Daxili İşlər Nazirliyinin Baş Dövlət Yol Polisi İdarəsinin media subyektlərinə və sosial şəbəkə fəallarına müraciət edib.

İdarədən daxil olan müraciətdə deyilir: “Ölkəmizdə yol hərəkəti təhlükəsizliyinin təmin edilməsi tədbirlərini tənzimləyən normativ aktlarda, eləcə də bu sahədə icra olunan Dövlət Proqramında Yol hərəkəti təhlükəsizliyinin təbliğinin diqqətdə saxlanılması müəyyən edilib. Bu məqama televiziya və radio verilişlərinin, audiovizual və kütləvi nümayiş etdirilən materialların hazırlanması zamanı da ciddi əməl olunmalıdır.

Lakin bəzi televiziya və radio verilişlərində, kliplərdə, teleseriallarda, reklam çarxlarında, habelə blogerlər və incəsənət xadimlərinin sosial şəbəkə seqmentlərindəki paylaşımlarında təəssüf ki yol hərəkəti təhlükəsizliyi və yol hərəkəti qaydaları əleyhinə olan pozuntuların geniş auditoriyaya nümayiş etdirildiyini şahidi oluruq. Təəssüf ki bu materialların heç bir əlavə şərh verilmədən yayımlandığını şahidi oluruq.

Belə audiovizual materiallar yol hərəkəti iştirakçıları, xüsusilə uşaq və yeniyetmələr arasında yanlış anlaşılmalara səbəb olur. Hətta onlarda analoji olaraq bu səhvlərə yol vermək arzusu yaradır. Eləcə də bu kimi neqativ təzahürlərin gənc və yeniyetmələr arasında yol hərəkəti mədəniyyətinin formalaşmasına mənfi təsir göstərməsi ciddi narahatlıq doğurur.

Yol hərəkəti təhlükəsizliyini təmin edilməsi sahəsində dövlət siyasətini həyata keçirən Baş Dövlət Yol Polisi İdarəsi olaraq bu kimi halların yolverilməz olduğunu bir daha diqqətə çatdırırıq.

Bütün media subyektlərini, sosial şəbəkə fəallarını ölkəmizdə yol hərəkətinin təhlükəsizliyi sahəsində həyata keçirilən maarifləndirmə və təbliğat-təşviqat xarakterli tədbirlərin icrasına töhfə verməyə çağırırıq".

“Niva”nın arxasında göyərti satan adama necə 1 500 manat cərimə yazmaq olar? Hansı ki, iri biznesi olan sahibkar heç vergi belə ödəmir, ona cərimə yazılmır. Bununla inkişaf olmaz”.

Bunu Milli Məclisin Hüquq siyasəti və dövlət quruculuğu komitəsinin üzvü Tahir Kərimli komitənin iclası zamanı çıxışında bildirib.

O qeyd edib ki, inkişaf etmiş ölkələrin 80 %-i gəliri məhz kiçik və orta biznezdən əldə edilən vəsait hesabına formalaşır:

“Cərimələrin yüksək olması inkişafa mane olur. Sahibkar fikirləşir ki, bu qədər yüksək cərimə ödəməkdənsə işimi bağlayıb. Ya da haramısa zədələyib əlillik alım”.bakupost.az

Ölkəni başına alan “Poz, qazan” və “Misli” qumarını təşkil edən şirkətlərlı bağlı yeni məlumatlar üzə çıxmaqdadır.

AMİA.AZ xəbər verir ki, ölkəni kazinoya çevirən “Azərlotereya” ASC-nin Türkiyənin “Dəmirörən” şirkəti ilə müqavilə bağladığı bilinsə də, əslində, müqavilənin birbaşa “Dəmirörən” holdinqlə bağlanmadığı təsbit edilib. Məlum olub ki, Hollandiyada yaradılan bir ofşor şirkəti ilə saziş bağlanıb. Bu da qaranlıq işlərə və qeyri-şəffaflığa yol açan faktordur. Beləliklə, Azərbaycan xalqından çıxarılan pullar Hollandiyada qurulan və hara xərcləndiyi bilinməyən yerlərə gedir.

