Bakıda Nəsimi rayonu ərazisində "Kubinka" adlanan ərazidə aparılan söküntü işləri ilə bağlı problem yaranıb.

Buna səbəb yerli sakinlərin sökülən evləri qarşılığında daha çox kompensasiya tələb etməsidir.

Belə ki, söküntünü icra edən şirkət sakinlərlə 3 min manat kompensasiya məbləğində razılaşıb. Bir çox sakin də bu təklifi qəbul edərək razılıq ərizəsi imzalayb. Lakin bəzi sakinlər kompensasiya məbləğinin artırılaraq 3500 manat olmasını tələb ediblər. Bundan sonra isə şirkət həm söküntü işlərini, həm də kompensasiya verilməsini dayandırıb.

Qeyd edək ki, Nazirlər Kabinetinin qərarına əsasən, hazırda "Kubinka”da pilot layihə çərçivəsində hissə-hissə söküntü işləri aparılır, artıq 4 iri layihə icra olunaraq yekunlaşmaq üzrədir. Sökülən evlərə kompensasiya ödənilməsi isə bu ərazidə tikinti işləri aparan şirkətlərlə sakinlər arasında razılaşdırılır.

Kompensasiya istəyən şəxslərə yerində ödəniş edilir, mənzil istəyən sakinlərə isə 20 kvadrat metr əlavə sahəsi olan mənzil təklif olunur.Baku.ws

Azərbaycanda büdcədən maliyyələşən bir çox təşkilatların sifarişçi olduqları dövlət satınalmaları və xərclərinin şişirdilməsi barədə mətbuatda dəfələrlə yazılıb.

Dövlət vəsaitlərinin izafi xərclənməsi, görülən işlərin smetalarının şişirdilməsi və müxtəlif adlar altında mənimsənilməsi daha çox təhsil sahəsində fəaliyyət göstərən qurumlarda baş verir.

Qlobal.az-ın əldə etdiyi məlumata görə xərcləri şişirdilən, büdcədənkənar vəsaitləri təkrar işlər üzrə sənədlərdə xərcləyən təşkilatlardan biri də Astara Pedoqoji Kollecidir.

Saxta MMC-lərlə “əməkdaşlıq”

Qeyd edək ki, Astara Pedoqoji Kolleci 2019-cu ildən indiyədək xeyli sayda dövlət satınalmaları keçirib.

Kollecin “Abadlıq xidməti”, “cari təmir” lotları üzrə əməkdaşlıq etdiyi şirkətlər fəaliyyət profilləri bəlli olmayan, dövlət satınalmalarında qaranlıq məqsədlərlə istifadə olunan təşkilatlar olub.

Məsələn, Astara Pedoqoji Kollecinin 2019-cu ildə 43.950 manatlıq sifariş verdiyi “R AND X” Məhdud Məsuliyyətli Cəmiyyəti barədə heç bir məlumat yoxdur. Bu şirkətin “otkad” məqsədi ilə yaradıldığı, dövlət satınalmalarında sifarişçi olan təşkilatlarla “otkad” etdiyi vurğulanır.

“R AND X” Məhdud Məsuliyyətli Cəmiyyətinin hazırda dövlətə olan vergi borcu 4 milyon manatdan artıqdır. Bu isə şirkət haqqında olan iddiaları daha da gücləndirir.

Astara Pedoqoji Kollecinin digər satınalmaalrında qalib elan etdiyi təşkilatlar da “R AND X” MMC kimi qaranlıq fəaliyyətlə məşğuldurlar.

Bu şirkətlərin – “Həsənzadə -2012” və “S,M,K” MMC-lərin fəaliyyət profilləri barədə məlumat yoxdur.

Həmçinin bu şirkətlərin də dövlətə külli miqdarda vergi borcu var.

Kollecdə büdcədənkənar vəsaitlər hansı adla silinir?

Astara Pedoqoji Kollecinin büdcədənkənar vəsaitləri müxtəlif adlar altında mənimsənildiyi bildirilir.

Abadlıq işləri, inventarların və təsərrüfat mallarının alınması istiqamətində xərclər şişirdilir, əksər hallarda isə ümumiyyətlə alınmır.

