Bakı şəhəri, Əbdülkərim Əlizadə küçəsində fəaliyyət göstərən, “Loona Bistro” restoranında qida təhlükəsizliyi sahəsində normativ hüquqi aktların tələblərinə əməl olunmadığı ilə bağlı "Azərbaycan Reallığı" saytına məlumat daxil olub.
Belə ki, müəssisədə sanitar-gigiyenik qaydalara, texnoloji ardıcıllığa, mal qonşuluğu prinsipinə riayət olunmadığı, xammalın qəbulu və saxlanılması, yeməklərin hazırlanmasının eyni sahədə həyata keçirildiyi, mətbəx sahəsində müvafiq təmizlik işlərinin aparılmadığı daxil olan məlumatda qeyd olunur.

Həmçinin mənşəyi məlum olmayan, üzərində saxlama müddəti göstərilməyən, etiketlənmə tələblərinə cavab verməyən məhsullarının satışının və istifadəsinin həyata keçirildiyi xüsusilə vurğulanır. Bundan başqa işçi heyətin şəxsi gigiyena qaydalarına riayət etməməsi məlumatlar arasında yer alır. Həmçinin onların dəyişəkli təmiz iş geyimi olması halda qaydalara əməl olunmur.

Gün ərzində bir çox insanla təmasda olduqlarından qoruyucu vasitələrlə və dezinfeksiyaedici məhlulla təmin olunmalıdırlar lakin heç biri yerinə yetirilmir. Vergidən yayınma halı baş alıb gedir. Belə ki, müştəriyə heç bir qəbz verilmir. “Loona Bistro” restoranında özbaşınalıq hökm sürür, müştəriləri sözün əsil mənasında soymaqla məşğuldurlar! Aydın məsələdir ki, Azərbaycanın çox yerində olduğu kimi, bu restoranlarda da müştərilərin qabağına çıxıb, onları qarşılamırlar.

Müştərilərə oturmaq üçün yer də göstərmək "yadlarından çıxır". Bir masa tapıb arxasında əyləşirsən, handan-hana biri gəlir ki, "nə istəyirsiniz?" İstəyirsən ağzını doldurub deyəsən ki, "kostyum istəyirəm!". Sonra izah etməyə məcbur olursan ki, "a bala, restorana yeməyə gələrlər də..."

Sonra da soruşursan ki, "yeməyə nə var?" Bəziləri menyu gətirir, istədiyin bir yeməyi sifariş vermək istəyirsən. Adını çəkən kimi, üzü saqqalı. xalat-filan geyinməmiş, küçə uşağına bənzər "xidmətçi" deyir ki, "o yoxdur". Nəhayət, başqa yemək sifariş vermək istəyirsən, deyir: "Gərək, əvvəlcədən 100 manat depozit verəsiniz!"

Mən dünyanın çox ölkəsində olmuşam, yeməkdən əvvəl depozit istəyən görməmişəm! Qəribədir, müştəri 20-30 manatlıq yemək yeyəcəksə, 100 manat depozit niyə verməlidir? Axı, depozit nə üçündür? Yeyib-içib, qaçan müştəri olur ki? Restoranlarda eybəcər musiqi səsindən qulaq batır! Xidmət səviyyəsi sıfır, Yeməklər keyfiyyətsizdir.

Yeməkdə sonra adamın ürəyi bulanır! Heç demə, bəzi yeməkləri palma yağı ilə bişirirlər ki, ucuz başa gəlsin. Deyirlər, palma yağının bir kiloqramı 1 manat 50 qəpiyədir! Hesab gətirəndə verdikləri yeməyin qiymətindən 4-5 qat artıq yazırlar Bu, artıq həyasızlıqdır! Bunların hamısı villa tikdirmək, bahalı maşınlar almaq istəyirlər! Hətta daxil olan məlumatda qeyd olunur ki, restoranda müştərilərə verilən içkilərin hər biri padvallarda “kustar” üsulla hazırlanıb.

