəyə yaxın fərq olduqca böyük göstərici hesab olunmalıdır.

Qax rayonunda sevdiyi qadını izləyən 42 yaşlı kişi məsuliyyətə cəlb edilib.

“Qafqazinfo” xəbər verir ki, rayon məhkəməsində kəndlərdən birinin sakini olan Hamlet Həşimov (ad-soyad şərtidir) barəsindəki inzibati protokola baxılıb.

İnzibati Xətalar Məcəlləsinin 510-cu (xırda xuliqanlıq) maddəsi ilə tərtib edilmiş protokola əsasən, H.Həşimov Qax şəhər sakini olan A.Quliyeva (şərti) və anasını küçədə söyərək təhqir etməklə ictimai qaydaları pozub.

Zərərçəkmiş şəxs qismində tanınan A.Quliyeva isə Hamletin uzun müddətdir onu narahat etdiyini deyib: “Artıq 5 ildir ki, məni narahat edir. Mən məktəbdə müəllim işləyirəm. O məni məktəbdə, yolda, hətta yaşadığım evdə dinc qoymur. Gecələr həyətimizə gəlir, məktəbdə dərs keçdiyim zaman gəlib pəncərədən məni videoya çəkir, çəkdiyi videoları sosial şəbəkələrdə paylaşır. Xahiş edirəm, tədbir görülsün”.

Barəsində protokol tərtib edilən 42 yaşlı kişi isə heç bir qayda pozuntusuna yol vermədiyini düşündüyünü bildirib: “2018-ci ildən bu günədək A.Quliyevanı sevirəm, onunla ailə qurmaq niyyətindəyəm. Hadisə günü küçədə A.Quliyeva və anası ilə aramızda mübahisə yarandı. Mübahisə zamanı anası taxta ilə məni vurdu. Xahiş edirəm, mənə köməklik göstərilsin”.

Qax Rayon Məhkəməsi ikinci qrup əlil olan H.Həşimovu 50 manat cərimə edərək sərbəst buraxıb.

Prezident İlham Əliyev “Arbitraj haqqında” Azərbaycan Respublikasının 2023-cü il 26 dekabr tarixli 1077-VIQ nömrəli Qanununun tətbiqi və bununla əlaqədar bəzi məsələlərin tənzimlənməsi haqqında fərman imzalayıb.

Mətnini təqdim edirik:

1. Müəyyən edilsin ki:

1.1. “Arbitraj haqqında” Azərbaycan Respublikası Qanununun 11.2-ci maddəsinin birinci cümləsində və 11.6-cı maddəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

1.2. həmin Qanunun 11.6-cı maddəsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;

1.3. həmin Qanunun 11.2-ci maddəsinin birinci cümləsində “orqan (qurum)” dedikdə Azərbaycan Respublikasının Ədliyyə Nazirliyi nəzərdə tutulur.

2. Azərbaycan Respublikasının Nazirlər Kabineti:

2.1. beynəlxalq norma və prinsiplər, habelə mütərəqqi xarici təcrübə nəzərə alınmaqla, “Beynəlxalq xüsusi hüquq haqqında” Azərbaycan Respublikasının yeni qanununun layihəsini altı ay müddətində hazırlayıb Azərbaycan Respublikasının Prezidentinə təqdim etsin;

2.2. Azərbaycan Respublikası qanunlarının və Azərbaycan Respublikası Prezidentinin aktlarının “Arbitraj haqqında” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

2.3. “Arbitraj haqqında” Azərbaycan Respublikası Qanununun 11.6-cı maddəsinə uyğun olaraq, daimi arbitraj təşkilatının akkreditasiyası və akkreditasiyasının ləğvi qaydasını iki ay müddətində təsdiq edib Azərbaycan Respublikasının Prezidentinə məlumat versin;

2.4. həmin Qanundan irəli gələn digər məsələləri həll etsin.

3. Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı (Azərbaycan Respublikasının Qanunvericilik Toplusu, 2006, № 4, maddə 323 (Cild I) ilə təsdiq edilmiş “Azərbaycan Respublikasının Ədliyyə Nazirliyi haqqında Əsasnamə”yə aşağıdakı məzmunda 8.8-2-ci və 9.15-2-ci bəndlər əlavə edilsin:

“8.8-2. daimi arbitraj təşkilatı kimi fəaliyyət göstərmək üçün qeyri-kommersiya hüquqi şəxslərini akkreditasiyadan keçirir;”;

“9.15-2. daimi arbitraj təşkilatı kimi fəaliyyət göstərmək üçün qeyri-kommersiya hüquqi şəxslərini akkreditasiyadan keçirmək və onların akkreditasiyasını ləğv etmək;”.

