Masallı rayonu Boradigah qəsəbə sakini Bəyverdiyev Asif Məhərrəm oğlu özünün və həyat yoldaşının pensiyasının bərpa olunmamasından şikayətçidir.

Xalqxeber.az bildirir ki, o, bu barədə Yeniavaz.com-a müraciətində bildirib.

A.Bəyverdiyev deyib ki, problemi ilə bağlı 48 rəsmi müraciət ünvanlayıb:

“Mən 5 ildir nevroloji əsəb xəstəliyindən əziyyət çəkirəm. 5 il pensiya almışam, indi təyinatım dayanıb. Bu barədə Prezident Administrasiyasına, Dövlət Sosial Müdafiə Fonduna, TƏBİB-ə dəfələrlə rəsmi müraciətim olsa da, mənə cavab verilməyib. 48 dəfə rəsmi müraciətim olub. Şablon formada mənə cavablar verilir. Mən Sahil Babayevin müavini Anar müəllim ilə Masallı şəhərində görüşdüm. Hətta o da mənə söz verdi. Bir dənə pensiyamız var. Onu da almasaq, nə yeyək, necə dolanaq, acından ölürük”.

Vətəndaş qeyd edib ki, həyat yoldaşı Bəyverdiyeva Səbinə Mürvət qızı da eyni xəstəlikdən əziyyət çəkir və onun da pensiyası kəsilib.

Məsələ ilə bağlı Dövlət Tibbi-Sosial Ekspertiza və Reabilitasiya Agentliyinin rəsmisi Tural Qurbanov Yeniavaz.com-a bildirib ki, Bəyverdiyev Asif Məhərrəm oğlunun əlilliyinin qiymətləndirilməsi ilk növbədə tibb müəssisəsi tərəfindən elektron sistemə daxil edilmiş göndəriş əsasında, özünün iştirakı olmadan aparılıb:

“Müəyyən olunub ki, göndərişdə vətəndaşın mövcud diaqnozuna əsasən aktiv sürücülük vəsiqəsinin olması uyğunsuzluq yaradıb.
Bu baxımdan ona 22.05.2022-ci il tarixdə e-sistem üzərindən imtina qərarı verilib.

Buna baxmayaraq, vətəndaş Dövlət Tibbi-Sosial Ekspertiza və Reabilitasiya Agentliyində əyani müayinə edilib.
Müayinə nəticəsində şəxsin əlavə müayinə və müalicəyə ehtiyacın olması barədə qərar qəbul edilib”.

“2021-ci ildə Naxçıvan Muxtar Respublikasının (MR) Mədəniyyət Nazirliyində aparılan yoxlamalar nəticəsində nazirliyin bir nəfər işçisinin (xadimə) adı işdə olsa da, nazir Natəvan Qədimovanın evində qulluqçu kimi işləməsi və əmək haqqının da dövlət büdcəsindən ödənildiyi aşkarlanmışdır. Bu da o deməkdir ki, "xanım nazir" öz səlahiyyətlərindən istifadə edərək nazirliyin işçilərini evində belə qul kimi işlədirdi”.

Bu barədə “Hürriyyət”ə Naxçıvan MR-dəki mənbə tərəfindən informasiya verilib.

Məlumata əsasən, N.Qədimova hər zaman vəzifəsindən sui-istifadə edərək dövlət əmlakını, dövlət mülkiyyətində olan avadanlıqları belə “dədəsinin malı” kimi istifadə edib: “Bununla kifayətlənməyərək, maddi-mədəniyyət nümunələrinin ölkədən çıxarılmasına razılıq verib və müəyyən rüşvət qarşılığında İrana satıb!

Bu, çox vacib məsələdir. Deməli, 2021-ci ilin yanvar-fevral aylarında aparılan yoxlamamlar zamanı 1950-ci illərə aid bir ədəd “Petrof” markalı fortepianonun ölkədən çıxarılaraq İrana keçirildiyi aşkarlanıb. İşin əsli belədir. Sözügedən foretepiano qeyd olunan illərə aiddir və yarım əsrdən çox yaşı olan hər hansı bir musiqi aləti antika sayılmaqla yanaşı, maddi-mədəniyyət nümunəsi sayılır. Bunun da ölkədən çıxışına icazə verilmir.

