Qüdsdə ermənilərə nifrət edən yəhudilərin növbəti aksiyası baş tutub.

Bu gün günorta saatlarında 30-a yaxın qara geyimli və maskalı qrup Qüdsün “İnək bağı” adlanan və ermənilərin özlərinə aid etdiyi məhəlləsində yerləşən ermənilərə hücum edib, onları daşa basıblar.

Erməni mediası yazır ki, erməni din xadimləri gənclərlə birgə hücuma qarşılıq veriblər və “əsl döyüş” baş verib.

Ənənəvi olaraq ermənilər iddia edib ki, cəmi 200 metrlikdə olan polis bölməsindən polislərin gəlməsi çox çəkib, təxminən 20 dəqiqə. Bu müddət ərzində ermənilər “öz məkanlarını qorumağı” bacarıblar.

Erməni patriarxlığı bir neçə keşiş də daxil olmaqla, ermənilərin yaralandığını iddia edib. Bildirib ki, bu, ötən gün İnək Bağı məhəlləsi ilə bağlı Qüds Məhkəməsində iddia qaldırmağımızın cavabıdır.

Erməni patriarxlığı fiziki mövcudluqlarının təhlükədə olduğunu bildirərək, kömək istəyib.

Hadisə yerinə gələn polis isə 8 yəhudi və 2 erməni gənci saxlayıb.

Qeyd edək ki, Qüdsdə yəhidilərin ermənilərə hücumu vaxtaşırı baş verir. Ermənilərin qədim məhəllədə məskunlaşması və özlərini “yerli” sayması yəhudiləri qıcıqlandırır. Ermənilərə yəhudilər arasında nifrət həm də buna görədir.

“Tərtər işi” ilə bağlı ittiham olunan general-mayor Bəkir Orucov, İntiqam Məmmədov, Rahib Məmmədov, Ziya Kazımov və Ülvi Rəşidovun məhkəmə prosesi başa çatıb.

APA xəbər verir ki, bu gün Sumqayıt Məhkəmə Kompleksində Bakı Hərbi Məhkəməsinin hakimi Zeynal Ağayevin sədrliyi ilə keçirilən iclasda təqsirləndirilən Ziya Kazımov son söz deyib. Ziya Kazımov da digər təqsirləndirilən şəxslər kimi özünü təqsirli bilmədiyini bildirib.

Daha sonra məhkəmə hökm elan etmək üçün müşavirəyə gedib.

Müşavirədən sonra hökm oxunub.

Hökmə əsasən, Bəkir Orucov 9 il 6 ay müddətinə azadlıqdan məhrum edilib.

Bundan başqa, Ülvi Rəşidov 9 il 6 ay, Ziya Kazımov 8 il 6 ay, İntiqam Məmmədov və Rahib Məmmədov 6 il 6 ay müddətinə azadlıqdan məhrum olunublar. İstintaq dövründə azadlıqda olan Ülvi Rəşidov və Ziya Kazımov məhkəmə zalında həbs olunublar.

Xatırladaq ki, prokuror Bəkir Orucovun və Ziya Kazımovun 12 il 6 ay, İntiqam Məmmədovla Ülvi Rəşidovun 10 il 6 ay, Rahib Məmmədovun isə 8 il 6 ay azadlıqdan məhrum edilməsini istəyib.

Ötən prosesdə general-mayor Bəkir Orucov, İntiqam Məmmədov, Rahib Məmmədov, Ülvi Rəşidov son söz deyərək özlərini təqsirli bilmədiklərini açıqlayıblar.

Ev dustaqlığında olan Ziya Kazımov müalicə olunduğu tibb mərkəzindən məhkəməyə gətirilib. Məhkəmə ona səhhəti ilə bağlı son söz demək üçün vaxt vermişdi.

Qeyd edək ki, Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsini icra edən Bəkir Orucov və digərləri ötən il cinayət məsuliyyətinə cəlb ediliblər.

Onlara qarşı Cinayət Məcəlləsinin 126.3 (qəsdən sağlamlığa ağır zərər vurma, ölümə səbəb olduqda), 145.3 (qanunsuz azadlıqdan məhrum etmə, ölümə səbəb olduqda), 293.2 (dövlət orqanının vəzifəli şəxsi tərəfindən işgəncə vermə), 329 (tabelikdə olan hərbi qulluqçuya qarşı zorakı hərəkətlər), 341.2.1 və 341.2.3 (bir qrup şəxs tərəfindən vəzifə səlahiyyətlərindən sui-istifadə etmə və ya vəzifə səlahiyyətlərini aşma bir qrup şəxs tərəfindən ağır nəticələrə səbəb olduqda) maddələri İntiqam Məmmədova isə əlavə olaraq 178-ci (dələduzluq) maddəsi ilə ittiham irəli sürülüb.

B.Orucov və R.Məmmədov barəsində həbs, Ziya Kazımov və Ülvi Rəşidov barəsində istintaq dövründə alternativ qətimkan tədbiri seçilib.

Tovuz o rayonlardandır ki, üzdəniraq qonşularımızla həmsərhəd olmasına baxmayaraq onlara nə bir qarış torpaq vermiş nə də əhalisi Birinci Qarabağ müharibəsində öz evlərini tərk etməmişdir.

