Məlum olduğu kimi, neçə müddətdir “RR Constructions” MTK tərəfindən Bakının “Kubinka” kimi tanınan hissəsində yeni yaşayış kompleksinin tikiləcəyi deyilir.

Plana görə, layihə 8 küçəni əhatə edən təxminən 6 hektarlıq ərazidə həyata keçiriləcək. Ərazidəki istismara yararsız evlərin yerində yeni “İmperial Residence” inşa olunacaq. 173 min kvadrat metr ərazini əhatə edəcək yeni yaşayış kompleksi 11 binadan ibarət olacaq.

Bunlar hamısı gözəldir... Amma gözəl olmayanı isə odur ki, belə bir planın icrası tapşırılan “RR Constructions” MTK-nın rəhbəri Rafael Abdullayev cənabları evləri plana düşən sakinləri razı salmaq əvəzinə, onlara qarşı az qala bir kampaniya da başladıb. Sakinlər DİA.AZ-a bildiriblər ki, “RR Constructions” MTK-nın rəhbəri Rafael Abdullayev şəxsən onların şikayətini işıqlandıran telekanalları da susdurduğundan bu gün haqq səslərini eşitdirə bilmirər.

Sakinlər DİA.AZ-a danışır: "Rafael Abdullayev bir zamanlar Nərimanov İcra hakimiyyətində işləyib. Onu oradan qovudblar. Sonradan Rusiyaya gedib və birdən-birə gəlib Azərbaycanda peyda olub. Bəxtimizə bir qara ləkə kimi düşüb.

Bu gün 81 ailə olaraq bizlər “RR Constructions” MTK-nın rəhbəri Rafael Abdullayevdən şikayətçidir. Onun hədələrindən yorulmuşuq".

Qeyd edək ki, DİA.AZ olaraq narazı vətəndaşların problemi ilə bağlı daha geniş reportajımızı təqdim edəcəyik. Bizi izləməyə davam edin.

Məsələ ilə bağlı qarşı tərərfin də mövqeyini işıqlandırmağa hazırıq...

Zaman-zaman dövrü mətbuatda vəzifəsindən sui-istifadə edərək rəhbərlik etdiyi təhsil müəssisəsini öz şəxsi məqsəd və maraqları üçün qazanc obyektinə çevirən xanım məktəb direktoru barədə çeşidli məlumatların şahidi olmuşuq. Bu cür məlumatlara bu gündə rast gəlirik. Hətta daha betərlərinə belə. RealMedia.az bu dəfə də Beyləqanda daha bir qadın məktəb direktorunun, əndazəni aşan hərəkətləri barədə ilginc məlumatlar əldə edib.
Belə ki, redaksiyamıza daxil olan məlumatlarda Beyləqan rayon F.Quliyev adına Eyvazallar kənd tam orta məktəbin drektoru Günel Cavadlının məktəbdə şagirdlərə 44 günlük Vətən müharibəsi şəhidlərinin fotolarını satdığı vurğulanır.
Valideynlərdən verilən məlumatlara görə, Günel Cavadlı Beyləqan şəhidlərinin fotolarını xüsusi çərçivəyə saldırmaqla, bayrağımızla birlikdə 20 (iyirmi), bayrağsız isə 19 (on doqquz) manata şagirdlərə satır. Bu iyrənc alverin təşəbbüskarı və “ideya müəllifi” xanım direktorun özüdür.
Xanım direktorun Vətən qəhrəmanlarımızın fotolarını alver predmetinə çevirməsi kənd sakinləri tərəfindən etirazla qarşılansa da,
kənd ağsaqqalları və ziyalıları bu etirazı alovlanmağa qoymayıb, qarşısını alıblar.
Bildirilir ki, xanım direktorun əri Rüfət Ələkbərli Azərbaycan Respublikası Cinayət Məcəlləsinin (CM) dələduzluq maddəsi ilə həbs edilib.
Xatırladaq ki, hələ 04 noyabr 2022-ci ildə saytımızda “Beyləqanda məktəb direktorunun əri barədə cinayət işi açılıb – Həbsli axtarış verildi” sərlövhəli yazı dərc edilib. Hələ o vaxtı Beyləqan rayon Eyvazalılar tam kənd orta məktəbinə yeni təyin olunmuş xanım direktorunun ərinin barəsində həbsli axtarış elan olunduğunu yazmışdıq.
Həmin vaxt xanım direktor Günel Cavadlının həyat yoldaşı olan Rüfət Ələkbərliyə qarşı Azərbaycan Respublikası CM-nin 178.2.4 və 342-ci (hərbi hissəni özbaşına tərk etmə)maddələri ilə barəsində cinayət işi açılıb və Rüfət Ələkbərli barəsində həbsli axtarış verilmişdir. O, Qarabağ qazisinə 28.000(iyirmi səkkiz min) manatlıq dələduzluq etməkdə iittiham olunurdu. Həmçinin, həmin yazımızda Rüfət Ələkbərli barəsində 26 000 min manat mülki idda barədə məhkəmə qətnaməsinin olduğu da qeyd edilmişdir.
Hər halda əri dələduzluq və hərbi hissəni öz başına tərk etmə maddəsi ilə həbs olunan xanım dirlektordan bundan başqa nəsə gözləmək də olmaz. Görünür, o da ərini həbsdən çıxarmaq üçün Beyləqan şəhidlərinin fotoları üzərində alver etmək qərarını verib.
Qarşı tərəfin mövqeyini dinləməyə və dərc etməyə hazırıq.
RealMedia.az