Həmin musiqi alətinin 2016-cı ildə Bakıdan alınaraq İrana aparılması planlaşdırılır, lakin Azərbaycan Respublikası Mədəniyyət Nazirliyindən razılıq məktubu olmadığı üçün Gömrük məntəqəsindən buraxılmır və bunun qarşısı alındığından sahibkar başqa yola əl atır.

Belə ki, tez Naxçıvanla əlaqə saxlayır və Naxçıvan MR Mədəniyyət Nazirliyindən razılıq almağa çalışır. Bu vaxt aləti İrana deyil, İran yolu ilə Naxçıvana - öz evlərinə apardıqlarını bildirilər. Bu zaman gömrükdə sıxıntı yaşanmır. Musiqi aləti Naxçıvana gəlir və təcili olaraq Mədəniyyət naziri ilə əlaqə saxlanılır ki, onlara razılıq verilsin. Əlbəttə ki, Allah rızası üçün yox, rüşvət qarşılığında. Nazir xanım da bunun qeyri-qanuni olduğunu bilməsinə baxmayaraq, əldə edəcəyi pulları düşünə-düşünə razılıq verir. Beləliklə, Azərbaycanın daha bir mədəniyyət nümunəsi ölkədən çıxarılır”.

Görəsən, bu fortepianonun dəyəri nə qədər idi ki, onu İrana aparmaq üçün Bakıdan Naxçıvana - İran yolu ilə gətirib, yenidən İrana aparıblar? Və yaxud Maliyyə Nazirliyi bu məsələni aşkara çıxarandan sonra hansı güclər N.Qədimovanın arxasında dayandı ki, məsələ ört-basdır edildi?

“Məlumatın dəqiqliyi üçün nazirliyin kollegial qərarlarına baxış keçirilsə, təkcə bir musiqi aləti yox, onlarla belə alətin, mədəniyyət nümunələrinin, muzey eksponatlarının taleyinin necə olduğunu öyrənmək olar”, - deyə mənbə bildirir.

Hurriyyet.az

Redaksiyadan: Qarşı tərəfin mövqeyini dərc etməyə hazırıq.

"Azərbaycan Reallığı"na muraciət edən evlərinin təmir və tikintisinə görə sosial şəbəkədən inanaraq pul köçürən bir sıra Vətəndaşlar Protəmir İnşaat-ın rəhbəri İlyas Namazovun əyləşdiyi Nərimanov rayon Albert Aqarunov 14 a ünvanındakı Turan Biznes Mərkəzi önünə toplaşaraq kütləvi narazılığını bildirdilər. Sakinlər bildirir ki, onları sözü gedən şirkətin rəhbəri İlyas Namazov təhdid etməkdən belə çəkinmir.

Etiraz edən vətəndaşlar bildirir ki, təmir üçün verdiyimiz pulları geri istəyəndə təhdid və hədələr eşidirik, hələ bu bəs etmir üstəlik, yaşlı bir qadını şantaj etməkdən belə çəkinmirlər.

Aldadıldığların iddia edən bir neçə vətəndaş video şikayətlərində bildirirlər ki, Nərimanov rayon məhkəməsinin qərarında narazıdırlar. Onlar çıxarılan qərardan Apelyasiya məhkəməsinə şikayət edəcəklərini bildirir: İnanırıq növbəti məhkəmədə pozulmuş hüquqlarmız bərpa olunacaq və ədalətli qərar çıxarılacaq.

Etiraz edən vətəndaşlar güc strukturlarından və hüquq-muhafizə orqanlarında kömək istəyib.

Daha ətraflı videoda:

DİA.AZ adı çəkilən qarşı tərəfin mövqeyini tanıyır

AZƏRBAYCANREALLIĞI.COM

Biz bir media olaraq Azərbaycanda yüksək mərtəbəli binalar tikən MTK-ların qanunsuz əməlləri barədə neçə illərdir ki, yazırıq. Biz bu mövzuda yazanda nə qardaş Türkiyədə, nə də hansısa qonşu ölkədə bu miqyasda zəlzələ baş vermişdi. Sadəcə, biz problemi görürdük, cəmiyyətin və hakimiyyətin diqqətini buna yönəltməyə çalşırdıq. Bu gün Azərbaycanda hamı zəlzələdən, tikilən binaların riskli olmağından və daha nələrdən danışıb yazırlar. Bəs biz neçə illər öncə bu barədə haray salanda niyə kimsənin səsi çıxmırdı. İndi hamı xorla bu barədə danışır.

