[sub][/sub]

Qərbi Azərbaycan Xronikası layihəsi çərçivəsində növbəti analitik süjet hazırlanıb.

Süjetdə Ermənistanın baş naziri Nikol Paşinyanın ATƏT Parlament Assambleyasının İrəvanda keçirilən sessiyasının açılış mərasimində Qərbi Azərbaycanla bağlı iddialarını yenidən irəli sürməsindən bəhs olunur.

Bildirilir ki, onun iddiasına görə, “Azərbaycanın Ermənistan ərazisini rəsmi şəkildə Qərbi Azərbaycan adlandırması şübhəli görünür və rəsmi Bakının Ermənistana qarşı yeni hərbi əməliyyatlara hazırlaşdığı təəssüratını yaradır. Ermənistana qarşı hərbi təcavüz sülh gündəliyinin irəliləməsi yolunda əsas maneələrdən biridir”.

Qeyd olunur ki, Ermənistanın bir-birini təkzib edən mövqeyi artıq o qədər də təəcüblü deyil, çünki 44 günülük müharibədən sonra rəsmi İrəvanın əsas işi bölgədə sülh perspektivini məhv etmək, geosiyasi oyunçuların regionla bağlı planlarını icra etmək olub. Bu baxımdan, Paşinyanın sərsəm bəyanatına diqqətə almamaq da olar. Hərçənd, erməni baş nazirin kampaniya xarakteri daşıyan “Azərbaycan hücum edəcək” iddiasını Qərbi azərbaycanlıların doğma evlərinə qayıdışı məsələsinə bağlamasının altında yatan məkrli oyun gözardı ediləcək amil deyil. Proseslərin analizi göstərir ki, Ermənistan Qərbi Azərbaycan İcmasının fəaliyyətini, ümumiyyətlə, soydaşlarımızın öz yurdlarına qayıdış hüquqlarını təhrif etməyə çalışır. Ən təhlükəli məqam isə bunu Cənubi Qafqazda yeni eskalasiyanın yaradılması planlarına daxil etmək cəhdidir.

Vurğulanır ki, Ermənistan reallığı qəbul etmək istəmir və müxtəlif bəhanələrlə sülh gündəliyinə maneələr yaradır:

“Ermənistan sülh gündəliyini arxa plana keçirməklə Zəngəzur dəhlizi ilə bağlı öhdəliyini yerinə yetirməmək, səkkiz kəndi işğaldan azad etməmək, eləcə də azərbaycanlıların Qərbi Azərbaycana qayıdışına mane olmağa çalışır. Qərb cəbhəsi isə bölgədə Ermənistan üzərindən möhkəmlənmək və Rusiyanı Cənubi Qafqazda sıxışdırmaq niyyətindədir. İndi Ermənistan anti-Azərbaycan kampaniyasına “Qərbi Azərbaycan” terminini daxil edir və bununla həm yeni istinad nöqtəsi yaradır, həm Qərbi Azərbaycan İcmasının fəaliyyətini təhrif edir, həm də Qərbi azərbaycanlıların öz evlərinə qayıdış hüququnu arxa plana keçirməyə çalışır”.

Sonda diqqətə çatdırılır ki, Ermənistanın Qərbi azərbaycanlıların hüququnu yerinə yetirmək öhdəliyi var, beynəlxalq konvensiyalar bunu tələb edir və rəsmi İrəvanın oynadığı bütün məkrli oyunlara rəğmən Qərbi azərbaycanlıların öz evlərinə qayıtmaq hüququ təmin ediləcək:

“Dialoqdan imtina edən Ermənistanın regional sülhü riskə ataraq geosiyasi qüvvələrin plasdarmına çevrilmək siyasəti isə hər şeydən öncə bu ölkənin mövcudluğunu sual altına salır. Çünki kiçik və zəif Ermənistanın “böyük oynamaq” şansı yoxdur və nə Rusiya, nə də İran öz sərhədlərində rəsmi İrəvanın onların rəqibləri ilə “flörtləşməsi”ni qəbul etməyəcək. Bu ssenaridə Ermənistanın sektorlara bölünməsi qaçılmaz ola bilər”.

Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

23.11.2023-cü il saat 20:03 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Binəqədi rayonu, Süleyman Sani Axundov küçəsində yerləşən obyektdə yanğın hadisəsi ilə bağlı çağırış daxil olub.

Hadisə yerinə 7 təcili tibbi yardım briqadası cəlb olunub.

Yanğın nəticəsində 6 nəfər (1 qadın, 5 kişi olmaqla) xəsarət alıb. Onlardan 4 nəfər Kliniki Tibbi Mərkəzə, 1 nəfər Nərimanov Tibb Mərkəzinin tabeliyindəki Yanıq Mərkəzinə təxliyə olunub. 1 nəfərə isə (kişi cinsli, 35 yaşlı) sağ qaşüstü nahiyənin I dərəcəli yanığı diaqnozu ilə yerində yardım göstərilib.

Kliniki Tibbi Mərkəzə təxliyə olunan 33 yaşlı vətəndaşa (kişi cinsli) sağ bud nahiyəsinin deşilmiş yarası, 28 yaşlı vətəndaşa (kişi cinsli) sol çiyin nahiyəsinin deşilmiş yarası, 56 yaşlı vətəndaşa (kişi cinsli) bud-çanaq nahiyəsinin travması, 39 yaşlı vətəndaşa (qadın cinsli) bədənin müxtəlif nahiyələrinin yanığı, sağ qolun travması diaqnozu qoyulub.

Yanıq Mərkəzinə təxliyə olunan 40 yaşlı vətəndaşa (kişi cinsli) sağ ayağın II-III dərəcəli yanığı diaqnozu qoyulub.

Hazırda tibb müəssisələrinin müvafiq şöbələrində zərərçəkənlərə zəruri tibbi xidmətlərin göstərilməsi davam etdirilir.

Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanovun təqdimatı ilə Qusar və Zərdab rayon mərkəzi xəstəxanalarına yeni direktorlar təyin ediliblər.

Qusar Rayon Mərkəzi Xəstəxanasında Pərviz Məhsimov, Zərdab Rayon Mərkəzi Xəstəxanasında isə Emil Kamilov direktor vəzifəsini icra edəcəklər.

Qusar Rayon Mərkəzi Xəstəxanasının direktoru Pərviz Məhsimov ixtisasca cərrahdır. O, bu təyinatadək Xaçmaz Rayon Mərkəzi Xəstəxanasının Keyfiyyətə nəzarətin idarəedilməsi komitəsinin rəhbəri olub.

Tibb üzrə fəlsəfə doktoru olan Zərdab Rayon Mərkəzi Xəstəxanasının direktoru Emil Kamilov ixtisasca cərrahdır. O, bundan əvvəl Zərdab Gigiyena-Epidemioloji Mərkəzinin direktoru vəzifəsində çalışıb.

Ehtiyatda olan baş leytenant Pərvin Abdullayev TİKTOK soail media hesabında qazi yoldaşı Müslüm Musayev barəsində danışıb. o bildirib ki, musayev hazırda internet klubda və məcbur qaldıqda küçələrdə gecələyir. onun getməyə nə evi, nə də ailəsi var. ehtiyatda olan leytenant imkanlı şəxslərə səslənərək, qalib ordunun qalib əsgərinin küçələrdə qalmaması üçün yardım istəyib.
Ətraflı öz dilindən dinləyək.

Mənbə: Kanal 13

Bir neçə ay əvvəl TƏBİB-in icraçı direktoru Vüqar Qurbanov tərəfindən Beyləqan rayon xəstəxanasına direktor təyin edilən Bayram Muradovdan narazılıq var. Onun bu işi bacarmadığı bildirilir.

RealMedia.az xəbər verir ki, etimad doğrulda bilməyən yeni direktor xəstəxananın İnsan Resursları Şöbəsinin müdiri (kadr şobəsi) Mətanət Qarayevayla him-cimləşərək Beyləqan rayon xəstəxanasının köhnə direktoru, hazırda Bakı Şəhər 3 saylı Sabunçu Tibb Mərkəzinin direktoru vəzifəsində çalışan Nurəngiz Bəşirovaya qarşı narazı elektorat yaratmaqla, ona “savaş” açıblar.

Belə ki, Bayram Muradov və Mətanət Qarayeva Nurəngiz Bəşirovanın Beyləqan xəstəxanasına rəhbərlik etdiyi dönəmdə işə qəbul etdiyi işçilərin qanunsuz götürüldüklərini idda edərək, onları kütləvi şəkildə işdən azad edirlər. Bu üzdən də bir neçə işçilərin əmək müqavilələrinə xitam verilib. Bir neçəsinə də verilmək üzrədir.

Bildirilir ki, Nurəngiz Bəşirovanın dövründə xəstəxanaya işə götürülən işçilərin işdən çıxarılmasında daha çox maraqlı qüvvə Beyləqan Rayon Mərkəzi Xəstəxanasının İnsan Resursları Şöbəsinin müdiri Mətanət Qarayevadır. Bayram Muradov xəstəxananın direktoru olmasına baxmayaraq, bütün işləri Mətanət Qarayeva sürdürür. Buna səbəb isə direktrorun səriştəsizliyi, idarəçilik bacarıqsızlığı, qanunları bilməməsi, sahib olduğu posta uyğun olaraq savadının olmaması, əsasən də iş gününün daha çox vaxtını yeyib-içmək məclislərində, eyiş-iştərdə keçirməsidir. Bu fürsəti fövtə verməyən, Mətanət Qarayeva, necə deyərlər, hoppanıb çıxıb direktorun başına. Yəni, “Mətanət bacı” nə deyirsə, Bayram doktorda ona boyun əyir. O da bildirilir ki, Mətanət Qarayeva daha çox öz kabinetində tapılmır. Onun qapısını döyənlər vurğulayırlar ki, Mətanət xanım daha çox direktorun otağında olur və onunla “him-cimləşirlər”. Tanıyan bilənlərdə yaxşı bilirlər ki, heç Bayram doktor da az aşın duzu, “him-cim”dən geri qalan adam deyil. Adətən o özünü sakit aparsa da, gercəkdə göründüyü kimi deyil. Əsil “him-cim” adamıdır. Yeri gəlmişkən deyim ki, bu “himlə-cim” məsələsini pis yerə yozmayın. İş baxımından deyirəm.

Çünki N. Bəşirovanın dövründə də Mətanət Qarayeva xəstəxananın İnsan Resursları Şöbəsinin müdiri vəzifəsindən çalışıb. Kimləri necə və hansı yolla götürüblərsə də onları yaxşı bilir. İşə götürülən işçilərin əmrləşmə prosesini də məhz o həyata keçirib. Bu üzdən də o, həmin dövrdə Nurəngiz Bəşirova tərəfindən işə götürülən işçilərin əksəriyyətinin qeyri-qanuni olaraq götürüldüyünü, əksəriyyətinin 3-6 aylıq kurs bitirdiklərini, ixtisasları üzrə uyğun işə götürülmədiklərini əsas gətirərək onların əmək müqaviləsinə xitam verir.

Qeyd edək ki, Beyləqan xəstəxanasında xadiməçi qeydiyyatçı, qeydiyyatçını xadiməçi, tibb bacısı yerində işlədilir. Hətta şəxsən tanıığımız kişi cinsli şəxslər var ki, onların adları xəstəxananın ştat cədvəlində xadiməçi kimi əmrləşdirərək özləri başqa sahələrdə çalışırlar. Hətta həmin şəxslər tabelə imza edib gedirlər. Elələri var ki, on gün irəliyə belə tabelə imza etmələ günlərlə işə gəlmirlər.

Əlbəttə ki, bütün bu qanunsuzluqlara rəvac verən Mətanət Qarayeva və Bayram Muradovdur. İndi bu iki cütlük deyirlər ki, Nurəngiz Bəşirova işə götürdüklərini qanunsuz götürüb. Deyək ki, siz deyəndir. N. Bəşirova belə bir qanunsuzluq edib. Bəs yaxşı, siz niyə buna imza atmısınız? Axı siz həmin vaxtda kadr işləri üzrə şöbə müdiri vəzifəsində çalışırdınız. Bunların cinayət olduğunu bilə-bilə siz niyə bu cinayəti dəstəkləmisiniz? Yoxsa ki, elə başa düşürsünüz ki, N. Bəşirova getdi, siz hər şeyi onun üzərinə ata bilərsiniz? Əgər belə düşünürsünüzsə yanılırsınız. Əgər doğurdanda siz iddia etdiyiniz kimi Nurəngiz Bəşirovanın dövründə işə götürülən işçiləri qanunsuz və yaxud dolayı yolla götürməklə cinayət törədibsə, onda bu cinayətə sizdə ortaqsınız, biləsiniz. Yəni sabah Baş prokurorluq tərəfindən kadr işləri yoxlanılarsa, əmin olun ki, sizi daha ağır cəza gözləyir. Bu məqamda isə sizi heç bir qüvvə qoruya bilməyəcək. Nə qədər gec deyilsə, özünüzə gəlin və hoqqabazlığınızı qutarın.

Məlumata görə, işdən çıxarılan işçilərin bəziləri Nurəngiz Bəşirovanın Beyləqandakı evinə də gediblər.

Bu arada onu da qeyd edək ki, Bayram Muradovun Beyləqan rayon xəstəxanasına direktor təyin edilməsini TƏBİB -in icraçı direktoru Vüqar Qurbanova Nurəngiz Bəşirova tuşudub. Yəni Bayram Muradovu vəzifəyə gətirən N. Bəşirova olub. Ancaq Bayram Muradov isə nədənsə ona olunan bu yaxşılığı tez unudub.

Mövzuya qayıdacağıq.

Mənbə: RealMedia.az

Bu günlərdə gundemxeber.az xəbər portalının redaksiyasına Sabirabad Rayon Balakənd kənd ümumi orta məktəbin müəlliməsi Qəfərova Zibeydə Cabbar qızının Azərbaycan Respublikasının Prezidenti İlham Əliyev cənablarına, Azərbaycan Respublikasının Birinci vitse-prezidenti Mehriban xanım Əliyevaya, Baş Prokurorluğa, Elm və Təhsil Nazirliyinə, Dövlət Təhlükəsizlik Xidmətinə, İnsan Hüquqları üzrə Müvəkkilə və digər dövlət qurumlarına yazdığı şikayət ərizəsinin surəti daxil olub. Zibeydə Qəfərova qeyd edir ki, “Mən 2020-ci ildə MİQ-in imtahanlarında iştirak etdim və Sabirabad Rayon Balakənd kənd ümumi orta məktəbinə müddətsiz müqavilə sənədi əsasında müəllimə təyin olundum. Həmin vaxtdan bu günə kimi direktor müavini Vüsalə Əlimusa qızı Umudova tərəfindən qərəzə və olmazın təzyiqlərə məruz qalmaqdayam. Düzdür, əvvəllər bu barədə məktəbin direktoru Ramin Əliyevə müraciət etmirdim. Çünki, məndə belə bir fikir formalaşmışdı ki, Vüsalə Umudovanın əməllərindən direktorun məlumatı var. Belə bir səbəbdən də, dəfələrlə öz ərizəm əsasında işdən uzaqlaşmaq qərarına gəlmişdim. Elə ki, 2022-2023- cü tədris ili başladı, o halda Vüsalə Umudovanın olmazın təhqirlərinə, hədələrinə, mənə qarşı etdiyi rəftara və s. heç cür dözə bilmədim.
Qeyd edim ki, Şirvan şəhərində yaşadığımdan birinci saatlara gedib çata bilmirdim, eyni zamanda həftədə 8 saat biologiya dərsim olduğu üçün, rəhbərlikdən məni nəzərə almalarını xahiş etmişdim. Bildirim ki, müəllimlik fəaliyyətimə başladığım ilk ildə Vüsalə Umudova məndən 50(əlli) manat pul aldı və o, cədvəldə dərs saatlarımı iki günə yerləşdirdi. 2022- 2023-cü tədris ilində isə, direktor müavini öz rəfiqəsi, hansı ki, məktəbin texnologiya müəlliməsi Lamiyə Mikayıllıdan mənə xəbər çatdırdı ki, ona 50 manat pul verməyəcəyim təqdirdə, bu dəfə cədvəldə dərs saatlarımı 3-4 günə yerləşdirəcək. (Bütün bunları sübuta yetirmək üçün məndə kifayət qədər votsap yazışmaları var) Elə ki, günlər keçirdi, o halda Lamiyə Mikayıllı hər gün məndən pulu verib-verməyəcəyimi soruşurdu, hətta pulun verilməsinin vacib olduğunu da deyirdi. Qeyd edim ki, Lamiyə müəllimə ilə mən Şirvan şəhərindən məktəbə birlikdə gedirik. Bu müəllimənin 5 saat texnologiya dərsi bir günə, mənim 8 saat, hansı ki, hər biri 2 saatlıq dərs olduğu halda 3-4 günə salınacağı bildirilirdi. Həmin il rayonun Bulaqlı məktəbindən ikinci iş yeri olaraq əlavə saat hesabı dərs götürdüm. O halda Vüsalə Umudova məni yanına çağırdı və dərs cədvəlinin yenidən tərtib olunduğunu bəhanə edib, ayda ona 20 manat pul verməli olduğumu dedi. Mən də ona nə 50 manat, nə də ki, 20 manat verməyəcəyimi və bu haqda direktora müraciət edəcəyimi bildirdim. O halda Vüsalə Umudovanın sözü o oldu ki, “get kimə istəyirsən müraciət et. Dərs saatlarının yiyəsi mənəm, direktor kimdir?”. Belə olan halda məcbur olub direktorun qəbuluna keçdim. (Bildirim ki, həmin günə qədər Vüsalə Umudova nə mənim, nə də ki, digər müəllimlərin direktora sözümüzü deməyə imkan vermirdi və hər işi onun vasitəsilə görməyi tələb edirdi). Elə ki, direktor Ramin Əliyev baş verənlər haqda məlumatlı oldu, o halda o, mənə bərk əsəbləşdi və indiyə qədər niyə məlumat vermədiyimi, hansı səbəbdən problemləri ondan gizlətməyimi soruşdu. Qeyd edim ki, başqa bir müəllim də hansısa bir problemlə bağlı məsələni direktora çatdırmışdı. Həmin vaxt direktor müəllimləri iş otağına topladı və müavini Vüsalə Umudovanı ciddi şəkildə danladı, hətta ona ərizə yazıb işdən çıxmağı, etdiyi hərəkətlərə görə onu Əmək Məcəlləsinin müvafiq maddəsi ilə cəzalandıracağını da qeyd etdi. Daha sonra direktor mənə və bütün müəllimlərə belə bir işlərdən xəbərinin olmadığını bildirdi. Həmin vaxt Vüsalə Umudova bizim yanımızda direktora hirsli cavab verdi və o, “Məni məktəbə müavin siz təyin etməmisiniz və işdən də azad etməyə gücünüz çatmaz” dedi və qapını bərk vuraraq otaqdan çıxdı. Həmin vaxtdan bir növ “qara günlər”im başladı. Yəni, Vüsalə Umudova məni “xəbərçi” adlandırdı, müəllimlər arasında məni təhqir etməyə və alçaltmağa çalışdı. Direktor müavininə qarşı lazımi tədbirlərini görmək istədikdə isə, Sabirabad Təhsil sektorunun müdiri tərəfindən təzyiqlərə məruz qaldı. Hətta, bir dəfə sektor müdiri Pəhlivan Qarayevin özü məktəbə gəldi və heç bir müəllimi dinləmədən, məsələləri araşdırmadan Vüsalə Umudovanın mövqeyini müdafiə etdi. Direktoru bizim yanımızda, bizi isə Vüsalə Umudovanın yanında heçnə edərək çıxıb getdi. Sektor müdiri hər kəsə çatdırdı ki, direktor müavini onun adamıdır və həmin gündən də Vüsalə Umudova müəllimlərin hamısını, əsasən də məni aşağılamağa başladı. Hətta, bir dəfə müəllimlərin gözləri qarşısında o, mənə qarşı fiziki güc də göstərdi. Direktor ona, niyə belə edirsən deyən kimi, bu xanımın şantajı və verdiyi cavab üç cümlədən ibarət olur “Sən kimsən, müəllim kimdir? Əcəb edirəm. Pəhlivan müəllimə zəng edib deyəcəyəm! Pəhlivan müəllimə vaxtında 2500 dollar pul vermişik və o da, söz verib ki, mən nə qədər təhsil sahəsində çalışıram, sən də “zavuç” olaraq işləyəcəksən, 18 saat dərslə də təmin ediləcəksən”.
Hal-hazırda bütün müəllimlər Vüsalə Umudovanın şantaj əməllərindən və Pəhlivan müəllimdən çəkindikləri üçün, sanki sakit dayanmağa məcbur olublar. Vüsalə xanım lazım gəldikdə direktoru da şantaj etməyi bacarar. Hər kəs dəqiq bilirik ki, direktor müavini vəzifəsində çalışan bu xanım məktəbdə sosial məzuniyyət ştatına müvəqqəti işə götürülənə qədər, bir gün də olsa belə hansısa sahədə pedaqoji fəaliyyətlə məşğul olmayıb. Vüsalə Umudova MİQ-in imtahanlarında iştirak etməyib və ehtiyac olmadığı halda o, 2013-ci ildə müddətsiz müqavilə sənədi əsasında məktəbdə müəllim vəzifəsində saxlanılıb və qohumluq əlaqələrindən istifadə etməklə, direktor müavini vəzifəsinə təyinat almağı da bacarıb. Bu xanımın əmək kitabçası isə, Qalağayın kənd Əli Qurbanov adına tam orta məktəbin sabiq direktoru, hansı ki, həmin illərdə vəzifəsindən azad olunmuş Seyidəli Hadıyevin adından saxta yolla qaydaya salınır. Bunu sübut etmək üçün yetərincə faktlar var. Sadəcə olaraq hər kəs Vüsalə Umudovanın şantaj əməllərindən ehtiyat etdiyi üçün, bunu müəyyən mənada gizlətməyə məcbur olurlar. 06 oktyabr 2023-ci il tarixdə dərs saatlarım olmadığından, Birinci və İkinci Qarabağ müharibəsi iştirakçısı, qazi, hansı ki, tank komandiri vəzifəsində çalışmış, ruhi-əsəb problemləri olan, müharibə dövründə gözündən ağır xəsarətlər alan, onkoloji xəstəliyə düçar olduğundan Onkologiya Mərkəzində müalicə olunan xalamın həyat yoldaşına, həm də xalama baş çəkmək üçün, qeyd olunan mərkəzə getmişdim. Həmin gün direktor mənə zəng etdi və nəyə görə dərsdə olmadığımı soruşdu. O halda müəllim, bu gün dərs saatım yoxdur və özüm də Onkologiya Mərkəzindəyəm deyə cavab verdim. Az sonra direktor Ramin Əliyev mənə “Vüsalə Umudova təhsil sektoruna zəng edib və belə bir məlumat da verib ki, Zibeydə Qəfərova dərs saatları olduğu halda işə gəlmir” dedi. Qeyd edim ki, Vüsalə Umudova ikinci iş yerində işləyəcəyim təqdirdə, dərs cədvəlində mənə aid dərs saatlarını qaydaya salmayacağını demişdi. Elə ki, həmin gün direktor dərs saatlarımın olmadığını bildi, o halda o, “Heç bir problem yoxdur, məsələni özüm qaydaya salacağam” dedi. Həmin gün Onkologiya Mərkəzindən çıxdım və birbaşa saat 17:35 radələrində Sabirabad rayon təhsil sektorunun müdiri Pəhlivan Qarayevin qəbulunda oldum və hər şeyi ona olduğu kimi danışdım. Qəbulda olarkən Vüsalə Umudovanın dediklərini də, yəni “Sən kimsən, müəllim kimdir? Əcəb edirəm, təhsil idarəsinə zəng edirəm, yenə də zəng edib deyəcəm. Atam bu işə düzəlməyim üçün vaxtında 2500 dollar pul verib və Pəhlivan Qarayev də mənə söz verib ki, sən “zavuç” işləyəcəksən və 18 saat dərslə də təmin olunacaqsan” dedim. Bir sözlə, bütün bunları Pəhlivan müəllimin diqqətinə çatdırdım. Çünki, hər dəfə biz Vüsalə Umudovadan bu sözləri eşidirik. Qəbulda şifahi dediklərimi dedim, qalanlarını da yazılı formada rəhbərliyə təqdim etdim. Bütün bunlara baxmayaraq, bu günə kimi Vüsalə Umudova ilə bağlı heç bir araşdırma işləri aparılmayıb.