Kolleclə bağlı iddialardan biri isə xeyli sayda texniki və təsərrüfat sahəsində çalışan işçilərin işə gəlmədiyi, kollecdə bu yönümlü işləri bir neçə işçinin görməsidir.

Qeyd edək ki, Astara Pedoqoji Kollecinin direktoru Ağababa İbrahimovdur.

O, 2017 –ci ilin fevralın 1-dən Astara Pedaqoji Kollecinə rəhbərlik edir.

Qarşı tərəf məsələyə mövqe bildirmədi. //Qlobal.az//

Azərbaycan Respublikasının Prezidenti İlham Əliyev və birinci xanım Mehriban Əliyeva aprelin 18-də Neftçala rayonuna səfər ediblər.

Dövlətimizin başçısı və birinci xanım Neftçala şəhərində Ulu Öndər Heydər Əliyevin abidəsini ziyarət ediblər.

Prezident İlham Əliyev və Mehriban xanım Əliyeva Ümummilli Lider Heydər Əliyevin xatirəsini ehtiramla anıb, abidəsi önünə gül dəstələri qoyublar.

***

Azərbaycan Respublikasının Prezidenti İlham Əliyev və birinci xanım Mehriban Əliyeva aprelin 18-də Neftçala Olimpiya İdman Kompleksinin açılışında iştirak ediblər.

***

Azərbaycan Respublikasının Prezidenti İlham Əliyev aprelin 18-də Neftçala-Kürkənd-2 nömrəli Mayak avtomobil yolunun yenidənqurmadan sonra açılışında iştirak edib.

Bakının Nizami rayonu, “Qara Qarayev” metrostansiyasının yaxınlığında “Orbita” MTK-ya məxsus binada çat yaranıb.

DİA.AZ Pravda.az-a istinadla xəbər verir ki, bu barədə bloqer Saleh Nəsirov video paylaşıb.

Bildirilib ki, ərazidə kran işləyir.

Sosial şəbəkələrdə paylaşılan videoya şərh yazan istifadəçilər binanın yenidən yoxlanması üçün çağırış ediblər.

Şirkətin rəsmi saytındakı telefon nömrələrinə zəng edilsə də, cavab verilməyib (Pravda.az).

DİA.AZ xatırladır ki, buna qədər "Kristal Abşeron"a aid binalar ortadan çat vermişdi... Və sözügedən şirkət çat yerinin üstünü sıvamaqla vəziyyətdən çıxmış kimi göründü.

Aşağıda təqdim edəcəyimiz video-dan aydın olur ki, "Orbita" MTK da eyno yöntəmlə problemi yoluan qoymağa çalışır...

Normalda isə vətəndaşlar ilk növbədə çat verən binada evakuasiya olunmalıdır. Bu hal isə nə "Kristal Abşeron"un çat verən binalarında, nə də "Orbita MTK"nn binasında müşahidə olunmadı və olunmur da...

Qarşı tərəfin mövqeyini dərc etməyə hazırıq!

[media=Pravda.az]

Babək prospektində yerləşən maşın bazarının rəhbərliyi sahibkara 100 min manata yaxın zərər vurub.

DİA.AZ bildirir ki, bu iddia ilə Yenicag.az-a şikayətçi Ümidli Ümid Firudin oğlu müraciət edib.

Şikayətçinin sözlərinə görə, 10 il maşın bazarında işləyib, həmin müddətdə onlara heç bir ödənişə görə sənəd verilməyib:

“Bazar rəhbərliyi hər ay məndən 2175 AZN arenda pulu alırdı. Ancaq rəsmi ödəniş olaraq dövlətə 225 manat göstərilib. Bazar rəhbərliyi hər ay sahibkarlardan 1900 manatdan çox pul alıb, vergi orqanlarından da o qədər pul almasını gizlədib. Bir sahibkar var, ona 225 manat ödəniş edildiyi barədə qəbz veriblər. Yeri gəlmişkən, həmin şəxs də bazar rəhbərliyindən şikayətçidir.

Vergi məndən 270 manat rüsum alırdı. 2 mağazam var idi. Ancaq bir qapısı olduğu üçün elə bir kassa ilə 2 mağazaya görə vergi verirdim. Onun da qəbzini vermirdilər. Pandemiya vaxtı prezidentin sərəncamı ilə sahibkarlara dəstək edilirdi. 270 manat vergi verirdim, ancaq mənə 2 dəfə olmaqla hər dəfəsində 330 manat pul verildi. Bazarda camaat narazılıq edəndən sonra vergini 120 manata endirdilər. Sonra vergini 140 manata qadırdılar. Maraqlanmışam, indi vergi 165 manatdır. O bazarda heç bir ödənişə görə qəbz verilməyib.

Bazar Rasim Salmanova məxsusdur. Pandemiya vaxtı bazar 20 gün bağlı olsa da, bazar rəhbərliyi tərəfindən həmin günlərin də pulunu sahibkarlardan aldılar”.

Ümidli Ümid bildirib ki, onun və onun kimi bir neçə sahibkarın tələbi bazar rəhbərliyinin 10 il müddətində onları aldadıb 100 min manata yaxın vurduğu ziyanı qaytarmasıdır:

“Bununla bağlı Prezident Administrasiyasına, Nazirlər Kabinetinə, İqtisadiyyat Nazirliyinə şiakyət etmişəm. Cavab gəlir ki, gələcəkdə yoxlama aparılar, əgər dediyiniz faktlar təsdiqini taparsa, sizinlə əlaqə saxlayarıq. Bazardan şikayətçi olan sahibkarlar var. Şikayətçilərdən birində faktiki aylıq ödənişin qəbzi var.

Bizə kassa gətirib qoyulmuşdu. Gündəlik satış kassaya vurulmalıdır. Bazar rəhbərliyi isə bizə tapşırıq qoyurdu ki, maksimum 20-30 manat kassaya pul vurulsun. Bütün qurumların bundan xəbəri var. Məsələ ilə bağlı qurumlara müraciət edəndə hamısı mənimlə Rasim Salmanovun vəkili kimi danışır. Yəqin ki, hamısının hesabını çatdırır.

Bazarla sahibkarlar arasındakı müqavilə həmişə boş kağız olurdu. Biz də boş kağızı imzalayırdıq. Buna etiraz edəndə də deyirdilər ki, rəhbərliyin vaxtı yoxdur, özü oxuyub imzalayacaq. Yazdığım ərizələrə əsasən cəmi bir nəfərdən, bazarın səlahiyyətli nümayəndəsi olan Marif adlı şəxsdən izahat alınır. O, yazır ki, Ümid səhv deyir, buna qane olurlar. Rasim Salmanov həm bizi aldadıb, həm də bizdən aldığı pulları dövlətdən gizlədib”.

Ümid Ümidli bildirib ki, onun istəyi məsələnin araşdırılması, sahibkarlara və dövlətə dəyən zərərin ortaya çıxarılmasıdır.

Qarşı tərəfin də mövqeyini dərc etməyə hazırıq.

Bu həftə Azərbaycanda Ramazan tətili başlayır.

21, 22 aprel Ramazan bayramı kimi qeyd olunacaq.

22 aprel şənbə gününə təsadüf etdiyindən iş günlərinin yeri dəyişdirilib və beşgünlük iş həftəsində 24 aprel də qeyri-iş günüdür.

Beləliklə, bayramla əlaqəli ardıcıl olaraq 4 gün qeyri-iş günüdür.

RegionXəbərlərocom.az-ın elektron poçtuna İmişli rayon Qulubəyli kənd sakini Nağıyev Qalib Qaraseyid oğlu tərəfindən şikayət məktubu daxil olub.Narazı vətəndaş mətbuat vasitəsi ilə ölkə başçısına şikayətini çatdırır.

Cənab Prezident şikayətim İmişli rayon Qulubəyli kənd tam orta məktəbin direktoru Mirsahib Tağıyev barəsində və direktorun qanunazidd cinayət tərkibli əməllərini müdafiə edən Mil-Muğan Regional Təhsil idarəsinin müdiri Rəşad Musayev haqqındadır.

Şikayət ərizələrimdə göstərdiyim faktlar əsasında Mil-Muğan Regional Təhsil idarəsi tərəfindən İmişli rayon Qulubəyli kənd tam orta məktəbində aparılan yoxlama zamanı məktəb direktoru Mirsahib Tağıyevin yeddi illik fəaliyyəti dövründə çoxsaylı cinayət tərkibli kobud qanun pozuntuları aşkar olunsada onun barəsində qanuna müvafiq tədbir görülməmişdir. Mil-Muğan Regional Təhsil idarəsinin müdiri Rəşad Musayev direktor M.Tağıyevin cinayət tərkibli əməllərinin üstünü ört-basdır etmək məqsədilə Əmək Məcəlləsinin 186-cı maddəsinin 2-ci hissəsinin "a" bəndinə əsasən direktora töhmət verilmişdir.Əslində mövcud vəziyyət nəzərə alınmaqla "a" bəndi deyil.Əmək Məcəlləsinin 186-cı maddəsinin 2-ci hissəsinin "ç" bəndində göstərildiyi kimi əmək müqaviləsi Əmək Məcəlləsinin 70-ci maddəsinin "ç" bəndi ilə ləğv edilməliydi. Müraciətimdə göstərdiyim faktlarla əlaqədar Baş Prokurorluğa surəti isə mənə ünvanlanmaqla Elm və Təhsil Nazirliyinin Aparatına göndərilmiş məktubda göstərilir ki, "cinayət əməlləri olan faktların aşkar olunacağı təqdirdə müvafiq sənədlərin hüquqi qiymət verilməsi üçün Baş Prokurorluğa göndərilməsi xahiş olunur"

Belə olan təqdirdə direktorun cinayət tərkibli əməllərini təsdiq edən sənədlər niyə hüquqi qiymət verilməsi üçün Baş Prokurorluğa göndərilmir?

2021-ci ilin əvvələrində Mirsahib Tağıyev İmişli şəhər 1 saylı tam orta məktəbində boş qalmış direktor vəzifəsinə görə direktorların diaqnostik qiymətləndirilməsində iştirak etsədə heç bir bal toplaya bilməmişdir.Direktor M.Tağıyev ən adi elementar sualları belə cavablandırmaq iqtidatında deyildir.

Bu ilin mart ayının sonlarında həftə ərzində ayrı-ayrı vaxtlarda Oulubəyli kənd tam orta məktəbində dərs vaxtı şagirdlər arasında mübahisə yaranmış, nəticədə bir nəfər şagirdin qolu sınmış digər şagird isə baş nahiyəsindən xəsarət almışdır

Direktor M.Tağıyev baş vermiş hadisə ilə əlaqədər hüquq-mühafizə orqanlarına məlumat verməmişdir.Bakı şəhərində xəstəxanada əməliyyat olunan şagirdin həkimi hadisə barədə daxili işlər orqanlarına məlumat vermişdir.

Cinayət tərkibli qanun pozuntularının bir qismi aşağıdakılardır

1. Mirsahib Tağəyev işlədiyi 7 il müddətində tədris edilməyən dərnəkdə fərdi məşğələ saatlarının müəllimə dövlət büdcəsindən əmək haqqının ödənilməsi dərs saatlarının diaqnostik qiymətləndirmə nəticələrinə uyğun olaraq bölüşdürülməsi kimi hallar mövcud olmuşdur

2. Məktəbdə olan vakant boş dərs saatları müəllimlərin işə qəbul üzrə müsabiqəyə çıxarılmayaraq müəllimlər arasında bölüşdürülərək qanunsuz olaraq onların dərs saatlarına əlavə olunmuşdur.

3.İllər keçsədə direktor M.Tağıyevin sayəsində məktəbdə dərs jurnalları və proqramlarının mövzularının saatları qətiyyən uyğun gəlmir hər müəllim dərs proqramını öz bildiyi kimi tərtib edir hətta bir çox müəllimlər keçmiş illərin proqramlarından da istifadə edirlər.

4.Məktəbdə summativ qiymətləndirmələr düzgün aparılmır müəllimər özləri hazırlayıb şkaflara yığırlar.

5.Məktəbə qədər müəssisələrindən isə heç danışmağa dəyməz, heç bir iş yoxdur olmamışdır. Məktəbin müəllimi də şagirdi də məhz direktor Mirsahib Tagiyev özü olmuşdur.

6.Məktəbdə şagirdlərin bir qismi dərsə gəlmir.Rayon mərkəzinə müəllim yanına dərs öyrənməyə gedən şagirdlər istisna olmaqla qalanlarının bilik səviyyəsini yox dərəcəsindədir .

7.Daxil olan inventar və materialların uçotu kitabı əsas vəsaitlərin qeydiyyat kitabı qəsdən korlanmış, məktəb daxilində invertar və materialların paylanmasının ucotu kitabı isə yoxdur

Xahiş edirəm Maliyyə Nazirliyinin Dövlət maliyyə nəzarəti xidməti tərəfindən məktəbdə yoxlama aparılsın .

Xahiş edirəm müraciətim barəsində qanunamüvafiq tədbir görülsün

RegionXəbərləricom.az olaraq yazıda adları keçən şəxslərində mövqeyini dərc etməyə hazırıq...

RegionXəbərləricom.az

Tovuz Suvarma Sistemləri İdarəsindən ŞİKAYƏT
Tovuz rayon Dondar quşçu kənd sakini Vəliyev Həzi Abbasəli oğlu tərəfindən məktub göndərilib.
Faktinfo.az saytının elektron poçtuna göndərilən məktubda Tovuz rayon Suvarma Sistemləri İdarəsinin rəisi Nəsrəddin Aslanovdan şikayət olunur,Həzi Vəliyev suvarma sezonunda taxıl sahəsini suvara bilməməsindən bəhs edir.

Şikayətçi:"Bildirirəm ki, mən özümə məxsus taxıl sahəsini suvara bilmirəm.Səbəb nədir? Bu suala aidiyyatı qrumlar Tovuz rayon Suvarma Sistemləri İdarəsinin rəisi Nəsrəddin Aslanovdan cavab almalıdırlar.Deyə bilərəm ki,Tovuz çayı üzərində 2 su anbarı var.Hər 2 anbarın müdiri Nəsrəddin müəllimdir.Yuxarıdakı anbar bizim əraziləri suvarmaq üçündur. Digər anbar isə oliqarxların sahələrini suvarmaq üçün nəzərdə tutulub.Nəsrəddin Aslanov rəyyətin əkin sahələrini suvarmaq üçün anbarda su yığılan kimi sevincək olur.

Belə ki,sadə insanlar üçün nəzərdə tutulan anbarda su yığılan kimi,suyu gecə ilə buraxırlar digər anbara.Hər dəfə bir bəhanə ilə "anbarın qapısı yaddan çıxıb açıq qalıb,su axıb gedib" kimi fikirlər səsləndirirlər və əslində su gedib çıxır imkanlı şəxslərin sahələrini suvaran anbara.Həmin anbar vasitəsi ilə də özlərinin 1000 hektarlarla ərazilərini suvarırlar.Bizdən də 1hektar ərazini suvarmaq üçün 20-50 manat pul alırlar.Halbuki,dövlət rüsumu heç 5 manat deyil."

Şikayətçi onu da bildirir ki,ona və şəhid övladı,qardaşı oğlu Vəliyev Sərxan İlyas oğluna növbə çatanda nədənsə kanalda su qurtarır.Tovuz rayon Suvarma Sistemləri İdarəsinin rəisi Nəsrəddin Aslanov deyə bilər ki,anbarda su yoxdu problem də buradan qaynaqlanır,su olanda verəcəm.Ona bəri başdan cavab olaraq bildirirəm ki,su olanda niyə vermirdin və ya taxılın suvarılma müddəti ötdükdən sonra mən neynirəm verilən suyu.

"Biz mətbuat vasitəsi ilə uzun illərdir davam edən bu haqsızlığın ictimailəşdirilməsini istəyirik.Eləcə də bu haqsızlığın qarşısının alınmasında Azərbaycan respublikasının prezidenti İlham Əliyev cənablarından kömək etməsini xahiş edirik",-deyərək Həzi Vəliyev qeyd edir.

Faktinfo.az məsələyə münasibət öyrənmək üçün Tovuz rayon Suvarma Sistemləri İdarəsinin rəisi Nəsrəddin Aslanovla əlaqə yaratmağa çalışıb.İdarə rəisinə edilən davamlı zənglərə cavab verilməyib.Qarşı tərəfin mövqeyini də dərc edə bilərik. //Faktinfo.az//