""SOCAR AQŞ" MMC- nin işçisi Qasım İbrahimov idarənin rəhbərİ Samir Mollayevin 30.03.2021-ci il tarixli, İP 258/tarixli əmri ilə qeyri qanuni işdən azad EDİLİB.
Qasım İbrahimov bununla əlaqadar iddia ərizəsi ilə məhkəməyə müraciət edib. Sabail və Appelyasiya məhkəmələri onun iddia ərizəsini təmin edib". Bunu açıqlamasında tanınmış hüquq müdafiəçisi Mirvari Qəhrəmanlı qeyd edib.

Hüquq müdafiəçisi daha sonra bildirib: "Məhkəmə qərarlarından narazı qalan Samir Mollayev Ali Məhkəməyə kassasasiya şikayəti verir. Ali Məhkəmə hakimi cənab Əhməd Əhmədov 7 ay düşündükdən(???) sonra (35 aydan sonra) ölkənin Əmək Məcəlləsinə və Mülki Prosesual Məcəlləsinə zidd qərar verir(qərar əlavədə). Belə ki, hakim Əhməd Əhmədov:
-Öz qərarı ilə şirkətin 30.03.2021-ci il tarixli, İP 258/tarixli əmrini (İşçi Qasım İbrahimovla, işəgötürən arasında bağlanmış müqavilənin ləğvi barədə) ləğv edir,
Əmri qanunsuz hesab EDİB, işçini işə bərpa edir. Cənab hakim, əgər bu işçi sizin qərarla - işə bərpa olunursa, bu halda onu yenidən işdən necə çıxarırsınız?! ??? Sizin işçini - İşdənçıxma kimi bir səlahiyyətiniz yoxdur axı? İşçi ilə bağalanmış Əmək Müqaviləsinin ləğv edilmə səlahiyyəti işəgötürənə aiddir. Yəni cənab Mollayevə.(o bu sahədə artıq peşəkarlaşıb!) Bu halda işçinin ikinci dəfə, yenidən işdən azad edilməsi barədə Əmr hardadı? Bax, peşəkar hüquqşünaslar demişkən, bu da artıq hüququn bitdiyi yerdi. Düşünürəm sizin hüququn bitirdiyiniz yerə hüquqi düzəliş verilməsi üçün hörmətli hüquqşünaslarımızın Ali Məhkəmənin Plenumu və həm də Ali Məhkəmənin sədir İnam Kərimova müraciətləri mütləqdir
Sonda:
Və cənab hakim, hansı səbəbdən:
-Ali Məhkəmə 3 ay müddətində baxılmalı halda 7 ay müdətində baxıb
-işə bərpa barədə iddia ərizəsinə 11 ay müddətində baxılıb yekun qərar çıxarılmalı olduğu halda, 3 il müddətin(35 ay) müddətində baxılıb . Bəlkə???,,,,,
Hər iki məhkəmə instansiyasının qərarı qüvvədə qaldığı halda şirkət məcburi işburaxmaya görə işçiyə 50000(əlli min manat) vəsait ödəməli idi..."

dia-az.info

Bloger Arzu Məmmədova sosial media hesabının hekayə bölməsində "2-ci sinif şagirdinin anasının müraciəti" başlığı ilə skrinşot paylaşıb.

Ölkə.Az xəbər verir ki, infulunser 6 nömrəli məktəbdə baş verənlərlə bağlı izləyiciləri ilə paylaşdığı yazıya "oxuyarkən göz yaşlarımı saxlaya bilmədim" şərhini qeyd edib.

"Mən artıq çarəsizəm, ona görə ki səsimə səs verən yoxdur. Bu məsələni ictimailəşdirməyə də bilərdim, ancaq vicdanım yol vermədi. Hər kəsin övladı var və bunu yaşamasın deyə yazıram. 3 dəfə uğursuz hamiləlikdən, çətin və ağır müalicələrdən 7 il sonra övladım dünyaya gəlib və bir daha ana olmayacağımı bilirdim.
Övladımı 6 saylı məktəbə qoyduq, uşağın üzərində nəzarətim güclü idi. 10.01.2024-cü il tarixində uşaq mənə olanları danışdı və şok yaşadım. 8 yaşlı oğlum 7-ci sinif şagirdlərinin bu murdar əməllərini etiraf etdi. Uşağın bədəni çimdik-çimdik idi. Övladım dərsdən sonra məktəbdə ingilis dilindən hazırlığa qalırdı, həmin uşaq da 7-ci sinif hazırlığına qalırdı. 7-ci sinif şagirdi və dostu oğlumu tutaraq ona video göstərib və gördüklərini icra etməyə məcbur edib. Uşaq günlərdir ürək bulanmasından əziyyət çəkirdi. Bunu danışanda uşaq təşviş və qorxu içində idi. Məktəbin direktoru uşaqları uzaqlaşdıracağına, məsələni həll edəcəyinə söz verdi, amma nədənsə həllini tapmadı. Çünki 7-ci sinif şagirdinin valideyni nəyəsə güvənib bizə "videogörüntü göstər" deyir.