Ötən yazımızda Dövlət Notariusları və onların rəhbərləri haqqında reportaj hazırlamışdıq. Biz elə bilirdik ki, bu sahədə baş verən özbaşınalıqlardan, bu notariusa rəhbərlik edən şəxslərin xəbəri yoxdur. Hətta, yazıda Ədliyyə Nazirliyinin bu məsələyə cavabdeh olan şəxslərinə müraciət də olunmuşdur. "Biz inanırıq ki, Ədliyyə Naziri cənab Fikrət Məmmədov, Ədliyyə Nazirliyi Qeydiyyat və Notariat Baş İdarəsinin rəisi İlqar Məmmədov, Ədliyyə Nazirliyi Qeydiyyat və Notariat Baş İdarəsinin rəis müavini Mehman Soltanov bu məsələlərə ciddi yanaşaraq, bütün günahkarların cəzalandırılması üçün müvafiq addımlar atacaqlar. Zərərçəkmişin hüquqları tam müdafiə olunacaq".
Sən demə, hər bir notarius gördüyü qeyri-qanuni işə görə, özündən yuxarı rəhbərliyə hesabat verir. Bu hesabatlarda görüləcək işlərin miqyası bildirilir, həm də o da açıq-aşkar göstərilir ki, hansı əməliyyat aparılacaq.
Ötən yazımızda onu da bildirmişdik ki, Binədə yerləşən 31 saylı Dövlət Notariusun rəisi Ramiz Hümmətovla Yevlax şəhərində yerləşən Dövlət Notariusunun rəhbəri Elxan Hüseynovun arasında əvvəlcədən razılaşma olub və bu şəxslər gecə saatlarında xaricdə yaşayan, Azərbaycanda olmayan vətəndaşın adına etibarnamə veriblər. Onu da bildirmişdik ki, bu məsələ Ədliyyə Nazirliyinin Notariat İdarəsinin rəisi İlqar Məmmədov və Mehman Soltanovun nəzarətində olacaq və araşdırılacaq. Ötən yazımızda da bildirmişdik ki, Ramiz Hümmətov və Elxan Hüseynov Ədliyyə Nazirliyində kimlərəsə arxayın olmasalar, belə qeyri-qanuni işlərə imza atmazlar.
Bəli, ötən yazımızda Ramiz Hümmətovun gördüyü qeyri-qanuni işlər haqqında məlumat vermişdik. Onu da bildirmişdik ki, Ramiz Hümmətov, Məmmədli qəsəbəsində qeyri-qanuni yolla əldə etdiyi geniş torpaq sahəsində saldığı fərdi yaşayış evləri kompleksini qəsəbədə icra nümayəndəsinin müavini vəzifəsində işləyən qardaşı oğlu İlkin Hümmətovun adına rəsmiləşdirib. Hələ bunlar harasıdır ? Ramiz Hümmətovun elə əməlləri var ki, oxuyanda adam dəhşətə gəlir. Bu adam vətəndaşın adına olan qanuni avtomobili onun razılığı və imzası olmadan başqasına satıb. Bu əsl möcüzədir.
Bəli, bu saxtakarlıq əməli 31 saylı notariat kontorunun rəhbəri Ramiz Hümmətovun əli ilə həyata keçirilib. Və 31 saylı notariusda avtomobilin alqı-satqısı baş tutub.
İndi gördünüzmü, Ramiz Hümmətov kimilər üçün Azərbaycan qanunları nədir?
Ramiz Hümmətovun gördüyü qeyri-qanuni işlərlə bağlı dünyanın bütün mirzələrini yığıb siyahı hazırlatsaq belə, ona vaxtımız çatmaz.