Hörmətli redaksiya!
Mən bu müraciətimi Sizə əlacsızlıqdan, baş verən olayların qarşılığında bir növ aciz qaldığımdan yazıb göndərmək qərarına gəldim. Çünki, 15 oktyabr 2023-cü il tarixdə Mil-Muğan Regional Təhsil İdarəsinə, şəxsən idarənin rəisi cənab Rəşad Musayevə şikayət məktubu ünvanlamışam və həmin vaxtdan 20 gün keçməsinə baxmayaraq, hələ də lazımi araşdırma işləri həyata keçirilməyib, əksinə mənə qarşı yeni təhdidlər, yeni şantajlar davam etməkdədir. Bir sözlə, direktor müavini Vüsalə Umudovaya yenidən mənə qarşı aqressiya nümayiş etdirmək, məktəbin direktorunu şantaj etmək imkanı yaradılıb. Faktdır ki, bu günə qədər Vüsalə Umudova ilə bağlı heç bir tədbir görülməyib, hansısa araşdırma işləri həyata keçirilməyib. Çünki, bu xanımın “daydayısı” çox güclüdür və o, bunu müəyyən yollarla bizim diqqətimizə də çatdırır. Amma, Vüsalə xanım hələ də onu dərk etmir ki, ölkəmizin rəhbəri var, ölkəmizin işlək dövlət qurumları və mükəmməl qanunları var!.
06 noyabr 2023-cü il tarixdə Vüsalə Umudova mənə yaxınlaşdı və o, Nazanı İbadova ilə birləşdiyini, yaxın vaxtlarda direktoru şantaj edib tələyə salacaqlarını, hətta videoya çəkəcəklərini də dedi. O, mənim də oxşar aqibəti yaşayacağımı nəzərimə çatdırdı və onu da vurğuladı ki, ya ərizəni yaz işdən özün çıx, ya da ki, qız uşağı olmağına baxmayaraq, səninlə bağlı biabırçı video-çəkilişlər həyata keçirib, birbaşa səni eloba, dost-tanış və s. arasında rüsvay edəcəyik. Vüsalə Umudova mənə “Həyat yoldaşım belə işləri çox ustalıqla yerinə yetirir. Çünki, onun arxa-dayağı mənəm və mənim qohumlarımdır” deməyi də unutmadı. Bu cür açıqlamalardan sonra həyatımın olduqca təhlükədə olduğunu hiss edirəm. Mən ölkə rəhbəri möhtərəm İlham Əliyev cənablarına olduqca inanıram. Faktdır ki, biz cənab Prezidentin əyilməz iradəsinin qarşılığında ərazi bütövlüyümüzə nail olduq. Mən qəti şəkildə inanıram ki, Sabirabad Rayon Balakənd kənd ümumi orta məktəbinin direktor müavini Vüsalə Umudovanın qol qoyduğu əməllərlə bağlı, həmçinin ona belə bir addımlarını atmağa şərait yaradan, fürsət verən vəzifə sahibləri ilə bağlı lazımi tədbirlərin görülməsi üçün, cənab Prezident aiddiyyatı dövlət qurumlarına lazımi tapşırıqlarını verəcək. Yazıda adı keçən hər kəsin mövqeyini dinləməyə və dərc etməyə hazırıq.

GundemXeber.Az

TƏBİB ölkədə son günlər müşahidə olunan qızılca xəstəliyinə yoluxma halları ilə bağlı məlumat yayıb.

Məlumatda qeyd olunur ki, virusdan qorunmaq üçün peyvənd olunmaq lazımdır:

“Sizdən daxil olan çoxsaylı müraciətlərə cavab olaraq bildirmək istəyirik ki, hazırda ölkə ərazisində qızılca xəstəliyinə yoluxma halları müşahidə edilir. Bir çoxunuza məlum olduğu kimi, ölkəmizdə qızılca xəstəliyinə son illər ərzində yoluxma nadir hallarda qeydə alınıb, hətta bəzi illərdə ümumiyyətlə, yoluxma olmayıb, ən yüksək yoluxma isə 2018-ci ildə qeydə alınıb. Bu da daha çox 40 yaşdan yuxarı əhali arasında müşahidə olunub və dövlət tərəfindən təqvimdən kənar peyvənd kampaniyalarına başlanılıb.

Qızılca xəstəliyinə yoluxmaların bu tipli artımları Ümumdünya Səhiyyə Təşkilatı (ÜST) tərəfindən proqnozlaşdırılmışdır. Belə ki, hazırda Avropa regionunda da yoluxma sayları payız-qız aylarında artım göstərməkdədir. Bunun əsas səbəbi peyvəndlənmə yaş dövrünün COVID-19 pandemiyasına təsadüf edən uşaqların olmasıdır ki, məhdudlaşma tədbirlərinə bağlı olaraq onlar peyvəndlənmədən kənar qalıblar”.

Qeyd edilib ki, hazırda yoluxmalar daha çox məktəb və bağça yaşlı uşaqlar arasında üstünlük təşkil edir:

“Bu xəstəlik uşaqlıq dövrünün infeksion xəstəliklərindən hesab olunur, virus mənşəli xəstəlikdir və özü sağalan xəstəliklər qrupuna daxildir. Yəni bu, o deməkdir ki, xəstəliyin xüsusi spesifik müalicəsi yoxdur. Qızılca xəstəliyi adətən stasionar müalicəyə ehtiyacı olmayan, ev şəraitində izolyasiya olunaraq müalicə edilən xəstəlikdir. Bu xəstələr ailə sağlamlıq mərkəzlərinin həkimləri tərəfindən nəzarətə götürülür. Bir sıra hallarda yoluxmuş şəxslərdə xəstəliyin ağırlaşma halları baş verə bilər. Bunlara pnevmoniya, orta qulağın iltihabı, bağırsaq mənşəli ağırlaşmalar, ensefalit, meningit və s. aiddir. Belə olan hallarda xəstələr TƏBİB-in tabeli tibb müəssisələrində fəaliyyət göstərən yoluxucu xəstəliklər şöbələrinə yatırılaraq müalicəyə cəlb olunurlar. Müalicə xərcləri icbari tibbi sığortanın Xidmətlər Zərfi çərçivəsində ödənilir.

