Əxi Pərviz, Vilayət və Zaur qardaşları, Vüqar, “əmlakçı” Usubov dəstəsi Qəbələdən Bakıya nə daşıyır..?
Son 30 ildə Azərbaycanda ən gəlirli biznes sahələrindən biri, bəlkə də birincisi qara və əlvan metal biznesi olub. Gözünüzün qabağına dağılmış SSRİ-dən qalan zavodları, fabrikləri, kolxozları, sovxozları və oradakı milyon tonlarla qara və əlvan metalları gətirin. Biz hələ dəmir yolu və tramvay xətlərinin yüksək keyfiyyətli relslərini demirik.
Təsəvvür edirsiniz, 1 manat xərcləmədən bu boyda mülkiyyəti sök və baha qiymətə xarici ölkələrə sat. Bilənlər bilir ki, OMON-la zamanında metal biznesi ilə məşğul olanların az qala silahlı qarşıdurması olub. Bu sahə ilə o zaman, yəni 1990-cı illərdə ən çox QUSKA ləqəbli sabiq deputat Hüseyn Abdullayev məşğul olurdu.
Onu da yada salaq ki, sonradan Prezident Aparatında yüksək vəzifə tutan Əli Həsənov o zamanlar QUSKA-nın tərəzi çəkəni idi. Bunu dəfələrlə Hüseyn Abdullayev açıq şəkildə deyib. Daha sonra bu biznesin böyük gəlirini görən, o zamankı spiker Rəsul Quliyev və sabiq Dəmir Yolu İdarəsinin rəisi, sonradan nəqliyyat naziri olan Ziya Məmmədov bu sahəyə əl qoydular, dəmir yolu relslərini sökərək xaricə satdılar. Hətta buna görə, Ziya Məmmədovun həbs olunması üçün Naxçıvan prokuroru sanksiya vermişdi. Ziya Məmmədov bir həftə Ramiz Mehdiyevin bağ evinin qapısında yatandan sonra canını qurtara bildi, amma bu sahəyə Ramiz Mediyevi şərik elədilər. Bəli, o zamandan Ramiz Mehdiyev bu sahəyə əl qoydu, hətta ailə dostu, hazırda həbsdə olan Rasim Məmmədov “Baku Steel Company” şirkətini ələ keçirdi.
Sözümüzün canı odur ki, Azərbaycanda metal biznesi ən gəlirli və eyni zamanda ən cinayətkar sahədir. Təsəvvür edirsiniz, bir çox nazirlik və komitələr bu biznesin cinayətinə bulaşıb. Təkcə bir faktı qeyd edək. XAMMAL olan metalı MƏHSUL adı ilə ölkədən çıxaranda ayrı-ayrı şəxslər milyonlar qazanır, dövlətin büdcəsi ilə milyonlar itirir. Bu işi isə ancaq Dövlət Gömrük Komitəsi həyata keçirir. Digər bir faktı da qeyd edək. Xəzər Dəniz Gəmiçiliyi, yaxud SOKAR min tonlarla borunu, yaxud köhnə gəmiləri balansdan silib...metal alverçilərinə satırlar. Metal biznesində xeyli sayda cinayətkarlar cəmləşib.
Təsəvvür edirsiniz, Bakının bütün kənd və qəsəbələrində səhər açılan kimi “Dəmir alıram...dəmir alıram..” səs-küyü aləmi bürüyür. Metal qəbul məntəqələrində bir soruşan yoxdur ki, bu qədər metal haradan gəlib, kimlər gətirib.. Bu cinayətkar dəstə son zamanlar hətta elektrik naqillərini, transformatorları, həyətlərdəki kondisionerləri oğurlayıb metal qəbulu məntəqələrinə satırlar. Hətta son bir neçə ay əvvəl ATEF şirkəti ilə İdman Akademiyası arasındakı cinayətkar əlaqə ortaya çıxdı. Bəlli oldu ki, İdman Akademiyası tələbələrinin adına yüz tonlarla metal sənədləşdirib.
İndi isə keçək əsas mətləbə. Redaksiyamıza daxil olan son məlumata görə, hazırda qara və əlvan metal biznesinin əsas fiqurlarından biri ƏXİ PƏRVİZ-dir. Bu işdə onun əsas ortaqları Vilayət və Zaur qardaşlarıdır. Oğurluq metal qəbulunu bu qardaşlar həyata keçirir. Əxi Pərvizin əsas ortaqlarından biri də Vüqar adlı şəxsdir.
Yeri gəlmişkən, bu şəxslər PA-nın sabiq şöbə müdiri, vaxtilə QUSKA-nın tərəzi çəkəni olmuş Əli Həsənovun yaxın adamlarıdır. Yəni Əli Həsənov o zamankı əməllərini bu şəxslərin əli ilə bu gün də davam etdirir. Bu şəbəkənin başında isə “əmlakçı” Usubov dayanır. Bu cinayətkar şəbəkə hər gün Qəbələdən Bakıya nə daşıyır..? Bu barədə növbəti yazıda. Bizi izləyin.
P.S. Əgər dövlət büdcəmiz yüksək məbləğdə vəsaitlə dolmaq istəyirsə, bu məsələ Dövlət Ərkanları tərəfindən ciddi şəkildə araşdırılmalıdır.
gundelik baki.com