Ötən yazımızda Suliyeva Nabatın Azərbaycan Respublikası Bakı şəhəri, Nazim Hikmət küçəsi ev 32, mənzil 2-də yaşadığını bildirmişdik. Həm də Suliyeva Nabat Muğan bankda öz adına 100 min manat vəsait qoyduğunu da göstərmişdik. Xaricdə yaşaması ilə əlaqədar olaraq, Nabat xanım öz adından nəvəsi kimi çox istədiyi bir şəxsə etibarnamə də verir. Bu şəxs Nabat xanım üçün həmişə dəyərli və istəkli olaraq qalır. Nabat xanımın həmin şəxsə verdiyi etibarnamə qüvvədə ola-ola nədənsə birdən-birə 31 saylı Notariusun rəisi Ramiz Hümmətov peyda olur. Sonradan necə ola bilər ki, Nabat xanımın başqa bir adama etibarnamə verdiyi bir halda Ramiz Hümmətovun vasitəçiliyi ilə etibarnaməsi olan şəxs axtarılır, Ramiz Hümmətov vəzifəsindən sui istifadə edərək, həmin etibarnaməsi olan şəxsin şəxsi məlumatlarını qeyri-qanuni olaraq, sistemdən əldə edir, hələ bu da azmış kimi həmin şəxslə telefon əlaqəsi yaradaraq, onun başqasına etibarnamə verməsini tələb edir. Gördükdə ki, həmin şəxs bu məsələdən imtina edir, Ramiz Hümmətov işi həmin şəxssiz qeyri-qanuni həyata keçirərək, xarici ölkədə olan Suliyeva Nabatın adından başqa şəxsə etibarnamə yazır. Məsələnin ciddiliyini bax burada nəzərə almaq lazımdır.
09.06.2023-cü ildə gecə saat 23.59-da, Suliyeva Nabatın adından, Hacıyev soyadlı bir şəxsə etibarnamə verilir. Gecə saat 23.59-da, xarici ölkədə yaşayan Suliyeva Nabatın adından verilən etibarnamə, elə həmin saniyə də də sistemə daxil olur, həmin sənəd sistemə daxil olan kimi də təsdiq edilir. Budur, Binə 31 saylı Dövlət Notariusunun rəhbəri Ramiz Hümmətovla, Yevlax rayon Notariusunun rəisi Elxan Hüseynovun qanunsuz əməlləri.
Qeyd edək ki, 81 yaşlı hal-hazırda xarici ölkədə yaşayan Suliyeva Nabat heç bir Mobil Notariat Proqramından istifadə edə bilmir, onunla qanunsuz olaraq, Whatsapp vasitəsilə əlaqə saxlanılıb. Etibarnaməsi olan şəxs isə etibarnamə əlində qalaraq gözləyir. Yevlax rayon notariusu işləyən Hüseynov Elxan İlyas oğlu da Ramiz Hümmətovla bu işdə birgə saxtakarlıq ediblər. İncə məqamlardan biri də odur ki, 31 saylı notariusun rəisi etibarnaməsi olan şəxsə zəng vuraraq, hətta rüşvət də təklif edib. Ramiz Hümbətovun əlimizdə olan səs yazısı bütün məsələlərə aydınlıq gətirmək üçün sübutdur. Muğan bankdan 100 min manat pulun qeyri-qanuni yolla çıxarılmasında əli olan bütün şəxslərin məsuliyyətə cəlb olunması üçün əlimizdən gələni edəcəyik.
Bəli, ötən yazımızda biz qeyd etmişdik ki, məsələ ilə bağlı Ədliyyə Nazirliyi Qeydiyyat və Notariat Baş idarəsinin rəisi İlqar Məmmədov, Ədliyyə Nazirliyi Qeydiyyat və Notariat Baş İdarəsinin rəis müavini Mehman Soltanov bu məsələlərə ciddi yanaşacaq. Sən demə, Mehman Soltanov həm Ramiz Hümmətovu, həm də Elxan Hüseynovu ciddi cəhdlə müdafiə edir. Mehman Soltanovun bu məsələdə nə üçün belə canfəşanlıq etməsi bizim üçün qaranlıq qalan məsələlərdəndir. Bəlkə də burada Gürcüstanda yerləşən "Kazino söhbətləri" rol oynayır. Amma bu gün Ədliyyə Nazirliyi ilə bağlı cənab Prezidentimiz tərəfindən verilən sərəncam Mehman Soltanovlara bir xəbərdarlıq mesajı olmalıdır. Bu haqda növbəti yazımızda. //gundelik-baku.com//

Azərbaycan Respublikasının İqtisadiyyat Nazirliyi Yanında Əmlak Məsələləri Dövlət Xidmətinin rəis müavini Rüstəm Şahbazovun qardaşı oğlu Rəşad Ədalət oğlu Şahbazovun illər sonra əsgəri xidmətindən yayındığı üzə çıxıb.
Bu haqda redaksiyamıza danışan rejissor Orxan Aslan bildirib ki, Rəşad Şahbazov uzun illər Rusiyanın paytaxtı Moskva şəhərində yaşayıb. O, nə Rusiyada, nə də Azərbaycanda hərbi xidmətdə olub. Rəşad Şahbazov Azərbaycana gələrək rüşvət verərək hərbi xidmətdən yayınıb və yararsız hərbi bilet əldə edib.
Hazırda Rəşad Şahbazovla məhkəmə çəkişməsinin davam etdiyini deyən Orxan Aslan, bu məsələlərin hamısın Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsində araşdırıldığını və təsdiq edildiyini cumhuriyyet.az-a bildirib.
İndi Cəlilabad rayonunda özünü “YouTube” kanalı olan “Baş kanal media qrupunun” rəhbəri kimi insanlara təqdim edən Rəşad Şahbazov canlı yayımlarının birində isə o vətənpərvərlik mövzusunda danışmağa cəhd edib və bu vətəni hamımızın sevməli olduğunu bildirib. Bu çıxışlarının ardından onu tanıyanlar bildiriblər ki, adam hərbi xidmətdən yayınıb, vətənə olan borcunu verməyib. Gülünc vəziyyətə düşən Rəşad Şahbazov dərhal həmin çıxışını sosial şəbəkədən silib və xəstə olduğu üçün əsgər getmədiyini bildirib.
Cəlilabadda hektarlarla torpaqları zəbt edən, üzüm bağı salan, icarəyə torpaq verən Rüstəm Şahbazov görəsən niyə qardaşı oğlunu torpağa olan borcunu verməyə göndərə bilməyib? Bununla bağlı cumhuriyyet.az olaraq media üzərindən apardığımız araşdırmalara görə Şahbazovlar rayonda istədikləri torpaq sahəsinə və obyektlərə Rüstəm Şahbazovun sayəsində ağalıq edirlər.
Məlumat üçün qeyd edək ki, Rüstəm Şahbazovun 2 övladı var. Hər ikisi xaricdə təhsil alıblar. Qızı Mərkəzi Bankda işləyir, oğlu isə plastik qapı-pəncərə şirkətini işlədir.
Cəlilabad sakinlərinin yazdığına görə, Rüstəm Şahbazovun qohumları o qədər həddini aşıb ki, onlar ali təhsilli müəlliməni, üç qız və bir oğlan anasını intihar həddinə çatdırıb….
Araşdırmamız davam edir və gələcək yazılarımızda Rəşad Şahbazovun digər qohumlarının da hərbi xidmətə gedib-getməməsini araşdırıb dəyərli oxucularımıza təqdim edəcəyik.

"Moskva" unvermağı kimi tanınan Moskva Ticarət Mərkəzinin icraçı direktoru, qohum-əqrəbası ilə eynən bu gündədi.

Moskva Ticarət Mərkəzindən, özlərini mərkəzin Səhimdarları və icarədarları kimi təqdim edənlərin birinci müraciətinə saytımızda dediklərini dərc etməyimizə baxmayaraq bizdəndə narazı idilər. Əsas tələbləri də o idi ki, onların səsləndirdikləri sərt ittihamları aidiyyatı qurumlara KİV olaraq çatdıraq.
Növbəti görüşümüz narazılıq üzərində qurulsada, əsas səsləndirdikləri ittihamlar olduğu kimi qalırdı. Həm ötəndəfəki görüşümüzdə, həmdə indiki görüşümüzdə səsləndirdikləri problemlər bizi illər öncə rastlaşıb müşahidə etdiyimiz gülməli bir hadisəni yadımıza saldı...
Onuda xüsusi qeyd edim ki, bizimlə görüşən mərkəzin əməkdaşları, bir çox Səhimdarların və icarədarların mərkəzdə yaradılan mövcud idarəetmədən narazılıq edib, hələlik gözləmə mövqeyi seçirək, narazılıqların birtəhər boğurlar. O üzdən də, hələlik adlarının açıqlanmasını istəmirlər. Biz də, KİV olaraq mövcud Konstitusiyaya və qanunlara istinad edərək şikayətçilərin şikayətini, qarşı tərəfdə göndərdiyimiz sorğuya cavab ala bilmədiymizdən verməyə borcluyuq.
Və bir daha vurğulayırıq ki, bu məsələylə bağlı bütün tərəfləri dinləməyə hazırıq...

Maddə 1. Məlumat azadlığı

Azərbaycan Respublikası Konstitusiyasının 50-ci maddəsinə uyğun olaraq hər kəsin istədiyi məlumatı qanuni yolla axtarmaq, əldə etmək, ötürmək, hazırlamaq və yaymaq azadlığı vardır.
Bu Qanunun məqsədləri üçün məlumat dedikdə təqdimat formasından asılı olmayaraq təbiətdə, cəmiyyətdə və dövlətdə baş vermiş hadisələr, proseslər, faktlar və şəxslər haqqında xəbərlər nəzərdə tutulur.

O vaxtlar, özəl, şəxsi mülkiyyətə çevrilmiş inzibati bir binanın bir otağını redaksiyamız üçün icarəyə götürmüşdük. Düzü, rahatlığımız üçün, baxımsızlıq üzündən qapı- pəncərəsi bərbad gündə olan həmin binanın bir otağını öz vəsaitimiz hesabına təmir etdirdik. Yavaş - yavaş qonşu otaqlarda, müxtəlif iş adamları tərəfindən icarəyə götürülüb, bizim kimi təmir etdirdilər.
Binanın sahibi olduğca kök, şişman biri idi. Hər səhər biz icarədarlar işə gələndə, bu şişman müdiri, idarənin həyətində kölgəlikdə, iki metrlik arıq - uzun müavini ilə dayanıb söhbət etdiklərin görürdük. Demək olardı ki, idarə binasının uçub dağılan, yararsız otaqların iş quran adamlar, ürəkləri istədiyi kimi təmir etdirib, binanın içərisini abıra mindirmişdilər. Bu şişman müdürlə, uzun müavin başladılar icarədarlarla kobudluğ etməyə. Yerli, yersiz hamı ilə münaqişə yaradırdılar ki, bezikdirib qaçırsınlar. Bir gün, redaksiya əməkdaşlarından biri, bu, müdir-müavinin etdiklərinin ad çəkmədən satirik qələmlə lətifəyə bənzər bir yazı yazdı. Elə gözəl, orjinal yazı və yazıya uyğun karakatura çəkdirmişdi. Ağacın kölgəsində dayanmış şişman müdirlə, uzun müavin, gözlərini yuvadan çıxan siçana zilləyib bir-birinə deyir. —"Bəlkə siçanı buradan çıxaraq, onun yuvasın " arendaya" verək...? "
Moskva Ticarət Mərkəzinin Səhimdarları və icarədarlarının həyacan təbili çalaraq, KİV olaraq, bizim vaistəmizlə səslərinin dövlət başçısına, hüquq, mühafizə orqanlarına və digər aidiyyatı qurumlara çatdırılması üçün redaksiyamıza ünvanladıqları müraciətləri ötən günləri yadıma saldı.
Səhimdarlar və icarədarlar danışdıqlarından belə aydın oldu ki, hazırda ticarət mərkəzinin icraçı direktoru Xankişiyev Əhməd QSC - in Səhimdarların ümumi səsverməsi ilə seçilməyib. Bu cür "təyinatın" yaratdığı özbaşınalıq, Səhimdarların və icarədarların hüquqlarının məhdudlaşdırılması, daimi basqı, qorxu altında işləmələri onların "səbr kasasını" daşımağa başlayıb. Səhimdarların, icarədarların haqsız yerə incidilməsi, icraçı direktorun qohum-əqrəbalarına, ona yaltaqlıq edən köhnələrə verdiyi geniş səlahiyyət, bu səlahiyyətdən sui - istifadə onları bezdirib. Özbaşına istədikləri yeri kimə istəsələr icarəyə vermək, istədikləri yerin əvvəlki görünüşünü dəyişməklə, illərlə işlədilən yerin kiçiltmək, görünüşünə, reklamlarına xələl gətirməklə insanları işləyib evlərinə apardığı çörəyi də zəhərə çevirirlər. Bu arxayınçılıq, özbaşınalıqların daha geniş vüsət almasına gətirib çıxardıb.
Mərkəzin giriş qapısının üstündəki yukdaşıyıcı konstruksiyaları( 3 tonluq Riqelin) gecə vaxtı sökdürülməsi, icraçı direktorun təmtəraqlı, əvvəlki mühafizə polisinin, mülkü polisə çevrilərək bu gəlişin mühafizəsi, 3 - cü mikrorayon dairəsindən mərkəzin qarşısına qədər səsli-küylü mühafizə zolaqının yaradılması harınlığın, özbaşınalığın görünənidir. İcarəyə verilən yerlərin, zərgərlik məmulatlarının işlənilməsi, bu zaman istifadə olunan kimyəvi maddələrdən istifadəsi olduqca təhlükəli olması belə nəzərə alınmaması onu göstərir ki, bu özbaşınalığa kimsə rəvac verir.
Onuda vurğulayaq ki, bu şikayətçilərin aidiyyatı qurumlara etdikləri şikayətlər ya aidiyyatı qurumlara çatmır və ya kimlərsə bunun qarşısını alır.
İnsanların bu cür incidilməsi, narazı salınması, bir tikə çörək üçün bu qədər iztirablar içinə salınması görəsən kimə lazımdı və nəyə görə edilir...?
Bu özbaşınalıqlara son qoyan biri tapılacaqmı yazıb soruşan Səhimdarlar və icarədarlar haqqları uğrunda mübarizə aparacaqlarını dönə-dönə vurğulayırlar.
P. S: Biz KİV olaraq onların müraciətlərin aidiyyatı qurumlara çatdırmaqla, mövzunu diqqətdə saxlayacağıq.
Qarşı tərəfində mövqeyin dərc etməyə hazırıq. //Azerinfo.media//

Meliorasiya və Su Təsərrüfatı ASC-nin tabeliyində olan Sumqayıt Melioservis İdarəsinin dövlətə külli miqdarda vergi borcunun olması və iki tenderdə qalib seçilməsi barədə xəbər vermişdik.

Buna baxmayaraq adıçəkilən idarə növbəti dəfə tenderin qalibi olub.

DİA.AZ-ın 32gun.az-a istinadən məlumatına görə, hazırki vergi borcu 194 min manat (194518.81ZN) olan idarə bu dəfə Ağdaş suvarma sistemləri idarəsinin elan etdiyi torpaq məcralı Komsomol kanalının (PK00+00-PK78+00, L=7,8 km) beton üzlüyə alınması və üzərindəki qurğularların əsaslı təmiri işlərinin satın alınması tenderind qalib olub.

Bu tender üçün üçün qalibə 141.441,86 AZN ödəniləcək.

Qeyd edək ki, külli midarda vergi borcu olan Sumqayıt Melioservis İdarəsi Samux suvarma sistemləri idarəsinin Torpaq məcralı Allahdad kanalının (PK 30+70-PK 65+70, L= 3,5km) beton üzlüyə alınması, üzərindəki qurğularla birlikdə təmiri işlərinin satınalınması ilə bağlı tenderdə qalib seçilərək 94.608,24 AZN qazanıb.

Bundan sonra idarə bu dəfə Quba suvarma sistemləri idarəsinin elan etdiyi Suvarma kanallarının lildən təmizlənməsi,daşqın və selə qarşı mübarizə üçün çay məcralarının tənzimlənməsi üzrə tenderdə qalib olub. Bu tender üçün qaliblə 92.004,6 AZN-lik müqavilə imzalanıb.

Xatırladaq ki, “Dövlət satınalmaları haqqında” Qanun vergi borcu olan şirkətlərin, şəxsin tenderdə iştirakını qadağan edir.

Azərbaycanda rəsmi qurumların nağdsız ödənişləri təbliğ etdiyi aydın olsa da, buna qarşı aşkar müqavimət göstərənlər də var. DİA.AZ bildirir ki, belə qurumlardan biri də LukOil YDM-ləridir. Artıq neçənci dəfədir ki, müştəriləri bu YDM-lərdə kartla alış-verişə süni əngəl yaradılmasından gileylənir. Bu qəbildən olan növbəti şikayəti təqdim edirik.

"Bu Lukoil-dən hər cürə fırıldaq gördük də". DİA.AZ bildirir ki, bu barədə "Müştərinin Səsi" sosial qrupundakı paylaşımında Elçin Həsənov adlı istifadəçi giley edir.

Narazı vətəndaş daha sonra yazır: "Gecə saat birdi." Sədərək" TM-yə gedən yoldakı "zapravka"ya girmişəm. İşçi soruşdu ki, kartla ödəyəcəksiniz... deyrəm, hə.. dedi, kart işləmir.

Əsəbləşdim ki, işləmir nədi... Badamdardan düşmüşəm o boyda yolu benzin vurmağa... kart işləmir deyirsən.

Tərslikdən məndə də nağd yoxdu. Dedim, məndə də benzin yoxdu, maşın qalacaq burda.

2 dəqiqədən sonra gəldi ki, vur kartla yaxşı...

Demək kartla ödəniş qəbul etməməkdə məqsəd başqadı... Belə başa düşürəm..."

İddia olunanlarla bağlı olaraq qarşı tərəfi də dinləməyə hazırıq...