Nəzərinizə çatdırmaq istəyirik ki, TƏBİB-in tabeliyində Bakı şəhəri üzrə 17, Sumqayıt şəhəri üzrə 2, regionlarda isə 48 yoluxucu xəstəliklər şöbəsi fəaliyyət göstərir, çarpayı sayı cəmi 1400-ə qədərdir.

Bu günə olan məlumata əsasən, bütün regionlar, Sumqayıt və paytaxt ərazisində yoluxma sayları nəzarət altındadır, yoluxucu xəstəliklər şöbələrində kifayət sayda boş çarpayılar, ağırlaşma hallarının idarə olunması və ehtiyac yaranan hallarda xəstələri tibbi xidmətlə təmin etmək üçün bütün resurslar mövcuddur.

Bir daha qeyd edirik ki, ağırlaşma halları ilə müraciət edən xəstələr qızılca əleyhinə peyvənd olunmamışlardır.

Əlavə edək ki, qızılca xəstəliyinə qarşı spesifik vaksin mövcuddur və milli peyvənd təqviminə daxil edilib. Sözügedən peyvənd uşaqlara 12 aylığında və 6 yaşında tətbiq olunur. Xəstəliyə yoluxmaqdan, baş verə biləcək ağırlaşmalardan, bu ağırlaşmaların gələcək fəsadlarından qorunmaq üçün vaksinasiya olduqca vacibdir. Qızılca əleyhinə peyvənd ölkəmizdə milli peyvənd təqviminə 1994-cü ildə daxil olub və hazırda bütün ailə sağlamlıq mərkəzlərində ödənişsiz şəkildə tətbiq olunmaqdadır”.

Son dövrlər Bakıda qəsəbələrarası işləyən 1 manatlıq taksilərin qiymətlərinin artdığına şahid oluruq. Əksər taksi sürücüləri 2 manatdan aşağı gediş etməyəcəklərini bildirirlər. 1 manatlıq taksi tapmaq səhrada iynə axtarmağa bənzəyir.

Ümumiyyətlə, niyə “manatlıq taksi”lərə tələbat daha çox, ictimai nəqliyyata isə azdır?

Nəqliyyat sahəsi üzrə ekspert Rauf Ağamirzəyev mövzu ilə bağlı Bizim.Media-ya danışıb.

O qeyd edib ki, “manatlıq taksi”lər qeyri-qanuni sərnişindaşımanın bir növüdür:

“Müəyyən qədər mobilliyi təmin edirlər. Ümumən ölkədə taksi islahatı gedir. Bildiyiniz kimi, Nazirlər Kabinetinin 4 sentyabr 2023-cü il tarixli Sərəncamı ilə Rəqəmsal İnkişaf və Nəqliyyat Nazirliyinə digər aidiyyəti dövlət orqanları ilə razılaşdırmaqla taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələbləri, həmçinin sürücü barədə məlumatların siyahısı ilə bağlı təklifləri 4 ay müddətində Nazirlər Kabinetinə təqdim etmək tapşırılıb.

Bu tapşırığın icrasının yekunlaşmasına 1 ay qalıb. Gələn ilin əvvəlindən bu məsələlər bir az da sərtləşdiriləcək. Sürücülərə təlimlər keçiləndən sonra icazə vərəqələri alınmalıdır. Bu sənədlər 7 il müddətinə taksi fəaliyyəti ilə məşğul olmağa icazə verəcək, vergi və digər məsələlərdə burada öz əksini tapacaq.

Son dönəmlər taksi fəaliyyətində problemlər yaranıb. Keyfiyyət aşağı düşüb, qəzaların isə sayı artıb. Bundan əlavə, sürücülərin əksəriyyəti qeyri-peşəkardır. Həm sürücülər, həm də sərnişinlər arasında ciddi narazılıqlar var. Bu narazılıqları aradan qaldırmaq üçün hökumət kompleks tədbirlər planını həyata keçirir. Taksi fəaliyyəti ilə məşğul olanların keyfiyyətini artırmaq üçün silsilə tədbirlər görülür”.

Ekspert “manatlıq taksi”lərə tələbatın daha çox olmasının səbəblərini belə izah edib:

“Manatlıq taksilərin bu qədər vüsət almasının səbəbləri var. Sözügedən problem ənənəvi ictimai nəqliyyatın lazımi səviyyədə olmaması və üstünlüyünün təmin olunmamasının bir fəsadıdır. İctimai nəqliyyatla bağlı cərimələrə yenidən baxıla bilər. Çünki 8 il qabağın 40 manat cəriməsi indi ilə eyni deyil. Fikrimcə, yolkəsmənin cəzası ağır olmalıdır. Bir vətəndaş taksidə gedərkən avtobusun daha sürətli getdiyini görsə, növbəti səfərini ictimai nəqliyyatla edər”.

O qeyd edib ki, qeyri-qanuni sərnişindaşıma ilə məşğul olan şəxslərə diktə etmək olmaz:

“Çünki sərbəst bazardır. Məncə, diqqəti daha çox ictimai nəqliyyatın üstünlüyünün təmin olunmasına yönəltməliyik. Əlimizdə olanların səmərəli istifadəsi yönündə iş görməliyik. Şəhər özü canlı bir orqanizmdir. Söhbət etdiyimiz məsələnin mərhələlərlə islahatı keçirilməlidir. Qısamüddətli, ortamüddətli və uzunmüddətli həll yolu mövcuddur.

Qısamüddətli həll müəyyən bir zolaq çəkib, kamera qoyub, həmin yolu avtobuslar üçün ayırmaqdır. Bu, daha tez hiss olunan həldir. 2 milyondan çox sakini olan Bakı üçün dediyimiz həll yolunun alternativi olmalıdır.

Şəhərətrafı elektrik qatarlarının sayını və stansiyaları artırmaq olar.

Həmçinin stansiya və avtobusların uzlaşmasını təmin etmək lazımdır. Bundan əlavə, stansiyalara gedən səkilərin vəziyyəti təftiş edilməlidir. Çünki fiziki cəhətdən hər kəs sağlam deyil. Yaşlı, qoca, hamilə, əlil və ya qazilər kifayət qədərdir. Onların hər birinin hərəkəti nəzərə alınmalıdır.

