Biləsuvar rayonunda avtobus sürücülərinin problemləri bitib-tükənmək bilmir. Rayonun Xırmandalı kənd sakini, 44 günlük Vətən müharibəsinin iştirakçısı Səfərli Tacəddinin atası, 58 yaşlı Səfərov Müsəddiq Mahmud oğlu redaksiyamıza göndərdiyi video-müraciətində bildirib ki, rayonda nəqliyyat departamenti onlara qarşı ayrı-seçkilik nümayiş etdirir. Belə ki, adı çəkilən qurum süürücülərin ailələrinə çörək pulu qazanmaqda maneçilik yaradır. Bu hadisə sürücülərin haqlı narazılığına səbəb olub.

2 saylı Sərnişindaşıma Departamentində çalışdığını, sənədlərinin qaydasında olduğunu, nümunəvi vergi ödəyicisi olduğunu bildirən M.Səfərov deyir ki, kənddə ictimai nəqliyyata ehtiyac olduğu halda sakinlər nəqliyyat diskriminasiyası ilə üzləşiblər. Departamentin əməkdaşları ictimai nəqliyyatın (mikroavtobusların) xəttə çıxmasına icazə vermirlər. Sakinlərin kəndin mərkəzində departament işçiləri ilə mübahisə etdiklərini əks etdirən görüntüləri də təqdim edən M.Səfərov həmçinin xatırladır ki, əhalinin sosial rifah səviyyəsinin yüksəldilməsi ilə qayğılanan dövlət rəhbərliyi məşğulluq probleminin həllində ilk növbədə şəhid ailələrinin, qazilərin, müharibə iştirakçılarının ailə üzvlərinə üstünlük verilməsi barədə göstəriş verib. Departament rəhbərliyi isə bu göstərişlərə məhəl qoymur.

Maraqlıdır, görəsən, Biləsuvar rayon Nəqliyyat Departamentində sürücülərə qarşı bu qədər kin-küdurət haradan qaynaqlanır? Bəs sürücülərin dövlətdən incik salınmasında məqsəd nədir? Məntiqlə belə nəticə hasil olur ki, rayon Departamentinin rəhbərliyi ictimsi nəqliyyat sektorunda yalnız öz yaxın adamlarının, dost-tanışlarının işləməsinə çalışır. Əgər belə olmasaydı, sürücülər departamentin fəaliyyətindən narazı olmazdılar. Ümid edirik ki, məsələyə aidiyyati qurumlar biganə qalmayacaq. Qarşı tərəfin də mövqeyini dinləməyə hazırıq.

Xatırladaq ki, bir neçə gün əvvəl Biləsuvar rayonunun eyni problemlə üzləşən İsmətli kənd sakini, iki azyaşlı uşaq atası Nəzərli Orxan Qurbanxan oğlu da marşrut taksisi sürücüsü kimi xəttə buraxılmaması barədə şikayətini KİV-də ictimailəşdirərək aidiyyəti qurumlardan dəstək istəmişdi: “Xəttə sənədləri qayudasında olmayan maşınlar və sürücüləri buraxıldığı halda, mənə müvafiq kateqoriyam ola-ola icazə verilmir”. //azerinfo.az//

Bakının mərkəzində yerləşən restoranın başı üzərində çoxsaylı ölkələrin bayraqlarının sıra sonunda qoyulmuş bayrağımızın nimdaş və cırılmış halı təəssüf doğurur...

Bakının Üzeyir Hacıbəyov küçəsində (Hökumət Binasımın arxası) "Honours Akademy" restoranı rerləşir. Restoran-kafenin başı üzərində Dünyanın 12 ölkəsinin bayraqları sərgilənib. Ən sonra Azərbaycan bayrağıdır. Niyə öz ölkəmizin bayrağı sonda olmalıdır? Bu sualı saxlayaq sonraya. Həmin binada yaşayan sakinlərin "Təzadlar"a çəkib göndərdiyi fotoşəkillərə və giley dolu mesajlarına inanmadan həmin əraziyə özümüz də baş çəkdik. Fakt təsdiqini tapdı.

