Moskvanın məşhur Qırmızı Meydanı Yeni il ərəfəsində ziyarətə bağlı olacaq.

Bu barədə Moskva Daxili İşlər Nazirliyinin məlumatında deyilir.

Məhdudiyyətin dekabrın 31-i yerli vaxtla saat 18:00-dan yanvarın 1-i saat 8:00-dək qüvvədə olacağı bildirilib. Bununla belə, konkisürmə meydançası ziyarət üçün açıq qalacaq.

Türkiyə Superkubokunda keçirilməli olan “Fənərbaxça” - “Qalatasaray” superkubok matçı təxirə salına bilər.

Buna səbəb matçın keçiriləcəyi Səudiyyə Ərəbistanında hökumətin meydana komandaların “Atatürk” yazılı köynəklərlə çıxmasına icazə verməməsidir.

21:45-də başlamalı olan matçın təxirə salınacağı gözlənilir. Hər iki komanda rəhbərliyi “Atatürk” yazılı köynəklərə icazə verilməyəcəyi halda meydana çıxmayacaqlarını bildirib.

***

"Fənərbaxça" - "Qalatasaray" matçı nəzərdə tutulduğu kimi 21:45-də başlamayıb. Türkiyə mətbuatının yazdığına görə, komandalar hələ ki, olduqları oteli tərk etməyib.

***

Oyunun başlanma saatından bir qədər sonra isə klublara matçın keçirilməyəcəyi bildirilib.

Ötən il "Paşa Bank”ın iddiası əsasında kredit borcuna görə məhkəmə çəkişməsinə cəlb olunan Bakı şəhər İcra Hakimiyyəti başçısının sabiq müavini Eldəniz Lahıcov Rusiyada iflas elan etdiyi biznesini Türkiyəyə köçürüb. Eldəniz Lahıcovun oğlu Fuad Lahıczadə İstanbulun xammal tədarükü, ticarət və logistika sahəsində öndə gedən şirkətlərindən olan "Flex Grup Dış Ticaret A.Ş"-nin səhmlərinin bir qismini alaraq şirkətə ortaq olub.
Eldəniz Lahıcov 2003-cü ildə vəzifədə olarkən ABŞ səfirliyi üçün ayrılan torpaq sahəsinin alqı-satqısı zamanı vətəndaşları aldatmaqda günahlandırılaraq məhkəmənin qərarı ilə 8 il müddətinə azadlıqdan məhrum edililib.
Cavanşir Həsənli
Teref. Xocanın bloqu
Səhifəmiz hamının üzünə açıqdır.

Azərbaycan xalqının Ümummilli lideri Heydər Əliyevin 100 illiyi münasibətilə Bakı Xoreoqrafiya Akademiyasında (BXA) “Heydər Əliyev şəxsiyyəti və milli-mənəvi dəyərlərimiz” mövzusunda respublika elmi konfransı keçirilib.

Elmi konfransda BXA-nın idarə heyəti, müəllim və tələbə kollektivi iştirak edib.

Öncə Azərbaycan Respublikasının Dövlət Himni səsləndirilib.

Daha sonra BXA-nın müəllim və tələbələri ”Heydər Əliyev və Azərbaycan təhsil sisteminin inkişaf strategiyası”, “Heydər Əliyev və musiqi mədəniyyəti”, “Azərbaycan teatrı və milli musiqi fenomeni”, “Şərəfli 100 il”, "Heydər Əliyev fenomeni”, “Monumental heykəltəraşlıqda Ümummilli lider Heydər Əliyev obrazı”, “Şərur yallısının qorunub-saxlanılması və təbliğində Heydər Əliyev şəxsiyyətinin rolu”, “Azərbaycan incəsənətinin tərəqqisində Heydər Əliyevin rolu” mövzuları üzrə məruzə ilə çıxış ediblər.

