Xaçmaz şəhər 9-saylı orta məktəbinin direktor əvəzi Vəfa Musayeva özünə dəbdəbəli doğum günü keçirib.Tədbir Xaçmaz şəhərinin Zeynalabdin Taghiyev prospektində yerləşən “Sevimli Soba”adlı restoranda baş tutub.

Etibarlı mənbənin verdiyi məlumata görə Vəfa Musayevanın bu doğum günü tədbiri üçün məktəbin pedaqoji kollektivindən 2000 manata qədər vəsait toplanılıb.Bu pulun könüllü və yaxud məcburi toplanması barədə hər hansı bir məlumat olmasada tədbirin məs yığılan həmin vəsait hesabına təşkil edildiyi dəqiqdir.

Gundəm.info.az-a verilən məlumata görə Vəfa Musayeva bu tədbirdə pedaqoji kollektivə şəkil və video lentə almağı da qadağan edib.Deyilənə görə doğum günündə bütün şəkillər məs onun özünün şəxsi mabil telefonu ilə lentə alınıb.

Tədbirdə direktora daha hansı hədiyyələrin verildiyini görmək istəyən şəxslər hazırda yuxarıda qeyd etdiyimiz “Sevimli Soba”restoranına gedib öz gözləri ilə şahidi ola bilərlər.yenigundem.az

"Orta məktəbdə oxuyanda sinifqom idim, Azərbaycan dili, Ədəbiyyat, Tarix, humanitar fənlərdən qiymətim həmişə yüksək olub. Musiqi peşəsinə də uşaqlıqdan böyük marağım olub, elə yaxın qohum-tanışlarımın da çoxu musiqiçidir, xanəndədir. Azərbaycanda muğam, xanəndə deyəndə Qarabağ, qarabağlı xanəndələr yada düşür, amma bizim bu Qobustan şəhərində, kəndlərində də yaxşı xanəndələr, muğam, musiqi ustadları yetişib.
Yüksək bal toplayıb, İncəsənət Universitetinə qəbul olmuşdum, ancaq qabiliyyət imtahanından kəsildim. İmtahan götürən müsiflər heyəti dəfim olmadığına görə məni imtahandan kəsdilər, dedilər dəf vura bilmirsən, get, onu öyrən, sonra gəl. Yüksək bal toplasam da, qabiliyyət imtahanından bunun kimi səbəblərə görə keçə bilmədim. İndi heyvandarlıqla məşğul oluram, 15 gün evdə, 15 gün dağda oluram. Belə hərdən özüm üçün züm-zümə edirəm, yanımda dostlarım olanda dinləyirlər, xoşlarına gəlir, bu özü elə mənə böyük zövq verir. Amma daha Universitetə daxil olmaq həvəsim yoxdur, onu o qabiliyyət imtahanında öldürdülər. Əmək, vaxt sərf edib, oxuyursan, yüksək balla Universitetə daxil olursan, qabiliyyət imtahanından kəsirlər, kor-peşman qayıdırsan, əziyyətin yerə dəyir, məyus olursan".

Qobustan şəhər sakini Maşallah Güləliyevin gözəl səsi, bu sahədə yaxşı qabiliyyəti olmasına baxmayaraq, həvəslə qəbul olduğu İncəsənət Universitetindən qabiliyyət imtahanına görə kəsilib. Səbəb də o olub ki, Maşallah dəf musiqi alətində ifa etməyib, dəfi olmayıb. Maraqlıdır ki, dəfi olan və onda mahiranə şəkildə ifa bacarığı olanın daha universitetdə nə işi var? Universitet məhz onun üçündür ki, bir qədər səs qabiliyyəti olanlar burada özlərini təkmilləşdirib, böyük ustadlardan dərs ala bilsinlər. Ancaq Maşallah saxladığı qoyun-quzusundan satıb, "hörmət-izzət" etmədiyinə görə, bax, belə cuzi səbəblərdən indi İncəsənət Universitetində yox, "Həyat" universitetində oxuyur. Səsini də Azərbaycan Xalqı yox, quzularını otlatdığı dağ-daş dinləyir.