Azərbaycanda iqtisadi artım gözləntiləri doğrultmur. 2023-cü ilin ilk 8 ayı ərzində böyümə cəmi 0,8 faiz olub. Bu gedişlə ilin sonuna qədər böyük rəqəmlər gözləməyə dəyməz.

Yenisoz.az Bizimyol.info-ya istinadla xəbər verir ki, hökumət də iqtisadi artımla bağlı gözləntiləri yüksək tutmayıb. İlin əvvəlində artımın 2,7 faizi keçməyəcəyi hesab olunurdu. Sonradan hətta 1,8 faizdən danışılmağa başlandı. Amma qəribədir ki, “Fitch Ratings”in növbəti proqnozu Azərbaycan Maliyyə Nazirliyini "qəzəbləndirib". Beynəlxalq reytinq agentliyinin üç ay əvvəlki hesabatına əl gəzdirməsi nazirliyin ürəyincə olmayıb.

“Fitch” yayın əvvəllərində Azərbaycanın 2023-cü ildə iqtisadi artımının 3,53 faiz olacağını bildirmişdi. İndi isə yalnız 2,3 faizdən söz açılır. Beynəlxalq reytinq agentliyi yeni neft hasilatının enerji sektorunda azalmanı yavaşlada biləcəyini düşünür. “Fitch” hesab edir ki, Avropaya ixrac həcmini artırmaq üçün satınalma müqavilələri yekunlaşacağı halda təbii qaz hasilatının daha da artması mümkündür.

Agentliyin açıqlamasında bunları da oxumaq olar: “Dövlətin iqtisadiyyatda böyük həcmdə iştirakçılığı, idarəetmə ilə bağlı çətinliklər, maliyyə resurslarına məhdud çıxış, qeyri-neft sektoruna investisiyaların aşağı olması kimi amillər Azərbaycanda iqtisadiyyatın şaxələndirilməsi istiqamətində irəliləyişə mane olur”.

Maliyyə Nazirliyi nədən narazıdır? Onsuz da gözləntilər aşağı salınmamışdımı? İndiyə qədər cəmi 0,8 faiz artım ilin sonunadək qeyri-adi sıçrayışın baş verməyəcəyini demirmi? Nazirliyinin beynəlxalq reytinq agentliyinə iradı odur ki, hesabatda mübahisəli rəqəmlər, proqnozlar yer alıb. Qurum hesab edir ki, bəzi qəbulolunmaz qiymətləndirmələr aparılıb. Bank sektorunun vəziyyəti də müsbət qiymətləndirilməyib. Dayanıqlı böyümə imkanlarının aşağı olması qeyd edilib. Biznes qurumlarının iqtisadi risklərə qarşı dözümlülüyü də yüksək deyil.

Hərçənd, “Fitch Ratings” təkcə neqativ şeylər yazmayıb. Məsələn, milli valyutaya müəyyən etibar hiss olunur. Agentlik sanki tezliklə devalvasiya baş verməyəcəyinə möhkəm əmindir. Hesabatda güclü xarici balansdan, aşağı dövlət borcundan, suveren fondun böyük aktivləri hesabına yüksək maliyyə çevikliyindən danışılır.

“Fitch”ı qınamaq olmur. Beynəlxalq agentlik bir sıra amilləri nəzərə alıb. Bunların arasında geosiyasi risklər xüsusi qabardılıb. Ölkədə korrupsiyanın səviyyəsinin yüksək olması hesabatda böyük rol oynayıb. Vətəndaşların siyasi proseslərə qoşulmaq imkanının məhdud olması da öz sözünü deyib. Bundan başqa, hökumətin hesabatlılığı və qanunun aliliyinə aid göstəricilərin aşağı olması özünü göstərib.

Uzun sözün qısası, hökumət həm də özündən küsməlidir. Bir sıra istiqamətlərdə vəziyyətin yaxşılaşması, hətta kökündən dəyişməsinə ehtiyac var. Əks halda gözləntilər həmişə aşağı olacaq.

Bu günlərdə Tarif Şurası tərəfindən dərman vasitələrinin qiymətlərinin yuxarı həddi təsdiq edildi. Həmçinin əhaliyə dərmanların aşağı qiymətə alınmasına imkan veriləcəyi açıqlandı.

Qeyd edək ki, bu qərar qəbul olunanadək dərman vasitələri üçün vahid qiymət tətbiq olunurdu və bütün apteklərdə dərman vasitələri həmin vahid qiymətə satılırdı. İndi isə həmin vahid qiymətlər yuxarı hədd olaraq təsdiq edilib. Yəni dərmanlar təsdiq olunmuş qiymətlərdən aşağı qiymətə satıla bilər.

Tariflərin isə sentyabrın 15-dən qüvvəyə mindiyi elan olundu.

Maraqlıdır, bir həftə əvvəl təsdiqlənən qərara əməl olunurmu? Konkret hansı dərmanların qiymətində ucuzlaşma var?

Məsələ ilə Bizim.Media-ya danışan farmokoloq Aydın Əliyev qeyd edib ki, Tarif Şurasının sözügedən qərarı insanların maddi imkanına və vəziyyətinə müsbət təsir göstərə bilər:

“İnanırıq ki, Tarif Şurası qiymətləri aşağı salacaq. Amma praktik olaraq həmin qərar apteklərə gəlməyib. Apteklərə gəlmədiyi hələki hansı dərmanlardan söhbət getdiyini bilmirik və gözləyirik”, - deyə Aydın Əliyev əlavə edib.

Xatırladaq ki, dövlət başçısının müvafiq fərmanı ilə "Dərman vasitələri haqqında” qanuna edilmiş dəyişikliklərlə 13 dövlət qurumunun təmsil olunduğu Tarif (qiymət) Şurasına dərman vasitələrinin topdan və pərakəndə satış qiymətlərinin yuxarı həddinin təsdiq edilməsi tapşırılmışdı.

