"SDL NOBEL" Məhdud Məsuliyyətli Cəmiyyəti tərəfindən həm qanunlar və həm də işçi hüquqları ilə bağlı qoşulduğumuz müvafiq beynəlxalq konvensiyalar aşkar şəkildə pozulmaqdadır. DİA.AZ bildirir ki, bu sözügedən qurum tərəfindən işəgötürmə zamanı baş verir.

Məsələnin ciddiyətinə baxmayaraq, nədənsə ölkədə işçi hüquqlarının müdafiəsinə rəsmən cavabdeh olan təşkilatlar da uzun müddədir ki, "SDL NOBEL" MMC tərəfindən törədilən bu qanun pozuntusuna göz yumur.

DİA.AZ bildirir ki, məsələ ilə bağlı açıqlamasında Neftçilərin Hüquqlarının Müdafiə Təşkilatının sədri, tanınmı hüquq müdafiəçisi Mirvari Qəhrəmanlı etirzını aşağıdakı formada ifadə edib:

"Sənqaçal Terminalında iş və xidmətlərin daimi xarakterə malik olduğu əvvəlcədən bəlli olduğu halda nədənsə "SDL NOBEL" Məhdud Məsuliyyətli Cəmiyyətində işə qəbul olunan və Səngəçal Terminalına göndərilən, 20-25 il təcrübəsi olan peşəkar işçilərlə 2 aylıq müddəti olan Əmək müqaviləsi bağlanılıb.

Niyə, səbəbi nədir?"

Qeyd edək ki, baş verənlər işçilərin eirazı ilə müşaiyət olunsa da, rəhbərlikdən adekvat reaksiya verilməyib.

Məsələ ilə bağlı dia.az olaraq bütün əlaqədar qurum və şəxsləri də dinləməyə hazırıq...

