Öz aktivlərindən istifadə edə bilməyən “İnvest-Az” investisiya şirkəti müştərilərinə “Forex” tədrisi keçir və həftə içi hər iş günü, 24 saat boyunca pul qazanmağın yolları ilə bağlı seminar keçir.
4 növ investisiya alətindən biri olan “Aktivlərin idarə edilməsi”ni “İnvest-Az” investisiya şirkəti özü həyata keçirə bilməyib. Amma sözügedən şirkət bununla bağlı öz müştərilərinə məsləhətlər verir.
2022-ci ilin sonunda “İnvest-Az” şirkətinin aktivlərinin gəlirliyi 1 il ərzində 32 faiz azalıb. Şirkəti isə öz müştərilərinə “Aktivlərin idarə olunması”na görə məsləhət verir ki, pulunuz peşəkar fond meneceri tərəfindən şaxələndirilmiş investisiya portfelinə yatırılacaq. O zaman ortaya sual çıxır ki, şirkət niyə öz aktivlərinin gəlirini 1 il ərzində 32 faiz azaldıb. Burada ya sözügedən peşəkar fond menecerləri yoxdur, ya da il ərzində yatırımlar arasında itkilər baş verib. Təbii ki, investisiya yatırımlarında risk payı var və əvvəlcədən öngörülən risk faizləri hesablanır. Burada da “İnvest-Az” şirkəti şirin vədlərlə müştəri qazana bilsin deyə “investisiyanız bir deyil, bir sıra qiymətli kağızlar üzərində yatırılır” kimi sözlər verərək risk payını minimuma endirdiyini açıqlayır.
ROA göstəricilərini 8,56 faizdən 5,83 faizə endirən şirkət diversifikasiyanın gözəlliyindən bəhs edir, özünün itirdiyi faizi müştərisi üçün qazanacağını iddia edir. Bundan başqa “İnvest-Az”ın cəmi cari aktivləri də 1 il ərzində 3 milyon 639 min manat və ya 27,65 faiz azalıb. Bununla da bitmir. Şirkətin hesabatına görə, “İnvest-Az”ın əməliyyat mənfəətinin də 572 min manat və ya 40,2 faiz azalma olub. Burada da “İnvest-Az” öz müştərilərinə xarici valyuta bazarındakı əməliyyatların uğurundan bəhs edir.
Qeyd edək ki, “İnvest-Az” investisiya şirkəti bu və bu kimi tədrislərdən qazancını 8 min 941 manat və ya 47,14 faiz artıraraq 27 min 906 manata yüksəldib.
Kommersant.Az

Xaçmazın bir gənc başçısı var. Deyəsən, dünən yerli KİV-də onun haqqında nəsə məlumat gedib. Nəsə məlumat gedib ki, özünə bahalı alış-veriş edib. 450 minə maçın alıb. Deyəsən, bu faktın ictimailəşməsi gənc başçının ürəyincə olmayıb. DİA.AZ bildirir ki, elə buna görə də bu nöcavan icra başçısı başlayıb BAĞIRMAĞA... Eynən özündən əvvəlki OĞRU başçılar kimi...

Və eynən özündən əvvəlki OĞRU başçıların yolunu gedərək özünə TROL KAMPANİYASI da qurub. Biz həmin trol xidmətinin məhsullarından birini dia.az olaraq olduğu kimi diqqətinizə təqdim edirik. Hər halda, aşağıdakı mətndə hər şey həm də etiraf olunur. Beləliklə...

***

Aydın Fıtiyev adında, həm də Xaçmazdan olduğu güman etdiyimiz Qarabağ qazimiz yazır, ya da ona yazdırlrlar... kimə necə xoşdursa, elə... Hə qazimiz yazır:

"Xaçmaz rayon icra hakimiyyətinin başçısı Elnur müəllimlə dəfələrlə görüşmüşük. Dəfələrlə qazi yoldaşlarımın, özümün problemlərinə görə müraciət etmişəm. Bacardığı köməkliyi heç zaman əsirgəməyib. Bəzi məsələlər varki, icra hakimiyyətinin səlahiyyətində olmasa belə, bizlərə görə xahiş edib tapşırıq verib. Sağ olsun!
Bu gün bəzi jurnalistlər Elnur müəllimin 450 min, manata maşın aldığını yazıb pozurlar. Hələ heç bilinmir kimindi. Alıbsa nə gözəl, xeyirli olsun. Olmayanlarada qismət.
Maşın almaq qəbahətdir? Adam uzun illərdir yüksək vəzifəli işlərdə çalışır. Niyə almasınki? Güya biz olsaydıq maşınımız olmayacaqdı?
Gözəl sənət tapıblar, hər yoldan keçən bir sayt açıb, özünü rəhbər təyin edib, kiminsə sifarişi ilə "həyat" yaşayırlar!"

***

Hə, əziz oxucu... Bizdı də eyni təəssürat yarandı: HƏZİN SƏSLİ OĞRU BAĞIRTISI...

***

Məsələ ilə bağlı olaraq qarşı tərəfi də dinləməyə hazırıq...