Xatırladaq ki, “Elşad Həsənov Yasamalı səhraya çevirir” və bu yaxınlarda aktualxeber.az saytında “İcra başçısının Ümid adlı qoçusu” başlıqlı məqalələr dərc etmişdik. Məqalələrdə Elşad Həsənovun “xeyir-duası” ilə A.M.Şərifzadə 144 ünvanında “Qəbələ Residence” yaşayış massivinin sol tərəfində ağacların kəsilərək yerində tikinti aparılmasından, Yasamalın icra başçısının yaşıllıqların məhv edilməsinə şərait yaratmasından bəhs edilirdi.
Bundan əlavə qeyd etmişdik ki, redaksiyamıza müraciət edən Bakı şəhəri Nəsimi rayonu, Azadlıq prospekti ev 70 mənzil 12-də yaşayan Hümmətov İlham Heybət oğlu da Yasamal rayon İcra Hakimiyyətindən şikayətçidir. Vətəndaş iddia edir ki, 18.09.2023-cü il tarixdə saat 15:00 radələrində İH-nin Rayon təsərrüfatı şöbəsinin Baş məsləhətçisi Əsgərov Ümid Elxan oğlu özü ilə gətirdiyi işçilərlə birlikdə onun ailəsinə məxsus və bütün sənədləri qaydasında olan A.M.Şərifzadə 140a ünvanında yerləşən “Kanon” Aptekin pilləkənlərini zorla sökmüşdür. Vətəndaşın dediyinə görə Ümid icra başçısı Elşad Həsənovun tapşırığını yerinə yetirdiyini və ona çatacaq məbləği verməsələr göstərişi icra edəcəyini israr edibdi. Ona mane olmağa çalışan qadınları təhqir etməkdən belə çəkinməyən Ü.Əsgərov apteki işlədən Səidə Ağamirzadəyə xəsarət belə yetirilməsinə bais olubdu.

DİA.AZ bildirir ki, şikayətçi yeni məlumatlar və sənədlər təqdim edibdi. Həmin sənədlərdən məlum olur ki, Yasamal RİH-nin dəllal məmurları vətəndaşa məxsus aptekin qarşısını “Mansur” firmasının sahibi İlqar adlı şəxsə qanunsuz olaraq sataraq, hətta oranın özəlləşdirilməsinə belə nail olublar. Bundan xəbər tutan İ.Hümmətov məhkəməyə müraciət edərək həmin yerin çıxarışını ləğv etdirməklə haqlı olduğunu sübuta yetirmişdir. Belə ki, Bakı İnzibati Məhkəməsinin 02.06.2022-ci il tarixli qərarını 14.02.2023-cü il tarixdə Bakı Apellyasiya Məhkəməsinin İnzibati Kollegiyası, 15.05.2023-cü il tarixdə isə Ali Məhkəmənin İnzibati Kollegiyası qüvvədə saxlamışdır. Buradan belə nəticəyə gəlmək olur ki, Yasamal rayon İcra Hakimiyyətinin başçısı üçün rüşvət məhkəmə qərarından daha üstündür. Belə olmasaydı öz qoçu dəstəsini sahibkarın üstünə göndərərək hədə-qorxu ilə ona məxsus obyektini zorla, dəyər-dəyməzinə İlqara satdırmağa çalışmazdı. Onu da qeyd edək ki, vətəndaş ona qarşı olan haqsızlıqla bağlı dövlət başçısına və hüquq-mühafizə orqanlarına müraciət etmişdir. Ümidvarıq ki, Elşad Həsənov kimi məmurların belə özbaşınalığı yəqin ki, cəzasız qalmayacaqdır.
Mövzuya qayıdacağıq və yazıda adları keçən şəxsləri də dinləməyə hazırıq.

“Rahat Market”i idarə edən şirkətin borcları 40% artıb.

AZINFORM.AZ xəbər verir ki, “Rahat” supermarketlər şəbəkəsi və “Port Baku Bazar” marketin daxil olduğu "ANC GROUP" MMC-nin açıqladığı maliyyə hesabatlarına əsasən 2022-ci ildə "ANC GROUP"un xalis mənfəəti 2021-ci illə müqayisədə 13.8% artaraq 384 min 77 manat təşkil edib. 2021-ci ildə şirkət 337 min 524 manat xalis mənfəət əldə etmişdi.


Eyni dövrdə şirkətin ümumi və inzibati xərcləri 34.5% artaraq 34 milyon 192.3 min manata bərabər olub. Beləliklə şirkət 384 min 77 manat əməliyyat mənfəəti əldə edib.

2022-ci ildə "ANC GROUP" MMC-nin cəmi aktivləri 2021-ci illə müqayisədə 26.7% və ya 21 milyon 183 min manat artaraq 100 milyon 469.9 min manata yüksəlib. Şirkətin kreditor borcları 39,9% və ya 15 milyon 218.8 min manat artaraq 53 milyon 372.6 min manata bərabər olub. Bu dövrdə "ANC GROUP" MMC-nin cəmi öhdəlikləridə 31.3% artaraq 81 milyon 356.6 min manat olub.