QEYD: Qabiliyyət imtahanları bir çoxlarının narazılıq etdiyi, korrupsiya imkanları yaradan imtahan növlərindən biridir. Şagirdlər yüksək ballarla universitetlərə qəbul olsalar da, qabiliyyət imtahanı verməli olduqları sahələrdə əksəriyyəti bu imtahanlardan "görüm-baxım" elyə bilmədiklərindən kəsilir, topladıqları bal isə hədər olub gedir. Bu, həm onların iradə əzminə, həm də seçdikləri peşəyə olan həvəslərinə pis təsir edir, ruhdan salır.

Arif olanın sevgili cananı Vətən olsa da, indi "arifləri" təyin edənin adı puldur.

Bizimyol.info

Avqustun 3-də Post TV-nin Youtube.com və Tik-Tok platformalarında “Yusif Qədimbəyli kapitalı niyə xaricə daşıyır? – Bazarda sahibkarlar talanır…”sərlövhəli araşdırma videomaterial hazırlanıb.

Qısa müddət sonra Post TV-nin Tik-Tok səhifəsində videomateriala 200 min baxış olub. Geniş ictimai müzakirəyə səbəb olan videomaterial “topluluk kuralları ihlali” səbəbi ilə avqustun 4-də həmin səhifədən silinib.

Videomaterialın Tik-Tok-dan silinməsi ilə bağlı qısa araşdırma apardıq. Məlum oldu ki, videomaterial “Sədərək Yusif”in oğlu Mehman Qədimbəyli sildirib. Bəs, o buna necə nail olub? Videomaterialda qye detmişdik ki, M.Qədimbəyli Tik-Tok-da böyük pul maxinasiyaları həyata keçirir. Onun bu sosial şəbəkədə ciddi resursları və əlaəqləri var, atasının xalqdan oğurladığı pullar hesabına o, ətrafında minlərlə trol şəbəkə saxlayır. O, müxtəlif bahalı proqramlar əldə edərək, kibercinayətkarlıqla məşğuldur. Görünür, M.Qədimbəylini incidən atası haqqında səslənən ittihamlar yox, bazardakı tualetlərdən və girişdə yığılan pullardan özünə özünə təm-təraqlı həyat qurması ilə bağlı yayımladığımız fikirlər olub. M.Qədimbəylinin adı sosial şəbəkələrdə baş verən qalmaqallarda dəfələrlə hallanıb. Videomaterialın bərpası üçün Tik-Tok-un qərəzli qərarı ilə bağlı da zəruri addımlar atılacaq.

M.Qədimbəyliyə xüsusi xatırlatma: atdığın bu addım məsələni daha da prinsipialaşdırdı, bundan sonra nə sənə, nə də maxinator atana güzəşt olmayacaq. Bazarda, gecə klublarında, müxtəlif ölkələrdə həyata keçirdiyin bütün iyrənc əməllərdən hamı xəbərdar olacaq. Başından böyük işə qalxdın! Daha mənəvi atan Ramiz Mehdiyevin dövrü deyil ki, tualet pulundan əldə etdiyin gəlirlərlə özünü toxunulmaz hesab edəsən.

Vaxtilə Prezident Administrasiyasında işləyən maxinator atanın dəcəl övladı olan Mehmana bir neçə sualımız var. Tik-Tok-da müxtəlif şəxslər hər gün Dövlət başçısını, ölkənin önəmli dövlət adamlarını təhqir edir. Bəs, sən bu videoları niyə sildirmirsən? Səbəbi bəllidir, bəlkə də bu adamlarla işbirliyiniz var, yoxsa bu ölkədən qazandığınız pulları xaricə niyə daşıyasınız ki? Nəyə hazırlıq görürsünüz? O pullarla kimləri maliyyələşdirməyi planlaşdırırsınız? Maxinator atana söylə ki, “Sədərək”dəki sahibkarlara qarşı həyata keçirdiyi terrordan əl çəksin, onları müflis etməsin. Qısası, rədd olun bazardan! Bundan sonra ən ağır toplara hazır olun!

