“5 saylı Şəhər Klinik Xəstəxanasında İcbari Tibbi Sığorta paketinə daxil olan MRT müayinəni bizə pulla satdılar”.

Bunu Meydan TV-yə Camal Şabanov adlı vətəndaş deyir.

O bildirir ki, iyunun 13-də beyin qan dövranı pozğunluğu diaqnozu ilə 5 saylı Şəhər Klinik Xəstəxanasına yerləşdirilib.

İlkin müayinə zamanı ona Maqnit Rezonans Tomoqrafiyadan (MRT) keçmək lazım olduğunu bildiriblər:

“Xəstəxanada mənimlə rüşvət davasına çıxdılar. Dedilər ki, səni tibbi sığorta ilə MRT-yə göndərməliyik. Göndərmək istəmirdilər, pul gözləyirdilər. Sığorta ilə olan MRT müayinəni oğluma pulla satdılar. Oğlum polisə şikayət edəcəyini dedi. Qorxudan pulu geri qaytardılar. Oğlum hay-küy saldı ki, atama kömək edin. Dedilər ki, atanı taksiyə qoy, “Həyat” klinikasına apar, orada MRT müayinədən keçsin”.

“Oğlum polisə şikayət edəcəyini deyəndən sonra məni axşam saat 6-dan sonra Təcili Yardıma maşınına qoyub, silkələyə-silkələyə “Həyat” klinikasına apardılar. Ora çatanda məlum oldu ki, MRT edən işçi saat 5-də evinə gedib. Təzədən məni maşına qoyub silkələyə-silkələyə 5 nömrəliyə qaytardılar. Qulağımla eşitdim, məni maşından düşürəndə, Təcili Tibbi yardım maşınının sürücüsü dedi ki, bu sağ qaldı ki. Anladım ki, bunun hamısı baş həkimin oyunlarıdır”, – deyə o bildirib.

Camal Şabanov iddia edir ki, xəstəxanada həm də antisanitariya baş alıb gedir:

“Təsəvvür edin, palatada siçovullar qaçırdı. Ziyarətimə gələn qohumlarımdan rüşvət alıb, sonra yanıma buraxırdılar. Orada bir gün qaldım, növbəti gün ərizə yazıb, özüm oradan qaçdım. Baş həkim özünü elə aparır, sanki padşahdır. Bu cür vəziyyəti o, yaradıb. Rüşvətxorluğu o yaradıb”.

Məsələ ilə əlaqədar Meydan TV-nin göndərdiyi sorğunu 5 saylı Şəhər Klinik Xəstəxanasının mətbuat xidməti cavabsız buraxıb.

MRT və KT müayinəsi icbari tibbi sığorta icbari sığorta zərfinə daxildir. //Meydan TV//

Cəlilabad rayonu, M.P.Vaqif küçəsinin sakini Həsənov Umudəli Murtuz oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, onun qaz xətti qanunsuz kəsilib:

"Mən, Həsənov Umudəli Murtuz oğlu, yazaraq sizdən xahiş edirəm ki, problemimi işıqlandırasınız.

1991-ci ildə yaşadığım ünvana təbii qaz xətti çəkdirmişdim. Ölkənin vəziyyəti ilə əlaqədar qaz kəsildi.

2012-ci ildə qaz xətti yenidən bərpa olundu və köhnə abonentlərin hər biri bu xəttə qoşuldu. Bizim evdən başqa bütün ünvanlar qazla təmin olundu. Heç bir yer maraqlanmır, şikayətimə baxılmır. Sualım cavabsız qalıb".

Şikayətçinin redaksiyamıza göndərdiyi video müraciəti təqdim edirik:


Redaksiydan: Yazıda adları qeyd olunan şəxslərin mövqeyini dərc etməyə hazırıq.

Azərbaycan Dillər Universitetinin İstehlakyönlü müxtəlif xidmətləri ( katriclərin doldurulması) ilə bağlı elan etdiyi tender başa çatıb.

Tenderin qalibi "Azimut Təchizat" MMC olaraq 24.658,46 AZN qazanıb.

Əldə etdiyimiz məlumata görə, Azimut Təchizat MMC-nin hazırda dövlətə 9 min manata yaxn vergi borcu mövcuddur.

Adıçəkilən şirkətin nizamnamə kapitalı 20 AZN, qanuni təmsilçisi isə GÜLNARƏ CƏFƏROVA ZAİR QIZIdır.

Xatırladaq ki, “Dövlət satınalmaları haqqında” Qanun vergi borcu olan şirkətlərin, şəxsin tenderdə iştirakını qadağan edir.

Bildirək ki, Azərbaycan Dillər Universitetinin rektoru, akademik Kamal Abdulladır.32gun.az