Nizamnamə kapitalı 7 milyon 83 min manat olan "ANC GROUP" MMC-nin səhmlərinin 10%-Babakişiyev Cəlal Rasim oğluna, 90%-i isə ABDA RETAİL İNVESTMENT HOLDİNG LTD-yə məxsusdur.



ABDA RETAİL İNVESTMENT HOLDİNG LTD şirkətinin təsisçisi və sədri mətbuatda "Neft oğru"su kimi məşhurlaşan Adnan Azəri oğlu Əhmədzadədir. Təxminən 10 milyon manatlıq avtomobil kolleksiyası olan Adnan Əhmədzadə həm də İngiltərədə milyonluq "party"lərin təşkilinə pullar tökən qeyri-rəsmi iş adamıdır. Adnan Əhmədzadə Azərbaycanda bir neçə marketlər şəbəkəsinin sahibidir. Bunlardan bizə məlum olanları "Bolmart", "Rahat Market", “Port Baku Bazar” market şəbəkələridir.

Daha bir market alıcıları aldatmaqla məşğuldur.

Tezadlar.az saytına müraciət edən alıcı bildirib ki, "Araz Market"-dən diş pastası alıb. Bu zaman o saktakarlıqla üzləşib. Belə ki, vitrində diş pastasının qiyməti 2.55 qəpik olub. Amma kassaya yaxınlaşan zaman 2.55 qəpikdən deyil, 2.69 qəpikdən vurulub. Nəticədə, alıcı 2.55 qəpik əvəzinə, 2.69 qəpik ödəməli olub.

Məsələ ilə bağlı alıcı etirazını bildirsə də, ona cavab verməli olan marketin məsul şəxsi tapılmayıb.

Həmin məhsulun və qəbzin fotosunu təqdim edirik:

Tezadlar.az

Şəmkir rayon Su anbar idarəsinin rəisi Vaqif müəllim ekologiyanın qorxulu kabusuna çevrilib. Vaqif Lətif oğlu Məmmədov bu gün bütün var gücü ilə ekologiyanin məhvi üçün əlindən gələni əsirgəmir.

Şəmkir rayon Kür qəsəbəsi Vaqif müəllim sayəsində günü-gündən geri gedir. Vaqif müəllim sözügedən ərazidə yalnız qanunsuz yolla fəaliyyət göstərərək öz cibini doldurmaqla məşğuldur. Əraziyə baxdıqda hər yerde qazıntı işinin aparildigini görürük. İri çaplı maşınlar öz fəaliyyəti ilə diqqət çəkirlər.

Vaqif müəllim kimə və nəyə arxayın olaraq qorxmadan çəkinmədən ekologiyanı məhv edir? Aidiyyatı qurumlar bu qanunsuzluğu heçmi görmürlər? Yoxsa görürlər özləri görməzdən gəlirlər.

Ekologiyanın qorunması üçün daima islahatlar keçirən bir ölkədə bu cür qanunsuzluq etmək çox böyük bir məsələdir. Məsələ ilə bağlı üzümüzü tuturuq aidiyyatı qurumlara. Vaqif müəllim və onun etdiyi bu qanunsuz hərəkət araşdırılmalı və ciddi tədbirlər görülməlidir.

Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq. //regionxeberlericom.az//

Prezident İlham Əliyev İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda təbrik məktubu ünvanlayıb.

Təbrikdə deyilir:

"Əlahəzrət,

Əziz Qardaşım,

Səudiyyə Ərəbistanı Krallığının milli bayramı – Krallıq elan edilməsi Günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi və xoş arzularımı çatdırmaqdan məmnunluq duyuram.

Biz Azərbaycan ilə Səudiyyə Ərəbistanı arasında ortaq tarixi-mədəni köklər, qardaşlıq, İslam həmrəyliyi kimi möhkəm təməllər üzərində qurulmuş, qarşılıqlı etimad və dəstəyə əsaslanan münasibətlərə xüsusi əhəmiyyət veririk. Yüksək səviyyəli qarşılıqlı səfərlər, müxtəlif sahələri əhatə edən ikitərəfli və çoxtərəfli müstəvidə faydalı əməkdaşlığımız, daim genişlənən siyasi, iqtisadi və mədəni əlaqələrimiz qardaş ölkələrimiz arasında çoxşaxəli əlaqələri səciyyələndirən başlıca amillərdəndir. Azərbaycan ilə Səudiyyə Ərəbistanı arasında tərəfdaşlığın inkişafında və möhkəmlənməsində Sizin böyük xidmətləriniz vardır və biz bunu yüksək qiymətləndiririk.

Siyasi əlaqələrimizin hazırkı səviyyəsi və fəal dialoqumuz bütün sahələrdə, xüsusilə də energetika və investisiya qoyuluşu sahələrində, o cümlədən işğaldan azad olunmuş ərazilərdə qarşılıqlı fəaliyyətimizin daha da genişləndirilməsi üçün yaxşı zəmin yaradır. Alternativ və bərpa olunan enerji sahəsində Səudiyyə Ərəbistanının aparıcı “ACWA Power” şirkəti tərəfindən Azərbaycanda Külək Elektrik Stansiyasının inşası ilə bağlı həyata keçirdiyi layihəni əməkdaşlığımızın əhəmiyyətli nümunəsi kimi dəyərləndirirəm.

Biz Səudiyyə Ərəbistanına Azərbaycanın ərazi bütövlüyü, suverenliyi və beynəlxalq səviyyədə tanınmış sərhədlərinin toxunulmazlığına verdiyi daimi dəstəyinə görə minnətdarıq.

Əminəm ki, Azərbaycan ilə Səudiyyə Ərəbistanı arasındakı ənənəvi dostluq münasibətləri, həm ikitərəfli, həm də beynəlxalq təşkilatlar çərçivəsində səmərəli əməkdaşlığımız qardaş xalqlarımızın mənafelərinə uyğun olaraq birgə səylərimizlə bundan sonra da möhkəmlənəcək və dərinləşəcəkdir.

Belə bir əlamətdar gündə Sizə möhkəm cansağlığı, işlərinizdə uğurlar, Səudiyyə Ərəbistanının qardaş xalqına daim əmin-amanlıq və rifah arzulayıram".

"Hamam suyu ilə özünə dost tutmaq" özü "fırıldaqçı" adamların xüsusi "istedad"ıdır. Çox təəssüflər olsun ki, bu cür "xüsusi istedadlı adamlar"a iş həyatında tez-tez rast gəlirik. .

Bəzən ya bizim saflığımız, ya qarşı tərəfin güclü inandırma bacarığı, ya da mərhəmət hissimiz üzündən biz də aldanırıq.

Əslində bizim aldanmamızda biraz da qurumların mətbuat xidmətlərinin payı var. Çünki, zamanında ya telefona cavab vermirlər, ya sorğularımıza cavab vermirlər. Beləcə biz də bizə verilən məlumatları məlumat verənin dilindən yazmaq məcburiyyətində qalırıq. Məlumat yayımlandıqdan sonra barəsində bəhs edilən qurum başlayır qarşımıza dəlillər yığmağa ki, məsələ heç də şikayətçinin danışdığı kimi deyil.

Biz deyərkən, biz demək olar ki, bütün medianı nəzərdə tuturuq. Çünki, əminik ki, bu kimi hallarla həmkarlarımızın böyük əksəriyyəti qarşılaşıblar.

Təəssüflər olsun ki, belə bir hal ilə elə bu yaxınlarda biz özümüz də rastlaşdıq. Özünü yazıq, çarəsiz, haqlı ola-ola məmur tərəfindən güya süründürməçiliyə məruz qalandığını deyən "iş adamı"nın yalanlarına inanmış olduq.