Bir sözlə adı qeyd olunan restoranın rəhbərliyi insanlarön həyat sağlamlığını nəzərə almayaraq, onların taleyləri ilə oynayır. Ümumiyyətlə, Bakıda 90 faiz restoranlar əhaliyə səviyyəli xidmət göstərmirlər. Səbəbi də məlumdur: onları kimlərsə qoruyur, müdafiə edir. Bu işlər havayı olmur, aylıq "haqlarını" alırlar! Belə olmasaydı, Azərbaycanda da başqa ölkələrdə olduğu kimi, əhaliyə yüksək xidmət göstərilərdi...

Əgər yoxlasalar, görərlər ki, restoranlarda işləyənlərin çoxu ştatda deyil. Günü 15, 20 manata işləyənlərdir. Belələrinin nə mədəniyyəti, nə məsuliyyəti ola bilər? Ümumiyyətlə, nə vaxt ictimai-iaşə müəssisələrində, xüsusilə restoranlarda özbaşınalıqlara son qoyulacaq? Bu işi bacaran bir kişi tapılacaq, yoxsa yox?

Qarşı tərəfin mövqeyini işıqlandırmağa hazırıq.

Xızıda yağan qısamüddətli leysan yağışları bir sıra fəsadlar törədib.

Sel suları nəticəsində yaranan palçıq kütləsi Giləzi-Xızı avtomobil yolunun hərəkət hissəsinə dolub. Bu səbəbdən hazırda yol bağlanıb.

Hadisə şahidlərinin bildirdiyinə görə Giləzi-Xızı avtomobil yolunun 6-10-cu kilometrliklərində avtomobillərdə köməksiz vəziyyətdə qalanlar var.

Əraziyə Fövqəladə Hallar Nazirliyinin xilasediciləri, Dövlət Yol Polisi əməkdaşları, Azərbaycan Avtomobil Yolları Dövlət Agentliyinin yerli qurumunun və digər müvafiq icra strukturlarının nümayəndələri cəlb olunub.

Əmək və və Əhalinin Sosial Müdafiəsi Nazirliyinin Dövlət Əmək Müfəttişlyi görünməmiş qanunsuzluğa yol verib.

Millitv.az-ın məlumatına görə, bu barədə Gununsesi.info-ya müraciət edən Gədəbəy sakini Valeh Rüstəmov deyib ki, onlara aid ərzaq mağazasına qanunsuz olaraq 4 min manat cərimə yazılıb.

“İyulun 21-də Gədəbəy rayonunda Sona adlı qız özünü körpüdən atmaq istəyirdi. Biz bunu görəndə dərhal, DİN-nin 102 xidmətinə zəng etdik. Qızı xilas etdilər. Mən və digər şəxslər izahat verdik. Sonradan prokurorluq da işi araşdırdı. Guya, bu qadın bizim işçimiz olub. Halbuki, o bizə iş üçün müracit edib və səhhətinə görə biz onu işə qəbul etməmişik. Amma daima ona yardım etmişik. İndi Əmək Müfəttişliyi bizə 4 min manat cərimə yazıb. Bu qanunsuzluğu ictimailəşdirməyinizi, paytaxtdan çox-çox uzaqlarda olan bölgədə belə bir hüquqsuzluğu aidiyyatı qurumların diqqətinə çatdırmağınızı xahiş edirik”.

Valeh Rüstəmov intihara cəhd edən Sona Zeynalovanın imzaladığı məktubu da redaksiyamıza təqdim edib.

MIlllitv.az həmin məktubu olduğu kimi təqdim edir:

“Mən Zeynabova Sona Rəfael qızı 1998-ci il 1 areldə Gədəbəy şəhəri, Söyüdlü kəndində doğulmuşam. Ailəli olub, ayrılmışam. İki övladım var. Məhkəmə yolu ilə uşaqlar atasına verilib. Mənə aliment kəsilib. Sonradan səhhətimdə yaranan xəstəliyə və mənə kəsilən alimenti ödəyə bilmədiyimə görə, işlə bağlı məşğulluğa müraciət etdim.

Bir ay boyunca “Al market”ə yolladılar. Bir ay 14 gün işlədim. Sonradan işdən azad oldum. Buna əsasən, heç bir yerdə iş tapa bilmədim. Səhhətimə və maddi problemlərimə görə, özümə sui-qəsd etmək istəyirdim. Bu zaman tanımadığım polis əməkdaşları yaxınlaşdılar, məni fikrimdən döndərdilər.

Tanımadığım əmkdaşlar məni “Park market”ə gətirdilər. Ona görə özümdə deyildim. Mənə su aldılar. İçdim, özümə gəldim. Sonra məni prokurorluğa apardılar. Məndən izahat aldılar. Mən Prokurorluqda izahat verərkən “Al market”də işlədiyimi demişəm. Prokurorluqda mənim “Park market”də işlədiyimi yazıblar.

Mən heç vaxt “Park market”də işləməmişəm. Hazırda işsizəm, “Park market”ə ona görə gedirəm ki, orada vətəndaşlar məni evləri və həyətlərinə günəmuzd təmizlik işləri üçün aparırlar”.

Yəqin ki, Abşeron rayonu, Masazır yaşayış məntəqəsi ərazisondə fəaliyyət göstərən “Tri Palma” hotel adı ilə tanınan (əslində bura hotel deyil, ən böyük əxlaqsızlıq ünvanlarından biridir) bu ünvanın qanunsuzluğa söykənən fəaliyyəti haqda məlumatlı olan hər kəs bilir ki, hal-hazırda adı çəkilən bu obyekt hotel kimi deyil, açıq-aşkar əxlaqsızlıq ünvanı olaraq fəaliyyət göstərməkdədir.

"Azərbaycan Reallığı"na daxil olan məlumata görə buna səbəb olan amillərdən ən əsası ondan ibarətdir ki, hotelin inşası həyata keçirilən zaman obyekt sahibi “Tri Palma”nı elə bir “proyekt” əsasında inşa etdirib ki, bu obyektə məxsus otaqlarda yaş həddindən asılı olmayaraq qadınların cinsi istismarını həyata keçirmək mümkün olur. Məsələn, təqribən 10-15 otaqdan ibarət olan “Tri Palma” hoteldə cütlüklər üçün lazım olan hər cür şərait yaradılıb.

Onu da bildirək ki, qeyd olunan ünvana cütlüklərin daha çox üz tutmasının özəl səbəbi var. O da hotel adı ilə məşhur olan bu əxlaqsızlıq ünvanının, bir qədər xəlvəti ərazidə fəaliyyət göstərməsidir. Belə bir halın varlığı hər kəsin müəyyən söz-söhbətlərdən, qınaq obyektinə tuş gəlməsindən və s. kənarda qalmasına imkan yaradır.

Tutaq ki, bir kimsə “istirahət etmək” üçün ünvan axtarır, o halda həmin şəxs “Tri Palma”nı seçməyə qərar verir. Buna da əsas səbəb, yuxarıda qeyd etdiyimiz kimi adı çəkilən bu ünvanın xəlvəti bir ərazidə fəaliyyət göstərməsidir. Təəssüflər olsun ki, bu əxlaqsızlıq ünvanı “Tri Palma” hotel adını daşıyır. Axı, bu gün hər kəsin düşüncə tərzində hotel adını daşıyan ünvanlarla bağlı istirahət etmək, digər xoşməramlı tədbirləri düzənləmək məqsədilə fikir formalaşıb.

Əslində “Tri Palma”ya hotel adının verilməsi və bu ünvanın Abşeron rayonu ərazisində ən “xod” gedən əxlaqsızlıq ünvanlarından birinə çevrilməsi, sözsüz ki, hər kəsdə hotel adıyla bağlı müəyyən tərəddüdlərin, bəzi şübhələrin və s. əmələ gəlməsinə səbəb olur. Görəsən “Tri Palma” hotelin yuxarı üst hissəsinə hotel sözü deyil, birbaşa üç ulduzlu “Tri Palma” əxlaqsızlıq ünvanı sözlərinin yazılması daha məqsədəuyğun hal olmazmı?

Qeyd edək ki, çörəyini daş-torpaq daşımaqla, digər ağır fiziki işləri görüb alın təri axıtmaqla deyil, məhz yaş həddindən asılı olmayaraq qadınların cinsi istismarına şərait yaratmaqla qazanan hotel rəhbərinin idarə etdiyi obyektin adı, bu gün də dillər əzbəridir. Məsələnin düşündürücü tərəfi ondan ibarətdir ki, bu şəxs hotel üzərində nəzarəti heç bir halda başqa bir şəxsə etibar etmir.

Başqa bir halı da vurğulayaq ki, əksər ünvanlardan fərqli olaraq müştərilərə gün ərzində lazımi səviyyədə xidmət göstərilsə də, bəzi “müəmmalar”ın baş verdiyi hallar da olur. Bir sözlə, hotel ən böyük əxlaqsızlıq ünvanlarından biridir ki, adı çəkilən bu ünvanda nəinki qadınların cinsi istismarına şərait yaradılır, hətta ara-sıra neqativ hadisələr də baş verir. Məsələnin maraqlı tərəfi o olur ki, baş verən hadisələrdən sonra hotel sahiblərindən bir kimsə məsuliyyətə cəlb olunmurlar.

Əldə etdiyimiz səhih məlumatlara görə istər yemək-içmək süfrələrinin hazırlanmasında, istər yataq dəstlərinin dəyişdirilməsində, istərsə də digər xidmətlərin göstərilməsində və s. “Hotel” rəhbərliyi tərəfindən hər bir əməkdaşa lazımi tapşırıqlar verilir. Məsələn, adicə kənar bir şəxs hotelin həyətinə daxil olarkən, dərhal əməkdaşlar müştərilərin hüzurunda “sərasər” dayanıb ilk sualı verirlər: “Sizə hansı qiymətə otaq lazımdır?” Həmin an bəlli olur ki, hoteldə hər bir otağın öz qiyməti var.

Diqqəti cəlb edən hal odur ki, gün ərzində dövriyyəsi təqribən bir neçə min manatlarla hesablanan hoteldə bir ədəd olsun kassa aparatı olmadığından, həmin ünvana üz tutan müştərilərə heç bir halda ödəniş qəbzi verilmir. Yəni, obyekt sahibi vergi məsələsini qarşı tərəflə razılığa gəldikləri formada qaydaya salır. Belə bir halın varlığı, məhz obyekt sahibinin əldə etdiyi gəlirlərin daha çox hissəsinin vergidən gizlədilməsinə imkanlar açır.

Bu həm əmək intizamının tələblərinin pozulması, həm də vergi cinayətinin baş verməsi demək olur. Əsas məqamlardan biri də, cütlüklər qiyməti razılaşdırılmış otaqlara daxil olarkən onların nigahda olub-olmadıqları araşdırılmır, hoteldə əmək fəaliyyəti ilə məşğul olan əməkdaşlarla əmək müqaviləsi bağlanmır, bağlansa da formal xarakter daşıyır.

Hoteldə atılan addımlarla bağlı bu günədək ayrı-ayrı media qurumlarında dəfələrlə tənqidi məqalələr işıq üzü görüb, yaşanan problemlər qabardılıb və o da vurğulanıb ki, bu ünvanda yaş həddindən asılı olmayaraq qadınların cinsi istismara məruz qalmaları üçün şəraitin yaradılması ilə bərabər, çoxsaylı qanunsuzluqlara da imza atılmaqdadır. Müştərilərin bəzən olmazın aqibətlərlə üz-üzə qalmalarına səbəb, məhz ünvan sahibinin yaratmış olduğu şəraitin varlığıdır.

Düşündürücü hal odur ki, hotellə bağlı tənqidi məqalələr işıq üzü görərkən, hələlik adının çəkilməsini istəmədiyimiz bəzi “media nümayəndələri yuyulmamış çömçə” kimi meydana çıxıb, qeyd olunan ünvanı müdafiə edirlər. O halda sual oluna bilər ki, görəsən yaş həddindən asılı olmayaraq qadınların cinsi istismarına şərait yaradan hotel rəhbərinin atdığı addımları müdafiə etmək, özünü media nümayəndəsi hesab edən şəxsə və ya şəxslərə necə yaraşır? Əgər yaraşdırılırsa, deməli həmin şəxs də…

Bu gün hoteli idarə edən şəxsin əməllərini, eyni zamanda ona kənardan “krışalıq” edən və hələlik adını tam dəqiqləşdirə bilmədiyimiz şəxs(lər)in atdığı addımların varlığını eşitdikcə təəssüf hissi keçiririk. Hətta, Abşeronun hüquq-mühafizə orqanı əməkdaşlarının, bu cür iyrənc əməllərin baş verməsinə birbaşa cavabdehlik daşıyan vəzifə sahiblərinin fəaliyyətlərini tənqid etməkdən də çəkinmirik.

Qarşı tərəfin mövqeyini işıqlandırmağa hazırıq.

Gəncə Şəhər İcra Hakimiyyəti Gəncə şəhərinin küçə və prospektlərində əsaslı təmir işlərinin satın alınması ilə bağlı tenderə yekun vurub. Qaynarinfo xəbər verir ki, tenderin qalibi "Ərdagı” MMC seçilib. Tərəflər arasında bağlanacaq müqavilənin maliyyə dəyəri 1 845 694,53 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, "Ərdagı” MMC 10 dekabr 1992-ci ildə qeydiyyata alınıb. Nizamnamə kapitalı 10.60 AZN olan şirkətin hüquqi ünvanı Gəncə şəhəri "Asfalt Zavodu”nda yerləşir. MMC-nin qanuni təmsilçisi Məmmədov Nazim Fuad oğludur.

"Ərdagı” MMC 2019-cu ilə qədər "Ərdagı” İstehsal Kommersiya Şirkəti adı altında fəaliyyət göstərib. Açıq mənbələrdə bu şirkət haqqında heç bir məlumat olmasa da, tender kralı kimi məşhurdur.

"Ərdagı” MMC əsasən Gəncəbasar bölgəsində yerləşən rayonların yerli qurumlarının keçirdiyi tenderlərin qalibi olur. Təkcə 2023-cü ildə şirkət Gəncə, Qazax, Goranboy, Laçın və Masallı rayon icra hakimiyyətləri və onlara tabeli qurumlardan 4 693 768,12 manatlıq sifariş alıb.

Gəncə Şəhər İcra Hakimiyyəti 2021-ci ildə də küçə və prospektlərin abadlaşdırılması üçün "Ərdagı” MMC ilə 1.231.227,17 AZN dəyərində satınalma müqaviləsi imzalayıb.

Gəncə Şəhər İcra Hakimiyyətinin başçısı Niyazi Bayramovdur. O, 2018-ci ildən bu vəzifəni daşıyır.

Büdcə

vəsaiti “QHT Nəşriyyatı” adı ilə göyə necə sovruldu?

Təqribən 10 il öncə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyi tərəfindən təmtəraqlı şəkildə “QHT Nəşriyyatı” yaradıldı. Bu məqsədlə dövlət büdcəsindən 1 milyon manat vəsait ayrıldı.

Agentliyin müşahidə şurasının sədri Azay Quliyev bəyan etdi ki, nəşriyyat qazandığı vəsaiti QHT-lərə ayrılan qrant fonduna əlavə edəcək, bundan sonra maliyyə asılılığı azalacaq. Amma tam əksinə oldu, şura nəşriyyatın saxlanması üçün əlavə vəsaitlər ayırmağa başladı. Üstəlik, bütün qalib QHT-lər məcbur edildi ki, çap işlərini “QHT Nəşriyyatı”nda həyata keçirsinlər.

Məsələ ilə bağlı bir qədər araşdırma apardıq. İlkin əldə etdiyimiz məlumat o oldu ki, 1 milyon manat vəsaitin nəşriyyatın yaradılması üçün ayrılmasına Maliyyə Nazirliyi etiraz edib. Uzun müddət danışıqlar aparıldıqdan sonra QHT Şurası vəsaitin ayrılmasına nail olub. Sənədlər üzərində həmin vəsaitin konkret hansı şirkətə və ya quruma ayrılması, habelə tender keçirilməsi ilə bağlı ictimaiyyətə heç bir məlumat açıq olmayıb. Çünki “QHT Nəşriyyatı” yeni yaradılmamışdı, sadəcə mövcud olan nəşriyyatın adı dəyişdirilmişdi. Azay Quliyevin ailə dostu Rafiq Hüseynova məxsus “Əbdüloğlu Nəşriyyatı”nın adı dəyişdirilərək “QHT Nəşriyyatı” olub. Beləliklə, dövlət büdcəsindən ayrılmış 1 milyon manata bir neçə dəmir parçası alınaraq, külli miqdarda vəsait sənədlər üzərində silinib.

Əməkdaşlarımızın uzun axtarışından sonra “QHT Nəşriyyatı”nın əvvəllər yerləşdiyi məkanı tapdıq. Orada qarşılaşdığımız mənzərə çox acınacaqlı idi. Dövlət büdcəsi hesabına qurulduğu deyilən nəşriyyatın avadanlıqları həyətə tullanılıb, açıq havada saxlanaraq məhv edilib, onların daxilindəki bütün detallar çıxarılıb. Sadəcə metal parçası halına salınaraq dövlət büdcəsinə külli miqdarda ziyan vurulub. Yəqin ki, aidiyyəti qurumlar, maliyyə nəzarətini həyata keçirən təşkilatlar buna hüquqi qiymət verəcəklər.

Azay Quliyevin pafoslu şəkildə “QHT Nəşriyyatı”nın əhəmiyyəti barədə dediyi sözlər əslində QHT Şurasının fəaliyyətinin bütövlükdə nədən ibarət olduğunu ortaya qoyur.

Sual edirik: Binəqədi sakinlərinin seçimi əsasında parlament üzvü olan Azay Quliyev dövlətin ona etibar etdiyi vəsaiti belə qoruyurdumu? Bu məsələdə ona kim və ya kimlər havadarlıq edir?

Ümid edirik ki, bu sualların cavablarını aidiyyəti qurumlar araşdırmaqla verəcəklər.

KONKRET.az

Ehtiyatda olan polkovnik-leytenant Coşqun Məmmədov gördüyü hörmətsizliyə görə işini itirdiyini deyir.

“27 il Silahlı Qüvvələrdə xidmət etmişəm. Ehtiyatda olan polkovnik-leytenantam. Bir il “Yeni Klinika”da çalışdım, amma əvvəlki rəhbərliyin dövründə heç vaxt belə münasibətlə qarşılaşmamışam. Buna görə də öz ərizəmlə işdən çıxmağa məcbur oldum”, – Coşqun Məmmədov deyir.

O, Füzuli, Cəbrayıl, Xocavənd rayonlarının azad edilməsində iştirak edib. Deyir ki, 2022-ci ilin fevral ayında xəstəliyi ilə əlaqədar ehtiyata buraxılıb.

“2022-ci ilin avqustun 22-dən “Yeni Klinika”da təhlükəsizlik xidməti şöbəsinin müdiri kimi işə başladım. Klinikanın yeni rəhbəri Barat Yusubov TƏBİB-in icraçı direktoru Vüqar Qurbanovun xidməti maşınının qapısını açmağımı təkidlər tələb etdi. Onun bu istəyi ilə razılaşmadığımdan aramızda narazılıq yarandı. Buna Vüqar Qurbanov da şahiddir”,- şikayətçi deyib.

C.Məmmədov bildirib ki, daha əvvəl də Qurbanov klinikaya tədbirlərə gəlib, lakin heç vaxt ona icraçı direktorun avtomobildən düşməsi üçün qapının açılmasını əmr etməyib. Çünki qapı açmaq təhlükəsilik xidmətinin vəzifə səlahiyyətlərinə aid deyil.

Məmmədov deyir ki, “Vətənə xidmətə görə” 3-cü dərəcəli orden, “Füzulinin azad edilməsi”, “Cəbrayılın azad edilməsi”, “Xocavəndin azad edilməsi”, “Vətən müharibəsi iştirakçısı”, “Silahlı Qüvvələr veteran”, “Qüsursuz xidmətə görə” 3-cü dərəcəli, “Qüsursuz xidmətə görə” 2-ci dərəcəli, “Silahlı Qüvvələrin yaranmasının 90 illiyi”, “Silahlı Qüvvələrin yaranmasının 95 illiyi”, “Silahlı Qüvvələrin yaranmasının 100 illiyi” medalları ilə təltif edilib.

“Ehtiyatda olan hərbiçi kimi təqaüd alıram. Öz ərizəmlə işdən çıxmağa məcbur qaldım. Maddi və ən əsası mənəvi zərərlə üzləşmişəm”,-C.Məmmədov qeyd edib.

C.Məmmədov söyləyib ki, qısa müddət ərzində mühafizə xidmətinin 10 əməkdaşı öz ərizəsi ilə işdən kənarlaşdırılıb:

“Mənə ağrılıdır ki, TƏBİB bununla bağlı heç bir açıqlama vermədi, hətta maraqlanmadı. Halbuki hansısa bir tanınmışın qəzası ilə bağlı 4 dəfə açıqlama verirlər. Yalnız mənə zəng vurub narazılığımın icraçı direktor, yaxud Barat Yusubovla bağlı olduğunu dəqiqləşdirdilər. Heç vəziyyətimlə də maraqlanmadılar”.

Yeni Klinikadan suallara cavab vermək istəməyiblər. Klinikadan bildiriblər ki, sualları TƏBİB cavablandıra bilər: “Bizim mətbuatın suallarını cavablandırmaq kimi səlahiyyətimiz yoxdur”.

Şikayətlə bağlı TƏBİB-ə sorğu ünvanlandırılıb, hələ cavab yoxdur. //meydanTV//

Sumqayıt şəhərində yerləşən 11 saylı tam orta məktəbdə şagirdlərin məktəbli forması almağa məcbur edildiyi iddia edilir.

DİA.AZ Gununsesi.info-ya istinadla xəbər verir ki, bu barədə valideynlərdən biri sosial şəbəkədə paylaşım edib.

İddialara görə, direktor Adilə Süleymanova şagirdləri yeni forma almağa məcbur edib.

İddialarla bağlı Abşeron-Xızı Regional Təhsil İdarəsinin sözçüsü İlhamə Abdullayeva bildirdi ki, səsləndirilən iddialar əsassızdır:

“Adilə xanım idarəmizə çağırılıb, söhbət aparılıb. Belə halların yaşanmadığı müəyyən edilib. Adilə xanım vəzifəyə yeni təyin olunub və orada səliqə-sahman yaradır. Bütün fəaliyyəti qanunlara əsaslanır. Onun yenilik etməsi daxildən və xaricdən kimlərinsə xoşuna gəlmir. O səbəbdən belə dedi-qodular yayırlar”.

Azərbaycan Respublikasının Dövlət Gömrük Komitəsinin "Səhra geyim formalarının satın alınması" ilə bağlı elam etdiyi temder başa çatıb.

Tenderin qalibi "TEYMUR COLLECTION" MMC olub.

Tərəflər arasında 741.960,4 AZN-lik müqavilə imzalanacaq.

Tenderə Ali rəis heyəti üçün istiləşdirilmiş qış gödəkçəsi və qış şalvarı, Baş, orta rəis heyəti və kiçik heyət üçün istiləşdirilmiş qış gödəkçəsi və qış şalvarı, Ali rəis heyəti üçün yay gödəkçəsi və şalvarı, Baş, orta rəis heyəti və kiçik heyət üçün yay gödəkçəsi və şalvarı (isimlik ilə birlikdə), Ali rəis heyəti üçün qısaqol yay köynəyi (isimlik ilə birlikdə) və.s daxildir.

Bildirək ki, nizamnamə kapitalı 1000 AZN olan "TEYMUR COLLECTION" MMC-nin qanuni təmsilçisi TEYMUR MƏMMƏDOV RİZVAN OĞLUdur.

Xatırladaq ki, Azərbaycan Respublikası Dövlət Gömrük Komitəsinin Akademiyasının rəisi, Gömrük xidməti general-mayoru Qulu Novruzovdur.32gun.az

Gəncə Dövlət Universitetinin (GDU) "Yumşaq inventarların satınalınması" ilə bağlı elan etiyi tender başa çatıb.

Tenderin qalibi "KALE SOLUTİON" MMC olub. Tərəflər arasında 59.507,4 AZN-lik müqavilə bağlanması gözlənilir.

Tenderə əsasən ali təhsil ocağı Ağ xalat, Uzunqol xalat, Xadimələr üçün jilet, Qısaqol xalat, Mühavizəçi üçün yay geyimi, Mühavizəçi üçün qış geyimi, Mühafizəçilər üçün ayaqqabı, Dalandar üçün jilet, Fəhlə üçün yay geyimi dəsti, Fəhlə üçün qış geyimi dəst, Hamam məhrəbası, Əl-üz dəsmalı, Rezin qaloş, Voleybol forması, Futbol forması və.s ilə təmin olunmalıdır.

Xatırladaq ki, Gəncə Dövlət Universitetinə rektor Yusif Yusibovdur.32gun.az