Konfransda qüdrətli Azərbaycan dövlətinin müstəqilliyinin əbədiliyi uğrunda əzmlə çalışan ümummilli lider Heydər Əliyevin həyat və fəaliyyətini və həyatının müxtəlif dövrlərini əks etdirən fotoşəkillərlə yanaşı, videoçarx da nümayiş edilib.

BXA-nın keçirdiyi “Heydər Əliyev şəxsiyyəti və milli-mənəvi dəyərlərimiz” respublika elmi konfransında iştirakına görə məruzəçilərə Bakı Xoreoqrafiya Akademiyası tərəfindən Sertifikatlar və Yeni Azərbaycan Partiyasının Nəsimi rayon İdarəsi tərəfindən hədiyyələr təqdim edilib.

Ermənistan parlamentinin müxalifətdən olan deputatı, “Mənim şərəfim var” fraksiyasının katibi Tiqran Abramyan revanşist açıqlama ilə çıxış edərək, Azərbaycandan qisas almaq haqda danışıb.

Eks-prezident Serj Sarkisyanın Respublika Partiyasında təmsil olunan Tiqran Abramyanın sözlərinə görə, Azərbaycandan qisas almaq ilk növbədə Ermənistanda hakimiyyətin ən yüksək eşelonunda olan şəxslərin vəzifədən dərhal kənarlaşdırılması deməkdir

“Azərbaycan anlayır ki, Ermənistanda hazırkı reallıqlarla (Qarabağın itirilməsi-red.) sadəcə barışa bilməyən qüvvələr var və bunu özləri üçün təhlükə kimi görürlər”, - Tiqran Abramyan revanşistləri nəzərdə tutaraq deyib.

Abramyanın fikrincə, Ermənistanın hazırkı iqtidarı da “qisas” sözündə hakimiyyətdən məhrum edilmə ehtimalını görür, buna görə də onun səsləndirilməsinə qarşıdır.

“Azərbaycandan qisas almaq, ilk növbədə, Ermənistanda hakimiyyətin ən yüksək eşelonunda Azərbaycanın ideoloji baxımdan həmfikir adamları olan şəxslərin dərhal kənarlaşdırılması deməkdir, çünki Bakı ilə “hesablaşmaq” yalnız bundan sonra mümkündür”.

T.Abramyan deyib ki, Ermənistan Respublikasının üçüncü prezidenti Serj Sarkisyan da bir gün əvvəl bu mövzuya toxunaraq, belə bir istəyin indiki şəraitdə nəinki normal, həm də təbii olduğuna işarə edib.

“Bakı hər şeyi edə bilər, biz isə heç nə? Onda belə həyat kimə lazımdır? Serj Sarkisyan da qeyd edib ki, xalqı layiqli həyatın əsas axınına qaytarmaq ideyası, əslində, həm də qisas ideyası ilə səsləşir”.

Ermənistan parlamentinin müxalifətdən olan deputatı, “Mənim şərəfim var” fraksiyasının katibi Tiqran Abramyan revanşist açıqlama ilə çıxış edərək, Azərbaycandan qisas almaq haqda danışıb.

Eks-prezident Serj Sarkisyanın Respublika Partiyasında təmsil olunan Tiqran Abramyanın sözlərinə görə, Azərbaycandan qisas almaq ilk növbədə Ermənistanda hakimiyyətin ən yüksək eşelonunda olan şəxslərin vəzifədən dərhal kənarlaşdırılması deməkdir

“Azərbaycan anlayır ki, Ermənistanda hazırkı reallıqlarla (Qarabağın itirilməsi-red.) sadəcə barışa bilməyən qüvvələr var və bunu özləri üçün təhlükə kimi görürlər”, - Tiqran Abramyan revanşistləri nəzərdə tutaraq deyib.

Abramyanın fikrincə, Ermənistanın hazırkı iqtidarı da “qisas” sözündə hakimiyyətdən məhrum edilmə ehtimalını görür, buna görə də onun səsləndirilməsinə qarşıdır.