Ölkədə çörəyin qiymətləri qismən aşağı düşüb. Aparılan müşahidələrə görə bundan əvvəl çörəyin qiymətinin artması onun istehlakını aşağı salmayıb. Üstəlik, bahalaşma dönəmində çörək və un məmulatları tullantılarının kütləsi artıb.
Bu gün dünyada çörək qırıntılarının ümumi bazar dəyəri 987.6 milyon ABŞ dollarıdır. Növbəti 10 ildə isə bu dəyərin 7.1 faiz daha da artacağı gözlənilir. 2033-cü ilədək bu dəyərin 1961 milyon ABŞ dolları təşkil edəcəyi proqnozlaşdırılır.
750 milyon insan aclıqdan, qida çatışmazlığından əziyyət çəkdiyi dünyada şirniyyat mağazalarının yaratdığı ən böyük problemlərdən biri məhz qida artıqlarının sayının ildən-ilə artmasıdır. Araşdırmalar göstərir ki, un və un məmulatlarının istehsalı zamanı bütün qida zəncirində itki baş verir. İstehsal olunan ərzaq məhsullarının 14%-i piştaxtalara çatanadək itir.
Ümumi tullantılar sırasında un və un məhsulları - çörək və onun qırıntıları əsas yerlərdən birində qərarlaşıb.
Azərbaycan bu vəziyyətlə necə mübarizə aparır?
"Təmiz Şəhər" Açıq Səhmdar Cəmiyyətindən Sputnik Azərbaycan-a bildirilib ki, hazırda məşhur şirniyyat mağazalarından biri onların rezidentidir və bu mağaza satışda vaxtı keçən un məmulatlarını heyvan yeminin tərkibi kimi yenidən istehsal edir.
"Bizdə çörəyə and içirlər, çörək bizim üçün müqəddəsdir deyə, bu proses elə zibil qutularının yanında başa çatır. Yəni, bunun üçün əhali özü artıq və insan qidası üçün yararsız hesba etdiyi vaxtı keçmiş çörəyi zibil qutularının yanına qoyur. Demək olar ki, ümumi tullantıların içində çörək bir tullantı olaraq çıxmır", - deyə bildirilib.
Qeyd olunub ki, geyim tullantıları kimi, çörək tullantıları üçün də xüsusi qutunun olması yaxşı olardı.
BMT-nin Ərzaq və Kənd Təsərrüfatı Təşkilatı (FAO) vəziyyəti necə dəyərləndirir?
FAO-dan sorğumuza cavab olaraq bildirilib ki, ərzaq və ya qida itkiləri, tullantıları hazırda dünyanın hər yerində aktual problemlərdən biridir:
"İnsan tələbatını ödəmək üçün kifayət qədər ərzaq istehsal edilməsi bir problemdirsə, istehsal olunan ərzaq və qida məhsullarında itki və tullantılar da digər problemdir. Təbii ki, bu məsələ Ərzaq və Kənd Təsərrüfatı təşkilatı olaraq bizim üçün də aktualdır. Biz bu istiqamətdə aidiyyəti dövlət qurumları ilə müxtəlif faəliyyətlər və layihələr icra edirik. Buna nümunə olaraq, 2020-2023-cü illər ərzində FAO tərəfindən icra edilən regional layihəni qeyd etmək olar. Layihə çərçivəsində Azərbaycanda aidiyyəti qurumlarla birgə ərzaq itkisi və tullantıları ilə bağlı araşdırmalar aparılıb və bu mövzuya aid strategiya sənədi hazırlanıb".
FAO-nun qeydinə görə, un məmulatları və çörəklə bağlı layihə çərçivəsində ayrıca bir qiymətləndirmə aparılıb. Sözügedən dəyər zəncirinin hər bir mərhələsində baş verən itkilər, tullantıların həcmi və bu problemin aradan qaldırılması yolları araşdırılıb və tövsiyələr verilib.
"Qiymətləndirmənin nəticələrinə əsasən onu demək olar ki, çorək məhsulunda itkilər 30%-ə qədərdir və bunun əsas səbəbləri istehsalda aşağı keyfiyyət, tələb olunandan artıq satınalma və eləcə də düzgün olmayan saxlama şəraitidir. Tövsiyələrə gəlincə, keyfiyyətin artırılması üçün istehsala nəzarətin artılması, düzgün qidalanma ilə bağlı istehlakçı maarifləndirilməsinin gücləndirilməsi, eləcə də tullantıların çeşidləndirilməsinin zəruriliyi qeyd edilməlidir." - FAO-dan bildirilib.
FAO belə tullantıların yaranmaması, ya da onların daha səmərəli istifadəsi üçün nə tövsiyə edir?
FAO-nun qeydinə görə, ən vacib məqam istehsalçı və istehlakçıların maarifləndirilməsidir: "Çünki ümumi nəticə - itki və tullantılar hər iki tərəf üçün maddi itkiyə səbəb olacaq. İstehsalda düzgün planlama, saxlama şəraiti və eləcə də insanların düzgün qıdalanması çox vacibdir. Bu iş tək dövlət qurumlarının işi olmamalıdır. FAO kimi beynəlxalq qurumlar, qeyri-hökümət təşkilatları, özəl sektor, eləcə də media öz töhfəsini verməlidir".
Qeyd edək ki, bu gün Filandiyada ümumi tullantıların 12, Hollandiyada 22, Yeni Zellandiyada 23, Norveçdə 27, Portuqaliyada 7, Səudiyyə Ərəbistanıda 2.2, Cənubi Koreyada 12, İsveçdə isə 17 faizini çörək və qırıntılar təşkil edir.
Böyük Britaniyada gündəlik olaraq 20 milyon dilim çörək israf olunur.

“Expressbank”da xarici valyuta mübadiləsi edən müştərilərin hüquqları kobud şəkildə pozulur. Belə ki, dollar almaq istəyən müştəridən gəlir mənbəyi, iş yeri, vəzifəsi, yaşadığı ünvanı bildirməsi tələb olunur. Sanki müştəri 100 dollar almağa deyil, şübhəli şəxs kimi istintaqa ifadə verməyə gəlib.

DİA.AZ bildirir ki, bu barədə Tribunainfo.az-a verilən xəbərdə deyilir ki, digər banklarda belə tələblər irəli sürülmür. İstənilən şəxs bankın kassasına şəxsiyyət vəsiqəsi ilə yaxınlaşır və ona lazım olan məbləğdə valyuta mübadiləsi aparır. Amma adıçəkilən “Expressbank” isə müştərinin heç bir əsası olmadığı halda az qala müştərinin nəsil-nəcabətini araşdırır. Əgər başqa banklar bu tələblə çıxış etmirsə, deməli, nə valyuta mübadiləsi haqda hər hansı belə rəsmi qaydalar müəyyənləşib, nə də banklar haqda bu qanunlar mövcuddur. Ən gülməli odur ki, müştəridən gəlir mənbəyi soruşulur. Təbii ki, anketin formal olaraq doldurulması üçün şəxsi qazanc və ya aylıq məvacib göstərilə bilər. Yəni anketi doldurmaq xatirinə yola vermək…Amma banka nə aidiyyatı var ki, müştəri bu pulu hansı yolla, necə əldə edib və hələ bir ona gəlir mənbəyi barədə hesabat versin. Tutaq ki, müştəri 100 dollar almaq istəyir və 170 manat verir, anketdə də gəlir mənbəyini küçədə nəzir yığmaqla göstərir, bu cavab bankı qane edəcəkmi? Yaxud müştəriyə bu pulu qayınanası verib, bankın ürəyincə oldumu onun gəlir mənbəyi? Bir sözlə, gülməli, absurd və əsassız bir tələb… Hələ bura müştərinin iş yeri, vəzifəsi, yaşadığı daimi ünvanı demirik. Sanki vətəndaş şübhəli şəxs qismində sorğu-sual olunur. Əgər müştəri barəsində axtarış yoxdursa, hüquq-mühafizə orqanları onun valyuta mübadiləsi ilə bağlı hər hansı şübhələrə sahib deyilsə, “Expressbank” niyə anket doldurur? Axı başqa banklarda belə tələb yoxdur, deməli, özfəaliyyətdir. Müştərinin banka yaşadığı və işlədiyi yeri demək məcburiyyəti yoxdur. Hər halda bankın açıqlamasını və izahını eşitmək maraqlı olardı, biz də cavabı işıqlandırmağa hazırıq.

Biləsuvar rayon sakinlərinin Biləsuvar rayon Elektrik Paylayıcı Şəbəkəsinin fəaliyyətindəki neqativ hallarla bağlı narazılıqları artmaqdadır. Qışın qapının ağzını kəsdirdiyini də nəzərə alsaq, təxmin etmək olar ki, bu müstəvidə şikayətlər daha da çoxalacaq.

Sözügedən idarənin fəaliyyətində əsasən aşağıdakı problemlərin altı cızılır:

— Elektrik transformatorları yenilənmiş kimi göstərilir, halbuki, köhnəsinin üst hissəsi rənglənərək yenidən istifadəyə verilir;

— Bəzi transformatorların ətrafı açıq olduğundan, yerli sakinlər və onların mal — qarası üçün real təhlükə mənbəyi hesab olunur;

— Yararsız hala düşmüş və yıxılmaq üzrə olan şalban dirəklər beton və ya dəmir boru ilə əvəzlənmir. Basdırılan dirəklərin isə dibləri lazımi qaydada bərkidilmədiyindən, aşmaq təhlükəsi daşıyırlar;

— Yeni elektrik xəttlərinin köhnə ağac dirəklərdən quraşdırılması zamanı yüklərin ağırlığından, bu yararsız dirəklərdə əyilmələr və deformasiyalar əmələ gəlmişdir. Yəni, köhnələrin çıxarılması, yeni dirəklərin basdırılması, elektrik xəttlərinin yenidən quraşdırılması və s. xidməti işlərin görülməsi üçün dövlət büdcəsindən külli miqdarda vəsait sənəd üzrə mənimsənilmişdir;

— Xəttlərdə gərginlik normal 220 volt əvəzinə 170-180 qeydə alınır ki, bu da istehlakçıların elektrik enerjisinə tələbatının tam və keyfiyyətli şəkildə ödənilməməsi, məişət elektrik cihazlarının sıradan çıxması ilə müşayiət olunur;

— Biləsuvar PEŞ-nin ştat cədvəlində və ödənişli əsaslarla ictimai işlərə cəlb olunan şəxslər sırasında işə çıxmadıqları halda maaş yazılanlar vardır.

Qeyd olunan neqativ hallarla bağlı suallarımıza aydınlıq gətirməsi üçün Biləsuvar Rayon Paylayıcı Elektrik Şəbəkəsinin rəisi cənab Rəfail Məmmədovla telefon əlaqəsi saxladıq. Rəis tövsiyə etdi ki, suallarımızı elektron sorğu məktubu halında idarənin əməkdaşı Rafət Buludovun imeyl poçtuna göndərdik. Elə də etdik. Gözləyirik, hələ də cavab yoxdur.

Deryaz.az

Ümumi təhsil müəssisələrində müxtəlif adlarla şagirdlərdən pul yığılması illərdir ki, ənənəvi hala çevirilib. Bu, proses nə bugünün, nə dünənin xronikası deyil. Demək olar ki, Azərbaycan müstəqil təhsil sisteminə oturuşandan sonra təhsil sektorunda məktəb direktoları “fond pulu”, “süphûrgə pulu”, “yanacaq pulu”, hətta “pərdə pulu” və sair adlarla şagirdlərdən pul yığılmağa başladılar. Və hələ də bu ənənəvi pul yığımı davam edir.

Məsələ orasındadır ki, hər dəfə də təhisldəki özbaşınalıqaları, korrupsiya və rüşəvətxorluq hallarına yol verən direktorların əməlləri mediada ifşa edilərək, ən sərt şəkildə tənqid edilərək, bir çoxları qanunsuz əməllərinə görə cəzalandırılaraq vəzifələrini itirib. Amma və lakin yenə də bəzi məktəb direktorları olanlardan nəticə çıxartmır, sələflərinin yolunu gedir, onların əməllərini təkirarlayırlar. Sanki onların mayası haramçılıqla qoyulub.
Dövlətin aidiyyəti və səlahiyyətli qurumları tərəfindən zaman-zaman korrupsioner və rüşvətxorluğu ilə seçilən “təhsil terrorçularına” qarşı çıxılsa da, onlar əməllərinə görə cəzalandırlsa da, təhsildəki neqativliyin, rüşvətin qarşısının alınmasına çalışılsa da, lakin nəticə etibarilə hələ ki, uğur əldə edilməyib. Heç edilməyəcəkdə. Burası bəlli…
Bir məsələni qeyd etməliyəm ki, rüşvətin təhsilə ayaq açması prosesi ilk olaraq məktəbəqədər (uşaq bağçaları) təhsil müəssisələrindən başlayan bir mexanizmdir. Buna görə də uşaq bağçaları rüşvətin əsas mərkəzi (episentri) orta məktəblər isə rüşvəti şagirdlərə öyrədən elm sahəsi kimi qəbul olunur.
İnsafən, onu da qeyd edək ki, Elm və Təhsil Nazirliyi tərəfindən bu kimi neqativ hallara yol verilməməsi ilə bağlı təhsil müəssisə direktorlarına xəbərdarlıqlar edilsə də, ancaq çifayda. Rüşvətə meyilli olan direktorlar bildiklərini edir, məktəbdə müxtəlif adlar və bəhanələrlə “pul yığımı” ənənəsini davam etdirirlər. Yəni, nazir Emin Əmrullayevin dediklərini məktəb direktorları milçək vızıltısı kimi qəbul edib qulaqardı edirlər.
Bu yazımızda Emin Əmrullayevin sözlərini bir milçək vızıltısı kimi qəbul edən və rəhbərlik etdiyi təhsil müəssisəsini dövlət əmlakı yox, atasından ona miras qalmış bir mülkə – biznes obyektinə çevirərək idarə etməklə məşğul olan, həmin təhsil müəssisəsində təhsil alan şagirdlərə isə “yağlı əppək”kimi baxan xanım məktəb direktorundan söz açacağam. O məktəb ki, 03 oktyabr 2017-ci il tarixdə ABŞ-ın maliyyə dəstəyi ilə Abşeron rayon Masazır qəsəbəsində məcburi köçkünlər üçün inşa olunub.Məktəbin açılışında ABŞ-nın Azərbaycandakı səfiri Robert Sekuta və Azərbaycanın digər rəsmi şəxsləri iştirak ediblər.
Bu məktəb Laçın rayonunun Çıraqlı kənd tam orta məktəbdir ki, indi bu təhsil müəssisəsi bir xanım direktor tərəfindən inhisar olunaraq şəxsi qazanc obyektinə çevrilib.
Bu əsnada RealMedia.az-a verilən bilgilərə görə adı çəkilən təhsil müəssisəsin direktoru orta məktəbin hesabına milyonlar qazanmaqla böyük var-dövlət sahibinə çevrilib. Bildirilir ki, direktorun əsas qazanc yerlərindən biri müəllim və şagirdlərdən yığdığı qanunsuz pullardır.
Xatırladaq ki, bir müddət əvvəl Laçın rayonu Çıraqlı kənd orta məktəbində şagirdlərdən təmir pulu adı ilə 3 manatdan pul yığılmasından yazmışdıq. Yazımızdan sonra yığılan pullar bir sinifə münasibətdə geri qaytarılsa da, lakin digər siniflərə münasibətdə pullar geri qaytarılmamışdır. Hətta məktəbin yeni təyin olunan direktoru məktəbin təmiri adı ilə hər şagirddən yığılan puldan xəbərsiz olduğunu bildirərək, sinif müəllimlərini günhalandırmışdır. Yaxşı, indi götək, buna nə deyəcək?
Bu günlərdə əldə etdiyimiz səhih məlumatlara görə, Laçın rayonu Çıraqlı kənd orta məktəbi “Zəfər günü” ilə bağlı tədbirə hazırlaşır. Məsələ tədbirin niyə keçirilməsi ilə bağlı deyil. Məsələ ondadır ki, keçiriləcək tədbirlə bağlı hər şagirddən 30 manat pul yığılmasını tələb edilir. Yaxudda valideynləri məcbur edir ki, tədbirlə bağlı şagirdlər üzərində Azərbaycanın üç rəngli bayrağını əks etdirən xûsusi geyim forması tikdirməli və tədbirə gəlməlidirlər.
Direktorun bu tələbi həm müəllimlərin həm də valideynlərin haqlı narazılığına səbəb olub.
Valideynlər bildirirlər ki, iki ya üç uşağı məktəbə gedir. Bunlarında hər birinə 30 manat verib paltar tikdirməsi 60 – 90 manat edir ki, onlarında buna imkanları çatmır. Neyləyək, necə edək bilmirik:
“Bu aydan o biri aya zorla dolanırlar. Bir təhər uşaqların kitablarıni, məktəb əyın-başlarını təmin edə bilirik. Direktor isə bunları fikirləşmir. Demək olar ki, hər ay müxtəlif adlarla pul yığırlar”.
Digər bir məlumata görə, direktorun əsas qazanc yerlərindən biri də məktəbin müəllimlərinin əksəriyyətinə dərs saatını çox yazaraq əlavə pullar götürməsi bildirilir ki, bu mövzuda isə növbəti dəfə yazacağıq.
P.s Məktəblərdə pul yığılması ilə bağlı məsələyə Emin Əmrullayev mətbuata verdiyi müsahibəsində deyib:”Məktəblərdə pul yığımlarının olması qeyri-qanunidir. Bu, cəmiyyətin xroniki problemidir”.

RealMedia.az

"Bu gün "KFC"də aldığımız toyuq budlarında belə bir mənzərə ilə rastlaşdıq". DİA.AZ bildirir ki, bunu "Müştəriyəm Şikayətim Var" sosial qrupundakı paylaşımında Afa Orucova adlı istifadəçi bildirir. Narazı vətəndaş iddia edir ki, aldığı mhsulun üzərində tük topası aşkarlayıb. Yəni yediyi məhsul elə tüklü-tüklü bişirilərək ona verilib.

A.Orucova etirazına belə davam edir: "Yaxınlaşdim iradımı bildirdim, üzrxahlıq edib yenisi ilə əvəzləyə biləcəklərini söylədilər... yenisini istəmədik.

Bu gözlə görünən idi... Gözlə görünməyənləri fikirləşdikcə dəhşətə gəlirəm... Bununla da bizim üçün "KFC" mövzusu bağıandı..."

Məsələ ilə bağlı dia.az olaraq qarşı tərəfi də dinləməyə hazırıq...

Ağdam rayon sakini Səba Quliyeva bildirir ki onun həyat yoldaşı 3-cü qrup əlildir, əlavə edir ki, yataq xəstəsi olan yoldaşının dərmanlarını xəstəxanadan vaxtında ala bilmir. Buna görə də, müalicəsi vaxtında aparılmır.

Şikayətçi kanalımız vasitəsilə ölkə rəhbərliyinə müraciət edərək, onun həyat yoldaşının dərmanların vaxtında, gecikmədən verilməsini xahiş edir

Kanal 13

Lənkəranın icra başçısı Taleh Qaraşov cənabları deyəsən, özü üçün PAYIZ MUŞQULATI ilə məşğuldur. Bu barədə verilən məlumatlardan belə aydın olur ki, Lənkəran RİH tərəfindən növbəti kosmetik təmir işlərinə başlanlıb. DİA.AZ bildirir ki, əslində, bu kimi TƏMİRLƏR yerli padşahların il sonu büdcədən oğurladıqlarının "AFORMİTİ" üçün bir vasitədir.

Və bu gün "Lənkəran Xanı" Qaraşov həzrətləri də ənənəmizi pozmayaraq eyni qaydada pulsilməyə girişib ki, sən demə, bunu "gözü götürməyənlər" var imiş.

DİA.AZ bildirir ki, bu barədə paylaşım edən əslən Lənkərandan olan ictimai fəal Yadigar Sadıqlı yazır:

"Lənkəranda Qala xiyabanindakı üzlüklər dəyişdirilir.

Soruşan lazım niyə? Şəhərin min bir problemi olduğu halda vəsaiti yetərincə salamat üzlüklərə xərcləmək nəyə lazımdır?"

Qeyd edək ki, onun bu paylaşımına yetərincə adekvat reaksiya verənlər var və onlar da məsələnin nə yerdə olduğuna eyham vuran ifadələrlə reaksiyalarını bildiriblər. Məsələn, həmin şərhlərdən bəzilərini əqdim edirik:

Elnur Mahmudzade:
Bundan pisin vuracaglar...

Ramiz Mirzəoglu:
İl sonu , büdcədəkini silməsən günaha batarsan. Təmir büdcənin ,,cənnətidir"...

Anar Melikov:
PA-dan ayrılan vəsaitə necə əritsinlər bəs?..

Reyhan Rəsul:
Uzsüz adamlardilar da...yeri göyü üzləsələr de xeyri yoxdu...

Rafael Abdullayev:
Havalar isti oldu usta işlətmək ancaq bizə...

Nazim Hasanov:
Limanda da adam ayağına həsrət səkilərə metlağ düzürlər.Bu il Liman şəhər büdcəsinə dövlət 50 min manat ayrıb.Onu necə əritsinlər bilmirlər...

Mustacab Mammadov:
Korrupsiya maşını işləyir...

***

Qeyd edək ki, amma bu şərhlərlə yanaşı problemi iişıqlandıranın ünvanına ağır ifadələrlə hücum edənlər də yeərincədir ki, onların da əksəriyyəinin "Lənkəran Xan"ının trolları olduğu şəkksizdir...

Məsələ ilə bağlı dia.az olaraq bütün əlaqədar qurum və şəxsləri də dinləməyə hazırıq...

Ağcabədi şəhər Üzeyir Hacıbəyli adına Uşaq İncəsənət Məktəbinin keçmiş direktoru Sevda Malışova deyir ki, saxtakarlıq nəticəsində işdən çıxarılıb. Onun sözlərinə görə, əmək müqaviləsini də saxtalaşdırıblar, əmək kitabçasını da qaralayıblar. Məqsəd isə nə olursa olsun, onu işdən çıxarmaq olub…

“O müqaviləni gözümün qabağında cırıb atdı…”

Sevda Malışova saxtakarlığa görə Ağcabədi Regional Mədəniyyət İdarəsinin rəisi Qalib Həsənovu ittiham edir.

Rəsmi sənədlərə görə, Sevda Malışova 2021-ci il oktyabrın 21-də əmək müqaviləsinin müddəti başa çatdığına görə işdən azad edilib. İddia olunub ki, yaş həddi ilə əlaqədar Mədəniyyət Nazirliyi müqaviləni uzatmağa razılıq verməyib.

Daha doğrusu, müqavilə müddəti sentyabrda bitib. Regional idarə özü müqaviləni 1 aylıq uzadıb, bu müddətdə nazirliyə sorğu göndərib. Lakin nazirlikdən “yox” cavabı gəldiyinə görə oktyabrda işdən çıxarılıb.

Sevda Malışova

Sevda Malışova isə bildirir ki, yalandır, onun müqaviləsi 2022-ci ilin aprelində başa çatırdı. Çünki 2021-ci ilin sentyabrında onunla bağlanmış müqavilənin müddəti 2022-ci il aprelin 17-nə qədər idi:

“Məni işdən azad eləyəndə həmin müqaviləni gözümün qarşısında cırıb atdı…”.

“Əməkdar mədəniyyət işçisiyəm, belə saxtakarlıqla üzləşmək mənə zərbədir”

Lakin Dövlət Əmək Müfəttişliyi Xidmətinin Bərdə Regional Ərazi Şöbəsi də sorğuya cavab məktubunda Sevda Malışova ilə müqavilə müddətinin 2022-ci ilin aprelində başa çatdığını təsdiqləyib.

Keçmiş direktor deyir ki, bu məsələni ört-basdır eləməkdən ötrü əmək kitabçasını da qaralayıblar.

Sevda Malışova Ağcabədi Regional Mədəniyyət İdarəsinə məxsus əmr kitabına müdaxilə və pozuntular, 1 aylıq müqavilənin saxta olması və s. iddiaların araşdırılması, bu hallar təsdiqini tapdığı halda, həmin əməllərə yol verən şəxslər haqqında xüsusi qərardad çıxarılması tələbiylə məhkəməyə üz tutub. Xocavənd Rayon Məhkəməsində qaldırdığı iddia ərizəsində, o, həmçinin mənəvi ziyana görə 100 min manat təzminat tutulub, Heydər Əliyev Fonduna və “Yaşat” Fonduna yönəldilməsini istəyib.

“7 ay müddəti olan əmək müqaviləsini saxtakarlıqla yox eləmək çox ciddi saxtakarlıqdır, qanun pozuntusudur. Regional Mədəniyyət İdarəsinin rəisinin mənimlə bağlı əmri ləğv olunmalıdır. Mən 24 ildən çox qüsursuz işləmişəm. Mədəniyyət nazirinin əmrilə 2015-ci ildə “Fəxri mədəniyyət işçisi” adı almışam. 2018-ci ildə Prezidentin fərmanıyla “Əməkdar mədəniyyət işçisi” fəxri adıyla təltif olunmuşam. İndi belə bir saxtakarlıqla üzləşmək çox böyük zərbədir”, – Sevda Malışovanın sözləridir.

Regional Mədəniyyət İdarəsi: “Yaş həddinə görə nazirlik müqaviləni uzatmağa razılıq verməyib”

Cavabdeh tərəf – Ağcabədi Regional Mədəniyyət İdarəsi keçmiş direktorun iddiasına etiraz edib. Etirazında göstərib ki, Sevda Malışovanın işdən çıxarılmasının səbəbi onun müqavilə müddətinin bitməsi olub:

“Onun işlədiyi müəssisə dövlət büdcəsindən maliyyələşir. Müqaviləsinə xitam verilərkən o, artıq dövlət büdcəsindən maliyyələşən müəssisələrdə çalışmanın son yaş həddinə çatmışdı. Qanunvericilik burada müqavilə müddətinin uzadılmasını müəyyən edilən şərtlərlə ehtiva edir. Yəni burada sonrakı gedişat yuxarı orqan olan Mədəniyyət Nazirliyinin razılığından asılıdır. Məhkəməyə təqdim olunan sənədlərdən də göründüyü kimi, nazirlik buna razılıq verməyib. İddiaçının müqaviləsinin 1 ay uzadılmasına səbəb isə nazirlikdən rəsmi cavab məktubunun gözlənilməsi olub”.

Xocavənd Rayon Məhkəməsi Sevda Malışovanın iddiasını təmin eləməyib. Apelyasiya instansiyası da bu qərarı qüvvədə saxlayıb. Amma Ali Məhkəmə işi geri qaytarıb. Hesab edib ki, sabiq direktorun dediyi kimi, əmək müqaviləsi və əmək kitabçasına müdaxilə halları açıq-aşkar ortada olduğu halda, aşağı instansiya məhkəmələri buna qiymət verməyib. İş Şirvan Apelyasiya Məhkəməsinə göndərilib ki, yenidən araşdırma aparılsın.

Təkrar araşdırma zamanı Regional Mədəniyyət İdarəsinin rəisi Qalib Həsənov da məhkəmədə dindirilib. O iddia edib ki, Sevda Malışovanın Uşaq İncəsənət Məktəbində işlədiyi dövrdə yeyintiyə yol verməsilə əlaqədar prokurorluqda cinayət işi başlanıb. Onun sözlərinə görə, Sevda Malışovanın şikayəti təmin oluna bilməz.

Ekspertiza da saxtalaşdırmanı təsdiqləyib

Məhkəmə araşdırmaları zamanı ekspertiza təyin olunub və ekspertlər də rəy verib ki, “Əmək kitabçası”nda əvvəl “17 aprel 2022-ci” yazısı olub. Sonradan ağardıcı boya çəkilib və üstündən başqa yazı yazılıb.

Məhkəmədə əmək müqaviləsinin 2021-ci ilin oktyabrında yox, 2022-ci ilin aprelində bitməsi, əmək kitabçasına müdaxilə edilib, tarixin saxtalaşdırılması kimi hallar təsdiqlənib. Şirvan Apelyasiya Məhkəməsində Samir Mayılovun sədrlik etdiyi hakimlər kollegiyası qərarında da bunları yazıb, amma Sevda Malışovanın şikayətini təmin etməyib. Heç saxtakarlığa yol verən şəxslərin əməllərinə də məhkəmə münasibət bildirməyib. Bu üzdən qərardan narazı qalan 68 yaşlı Sevda Malışova yenidən Ali Məhkəməyə şikayət eləmək niyyətindədir:

“Açıq-aşkar ortada saxtakarlıq faktları var, məhkəmə buna münasibət bildirmir, bu, nə deməkdir? Təsdiqləyir ki, bu hallar olub, amma şikayəti təmin eləmir. Çox ədalətsiz qərardır”.

Sevda Malışovanın vəkili Bəxtiyar Hacıyev də hesab edir ki, bu qərarda yazılanlarla nümayəndəsi olduğu şəxsin təqsirsizlik prezumpsiyası hüququ pozulub. Vəkil deyir ki, Şirvan Apelyasiya Məhkəməsi Sevda Malışovanın əmək hüquqlarının pozulması məsələsinə baxırdı. O məsələdə də haqlı olduğu təsdiqlənsə də, tamam başqa bir məsələdən sui-istifadə edib, əleyhinə qərar verildi:

“Əvvəla, prokurorluqdakı cinayət işi fakt üzrədir. İkincisi, həmin məsələnin bu işə aidiyyəti yoxdur. Burada Sevda xanımın əmək müqaviləsinə xitam verilməsi məsələsinin qanuni olub-olmaması araşdırılırdı. Sevda xanım təqsirləndirilən şəxs deyil, haqqında qanuni qüvvəyə minmiş ittiham hökmü yoxdur. Hansı əsasla ona istinad edib, əleyhinə qərar çıxardı, anlamaq olmur…”.

Sevda Malışova Ali Məhkəmənin sədri İnam Kərimovun qəbuluna gedəcəyini, Şivan Apelyasiya Məhkəməsinin hakimlərinin belə bir qərar çıxarmaları haqda onu məlumatlandıracağını deyir. O, həmçinin Prezidentin hüquq-mühafizə orqanlarıyla iş üzrə köməkçisi Fuad Ələsgərovun da qəbuluna yazılıb.

Sənədləri saxtalaşdırmaqda ittiham olunan Regional Mədəniyyət İdarəsinin rəisi Qalib Həsənovun atası Şamil Həsənov 1994-2005-ci illərdə Ağcabədi rayon İcra Hakimiyyətinin başçısı olub. //meydanTV//

Bakının Nərimanov rayonunun 8 nömrəli poliklinikasından ard-arda şikayətlər daxil olur.Məsələ budur ki,TƏBİB tabeliyindəki bu tibb müəssisəsinə deyilənə görə 70 min pul ayırıb. Amma pulun hara,necə xərclənməsini bilən,deyən yoxdur.Poliklinika ilə əlaqə saxlamaq isə qeyri mümkündü.Deyilənə görə poliklinikada hər şöbəyə tapşırılıb ki,öz ciblərinin hesabına otaqlarını təmir etsinlər.Həkimlərə yerə döşəmək üçün linoleum aldırırlar.Bir sözlə,dövlətin pulunun mənimsədildiyi iddia olunur.Məsələni dəqiqləşdirmək üçün poliklinikanın məsul bir şəxsi ilə əlaqə saxlamaq mümkün olmur.
70 min az pul deyil.Deyilənlər həqiqətdirsə,ciddi qanun pozuntusudur.Yox,əgər düzgün məlumat deyilsə,o halda,zəhmət olmasa,8 nömrəli poliklinika rəhbərliyi bu vəsaitin necə,hara sərf olunması barədə sənədləri media orqanı olaraq bizə də göstərsin.Hər halda hər şey göz qabağındadır.Sənədlərə də baxaq,otaqlara,avadanlıqlara da. Başqa şikayət isə sığorta sistemi tətbiq olunandan sonra daha çox hallanır.Bu da həkimlərə xəstə qəbulundan verilən xidmət haqqı faizləri ilə bağlıdır.Bu məsələdə də ciddi narazılıqlar var.
Nərimanov rayonu 8 nömrəli poliklinikanın rəhbərliyini,TƏBİBi bu problemi araşdırıb məlumat verməyə çağırırıq.
Qarşı tərəfin mövqeyini dərc edməyə hazırıq //aktualxeber.az//