“Dövlət xəstəxanasına gedirsən, icbari tibbi sığortanın adını eşidəndə aparatların işləmədiyi deyilir. Özəl xəstəxanalar isə od bahasına, sığortanı da saymırlar”, – bu sözləri AzadlıqRadiosuna Yasin Məmmədov deyib.

Növbəyə dayanan xəstələr
Məmmədov nə özünü, nə də ailə üzvlərini sığorta hesabına müalicə etdirə bildiyini, aylardır növbəsinin çatmadığını söyləyir: “Suraxanıda qeydiyyatda olduğum xəstəxanaya əlimdə çəlik axsaya-axsaya getdim. Oradan göndərişlə dövlət xəstəxanalarından birinə analiz üçün getməli idim. Çəkim çox olduğundan Azərbaycan Tibb Universiteti Cərrahiyə Klinikasına göndərilməli idim, amma hələ də göndərməyiblər. MRT cihazı 1 ildən çoxdur ölkənin heç bir klinikasında tapılmır. Vəziyyət ağırlaşandan sonra da dövlət yiyə durmur ki, sənin xəstəliyinə çox pul çıxır. Anam şəkər xəstəsidir, o da yararlana bilmir sığortadan. Yaşlı qadındır, ritm pozğunluğundan tutmuş, təzyiq, ağrılara kimi çox simptomu ağırlaşıb. Nə vaxta kimi pulumuz yoxdur deyə, xəstə qalacağıq. Dövlət də orada-burada deyəcək ki, biz sığorta ilə vətəndaşlara xidmət edirik”.

Rayonların da eyni dərdi

İmişlidə yaşayan Nəsirovlar da tibbi sığortadan narazılığını dilə gətirir. 10-nəfərlik ailənin heç bir üzvünün sığortadan yararlana bilmədiyini söyləyən Nəsirovlar həkimlərin sığorta ilə gələnlərdən pul tələb etdiyini bildirir.

“Özüm də dövlət işində işləyib sığortaya pul verirəm. Arvadım da müəllimdir, maaşından çıxılır. Böyük qızım da 1 ildir ki, qazancından bu sığortaya pul verir. Gözümüzün qarşısında təkcə bir ailədən 3 nəfər pul verir. Lazım olanda sığorta çevrilir tapılmaz bahalı daşa. Xəstəxanada ya növbə var deyirlər, ya da xidmətin olmadığını. Başa düşmək olmur, uşağın ayağı sınanda onu sığorta ilə qarşılamaq üçün hansı xüsusi xidmət olmalıdır? Kiçik xidməti göstərmirlərsə, nəyə veririk o pulları? Ya da sığorta ilə razılaşıb, amma əlavə pul istəyirlər. Başınıza dönüm, artıq pulum olsa idi, elə dövlətin nazını çəkmək əvəzinə özəl klinikada puluna minnət müalicə olunaram da. Səhər-birisi gün əsgər aparmağa qapımıza dayanacaqlar, bu gün büdcədən bir qəpik xərcləmək istəmirlər uşaqlar səhhətinə”, – ailə başçısı AzadlıqRadiosuna danışıb.

Dövlətin pulunun çatmadığı xəstəliklər
Bakı sakini Fərqanə Əkbərovanın səhhəti 2022-ci ilin iyulundan pisləşməyə başlayıb. Müalicələr heç bir nəticə vermədiyindən ötən il oktyabrın 28-dən onu xəstəxanaya yerləşdiriblər. Ağır pnevmoniyadan əziyyət çəkən Əkbərovanı həm də onkoloji xəstəliklər riski gözləyirdi. İlkin hesablamalar bir aylıq müalicə üçün təxminən 45 min manata yaxın vəsaitin gərəkdiyini göstərib. Lakin səhiyyə ilə bağlı heç bir dövlət qurumu müalicə xərclərini tam qarşılamadığından xəstənin qızı Nərmin Əkbərli başlatdığı ianələrlə xərclərin öhdəsindən qismən gəlməyə çalışıb. Daha sonra Əkbərli ölkə prezidentinə, Heydər Əliyevin Fonduna müraciət etsə də, səsinə səs verən olmayıb. Yanvarın 18-də Fərqanə Əkbərova vəfat edib, qızının isə hazırda 20 min manatdan çox borcu qalmaqdadır.

Hazırda səhiyyə qurumlarından, özəlliklə də İcbari Tibbi Sığorta üzrə Dövlət Agentliyindən yardım almadığı üçün müalicəsi ianə kampaniyalarının ümidinə qalanların sayı az deyil. Təkcə SMA xəstəliyindən əziyyət çəkən 30-a yaxın uşaq dövlətdən yardım ala bilmədiyi üçün ianələrdən asılı qalıb.

Xeyli müddətdir ki, onkoloji xəstəliklərin icbari tibbi sığorta zərfinə salınması təklif olunur. Bu məsələni parlament üzvləri də qaldırırlar. Ölkədə təxminən 58 min onkoloji xəstə var və bu xəstəliklərin icbari tibbi sığorta ilə əhatələnməsinə 200 milyon manat vəsaitin gərəkdiyi bildirilir.

Milyardlarla vəsait…
2022-ci ildə İcbari Tibbi Sığorta üzrə Dövlət Agentliyinə 1 milyard 125 milyon manatdan çox vəsait ayrılıb. Bu ilsə dövlət büdcəsindən icbari tibbi sığorta fonduna 1 milyard 263 milyon 820 min manat vəsaitin ayrılması proqnozlaşdırılıb. Büdcədən səhiyyəyə ümumilikdə 1 milyard 906 milyondan çox vəsait ayrılıb. Poliklinikalar və ambulatoriyalar üçün 1 milyon 802 min 885 manat, xəstəxanalar üçün 171 milyon 384 min manat ayrılması nəzərdə tutulur.

Azərbaycanda rəsmi iş yeri olan hər kəs icbari tibbi sığorta üçün maaşından ödəniş verməlidir. İşçinin əməkhaqqısının 8 min manatadək olan hissəsindən 2 faiz tutulur. Məsələn, aylıq maaşı 900 manat olan şəxs tibbi sığorta üçün maaşının 18 manatından keçməli olur.

Vətəndaşdan ödəniş tələbi qanunsuzdur
Vaxtı ikən 1 saylı Kliniki Tibbi Mərkəzdə (Semaşko) sanitar işləyən, hazırda parlamentin Səhiyyə komitəsinin üzvü, deputat Müşfiq Məmmədli AzadlıqRadiosuna deyib ki, tibbi sığorta zərfinə daxil xəstəliyin müalicəsində vətəndaşdan pul istənilməsi qanunsuzdur: “İcbari sığorta paketindəki bütün xidmətlərdən istifadə vətəndaş üçün ödənişsiz təşkil olunmalıdır. Türkiyədə xəstəliyin bir hissəsini müştərək müqavilə əsasında sığorta qarşılayırsa, digər hissəsi vətəndaş hesabına olur. Lakin bizim ölkədə tətbiq edilən icbari tibbi sığorta belə deyil. Məsələn, bir əməliyyat sığorta paketində varsa, proses zamanı bütün xərci də sığorta qarşılamalıdır”.

Deputatın fikrincə, “vətəndaş dövlət agentliyinin rəsmi saytındakı xidmətlər siyahısına baxmalıdır, xəstəlik xidmətlər zərfinə daxildirsə, müalicə xərci çox olsa da, qarşılanmalıdır”. Məmmədli onkoloji xəstəliklərin icbari sığorta paketinə salınmamasını müvafiq dövlət proqramının olması ilə əlaqələndirir.

“Pullar hara gedir?”
Həkim-radioloq Aydın Əliyev tibbi sığorta üçün ayrılan pulların qeyri-şəffaf istifadə edildiyini, sistemdə boşluqların olduğunu deyir.