“Azərbaycandan qisas almaq, ilk növbədə, Ermənistanda hakimiyyətin ən yüksək eşelonunda Azərbaycanın ideoloji baxımdan həmfikir adamları olan şəxslərin dərhal kənarlaşdırılması deməkdir, çünki Bakı ilə “hesablaşmaq” yalnız bundan sonra mümkündür”.

T.Abramyan deyib ki, Ermənistan Respublikasının üçüncü prezidenti Serj Sarkisyan da bir gün əvvəl bu mövzuya toxunaraq, belə bir istəyin indiki şəraitdə nəinki normal, həm də təbii olduğuna işarə edib.

“Bakı hər şeyi edə bilər, biz isə heç nə? Onda belə həyat kimə lazımdır? Serj Sarkisyan da qeyd edib ki, xalqı layiqli həyatın əsas axınına qaytarmaq ideyası, əslində, həm də qisas ideyası ilə səsləşir”.

Azərbaycanda yanvar ayından 2014 və ondan öncəki illərin istehsalı olan avtomobillərin ölkəyə idxalı məhdudlaşdırılacaq. Belə ki, avtomobillərin istehsal tarixinə görə Azərbaycana idxalının məhdudlaşdırılması Nazirlər Kabinetinin 29 mart 2023-cü il tarixli 94 saylı qərarına əsasən həyata keçirilir. Həmin qərara əsasən, istehsal ili 10 ildən çox olan avtomobillərin Azərbaycana idxalı dayandırılıb.

Bəs, istehsal tarixi 10 ildən çox olan avtomobillərin ölkəyə buraxılmaması avtomobil bazarına və qiymətlərə necə təsir edəcək?

Mövzu ilə bağlı Bizim.Media-ya danışan nəqliyyat məsələləri üzrə ekspert Yasin Mustafayev gələn ildən avtomobil qiymətlərinin 13-15 faiz bahalaşacağını deyib:

“Bu, qiymət artımına az da olsa təsir göstərəcək. Qiymət artımının nə qədər olacağını zaman göstərəcək. Amma çox artım gözlənilmir. Çünki eyni avtomobillərə uyğun ondan daha təchizatlı Çin istehsalı olan avtomobilləri bazara gəlib. Əvvəl Çin avtomobili deyəndə bir addım geri dururduq. İndi həmin avtomobillər dünyaya meydan oxuyur.

İnsanlar bu qərarı fərqli qiymətləndirir, amma avtomobil parkımız çox köhnəlib, 80 faiz avtomobillərin istehsal tarixi 20 ildən öncədir. Köhnə avtomobillərin həm texniki təhlükəsizlik baxımından təchizatı zəifdir, həm yanacaq sərfiyyatı çoxdur, həm də ekologiyaya zərərli maddələr tullayır.

Bunların hamısını nəzərə alsaq, doğru qərardır. Nəyə görə inkişaf etmiş ölkələrin avtomobil zibilxanalarına dönməliyik?! Həmin ölkələr avtomobilin üstündə pul verməyə razıdılar ki, təki ölkələrindən çıxsın”.

Ekspert köhnə avtomobillərin utilizasiyasına da çox pul xərcləndiyini bildirib:

“Avtomobillər fərqli materiallardan istehsal olunur. Bunların utilizasiyası üçün müəyyən xərc tələb olunur. Biz o vəsaiti ödəyib, köhnə avtomobili gətiririk, onlar hərtərəfli qazanır, biz isə itiririk. Həm ölkəmizdən valyuta çıxır, həm ekologiyamız korlanır. Bu avtomobillər qəzaların sayına təsir edir, qəzalar olduğu zaman insan tələfatı da çox olur”.

Yasin Mustafayev hazırda ölkədə olan avtomobillərin istehsal tarixinə görə məhdudiyyətin tətbiq edilmədiyini də qeyd edib:

“Belə bir məcburiyyət yoxdur, qədimi avtomobillər də dəbdədir və bahadır. Heç bir avtomobilə ilinə görə məhdudiyyət tətbiq olunmur. Fevralın 1-dən vətəndaşlardan texniki baxış zamanı, ölkəyə avtomobil gətirilən zaman utilizasiya pulu alınacaq və utilizasiya fonduna yığılacaq. Vətəndaş köhnə, yaxud qəzalı avtomobilini könüllülük prinsipi ilə təqdim edəcək və həmin fonddan pul alacaq”.