Bundan əlavə, faktiki olaraq “Poz, qazan” onlayn şəkildə oynanılacaq kazino fəaliyyətidir. Kazino fəaliyyəti də mövcud qanunvericiliklə qadağan olunub və cinayət məsuliyyəti yaradır.

Üstəlik, “Azərlotereya” haqqında Prezidentin fərmanı əsasında oyun qaydaları hazırlanıb təqdim olunmalıdır, və qanun.az saytında yerləşdirilməlidir. Əgər vətəndaşla şirkət arasında hansısa anlaşılmazlıq yaranarsa vətəndaşın istinad edəcəyi qanunvericilik bazası olmalıdır. Lakin Azərlotereya bunu bilərəkdən həyata keçirir ki, vətəndaşla yaranan məsələ problem olaraq qalsın. Ümumiyyətlə, Hollandiyada qurulan şirkətlə müqavilə qara işləri görmək üçün bağlanıb. Bu şirkətin Hollandiyada yaradılması pulların təkcə ölkə xaricinə axması demək deyil, həm də bu oyunu oynayan Azərbaycan vətəndaşlarının şəxsi və bütün bank məlumatlarının xarici şirkətlərin əlinə keçməsi deməkdir. Bu məlumatların isə sonradan həmi şirkətləri himayə edən və ərazisində fəaliyyət göstərdiyi xarici xüsusi xidmət orqanlarının əkinə keçməyəcəyinə kimsə zəmanət verə bilməz.

Qarşı tərəfin də mövqeyini dərc etməyə hazırıq.tia.az

Azərbaycan Respublikasının Prezidenti İlham Əliyev yanvarın 19-da Davosda "Adani Group" şirkətinin təsisçisi və sədri Qautam Adani ilə görüşüb.

Görüşdə Azərbaycanın Şərq-Qərb və Şimal-Cənub nəqliyyat dəhlizlərinin təşəbbüskarı və əsas nəqliyyat-logistika qovşaqlarından biri olduğu vurğulandı, bu xüsusda əməkdaşlığın perspektivləri müzakirə edilib.

Həmçinin Şərq-Qərb nəqliyyat dəhlizi kontekstində Azərbaycan ərazisindən keçən Orta Dəhlizin xüsusi əhəmiyyəti qeyd edilib.

Qautam Adani şirkətin Hindistanda və dünyanın müxtəlif bölgələrində limanların idarə edilməsi, nəqliyyat və daşıma sahələrində geniş təcrübəyə malik olduğunu, dünyanın bir sıra ölkələrində bu sahələrdə birbaşa investisiyalarla çıxış etdiyini bildirib..

Söhbət zamanı Azərbaycanın birbaşa xarici investisiyalar üçün cəlbedici olması, ölkəmizin iqtisadiyyatının inkişafı və bu xüsusda "Adani Group" ilə neft-kimya, dağ-mədən, metallurgiya sənayesi və qarşılıqlı maraq doğuran digər sahələrdə əməkdaşlığın perspektivləri barədə fikir mübadiləsi aparılıb.

Görüşdə nümayəndə heyətlərinin qarşılıqlı səfərlərinin həyata keçirilməsi və gələcək əməkdaşlıq üzrə daha təfərrüatlı müzakirələrin aparılmasına dair razılığa gəlinib.

ATV-nin keçmiş prezidenti, Əməkdar jurnalist Vüqar Qaradağlının oğlu Aydın nişanlanıb.
Aydın Qaradağlı Lalə Bağırova adlı xanımla evlənməyə hazırlaşır.
Nişan mərasimi ötən gün şəhər restoranlarının birində baş tutub. Gecədə Vüqar Qaradağlı gəlinin barmağına nişan üzüyünü taxıb.
Qeyd edək ki, 2022-ci ilin iyununda V. Qaradağlının qızı Gültəkin tanınmış proqramçı Tural Bədirxanlı ilə nişanlanıb.