8 yaşlı uşaq 2400 nəfər arasında bu uşaqları göstərir. Hətta o anda mən başqa şagirdi göstərdim, övladım dedi ki, ana, Allah görür axı, səhv deyə bilmərəm.
Kliniki psixiatr bunu təsdiq edirsə, rəy verilirsə, bu nə qədər yanlış ola bilər? 7-ci sinif şagirdi ingilis dili müəlliminin 5 yaşlı övladına, 3-cü sinif uşağına porno videolarını göstərməsi, onlardan bunu icra etmələrini istəməsi nə dərəcədə doğrudur?

7-ci sinif şagirdinin başqa uşaqlara göndərdiyi səs yazısı var. O, ancaq pis ifadələrlə danışır və video çəkərək başqa uşaqları manipulyasiya edir. Səhhətimdə ciddi problem yaşanıb, övladım sarsıntı keçirib".

Xatırladaq ki, sosial şəbəkələrdə Bakı şəhəri 6 nömrəli məktəb-liseydə 2-ci sinif şagirdinin həmin məktəbin 7-ci sinif şagirdləri tərəfindən dəfələrlə cinsi-seksual hərəkətlərə məruz qaldığına dair məlumatlar yayılıb.

Məktəbəqədər və Ümumi Təhsil üzrə Dövlət Agentliyi bəyan edib ki, səsləndirilən iddialar çərçivəsində aparılan araşdırmalardan sonra məktəb rəhbərliyinə xəbərdarlıq edilib:
“Məktəbdə nəzarətin təşkili məsələsinə məsul olan pedaqoji heyətin bir hissəsi barədə isə intizam tənbeh tədbiri görülüb. VII sinif şagirdlərindən birinin başqa məktəbə keçirilməsi ilə bağlı qərar qəbul edilib. Digər uşaqlarla bağlı da addımlar atılacaq. Həmçinin II sinif şagirdinin valideyninə də bu istiqamətdə təklif edilib”.

Xəbər verdiyimiz kimi sabiq əmək və əhalinin sosial müdafiəsi naziri Səlim Müslümova hökm oxunub. 20 milyondan çox mənimsəmədə ittiham edilən sabiq nazir həmin məbləğin əksər hissəsini dövlətə geri ödədiyinə görə şərti cəza alaraq azadlıqda qalıb.

“Qafqazinfo”nun məlumatına görə, Müslümovla bağlı hökm onunla birgə cinayət məsuliyyətinə cəlb edilərək 8 il 3 ay müddətinə azadlıqdan məhrum edilmiş şair-publisist Əjdər Cəbiyevi (Əjdər Ol) ümidləndirib.

Əjdər Ol S.Müslümov nazir olduğu dövrdə aparat rəhbəri işləyib. Məhkum yazıçıya qarşı irəli sürülmüş əksər epizodlarda Səlim Müslümovun adı keçir. O, 2021-ci ildə eks-nazirdən bir neçə gün sonra həbs edilib. İbtidai istintaqın sonunda onların işi ayrı-ayrılıqda icraata verilib.

Əjdər Ol külli miqdarda mənimsəmə və rüşvət alma ittihamı ilə mühakimə edilib. Cinayət işi üzrə dövlətə dəymiş ziyan 500 min manat hesablanıb. Həmin məbləğ istintaq dövründə tam ödənilib.

Bakı Ağır Cinayətlər Məhkəməsinin hökmü ilə Əjdər Ol 8 il 6 ay müddətinə azadlıqdan məhrum edilib. Sonradan apellyasiya məhkəməsi cəza müddətini 3 ay azaldıb. Sonuncu qərardan 1 il keçdikdən sonra məhkumun vəkili kassasiya şikayəti versə də, Əjdər Ol özü şikayətini geri götürüb. Bunun da əsas səbəbi Səlim Müslümovun məhkəmə istintaqının davam etməsi idi.

Səlim Müslümov haqda hökm elan edildikdən dərhal sonra 3 ildir həbsdə olan Əjdər Ol yenidən kassasiya şikayəti verib. Məhkum şair şikayət ərizəsində çəkilmiş cəzanı yetərli hesab edərək azadlığa buraxılmasını xahiş edib.

Son qərarı isə Ali Məhkəmə verəcək. Yüksək instansiya məhkəməsinin hansı qənaətə gələcəyini yaxın aylarda biləcəyik.