Bəli, Azırbaycan bayrağı ən sonda qoyulub. Özü də bozarmış, nimdaş və yarı cırılmış vəziyyətdə.

Restoranın müştəri sarıdan korluq çəkmədiyi orada olanda bir daha şahidi olduq. Lakin bayrağımıza belə hörmətsiz yanaşmanı anlamadıq. İllərdir burada asılı qalmış abayrağımızı bozarmış və cırılçış halda görəndə olduqca təəssüfləndik. Halbuki bu bayrağın altında pul qazanan həmin restoranın sahibi ən azı ildə bir dəfə Azərbaycan bayrağını təzələyə bilər. Hansı ki, bu bayraq - igid əsgərlərimizin Şuşaya, Ağdama, Laçına, Kəlbəcərə... apararaq qan bahasına ucaltdığı müqəddəs bayraqdır!

Deməyi bizdən, tədbir görməyi isə adı çəkilən restoranın məşhur bir məmur sahibindən...

Səbuhi

P.S.yadımdan çıxmamış, ümumiyyətlə "Honours" sözünün və ya adının mənasını bilirsiz? "Honours"- ingilis dilində "Fəxri adlar" deməkdir... Bayrağımızı birinci sırada, yəni fəxri yerdə asmayan sahibkarın dilimizə hörməti budursa, daha nə deyək... //tezadlar.az//

"Bir əsrə yaxın yaşı olan Azərbaycan Dövlət Aqrar Universiteti daim dövlətin diqqət və nəzarəti altında olmuşdur. Bu universitetdə Azərbaycan Respublikasının ictimai, iqtisadi və siyasi inkişafında böyük rolu olan mütəxəssislər, aqrar sahə üzrə əmək qəhrəmanları və dahi alimlər yetişmişdir. Bu mütəxəssis və alimlər bu universitetin elmindən, təhsilindən bəhrələnərək tarixdə öz sözlərini demiş ziyalılarımız olmuşdur. Çünki bu ziyalılar universitetdə daim diqqət, sayqı və hörmət görmüşlər. Universitet rəhbərliyi bu insanların yetişməsində və çalışmasında daim yardımçı olmuşdur". Bu barədə DİA.AZ-a göndərilən məqalədə deyilir.

Məqalədə daha sonra bildirilir: "Hal-hazırda universitetdə tutduğu vəzifəyə layiq olmayan çoxlu şəxslər vardır. Hal hazırda rektor vəzifəsini icra edən Zəfər Qurbanovun bu şəxslərlə məşğul olmağa nə vaxtı yoxdur, nə də gücü çatmır.

Məhərrəm Hüseynov, Asəf Qasımov, Musa Bayramov, Telman Musayev, Aydın İsayev, Famil Nəsibov, Nazim Nadirov və digərləri ilə bağlı ağır ittihamların yer aldığı məqalədə eyni zamanda Prezidentə də müraciət ünvanlanıb və ölkə başçısından xahiş olunur ki, bu ali təhsil ocağı ilə bağlı konkret tədbirlər görülsün".

DİA.AZ qeyd edir ki, məaqləni daha geniş formada təqdim edəcəyik, sadəcə olaraq bəzi dəqiqləşdirmələr aparırıq...

Bizi izləməyə davam edin... Məsələ ilə bağlı dia.az olaraq bütün maraqlı tərəfləri dinləməyə hazırıq...

Prezident İlham Əliyev cənablarının 2018-ci ildən sonra hökumətdə apardığı struktur və kadr islahatlarından hələ də bixəbər məmurlar var. Bu cür məmurlar keçmişdə olduğu kimi yenə də müxtəlif yollarla dövlətin büdcəsini mənimsəyir, öz var-dövlətlərini artırırlar.