“Unibank” Ucard sahiblərinə istəmədikləri halda məcburi yeni kredit xətti açır.

Tribunainfo.az xəbər verir ki, bu problemlə “Unibank” müştərisi Sübhan Babayev üzləşib. O bildirib ki, buna etiraz etsə də, adına yeni kredit xətti açılıb:”Dünən “Unibank” əməkdaşı zəng edərək bildirdi ki, bizdə müştəri olmusunuz, bu səbəbdən ucard-ınızda (debet kartdır) kredit xətti açılıcaq. Bildirdim ki, istəmirəm. Bank əməkdaşı təkidlə bildirdi ki, bayrama kimi bütün ucard sahiblərinə kredit xətti açılmalıdır. Deyirəm, xanım, mən adımda öhtəlik istəmirəm, deyir, narahat olmayın, xərcləməsəniz heç bir öhtəlik olmayacaq. Sual verirəm ki, bəs digər bankdan kredit götürəndə adımda görsənməyəcək ? Bir daha vurğulayır ki, xeyr, görsənməyəcək. Bir daha bildirdim ki, istəmirəm, deyir yoxe, mütləq açılmalıdır. Daha sonra bildirdim ki, məsələni aydımlaşdırmaq üçün mən sabah filiala yaxınlaşaram, deyir ki , xeyr indi siz 8117-yə ok yazıb göndərməlisiniz. Deyirəm, məni məcbur edə bilməzsiniz ki, kredit xətti açılsın. Sonda da heç bir sms göndərməyəcəyimi bildirib danışığı sonlandırdım”.

Mənbə: Tribunainfo.az

Prezident İlham Əliyev Şabran rayonunun Gəndob‒Xaçmaz‒Yalama‒Rusiya Federasiyası ilə dövlət sərhədi (11 km)‒Ağalıq‒Daşlıyataq‒Günəşli avtomobil yolunun əsaslı təmiri ilə bağlı tədbirlər haqqında sərəncam imzalayıb.

Sərəncamın mətnini təqdim edirik:

1. Dörd min nəfər əhalinin yaşadığı 3 yaşayış məntəqəsini birləşdirən Gəndob‒Xaçmaz‒Yalama‒Rusiya Federasiyası ilə dövlət sərhədi (11 km)‒Ağalıq‒Daşlıyataq‒Günəşli avtomobil yolunun əsaslı təmiri məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin ilkin olaraq 1,0 (bir) milyon manatı Azərbaycan Avtomobil Yolları Dövlət Agentliyinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının İqtisadiyyat Nazirliyi bu Sərəncamın 1-ci hissəsində göstərilən avtomobil yolunun əsaslı təmirinin başa çatdırılması üçün zəruri olan maliyyə vəsaitini Azərbaycan Respublikasının 2024-cü il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutsun.

4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

***

Prezident İlham Əliyev Bakı şəhərinin Yasamal rayonu ərazisində avtomobil yollarının əsaslı təmiri ilə bağlı tədbirlər haqqında sərəncam imzalayıb.

Sərəncamda deyilir:

1. Bakı şəhərinin Yasamal rayonu ərazisində avtomobil yollarının əsaslı təmiri məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin 350,0 (üç yüz əlli) min manatı Azərbaycan Avtomobil Yolları Dövlət Agentliyinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

“Şahdağ Turizm Mərkəzi” QSC tərəfindən yeni il tәdbiri tәşkil ediləcək.

“Ölkə.Az”ın məlumatına görə, tədbirin təşkili işləri fiziki şəxs Dadaşova Sәriyyә Fәxrәddin qızına həvalə olunub.

Sözügedən xidmət qarşılığında iş qadınına 44,9 min manat ödəniş ediləcək.