Bəli, Türkiyədə baş vermiş dağıdıcı zəlzələdən sonra yaşayış binalarının, eləcə də digər təyinatlı obyektlərin təhlükəsizliyi məsələsi aktuallaşıb. Mütəxəssislərin fikrincə, binalar bir-birinə nə qədər yaxın inşa edilərsə, zəlzələ zamanı dağıntı və təlafat bir o qədər çox olur. Paytaxt Bakıda da az qala bir-birinə söykənərək inşa edilən yüzlərlə bina var. Biz çətinliklə əldə etdiyimiz sənədlər əsasında yazmışdıq ki, binalar arasındakı məsafə binaların hündürlüyünün 0.6 hissəsindən az olmamalıdır. Biz rəsmi sənədlər əsasında yazmışdıq ki, məhəllə daxilində yüksək mərtəbəli binalar tikilə bilməz. Əgər sabah qəza vəziyyəti olarsa, xilasetmə qüvvələri bura necə daxil olacaq..? Təsəvvür edirsiniz, yeni tikilən binaların arasından adi avtomobil güclə keçir. İraq olsun fəlakət olarsa, vəziyyət necə olacaq..? Bir daha bildiririk ki, dünya seysmoloqlarının tərtib etdiyi xəritədə Bakı 8-9 ballıq seymsik zonada yerləşir. Başa düşdünüzmü, cənablar..? Millətin faciəsi ilə alver etməyin.
Bəli, bu gün Bakıda yüksək mərtəbəli bina tikənlərin, MTK sahiblərinin çoxunun inşaat işindən başı çıxmır. Dünən bazarlarda şortik satanlar, siqaret alverçiləri, nə bilim qəssablar hamısı bina tikintisinə girişib. Belələrindən biri də “Bizim Ev” MTK-dır. Mənə “İmişlili Mürşüd deyərlər, mənim qarşımda heç kim dayana bilməz...” deyən bu köhnə tərəkəməyə necə başa salaq ki, şəhərsalma müasir elmdir, ay adam... Sən nə bilirsən inşaat, şəhərsalma nədir..? Bu adam heç tikintinin adi-elementar qaydalarını da bilmir. Beləsinə heç toyuq hini də etibar etmək olmaz. Bu adam gecə-gündüz ətrafda yaşayan sakinləri nevroz həddinə çatdırıb, səs-küydən sakinlər evlərində otura bilmir. Bu adam məhəllədə uşaqların oynadığı xırda sahəni də zəbt edib. Əgər sabah bu uşaqların başına bir iş gələrsə kim cavab verəcək, ay Mürşüd..? Bu adam Yasamal rayonunda “Məhsul” idman stadionunun ərazisini zəbt edib. Görəsən, Yasamal İcra Hakimiyyəti, FHN, Arxitektura və Memarlıq Komitəsi hara baxır..?
Yazıq vətəndaşlar ən yuxarı instansiyalara şikayət etsələr də heç bir nəticə olmur. Axı, yuxarıda qeyd etdik ki, bu işlərin arxasında məmurlar dayanır. MTK-lar təkcə səs-küy, stress mənbəyi deyil ee... Bu MTK-la həm də yaşıllıqların qənimidir. Sakinlər bildirir ki, son günlər küləkli havaların olmasına baxmayaraq MTK Zərdabi küçəsində apardığı tikintini nəinki dayandırmayıb, əksinə aktivləşdirib. Və küləkli havada tikintinin tozu, torpağı, qumu, çınqılı, hətta beton palçığı həyətləri basıb, sakinlərin yaşadığı binanın həyəti sanki tikinti poliqonudur.
Təsəvvür edirsiniz İmişli Mürşüd idman stadionunun soyunub-geyinmə otağını da zəbt edib. Sözün qısası, biz yenə də gördüklərimizi yazırıq, haray salırıq ki, bəlkə bu məmurlar ayıla. Türkiyədəki faciə bizdə təkrar olunmaya. Buyurun bu da sakinlərə işgəncə verən obyektin ünvanı: Bakı şəhəri, Yasamal rayonu, 3155-ci məhəllə, Həsənbəy Zərdabi küçəsi, 69b ünvanında 2 girişli çoxmərtəbəli yaşayış binası. Sifarişçi: “Bizim Ev” MTK Dövlət ekspertizasının rəyi: 25693, 17.07.2018 Layihəçi: KARKAS-S MMC lisenziya İNİL-523/2017.05.06.2017 Podratçı: “Bizim Ev” MTK lisenziya EL-118/21.05.2018 Başlanma tarixi: 10.03.2022 Bitmə tarixi: 10.09.2024.gundelik-baku.com

Xəbər verdiyimiz kimi, dünən Sabirabad rayonunun Axtaçı Muğan kəndində yerləşən pambıq emalı zavodunda böyük yanğın olub.

DİA.AZ yeniavaz.com-a istinadla xəbər verir ki, Axtaçı Muğan kəndində yerləşən pambıq emalı zavodunun ölkənin aparıcı şirkətlərindın olan “MKT İstehsalat Kommersiya” MMC-yə (VÖEN – 9900008361) məxsus olduğu bildirilir .

“MKT İstehsalat Kommersiya” MMC 23.04.2002-ci il tarixində dövlət qeydiyyatına alınıb. Nizamnamə kapitalı 357 milyon 263 min 923 manat 51 qəpik olan şirkətin hüquqi ünvanı Bakı şəhəri, Heydər Əliyev pr., ev 95-də yerləşir. Şirkətin qanuni təmsilçisi Həsənov Rövşən Həsən oğludur.

Qeyd edək ki, “MKT İstehsalat Kommersiya” MMC də fövqəladə hallar naziri Kəmaləddin Heydərovun ailə üzvlərinə məxsus olduğu bildirilən “Gilan Holdinq”ə bağlıdır. “MKT İstehsalat Kommersiya” MMC-nin qeydiyyatda olduğu Heydər Əliyev pr. 95 ünvanı “Gilan Holdinq”ə bağlılığı ilə bilinən bir-sıra şirkətlərə də ev sahibliyi edib.

Rusiyanın artıq 2 il 3 aydan çoxdur ki, Azərbaycan Respublikası ərazisinin haykların məskunlaşdığı hissəsinə nəzarət edən "sülhməramlı" hərbi kontingenti öz funksiyalarından kənar işlər görməkdə davam edir. Belə ki, dünən - fevralın 19-da Xocavənd rayonunun işğaldan azad olunmamış ərazilərində növbəti "humanitar aksiya keçirən" kontingent üzvləri çoxuşaqlı erməni ailələrə, əlil uşaqlı ailələrə və "Böyük vətən müharibəsi" iştirakçılarına ərzaq bağlamaları paylayıblar.

DİA.AZ moderator.az-a istinadla xəbər verir ki, bu haqda Rusiya Müdafiə Nazirliyinin rəsmi saytının "sülhməramlı" kontngentə aid bölməsində məlumat yayılıb.

"Martuni(Xocavənd-S.L.) rayonunda çoxuşaqlı ailələrə, əlil uşaqlı ailələrə və Böyük Vətən Müharibəsi iştirakçılarına ərzaq bağlamalarının paylanması məqsədilə humanitar aksiya keçirilib" -məlumatda belə deyilir.

Xatırladaq ki, fevralın 18-də Rusiya hərbçiləri tərəfindən oxşar aksiya Xankəndi ərazisində də təşkil edilib.

Onu da qeyd edək ki, Azərbaycanın ictimaiyyəti, mediası, rəsmi qurumlarının, xüsusən də Müdafiə Nazirliyinin dəfələrlə xəbərdarlıqlarına rəğmən Rusiya "sülhməramlı" kontingentinin gündəlik dislokasya xəritələrində Azərbaycan Respublikasının sözügedəb ərazisindəki toponimlərin əksəriyyəti haykların qoyduğu qondarma adlarla göstərilməkdə davam edir...

Şəmkirçay su anbarlarının mühafizəsi necə təşkil olunur?
Azərbaycanda su hövzələri və su anbarlarının təhlükəsizliyi, mühafizəsi ilə bağlı kifayət qədər qanunvericilik aktları olsa da, dövlətin istifadəsində olan Şəmkirçay su anbarı bir qurup işbazların biznes mənbəyinə çevirilib desək yanılmayın.Bəli, bu əslində belədir.
Bu haqda Dünyanınsəsi.Az saytının e-mail ünvanına Şəmkir sakinləri trəfindən videofakt göndəriblər.
Sakinlər qeyd edirlər ki,2014-cü il Noyabrın 15-də istifadəyə verilən Şəmkirçay üzərində qurulmuş olan dəryaça bu gün müxtəlif cinsli balıqlarla daha da zənginləşib.Bu su anbarının bioloji resursları hazırda bir qurup şəxs və şəxslər tərəfindən məhv edilir.
Belə ki, su anbarına pulla buraxılan işbazların motorlu katerləri hər gün kütləvi surətdə balıqları məhv etməklə özlərinə pul qazanırlar.Amma bunlara mühavizəçilər tərəfindən “gözün üstə qaşın var” deyən olmur”.
Halbuki sözügedən su anbarının mühafizəsinin təşkili Daxili İşlər Nazirliyinin Baş Mühafizə İdarəsin Şəmkir Rayonlararası Mühafizə Şöbəsinin üzərinə düşür.İçməli su anbarlarının təhlükəsizliyinin təmin edilməsi strateji vəzifə sayıldığından Qanunvericiliyə görə, su anbarlarında baş verəcək hər hansı neqativ hadisəyə görə, həmin anbarlara cavabdeh qurumlar qanunvericiliklə məsuliyyət daşıyırlar.
Redaksiyamıza göndərilən videofaktı su anbarının ərazisini müşahidə edən nəzarət kameralarına baxmaqlada sübut etmək olar.
Səsləndirilən iddia ilə bağlı maraqlı trərəflərin də mövqelərini işıqlandıra bilərik.
2023-cü il Noyabrın 18-də dəryaçadan çəkilmiş olan videofaktı təqdim edirik:

Son vaxtlar, Ekologiya və Təbii Sərvətlər Nazirliyi barədə, dövrü mətbuatda və sosial şəbəkələrdə tənqidi materiallar tez-tez görünməkdədir. Lakin işıqlandırılan bu məlumatlara istər nazirlik rəsmləri tərəfindən, istərsədə digər dövlət qrumları tərəfindən, rəsmi münasibət bildirən olmur. Bu susqunluğun nədən qaynaqlandığı bilməsəkdə, bizdə bir yəqinlik yarandı. Nədən Muxtar Babayevin nazir kürsüsünə təyinatından sonra, ekologiya nazirliyində bu kimi özbaşınalıqların və susqunluğun sayı artıb...?
Bəlkə, ekologiya nazirliyi meşənin dərinliyinə çəkilib, idarəetmənidə cəngəllik qanunları ilə oradan aparır...?
Azerinfo.media bildirir ki, Əgər belə olmasaydı, Dövlət Ekologiya Təhlükəsizlik Xidmətinin 1 saylı Regional Ekologiya və Təbii Sərvətlər İdarəsinin rəisi Quliyev Şakir Məcid oğlu, Təhlükəsizliyi onun nəzarətində olan meşənin talanmasından ona zəng edən vətəndaşı küçə söyüşləri ilə təhqir etməzdi. Hansı ki, vətəndaş həmin meşədən daşınan ağacların hara aparıldığını dəqiqliyi ilə Şakir Quliyevin diqqətinə çatdırır.
Tərbiyyəsini, bir vətəndaş zənginə təmkinlə cavab vermək əvəzinə söyüş söyərək şübhə altına salan altımış yaşlı adamın yaşına və başına yaraşırmı...?

Belə bir adamın, böyük bir təşkilata rəhbərlik etməsi nə dərəcədə doğrudu...?
P. S. Türk dünyasının matəm günündə, ürəklərindən qara qanlar gedən bir zamanda 60 illik yubley yaşın təmtəraqla keçirən Şakir Məcid oğlu Quliyevə, nazirliyin Həmkarlar İttifaqı Komitəsinin təqdim etdiyi "Fəxri Fərman" hansı xidmətlərinə görə verilməsi, bizdə də, bir şübhə yaratdı.

Mövzunu diqqətdə saxlayacağıq.
Qarşı tərəfində mövqeyin dərc etməyə hazırıq. //Azerinfo.media//