Bir zolaq 3.50, 3.75 metr enindədir. Amma maşının eni 2.50-dir. Bunu minimuma sıxışdırmalı, artıq qalan sahədə isə velosiped zolağı şəbəkəsini yaratmaq olar.

Bunlar ən tez həll olunan alternativdir.

Bu addımlar qısa müddətdə mobilliyi təmin edəcək. Daha geniş həllər isə digər növlərin şəbəkəsini genişləndirilməsindən ibarətdir. Məsələn, metronun tikintisi 1 günə başa gəlmir. Ən az 5 ilə nəticə verər. Yaxud da tramvayın qaytarılması, bu da vaxt alır. Ancaq tramvaylar şəhərin “olmazsa, olmaz”ıdır. Ekoloji cəhətdən belə təmiz növün qaytarılmasına ehtiyac var”.

Sabunçu Rayon Məhkəməsinə bu ilin yayında “Sea Breeze”də oliqarx övladlarının iştirakı ilə baş verən kütləvi davayla bağlı cinayət dosyesi daxil olub.

Musavat.com xəbər verir ki, hakim qarşısına təqsirləndirilən şəxs qismində 4 nəfər - Peyman Rəhman oğlu Vəlizadə, Elmir Üzeyir oğlu İsmayılov, Məhəmməd Natiq oğlu Həsənzadə və Murad Məzahir oğlu Əhmədli çıxarılır. Bu şəxslər xuliqanlıqda ittiham olunurlar.

İş üzrə iki zərərçəkən var - Cavad Vahid oğlu Muradov və Elnur Leysan oğlu Məmmədov.

Bu ilin yayında baş verən hadisə ilə bağlı həmin zaman yayılan rəsmi məlumatda qeyd olunurdu ki, iyunun 12-də “Sea Breeze Resort” istirahət mərkəzində kütləvi dava baş verib. 1 gün sonra xuliqanlıq hərəkətləri törədən şəxslər müəyyən olunub. Bakı şəhər Baş Polis İdarəsinin İstintaq və Təhqiqat İdarəsində faktla bağlı Cinayət Məcəlləsinin 221.3-cü (xuliqanlıq) maddəsi ilə cinayət işi başlanılıb. Hadisə iştirakçılarından bir qrupu saxlanılıb. Rəsmi məlumatda saxlanılanların kimliyi, dava tərəfləri haqda isə hər hansı bir bilgi verilməyib. Kütləvi davanın əsas tərəfləri kimi sabiq nazir Yavər Camalovun qardaşı oğlu Elmir Camalov və oliqarx Leysan Məmmədovun oğlu Elnur Məmmədov qeyd edilirdi.

Bildirilirdi ki, həmin axşam ərazidə Jah Khalib-in konserti və Çempionlar Liqasının onlayn translyasiyası keçirilib. Olay zamanı hətta Elmir Camalovun bıçaq xəsarəti alması xəbəri də vardı. Olaydan sonra bu iki şəxs də daxil olmaqla, 8 nəfər saxlanılmışdı.

Kütləvi davanın əks olunduğu və sosial mediada yayılan görüntüləri təqdim edirik:
My Webpage
Məhkəmə qarşısına çıxarılan təqsirləndirilən və zərərçəkənlər arasında Elmir Camalov yoxdur. Amma Camalovlarla qohumluq əlaqəsində olan Elmir İsmayılov təqsirləndirilən şəxs statusundadır. Elmir İsmayılov Müdafiə Sənayesi Nazirliyi Aparatının rəhbəri olmuş Üzeyir Ərəstun oğlu İsmayılovun oğludur. Üzeyir İsmayılov sabiq nazir Yavər Camalovun qardaşı, iş adamı Əlikram Camalovun kürəkənidir. Elmir İsmayılovun adı mətbuatda əvvəllər də hallanıb. 2020-ci ilin iyununda mətbuatda “Bakıda iki cangüdənlə gəzən tələbə kimdir?” sərlöhvəli yazı tirajlanmışdı. Həmin yazıda Elmir İsmayılovdan bəhs olunurdu. Bakı Dövlət Universitetinin hüquq fakültəsində təhsil alan və 2 maşın cangüdənlə gəzən Elmir İsmayılovun bahalı maşın həvəskarı olduğu, hətta Bakı küçələrində sürətlə avtomobil sürməkdə ad çıxardığı iddia edilirdi.

Bloger Həbib Müntəzir məmur oğlunun avtomobil kolleksiyasına daxil olan maşınların bir neçəsinin marka və dövlət qeydiyyat nişanları haqda da məlumat yaymışdı.

- “Mercedes GL-Class 63” markalı, 90-ZZ-009 avtomobil

- “Porsche Panamera” markalı, 90-ZZ-009 nömrəli avtomobil

- “Toyota Camry” markalı, 10-AD-011 nömrəli avtomobil

- “Mercedes S63 AMG” markalı, 90-ZZ-009 nömrəli avtomobil

- “Mercedes-Benz Gelandewagen” markalı, 90-OZ-009 nömrəli avtomobil.

Blogerin yazdığına görə, Elmirin əmisi Üveysi İsmayılov Hava Nəqliyyatında Baş Gömrük İdarəsinin rəisinin müavinidir:

“Ölkədə mərmər monopoliyasına nəzarət edir. Üveysi İsmayılov Bakı şəhəri, Binəqədi rayonu, Ə.Naxçıvani küçəsi, 26 a saylı binanın yaxınlığında 3 mərtəbəli 260 kvadratmetrlik kommersiya obyekti tikdirib. O, keçmiş baş prokurorun müavini Rüstəm Usubovun kürəkənidir”.

İş üzrə iki zərərçəkəndən biri olan Elnur Məmmədovun nə işlə məşğul olması barədə məlumat olmasa da, atası Leysan Məmmədovun son iş yeri Bakı şəhəri, Binəqədi Rayon İcra Hakimiyyəti başçısının birinci müavini postu olub. Leysan Məmmədov bu ilin aprelində vəzifəsindən ayrılıb.

Leysan Novruz oğlu Məmmədov 03.01.1963-cü ildə Tovuz rayonunda anadan olub. O, 2006-2021-ci illərdə Azərbaycan Respublikası Gənclər və İdman Nazirliyinin Tikilməkdə olan obyektlərin Müdiriyyətində direktor müavini, direktor, 2021-ci ildən 2022-ci ilin fevral ayına qədər Azərbaycan Respublikasının Minatəmizləmə Agentliyində Aparat rəhbəri kimi davam edib. Bakı şəhəri Binəqədi Rayon İcra Hakimiyyəti başçısının 14 fevral 2022-ci il tarixli 22 saylı sərəncamı ilə Binəqədi Rayon İcra Hakimiyyəti başçısının birinci müavini vəzifəsinə təyin edilib. 2010-cu ildə Azərbaycan Respublikası Prezidentinin müvafiq sərəncamı ilə “Əməkdar mühəndis” fəxri adı ilə, 2014-cü ildə isə Azərbaycan Respublikasında tikinti kompleksinin inkişafında xidmətlərinə görə “Tərəqqi” medalı ilə təltif edilib. Ailəlidir, üç övladı var.

Oliqarx övladlarının noyabrın 21-nə təyin olunmuş məhkəmə prosesi baş tutmayıb. Cinayət dosyesini araşdıran hakim Mirheydər Zeynalovun sədrlik etdiyi proses dövlət ittihamçısının qatılmaması səbəbindən təxirə salınıb.(Musavat.com)

“Qarabağ ermənilərinin qaytarılması məsələsi fərdi qaydada həll edilməlidir. Azərbaycan regionun erməni əhalisinin reinteqrasiyası çərçivəsində Azərbaycan vətəndaşlığını qəbul etmək istəyənlər üçün xüsusi portal yaradıb. Bölgəni tərk etmiş əhalinin əmlakı dövlət tərəfindən qorunur. Hazırda yaşayış məntəqələri polis qüvvələrinin mühafizəsi altındadır, xüsusi giriş-çıxış rejimi var. Və hər kəs geri qayıda biləcək, onların hüquqları və təhlükəsizliyi Azərbaycan qanunları çərçivəsində təmin olunacaq”.

Moderator.az xəbər verir ki, bu fikirləri “Kavkazskiy uzel”” nəşrinə açıqlamasında hüquq sahəsi üzrə ekspert, vətəndaş cəmiyyəti platformasının üzvü Ələsgər Məmmədli ifadə edib.

Ə.Məmmədli Qarabağdakı mədəniyyət abidələri, sosial-iqtisadi və infrastruktur obyektlərinin də mühafizə altında olduğunu əlavə edib.

Ekspert istisna etməyib ki, Ermənistan Qarabağ ermənilərinin qaytarılması məsələsinin sazişə daxil edilməsini tələb edə bilər. Onun sözlərinə görə, Bakı buna etiraz etmir və Beynəlxalq Ədalət Məhkəməsinin qərarı ilə bağlı Azərbaycan Xarici İşlər Nazirliyinin şərhində niyyətini təsdiqləyib.

Xatırladılır ki, noyabrın 17-də Beynəlxalq Ədalət Məhkəməsi Azərbaycana sentyabrın 19-dan sonra gedən Qarabağ sakinlərinin maneəsiz qayıtmasını təmin etməyi və onların mülkiyyət hüquqlarını təsdiq edən sənədləri saxlamağı tapşırıb. Rəsmi Bakı Beynəlxalq Məhkəmənin Ermənistanın iddiası ilə bağlı qərarını alqışlayıb və bunu Azərbaycanın suverenliyini və ərazi bütövlüyünü təsdiq edən adlandırıb.

“Məhkəmənin göstərdiyi tədbirlər Azərbaycan hökumətinin Qarabağın erməni sakinlərinə qarşı artıq bəyan edilmiş siyasətini nəzərə alır”,- Azərbaycan XİN-in bəyanatında belə deyilir.

Ə. Məmmədlinin fikrincə, “sülh müqaviləsində qayıdış hüquqları məsələsi bir prinsip kimi təsbit oluna bilər, lakin Azərbaycanın hər hansı xüsusi hüquqa malik bir cəmiyyət kimi ermənilərin repatriasiyasını təmin etmək üçün xüsusi öhdəliyi kimi deyil”.

"Ermənistan belə bir qayıdış ssenarisində israr edərsə, o zaman Azərbaycan azərbaycanlı icmalarının Ermənistana analoji formada qayıtması məsələsini qaldıracaq. 1980-ci illərin sonunda münaqişə nəticəsində Ermənistandan 200 mindən çox azərbaycanlı qovulub. Onlar O vaxtlar “Vardenis”(tarixi Basarkeçər mahalı) və “Krasnoselsk” (tarixi Göyçə mahalı (6 kənd) və Qaraqoyunlu dərəsi (8 kənd) ərazisi) adlanan ən azı iki vilayətdə kompakt yaşayırdılar, onlar mütləq çoxluq təşkil edirdilər. İcmaların kütləvi qayıdış məsələsinin gündəmə gətirilməsi danışıqları yenidən dalana dirəyə bilər”, - deyə ekspert diqqətə çatdırıb.

O, ehtimal edib ki, indiki Ermənistan hakimiyyəti Qarabağdan köçmüş ermənilərinin kütləvi şəkildə geri qayıtmasında maraqlı deyil.

“Bu, Rusiya “sülhməramlı”larına regionda uzun müddət qalmaq üçün əsasların verilməsi demək olardı ki, bu da Ermənistanın ölkəni Rusiya Federasiyasının orbitindən çıxarmaq siyasətinə uyğun gəlmir”, - deyə Məmmədli bildirib.

Onun sözlərinə görə, Azərbaycan Ermənistandan dəymiş ziyana görə kompensasiya tələb edə bilər. "Azərbaycanın 7 rayonu, demək olar ki, tamamilə dağıdılıb, iqtisadiyyata, mədəni-tarixi abidələrə, dini məbədlərə böyük ziyan dəyib. Zərər yüz milyardlarla dollara bərabərdir. Ermənistan əhalisi Qarabağa qayıtmasa, ya da hamısı qayıtmasa, geri qayıtmayanların mənzili və əmlakı vaxtilə Ermənistandan qaçan azərbaycanlılara verilə bilər. Ermənistan hökuməti isə Qarabağdan köçmüş və qayıtmaq istəməyən erməniləri artıq məskunlaşdıracaq", - deyə ekspert vurğulayıb.