AzFakt.com xəbər verir ki, dövlət büdcəsini müxtəlif adlar altında mənimsəməklə məşğul olan məmurlardan biri də Baytarlıq Elmi Tədqiqat İnstitutunun direktoru Sialə Rüstəmovadır. Sabiq Kənd Təsərrüfatı naziri Heydər Əsədovun ən yaxın kadrlarından olan Sialə Rüstəmovanın adı həmişə qalmaqalda çəkilib. Sialə Rüstəmova 2010- 2015- ci illərdə Kənd Təsərrüfatı Nazirliyinin Dövlət Baytarlıq Nəzarəti Xidmətinin rəisi vəzifəsində calışarkən bu qurum ölkədə ən çox korrupsiyaya uğramış büdcə təşkilatlarından olub.
Əldə etdiyimiz məlumata görə Sialə Rüstəmova hazırda direktoru olduğu Baytarlıq Elmi Tədqiqat İnstitutunda da korrupsiya ilə məşğuldur.

Belə ki, Sialə Rüstəmovanın Elmi İnstitutun texniki-təsərrüfat işçiləri arasında xeyli sayda "ölü canlarının" olduğu bildirilir. Aylarla işə gəlməyən işçilərin maaş kartları direktora yaxın olan şəxsdə saxlanılır. İnstitutda yol verilən digər korrupsiya festival və konfransların keçirilməsində pulların silinməsidir.
Ötən il İnstitutun nəzdində istifadəyə verilmiş Baytarlıq Klinikasında da korrupsiya hallarının olduğu iddia edilir.

Əldə etdiyimiz məlumata görə illərdir dövlətin büdcəsini mənimsəyən Sialə Rüstəmova Gəncə və onun ətraf rayonlarında, eləcə də Bakı şəhərində özünə böyük biznes yaradıb. Onun qeyd edilən ünvanlarda xeyli sayda obyektrlərinin olduğu deyilir. Büdcə qənimi olan Sialə Rüstəmova özünü biznesledilər kimi aparır. Qlamur həyata öyrəşmiş İnstitut direktorunun daim brend paltarlardan, əşyalardan istifadə etdiyi, çantasında ən azı 4-5 butik mağazaların vizit kartlarının olduğu deyilir.

Yuxarıda qeyd etdiyimizə sadə bir nümunə olaraq qeyd edək ki, ötən ay Aqrar İnnovasiya Mərkəzi tərəfindən regionlarda təşkil olunmuş Festivalda Baytarlıq Elmi Tədqiqat İnstitutu da iştirak edib. İnstitutun direktoru Sialə Rüstəmova isə bu festivala ölkənin məşhur butik mağazalarından birində satılan 6 min manatlıq brend şuba ilə qatılıb.

Heyvanların həyatını xilas edən Elmi Tədqiqat İnstitutunun direktorunun heyvan dərisindən bahalı kürk geyinməsi yəqin ki məmurların büdcəsini talan etdiyi Azərbaycan kimi ölkələrdə olar.

Baytarlıq Elmi Tədqiqat İnstitutu məsələyə münasibət bildirmədi.(AzFakt.com)

Azərbaycanın bölgələrində ətin bir kiloqramı 12-13 manatdan 14-15 manata qalxıb.

AzadMedia.az “Xəzər Xəbər”ə istinadən xəbər verir ki, Cəlilabaddakı satıcılar bildirirlər ki, bir neçə gündür bazarda mal və quzu ətinin qiymətində 1-2 manat artım olub.

Səbəb isə diri çəkidə aldıqları mal-qaranın baha olmasıdır.

Tovuzda isə yalnız xırdabuynuzlu heyvanların ətinin satış qiymətində bahalaşma müşahidə olunur. Əvvəlki qiymətə nisbətən bir kiloqram quzu ətinin qiymətində 2-3 manat artım var. Satıcılar mövcud vəziyyəti təsərrüfat sahiblərinin diri heyvanı baha satması ilə əlaqələndirirlər.

Bənzər mənzərə Bərdədə də müşahidə olunur. Satıcılar ətin bahalaşmasını ot və yemlə əlaqələndirsələr də, bəziləri hazırda heyvanların azlığını səbəb göstərir.

Satıcıların sözlərinə görə, qiymət artımı satışa da ciddi təsir göstərib. Bildirilir ki, qiymət artımı tələbatın azalmasına səbəb olub.

Mövzu ilə bağlı videomaterialı təqdim edirik: