Ucar rayon sakinləri tərəfindən

ŞİKAYƏT

Yevlax rayonlararası Qeydiyyat İmtahan və Texnixi Baxış Şöbəsində əməlli başlı bazar açılıb. Digər meroqailərələ müqayisədə burada qiymətlər kəllə-çarxa çıxıb.Buna görə bura gələn rayonların sakinləri soyulurlar çox əziyyət çəkirik.
Bu vəziyyət isə Yevlax rayonlararası Qeydiyyat İmtahan və Texnixi Baxış Şöbəsinə Cavanşir Vəliyev rəis təyin olunandan sonra baş verdi.Adam deyir ki, burada mən Bağdadda kor xəlifə.
Sürücülük vəsiqəsi almaq üçün 1400 manat rüşvət verilməlidir, avtomobilin qeydiyyatı 600 manat, texniki baxış kiçik avtomobillər 100, yük maşınları 200 manat edilir.Nömrə, sürücülük vəsiqəsinin dəyişdirlməsi 200-300 arası.
Texniki baxışdan avtomobil gətirilmədən keçirmək üçün kişik avtomobillər 200 böyüklər isə 400 manat təşkil edir.
Yevlax rayonlararası Qeydiyyat İmtahan və Texnixi Baxış Şöbəsinin rəisi Cavanşir Vəliyevin milyonlarla manat dəyərində olan malikanələri, ticarət obyektləri, yanacaq doldurma məntəqəsi, şadlıq evi və bahalı avtomobilləri var.Təkcə Bakı şəhərində 14 yerdə mənzili, Qəbələdə, Qaxda, Qubada və Göyçayda villası var.Cavanşir Vəliyev əslən Göyçayın Qarabaqqal kəndindəndir.İki böyük mal-qoyun ferması var ki, hər birində 3000 baş qoyun və inəklər saxlanılır.

Yevlax rayonlararası Qeydiyyat İmtahan və Texnixi Baxış Şöbəsinə gedən şəxsləri ilk olaraq Cavanşir Vəliyevin özü ilə Göyçaydan gətirdiyi dəllallar qarşılayır.Qiyməti onlar oxuyub pulu alıb korrupsiya əməliyyatını həyata keçirirlər.
Rüsumların həddən artıq şişirdilməsinə etiraz edənlərin isə avtomobilllərinə qanunsuz əngəllər yaradırlar.Gah deyilr ki, mühərrik nömrəsi düz deyil, avtomobilin ban nömrəsi dəyişdirilib, rəngi düz gəlmir maşında şübhə var.Bu yolla avam insanları aldadıb istədikləri pulu ala bilirlər.Cavanşir Vəliyev sanki dövlət idarəsini özəlləşdirib bazar edibdir.
Vətəndaşlar çox əziyyət çəkirlər və açıqca şəkildə soyulurlar.
Azərbaycan Respublikasının Daxili İşlər Nazirliyində yüksək nizam-intiza olduğu halda Cavanşir Vəliyevin dövlət idarəsini bazara döndərməsi yolverilməz bir haldır.
Hörmətli Nazir cənab Vilayət Eyvazovdan xahiş edirik bu problemə diqqət edib Cavanşir Vəliyev barədə tədbirlər görsün.

İmza; Əliyev Zaur Qorxmaz oğlu
Cəbrayılov Tural Malik oğlu
Seyidov Sadiq Əhməd oğlu
Babayev Akif Gülağa oğlu
Məmmədov Rasim Kamil oğlu
Əhmədov Cavid Nazim oğlu
Qasımov Qabil Mobil oğlu

Teref.az

Bir iki gün öncə, iyunun 29-da gecə saat 21-22 radələrində Muğanlı İsmayıllı yolunda qəfil çökmə baş vermiş, dərin yarğan əmələ gəlmişdir. Nəticədə regionlardan Bakı istiqamətinə gələn bütün avtomobillərin hərəkəti dayandırılmış və onlara alternativ yoldan istifadə etmələri tövsiyə olunmuşdur. Hadisə yerindən paylaşılan video və fotolardan da aydın görünür ki, dağ hissədə olan yolun çəkilişi zamanı ən adı bir inşaat normalarına belə əməl edilməmiş və nəticədə insanların həyatı təhlükə altına düşmüşdür. Fotlordan da göründüyü kimi iki hissəyə bölünən yolun alt qatında demək olar ki, yol yatağı yox dərəcəsindədir. Sürüşmə zonası olmasına baxmayaraq yol kənarlarında heç bir dəmir-beton konstruksiya işləri görülməmişdir. Asfaltın üst hissələri yamaq yamaqdır. Yaxşı ki, 2022-ci ilin avqust ayında dövlət başçısı cənab president şəxsən idarə etdiyi avtomobillə İsmayıllı rayonun Basqal kəndində istifadəyə verilmiş yeni otel binasının açılışına getdiyi zaman bu hadisə baş verməmişdir. Deməli, o anlama gəlirik ki, hətta prezidentin getdiyi bu yolun keyfiyyət göstəricisi o qədər aşağıdır ki, burden tam əminliklə istifadə etmək hər bir Azərbaycan vətəndaşı üşün real təhlükə törədə bilər. Bütün bunlara baxmayaraq ATF- rəhbərliyinin bu günə qədər istifadəyə verdiyi yolların hər bir hissəsi təhlükə mənbəyi hesab oluna bilər. Məlumatlı mənbələrin verdiyi məlumatlarda bildirilir ki, ATF 17 saylı Yol İstismar İdarəsi MMC-nin dövlətə məxsus texnikalarından istifadə etməklə dövlət sifarişlərini normativlərə uyğun olmadan yerinə yetirir. Elə iki gün əvvəl Göyçay rayonunda sel suları yenə bir körpünün ciddi zədələnməsinə səbəb olmuşdur. Məlumat dərhal ATF əməkdaşları tərəfindən aradan qaldırılmışdır.
Apardığımız araşdırma zamanı məlum olmuşdur ki, həmin ərazidə yolların çəkilişi ATF MMC tərəfindən həyata keçirilmişdir. Son illərdə ATF şirkətinin zonada sənədli və sənədsiz ( yəni, tender keçirilmədən) yol çəkilişləri zamanı gördüyü işlərin nə dərəcə keyfiyyətsiz olması barədə yerli mətbuatda kifayət qədər məlumatlar getsə də, sifarişçi təşkilat hesab edilən Azərbaycan Avtomobil Yolları Dövlət Agentliyi rəhbərliyi qeyd edilənləri qulaqardına vurararq Muradov qardaşlarına tendersiz –filansız bütün şəraiti yaradır ki, bunlar da qanunsuz yollarla əldə etdikləri gəlirlərini astornomik rəqəmlərlə artıra bilsinlər.
Xatırladaq ki, 2018-ci ilin İyun ayının 2-də Göyçayda baş vermiş güclü leysan zamanı Bakı-Şamaxı-Yevlax yolunun 217-ci kilometrində Göyçay çayı üzərində yerləşən körpü qum-çınqıl yataqlarında aparılan qanunsuz istismar işləri səbəbindən uçaraq yararsız vəziyyətə düşüb, nəticədə dövlətə 3 milyon manatdan artıq ziyan dəymişdir.

Göyçayda sel körpünü uçurur

Bununla əlaqədar Azərbaycan Respublikasının Prezidenti İlham Əliyevin tapşırığına əsasən ayrı-ayrı şəhər və rayonlarda fəaliyyət göstərən 250-yə yaxın qum-çınqıl karxanasından 81-də monitorinq aparılmışdır.

Aşkarlanan qanunsuzluqlarla bağlı toplanılıb materiallar əsasında Azərbaycan Respublikasının Baş Prokurorluğunda Cinayət Məcəlləsinin 192-ci (qanunsuz sahibkarlıq), 255-ci (yerin təkinin qorunması və istifadəsi qaydalarını pozma) və 308-ci (vəzifə səlahiyyətlərindən sui-istifadə) maddələri ilə cinayət işləri başlanılıb, eləcə də hüquq mühafizə orqanlarının təcrübəli əməkdaşlarından və aidiyyəti dövlət qurumlarının mütəxəssislərindən ibarət istintaq-əməliyyat qrupları yaradılaraq təxirəsalınmaz tədbirlər həyata keçirilmişdir.

Hələ 5 il öncə göstərilən hüquqazidd əməllərə yol verdiklərinə görə “ATF” MMC-nin təsisçisi və faktiki rəhbəri Fəxrəddin Muradov, “Azpod” MMC-nin qum-çınqıl zavodunun direktoru Nəcməddin Əliyev, “Elnicat” MMC-nin direktoru Bəhruz Sadayev, “Titanik-5” MMC-nin təsisçisi və faktiki rəhbəri Şahin Məmmədov, fiziki şəxslər Natiq Zakirov, Nazim Qasımov, Nəriman Yəhyayev Cinayət Məcəlləsinin müxtəlif maddələri ilə təqsirləndirilən şəxs qismində cəlb edilərək məhkəmənin qərarı ilə həbs olunublar.

Lakin o vaxt “ATF” MMC –nin təsisçisi Fəxrəddin Muradovun cəzalanmasına baxmayaraq bu MMC indi də öz keyfiyyətsiz işlərinin nəticəsini ictimaiyyətimiz gündəlik həyatlarında seyr etmək məcburiyyətində qalmaqdadır. 17 saylı Yİİ-nin rəhbərliyinə gətirililən Təbriz Muradovun 27 yaşlı oğlu Tehran Muradov isə yol işçisi olmasa da formal olaraq idarəni əmilərinin köməkliyilə idarə etməkdə və dövlətin hesabına yaxşıca pul qazanmaqdadırlar. Verilən məlumata görə “ATF” MMC-nin rəhbərliyi AAYDA şefinə o qədər arxayındırlar ki, tikdikləri körpülər, çəkdikləri yolların hamısı istər təbiət hadisələri, istərsə də durduğu yerdə dağılsalar da veclərinə deyil. Çünki, arxalandıqları rəhbərlər onlara cəzasızkıq mühitində yaşadıqlarına və dövlətin yolların çəkilməsi üçün ayırdığı milyonlar hesabına pul qazanmaqlarına tam zəmanət vermişdir.
İfadetv.com-un araşdırma qrupu

"Bir aydan çoxdur "World telecom"dan telefon almışam". DİA.AZ bildirir ki, bu barədə "Müştərinin Səsi" sosial qrupundakı paylaşımında Sevinc Əhmədzadə adlı istifadəçi giley edir.

Narazı vətəndaş daha sonra yazır: "ƏDV hələ geri qayıtmayıb. Gözləmə statusundadır. Hara müraciət edə bilərəm?"

DİA.AZ bildirir ki, `World Telecom`dan anoloji şikayətlərin sayı durmadan artmaqdadır. Bu isə ortaya şübhəli məqamlar çıxarır. Hər halda bizim anladığımız budur...

Məsələ ilə bağlı olaraq qarşı tərəfi də dinləməyə hazırıq...

“Bələdiyyə kimdir, qələt edir, ən ağır cəriməni itələyin, getsin”
Bu nalayiq fikirləri ifadə edən Mingəçevir Ekologiya – 8 saylı Regional Ekologiya və Təbii Sərvətlər İdarəsinə 1 həftə əvvəl 3 ay müddətinə müvəqqəti olaraq rəis təyin olunmuş Məcidov Asif Arif oğlu bu gün təşkil olunmuş təmizlik aksiyasında sözün əsl mənasında iştirakçılara və Göyçay Bələdiyyəsinə qarşı hörmətsizlik nümayiş etdirdi.
Gözlənti bu idi ki, rəis hesab edilən şəxs aksiya ilə bağlı iştirak edən şəxslərə təşəkkür edib, onlara minnətdarlığını bildirəcək. Ən azından ona görə ki, təşəbbüs və təşkilatçılıq onların idarəsinin adına bağlı olsa da, işin texniki tərəfində Göyçay Rayon İcra Hakimiyyəti nin dəstəyindən, digər təşkilatlarından isə fiziki əməyindən yararlanmış olmuşdular. Amma rəis nəinki, minnətdarlıq etdi, hətta Göyçay Bələdiyyəsinin sədrinə elə bir tərzdə hədə nümayiş etdirdi ki, sanki “qanun adı altında cəlladlıq” edəcəyini qəsd edirdi. Guya A. Məcidov vətəndaşların əraziyə atacaqları zibil tullantılarına görə bələdiyyəni külli miqdarda cərimə edəcəkmiş, həmçinin ərazinin təmizlənməsinə görə şəhər bələdiyyəsinə 1 həftə müddət də qoymuş oldu… Bu azmış kimi A. Məcidov öz əməkdaşlarına tapsırıqlarını verərkən “bələdiyyə kimdir, qələt edirlər, ən ağır cəriməni itələyin, getsin” nalayiq fikrini səsləndirib. Bu halda onlara yaxın çoxlu sayda insanın diqqətini çəkib.
Görəsən, A. Məcidov bilirmi ki, bərk və məişət tullantilarının yerinin müəyyən edilməsi və daşınmasına görə Göyçay Bələdiyyəsi əhaliyə hansısa xidmət göstərmir? Buna görə müvafiq qurumlar var, onlar da vəzifələrini yetərincə icra edirlər. Bundan əlavə O, “sözgəlişi ünvanladığı cərimə” mesajını İnzibati Xətalar Məcəlləsinin cəza nəzərdə tutan harasına uyğunlaşdırıb? Həmçinin onun təkidlə verdiyi 1 həftəlik müddət bitsə, nə olacaq, kimə nə cəzası gözlənilir…?
Qeyd edim ki, Ekologiya və Təbii Sərvətlər Nazirliyi normal davranış kodeksini bacarmayan birini belə bir əhəmiyyətli regional idarəyə rəhbər göndərməklə, tarixi səhvə imza atıb. Onların nəzarət etdikləri ərazilərdə heç bir qurum “loxluq”la idarə olunmur, nə də cahiliyyat yaşanmır.
Şəxsən mən, həmin rəisi “suya yaş salıb, quru çıxaracaq” qədər bilik və bacarıqlarlara malik biriyəm. Odur ki, ona tövsiyyə edirəm, sadə vətəndaşlardan vəzifəlilərə qədər münaibətlərində davranışlarına diqqət etsin, etməyə borcludur da, əksini heç təsəvvür edə bilmirəm.
Taleh Xasməmmədov
RealMedia.az

13 ildir Elmi-Tədqiqat Travmatologiya və Ortopediya İnstitutunda tibb bacısı kimi çalışan Mikayılova Lalə Ayaz qızı Azinforum.az İnformasiya Portalına videomüraciət formasında şikayət edib. O, bildirib ki, may ayının 13-də gecə növbəsindən çıxıb, növbəni təhvil verərkən İnstitutun rəhbərliyi tərəfindən onun dolabında axtarış aparılıb. Belə qərara gəlinib ki, tibb bacısı özünə məxsus dolabda lazımsız tibbi preparatlar və dərmanlar saxlayır. Bunun əsas gətirərək Mikayılova Lalə töhmətlə cəzalandırıb, işlədiyi “Travma” şöbəsinin gecə növbəsindən, “Ortopediya” şöbəsinin gündüz növbəsinə keçirilib. Şikayətçi bununla razılaşmır və bildirir ki, onlara qarşı bütün bu təzyiqlər Əkbərov Şahin Bəylər oğlunun İnstituta direktor təyinatından sonra başlayıb: “Çünki biz onun bir çox qanunsuz göstərişlərini yerinə yetirmirdik. Əgər mən oğurluq etmişəmsə, niyə bu barədə polisə məlumat verilməyib? Mən 13 ildir qüsursuz xidmət etmişəm. Pandemiya və 44 günlük müharibə zamanı var gücümlə çalışmışam. Ölkə rəhbərliyindən xahiş edirəm ki, Şahin Əkbərovun bu özbaşınalığına son qoyulmasına göstəriş versinlər”.

Qeyd edək ki, eyni aqibəti 10 ildir həmin İnstitutda işləyən şikayətçinin doğma bacısı Bayramova Jalə Ayaz qızı da yaşayıb. İnstitut rəhbərliyi onu da işlədiyi şöbədən digərinə, gecədən gündüz növbəsinə keçirib. Şikayətçi bacılar barələrində atılan bu addımın şəxsi prinsipdən qaynaqlandığımı deyirlər.

Azinforum.az olaraq, səslənən ittihamlarla bağlı Elmi-Tədqiqat Travmatologiya və Ortopediya İnstitutunun direktoru Şahin Əkbərovla əlaqə saxladıq. O, saytımıza açıqlamasında bildirdi ki, bacılarıla bağlı görülən tədbirin əsaslı səbəbi olub: “Onların dolabında lazımsız tibbi ləvazimatlar aşkarlanıb. Həmin dəriman və ləvazimatlar orada saxlana bilməzdi. Bütün bu hallar şöbənin müdiri və digər əməkdaşların iştirakı ilə sənədləşdirilib. Onlarla hətta humanizm çərçivəsində davranılaraq, eyni əmək haqqı ilə başqa şöbəyə işə keçiriliblər. Gedib hər yerə şikayət edirlər. Hamısına da cavablar vermişik. Biz heç bir qanunsuzluq etməmişik”.

Redaksiyadan: Hər iki tərəfi dinlədikən sonra ortaya maraqlı detallar çıxır. İnstitut rəhbərliyinin imzası ilə verilən rəsmi əmrdə yazılıb ki, tibb bacıları əmək fəaliyyətlərini lazımınca yerinə yetirə bilməyiblər, xəstələrlə bağlı təyinatdan kənar olan müalicələr aparıblar, öz dolablarında qadağan olunan tibbi ləvazimatlar saxlayıblar. Bu əmrin doğruluğuna inansaq, onda sual olunur: niyə Şahin həkim bu bacıların işdən azad edilməsi ilə bağlı qərar verməyib? Onları başqa şöbəyə keçirməklə, bacıların əməllərini orda da davam etdilməsini istəyir? Dolabda xəstəxanadan oğurlanan dərmanlar aşkar edilibsə, niyə bu barədə əlaqədar hüquq-mühafizə orqanlarına şikayət edilməyib? Bütün bunları təhlil edəndə, maraqlı qənaət hasil olur. Görünən budur ki, tərəflər arasında duran ziddiyyətin kökləri daha dərindir və rəsmiləşdirilən müddəalar formal xarakter daşıyır. Məhz bu səbəbdən də direktor bacılarla yollarını əbədi ayırmaqdan ehtiyat edir. Məhz buna görə də, bu halın araşdırılmasını İnstutut rəhbərliyinin öhdəsinə buraxmaq olmaz. Mütləq mənada, Səhiyyə Nazirliyi və əlaqədar hüquq-mühafizə qurumları həmin İnstututda bu halın araşdırılmasına başlamalıdır. Uzun illər həmin İnstutuda çalışan iki bacının eyni vaxtda, eyni ittihamla cəzalandırılması maraqlı suallar doğurur. Direktorun bu bacılarla bölüşə bilmədiyi nədir ki, əvvələr çox yaxşı münasibətləri olduğu, hətta dəfələrlə yaxşı xidmətlərinə görə təltif etdiyi işçilərə indi verilən töhməti İnstitutun “Şətəf Löhvəsi”- ndən asmağı zəruri bildi? Niyə direktor tibb bacılarının nöqsanlarını məhz 13 ildən sonra görüb, onları cəzalandırmaq qərarına gəldi? Suallar çoxdur. Azinforum.az hər iki tərəfin mövqeyinin əks edildiyi videomaterialı təqdim edir. Mövzunu diqqətimizdə saxlayacayıq…