Axşam.az

İki gün əvvəl ölkə mətbuatı informasiya yaydı ki, Azərbaycanın Baş nazirinin müavini Yaqub Eyyubovun oğlunun bankdakı bir milyard dolları dondurulub. İlkin olaraq “Unikal.az” və “Qafqazinfo” xəbər verdi ki, Yaqub Eyyubovun ölkədən çıxararaq Latviyanın paytaxtı Riqa şəhərindəki bankda oğlunun adına qoyduğu bir milyard dollar vəsaitə “stop” qoyulub.

Xatırladaq ki, Yaqub Eyyubov baş nazirin birinci müavini kimi hökumətin Silahlı Qüvvələrə nəzarət edən mühüm şəxsidir. O hərbi təlimlərdə, eləcə də bir sıra yoxlama-nəzarət prosesində iştirak edib. Onu da qeyd edək ki, bir müddət öncə Müdafiə Nazirliyinin Maliyyə idarəsinin bir neçə yüksək rütbəli zabitləri külli miqdarda vəsaitin mənimsənilməsi ilə bağlı həbs edilib.

Bu xəbərə aydınlıq gətirmək üçün Yaqub Eyyubova zəng edən “Gununsesi.info-nun əməkdaşı sualına sualla cavab alıb. Baş nazirin müavini: “nə pul, nə 1 milyard… Kim deyir bunu?” söyləyərək telefonun dəstəyini asıb.

Qeyd edək ki, Yaqub Eyyubovun Azərbaycandan xaricə — Rusiyaya, Avropaya, xüsusilə də Kanadaya yüz milyonlarla vəsait çıxarması və oğulları tərəfindən idarə edilməsi barədə faktlar illər öncə də yayılıb.

78 yaşlı Yaqub Eyyubov 1997-1998-ci illərdə Azərbaycan Respublikası Dövlət Sənayedə İşlərin Təhlükəsiz Görülməsinə Nəzarət və Dağ Mədən Nəzarəti Komitəsinin sədri, 1998-1999-cu illərdə həmin komitənin sədrinin səlahiyyətlərini icra edən, 1999-cu ildən Azərbaycan Respublikası Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsinin sədri olub. 1999-2003-cü illərdə Azərbaycan Respublikası Nazirlər Kabinetində Baş nazirin müavini vəzifəsini tutub. 2003-cü ildən Azərbaycan Respublikası Baş nazirinin birinci müavinidir.

Y.Eyyubovun dövlət rəsmisi kimi fəaliyyətini müşahidə etsək, elə nəticə çıxararıq ki, onun işi-gücü yalnız Azərbaycana səfər edən xarici dövlət və hökumət başçılarının hava limanında qarşılamaqdan ibarətdir. Yaqub Eyyubov Rusiya prezidenti Putin tərəfindən “Dostluq” ordeni, Belorus prezidenti Lukaşenko tərəfindən “Şərəf” ordeni ilə təltif edilib. Bu prizmadan baxanda Yaqub Eyyubovun qayınının Moskvada Rusiyaya general kimi xidmət etməsi təəccüblü görünmür.

Bir müddət öncə Yaqub Eyyubovun Qusarda 16 milyon dəyərində böyük torpaq sahələri və fındıq bağları alması haqqında məlumat yayıldı. Bildirilirdi ki, həmin ərazilər Qusarın Çubuqlu və Həsənqala kəndlərinin sakinlərinə məxsus olub və xeyli əvvəl Qida Təhlükəsizliyi Agentliyinin rəhbəri Qoşqar Təhməzlinin yaxın adamı kimi tanınan zəngilanlı iş adamı Xaliq Abbasova məxsus “QRANT QARDEN” MMC tərəfindən zəbt edilib. Sonradan isə MMC-nin banklara olan külli miqdarda borclarının ödənilməsi üçün Yaqub Eyyubova və başqa oliqarxlara satılıb.

Oğlu Orxan Eyyubov İngiltərə vətəndaşı olsa da, Kanadanın Ontario əyalətində daimi qeydiyyatdadır. Onun Kanadada, İngiltərədə, İsveçrə və Macarıstanda şirkətlərinin olduğu məlumdur. Yaqub Eyyubovun digər oğlu Emin Əyyubov Belçika Krallığında və Lüksemburqda fövqəladə və səlahiyyətli səfir işləsə də, diplomatik fəaliyyətdən daha çox çanta, sakvoyaj və yol arabalarının Bakıda ticarətinin təşkil olunmasında ad çıxarıb. Emin Eyyubov 2018-ci ilin oktyabrında Azərbaycanın Avropa Şurasında daimi nümayəndəsi vəzifəsindən geri çağırılıb. Bir ay keçər-keçməz o, Bakıda 10.000 manat kapitalı olan “Dipcon” MMC yaradıb. Ailənin ortancılı Fərhad Eyyubov 2015-ci ilin noyabr ayından Bakı şəhəri Dövlət Yol Polisi İdarəsinin rəis müavini təyin olunub.

Yaqub Eyyubovun qardaşı Yusif Eyyubov Xorvatiyada, qardaşı oğlu Kamran Eyyubov Azərbaycanda böyük biznes şəbəkələrinə sahibdirlər. Yusif Eyyubov Dövlət Əmlakı Nazirliyi Dövlət əmlakının idarə edilməsi və istehsalın təşkili departamentinin direktoru işləyib, nazirliyin kollegiyasında təmsil olunub. 2001-ci ildə Xorvatiyada “Montevideo D.o.o” şirkətini yaradıb. Şirkətin mülkiyyətində Zaqrebdə, Rijeçka küçəsi, 10 ünvanında yerləşən zirzəmi nəzərə alınmaqla üçmərtbəli VITA Fitness SPA mərkəzi var. Burada voleybol da daxil olmaqla bir çox idman növü ilə qrup və fərdi şəkildə məşğul olmaq hər cür şərait var. Sauna, hovuz, kafe-bar da ki öz yerində. Yusif Eyyubov burada 10-da çox iş yeri açıb. Avropada yaşayan jurnalist Cavanşir Həsənlinin apardığı təhqiqat müəyyən edib ki, şirkətin təsisçisi onun yaradılımasına 19,9 milyon xorvat kunüsi (təxminən 3 milyon ABŞ dolları) yatırıb. Y.Eyyubov Azərbaycanla əlaqələrini də itirmir. 2017-ci ildə Azərbaycan Sahibkarlar (İşəgötürənlər) Konfederasiyası onu Xorvatiyada özünün nümayəndəsi təyin edib