“Bu yaxınlarda avtomobil qəzasına düşən şəxs mənə müraciət edib ki, tibbi sığorta onun xərclərini qarşılamadı. Özəl xəstəxanada da 40 min manata yaxın xərci çıxıb. Belə müraciətlər çoxdur, əhalinin əksəriyyəti İcbari Tibbi Sığorta üzrə Dövlət Agentliyinin fəaliyyətindən narazıdır. Mən də pis qiymətləndirirəm. Vətəndaşlar və dövlət müəssisələrindən alınan bu qədər vəsait hara gedir?!.. İstisnasız olaraq bütün xəstəliklər tibbi sığorta zərfinə daxil edilməlidir. Amma Azərbaycanda əhalinin bir qisminin əziyyət çəkdiyi xroniki, onkoloji xəstəliklər bu zərfə aid deyil. Çox yayılan xəstəlikləri belə ya qarşılamır, ya da bir qismini qarşılayır. Xəstəliyin bəzən bir hissəsini qarşılanması deyilir, limit qoyulur. Dünyanın heç bir ölkəsində belə praktika yoxdur”, – deyən Əliyev icbari tibbi sığorta sistemini şəffaf etməyə, qurumu hesabat verməyə çağırır.

Agentliyin rəsmi vebsaytında maliyyə hesabatı gözə dəymir, AzadlıqRadiosunun sorğusu da cavabsız qalıb.

Dünya təcrübəsi
20-dən çox ölkədə tibbi sığorta ilə bağlı “büdcə” modeli tətbiq edilməkdədir. Belə olduqda vətəndaşların səhiyyə xərcləri dövlət büdcəsinə daxil olan vergi vəsaitləri hesabına qarşılanır. İngiltərədə Milli Sağlamlıq Sistemi (NHS) adlı sistemə bağlı xəstəxanalarda bütün səhiyyə xidmətləri pulsuz təqdim edilir. Avropa İttifaqı (Aİ) ölkələrində tibbi sığorta haqları adətən vergilər və ya işəgötürənlər tərəfindən ödənilir. Dövlət öz vətəndaşlarını tibbi sığorta ilə təmin edir. Fransa və İtaliya da bu sistemdən yararlanır. Səhiyyə xidmətləri özəl xəstəxanalar tərəfindən göstərilir və bu xidmətlərin ödənişlərini hökumət qarşılayır.

SSRİ dağılandan sonra icbari tibbi sığorta sistemini ilk tətbiq edən ölkələrdən biri Estoniya olmuşdu. İqtisadi Əməkdaşlıq və İnkişaf Təşkilatının (OECD) məlumatına görə, 1992-ci ildən bu sistemə keçən Estoniyada hazırda vətəndaşların 80 faizə yaxını tibbi sığorta ilə təmin olunub.

Qonşu Türkiyədə də Sosial Güvənlilik Qurumu (SGK) vasitəsilə bütün vətəndaşlara tibbi xidmət 100 faiz ödənilir.

Göstərilən xidmət sayı..
İcbari Tibbi Sığorta üzrə Dövlət Agentliyinin sığorta zərfinə 2 min 550 xidmət daxildir. Zərfə 950 cərrahi, təcili və təxirəsalınmaz tibbi xidmət üzrə yalnız altı xidmət salınıb. Agentlik bildirib ki, ötən ilin ilk 11 ayı ərzində dövlət tibb müəssisələrinə 4 milyondan çox şəxs 16 milyon dəfədən çox müraciət edib. Vətəndaşlara 40 milyon 277 mindən çox tibbi xidmət göstərildiyi bildirilir.

Agentlik rəsmiləri qeyd edir ki, ağır xəstəliklərin xidmət zərfinə salınması Dövlət Statistika Komitəsinin məlumatı əsasında, 5 il ərzində ölümlərin hansı xəstəliklər üzrə olmasına görə müəyyən edilir. Maliyyə resursları artdıqca siyahıda yer alan xəstəliklərin sayı da artırılır.

"Yer qalmayıb ki, yazır, şikayət edirəm, amma "Korkmaz Group" MMC maaşımı vermir. Görünür, Mustafa Korkmaz Azərbaycan qanunlarını vecinə almır. Gedib Türkiyə özünə mülk, villa, bina, obyekt alır, amma bizim halal əməkhaqqımızı ödəmir, ödəmək istəmir".