Hamıya məlumdur ki, 44 günlük Vətən Müharibəsi bədnam qonşularımızın Tovuza hücumu ilə başladı. Bizim Zəfərimiz Tovuzdan keçdi. Haqqında danışacağımız kəndlərin özünündə ona yaxın şəhidi, yüzlərlə qazisi var. Amma bütün bunlara baxmayaraq 21-ci əsrdə müasir dünyanın, çağdaş Azərbaycanımızın bu qədər inkişaf etdiyi məqamda təəssüflər olsun ki, bu rayonun kəndlərinin əhalisi şəraitsizlik içində çox əziyyət çəkirlər.

Bu gün ölkəmizdə Tovuzun kəndlərindən də pis vəziyyətdə yolları olan rayonlara yol və qaz çəkildiyi halda belə bir rayonun əhalisi şəraitsizlikdən əziyyət çəkməkləri aidiyyətı qurumların diqqətsizliyindən başqa bir iş deyil. Söhbət Tovuz rayonunun ermənilərlə sərhəd kəndləri olan Çeşməli, Abbasqullar, Papaqçılar, Məşədivəlilər, Qandallar, Həsənli, Güvəndik kəndlərindən gedir. Cəmi 15-20 kilometrlik asfalt yola ehtiyacı olan bu kəndlərdə hər gün işə, məktəbə getmək çox təhlükəlidir.

Kənd ərazilərini mərkəzlə birləşdirən yol üzərində qurulmuş körpü istifadəyə yararsız haldadır. Bu körpü uçarsa sadalanan kəndlərin rayon mərkəzi ilə əlaqəsi tamami ilə kəsiləcək. İqlim şəraiti baxımından sel daşqınlarının ən intensiv baş verdiyi bu torpaqlarda yolların bu vəziyyətdə olması insan həyatına laqeydlik əlamətidir. Yuxarıda sadaladığımız kəndlərdə məktəblilərin soyuq qış aylarında dərsə getməsi mümkünsüzdür.

Yolsuz, şəraitsiz kəndlərin həm də qaz problemi var. Tam yaxın ərazilərdən keçən qaz xətləri olsa da amma nədənsə 20 kilometr yola ehtiyacı olan bu sərhəd kəndlərin qazla təmin olunması heç kimin yadına düşmür.

Ümüd edirik ki, aidiyyəti qurumlar məsələ ilə yaxından maraqlanacaqlar.

AZİNFORM.AZ mövzü ilə bağlı video reportajı təqdim edir:

Son vaxtlar Azərbaycanda bir çox dövlət qurumları tərəfindən keçirilmiş açıq tenderlərin qalib olan müxtəli adlara malik şirkətlər barədə çox yazılıb. Belə şirkətlərin böyük əksəriyyətinin arxasında gözügörünməz qüvvələrin olduğu bu gün heç kimə sirr deyil. Adlarından başqa demək olar, heç nəyi olmayan belə MMC-lər hər bir və ya ber neçə satınalmaların qalibi olurlar. Bu Bakı şəhər İcra Hakimiyyəti Mənzil-Kommunal Təsərrüfatı Departamentinə tabeli rayon idarələrinin keçirdiyi satınalmalarda daha çox özünü biruzə verir. Elə götürək sözügedən Departamentin son bir neçə gündə başa vurduğu satınalma prosedurlarını.

Dövlət satınalmalarının vahid internet portalını son 10 gündə zəbt etmiş belə şirkətlərin biri də “BİLGƏ QRUP” Qapalı Səhmdar Cəmiyyətidir. Bu şirkət 14-27 dekabr tarixlərində Mənzil-Kommunal Təsərrüfatı Departamentinə tabeli rayon idarələrinin keçirdiyi 10 açıq tenderin qalibi olub. Amma axtarışlarımıza baxmayaraq QSC-nin fəaliyyət sferası barədə açıq mənbələrdə ümumiyyətlə məlumat yoxdu.

Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “BİLGƏ QRUP” Qapalı Səhmdar Cəmiyyətinin Bakı şəhəri Lokal Gəlirlər Baş İdarəsində 01.10.2018-ci il tarixdə dövlət qeydiyyatına alındığı bildirilir. Nizamnamə kapitalı 2000.00 manat olan QSC-nin hüquqi ünvanının BAKI ŞƏHƏRİ YASAMAL RAYONU, YENİ YASAMAL 2, ev 6, m. 190, qanuni təmsilçisinin isə İsmayılov Elvin Sahib oğlu olduğu göstərilir. Reyestrinə daxil edilmiş məlumatlarda 05-25-2021-ci il tarixədək QSC-nin qanuni təmsilçisi Nigar Şahhüseynbəyova Faiq qızı olub.

“BİLGƏ QRUP” Qapalı Səhmdar Cəmiyyəti barədə rəsmi məlumatlar bu qədərdi. Bir də dövlət satınalmalarının vahid internet portalında QSC-nin qalibi olduğu tenderlər barədə məlumatlar var. QSN-nin son 13 gün ərzində Bakı şəhər İcra Hakimiyyəti Mənzil-Kommunal Təsərrüfatı Departamentinə tabeli rayon idarələrindən udduğu tenderlərə və onların məbləğlərinə diqqət yetirək.