Fəryad qəzetinin redaksiyasına məlumat verən etibarlı mənbə bildirir ki, Yaqub Eyyubovun pullarının “yuyulmasını” həyata keçirərək “obnaliçka” edilib nağdlaşdırılmasında ona kömək edən şəxs “Kapitalbank”ın paytaxtın Nərimanov rayonunda yerləşən “Rabitə” (“Gənclik”) filialının rəhbəri Sabir Əliyevdir. Filial rəhbərinin qanunsuz əməlləri ucbatından həbs olunduğunu iddia edən Sumqayıt şəhər sakini Şamil Əliyev hələ bir neçə il əvvəl KİV-də çıxış edərək bildirmişdi ki, Sabir Əliyevin əlbir olduğu mütəşəkkil cinayətkar dəstənin başçısı Şahoğlanın, üzvləri Əmrah və Cəbrayıl adlı şəxslərin toruna düşüb, ali savadı olmadan adına şirkət açılmasına razılıq verib və onların istədikləri sənədlərə qol çəkdiyinə görə cəncələ düşüb. Şamilin sözlərinə görə, dəstənin iri maliyyə əməliyyatlarını həyata keçirən Sabir Əliyev hər görüşlərində onu əmin edirmiş ki, bu işdə heç bir qanunsuzluq yoxdur: “Hər dəfə bankdan pul çıxarılanda mənə 10-20 manat civarında pul verirdilər. Mən isə adətən 500 min, bəzən bundan da artıq məbləğlərə imza atırdım. 2011-ci ildə həbs olunarkən məlum oldu ki, mənim 1 milyondan artıq vergi borcum var. İstintaq zamanı müstəntiqə dedim ki, axı mən 10-20 manatdan artıq pul almamışam bunun vergi borcu necə 1 milyon manatdan çox ola bilər? Mənə istintaq zamanı məlum oldu ki, aldadılmışam və adıma böyük şirkət açılaraq, maxinasiyalar olunub və məsuliyyət mənim ayağıma yazılıb. İstintaq zamanı mənim başıma bu oyunları açan şəxslərin adlarını açıqladım və bildirdim ki, Əmrah, Cəbrayıl, Şahoğlan və Kapital Bank ASC-nin «Rabitə» filialının müdiri Sabir müəllim məni bu oyuna salıblar. Lakin nədənsə onlar barəsində heç bir qanuni tədbir görülmədi. Bu zaman mən əmin oldum ki, həqiqətən də həmin mütəşəkkil dəstə üzvlərini yüksək səviyyədə himayə edənlər var”.

Sabir Əliyev həmin cinayətlərdə əlinin olduğunu təkzib etsə də, Şamili yalnız müştəri kimi tanıdığını desə də, ona türmədə yatdığı 2011-2016-cı illər arası maddi yardım göndərdiyini etiraf edib.

Etibarlı mənbə bildiriri ki, Sabir Əliyevin əvvəllər keçmiş spiker Rəsul Quliyevlə şərik “RUZİ” bankı olub. Rəsul Quliyevdən ayrılandan sonra bank və Sabir müflisləşib. Sabir Əliyev çevik hərəkət edərək bu dəfə “Texnikabank” rəhbəri Etibarın yardımı ilə qəddini düzəldə bilib.

Yaqub Eyyubovun ötən ilin sentyabr ayında Moskvada MDB İqtisadiyyat Şurasının iclası çərçivəsində Ermənistan Baş nazirinin müavini Mqer Qriqoryan baş tutan ayaqüstü söhbətində erməni dilində sözlər işlətməsi isə əlahiddə mövzudur.

P.S. Növbəti sayımızda 1995 — ci ildə Gəncə alüminium zavodunda 6,5 milyon dollarlıq əməliyyatda alüminium və boksidin pulunun mənimsənilməsi və bu əməliyyatda Natiqin müəmmalı şəkildə öldürülməsi məsələsindən bəhs edəcəyik.

Dəryaz.az

Sosial mediada, TV-lərdə reklamları tez-tez qarşımıza çıxan “Unibank”ın təkcə 2023-cü il ərzində 178 məhkəmə prosesi var. Təkcə bu fakt sözügedən bankın işinin hansı səviyyədə olduğunu gözlər önünə sərir.

Tribunainfo.az xəbər verir ki, məhkəmə proseslərinin əksəriyyəti müqavilələrdən əmələ gələn öhdəliklər və kredit müqaviləsi üzrə mübahisələr olsa da, “Unibank”ın özü belə məhşər ayağına çəkilərək məhkəməyə verilir.

Məhkəmə proseslərinə və işlərin mahiyyətinə diqqət yetirdikdə isə aydın olur ki, “Unibank”ın bu gün əsas missiyası qışın soyuğunda insanları evlərindən etmək, onları evsiz qoymaqdır.

Bu da onu deməyə əsas verir ki, bank işini sağlam tutmur, bağladığı müqavilələrlə vətəndaşa kömək etmək əvəzinə onu daha da problemə salmağa çalışır. Nəticədə də belə məhkəmə prosesləri ortaya çıxır.

Çünki sözügedən bankın məqsədi verdiyi kreditdən faiz almaq, hanısa məzlumun evini müsadirə etmək, qanunsuz olaraq zənginləşməkdir. Belə bir bankın yüzlərlə, minlərlə ailənin taleyi ilə oynaması isə bank adına ləkədir.

Və bütün bunlardan sonra hansı bankın nüfuzu barədə danışmaq olar ki?!

O məhkəmə işlərindən biri Quba rayonunda Əsədovlar ailəsinə qarşı açılıb. 9 nəfərlik ailəni mənzilindən çıxarmaq üçün məhkəməyə müraciət edən “Unibank”ın işinə Quba Rayon Məhkəməsində hakim Rahim Həsənovun sədrliyi ilə baxılacaq. Tərəflər arasında dörd proses baş tutub, sonuncu iclas 30 yanvar tarixinə təyin edilib.

“Unibank” Lənkəranda da 15 nəfərin mənzildən çıxarıması ilə bağlı məhkəməyə müraciət edib. Mənzil mübahisələri, mənzilə istifadə hüququna xitam verilməsi ilə bağlı başladılan işə Lənkəran Rayon Məhkəməsində hakim Rəşad Məmmədovun sədrliyi ilə baxılacaq.

Bir başqa proses isə ipoteka müqaviləsi üzrə mübahisələr, ipoteka borcunun ödənilməsinin əmlaka yönəldilməsinə dair mübahisələrlə bağlıdır. Bank Həsənovlar ailəsini bu səbəbdən məhkəməyə verib. İşə Bakı Şəhəri Xətai Rayonu Məhkəməsində hakim Pərviz Zamanlının sədrliyi ilə bxılacaq. Son prosesdə “Unibank”ın iddiası qismən təmin edilib. Növbəti proses 26 yanvar tarixinə təyin edilib.

Gəncə Şəhər Məhkəməsində isə hakim Camal Quliyevin sədrliyi ilə Əzizov Sərxan, Hüseynova Şəhrəbanı və Həsənli Leylanın işinə baxılacaq. İddiaçı bankın tələbi şəxslərin mənzilindən istifadə hüququna xitam verilməsidir.

Sumqayıt Apellyasiya Məhkəməsində hakim Ayaz Mahmudovun sədrliyi ilə Əhmədova Dilarəyə qarşı qaldırılmış işə baxılacaq. Burada da işin mahiyyəti vətəndaşın mənzilindən çıxarılması ilə bağlıdır.

Sumqayıt Apellyasiya Məhkəməsində hakim Zaur Məmmədovun sədrliy ilə bankın vətəndaş Dəmirov Feyruza qarşı irəli sürdüyü işə baxılacaq. İşin mahiyyəti mənzil mübahisələri, mənzildən istifadə hüququna xitam verilməsi ilə bağlıdır.

Bakı Şəhəri Yasamal Rayon Məhkəməsində hakim İlahə Abbasovanın sədrliyi ilə isə vətəndaş Vəliyeva Sevdya qarşı irəli sürülmüş iddiaya baxılacaq. “Unibank”ın tələbi borclunun əmlakı üzərinə həbsin qoyulmasının təmin edilməsidir.

Bakı Şəhəri Suraxanı Rayon Məhkəməsində hakim Rübabə Qafarovanın sədrliyi ilə Qabilova Məlahət qızına qarşı qaldırılmış iş üzrə iclas keçiriləcək. Bu proses də mülk işi ilə bağlıdır. Bank vətəndaşın mənzil hüququna xitam verilməsini tələb edir.

Tribunainfo.az

İnzibati Xətalar Məcəlləsinə təklif olunan dəyişikliklər jurnalist fəaliyyətini məhdudlaşdırmır, əksinə bu vaxta kimi media etikasında əksini tapmış fundamental prinsiplərin qanun müstəvisində təsbit olunmasına xidmət edir.

Bu barədə Medianın İnkişafı Agentliyinin İnzibati Xətalar Məcəlləsinə təklif olunan dəyişikliklərlə bağlı açıqlamasında bildirilib.

Qeyd edilib ki, qanuni qüvvəyə minmiş məhkəmə qərarı olmadan şəxsin təqsirli olması barədə məlumatların dərc edilməsinə (yayımlanmasına) görə üç min beş yüz manatadək cərimə tətbiq edilməsi cərimənin maksimum həddidir və jurnalistə qarşı yönəlməyib. Bu hal baş verdikdə layihəyə əsasən, yalnız vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə ediləcəklər.

"Jurnalistlərin peşəkar fəaliyyətinə qanunsuz müdaxiləyə, jurnalistin sorğusuna cavab verilməməsinə görə, habelə medianın informasiya qaynağının qorunması ilə bağlı dəyişikliklərdə əksini tapmış yanaşma media etikası ilə səsləşən, jurnalist peşəkarlığının artırılmasına təsir göstərən, eyni zamanda bu istiqamətdə dövlətin məsuliyyətini artırmağa yönəlmiş müddəadır.

Bununla yanaşı, göstərilən pozuntuya yol vermiş şəxslərə münasibətdə Cinayət Məcəlləsinin 163-cü maddəsi tətbiq edilir. Həmin maddəyə əsasən jurnalistlərin qanuni peşə fəaliyyətinə mane olma, yəni zor tətbiq etməklə və ya belə zor tətbiq etmə hədəsi ilə onları məlumat yaymağa və ya məlumat yaymaqdan imtinaya vadar etmə beş yüz manatdan min manatadək miqdarda cərimə və ya bir ilədək müddətə islah işləri ilə cəzalandırılır. Eyni əməllər vəzifəli şəxs tərəfindən öz qulluq mövqeyindən istifadə etməklə törədildikdə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə islah işləri ilə və ya bir ilədək müddətə azadlıqdan məhrum etmə ilə cəzalandırılır.

Göründüyü kimi heç də iddia olunduğu kimi jurnalist fəaliyyətinin əhəmiyyəti azaldılmır, əksinə heç bir peşə fəaliyyəti üçün təmin olunmayan hüquqi mexanizm jurnalistlərinin maneəsiz fəaliyyəti üçün təmin edilir, bu istiqamətdə qanunpozuntusuna yol verən şəxslərə münasibətdə nəinki inzibati, həmçinin cinayət məsuliyyəti nəzərdə tutulur" - açıqlamada qeyd edilib.

Qeyd edək ki, yanvarın 19-da Milli Məclisin Hüquq siyasəti və dövlət quruculuğu komitəsinin iclasında İnzibati Xətalar Məcəlləsinə təklif edilən dəyişikliklər müzakirə olunub.

Yanvarın 19-da Azərbaycan Respublikasının Prezidenti İlham Əliyevin Davosda Avropa Yenidənqurma və İnkişaf Bankının (AYİB) birinci vitse-prezidenti Yurgen Riqterink ilə görüşü olub.

Bu barədə Prezidentin Mətbuat Xidməti məlumat yayıb.

Sosial mediada, TV-lərdə reklamları tez-tez qarşımıza çıxan “Unibank”ın təkcə 2023-cü il ərzində 178 məhkəmə prosesi var. Təkcə bu fakt sözügedən bankın işinin hansı səviyyədə olduğunu gözlər önünə sərir.

Tribunainfo.az xəbər verir ki, məhkəmə proseslərinin əksəriyyəti müqavilələrdən əmələ gələn öhdəliklər və kredit müqaviləsi üzrə mübahisələr olsa da, “Unibank”ın özü belə məhşər ayağına çəkilərək məhkəməyə verilir.

Məhkəmə proseslərinə və işlərin mahiyyətinə diqqət yetirdikdə isə aydın olur ki, “Unibank”ın bu gün əsas missiyası qışın soyuğunda insanları evlərindən etmək, onları evsiz qoymaqdır.

Bu da onu deməyə əsas verir ki, bank işini sağlam tutmur, bağladığı müqavilələrlə vətəndaşa kömək etmək əvəzinə onu daha da problemə salmağa çalışır. Nəticədə də belə məhkəmə prosesləri ortaya çıxır.

Çünki sözügedən bankın məqsədi verdiyi kreditdən faiz almaq, hanısa məzlumun evini müsadirə etmək, qanunsuz olaraq zənginləşməkdir. Belə bir bankın yüzlərlə, minlərlə ailənin taleyi ilə oynaması isə bank adına ləkədir.

Və bütün bunlardan sonra hansı bankın nüfuzu barədə danışmaq olar ki?!

O məhkəmə işlərindən biri Quba rayonunda Əsədovlar ailəsinə qarşı açılıb. 9 nəfərlik ailəni mənzilindən çıxarmaq üçün məhkəməyə müraciət edən “Unibank”ın işinə Quba Rayon Məhkəməsində hakim Rahim Həsənovun sədrliyi ilə baxılacaq. Tərəflər arasında dörd proses baş tutub, sonuncu iclas 30 yanvar tarixinə təyin edilib.

“Unibank” Lənkəranda da 15 nəfərin mənzildən çıxarıması ilə bağlı məhkəməyə müraciət edib. Mənzil mübahisələri, mənzilə istifadə hüququna xitam verilməsi ilə bağlı başladılan işə Lənkəran Rayon Məhkəməsində hakim Rəşad Məmmədovun sədrliyi ilə baxılacaq.

Bir başqa proses isə ipoteka müqaviləsi üzrə mübahisələr, ipoteka borcunun ödənilməsinin əmlaka yönəldilməsinə dair mübahisələrlə bağlıdır. Bank Həsənovlar ailəsini bu səbəbdən məhkəməyə verib. İşə Bakı Şəhəri Xətai Rayonu Məhkəməsində hakim Pərviz Zamanlının sədrliyi ilə bxılacaq. Son prosesdə “Unibank”ın iddiası qismən təmin edilib. Növbəti proses 26 yanvar tarixinə təyin edilib.

Gəncə Şəhər Məhkəməsində isə hakim Camal Quliyevin sədrliyi ilə Əzizov Sərxan, Hüseynova Şəhrəbanı və Həsənli Leylanın işinə baxılacaq. İddiaçı bankın tələbi şəxslərin mənzilindən istifadə hüququna xitam verilməsidir.

Sumqayıt Apellyasiya Məhkəməsində hakim Ayaz Mahmudovun sədrliyi ilə Əhmədova Dilarəyə qarşı qaldırılmış işə baxılacaq. Burada da işin mahiyyəti vətəndaşın mənzilindən çıxarılması ilə bağlıdır.

Sumqayıt Apellyasiya Məhkəməsində hakim Zaur Məmmədovun sədrliy ilə bankın vətəndaş Dəmirov Feyruza qarşı irəli sürdüyü işə baxılacaq. İşin mahiyyəti mənzil mübahisələri, mənzildən istifadə hüququna xitam verilməsi ilə bağlıdır.

Bakı Şəhəri Yasamal Rayon Məhkəməsində hakim İlahə Abbasovanın sədrliyi ilə isə vətəndaş Vəliyeva Sevdya qarşı irəli sürülmüş iddiaya baxılacaq. “Unibank”ın tələbi borclunun əmlakı üzərinə həbsin qoyulmasının təmin edilməsidir.

Bakı Şəhəri Suraxanı Rayon Məhkəməsində hakim Rübabə Qafarovanın sədrliyi ilə Qabilova Məlahət qızına qarşı qaldırılmış iş üzrə iclas keçiriləcək. Bu proses də mülk işi ilə bağlıdır. Bank vətəndaşın mənzil hüququna xitam verilməsini tələb edir.

Tribunainfo.az