Post TV-nin rəhbəri: Samir Feyruzov //azinforum.az//

Videomaterialın Yutub linki:

Azərbaycan Respublikasının Prezidenti İlham Əliyev avqustun 7-də Samux rayonuna səfər edib.

Dövlətimizin başçısı Ümummilli Lider Heydər Əliyevin Samux şəhərində ucaldılmış abidəsini ziyarət edib.

***

Azərbaycan Respublikasının Prezidenti İlham Əliyev avqustun 7-də Samux Rayon Mərkəzi Xəstəxanasının yeni binasının açılışında iştirak edib.

***

Avqustun 7-də Azərbaycan Respublikasının Prezidenti İlham Əliyev Samuxda Heydər Əliyev Fondunun “Təhsilə dəstək” layihəsi çərçivəsində inşa olunan Sərkar kənd uşaq musiqi məktəbinin yeni binasının açılışında iştirak edib.

"Baku International Tabocco"-nun səhmdarları İyulun 31-də Nizami RPİ-nin 23-cü Polis Bölməsi önündə etirazlarını çatdırıblar.

Şikayətçilər iddia edirlər ki, general Mais Bərxudarovun şirkətdə işləyən yaxın qohumu onlardan polisə şikayət edib və bu yolla onları susdurmaq istəyir.

Daha ətraflı aşağıdakı videoda:

Urmiya gölü quruyur. Bu su hövzəsində əvvəllər 33 milyard kub metr su olub. İndi bu həcm 33 dəfə azalıb. Güney və Quzey Azərbaycanın bu təbiət incisinin indiki halının günahkarı Tehran hakimiyyətidir.

Bu hadisə də İrandakı rejim saxtakarlığını gizlədə bilməyib. Rejim həm din, həm də dünyəvi məsələlər baxımından özünü ifşa edib.

Hər il dini təqvimlə Məhərrəm ayında Məhəmməd Peyğəmbərin nəvəsi İmam Hüseynə əzadarlıq edilir. Yeri gəlmişkən, Kərbəla hadisəsi – 680-ci il oktyabrın 10-da indiki Kərbəla şəhəri yaxınlığında Hüseyn ibn Əli ilə Əməvi xəlifəsi I Yezid arasında baş vermiş döyüşdür. Bu döyüş İslam aləmində, xüsusən şiə və ələvilikdə böyük önəm daşıyır. Məhəmmədin qızı Fatimənin, Əli ibn Əbu Talibdən olan oğlu Hüseynin öldürülməsi, şiə ölkələrində hər il Aşura günü adı ilə qeyd olunur.

Hər kəsə su kimi aydındır ki, həmin hadisələrlə bağlı danışılan söhbətlərdə, mərsiyələr və rozələrdə ən çox işlədilən sözlərdən biri də sudur. İmam Hüseynin əzizlərinin İraq çöllərində dil-dodaqlarının susuzluqdan parçalanması ədəbi-bədii təsvirlərlə çox gözəl çatdırılır.

Bu bir daha sübut edir ki, susuzluq çox faciəli hadisədir. Bunu törədənlər isə əbədi lənət sahiblərdir.

Urmiya da susuzdur. Oradakı canlılar, onun flora və faunası bu hadisə nəticəsində məhv olub. Kərbəladakı və Urmiyadakı susuzluqları insan törədib. Biri təxminən 1320 il əvvəl, biri isə 30 ilə yaxındır baş verib. Bu hadisələr arasında 1300 il zaman fasiləsi olsa da mahiyyət və dəyər baxımından yaxındır. Çünki Urmiya gölünün quruması da 500 km-lik radiusdakı canlıların həyatına təhlükə yaradacaq.