Yasamal rayon İcra Hakimiyyətinin başçısının aparatının Mənzil-Kommunal Təsərrüfatı Birliyi tərəfindən təsərrüfat işlərində çalışan heyət üçün istifadəsi nəzərdə tutulan malların satın alınması üzrə 169.341,8 manat məbləğində satınalma müqaviləsinin bağlanıldığı 27.12.2023-cü il tarixdə açıqlanıb.

Yasamal rayon İcra Hakimiyyətinin başçısının aparatının Mənzil-Kommunal Təsərrüfatı Birliyi tərəfindən müxtəlif təyinatlı işlər üçün malların satın alınması üzrə 477.776,1 manat məbləğində satınalma müqaviləsinin bağlanıldığı 27.12.2023-cü il tarixdə açıqlanıb.

Yasamal rayon İcra Hakimiyyətinin başçısının aparatının Mənzil-Kommunal Təsərrüfatı Birliyi tərəfindən oyun və İdman qurğularının satın alınması üzrə 128.938,6 manat məbləğində satınalma müqaviləsinin bağlanıldığı 27.12.2023-cü il tarixdə açıqlanıb.

Səbail rayon Mənzil-Kommunal Təsərrüfatı Birliyi tərəfindən xidməti istifadə üçün nəzərdə tutulan müxtəlif təyinatlı malların satın alınması üzrə 210.959,81 manat məbləğində satınalma müqaviləsinin bağlanıldığı 26.12.2023-cü il tarixdə açıqlanıb.

Suraxanı rayon Mənzil-Kommunal Təsərrüfatı Birliyi tərəfindən idman və uşaq əyləncəsi üçün bir sıra malların satın alınması üzrə 99.379,6 manat məbləğində satınalma müqaviləsinin bağlanıldığı 26.12.2023-cü il tarixdə açıqlanıb.

Suraxanı rayon Mənzil-Kommunal Təsərrüfatı Birliyi tərəfindən nəqliyyat vasitələrinə məxsus bir sıra hissələrin satın alınması üzrə 49.229,6 manat məbləğində satınalma müqaviləsinin bağlanıldığı 26.12.2023-cü il tarixdə açıqlanıb.

Suraxanı rayon Mənzil-Kommunal Təsərrüfatı Birliyi tərəfindən söhbətgah, oturacaq və dekorativ ağacların satın alınması üzrə 99.592 manat məbləğində satınalma müqaviləsinin bağlanıldığı 26.12.2023-cü il tarixdə açıqlanıb.

Suraxanı rayon Mənzil-Kommunal Təsərrüfatı Birliyi tərəfindən xidməti istifadə üçün üçün nəzərdə tutulan təsərrüfat təyinatlı malların satın alınması üzrə 197.591 manat məbləğində satınalma müqaviləsinin bağlanıldığı 26.12.2023-cü il tarixdə açıqlanıb.

Xəzər rayon Mənzil-Kommunal Təsərrüfatı Birliyi tərəfindən parklarda istifadə olunacaq oyun qurğularının satın alınması üzrə 248.567 manat məbləğində satınalma müqaviləsinin bağlanıldığı 14.12.2023-cü il tarixdə açıqlanıb.

Xəzər rayon Mənzil-Kommunal Təsərrüfatı Birliyi tərəfindən müəssisənin balansında olan əsas vəsaitlərə texniki qulluq məqsədli bir sıra malların satın alınması üzrə 251.609,04 manat məbləğində satınalma müqaviləsinin bağlanıldığı 14.12.2023-cü il tarixdə açıqlanıb.

Dövlət satınalmalarının vahid internet portalına yerləşdirilmiş bu məlumatlardan da görsəndiyi kimi “BİLGƏ QRUP” QSC son 13 gün ərzində Bakı şəhər İcra Hakimiyyəti Mənzil-Kommunal Təsərrüfatı Departamentinə tabeli rayon idarələrinin keçirdiyi satınalmalardan ümumi olaraq 1 933 051 manat məbləğində dövlət sifarişi alıb. Oktyabr ayında Milli Arxiv İdarəsinən 513.245,04 manat, sentyabr ayında isə Milli Kitabxanadan 736.704,21 manat məbləğində udduğu tenderləri də üstünə gəlsək bu son 3 ay ərzində 3 183 000 manat məbləğində dövlət sifarişi alması deməkdir.

Maraqlıdır, QSC bu dövlət sifarişlərini yerinə yetirmək iqtidarındadırmı? QSC-nin “Facebook”sosial şəbəkəsindəki bəzi məlumatları diqqətinizə çatdırırıq. Sosial şəbəkəyə 30 oktyabrda qoyulmuş məlumata görə Azərbaycan Respublikası Gömrük Komitəsinin sifarişi ilə modul tipli Astara gömrük keçid məntəqəsinin layihələndirməsi və inşası “Bilgə Qrup” QSC tərəfindən həyata keçirilir. 9 oktyabrda yaılmış məlumatda Qazax Rayon İcra Hakimiyyətinin məsul şəxsləri, “Bilgə Qrup” QSC-nin direktoru Elvin İsmayılovla birlikdə Birinci Şıxlı kəndində qəhrəman şəhidimizin ata ocağında olub, əziz xatirəsini dərin ehtiramla yad edib. Şəhidimizin ruhuna dua oxunub, xatirəsi böyük ehtiramla anılıb.

3 oktyabrda “Bilgə Property”nin tərəfdaşlığı ilə “Legend” bilyard klubu istifadəyə verildiyi açıqlanıb.

8 avqustda Bakıda “Bilgə Property”nin tərəfdaşlığı ilə “Rotante” restoranının açılışı baş tutduğu açıqlanıb.

17 iyulda Bakıda “Bilgə Property”nin tərəfdaşlığı ilə Memorial hospitalının Nərimanov filialının açılışı baş tutması açıqlanıb.

20 mayda Bakıda “Bilgə Property”nin tərəfdaşlığı ilə “Tabakevi” mağazasının açılışı olduğu açıqlanıb.

“BİLGƏ QRUP” QSC layihələrinin biri də 19 apreldə baş tutub. Bakıda “Bilgə Property”nin tərəfdaşlığı ilə T-Döner kafesi açılmışdır.

13 apreldə “Bilgə Property”nin tərəfdaşlığı ilə Bakıda NPT Panel, PKS Doors, FrioPlus mağazaları açılmışdır.

10 mart 2023 il tarixində Bakıda “Bilgə Property”nin tərəfdaşlığı ilə GreenBox kafesi açılmışdır. Açılışda Türkiyənin Azərbaycandakı səfiri Cahit Bağcı iştirak etmişdir.

Bütün bu məlumatlar “Facebook”sosial şəbəkəsində “BİLGƏ QRUP” səhifəsinə yerləşdirilib. Göründüyü kimi şirkət Bakıda restoran, kafe, mağazalar şəbəkəsinə malikdir. Tikinti işlərinin də həyata keçirdiyi barədə məlumatlar var. Bütün bunlar şirkətin yüksək çinli bir məmur tərəfindən idarə olunduğunun da göstəricisidir. Şirkətin qanuni təmsilçisi kimi göstərilən İsmayılov Elvin Sahib oğluna gəlincə. Onun adına 10.05.2023-cü ildə “BİLGƏ MÜLK” Mənzil-Tikinti Kooperativi, 16..05.2023-cü ildə isə “BİLGƏ TTT” Məhdud Məsuliyyətli Cəmiyyəti dövlət qeydiyyatına alınıb.

Yuxarıda qeyd etdiyimiz kimi “BİLGƏ QRUP” Qapalı Səhmdar Cəmiyyəti dövlət qeydiyyatına alınanda ilk qanuni təmsilçisi Şahhüseynbəyova Nigar Faiq qızı olub. Bəs dövlət qeydiyyatından 5 il əvvəl keçmiş, restoran, kafe, mağazalar şəbəkəsinə malik olan və son 13 gün ərzində milyonlarla dəyəri olan 10 tenderin qalibi olmuş QSC-ni təsis etmiş Nigar Şahhüseynbəyova kimdir? İnternet axtarış sistemləri üzərindən apardığımız araşdırma göstərir ki, Şahhüseynbəyova Nigar Faiq qızı Azərbaycan Universitetinin müəllimi, AMEA-nın Fəlsəfə və Sosiologiya İnstitutunun dissertantıdır. Hazırda MMC-nin qanuni təmsilçisi kimi İsmayılov Elvin Sahib oğlu göstərilsə də Nigar Şahhüseynbəyova çox güman ki, təsisçilik hüququnu özündə saxlayır.

Respublikamızda müəllimlərin aylıq əmək haqqı bu gün hər kəsə məlumdur. Azərbaycan reallığında bir qadın müəllimin bu qədər geniş imkanlara sahib olması heç inandırıcı görsənmir. Bir xanım müəllimin təsisçisi olduğu sıradan bir şirkətin 13 gün ərzində 3 milyon manatdan çox dövlət sifarışi alması nə dərəcədə realdır? Sözsüz ki, QSC bu dövlət sifarişlərini yüksək çinli məmurların tapşırığı ilə əldə edib. Təbii ki, onların kimliyini biz bilə bilmərik. Onu İqtisadiyyat naziri Mikayıl Cabbarovdan soruşmaq lazımdı.

Mənbə: Aktualinfo.org

 
Əgər xatırlayırsınızsa, Bakı şəhər sakini Niftəliyev Nurəddin Xasay oğlunun etdiyi müraciətinin kömək gözləmə ünvanı Azərbaycan Respublikasının Prezidenti cənab İlham Əliyev idi. 

Zərərçəkmişin cənab Prezidentə ünvanlı şikayətini oxuduqca ciddi düşünməyə və həm də təəssüflənməyə bilmirdik. Axı niyə Nərimanov rayon prokuroru Hidayət Nurəlibəyov Prezidentin imzaladığı «Prokurorluq haqqında» Qanunda nəzərdə tutulmuş vəzifəsini qanuni səviyyədə icra etmir ki, şikayətçi də Azərbaycanın Qarabağ kimi yüzillik problemini həll etməkdə olan, dünyanın ermənipərəst dövlətləri ilə mübarizə aparan Prezident İlham Əliyevdən kömək istəsin?! Hansı ki, prokuror fəaliyyət göstərdiyi rayonda Polis İdarəsinin istintaq icraatına nəzarət etməlidir. Bəs necə olur ki, Nərimanov rayon prokuroru Hidayət Nurəlibəyov Nərimanov rayon Polis İdarəsi istintaq şöbəsinin müstəntiqi Elnur Məmmədovun bir cinayət işi üzrə artıq 14 dəfə qəbul edib ləğv etdiyi qərarına susub və niyə müstəntiqin barəsində müvafiq tədbir görmür?

