Qafqaz Müsəlmanları İdarəsi Azərbaycanın İrandakı səfirliyinə silahlı hücumla bağlı bəyanat yayıb.

QMİ-dən verilən məlumata görə bəyanatda deyilir:

"Qafqaz Müsəlmanları İdarəsi 27 yanvar 2023-cü il tarixində Azərbaycan Respublikasının İran İslam Respublikasındakı Səfirliyinin binasına qarşı törədilən təcavüz aktını qətiyyətlə pisləyir və siyasi məqsədli terror aktı kimi qiymətləndirir. Müstəqil Azərbaycanın suveren ərazisinin – Səfirliyimizin və onun əməkdaşlarının hədəfə alınması ölkəmizə qarşı yönəlmiş və ümumən beynəlxalq hüquqa zidd terror aktıdır.

Tehrandakı Səfirliyimizin mühafizəsini təmin edərkən – dövlətimizin qorunması yolunda qəhrəmancasına şəhid olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verir, hücumu dəf edərkən yaralanan mühafizə əməkdaşlarına Allahdan şəfalar diləyirik.

Birmənalı şəkildə Səfirliyimizə hücumla bağlı bütün məsuliyyəti beynəlxalq hüquq və diplomatik qanunlarla İran tərəfi daşıyır. Bu, diplomatik binaların və diplomatların toxunulmazlığı prinsipinin birbaşa pozulması deməkdir. Səfirliyin təhlükəsizliyinin təmin edilməsi, heç şübhəsiz, Səfirliyin yerləşdiyi ölkənin borcudur. Bu terror hadisəsi İranın son vaxtlar Azərbaycana qarşı nümayiş etdirdiyi aqressiv, destruktiv mövqe fonunda şübhə doğurur.

Azərbaycanın dini təsisatı olaraq bəyan edirik ki, ölkəmizə qarşı bu hadisə məzhəbindən asılı olmayaraq Azərbaycan dindarları tərəfindən hiddətlə qarşılanır. Müsəlman qardaşını təhdid edən, əli müsəlman qanına bulaşmış, Allah evlərini murdarlayan tərəfə silah, hərbi yardım söz verən, Ermənistanın təhlükəsizliyini İranın təhlükəsizliyi ilə eyniləşdirən İran dövlətinin Tehrandakı Səfirliyimizə silahlı hücumu Azərbaycanın dövlət mənafelərinə, xalqımıza birbaşa təhdiddir. Dövlətçiliyimizə qarşı hər hansı təhdidə göz yuma bilmərik. Müqəddəs dinimiz İslam bizə haqqın, ədalətin yanında yer almağı təlqin edir. Dini mərkəz olaraq bəyan edirik ki, bütün Azərbaycan məscidlərində bu mənfur terror hücumu pislənir və hadisənin xalqımıza və dövlətimizə qarşı olan həqiqi mahiyyəti din xadimlərimizin xütbə və moizələrində dindarlara çatdırılacaq.

Ölkəmizə qarşı təxribatların arxasında dayanan və təşkilində iştirak edən qüvvələr bilməlidirlər ki, Azərbaycan dindarları ölkəmizə qarşı məkrli qüvvələrin təxribatlarını hiddətlə qarşılayır, kəskin pisləyirlər. Azərbaycan Səfirliyinə siyasi sifarişlə hücum yolverilməz təxribatdır və bütün Azərbaycan dindarları tələb edirlər ki, İran hökuməti hadisə ilə bağlı lazımi ölçü götürsün, terrorda əli olanları təcili cəzalandırsın.

Uca Allah müstəqilliyimizi, dövlətçiliyimizi hifz etsin! Amin!"

Birinci vitse-prezident Mehriban Əliyeva bu gün səhər saatlarında Azərbaycanın Tehrandakı səfirliyinə edilən terror aktı ilə bağlı paylaşım edib.

Paylaşımda deyilir:

“Bu gün Tehrandakı səfirliyimizə qarşı törədilmiş terror aktı zamanı həlak olmuş həmvətənimiz, baş leytenant Əsgərov Orxan Rizvan oğlunun doğmalarına və yaxınlarına dərin hüznlə başsağlığı verirəm. Allah rəhmət eləsin! Yaralıların tezliklə sağalması üçün dua edirəm. Uca Tanrı Azərbaycan xalqına yar olsun!”

İran prezidenti İbrahim Rəisi Azərbaycanın Tehrandakı səfirliyinə silahlı hücumun araşdırılması üçün müvafiq orqanlara göstəriş verib.

"Kədərli xəbəri (səfirliyə hücumla bağlı) aldıqdan dərhal sonra prezident hərtərəfli araşdırma aparılmasına göstəriş verib, hökumətə, xalqa və mərhumun yaxınlarına başsağlığı və rəğbətini bildirib, həmçinin həlak olanların tezliklə sağalmasını arzulayıb"- mesajda deyir.

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Böyük Britaniyanın ölkəmizdəki səfiri Fergus Auldla görüşüb.

Bunu britaniyalı diplomat tviterdə yazıb.

"Hikmət Hacıyevlə mühüm görüşüm oldu. Azərbaycanın İrandakı səfirliyinin mühafizə xidmətinin rəisinin qətlə yetirilməsi ilə əlaqədar Britaniya hökumətinin başsağlığını çatdırdım. Biz mühüm regional təhlükəsizlik və humanitar məsələləri də müzakirə etdik", - səfir bildirib.

Rusiyanın Azərbaycandakı səfirliyi ölkəmizin İrandakı səfirliyinə silahlı hücumla bağlı başsağlığı verib.

Bu barədə diplomatik missiya bəyanat yayıb.

“Təhlükəsizlik xidmətinin əməkdaşı Əsgərov Orxan Rizvan oğlunun ölümü ilə nəticələnən Azərbaycanın Tehrandakı səfirliyinə silahlı hücum xəbəri bizi sarsıdıb. Azərbaycanlı həmkarlarımıza dərin hüznlə başsağlığı verir və yaralananların tezliklə sağalmasını arzulayırıq. Ümid edirik ki, bu faciəvi hadisə hərtərəfli şəkildə araşdırılacaq və günahkar şəxslər cəzalandırılacaq”, - səfirliyin bəyanatında qeyd edilib.

Azərbaycanın İrandakı səfirliyinə hücum edən Yasin Hüseynzadənin fotosu yayılıb.

Terrorçunun görüntüsü sosial şəbəkədə yayılıb.

Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.

“Mənim oğlum videoda maşında qolu sarılan, göy köynəkli oğlandır”.

Bu sözləri Azərbaycanın İrandakı səfirliyinə silahlı hücum nəticəsində şəhid olduğu bildirilən səfirliyin mühafizə xidmətinin rəisi, baş leytenant Orxan Əsgərovun atası 1 nömrəli Birləşmiş Uşaq Xəstəxanasının baş həkimi Rizvan Əsgərov oxu.az-a açıqlamasında bildirib.

O bildirib ki, hazırda Bakıya gəlir:


“Mənim oğlum videoda maşında qolu sarılan, göy köynəkli oğlandır”.

Bu sözləri Azərbaycanın İrandakı səfirliyinə silahlı hücum nəticəsində şəhid olduğu bildirilən səfirliyin mühafizə xidmətinin rəisi, baş leytenant Orxan Əsgərovun atası 1 nömrəli Birləşmiş Uşaq Xəstəxanasının baş həkimi Rizvan Əsgərov oxu.az-a açıqlamasında bildirib.

O bildirib ki, hazırda Bakıya gəlir:

“Səfirlikdən mənimlə əlaqə saxlayan olmayıb. Mənim oğlum qolunu maşında sarıdıqları oğlandır. Sosial şəbəkədə isə hamı yazır ki, ölən Orxandır. Mən çox pis haldayam. Orxan Bakıda yaşayır, ailəsinə də, bizə də bir xəbər verilməyib. Bakıya gəlirəm, məlumatı dəqiqləşdirmək lazımdır”.


“Səfirlikdən mənimlə əlaqə saxlayan olmayıb. Mənim oğlum qolunu maşında sarıdıqları oğlandır. Sosial şəbəkədə isə hamı yazır ki, ölən Orxandır. Mən çox pis haldayam. Orxan Bakıda yaşayır, ailəsinə də, bizə də bir xəbər verilməyib. Bakıya gəlirəm, məlumatı dəqiqləşdirmək lazımdır”.

Azərbaycanda logistik fəaliyyətlə məşğul olan "Rimex Logistic and Trade" MMC İran şirkəti "Mehan Tondar Bar Global Forwarding”lə əməkdaşlığa son verib.

Bu barədə Qaynarinfo-ya "Rimex Logistic and Trade” MMC-nin baş direktoru Rəşad Babayev bildirib. Onun sözlərinə görə, İran şirkəti ilə əməkdaşlığa son verilməsi Azərbaycanın bu ölkədəki səfirliyinə silahlı hücumla bağlıdır.

"Faktiki olaraq səfirliyimizə qarşı terror aktı törədilib. Terror aktını pisləyir və şiddətlə qınayırıq. Xain hücum nəticəsində səfirliyin və səfirlik əməkdaşlarının mühafizəsini təmin edərkən həlak olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı veririk. İnsident zamanı səfirliyin mühafizə xidmətinin yaralanan digər əməkdaşlarına şəfalar diləyirik”, deyə Babayev əlavə edib.

Onun sözlərinə görə, rəhbərlik etdiyi MMC Çindən yüklərin Çindən daşınması üçün "Mehan Tondar Bar Global Forwarding” şirkəti ilə əməkdaşlıq edib. "Rimex Ligistic and Trade” MMC-nin bu şirkətə 11400 ABŞ dolları məbləğində borc var: "Bu borc adıçəkilən şirkətin yükləri gec çatdırdığı üçün yaranıb. Daha doğrusu, biz ödənişi dayandırmışıq.

Azərbaycanın Tehrandakı səfirliyinə qarşı törədilmiş ölümlə nəticələnən son terror aktı isə artıq bizim qəti addımlar atmağımızı şərtləndirdi.
Diplomatik korpusa hücum dövlətə hücumdur. Son vaxrtlar İranın rəhbər şəxslərinin ölkəmizi yeri gəldi-gəlmədi təhdid etməsi, düşmənimiz Ermənistan və ermənilərlə dostluq edib, əlbir olub Azərbaycan dövlətçiliyinə və azərbaycanlılara qarşı məkrli planlar içində olması artıq kimsədə şübhə doğurmur.

Elə buna görə də, İran dövlətinə və ona aid şirkətə etiraz əlaməti olaraq, kollektivimizlə müzakirə edib şirkət üçün çox ağır və məsuliyyətli bir qərar verdik. Atacağımız addımın məsuliyyətini daşımağa şirkət rəhbəri olaraq hazıram. Beləliklə, İranın "Mehan Tondar Bar Global Forwarding” şirkətinə 11400 ABŞ dolları ödənilməyəcək. "Rimex Logistics and Trade” MMC-nin bu şirkətə artıq borcu qalmamışdır.

Qərara alıram ki, bu vəsait iki hissəyə bölünərək, məbləğin 50 faizi (5700 ABŞ dolları) il boyu ərzində səfirliyə hücum zamanı qəhrəmancasına Şəhid olan baş leytenant Əsgərov Orxan Rizvan oğlunun ailəsinə, yerdə qalan 50 faizi (5700 ABŞ dolları) isə yenə iki hissəyə bölünərək Səfirliyimizə terror hücumu zamanı yaralanmış iki əməkdaşın ailələrinə ödənilsin. Şirkətin mühasibatlıq şöbəsi qərardan irəli gələn tapşırığın icrasına başlasın.

Bir daha qeyd edirik ki, İrana aid yükdaşıma şirkəti bizə qarşı məsələni hüquqi müstəviyə qaldırıb mübahisələndirməyə cəhd etsə, şirkət rəhbəri olaraq bunun məsuliyyətini istənilən formada daşımağa hazıram. Bizim canımız, malımız-mülkümüz Şəhid olan və yaralanan qardaşlarımızın canından, qanından artıq deyil”.

Azərbaycanın İrandakı səfirliyinə silahlı hücumdan sonra Tehran polisinin rəisi Hüseyn Rəhimi vəzifəsindən uzaqlaşdırılıb.

Bu barədə İranın Tasnim xəbər agentliyi məlumat verib.

O, SEPAH-ın polis komandiri Əhməd Rza Radan tərəfindən vəzifəsindən azad edilib.

Əlborz polis rəisi Abbas Əli Muhammediyan Tehran Polis İdarəsinə, Rəhimi isə İqtisadi Təhlükəsizlik Polisinin rəisi təyin edilib.

Misir Ərəb Respublikasının Prezidenti Əbdülfəttah Əs-Sisi yanvarın 27-də Azərbaycan Respublikasına səfərə gəlib.

Azərbaycanın və Misirin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

Misir Prezidenti Əbdülfəttah Əs-Sisini hava limanında Baş nazirin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar.