Məlum olduğu kimi, bu ilin aprel ayının 7-də Milli Məclisdə bələdiyyələr və torpaq sahələri ilə bağlı məsələlərin müzakirəsi zamanı deputat Etibar Əliyev hazırda Şirvanın icra başçısı olan İlqar Abbasovu “topa tutaraq”, onu 14 il rəhbəri olduğu Suraxanı rayonunu talan etməkdə ittiham etmişdi.

Seputat o zaman parlamentdə belə çıxış etmişdi: “Seçildiyim Suraxanı rayonuda 20 ilə yaxın müddətdə dərəbəylik hökm sürüb. Bu rayonda 5 il icra başçısı işləmiş Hacıbala Abutalıbov və ondan sonra 14 il bu rayonda icra başçısı işləmiş İlqar Abbasov rayonun nə torpağı varsa hamısını satıblar və zəbt ediblər…”.

Deputatın sözlərinə görə, 222 min əhalisi olan bir rayonda bir peşə məktəbi yoxdur, lakin 10-larla pab-restoranlar, qəlyanxanalar, diskoteka klubları var: “Peşə təhsili məktəbinin tutumuna uyğun torpaq sahəsi tapmaq mümkün olmayacaq. Qaraçuxur və Yeni Günəşlini Hacıbala Abutalıbov, İlqar Abbasov, Mayis Məmmədov və Abutalıbovun yaxın qohumu hasara alıblar. Milyonlarla manata evtikənlərə satırlar. Bu vəzifə səlahiyyətlərindən sui-istifadə və vəzifə səlahiyyətlərini aşma halıdır və həmin torpaqların necə zəbt olunması araşdırılmalıdır”.

Maraqlıdır ki, deputatın bu çıxışından bir gün sonra onun köməkçisi Pərvin Mahmudov sosial media hesabından paylaşdığı statusda icra başçısı İlqar Abbbasovun Suraxanıda olan milyonluq əmlakını satışa çıxardığını yazıb.

O, bu paylaşımına fotolarda əlavə edərək bildirib: “Millət vəkili hörmətli Etibar Əliyev Milli Məclisin dünənki iclasında Suraxanı rayonunda böyük torpaq sahələrinin qanunsuz zəbt olunması və satılması barədə çıxış etmişdi. Bu faktlardan birini də mən qeyd etmək istəyirəm. Şəkildə gördüyünüz (həmin şəkillər aşağıda verilib) obyekt – “Mokka lounge&pub” Şirvanın indiki, Suraxanı rayonuna 14 il rəhbərlik etmiş icra başçısı İlqar Abbasova məxsusdur. 20 sotda tikilmiş obyekt bir müddət əvvəl satışa çıxarılıb. Obyektin satış qiyməti nə az nə çox 2 300 000 manat olaraq müəyyən edilib. Hazırda 10 000 manata aylıq icarədə olan obyekt İlqar Abbasovun Suraxanıdakı “nişanə”lərindən sadəcə biridir. Fikir verin, adam özü Şirvanda icra başçısı vəzifəsini tutsa da, Suraxanı rayonunun ərazisində bu və buna bənzər milyonluq obyektlərə sahibdir. Maraqlıdır, icra başçısı milyonluq ticarət obyektlərinə hansı yollarla sahib çıxıb? Suraxanı rayonunda İlqar Abbasova məxsus olduğu bildirilən digər obyektlər də var. Bununla bağlı araşdırmamız davam edir. Ən qısa müddətdə daha ətraflı paylaşım olacaq”.

Maraqlıdır, görəsən, aradan ötən 6 ayda icra başçısı həmin mülkü sata bilibmi?

Bu və ya digər məqamla bağlı araşdırma apararkən öyərndik ki, icra başçısı İlqar Abbbasov 6 ay əvvəl barəsində yazılanlarIn çoxunu internet resurslarından sildirməyə nail olub.

Hətta iddialar var ki, hazırda Şirvanda bacanağı ilə əl-ələ verib işləyən İlqar Abbasov həmin vaxtı təkcə müzakirəsi gedən 2.3 milyonluq əmlakını satışa çıxarmayıb: “O, başqa əmlaklarını da satışa çıxarıb. Burada əsas faktor isə siyasi səbəb olub…”

Hələlik “siyasi faktor”la bağlı iddialarla bağlı mövzuya qayıdacağıq.

MİA.AZ

Fövqaladə Hallar Nazirliyinin (FHN) Mülki Müdafiə Qoşunlarının Tibb Xidmətinin rəisi də vəzifəsindən azad edilib.

DİA.AZ bildirir ki, Qaynarinfo-nun əldə etdiyi məlumata görə, Tibb Xidmətinin rəisi, polkovnik Əligülov Elçin Vəliağa oğlu öz istəyi ilə işdən azad olunub.

Elçin Əligülov

Onun yerinə müvəqqəti olaraq Fövqaladə Hallar Nazirliyinin (FHN) Mülki Müdafiə Qoşunlarının Tibb Xidmətinin rəis müavini Ərəstun Əliyev təyin edilib.

Ərəstun Əliyev

Qeyd edək ki, polkovnik Elçin Əligülov Qafqaz Müsəlmanları İdarəsinin sədri, Şeyxülislam Allahşükür Paşazadənin yaxın qohumudur.

İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlının əmri ilə qurumda bir neçə vəzifəyə təyinat olub.

Bu barədə Mərkəzdən bildirilib.

Məlumata görə, Ayaz Müseyibov icraçı direktorun müşaviri təyin edilib. O, bu təyinata qədər Azərbaycan Mərkəzi Bankında, "Azərbaycan Kredit Bürosu" MMC-də, İqtisadiyyat Nazirliyi yanında VI Sənaye İnqilabının Təhlili və Koordinasiya Mərkəzində, eləcə də İİTKM-də müxtəlif vəzifələrdə çalışıb, 2021-ci ildə Asiya İnkişaf Bankının təqaüdü ilə Böyük Britaniyanın Kembric Hakim Biznes Məktəbində "Finteks və tənzimləyici innovasiyalar" üzrə təhsil alıb. O, Birləşmiş Millətlər Təşkilatının müxtəlif qurumlarının icra etdiyi layihələrdə məsləhətçi kimi fəaliyyət göstərib.

İİTKM-də digər təyinat qurumun Monitorinq və qiymətləndirmə şöbəsində həyata keçirilib. Buna qədər Mərkəzin Monitorinq və qiymətləndirmə şöbəsinin Sosial-iqtisadi proqramların monitorinqi sektorunun müdiri vəzifəsində çalışan Təranə Salıfova həmin şöbənin müdiri vəzifəsinə təyin olunub. T.Salıfova Azərbaycan Texniki Universitetində bir neçə fənni tədris edir. O, İqtisadiyyat Nazirliyinin İqtisadi İslahatlar Elmi Tədqiqat İnstitutunda müxtəlif vəzifələrdə çalışıb. Şöbə müdiri “Texnoloji innovasiyalar iqtisadiyyatı” ixtisası üzrə fəlsəfə doktoru dissertasiyasını müdafiə edib.

Mərkəzin Monitorinq və qiymətləndirmə şöbəsinin Sosial-iqtisadi proqramların monitorinqi sektorunun müdiri vəzifəsinə isə baş məsləhətçi Şəbnəm Məmmədli təyin olunub. Ş.Məmmədli daha əvvəl Energetika Nazirliyi yanında Enerji Məsələlərini Tənzimləmə Agentliyində Enerji səmərəliliyi və investisiyalar üzrə mütəxəssis vəzifələrində çalışıb.

İİTKM-in tabeliyindəki Türk Dünyası Araşdırmalar Mərkəzinin rəhbəri vəzifələrini müvəqqəti icra edən Ayhan Satıcı həmin vəzifəyə təsdiqlənib. Şöbə rəhbəri buna qədər “British Council” Azərbaycanda, Azərbaycan Futbol Federasiyaları Assosiasiyasında (AFFA), “Bosshelf” MMC-də, eləcə də İİTKM-də müxtəlif vəzifələrdə çalışıb.