Biri I Yezidin islama xəyanəti səbəbindən, o biri də Tehran hakimiyyətinin Güney Azərbaycana ögey münasibətindən yaranıb. Babası Əbu Sufyan, atası Müaviyə olmuş I Yezid və tərəfdarları da müsəlman olduqlarını iddia edirdilər. İranın dövlət rəsmiləri də Urmiyanın susuzluğunu etiraf edir. Hətta İran Prezidenti İbrahim Rəisi gölə axıdılan su kanalının axıdılması ilə bağlı açılışlara da qatılır. Ancaq nə faydası? Bu tədbirlərdən sonra Urmiya gölünün quruması elə bil sürətlənir.

Çünki bunun qarşısı vaxtında alınmayıb. İllər əvvəl su hövzəsinin qurmasını car çəkənləri Tehran hakimiyyəti təqib və təzyiqlərə məruz qoyurdu. Bu istiqamətdə fəaliyyət göstərənləri isə az qalırdı “din düşməni” elan etsinlər.

Urmiya gölünün qurması ilə İran hakimiyyəti Qərbi Azərbaycan və Şərqi Azərbaycan əyalətləri əhalisinin həyatı və regionun təbiəti üçün təhlükə mənbəyidir. Tehran rejimi bununla “Qurani-Kərim”in “Bəqərə” surəsindəki “Öz əlinizlə özünüzü təhlükəyə atmayın” çağırışına da əməl etməyib. Bunu isə inananlar günah sayırlar.

Hakimiyyət boş-boş vədlər verir. İctimai fəallar gölün qurumasına qarşı çıxaraq, onu daim diqqətdə saxlayırlar.

Güney Azərbaycanın müxtəlif bölgələrində və Urmu gölü ətrafında ekoloji fəlakətlə bağlı aksiyalar davam edir.

Avqustun 1-də bir qrup urmiyalı mədəni-ekoloji fəal gölün quru yatağına 26 metrlik banner açıb və insan zənciri təşkil edərək, su hövzəsinin xilasını tələb ediblər. Onlar beynəlxalq ictimaiyyətin və ekoloqların baş verən fəlakətə diqqətini cəlb etmək üçün banner üzərində ingiliscə #SAVELAKEURMIA (“Urmiya gölünü xilas edin!”) yazıblar.

Qeyd edək ki, Güney Azərbaycanda baş verməkdə olan ekoloji fəlakətlə bağlı məlumatlandırmaq, gölün acınacaqlı durumunu vətəndaşların və beynəlxalq ictimaiyyətin diqqətinə çatdırmaq məqsədilə iyulun 18-dən “Urmu gölünün xilası üçün kampaniya” adı altında kampaniya başladılıb.

Onlar sosial mediadakı paylaşımlarında Urmiya gölünün artıq məhv olmaq üzrə olduğunu yazıb, hakimiyyətin gölün bərpası barədə vədlərinin azərbaycanlıları aldatmağa hesablandığını vurğulayıblar.

Ekofəallar bütün azərbaycanlıları gölün məhv olmasının qarşısının alınması məqsədilə kampaniyaya qoşulmağa, Tehran hakimiyyətinin Azərbaycanın təbiət incisini məhv etməsinə imkan verməməyə çağırıblar.

Güney Azərbaycanın Marağa şəhərinin İran parlamentindəki deputatı və Urmiya gölünün Bərpası Qərargahının tədqiqat və nəzarət şurasının üzvü Əli Əlizadə isə deyib ki, bu su hövzəsinin bərpası üçün heç bir iş görülmür: “Gölün bərpası üçün heç bir ciddi iş aparılmır və təxəyyül gücündən istifadə etməklə ekoloji problem həll olunmayacaq. Hamı yaxşı bilir ki, milyardlarla kubmetr su əvəzinə 300 milyon kubmetr su ilə Urmu gölünün xilası mümkün deyil”.