Tovuz sakini, Qarabağ müharibəsi veteranı Məmməd Hüseynov "Arqument.az"a belə deyir.

"Korkmaz Group" MMC rəhbəri türkiyəli iş adamı Mustafa Qorxmazdır.

Məmməd Hüseynov deyir ki, türkiyəli iş adamı Mustafa Korkmaz heç nədən qorxmur: "Nə qanundan, nə də Allahdan qorxur. 84400 (səksən dörd min dörd yüz) manat pulumu ödəmək istəmir. Mən bunu hər dəfə deyir və yazıram".

Azərbaycanda tikinti sektorunda çalışan "Korkmaz Group" şirkətində fiziki şəxs kimi iş icraçısı olub, aralarında müqavilə bağlanıb, amma şirkət onlara çatan vəsaiti (maaş) ödəməyib.

Qarabağ veteranı məsələ ilə bağlı hüquq-mühafizə orqanlarına da müraciət edib. Onun sözlərinə görə, şirkət hazırda 30-a qədər fəhlənin maaşını mənimsəyib.

Pulunu ala bilməyən Məmməd Hüseynovun vergi borcu da yaranıb və buna görə də ölkədən çıxışına qadağa qoyulub.

Mustafa Korkmaz Azərbaycandakı pullarını Türkiyəyə daşıyır: ev, mülk, obyekt alır...

Müharibə veteranı şirkət sahibi ilə bağlı "Arqument.az"a yeni məlumatlar da verib.

O bildirib ki, onların pulunu mənimsəyən şirkətin sahibi Mustafa Korkmaz həm Azərbaycanda, həm də Türkiyədə özünə və ailə üzvlərinin adına xeyli mülk alıb.

"Qardaşı təsdiq edir ki, Mustafa Qorxmaz Türkiyədə özünün, həyat yoldaşının və qaynanasının adına villalar, mülklər alıb. Bakıda "Sabah Residence" bizim əməkhaqlarımızla özünə 700 min manata yaxın "barter" üsulu ilə ev alıb. Həmin evi də həyat yoldaşının adına keçirib", - deyir Məmməd Hüseynov.

Azərbaycanda hüquq-mühafizə orqanlarından gileylənən Qarabağ qazisi gərəkli addımların atılmadığını deyir.

Məmməd Hüseynov eyni məzmunlu şikayətlə artıq ikinci dəfədir ki, "Arqument.az"a müraciət edir.

O həm dekabrın 4-də, həm də 30-da eyni məzmunlu şikayətdə pulunu ala bilmədiyini deyirdi.

"Korkmaz Group" MMC Bakıda nə iş görür?

2019-cu il, 1 mart tarixində "Sabah Residence" Mənzil-Tikinti-Kooperativi ilə "Korkmaz Group" arasında dəmir-beton konstruksiyalarının inşası işlərinin görülməsi barədə "Podrat" müqaviləsi bağlanıb.

Fiziki şəxs Hüseynov Məmməd Əhməd oğlu "Korkmaz Group" MMC-nin subpodratçısı kimi "Sabah Residence" yaşayış kompleksinin tikintisində dəmir işlərini həyata keçirib.

Görülən işlərə görə şirkət onlara vəsait ödəməli idi, amma ödəməkdən yayınır, müxtəlif yollarla imtina edir.

Məmməd Hüseynov dəfələrlə problemlə bağlı Mustafa Qorxmaza müraciət etsə də, o, telefon danışıqları, vatsap yazışmalarında borcu hətta məbləği ilə təsdiqləsə də, ödəmək istəmir.

Qarabağ veteranı deyir ki, bütün işlər sənədlərdə və müqavilələrdə əksini tapıb, heç bir əlavə iddiası da yoxdur, sadəcə, görüləcək işə görə ödəniləcək vəsaiti istəyir. Bununla bağlı aidiyyəti qurumlara müraciət edəcəyini deyən Hüseynov bütün hüquqi addımları atacağını da vurğulayıb.

"Arqument.az"ın apardığı araşdırmalara görə, "Korkmaz Group" MMC təkcə Bakıda deyil, hazırda işğaldan azad olunan Ağdam rayonunda da tikinti işlərini həyata keçirir.

Şikayətlə bağlı şirkətin sahibi Mustafa Qorxmazla əlaqə saxlamaq mümkün deyil, dəfələrlə buna cəhd etsək də, zənglərimiz cavabsız qalır, sorğulara cavab verilmir. //Arqument.az//

Millət vəkili Zahid Oruc dövlət qurumlarını tənqid edib. Parlament üzvü bildirib ki, dövlət qurumlarının qaynar xətti olsa da, heç biri dəstəyi qaldırmaq istəmir. Z.Oruc deyib ki, onlar nəinki şikayətə baxmaq, heç telefona cavab vermək istəmirlər: “Amma hamısı deyir “Tvitter”dən, “Linkedin”dən müraciət edin. Bəs o telefon nə üçündür?”. Millət vəkilinin giley-güzar etdiyi məsələ onun həmkarları tərəfindən də bir neçə dəfə gündəmə gətirilib. Ötən iclaslarda çıxış edən deputatlar da dövlət qurumlarının biganəliyindən, saymazyana mövqeyindən gileylənmişdilər. Parlament üzvləri müxtəlif problemlərlə bağlı dövlət orqanlarına ünvanladıqları məktublara çox gec və formal qaydada cavab verildiyini, qurum rəhbərləri ilə əlaqə saxlamağın mümkünsüz olduğunu demişdilər.

Məsələni "Şərq"ə şərh edən siyasi elmlər doktoru, professor Cümşüd Nuriyev qaldırılan problemin çox aktual olduğunu deyib. Ekspert vurğulayıb ki, əgər məmurlar Parlamentə, deputatlara hörmət etmirsə, bu, birbaşa dövlətə hörmətsizlikdir:

"Əfsuslar olsun ki, əksər məmurlarımız öz şəxsi gəlirlərini fikirləşirlər. Hesab edirlər ki, hansısa parlament üzvü onu "narahat" edirsə, bunun əvəzinə mütləq nəsə almalıdır. Bir çox məmurların qəbuluna düşmək üçün köməkçisinə rüşvət verməlisən. Çox biabırçı vəziyyət yaranıb, əməlli-başlı harınlayıblar. Millət vəkilləri birmənalı şəkildə xalqla dövlət arasında körpü statusundadır. Deputata cavab verməyən məmur onun seçicisinə, xalqa cavab verərmi?! Bunlar nəyə, kimə arxayındır? Onlara məsul şəxslər, ayrı-ayrı kuratorlar var. Məncə, günah da həmin kuratorlardadır. Prezidentlə xalq arasında uçurum yaratmağa çalışırlar. Məqsədləri odur ki, arada gərginlik yaransın və bundan istifadə edərək şəxsi bizneslərini inkişaf etdirsinlər. Onları ancaq ailələri və yaxın qohum-əqrəbaları maraqlandırır. Dövlətin mənafeyini müdafiə etmirlər ki, deputatın müraciətinə cavab versinlər, hansısa problemin həllinə çalışsınlar. Əhali ilə işləmək istəmirlər. Cənab Prezident il ərzində rayonlara, bölgələrə dəfələrlə səfər edir, sakinlərlə görüşür, onları dinləyir, yerlərdəki çatışmazlıqlarla şəxsən maraqlanır. Məmurlar ölkə başçısından nümunə götürmürlər. Kimsə həqiqəti deyəndə də onun üstünə düşürlər, təzyiq göstərirlər".
Professor vurğulayıb ki, nazirlər, onların müavinləri, şöbə müdirləri ilk növbədə öz vəzifələrini icra etməlidirlər: "Məmurlar dövlət başçısının tapşırıqlarını yerinə yetirməlidirlər. Hər məsələni tvitter, instaqram, feysbuka daşımaq nə deməkdir? Görünən odur ki, Azərbaycanda "5-ci kolon" hələ güclüdür. Hələ də Rusiya və İranın adamları müəyyən vəzifələrdə qalmaqdadır. Məqsədləri dövlətin xalq üçün gördüyü işlərə kölgə salmaq, əhali arasında narazılıq yaratmaqdır. Bu məsələlərə ciddi yanaşmalıyıq. Xalqına, millətinə ögey münasibət sərgiləyən məmur dərhal vəzifədən uzaqlaşdırılmalıdır. Deputatlardan xahiş edirəm ki, qınağı dayandırmasınlar və konkret adlar çəksinlər. Ayrı cür mümkün deyil".