Uzun müddətdir ki, Penitensiar Xidmətdə aparılan islahatlardan, görülən işlərdən ağız dolusu danışmaq istəyənlər var. Amma bu gün əldə etdiyimiz məlumatlardan bəlli olur ki, Penitensiar Xidmətdə islahatlar aparılsa da, Penitensiar Xidmətin tabeçiliyində olan cəzaçəkmə müəssisələrində rüşvət halları baş alıb gedir. Sanki bu belə də olmalıdır.
Konkret olaraq onu göstərə bilərik ki, Penitensiar Xidmətin tabeçiliyində olan 10 saylı Cəzaçəkmə Müəssisəsində 90% pullu xidmətdir, bu pullu xidmət dustaqların ailə üzvlərinin, həyat yoldaşlarının, analarının, bacılarının azadlıqda min bir əzab-əziyyətlə qazandıqları pulların hesabına ödənilir. Baxmayaraq ki, dövlət tərəfindən tam təmin olunan Cəzaşəkmə Müəssisələrində dovlətin ayırdığı vəsaitlər hesabına heç bir iş görülmür.
10 saylı Cəzaşəkmə Müəssisəsində telefondan tutmuş, suya qədər hər şey pulladır. Su isə şor sudur. Camaatdan işıq pulu, su pulu, qaz pulu, televizor pulu, soyuducu pulu, şkaf pulu, kondisioner pulu, saç pulu, geyim (rəngindən asılı olaraq) pulu, yaşamaq üçün kirayə ev pulu alırlar. Burada kirayə haqları hər ay 200 manatdan başlayır, 15 000 manatda bitir. Pulun varsa qatı cinayətkar olsan da kefdəsən. Ali Baş Komandanımızın siyasətinin əleyhinə çıxan Hüseyn Abdullayevin yaşayış tərzi yoxlanılsa Mirsaleh Seyidovun ölkə başçımıza nə qədər sadiq olması üzə çıxacaq.
Hörmətli Mirsaleh Seyidov, bilmirsinizsə deyək bilin. Hüseyn Abdullayev başqa məhbuslarla bərabər "Taxta Barak"da da yaşaya bilər. Amma adı yazılıb "Məktəb Barak"da, yaşayır ən VİP otaqlarda.
Amma onu da nəzərinizə çatdırım ki, "Məktəb Barak"da da 1 nəfərin kirayə haqqı 300 manatdır, başqa xidmətləri demirəm. Amma çox hörmətli dostumuz Mirsaleh Seyidov, biz bu faktları yazmaqla rüşvət və korrupsiya hallarının qarşısını almaq istəyirik və bu işdə biz cənab Prezidentimiz, Ali Baş Komandanımız İlham Əliyevə dəstək olmaq istəyirik.
Səmimi olaraq sizdən bir xahişimiz də var. Hüquq Mühafizə Orqanlarında işləyən dostlarınızı bizə görə narahat etməyin, göstərdiyimiz nöqsanları aradan qaldırın. Axı cənab Prezidentimiz buyurur ki, jurnalistərimiz bizə dəstək olmalıdır, siqnal verməlidirlər. Biz bu siqnalı verdik.
Gələn yazımızda "Çentralnıy" kimi tanınan Müalicə Müəssisəsində olanları nöqtə, vergülünə qədər nəzərinzə çatdıracağıq. Biz bu işdə sizə yaxından dəstək olmaq istəyirik. Bəlkə sizin bu nöqsanlardan heç xəbəriniz yoxdur? Bəlkə Cəzaçəkmə Müəssisələrindən yığılan milyonlardan xəbərsizsiniz? Biz bu məlumatları cəmiyyətimizə, çox hörmətli Prezidentimizə və sizə veririk.
P.S. Axı biz bundan artıq nə edək ki, aidiyyati orqanlar Penitensiar Xidmətdə yoxlamalar apararaq həbslərə başlasın. Bəzi dostlarımız bu işlərə görə bizdən inciyir. Axı biz dövlətimizi, vətənimizi Prezidentimizi sevirik. //gundelik-baku.com//

Oktyabrın 13-də saat 05 radələrində işğaldan azad edilmiş Xocavənd rayonu, Haramı düzü ərazisində 2 ədəd yük maşınının minaya düşməsi barədə rayon prokurorluğuna məlumat daxil olub.

Araşdırma zamanı hadisə nəticəsində “Qazel” markalı avtomobilin sürücüsü, 1988-ci il təvəllüdlü Famil Əbilovun ölməsi və “Mercedes-Benz Atego” markalı avtomobilinin sürücüsü, 2000-ci il təvəllüdlü Namaz Bayramovun isə müxtəlif dərəcəli bədən xəsarətləri alması müəyyən edilib.

Faktla bağlı Xocavənd rayon prokurorluğunda araşdırma aparılır.

***

10:24

2023-cü il 13 oktyabr tarixində Füzuli rayonunun Aşağı Veysəlli kəndi ərazisində minalardan təmizlənməyən ərazidə mina hadisəsi baş verib.

Bu barədə Azərbaycan Respublikası Daxili İşlər Nazirliyinin və Azərbaycan Respublikası Minatəmizləmə Agentliyinin (ANAMA) Mətbuat Xidmətləri məlumat yayıb.

İlkin məlumata əsasən tank əleyhinə mina partlayışı nəticəsində "Qazel" markalı maşının sürücüsü 1987-ci il təvəllüdlü Əbilov Famil İlyas oğlu həlak olub, Kamaz tipli yük maşınının sürücüsü 2000-ci il təvəllüdlü Bayramov Namaz Nəbadi oğlu xəsarət alıb.

“Sərhədçi” idman kompleksinin kikboksinq üzrə məşqçisi Nurani Qalabəylinin qətlində ittiham olunan həyat yoldaşı Əfsanə Qalabəylinin cinayət işi üzrə məhkəmə araşdırması davam edir.

Bakı Ağır Cinayətlər Məhkəməsində keçirilən bugünkü iclasda təqsirləndirilən şəxslə bağlı ekspert rəyi elan olunub.

Bir neçə ay əvvəl Ə.Qalabəylinin vəkili Zibeydə Sadıqova vəsatət qaldıraraq müvəkkilinin hadisə törədən vaxt anlaqlı vəziyyətdə olub-olmadığını müəyyən ettmək üçün təkrar ekspertiza keçirilməsini istəmişdi. Məhkəmə vəsatəti təmin edib, yeni ekspertiza açıqlanana kimi prosesi təxirə salmışdı.

Ekspert rəyində qeyd olunub ki, təqsirləndirilən şəxs hadisə vaxtı anlaqlı vəziyyətdə olmayıb. Bu əsasla verilmiş rəy hökm qəbul olunarkən nəzərə alınmalıdır.

Onu da deyək ki, ibtidai istintaq dövründə keçirilən ekspertiza zamanı əks rəy verilmişdi. Növbəti iclasda məhkəmə istintaqının yekunlaşacağı gözlənilir.

Xatırladaq ki, hadisə ötən ilin sentyabrında olub. 36 yaşlı Əfsanə Qalabəyli özündən 13 yaş böyük həyat yoldaşını Əhmədli qəsəbəsində kirayə yaşadıqları evdə 13 bıçaq zərbəsi ilə qətlə yetirib. Ona qarşı Cinayət Məcəlləsinin 120.1 (qəsdən adam öldürmə) maddəsi ilə ittiham irəli sürülüb.
Ə.Qalabəyli məhkəmədəki ifadəsində ərinin illərlə ona əziyyət verdiyini, döyüb təhqir etdiyini, özü və uşaqları evdə ola-ola başqa qadınlar gətirdiyini deyib. O, həmçinin hadisə baş verən vaxt anlaqlı vəziyyətdə olmadığını bildirib.

Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.

DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Masallı rayon İcra Hakimiyyətidir.

Araşdırma materialında deyilir:

"Masallı rayon sakinləri icra hakimiyyətinin başçısı Araz Əhmədovun sələflərinin yolu ilə getməsindən narazıdır. Şikayətlərdə bildirilir ki, yeni başçı özündən əvvəlki başçılarının korrupsiyaya bulaşmış kadrlarını vəzifələrində saxlayır, bəzilərini isə daha yüksək vəzifələrə təyin etməkdədir. Bu isə sakinlər tərəfindən birmənalı qarşılanmır.

"Masallıda Araz çayı yoxdur, amma İŞLƏRİ BULANIQ OLAN ARAZ VAR" deyə problemlərini qabardan sakinlər məhz icra başçısının səriştəsizliyini, yerli sahibkarla ədavəini əsas gətirərək şikayətlərində əsas olaraq bəyan edirlər ki, onlar Araz Əhmədovun günü bu gün vəzifədən alınmasını arzulayırlar.

Hətta başçını həbsə apara biləcək faktların da olduğu iddia olunur..."

Məsələ ilə bağlı dia.az olaraq qarşı tərəfi də dinləməyə haazırıq...

Azərbaycan Dövlət Pedoqoji Universietinin (ADPU) əsas korpusunda 3 gündür ki, tələbələrə qeyri-adi qadağa qoyulub. Bu barədə DİA.AZ-a daxil olan müraciətdə deyilir.

Müraciət müəllifləri qeyd edir ki, fotoda gördüyümüz şəxs tələbələrin bufetdə kitab oxumalarını qanunsuz olaraq qadağan edib.

ƏLAQƏDAR VİDEO: My Webpage

Tələbələrin müraciəində deyilir: "Bu adam bufetə girib qabağında kitab olan bütün tələbələri qovur. Səbəb də onu gətirir ki, bufetdə oturmağa yer yoxdur.

Hətta kitab bağlı olsa belə, masada kitab görsə belə, sərt formada zaldan qovmağa çalışır, xüsusən də qız tələbələri.

Deyir ki, oxu zalı var, orada oxuyun. Biz magistratura imtahanına hazırlaşan tələbələrik, o testləri müzakirə edə bilək deyə açıb işləyirik...

Oxu zalında 2 nəfərin pıçıldaşmağına belə icazə verilmir... Necə müzakirə edə bilərik ki?"

Məsələ ilə bağlı olaraq əlaqədar qurum və şəxsləri də dinləməyə hazırıq...Dia.az

QHT sektorundakı neqaivlərin ifşası davam edir. DİA.AZ bildirir ki, bu dəfə də əslində hüquqi baxımdan araşdırılması vacib olan faktlar təqdim olunmaqdadır.

İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli QHT sektorunu silkələməkdə davam edir. DİA.AZ İSBAM sədrinin növbəi açıqlamasını əqim edir:

"Dünən tədbirlərimiz olduğu üçün bu gün yazmağa imkan yarandı.
Bir neçə gün öncə həmsöhbət olduğum QHT-lərdən biri layihəsinin gedişatı ilə əlaqədar səhər iş başlayan zaman QHT Agentliyinə daxil olub. Danışdıqca və orada baş verənləri təsvir etdikcə heyrətə gəldim. Həqiqətənmi bu qurum tamamilə nəzarətsiz qalıb?
Əyləşib orada kuratorunu gözləyən QHT mənzərəni təsvir edir:
“Oturmuşam və bir də eşidirəm ki, aşağı mərtəbədə bir neçə nəfərin səsi gəlir, özlərinə şirinçay düzəldirlər. Qaşıqların cingiltisi az qala bütün ofisə yayılır. Onlar çox rahat formada öz səhər yeməkləri yeyib, bir qədər sonra gülüşə-gülüşə pilləkənlərlə yuxarı mərtəbələrə doğru qalxırlar.
Səhərdi deyə, ofisdə çox adam yoxdur və danışılan hər şey rahatlıqla eşidilir. Yaxınlıqdakı otaqda 2 nəfərin krassvord yazdığını anlayıram. 9 hərifli Türkiyə futbol klubunun adının tapılması uğrunda söz savaşı gedir. Digər otaqda isə 2 xanım kosmetikadan, saçının harada kəsdirilməsindən və s. danışır. Bir qədər sonra yuxarıdan icraçı direktorun köməkçisi sürətlə gəlir və həyətə çıxır, oradakı oğlanlardan birinə yüksək tonla səslənir ki, “Xanım” gəlir.
Qəbul yerində oturan xanım isə liftin düyməsini sıxaraq qapılarını açıq vəziyyətdə saxlayır. 15 dəqiqə bu 3 nəfər və həyətdəki polislər hərbi hissələrdə olduğu kimi farağat vəziyyətində dururlar. Bir qədər sonra qara maşın dayanır və gözləyən xanım qapını açır və mənə məlum olur ki, gələn xanım Agentliyin icraçı direktorudur. Beləcə gəlib liftlə onu yuxarı mərtəbələrin birinə yola salırlar. Qeydiyyatdakı xanımdan soruşuram ki, bəs mən çox gözləməliyəm, deyir ki, indi düşüb yaxınlaşacaqlar sizə.
Bu əsnada bir nəfər üçün tort və gül gəlir. Yuxarıdan səslər gəlir və aydın olur ki, kiminsə ad günüdür.
Nəhayət mənim işlərinə nəzarət edən şəxs gəlir, bir qədər otaqda söhbət etdikdən sonra onu yuxarıya çağırırlar. Mən məcbur gözləməli oluram. Oturduğum otaqla üzbəüz otaqdan səslər gəlir. Eşidirəm ki, əməkdaşlardan bir nəfər xanım hansısa suşini tərifləyir, ağzını marçıldadır və onu çəkir (sonradan instagramda qarşıma çıxanda bildim ki, həmin suşi reklamı Agentlikdə çəkilirmiş). Beləliklə gözlədiyim şəxs gəldi və işlərimi razılaşdırmaq istədim. QHT işini bilmədiyi üçün nə dedimsə gözümün içinə suallarla baxırdı. Anladım ki, yenidir və birtəhər razılaşdıq və Agentlikdən çıxdım”.
Hər şeyi bir tərəfə qoyuram, dövlət idarəsində suşi reklamı nə idi onu anlamadım.
Elə bildim ki, şişirdir. Çünki digər məsələləri çox eşidib görmüşdük.
Agentlikdə rəhbər şəxslərin qarşılanması bir başqa aləmdir, heç Baş naziri elə qarşılamırlar.
Sonra həmin yoldaş mənə reklamın linkini atdı və doğurdan da Agentliyin əməkdaşının öz iş otağında suşi reklamı çəkdirdiyinin şahidi oldum.
QHT sektorunu belə idarə edirik?"

Məsələ ilə bağlı olaraq qarşı tərəfi də dinləməyə hazırıq...Dia.az

Bır sıra hallarda iş yerlərində işçilərin təhlükəsizliyinin qorunması üçün lazımi tədbirlər görülmür. Nəticədə bədbəxt hadisələr qaçılmaz olur. Statistikaya görə, təkcə ötən il istehsalatda baş vermiş bədbəxt hadisə nəticəsində 48 nəfər dünyasını dəyişib. 202 nəfər isə müxtəlif dərəcəli bədən xəsarəti alıb.
Araşdırmalar göstərir ki, işəgötürənlər işçiləri fərdi mühafizə vasitələri ilə təmin etmir. Hətta əməyin mühafizəsi ilə bağlı təlimatlandırmır. Doğrudur, həm işəgötürən, həm də işçi təhlükəsizlik qaydalarına ciddi əməl etməlidir. Lakin bu qaydaların tətbiqinə nəzarət işəgötürənin üzərinə düşdüyündən bütün məsuliyyəti də o daşıyır.
Yevlax rayon Mənzil Kommunal Təsərrüfatı İstehsalat Birliyi işçilərinin həyatını təhlükəyə atır. Əməkdaşımız Yevlax şəhərində olarkən müşahidələrini video-qeydə alıb. Görüntülərdən bəlli olur ki, MKTB avtomoibillərin hərəkətinin intensiv olduğu mərkəzi küçələrdə xadimələri yol süpürməyə məcbur edirlər. Qadın günün günorta çağı, arabasız, təkcə səkiləri deyil, yolun hərəkət hissəsini də elə maşınların təkərlərinin altını da süpürür. Həmçinin aşkar görünür ki, MKTB işçilərini lazım olan yerə balansında olan texnikanın, traktorun qoşqusunda, kuzovunda aparır ki, bu da onların həm həyatını təhlükədə qoyur, həm də şəxsiyyətlərinə hörmətsizlikdir. Razılaşın ki, bu mənzərə kənardan, xarici qonaqların da gözünə pis görünür. Hələ onu demək artıqdır ki, Yevlaxa artıq ermənilər də qonaq gəlməyə başlayıblar.
Xatırladaq ki, bu ilin mart ayının Novruz bayramı tətili günlərində Yevlaxda süpürgəçi işləyən iki qadını avtomobil vurub, onlardan biri ölüb. Hadisə şəhərin Nizami Gəncəvi küçəsində qeydə alınıb. Onlardan biri - 1974-cü il təvəllüdlü Səbinə Rafiq qızı Əsgərova hadisə yerində dünyasını dəyişib, 1992-ci il təvəllüdlü Bəsti Mirzəyeva isə ağır bədən xəsarətləri alaraq xəstəxanaya yerləşdirilmişdi. //azerinfo.info//