O, gölün bərpası üçün ayrılan vəsaitin təyinatı üzrə xərclənmədiyini söyləyib. Deputat vurğulayıb ki, hər il suyu 2 milyard kubmetri azalan gölə, hakimiyyətin Kanisib kanalı vasitəsilə 300 milyon kubmetr su buraxması gözdən pərdə asmaqdır.

Gölün dirçəldilməsi ilə bağlı parlamentdə səsvermə keçirilib. Su hövzəsinin dirçəldilməsinin əleyhinə səs verən 15 millət vəkilinin siyahısı yayılıb:

Yaqub Rezazade – Səlmas nümayəndəsi,

Ənvər Həbibzadə -Bukan nümayəndəsi,

Cəlal Mahmudzadə – Mahabad nümayəndəsi,

Kamal Hüseynpur – Piranşəhr və Sərdəşt nümayəndəsi,

Şiva Qasemipur – Mərivan nümayəndəsi,

Məcid Naserinejad – Şadegan nümayəndəsi,

Əli Əkbər Kərimi- Xondab nümayəndəsi,

Cəfər Qədri Şiraz nümayəndəsi,

Abdul Nasser Derəxşən – İranşəhr nümayəndəsi,

Hüseyn Haqverdi – Şahyar və Mallard nümayəndəsi,

Seyid Əlborz Hüseyni – Xodabəndə nümayəndəsi,

Muctəba Təvanqar – Tehran nümayəndəsi,

Ruhullah İzədxah- Tehran nümayəndəsi,

Yəhya İbrahimi- Səlsələ nümayəndəsi,

Seyid Mustafa Mirsəlim – Tehran nümayəndəsi.

Bunlardan 4-ü Urmiya şəhərindən deputat olan kürd etnik qrupunun nümayəndələridir.

İran hökumətində ətraf mühitin mühafizəsi üzrə təşkilatın başçısı Əli Selajge bildirib ki, Urmiya gölü qurumayıb, yağıntıların azalması səbəbindən buxarlanma prosesi artıb: “Gölün bərpası qərargahı formalaşdıqdan sonra bəndlərdən su axıdılması məsələsini təqib edəcəyik”.

Kərbəla faciəsi bu gün də davam edir. Bu dəfə onu törədən Yezid deyil, ona lənət oxuyan, əslində isə onun elədiklərini təkrarlayan rejimdir…

Sədrəddin Soltan - Pressklub.az

“Sabah”ın baş məşqçisi Murad Musayev Misli Premyer Liqasının 1-ci turu çərçivəsində “Qəbələ”yə qarşı keçirdikləri ev oyununu şərh edib.

O, 5:0 hesabıyla qalib gəldikləri matçdan sonra keçirilmiş mətbuat konfransında bunları söyləyib:

“Bu gün iki komandanın ifasında parlaq oyun gördük. “Qəbələ” ilə oyunlarımız hər zaman maraqlı alınır, açıq futbol gedir. Hesaba baxmayaraq, oyun çətin keçdi. Avrokubok matçından sonra həm bizim, həm də “Qəbələ”nin bərpa olmaq üçün cəmi iki gün vaxtı var idi. Yaxşı intizam, yaxşı sürət görə bildik. Şadam ki, qalib gəldik.

Bizim kiçik üstünlüyümüz o idi ki, avrokubok görüşünü evdə oynamışdıq. “Qəbələ” isə Kiprdə oynayırdı və geri qayıtmalıydılar, yatmayacaqdılar. Bütün bunlar çətindir. Biz bir az gümrah idik. Ancaq ümumi olaraq hansısa sözlər demək çətindir, çünki cəmi bir tur geridə qaldı. Hər şey mümkündür. “Qəbələ”yə qarşı oynamaq çətindir. Onlar yaxşı hücum edən kollektivdir. Layiqli şəkildə də ölkə kubokunu qazanmışdılar.

Azarkeşlərimizə bizə daim dəstək olduqları üçün təşəkkür edirəm. Söz verirəmsə, ona əməl etməliyəm. Necə deyə bilərəm ki, biz sabah udacağıq, çempion olacağıq? Alınmasa, birinci siz deyəcəksiz ki, söz vermişdiniz, bəs necə oldu? Azərbaycan Premyer Liqası daha da güclü oldu. Bura maraqlı futbolçular gəlir. Məşq edəcəyik, işləyəcəyik, necə olacağını görəcəyik. Hələ ki, heç bir söz verə bilmərəm”.

Rusiyalı mütəxəssis komandadan ayrılması gözlənilən Coy Lens Mikelslə bağlı məsələyə də toxunub:

“Kluba rəsmi təklif gəlib. Onu transfer etmək istəyən klub var. Amma biz onu satmaq, onunla yollarımızı ayırmaq istəmirik.Çünki bizim vacib, lider oyunçularımızdan biridir. Amma müqaviləsində bənd var ki, özü müəyyən məbləğ ödəyərək sərbəst qala bilər. Hələ ki, heç nə dəqiq deyil. Lens özü də, yekun qərarını verməyib. Hadisələr necə inkişaf edəcək, bilmirəm”.

Çinin gələcək “Chang'e 7” missiyasının roveri Ayın işıqlandırılmayan bölgəsinə səfər edəcək.

Ölkənin müvafiq qurumları tərəfindən açıqlanan planlara görə, “Chang'e 7” missiyasının eniş aparatı Ayın cənub qütbünün işıqlanan ərazisinə enəcək. Bundan sonra, eniş vasitəsini tərk edən kiçik rover daim kölgədə olan kraterə doğru yol alacaq.

Rover nümunələri toplamaq üçün Ay torpağını qazacaq. Manipulyatordan istifadə etməklə götürülən nümunələr analiz üçün xüsusi aparata qoyulacaq və bu, nümunələrdə su olub-olmadığını müəyyən etməyə imkan verəcək.
Mənbə: lenta.ru

Məlum olduğu kimi, Naxçıvan MR Səhiyyə Nazirliyi bu yaxınlarda dövlət büdcəsi hesabına təxmini dəyəri 130 min manat olan “Lexus“ markalı avtomobil alıb. Həmin avtomobil aprel ayından bəri nazir səlahiyyətlərini müvəqqəti icra edən Samiq Sadıxovun xidmətinə verilib. Lakin, nazirlik maliyyə çatışmazlığını bəhanə gətirərək, dövlət xəstəxanalarını lazımi tibbi avadanlıqlarla, vacib dərmanlarla təmin etmək istəmir.

Qeyd edək ki, bu olay böyük rezonansa səbəb olub. DİA.AZ bildirir ki, məsələ ilə bağlı fikrini açıqlayan əslən naxçıvanlı, İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli ilginc reaksiyası ilə diqqətə gəlib.

İSBAM sədri bildirib: "Naxçıvan MR Səhiyyə Nazirliyi bu yaxınlarda dövlət büdcəsi hesabına təxmini dəyəri 130 min manat olan “Lexus“ markalı avtomobil alıb. Həmin avtomobil aprel ayından bəri nazir səlahiyyətlərini müvəqqəti icra edən Samiq Sadıxovun xidmətinə verilib. Lakin, nazirlik maliyyə çatışmazlığını bəhanə gətirərək, dövlət xəstəxanalarını lazımi tibbi avadanlıqlarla, vacib dərmanlarla təmin etmək istəmir.
Ordubad xəstəxanasında demək olar ki, yararlı bir aparat yoxdur. Heç həkimdə yoxdur.
Bir Malik doktor var, Allah onun köməyi olsun. Demək olar bütün xəstələrə o baxır. Ordubad səhərindən kəndlərə qədər camaat Malik doktoru çağırır.

P.S. Naxçıvan bu sürətlə inkişaf etsə, bütün Orta Doğunu vurub keçəcək..."

DİA.AZ