Nərimanov RPİ-nin müstəntiqi Elnur Məmmədov Ginnesin rekordlar kitabına düşə bilər...

Ona görə ki, onun icraatına verilmiş cinayət işi materiallarına dair qəbul etdiyi qərarları 14 dəfədir ləğv edilib geri qaytarılır. 

Qısa olaraq deyək ki, Niftəliyev Nurəddin Xasay oğlu həmin cinayət işi üzrə zərərçəkmişdir. Onu mənzil almaq adı ilə "Şakir" MTK-nın sahibi Tural Şakir oğlu Hüseynov mənzilini və ya pulunu qaytarmaması bir yana, hələ bir döyüb də... Təsəvvür edirsinizmi, MTK sədri adam da yox, aldatdığı şəxsi döyür, xəsarət yetirir...

Beləliklə, Niftəliyev Nurəddin Xasay oğlunun ərizəsi əsasmda toplanmış material üzrə fakta görə, 12 oktyabr 2022-ci il tarixdə Nərimanov RPİ-nin İŞ-nin müstəntiqi Elnur Məmmədov tərəfindən Azərbaycan Respublikası CM-in 221.1-ci maddəsi ilə başlanaraq icraatına qəbul edilmişdir. Cinayət işinin başlanmasına əsas və səbəb budur ki, Niftəliyev Nurəddin Xasay oğlu Bakı şəhəri Nərimanov rayonu Həsənoğlu küçəsi 851-ci məhəllə, ev 10 ünvanda yerləşən 165 kvm. sahəli 110 A saylı mənzili almaq üçün Şükürov Ramil Əkbər oğluna 80.000 (səksən min) ABŞ dolları məbləğdə pul vermiş, lakin sonunsu tərəfındən aldadılmış, bundan sonra aralarında yaranmış məsələlərə aydınlıq gətirmək üçün mübahisələri olmuş, 20 sentyabr 2021-ci il tarixdə Bakı şəhəri Nərimanov rayonu N.Hacıyev küçəsi 7A ünvanmda yerləşən “Dostluq” kafesinin 7 saylı yemək otağında Hüseynov Tural Şakir oğlu və Səfərov İlizbar Vəliyəddin oğlu N.Niftəliyevi döyərək qəsdən sağlamlığına zərərvuran xəsarət yetirmələri ilə müşayiət edilən qərəzli hərəkətlər edib xuliqanlıq etmələri barədə Niftəliyev Nurəddin Xasay oğlunun verdiyi ərizələr əsasında toplanmış material olmuşdur.  Bundan sonra müstəntiq icraatındakı bu qalmaqallı işə bərk girişir, amma...

AMMA NƏ MƏSƏLƏDİRSƏ, NƏ BAŞ VERİRSƏ, MÜSTƏNTİQİN ÜZÜ ÇÖNÜR... 

Və müstəntiq cinayət işi başlanmasının rədd olunması barədə qərar qəbul edir. Bilmirik, müstəntiq "Şakir" MTK-nın ala gözünə, yoxsa qara qaşına aşiq olur, yoxsa nə... Amma məlum olur ki, onun vəkili Asif Mədətov (onun barəsində bizə təqdim edilən sənəd və sübutları Vəkillər Kollegiyasına göndərmək qərarına gəldik) onu düzgün təlimatlandırməır, haqqın və ədalətin nə olduğunu əməlli izah etmir... Və indiyədək, həmin materiallar üzrə cinayət işinin başlanması 14 dəfə ləğv edilir.

"Dəvədən böyük Fil də var" və...

Nəhayət, bu gün Bakı şəhər Prokurorluğu 15-ci dəfə müstəntiq Elnur Məmmədovun qərarını ləğv edərək Tural Hüseynovla bağlı məlum materialın bu dəfə qanuni və ədalətli halda yenidən istintaq olunması tapşırığını verir... 

N.Niftəliyev "Təzadlar"ın Araşdırma Qrupuna  bildirdi ki, artıq bu gün həm də Baş Prokurorluqda olub və Tural Hüseynovla bağlı bu cinayət işinin obyektiv araşdırılıb qanuni tədbir görülməsi qət edilib...

Hələlik adını çəkmək istəmədiyimiz tanınmış vəkillərdən və hüquqşünaslardan ikisi ilə söhbətimizdə isə bu qərar ifadə edildi: "İlk növbədə müstəntiq Elnur Məmmədovun barəsində araşdırma aparılmalı, nazir Vilayət Eyvazova və Baş Prokuror Kamran Əliyevə müraciət edilməlidir, müstəntiq ciddi şəkildə cəzalandırılmalıdır... İkincisi, bu dəfə artıq iş materialları Bakı şəhər Prokurorluğunun nəzarətindədirsə, güman edirik ki, "Şakir" MTK rəhbəri məsuliyyətə cəlb edilə biləcək. Cünki Bakı şəhər Prokurorluğunun sonuncu qərarı bunu deməyə əsas verir...".

Xatırladırıq ki, Tural Hüseynovun özünün dəı vaxtilə atası Şakir Hüseyn oğlu Hüseynov və əmisi Vidadi Hüseynovla birlikdə fiziki şəxs kimi isə Ş.Hüseynovun 125 zərərçəkmişi dələduzluq yolu ilə aldatması istintaq və məhkəmə hökmü ilə təsdiqini tapmışdır. Şakir Hüseynov həbsxanada keçinmiş, Vidadi Hüseynov hələ də həbsdədir. Amma maraqlıdır ki, aldadılan zərərçəkmişlərdən pulları qəbul edən Tural Hüseynov olduğu halda (məhkəmə hökmlərində aydın şəkildə ifadə edilir), o, hələ də azadlıqdadır...(Təzadlar")

(Davamı var)

P.S.şağıda Bakı Şəhər Prokurorluğunun bu günkü qərarının surətini təqdim edirik...

 

Prezident İlham Əliyev bir qrup vəkilin “Tərəqqi” medalı ilə təltif edilməsi haqqında Sərəncam imzalayıb.

Sərəncamla Azərbaycan Respublikasında vəkilliyin inkişafındakı xidmətlərinə görə aşağıdakı şəxslər “Tərəqqi” medalı ilə təltif ediliblər:

Hüseynov Əli Meybulla oğlu;

Hüseynov Turqay İmanqulu oğlu;

Hüseynova Esmira Hüseyn qızı;

Qasımov Telman Abiəli oğlu;

Quliyev Azər Şahbala oğlu;

Məmmədova Leyla Polad qızı;

Mustafayev Muxtar Nağı oğlu;

Nəhmətov Fazil İldır oğlu;

Rəsulov Arif Əmrulla oğlu;

Rüstəmova Natəvan Famil qızı;

Usub Elçin Arif oğlu.

Aparıcı Lalə Azərtaş "Təsir dairəsi" verilişində 12 yaşlı qızın nişan görüntülərini yayımlayıb.

Hadisə Sabirabadın Məmişli kəndində yaşanıb. Belə ki, aparıcı çəkiliş üçün ailənin evinə yollanıb.

Ailəsi əvvəlcə övladının nişanı olduğunu danıb və görüntülərin qızın ad günündə lentə alındığını bildiriblər.

"Yalandan bəyin 29 yaşı olduğunu demişdilər. Məlum oldu ki, 32 yaşı var. Qızla aralarında 20 yaş fərq var. Oğlanın adı Kərimdir", - deyə aparıcı verilişində deyib.

Turantv.az saytın elektron poçt ünvanına ADPU-nun Cəlilabad Filialı xüsusən, filialın direktoru Xudayar Sultanlının təhsiləzidd əməlləri haqqında növbəti dəfə ilginc məlumat daxil olmuşdur. Sözügedən həmın materialı oxucularımıza təqdim edirik:

“Son vaxtlar deputatların biznes fəaliyyəti tez-tez gündəmə gəlir. Onların bəziləri doğrudan da biznes sahələrinə rəvac verir, iqdisadiyyatda və ticarətdə müxtəlif sahələrə himayədarlıq edirlər.

Milli Məclisin sədr müavini Fəzail İbrahimli isə bu biznes fəaliyyətinə öz müjdəsini gətirmişdir.

O, yaxın qohumu və həmyerlisi, Azərbaycan Dövlət Pedaqoji Universitetinin Cəlilabad filialının direktoru Xudayar Sultanlını himayə etməklə ölkədə təhsil biznesinin əsasını qoymuşdur. Belə ki,
əslən Yardımlıdan olan Xudayar Sultanlı ADPU Cəlilabad filialından qabaq AMİ-nin Cəlilabad filialında, ondan da qabaq buradakı kənd təsərrüfatı texnikumunda işləmişdir.

Ali təhsilli aqronomdur, dissertasiyanı da aqronomluq sahəsi üzrə yazmışdır və aqronomluq üzrə fəlsəfə doktorudur.

Hamını bir sual düşündürür: Uzun müddətdir, aqronom təhsilli Xudayar Sultanlı Pedaqoji Universitetin 582 tələbəsi olan filialına necə və kimin dəstəyi ilə rəhbərlik edir? O, bu
uzun müddətdə niyə əvəzedilməz direktora çevrilib?
Xudayar Sultanlıya hətta ADPU-nun rektoru Cəfər Cəfərovun da gücü çatmır.

Filialda baş verən özbaşınalıqların, qanunsuzluqların səbəbkarı deputat Fəzail İbrahimlinin bu təhsil müəssisəsinə himayədarlıq etməsidir. Xudayar Sultanlı filiala öz yaxınlarını yığıb, hətta bakalavr
təhsilli qızlara mühazirə deməyə icazə verir ki, bu da təhsil haqqında qanunun tələblərinin pozulması deməkdir.

Digər qanunsuzluq isə filialın pensionerlər idarəsinə çevrilməsi ilə bağlıdır. Təhsil
şöbəsində, orta məktəbdə işləyib, 65 yaşından sonra pensiyaya çıxan müəllimlər magistratura,
doktorantura bitirmədən ADPU Cəlilabad filialında işə götürülür və onlara ixtisaslarına uyğun
olmayan mühazirə dərsləri həvalə olunur.

Filialda çalışan müəllimlərin böyük əksəriyyəti elmdənkənar şəxslərdir, onların bircə məqaləsi çap olunmayıb. Bu bakalavr səviyyəli ali məktəb müəllimləri elmi konfranslarda iştirak etmir, elmi jurnallarda məqalələr çap etdirmirlər. Onların
çoxu elmi iş götürməmişdir və dissertasiya üzərində işləmir.

Bəxtiyar Məhərrəmov, Tofiq
İsgəndərov, Şahin Cəbrayılov, Nadir Babayev, İltifat Bağırov və yaşı yetmiş civarında olan digər
müəllimlərin elmi araşdırmaları yoxdur.

Elmi dərəcəsi olmayan Bəxtiyar Məhərrəmov pedaqoji
təcrübə rəhbəri kimi məsul bir vəzifəni tutur. Filialın kitabxanasının müdiri, bakalavr təhsilli Şahin Cəbrayılov həm də tələbələrə Azərbaycan dilindən mühazirələr oxuyur. Kitabxanaya müdir təyin edilmiş Şahin Cəbrayılov əvvəllər bank işçisi olub, indi nəinki filialın kitabxanasına rəhbərlik edir,
həm də elmi dərəcəsi olmaya-olmaya Azərbaycan dilindən tələbələrə mühazirələr oxuyur, seminarlar aparır. Halbuki, bakalavr təhsili olan şəxslərin ali məktəbdə mühazirə demək
səlahiyyəti yoxdur.

Xudayar Sultanlının digər yaxın qohumu, əslən Yardımlıdan olan 66 yaşlı
pensioner, ixtisasca kitabxanaçı Bilal Hüseynov filialda ixtisasına uyğun olmayan fənlərdən mühazirələr oxuyur.

Filialın keçmiş direktoru Vədud Məmmədovun oğlu Eyvaz Məmmədov
aparıcı şöbələrdən birinə başçılıq edir. Elmi dərəcəsi olmayan Eyvaz Məmmədov uzun müddət direktor müavini vəzifəsində çalışmışdır. Verilən məlumata görə, filialı əslində Eyvaz Məmmədov idarə edir, işçilərin 30 faizindən çoxu onun əqrəbalarıdır, Xudayar Sultanlı qeyri-rəsmi icraçı direkrtordur.

Filialda tələbələrə əsas fənlərdən mühazirə demək səlahiyyəti verilən bakalavr səviyyəli
müəllimlərin yaxın qohumları, övladları da filialda məsul vəzifələr tuturlar. Filialın pensioner müəllimi Aydın İbişovun oğlu Pərvin İbişov belə məsul vəzifələrdən birini daşıyır. Elmi dərəcəsi
olmayan pensioner Ələsgər Mirzəzadə filialın baş müəllimi təyin edilmiş və ona tarix dərslərindən mühazirə oxumaq fürsəti verilmişdir. Ələsgər Mirzəzadə burada mühazirə dərsləri keçən bakalavr
səviyyəli Tofiq İsgəndərovun yaxın qohumudur.

Filialda işləyən Gənclərə də səlahiyyətləri olmaya-olmaya kafedra, şöbə, bölmə müdiri vəzifələri həvalə olunmuşdur. Filialın pedaqoji fakültəsinin dekanı Mənzilə Rəhimova 20 ildir bu vəzifəni tutur,
amma elmi dərəcəsi yoxdur. Dekanlıqda məsul vəzifə daşıyan Elnarə İsmayılovanın da elmi dərəcəsi yoxdur, onun doktorant təhsili olmayan bacısı Səbinə İsmayılova tədbirlərin təşkili və tələbələrlə iş şöbəsinin müdiridir, bundan əlavə filialda mühazirə dərsləri keçir. Elmi dərəcəsi
olmayan Dürdanə Əliyeva isə filialda mühazirə aparmaqla yanaşı, iki şöbəyə (keyfiyyətin təminatı
şöbəsinə və inklüziv təhsil mərkəsinə) başçılıq edir.

Cəlilabad rayon təhsil şöbəsinin müdiri
işləyərkən korrupsiya və rüşvətxorluq maddəsi ilə haqqında cinayət işi açılmış bakalavr təhsilli Qərənfil Əhmədova filialda filoloji təhsil alan tələbələrə “Müasir Azərbaycan dili” fənnindən dərslər keçir.

Elmi dərəcəsi olmayan bu xanım filiala müəllim təyin edilərkən onun haqqında açılmış cinayət işi
bağlanmamışdı.

Filialda elmi dərəcəsi olmadan tarix fənnindən mühazirə deyən müəllimlərdən
biri də direktor Xudayar Sultanlının yaxın qohumu Mürsəlli Fuad Mirnəsihət oğludur. Mühazirə və seminar dərslərini aparanların çoxu bakalavr səviyyəli qadınlardır.
Filialın elmi tədqiqat və innovasiyalar şöbəsinə, tələbə və tədrisin idarə olunması şöbəsinə, təbiət və sosial elmlər kafedrasına da elmi dərəcəsi olmayan şəxslər başçılıq edirlər.

ADPU Cəlilabad filialı ali təhsil müəssisəsidir, onun orta məktəb kimi idarə olunması, əsas fənlərin tədrisinin bakalavr səviyyəli şəxslərə həvalə olunması ali təhsil haqqında qanunun tələblərinin pozulması deməkdir.

Maraqlıdır ki, filialda əsas vəzifələri də elmi dərəcəsi olmayanlar tuturlar.
Filial direktoruna iş üçün müraciət edən doktorantlara və fəlsəfə doktorlarına bir qayda olaraq vədlər verilir, lakin onların işlə təmin edilməsi xahişləri yerinə yetirilmir.

Filialda bu biabırçı vəziyyətin yaranmasının əsas səbəbi onun Fəzail İbrahimlinin himayəsində olması ilə bağlıdır.

Deputat qohumuna güvənən Xudayar Sultanlı bu nöqsanları
aradan qaldırmaq iqtidarında deyil, çünki nöqsanlar onun ADPU Cəlilabad filialını aqronom kimi
idarəetmə prinsipindən irəli gəlir.

Əminik ki,Rektor CƏFƏR CƏFƏROV ADPU-nun Cəlilabad filialı və onun aqranom direktoru Xudayar Sultanlı haqqında ciddi ölçü götürəcək və bu müqəddəs təhsil ocağında ciddi islahatlar həyata keçirəcəkdir.

Redaksiya olaraq qarşı tərəfin də mövqeyini dərc etməyə hazırıq.

Ardı növbəti sayımızda olacaq.Bizi izləyin…

Turantv.az

Prezident İlham Əliyev Qusar rayonunun Qusar-Xudat (18 km)-Langi-Caqarqışlaq-Urvaoba-Atlıxan-Kuzunqışlaq-Zindanmuruqqışlaq-Avaranqışlaq avtomobil yolunun əsaslı təmiri ilə bağlı tədbirlər haqqında Sərəncam imzalayıb.

Sərəncama əsasən, beş min nəfər əhalinin yaşadığı 7 yaşayış məntəqəsini birləşdirən Qusar-Xudat (18 km) - Langi - Caqarqışlaq - Urvaoba - Atlıxan - Kuzunqışlaq-Zindanmuruqqışlaq - Avaranqışlaq avtomobil yolunun əsaslı təmiri məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin ilkin olaraq 1,2 milyon (bir milyon iki yüz min) manatı Azərbaycan Avtomobil Yolları Dövlət Agentliyinə ayrılıb.

2003-cü ildə saxta diplom səbəbindən xüsusi xidmət orqanları tərəfindən əməliyyatın keçirildiyi Bakı şəhəri Xətai rayonu 202 saylı körpələr evi ilə bağlı yeni qalmaqal yaşanmaqdadır. Qeyd edək ki, bu dəfə ittiham edən tərəf 202 saylı körpələr evi-uşaq bağçasının tərbiyəçi müəlliməsi Alıyeva Ruhəngiz Abduləli qızıdır. Onun nədən çalışdığı bağçadakı özbaşınlıqları ifşa etməyinə gəlincə isə bu barədə növbəti yazımızda məlumat verəcəyik.

İndi isə keçək Ruhəngiz xanımın iddialarına... O yazır:

"Ölkə rəhbərinin qanunsuzluqlara ictimai qınağın və nəzarətin çağırışlarını rəhbər tutaraq müraciət edirəm. Müraciətim Bakı şəhəri Xətai rayonu 202 saylı körpələr evi - uşaq bağçasında baş verən qanunsuzluqlar və ciddi cinayət əməlləridir. Çox təəsüf ki, bağçanın müdiri Paşayeva Simuzərin bu cinayət əməllərinə aidiyyəti üzrə dəfələrlə müraciət etməyimə baxmayaraq göz yumulur və şərait yaradılır. Qeyd olunan qanunsuzluqlar və cinayət əməlləri aşağıdakılardan ibarətdir:

Dövlət vəsaitinin qeyri-qanuni yolla mənimsənilməsi və idarəetmənin kobud şəkildə pozulması adi hal almışdır. Neçə illərdir tabeldə adları olub özləri heç vaxt işdə olmayanlar (ölü canlar) vardır. Həmin şəxslərin əksəriyyəti müdirə və ona yaxın olan təsərrüfat müdiri Kazımova Qənirə və Hüseynova İlhamənin yaxın adamlarıdır. Hüseynova İlhamənin adı ştat cədvəlində texniki işçi getsə də, müdirin sağ əlidir. Belə ki, əlində kitabçası ilə valideynlərdən aylıq pul yığmaqla məşğuldur.

Adları cədvəldə olub özləri işdə olmayan şəxslər (ölü canlar)bunlardır:
1)Bənənyarlı Rifat(müdirin oğlu-işə gəlmir)
2)Ağayeva Zeyrə (heç vaxt görməmişəm)
3)Dadaşov Vilayəddin (ştata uyğun işləmir)
4)Mikayılov Zabil (heç vaxt görməmişəm)
5)Kazımova Zeynəb (heç vaxt görməmişəm)
6)Tağıyeva Səadət (bir dəfə yoxlama gələndə gətiriblər)
7)Hüseynov Mahir (İlhamənin həyat yoldaşı-heç vaxt görməmişəm)
8)Kazımov Nicat (bir dəfə Prokurorluqdan gələndə tez işə çağırdılar)
9)Fəryadı Südabə (köhnə işçidir, işə çıxmaq istədiyi halda müdir tərəfindən işə buraxılmır)

Bu işçilərin çoxunun heç vaxt üzlərini görməmişik. Bağça hər tərəfdən kamera nəzarəti altındadır. Kameralar və tabeldəki qollar vasitəsilə yuxarıda adları göstərilən ölü canların işə gəlib-gəlməməyini araşdırmaq çox asandır..."

DAVAMI VAR...

Təqdim etdi: DİA-AZ.İNFO (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...