Belə ki, təqribən bir ay əvvəl "DogruXeber.az" informasiya portalında Sumqayıt şəhər İcra Hakimiyyətinin başçısı Zakir Fərəcovun barəsində başqa sayta istinadla bir tənqidi yazı yayımlanmışdı.

Məlumat portalımızda yayımlandıqdan bir neçə saat sonra özünü iş adamı kimi təqdim edən Müqayis Verdiyev adlı şəxs redaksiyamıza zəng edərək, məlumatı dərc etdiyimizə görə təşəkkür etdi.
Sual verdik, - "Sizin bu məsələlərlə nə kimi əlaqəniz var?".

Cavab verdi ki, - "O, yazıların hamısını mən yazdırıram".

Əlqərəz, bu adam bizimlə xeyli söhbətləşib, bizi inandırdı ki, Sumqayıt Bulvarını o, tikdirib. Zakir Fərəcov isə Bulvarı tikdirmək üçün xərclənən pulları geri ödəyəcəyini vəd etsə də 6 ildir ki, ödəmir.

Hətta, söhbət əsnasında dəfələrlə bildirdi ki, güya Zakir Fərəcov təkcə ona deyil, bulvarın tikintisi üçün xərc qoyan 640 nəfər iş adamına borclu qalıb və onların da içində güya "salamat qalanı təkcə budur, digərləri infarkt olub, iflic olub, şəkər xəstəliyinə belə tutulublar".

"DogruXeber.az"ın və "Kanal14"ün daimi izləyicisi olan bu adam, daim şəhid ailələrinin, qazilərin, ümumiyyətlə hüququ pozulmuş, çarəsiz vətəndaşların yanında olduğumuzu bildiyi üçün və mərhəmət hissimizdən, vicdanımızdan əmi olduğu üçün bizimlə danışarkən Bulvar tikintisində çalışan fəhlələrin də zəhmət haqqlarının Zakir Fərəcov tərəfindən mənimsənildiyini önə çəkərək, türkiyəlilər demiş, bizə "duyğu sümrüsü yapdı".

Fəhlələrə canı yanırmış kimi deyir, "yüzlərlə fəhlənin çörəyini kəsdi icra başçısı, heçolmasa onların zəhmətinin haqqını versin".

Söz yox ki, özünü "iş adamı" kimi təqdim edən bu adamın danışdıqlarını təktərəfli yayımlamadıq. Biz bütün deyilənlər barəsində qarşı tərəf olaraq, Sumqayıt şəhər İcra Hakimiyyəti ilə telefon əlaqəsi saxladıq. Lakin, qurumun mətbuat katibi gah dedi, "məzuniyyətdəyəm", gah da göndərdiyimiz sorğuya qısaca, iddiaların doğru olmadığını yazıb göndərməsi, ətraflı açıqlama verməməsi məlumatların təktərəfli yayımlanmasına səbəb oldu.

Sonradan isə İcra Hakimiyyətinin açıqlaması və apardığımız əlavə araşdırmalardan bizə məlum oldu ki, sən demə bu özünü "iş adamı" kimi təqdim edən Müqayis Verdiyevin ömrünün yarısı həbsxanada keçib. Özü də hər dəfəsində məsələ pulla bağlı olub - hədə-qorxu ilə pul tələb etmə və sair maddələr ilə ...

Halbuki , bizimlə danışığı zamanı cəmi bir dəfə - onu da Zakir Fərəcovun sifarişi ilə həbs edildiyini, onun sifarişi ilə cəmi bir neçə gün həbsdə olduğunu deməklə, DİN əməkdaşlarına böhtan atmaqdan belə çəkinmədi. Hələ üstəlik onu da vurğuladı ki, "sifarişlə həbsdə olduğu" müddətdə "həbsxanada Heydər Əliyev adına muzey tikdirib. Onun ardından da dərhal həbsdən azad edilib".

Deyir, - "mən həbsdə olsam da çöldəki kimi idim, ayrıca otağım, telefonum əlimdə, oteldə dincəlirdim elə bil"...

Maraqlıdır, Müqayis Verdiyevin sözlərindən belə çıxır ki, Ədliyyə Nazirliyinin tabeliyində olan həbsxanalarda özbaşınalıq hökm sürür.

Həmçinin, bizimlə bir neçə dəqiqəlik söhbətində belə bir neçə dəfə Azərbaycan Respublikasının Baş Prokuroru Kamran Əliyevin adını çəkərək, dəfələrlə onu yanına çağırdığını, tez-tez "səmimi" görüşdüklərin,i yaxşı münasibətlərinin olduğunu, güya bunun məsələsinə Görə Kamran Əliyevin də Zakir Fərəcova qarşı acıqlı olduğunu, ona kömək edəcəyinə söz verdiyini də vurğuladı.

Yeri gəlmişkən, bu adam məqsədlərinə çatmaq üçün hətta, ölkə başçısının və birinci vitse-prezidentin adlarını belə yalanlarına alət edir. Bizə bildirdi ki, güya Prezident adminstrasiyasında çalışan və onun xətrini istəyən biri ona deyib ki, "məsələdən ölkə başçısı da, birinci xanım da xəbərdardır və Zakir Fərəcovu işindən azad edəcəklər".

Yeni əldə etdiyimiz məlumata görə isə bizə aydın oldu ki, bu adamın sən demə Zakir Fərəcovdan tələbi vəzifə imiş. "Gündəlik Bakı" saytında qeyd olunur ki, "heç beşinci sinifə qədər düz-əməlli təhsili olmayan bu adamın könlündən, sən demə "mer" olmaq keçirmiş".

Özünün pul borclu olduğu adamları da Zakir Fərəcovu şantaj etmək, məqsədlərinə çatmaq üçün əlində alət edib.

Qeyd edək ki, Zakir Fərəcovun barəsində gedən tənqidi yazıları özünün yazdırdığını iddia edən Müqayis Verdiyevin adı o yazıların heç birində hallanmır. Sürəkli şəxsi Facebook hesabında Zakir Fərəcovla birlikdə çəkdirdiyi fotoşəkillərini paylaşaraq, görünür ikili rol oynamağa çalışır. Bir tərəfdən İcra başçısının yadına bir vaxtlar yaxın olduqlarını salır ki, ondan şübhə etməsin, digər tərəfdən də media nümayəndələrinə göstərməyə çalışır ki, "baxın, bulvarın açılışında mən də varam, deməli mən tikmişəm".

Bir sözlə özünü tərifləmək üçün bütün dövlət qurumlarının - hüquq-mühafizə orqanlarının, Ədliyyə Nazirliyinin, hətta prezident administrasiyasının belə fəaliyyətinə qarşı sıravi vətəndaşlarda nifrət yaradan bu adam, bu danışıqları ilə "bu ölkədə pulun qanunlardan üstün olduğunu" iddia edir. Bu isə insanların dövlətə və dövlət qurumlarına inamını, etibarını şübhə altına alır.

Demək ki, artıq vaxtdır. Bundan sonra söz hüquq-mühafizə orqanlarınındır.

Mövzunu davam etdirəcəyik...

Hələ danışılası nələr var, nələr...

Redaksiyamız hər kəsin söz haqqını tanıyır!

DogruXeber.az

Erməni separatçılar uzun illər işğal altında saxladıqları ərazilərimizi tərk edərkən yenə də mina terroru törədiblər.

Bununla bağlı görüntülər sosial şəbəkələrdə yayılıb.

Belə ki, görüntülərdə Ağdərə ərazisi olduğu bildirilən yola çox sayda minalar basdırıldığı görünür.

Qeyd edək ki, Azərbaycan Ordusunun Qarabağda başlatdığı lokal xarakterli antiterror tədbirləri separatçıların təslim olması ilə nəticələnib. Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq, tam atəşkəs haqqında razılaşma əldə olunub və 2023-cü il sentyabrın 20-də saat 13:00-da lokal xarakterli antiterror tədbirləri dayandırılıb.

Əldə edilən razılaşmaya əsasən, Azərbaycan Respublikasının Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyur, döyüş mövqelərindən və hərbi postlardan çıxır və tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır.