Son illər Azərbaycan Dövlət Neft və Sənaye Universitetinin keçirdiyi tenderlərin qalibi olmuş "Tikinti Bərpa Firması" MMC-nin hazırda ADNSU tərəfindən məhkəməyə verilməsi universitet kollektivi tərəfindən maraqla qarşılanıb.
Mövzunu Faktinfo.az-a izah edən mənbənin bildirdiyinə görə, keçmiş rektor Mustafa Babanlı vəzifədə qalsaydı "Tikinti Bərpa Firması" MMC ilə hər hansı alqı-satqı müqavilələrinə görə mübahisə yaşanmaz,universitet rəhbərliyi şirkətlə bağlı məhkəməyə müraciət etməzdi.Yəni universitet görülən işlərdən heç vaxt narazı qalmazdı.Bu bir mənalıdı.Bunun cavabını keçmiş rektor Mustafa Babanlı daha yaxşı bilir.

Qeyd edək ki,Azərbaycan Dövlət Neft və Sənaye Universiteti ilə "Tikinti Bərpa Firması"MMC arasında yaşanan mübahisədən dolayı universitet şirkəti məhkəməyə verib.İddia Sumqayıt Kommersiya Məhkəməsinin hakimi Həlimə Alıyevanın icraatındadır.İş üzrə 3 dəfə məhkəmə hazırlıq iclası keçirilib. Məhkəmə baxışı iclası zamanı isə icraat dayandırılıb. Səbəb məhkəmənin ekspertiza təyin etməsi ilə bağlı olub.

Məhkəmə çəkişməsinin kökündə universitetdə görülən işlərin keyfiyyətli həyata keçirilməməsi dayanır.Ona görə də, məhkəmə ekspertiza təyin edib, işlərin dəyərləndirilməsini istəyib.

Onu da qeyd edək ki,"Tikinti Bərpa Firması"MMC 2020-ci ildə ADNSU-dan iri məbləğdə sifariş alıb. Bunlardan biri cari təmir işləri ilə bağlı olub ki, satınalma müqaviləsinin maliyyə dəyəri 2 515 152,79 AZN təşkil edib. Digər sifariş isə abadlıq işləri ilə əlaqədar olub və şirkətlə universitet arasında 545 019,2 AZN dəyərində satınalma müqaviləsi imzalanıb.

Faktinfo.az

"Sizə göndərdiyimiz bu foto "Sədərək" Ticarət Mərkəzində vaxtiykən arabaçı işləyən, sonradan dayılarının hesabına gün-güzəran sahibi olan arabaçı Rasimə məxsusdur. Səbail rayonu ərazisində “Dostluq” küçəsində tikilən bu sarayın qiyməti milyon manatlarla ölçülür".

DİA.AZ bildirir ki, bu barədə redaksiyamıza yollanan mətndə deyilir.

"Maraqlıdır, uzun illə arabaçı işləyən bu şəxs qısa zamanda bu cür böyük imarəti necə, hansı pullarla tikib?" deyə sual edən məqalə müəllifi daha sonra dia.az-a yazır: "Aydındır, bu pullar "Sədərək" Ticarət Mərəzində min bir əziyyətlə pul qazanan sahibkarlardan müxtəlif adlarla yığılan pullardır. Hansı ki, kanalizasiya pulu, şüşəpulu, təmizlikpulu və s. adla "Sədərək"dəki sahibkarlardan çox tez-tez qanunsuz pullar yığılır və bu pullar ticarət mərkəzinin sahibi olan Yusif və Ənvər qardaşları, habelə onların bacısıoğlu olan arabaçı Rasim tərəfindən mənimsənilir.
Bir faktı da qeyd edim ki, "Sədərək"i sahibkarlardan hər il normal kanalizasiya sisteminin inşası adı ilə böyuük vəsaitlər yığılsa da, bu gün də adıçəkilöən ticarət mərkəzində tələblərə cavab verən kanalizasiya sistemi yoxdur. Bir müddət öncə yağan yağışlar səbəbi ilə ticarət mərkəzini su basması faktı da bunu göstərir. Payız və qış fəslinin qarşıda olduğunu nəzərə alsaq, sahibkarların sel fəlakəti ilə daha çox qarşılaşacağını ehtimal etmək olar.
Bir sözlə, istəyirik biləsiniz ki, yüzlərlə sahibkardan alınan pullar şəxsi villaların, imarətlərin inşasına sərf olunur. Sahibkarlara qalan isə yalnız əziyyət və boşa çıxan ümidlərdir".

İddia olunanlarla bağlı olaraq qarşı tərəfi də dinləməyə hazırıq...

1994-cü ildə “AZAL Səhmdar Kommersiya Bankı” kimi fəaliyyətə başlayan, daha sonra adını 2 dəfə dəyişərək, əvvəlcə “Bank Silk Way” ASC, hazırda isə “Premium Bank” ASC adlanan bankın problemli kreditləri digər özəl banklarla müqayisədə kifayət qədər yüksəkdir.

DİA.AZ Ekonominfo.az-a istinadən xəbər verir ki, bu ilin ikinci rübünün yekunda “Premium Bank” ASC-nin problemli kreditlərinin həcmi 135,2 milyon manat olub.

Vaxtında geri qaytarılmayan kreditlərin həcmi ümumi kreditlərin 28,7%-ni təşkil edib. Müqayisə üçün problemli kreditlərin Azərbaycanda bank sektoru üzrə orta göstərici 6,3% olub.

Rəqəmlərdən də göründüyü kimi “Premium Bank” ASC-nin problemli kreditləri ölkə üzrə qeydə alınan orta göstəricidən dəfələrlə yüksəkdir.

Məlumat üçün bildirək ki, "Premium Bank”ın əsas səhmdarı bir-neçə gün əvvəl AZAL-ın prezidenti vəzifəsindən azad olunan Cahangir Əsgərovun həyat yoldaşı Zərifə Həmzəyevadır.

Hazırda bank səhmlərinin 84,5%-i Zərifə Həmzəyevaya məxsusdur.

Neftçilərin Hüquqlarının Müdafiəsi Təşkilatının sədri, tanınmış hüquq-müdafiəçisi Mirvari Qəhrəmanlı bu gün dənizdə çalışan neftçilər üçün həyati əhəmiyyətli olan bir problemə diqqət ayırıb. DİA.AZ qeyd edir ki, narazı neftçilərdən birinin gileyini paylaşan M.Qəhrəmanlı məsələ ilə bağlı əlaqədar qurum və şəxslərə xitab edərək çağırışda bulunub.

NHMT sədri "Yenə? Deyəsən artıq İnsan,işçi faktoru lap sona çəkilib ! May ayından bəri, hələ mənim bildiyim 6-cı hadisədir!" deyərək neftçilərdən birinin şikayətini diqqətlərə çatdırıb:

"Uzun illərdir ki, SOCAR NQTT -nin Günəşli bölümündə qaynaqçı vəzifəsində çalışıram. İndiyədək bizi işə aparıb gətirən vertalyotların belə bərbad vəziyyətdə olduğunu görməmişdim.

Bu gün növbə dəyişmək üçün Zabratdan "DDÖ-8"-ə gedirdik. Bizi müasir tipli balaca vertalyota mindirdilər. Qalxmağa hazırlaşan vertalyot qəfil xarab oldu.

Xoşbəxtlikdən nasazlıq havada baş vermədi. Bu halda mənim 4 körpəmə kim baxacaqdı. Uzaqbaşı 90 AZN yetim pulu veriləcəkdi..."

Məsələ ilə bağlı olaraq bütün maraqlı tərəfləri dinləməyə hazırıq...Dia.az

Bu gün səhər saatlarında İsmayıllı rayonuna və dağlıq ərazilərə leysan yağıb.

Dağlardan gələn sel suları nəticəsində rayon ərazisindən keçən Girdiman, Göyçay və Cülyan çaylarında su həddindən çox artırıb.