Yevlax rayonunun Salahlı kəndində yaşayan Xəlilov Alı Lətif oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi deyir ki, anadangəlmə sümük xəstəsi olan 7 yaşlı qızına ayrılan müavinət kəsilib:

“7 yaşlı qızım anadangəlmə sümük xəstəsidir. Özü-özünü tam idarə edə bilmir. Anası geyindirir, yedizdirir. Boyun nahiyyəsi tam əyilib, belində şişlər əmələ gəlib. Bu vəziyyətinə görə 3 il pensiya alıb. Lakin artıq 6 aydır ki, pensiyası kəsiblər. Ailədə heç kəs işləmir, kasıb ailəyik, çox çətin vəziyyətdəyik.

Oktyabr ayında komissiyadan keçmişik, bizə imtina cavabı gəlib.

Sizdən xahiş edirik, bu məsələni işıqlandırın, bəlkə səlahiyyətli qurumlar bizə qarşı haqsızlığın aradan qaldırılmasına kömək olarlar”.

Qarabağ döyüşlərində əlil olmuş şəxslərə evlərin tikintisi üçün Əmək və Əhalinin Sosial Müdafiəsi Nazirliyinin 2016-cı ildə keçirdiyi tenderin qalibi olmuş “TUA TT” MMC-nin faktiki rəhbəri Tural Alışanlının cinayət işi üzrə məhkəmə prosesi keçirilib.

Bu gün Bakı Ağır Cinayətlər Məhkəməsində hakimi Siyavuş Hacıyevin sədrlik etdiyi prosesdə çıxış edən Tural Alışanlının sözlərinə görə, köçürülən pullarla uyğun olaraq evlər və tikilib təhvil verilib: “Uzun müddətdir o evlərdə adamlar yaşayır. Nazirliyin müqavilə üzrə mənə borcu vardı. Nazir müavini Vüsal Nəsirli ilə görüşdüm. Mənə nazirin mesajını çatdırdı ki, 154 minin əvəzinə 20 min götür, yoxsa heç onu da almayacaqsan. Razılaşmadım, bunlarla dirəşdim. Müxtəlif orqanlara şikayət elədim. Bu məsələni mediaya çıxardım, radioda səsləndirdim. Ondan sonra Sahil Babayev məndən Baş Prokurorluğa məktub göndərdi, məni həbs elətdirdi”.

Təqsirləndirilən şəxs qeyd edib ki, nazir Sahil Babayev və müavini Vüsal Nəsirlinin sifarişi ilə üç ildən çoxdur dəmir barmaqlıqlar arxasındadır. Onun sözlərinə görə, bu gün də nazirliyin ona borcu var.

Nazirliyin nümayəndəsi isə onun iddialarının əsassız olduğunu deyib. O, məhkəmədə 515 min manatlıq mülki iddia qaldırıb. Bildirib ki, mülki iddianın təmin olunmasını istəyirlər.

Məhkəmədə həmçinin prokuror ittiham nitqi ilə çıxış edib. O, Tural Alışanlının 12 il müddətinə azadlıqdan məhrum edilməsini istəyib.

Daha sonra vəkil müdafiə çıxışı üçün məhkəmədən vaxt istəyib.

Növbəti proses fevralın 1-də davam edəcək.

Qeyd edək ki, Əmək və Əhalinin Sosial Müdafiəsi Nazirliyi ilə “Tua-TT” MMC arasında 19 iyul 2016-cı ildə bağlanmış müqaviləyə əsasən 480 min manat məbləğində tikinti işlərinin podratçı tərəfindən yerinə yetirilməməsi barədə nazirlikdən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.

Müəyyən edilib ki, Tural Alışanlı qardaşı Ülvi Alışanlının adından 24 avqust 2012-cidə “Tua-TT” MMC yaradıb, öz qulluq mövqeyindən istifadə edərək ona etibar olunmuş və öhdəsində olan özgə əmlakını - dövlət vəsaitini vahid qəsdlə talama məqsədi ilə Əmək və Əhalinin Sosial Müdafiəsi Nazirliyi tərəfindən Azərbaycanın ərazi bütövlüyü, müstəqilliyi və konstitusiya quruluşunun müdafiəsi ilə əlaqədar əlil olmuş şəxslərin sosial-məişət şəraitinin yaxşılaşdırılması məqsədilə Masallı rayonunda 2 ədəd 3 otaqlı, Lənkəran rayonunda 4 ədəd 3 otaqlı, Astara rayonunda 2 ədəd 3 otaqlı, Lerik rayonunda 4 ədəd 3 otaqlı və Yardımlı rayonunda 1 ədəd 3 otaqlı olmaqla, ümumilikdə 13 ədəd 3 otaqlı fərdi yaşayış evinin tikinti işlərinin satınalması ilə bağlı keçirilən tenderdə həmin MMC-nin adından iştirak edib, nəzərdə tutulan işləri əlavə dəyər vergisi (ƏDV) daxil olmaqla 893 min manat pul vəsaiti hesabına yerinə yetirməklə bağlı təklif verdikdən sonra tender komissiyasının 24 iyun 2016-cı il tarixli protokoluna əsasən qalib elan edilib.

Həmçinin, Tural Alışanlı Əmək və Əhalinin Sosial Müdafiəsi Nazirliyi ilə “Tua-TT” MMC arasında bağlanmış 19 iyul 2016-cu il tarixli satınalma müqaviləsi üzrə 16 ay müddətinə həmin işlərin yerinə yetirilməsi məqsədilə dövlət büdcəsində nəzərdə tutulmuş Azərbaycan Prezidentinin ehtiyat fondunun vəsaiti hesabına ayrılaraq nazirlik vasitəsi ilə həmin cəmiyyətin hesabına köçürülən ümumilikdə 756 min manat (ƏDV ilə birlikdə 893 min manat) məbləğində pul vəsaitinin bir hissəsini müxtəlif rayonlarda fərdi yaşayış evlərinin tam və ya qismən tikilməsinə istifadə edib, qalan 190 min manat pul vəsaitini ayrı-ayrı şəxslərin bank hesablarına köçürüb şəxsi ehtiyaclarına xərcləməklə öz qulluq mövqeyindən istifadə edərək vahid qəsdlə nazirliyə külli miqdarda ziyan vurmasına əsaslı şübhələr müəyyən edilib.

Tural Alışanlının barəsində Cinayət Məcəlləsinin 179.3.2 (Mənimsəmə və ya israf etmə külli miqdarda törədildikdə) və 308.1-ci (vəzifə səlahiyyətlərindən sui-istifadə) maddələri ilə ittiham elan edilib.

Amia.az

Azərbaycanın qeyri-hökumət təşkilatları (QHT) nümayəndələrinin Qarabağda Rusiya sülhməramlılarının müvəqqəti yerləşdirildiyi zonada keçirdiyi etiraz aksiyası artıq 47 gündür ki, davam edir.

Havanın soyuq olmasına baxmayaraq aksiya iştirakçıları etirazlarını davam etdirirlər.

Xatırladaq ki, dekabrın 12-dən etibarən azərbaycanlı eko fəallar, ictimaiyyət nümayəndələri sülhməramlıların postu yaxınlığında etiraz aksiyası keçirirlər. Aksiyada etiraz edənlərin əsas tələbləri Rusiya sülhməramlılarının komandanı Andrey Volkovun gəlməsi, azərbaycanlı mütəxəssislərin montorinq aparılması üçün lazımi şərait yaradılması, ermənilərin Azərbaycan torpaqlarında ekoloji terrora son qoyulması, Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılması, Azərbaycan ərazisinə qanunsuz silah daşınmasının qarşısının alınmasıdır.