2022-ci il üçün “Oskar” mükafatına namizədlərin adları açıqlanıb.

"Unikal" akademiyanın saytına istinadən xəbər verir ki, əsas namizəd nominasiyaları aşağıdakılardır.

“İlin ən yaxşı filmi” nominasiyası üzrə:

“All quiet on the western front”
“Avatar: The Way of Water”
“The banshees of İnisherin”
“Elvis”
“Everything everywhere all at once”
“The Fabelmans”
“Tar”
“Top gun : Maverick”
“Triangle of sadnees”
“Woman talkings”

“İlin ən yaxşı rejissoru” nominasiyası üzrə:

Martin Mcdonagh – “The Banshess of İnisherin”
Daniel Kwan and Daniel Scheinert – “Everything everywhere all at once”
Steven Spielberg – “The Fabelmans”
Todd Field – “”Tar”
Ruben Östlund – “Triangle of sadness”

“İlin ən yaxşı aktyoru” nominasiyası üzrə:

Austin Butler – “Elvis”
Colin Farrel – “The Banshess of İnisherin”
Brendan Fraser – “The whale”
Paul Mescal – “Aftersun”
Bill Nighy – “Living”

“İlin ən yaxşı aktrisası” nominasiyası üzrə:

Cate Blanchett – “Tar”
Ana de Armas – “”Blonde”
Andrea Riseborough – “To Leslie”
Mixhelle Williams – “The Fabelmans”
Michelle Yeoh – “Everything everywhere all at once”

“İlin ən yaxşı ssenarisi” nominasiyası üzrə:

“The Banshess of İnisherin”
“Everything everywhere all at once”
“The Fabelmans”
“”Tar”
“Triangle of sadness”

Qeyd edək ki, qaliblər mart ayının 13-ü açıqlanacaq.

Azərbaycanın mövqeyi belədir: ərazi bütövlüyümüzü qorumaq və biz Ermənistanla sülh müqaviləsini imzalamağa hazırıq. Biz bu gün Xankəndində yaşayan erməniləri Azərbaycan vətəndaşları kimi görürük və hər bir ölkə vətəndaşı kimi onlara da hüquq və azadlıqları təmin edən Azərbaycan Respublikasının Konstitusiyasıdır.

Bunu Fransanın “Revue Conflits” saytına müsahibəsində Azərbaycanın Fransadakı səfiri Leyla Abdullayeva deyib.

Səfir bildirib ki, hərbi əməliyyatlar başa çatdıqdan və üçtərəfli saziş imzalandıqdan sonra Azərbaycan Ermənistanla münasibətlərin normallaşdırılması təşəbbüsü ilə çıxış edib. Ölkəmiz də sülh müqaviləsinin imzalanmasını təklif etdi, biz müharibədən əvvəlki irsin kütləvi şəkildə məhv edildiyini aşkar etdikdə bu, asan qərar deyildi. Mən bu məqamı ona görə qeyd edirəm ki, hər kəsin aydın təsəvvürə malik olması vacibdir ki, üçtərəfli saziş imzalanandan ertəsi gün Azərbaycan bilirdi ki, iki ölkə arasında sülhün imzalanması haqqında belə tez danışmaq heç də asan deyil.

"Sonradan Azərbaycan və Ermənistan liderləri son iki ildə bir neçə dəfə görüşdülər, o cümlədən Avropa İttifaqı Şurasının prezidenti Şarl Mişelin iştirakı ilə görüşlər oldu. Liderlərin son görüşləri Brüssel, Praqa və Soçidə keçirilib.

Ötən il hər iki ölkə sülh sazişinə nail olmağa yaxın idi. Təəssüflər olsun ki, hər dəfə iki ölkə saziş imzalamağa yaxınlaşanda bir hadisə (erməni təxribatları) bu imzalanmaya əngəl törədir. Məsələn, sentyabr ayında Azərbaycan-Ermənistan sərhədində vəziyyət gərginləşib. Ermənilər Azərbaycan ərazilərində minalar basdırmağı planlaşdırırdılar, ona görə də biz bu təcavüzə reaksiya verərək, ermənilərin Azərbaycanın mülki əhalisini hədəfə almaq üçün istifadə etdiyi, demarkasiya edilməmiş sərhəddə yerləşən strateji yüksəklikləri ələ keçirdik", - deyə o, əlavə edib.

Türkiyə prezidenti Rəcəb Tayyib Ərdoğan hakim AKP-nin milyonlarla türkün borc yükünü yüngülləşdirmək üçün qanun layihəsi təklif edəcəyini bildirib.

Bu addım onun builki seçkilər ərəfəsində seçki bazasını gücləndirmək məqsədi daşıyır.

“Biz 31 dekabr 2022-ci il tarixinədək vergi orqanlarına 2000 lirəni (106 ABŞ dolları) keçməyən borcunu bağışlayırıq”, – Ərdoğan Nazirlər Kabinetinin iclasından sonra televiziya ilə çıxışında deyib. Onun sözlərinə görə, qanun layihəsi yol hərəkəti qaydalarının pozulmasına görə bəzi cərimələri və dövlət qurumlarına düşən cərimələri əhatə edəcək.

Borcların azaldılması təklifi indiyə qədər ən bahalı seçkiqabağı hədiyyə ola bilər. Ölkə dünyanın ən böyük inflyasiya böhranlarından biri ilə mübarizə aparır, qiymət artımları keçən ilin sonunda 64%-ə enməzdən əvvəl 85%-dən yuxarı qalxdı.

Türkiyə artıq bu il minimum əmək haqqını 55% artırıb və 2 milyondan çox işçiyə erkən pensiya vəd edib. Qərarın hökumətə təxminən 13 milyard dollara başa gələcəyi gözlənilir. Bu arada dövlət qulluqçularının pensiyaları və maaşları 30% artırılıb və iyul ayında müvəqqəti artım ola bilər. Hökumət həmçinin Xəzinədarlığa milyardlarla lirəyə başa gəlməsi gözlənilən sərfəli mənzil layihələrini də dəstəkləyir.

Ərdoğan Türkiyənin ən populyar siyasətçisi olaraq qalmasına baxmayaraq, onun partiyası adətən onun ən sadiq tərəfdarları arasında olan yoxsullar arasında dəstəyini itirib.

Maliyyə və Xəzinədarlıq Naziri Nurəddin Nebatinin sözlərinə görə, Türkiyə ötən il artıq 16 milyard dollara yaxın vergi güzəştləri verib.

Azərbaycanda övladlığagötürmə qaydası dəyişib.

Bu, Prezident İlham Əliyevin Ailə Məcəlləsinə dəyişikliyi təsdiqləməsi ilə mümkün olub.

Dəyişikliyə əsasən uşağın övladlığa götürülməsi barədə məhkəmənin qətnaməsi qanuni qüvvəyə mindikdən sonra həmin qətnamədən çıxarış üç gün müddətində hakim tərəfindən gücləndirilmiş elektron imza ilə təsdiqlənərək “Elektron məhkəmə” informasiya sistemi vasitəsilə müvafiq icra hakimiyyəti orqanının müəyyən etdiyi orqanın informasiya sisteminə ötürülür.

"Qapını açanda arxadan gələn avtobus qapıya çırpıldı... Bir neçə saniyə gec gəlsə, qarşısında qapı yox, mən olacaqdım".

Bunu tanınmış teleaparıcı Vüsalə Məmmədova özünün sosial şəbəkə hesabında paylaşıb.

Aparıcının sözlərinə görə, "Bolt" sərnişindaşıma şirkətinin sürücüsü həm ehtiyatsız davranıb, həm də onu təhdid edib:

“Şirkətin qarşısında saxlamağa yer ola-ola taksi "arxadan maşın gəlir, saxlaya bilmərəm" deyib, irəli sürdü. Dayanacağa yaxın yerdə, ikinci zolaqda saxladı və "o qapı içəridən açılmır, sol qapıdan düşün" dedi... İki dəfə yoxladım, həqiqətən qapı açılmırdı, məcbur qalıb sürücünün arxasındakı qapıya tərəf keçdim. Yaşadığım stress bir yana, indi sürücü zəng edib ki, "bu işi neyləyək?". “Bolt”da qeydiyyatdan keçdiyi avtomobillə gəlməyib, qapısı xarab, sol qapıdan düşməyi deyir və saxlayanda arxadan gələn maşını görə-görə, düşəndə arxadan gələn avtobusu görmür, xəbərdarlıq eləmir... Mənə də deyir səninlə başqa yerdə danışacam”, - deyə aparıcı bildirib.

Azərbaycan Prezidenti İlham Əliyev gələn həftə Macarıstana rəsmi səfər edəcək.

Bu barədə ölkənin xarici işlər naziri Peter Sijarto bildirib. Prezidentin səfərinin gündəliyi barədə ətraflı məlumat verilmir.

Macarıstan diplomatiyasının rəhbəri “Facebook” səhifəsində qeyd edib ki, hazırda Azərbaycan liderinin səfəri ilə bağlı hazırlıq gedir. Nazir Siyarto onu da bildirib ki, Əliyevin səfəri öncəsi bu gün Budapeştdə Azərbaycanın iqtisadiyyat naziri Mikayıl Cabbarov ilə görüşü olub və enerji məsələləri müzakirə olunub.

“Avropa enerji böhranı yaşayır, ona görə də yeni təbii qaz mənbələrinə ehtiyac var. Ortamüddətli perspektivdə ən real ssenari Azərbaycandan Avropaya təbii qaz ixracının həcminin əhəmiyyətli dərəcədə artmasıdır. Bunun üçün regionumuzda infrastrukturu inkişaf etdirmək lazımdır və Azərbaycan da daha çox istehsal etməlidir”, - Macarıstanın xarici işlər naziri Facebook-da yazıb.

Keçən ay Macarıstan və Rumıniya, o cümlədən Azərbaycan və Gürcüstan yaşıl enerjinin inkişafı və təchizatı sahəsində strateji tərəfdaşlıq haqqında saziş imzalayıblar ki, bu saziş çərçivəsində Azərbaycan dəniz külək stansiyalarından Gürcüstan vasitəsilə Avropaya elektrik enerjisi ixrac etməyi planlaşdırır. Müqavilə Qara dənizin dibi ilə Azərbaycanı Gürcüstan və Rumıniya vasitəsilə Macarıstanla birləşdirəcək kabel xəttinin çəkilməsini nəzərdə tutur.

Azərbaycan Prezidenti yanında Əfv Məsələləri Komissiyasının iclası keçirilib.

İclasda əfvlə bağlı 100-dən çox müraciətə baxılıb.

Əfv Komissiyanın növbəti iclası yanvarın 31-də keçiriləcək.

Qeyd edək ki, komissiya indiyə qədər 300-dən çox müraciətə baxıb.

xxx

16:00

Azərbaycan Prezidenti yanında Əfv Məsələləri Komissiyasının növbəti iclası başlayıb.

İclasda əfvlə bağlı müraciətlərə baxılır.

Qeyd edək ki, Komissiyanın ötən iki iclasında 200-dən artıq müraciətə baxılmışdı.

Azərbaycan Respublikası Hökuməti ilə Rusiya Federasiyası Hökuməti arasında fiziki şəxslər tərəfindən nağd pul vəsaitinin və (və ya) pul alətlərinin transsərhəd hərəkəti zamanı cinayət yolu ilə əldə edilmiş gəlirlərin leqallaşdırılmasına (yuyulmasına) və terrorçuluğun maliyyələşdirilməsinə qarşı mübarizə sahəsində informasiya əməkdaşlığı haqqında Saziş təsdiq edilib.

Prezident İlham Əliyev bununla bağlı Fərman imzalayıb.

Fərmana əsasən, 2022-ci il noyabrın 17-də Bakı şəhərində imzalanmış “Azərbaycan Respublikası Hökuməti ilə Rusiya Federasiyası Hökuməti arasında fiziki şəxslər tərəfindən nağd pul vəsaitinin və (və ya) pul alətlərinin transsərhəd hərəkəti zamanı cinayət yolu ilə əldə edilmiş gəlirlərin leqallaşdırılmasına (yuyulmasına) və terrorçuluğun maliyyələşdirilməsinə qarşı mübarizə sahəsində informasiya əməkdaşlığı haqqında Saziş” təsdiq edilib.

Saziş qüvvəyə mindikdən sonra Azərbaycan Respublikasının Dövlət Gömrük Komitəsi onun müddəalarının həyata keçirilməsini təmin etməlidir.

Xarici İşlər Nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Rusiya Federasiyası Hökumətinə bildiriş göndərməlidir.

İki il əvvəl Sabirabadda vəfat edən 20 yaşlı Səmayə Zeynalovanın ölümü ilə bağlı iş yenidən araşdırılacaq.

Bu barədə vəkil Samir Zeynalov məlumat yayıb. O bildirib ki, S.Zeynalovanın intihar etməsi ilə bağlı başlanmış cinayət işinə xitam verilməsi ilə bağlı qərar ləğv edilib. Cinayət Məcəlləsinin 125-ci (özünü öldürmə həddinə çatdırma) maddəsi ilə başlanılan iş yenidən icraata götürülüb və Sabirabad Rayon Prokurorluğunda araşdırmalara başlanılıb.

Məlumatla əlaqədar Baş Prokurorluğun Mətbuat xidmətinə sorğu ünvanladıq. Qurumdan “Qafqazinfo”nun müraciətinə cavab olaraq xəbər təsdiq edilib: “Hazırda Sabirabad Rayon Prokurorluğunda qeyd olunan cinayət işi üzrə istintaq davam etdirilir”.

Qeyd edək ki, Səmayə Zeynalovanın ailəsi onun intihar etmədiyini bildirərək öldürüldüyünü iddia edir. Onlar bildiriblər ki, 20 yaşlı Səmayə normal əhval-ruhiyyədə olub, hadisədən bir neçə gün əvvəl övladının doğum günün təmtəraqlı şəkildə qeyd edib. Həmçinin mərhumun ailəsi onun özünü asdığı bildirilən nar ağacının budağının həddindən artıq kövrək və elastik olmasını, 1 metr 72 sm boylu şəxsi saxlamaq gücündə olmadığını bildiriblər. İddialara görə, Səmayə Zeynalovanı ölüm həddinə həyat yoldaşının ailəsi çatdırıb. Onlar mərhumun qayınatası Əlişirin Zeynalovun Səmayənin ölümündə əsas iştirakçı olduğunu iddia ediblər.

Xatırladaq ki, Səmayə Zeynalova 2021-ci ilin 24 aprel tarixində Sabirabad rayonu Cavad kəndində vəfat edib.


“Qafqazinfo”

Əslən Kürdəmirdən olan Dəyanət adlı şəxsin və onun Qəbələli şərikinin rəhbərlik etdikləri “Uzun Ömür İvanovka” MMC-nin süd məhsulları təbii deyil və onların İsmayıllı rayonunun məşhur İvanovka kəndi və kolxozu ilə heç bir əlaqəsi yoxdur. Burada istehsal olunan məhsulların heç biri təbii deyil, quru süddən hazırlanır. Yağlar da kərə deyil, “Azərsun” holdiunqinin istehsal etdiyi bitki mənşəlidir. Məhsulun markalanmasında “İvanovka” coğrafi adından istifadə etməklə istehlakçıların aldadılması və hüquqlarının pozulmasından başqa, məlumat yayılıb ki, MMC-nin satışa çıxarılan bəzi məhsullarının üzərindəki istehsal vaxtı məhsulun istehsal edildiyi günə uyğun olaraq yox, satışa çıxarıldığı günə uyğun olaraq yazılır. Bununla da saxta məhsulu alan alıcı çox ciddi problemlərlə qarşılaşır. Bir sözlə sağlamlığını təhlükə altına atır.

Redaksiyamıza daxil olan məlumata görə, MMC-yə məxsus Zabrat qəsəbəsində Maqsud adlı şəxsin işlətdiyi süd məhsulları istehsalı sexində qida təhlükəsizliyi sahəsində texniki normativ hüquqi aktların tələbləri pozulur, sanitar-gigiyena normalarına tam əməl olunmur, mənşəyi məlum olmayan xammallardan istifadə edilir, emal prosesinə qəbul edilən xammal və yarımfabrikatların təhlükəsizlik və keyfiyyət göstəriciləri yoxlanılmır.

Həmçinin bildirilir ki, müəssisədə məhsulun saxlanma müddətinin artırılması məqsədilə insanın həyat və sağlamlığına təhlükə yarada konservantlardan gözəyarı şəkildə istifadə olunur, sexdə temperatur və rütubət rejiminin tənzimlənməsinə nəzarət düzgün həyata keçirilmir, soyuducu kameralarda mal qonşuluğu qaydalarına əməl olunmadan saxlanılır.

Bu yerdə Azərbaycan İstehlakçılar Birliyinin sədri Eyyub Hüseynovun sualı yada düşür: “Ovuc boyda” İvanovka bütün Azərbaycanı süd məhsulları ilə təmin edir?”

Deryaz.az