İsmayıllı rayon Fövqəladə Hallar Komissiyasının sədri Mahmud Süleymanovun verdiyi məlumata görə, sel səbəbindən rayon ərazisində elektrik və rabitə dirəkləri, həmçinin naqillər qəzalı vəziyyətə düşüb. Bu səbəbdən şəhər mərkəzi də daxil olmaqla, bəzi kəndlərə elektrik enerjisinin verilişi dayandırılıb.

Səhər saatlarından etibarən fəsadların aradan qaldırılması üçün əraziyə xüsusi briqadalar cəlb edilib. Artıq şəhər mərkəzində elektrik verilişi və rabitə əlaqəsi bərpa edilib, hazırda bu istiqamətdə kəndlərdə işlər davam edir.

Bundan əlavə, sel səbəbindən İsmayıllı-Lahıc avtomobil yolu bağlanıb. Dağlardan gələn lil qatı və qaya parçaları yolu keçilməz edib, həmçinin, bəzi yerlərdə asfalt qatı yuyulub.

Hazırda yolun təmizlənməsi, həmçinin bərpası istiqamətində yol idarəsinin əməkdaşları tərəfindən tədbirlər görülür.

Müdafiə Sənayesi Nazirliyinin tabeliyində “Azərsilah” Müdafiə Sənayesi Holdinqi” Qapalı Səhmdar Cəmiyyəti yaradılır.

Prezident İlham Əliyev bununla bağlı Fərman imzalayıb.

Müəyyən edilsin ki, Cəmiyyət silah istehsalının, ixracının, satışının təşkilini həyata keçirir, tabeliyində olan hüquqi şəxslərin vahid prinsiplər əsasında idarə edilməsi, fəaliyyətinin təkmilləşdirilməsi, onların maliyyə sabitliyinin və dayanıqlılığının yaxşılaşdırılması sahəsində işləri yerinə yetirəcək. Cəmiyyətin fəaliyyətinə ümumi rəhbərliyi və nəzarəti həyata keçirmək üçün sədr də daxil olmaqla 3 (üç) üzvdən ibarət Müşahidə Şurası yaradılacaq.

Cəmiyyətin fəaliyyətinə cari rəhbərliyi baş direktor həyata keçirir.

Azərbaycan Respublikası Müdafiə Sənayesi Nazirliyinin tabeliyində olan “İqlim Elmi-İstehsalat Müəssisəsi” Məhdud Məsuliyyətli Cəmiyyəti və “Sənayecihaz” Elmi-İstehsalat Müəssisəsi Cəmiyyətin tabeliyinə verilib.

Cəmiyyətdə ümumi yığıncağın səlahiyyətlərinin həyata keçirilməsi aşağıdakılara həvalə edilib:

Azərbaycan Respublikasının Prezidentinə:

Cəmiyyətin yenidən təşkili və ləğvi;

Cəmiyyətin Müşahidə Şurasının və icra orqanının yaradılması;

Azərbaycan Respublikasının Nazirlər Kabinetinə:

Azərbaycan Respublikasının Prezidenti ilə razılaşdırmaqla, Cəmiyyətin nizamnaməsinin təsdiqi, nizamnamə kapitalının miqdarının müəyyən edilməsi;

Azərbaycan Respublikasının Prezidenti ilə razılaşdırmaqla, Müşahidə Şurasının rəhbərinin və üzvlərinin, habelə icra orqanının rəhbərinin vəzifəyə təyin və vəzifədən azad edilməsi;

Cəmiyyətin işçilərinin say həddinin və strukturunun müəyyən edilməsi;

Azərbaycan Respublikasının Müdafiə Sənayesi Nazirliyinə:

Cəmiyyətin illik hesabatlarının, maliyyə hesabatlarının təsdiq edilməsi, mənfəətinin və zərərinin bölüşdürülməsi;

Cəmiyyətin törəmə və asılı cəmiyyətlərinin yaradılmasına razılıq verilməsi;

Cəmiyyətin xalis aktivlərinin dəyərinin 25 (iyirmi beş) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri Cəmiyyətin aktivlərinin 5 (beş) faizini və daha çox hissəsini təşkil edən əqdin bağlanması haqqında qərar qəbul edilməsi.

Cəmiyyətin Müşahidə Şurasının səlahiyyətləri Cəmiyyətin uzunmüddətli inkişaf strategiyasını təsdiq etmək; Cəmiyyətin əməkhaqqı sistemini müəyyən etmək, xərclər və gəlirlər smetasını təsdiq etmək və onun icrasına nəzarəti həyata keçirmək; Cəmiyyətin xalis aktivlərinin dəyərinin 25 (iyirmi beş) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri Cəmiyyətin aktivlərinin 5 (beş) faizini və daha çox hissəsini təşkil edən əqdin bağlanmasına dair ümumi yığıncağa təkliflər vermək; Cəmiyyətin fəaliyyətinin ayrı-ayrı sahələri üzrə siyasəti, daxili qaydaları, habelə filial və nümayəndəliklərinin əsasnamələrini təsdiq etmək; bu Fərmanın 4-cü hissəsi nəzərə alınmaqla, Azərbaycan Respublikasının Mülki Məcəlləsi, Cəmiyyətin nizamnaməsi və Azərbaycan Respublikasının bu sahədə münasibətləri tənzimləyən digər normativ hüquqi aktları ilə Müşahidə Şurasının səlahiyyətlərinə aid edilmiş digər məsələləri həll etməkdir.

Azərbaycan Respublikasının Nazirlər Kabineti iki ay müddətində Cəmiyyətin yaradılması ilə əlaqədar “Mühasibat uçotu haqqında” Azərbaycan Respublikası Qanununun və digər normativ hüquqi aktların təkmilləşdirilməsi ilə bağlı təkliflərini Azərbaycan Respublikasının Prezidentinə təqdim etməli, Cəmiyyətin nizamnaməsini Azərbaycan Respublikasının Prezidenti ilə razılaşdırmaqla təsdiq etməli, Cəmiyyətin işçilərinin say həddini və strukturunu müəyyən etməli, Azərbaycan Respublikası Müdafiə Sənayesi Nazirliyinin, onun strukturuna daxil olan qurumların və tabeliyində olan hüquqi şəxslərin balansında olan və Cəmiyyətin fəaliyyəti üçün zəruri olan dövlət əmlakının inventarizasiyasını apararaq, həmin dövlət əmlakının Cəmiyyətin balansına verilməsi ilə bağlı beş ay müddətində tədbirlər görüb Azərbaycan Respublikasının Prezidentinə məlumat verməli, bu Fərmandan irəli gələn digər məsələləri həll etməlidir.

Azərbaycan Respublikasının Müdafiə Sənayesi Nazirliyi və Azərbaycan Respublikasının İqtisadiyyat Nazirliyi bu Fərmandan irəli gələn məsələlərin həlli üçün zəruri tədbirlər görməlidir.

8. Azərbaycan Respublikası Prezidentinin 2006-cı il 27 sentyabr tarixli 462 nömrəli Fərmanı (Azərbaycan Respublikasının Qanunvericilik Toplusu, 2006, № 9, maddə 740; 2008, № 1, maddə 6; 2009, № 12, maddə 983; 2011, № 2, maddə 85; Azərbaycan Respublikası Prezidentinin 2023-cü il 19 iyul tarixli 2234 nömrəli və 19 avqust tarixli 2308 nömrəli fərmanları) ilə təsdiq edilmiş “Azərbaycan Respublikasının Müdafiə Sənayesi Nazirliyi haqqında Əsasnamə”də aşağıdakı dəyişikliklər edilsin:

8.1. 10-cu hissəyə “nazirliyin” sözündən əvvəl “, habelə strukturuna daxil olmayan tabeliyindəki qurumlar (hüquqi şəxslər, təşkilatlar və s.)” sözləri əlavə edilsin;

8.2. 14.4-cü bəndə “tabeliyində” sözündən əvvəl “Azərbaycan Respublikası Prezidentinin müəyyən etdiyi hallar istisna olmaqla,” sözləri əlavə edilsin;

8.3. 14.5-ci bəndə “nazirliyin” sözündən əvvəl “Azərbaycan Respublikası Prezidentinin müəyyən etdiyi hallar istisna olmaqla,” sözləri əlavə edilsin;

8.4. 14.6-cı bənddə “Azərbaycan Respublikasının Prezidenti tərəfindən təsdiq edilən siyahıya əsasən müəyyən edilmiş müəssisələr” sözləri “Azərbaycan Respublikası Prezidentinin müəyyən etdiyi hallar” sözləri ilə əvəz edilsin.

Zaqatala Rayon İcra Hakimiyyəti başçısının Şəhər üzrə Nümayəndəliyi Heydər Əliyev prospektində aparılacaq təmir və abadlıq işləri ilə bağlı cari ilin avqust ayının 1-də başladığı satınalma müsabiqəsinin qalibini və nəticələrini açıqlayıb.

Millitv.az Bizim.Media-ya istinadla xəbər verir ki, maliyyə dəyəri 199 min 056 manat olan tenderin qalibi “Zaqatala – 2016” MMC (VÖEN - 5100991491) elan olunub. Tərəflər arasında bağlanacaq satınalma müqaviləsinin şərtlərinə əsasən, şirkət Heydə Əliyev prospektində təmir və bərpa işləri həyata keçirəcək.

Bu işlər sırasına əvvəlcə 1400 metr sahədə yararsız beton səki daşlarının, 2450 kv-metr sahədə yararsız tamet tavaların, 180 kubmetr sahədə beton bünövrənin və eləcə də 750 kv-metr sahədə qalınlığı 4 sm-ə qədər asfalt-beton səki örtüklərinin əl ilə sökülməsi işləri aparılacaq.

Bundan başqa, 564 kub-metr sahədə III qrup torpağın ekskavatorla, 57 kubmetr sahədə isə III qrup torpağın əl ilə qazılması, 620 kvmetr sahədə arxın dibinin əl ilə planlaşdırılması, 93 kubmetr sahədə arxın dibinə qum-çınqıl qarışığından əsasın düzəldilməsi, 564 metrlik D-400 azbest borularının kanala quraşdırılması və digər 33 adda işlərin görülməsi nəzərdə tutulub.

Qeyd edək ki, "Zaqatala-2016" MMC 17 fevral 2016-cı ildə 13 saylı Ərazi Vergilər İdarəsi tərəfindən dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı Zaqatala şəhəri,V.Qurbanov küçəsiev-29 ünvanında yerləşir.

Qanuni təmsilçisi Yusifov Vasif Yusif oğludur. Təkcə 2020-ci ilin yanvar-sentyabr aylarında Zaqatala rayonunda elan olunan tenderlərin ümumi məbləği 1,488 milyon manat təşkil edib.

Bu tenderlərdən ən böyüyü 597 min manat dəyərində olub ki, həmin satınalmanın da qalibi məhz “Zaqatala 2016” MMC olub. Şirkətin Zaqatala RİH-nin başçısı Mübariz Əhmədzadəyə yaxınlığı ilə bağlı yerli mətbuatda məlumatlar dərc olunub.

Bu amilin qurumun yarandığı gündən yalnız Rayon İH-nin həyata keçirdiyi tenderlərdə “baş rollar”da iştirak etməsində və 1 milyondan manatdan çox məbləğə sahib olmasında əsas rol oynadığı bildirilir.

Onu də bildirək ki, internet resurslarında Vasif Yusifov haqqında heç bir məlumat yoxdur.

İvanovkada əhali ayağa qalxdı.Rayon icra hakimiyyətinin başçısı Nahid Bağırovun adı hallanır.

Mənbənin bildirdiyinə görə bu il İvanovkada taxıl çox zəif olub və buna görə hazırkı kolxoz sədri rayon icra hakimiyyətinin başçısı Nahid Bağırovun tələb etdiyi hesabı verməkdən imtina edib.
İcra başçısı bundan sonra sədrin vurulması üçün ən müxtəlif variantlara əl atıb və nəhayətdə onu postu təhvil verməyə məcbur edib.
Bundan xəbər tutan İvanovka əhalisi sədrin müdafiəsinə qalxıb və gərginlik yaşanıb.

Mənbə bildirir k, yaxın günlərdə daha geniş bilgi verəcək

Qarşı tərəfin mövqeyini dərc etməyə hazırıq. //azerinfo.info//

Tanınmış milyarder Fərhad Əhmədov açıq şəkildə sabotajla məşğuldur. Hər halda, bu gün "Aznar"ın tərkibindəki "Kənd" MMC-nin işçilərinin kütləvi şəkildə narazı salınması, bəzilərinin işdən qovulması, hətta bu zaman bəzi keçmiş çalışanlara oğurluq ittihamlarının irəli sürülməsi kimi faktlar belə deməyə əsas yaradır.

DİA.AZ xatırladır ki, bir müddət əvvəl Fərhad Əhmədovun Azərbaycanda hüquqi problemi olmuşdu.
İndi isə aydın olur ki, F.Əhmədov sahibi olduğu şirkətdə çalışanları səbəbsiz olaraq və ağır ittihamlaarla işdən qovur, onların halal əməkhaqqılarını belə vermir.

Daha ətraflı aşağıdakı videoda:

Məsələ ilə bağlı olaraq bütün maraqlı tərəfləri dinləməyə hazırıq...Dia.az

Səhiyyə Nazirliyinin Əziz Əliyev adına Azərbaycan Dövlət Həkimləri Təkmilləşdirmə İnstitutunun "Ümumi Cərrahiyyə-2" kafedrasının müdiri, professor Əliyev Şahin Həşim oğlu vəzifəsindən azad edilib.

DİA.AZ bildirir ki, Qaynarinfo-nun məlumatına görə, institutun rektoru Nazim Qasımov bu barədə əmr imzalayıb.

Şahin Əliyevin vəzifəsindən çıxarılmasının səbəbi qalmaqallı məhkəmə işi ilə bağlıdır. Belə ki, həkim Şahin Əliyev Azərbaycan Kikboksinq və Sambo Federasiyasının sabiq vitse-prezidenti, peşəkar idmançı Səbuhi Rəcəbə (Səbuhi Vaqifoğlu) 250 min min manat pul verərək, onu institun rektoru vəzifəsinə təyin etdirməsini istəyib.

Şahin Əliyev məhkəmə ifadəsində bildirib ki, Azərbaycan Dövlət Həkimləri Təkmilləşdirmə İnstitutunda cərrahiyyə kafedrasında professor vəzifəsində işləyir. 2018-ci ilin aprel ayının əvvəllərində Azərbaycan Respublikası Səhiyyə Nazirinin müavini Abbas Vəlibəyov vəfat edib və hər şey bundan sonra baş verib. Nazir müavinin vəzfatından sonra institun rektoru Qasımov Nazim Akif oğlu səhiyyə nazirinin birinci müavini vəzifəsinə təyin olunmalı imiş.

Şahin Əliyev rektorun yerinə təyin olunmaq üçün yüksək vəzifəli məmurlarla tanışlıq yarada biləcək adam axtarmağa başlayıb və bu barədə yaxın bildiyi insanlara məlumat verib. Bu insanlardan biri də ödənişli ekstrasens xidmətlərindən bir neçə dəfə istifadə etdiyi Mehriban adlı qadın olub.

Şahin Əliyev

O, Mehriban adlı qadına xidmətləri ilə bağlı çoxlu imkanlı və vəzifəli şəxslərin müraciət etdiklərini bilib. Buna görə Mehribanlaa öz istədiyi iş barədə danışıb. Mehriban ona vəzifəyə təyin olunmağını təşkil etmək üçün yüksək vəzifəli məmurlarla vasitəçilik edə biləcək Səbuhi Rəcəb adlı şəxsi tanıdığını bildirib. Bundan bir neçə gün sonra Mehriban ona deyib ki, "tanıdığım adam var və onu 250.000 manata sənin rektor vəzifəsinə təyin olunmağına kömək edəcək”. Şahin Əliyev Mehribanla razılaşıb.

Həkim bundan sonra özünü Səbuhi Rəcəbin qardaşı kimi təqdim edən Murad adlı şəxslə "Port Baku” yaşayış kompleksində görüşüb. Şahin Əliyev Muradla birlikdə "Qəbələ” restoranına gedərək, Səbuhi Rəcəblə görüşüblər. Görüşdə Səbuhi Rəcəb özünü millət vəkili Adil Əliyevin qardaşı kimi də təqdim edib. Şahin Əliyev həmin görüş vaxtı Səbuhi Rəcəbə ilkin olaraq 100 min manat pul verib. Səbuh Rəcəb ona 5 günə Dövlət Həkimlərin Təkmilləşdirmə İnstitutunun rektor müavini təyin olunacağını bildirib.

Növbəti gün Şahin Əliyev xalasının əri Cəfər Qasımovdan və bacısı Lalə Əliyevadan, hər birindən ayrı-ayrılıqda 75.000 manat olmaqla, ümumilikdə 150.000 manat borc pul alıb. Həmin pulu da Səbuhi Rəcəbə verib.

Beləlikdə də, 2018-ci sentyabr ayının axırları, oktyabr ayının əvvəllərinə qədər Səbuhi Rəcəb onun işinin uzandığını bildirib. O, ümumilikdə 250.000 manat pulu Səbuhi Rəcəbə verdikdən sonra mütəmadi olaraq "Votsap”la yazışıb, məsələnin nə yerdə olduğu soruşub.

Səbuh Rəcəb də hər dəfə bugün-sabah deyərək vaxtı uzadıb. 2018-ci ilin noyabr ayında ona Teymur adında bir nəfər şəxsin telefon nömrəsini verib. Teymurun onun işini düzəldən adamın bacısı oğlu olduğunu bildirib. Daha sonra Teymurla Əmək və Əhalinin Sosial Müdafiəsi Nazirliyinin binasının yanında görüşüb. Görüş zamanı Teymur onu nazirliyin inzibati binasının 11-ci mərtəbəsinə aparıb və orada nazirliyin Gülnara Zülfüqarova adlı əməkdaşı ilə tanış edib. Gülnarə Zülfüqarova ondan hansı vəzifəyə təyin olunmaq istədiyini soruşub və sonra CV-sini elektron poçtuna göndərməyini xahiş edib.

Həkim bundan sonra tamamilə əmin olub ki, Səbuh Rəcəb onu həqiqətən də aldadaraq, 250.000 manat pulunu ələ keçirib və pulu qaytarmamaq üçün müxtəlif bəhanələrlə vaxt udmağa çalışır.

Şahin Əliyev Novxanı kəndində yerləşən bağ evini sataraq borclu olduğu xalasının əri Cəfər Qasımova və bacısı Lalə Əliyevanın hər birinə ayrı-ayrılıqda 75 min manat olan borcunu qaytarıb.

Şahin Əliyev təqsirləndirilən şəxsin 210.000 manatını geri qaytarmadığı üçün ona ağır cəza təyin edilməsini məhkəmədən xahiş edib.

4 sentyabr 2023-cü il tarixində Bakı Ağır Cinayətlər Məhkəməsinin hakimi Əli Məmmədovun sədrliyi ilə keçirilən prosesdə Səbuhi Rəcəbə hökm oxunub və o, 7 il 6 ay müddətinə azadlıqdan məhrum edilib.