Bir neçə gün öncə Xalq artisti Şəfiqə Məmmədovanın yenidən Azərbaycan Respublikası Kinematoqrafçılar İttifaqının (ARKİ) sədri seçilməsi ilə bağlı mətbuatda xəbərlər yayılmışdı.

“Qafqazinfo”nun əldə etdiyi məlumata görə, bu xəbərdən sonra ARKİ üzvləri arasında gərginlik yaşanıb.

Məlum olub ki, Şəfiqə Məmmədovanın sədr seçildiyi gün ARKİ-nin hər hansı qurultayı baş tutmayıb. Bu səbəbdən də ARKİ üzvləri Xalq artistinin özü-özünü sədr elan etdiyini bildiriblər.

Məsələ ilə bağlı Azərbaycan Respublikası Kinematoqrafçılar İttifaqının üzvü, Xalq artisti Şeyx Əbdül Mahmudovbəyov “Qafqazinfo”ya açıqlama verib.

O, məsələdən hiddətləndiyini qeyd edib:

“Biz qurultayın keçirilməsini gözləyirdik. Çünki sədr seçki yolu ilə qurultayda seçilir. Bunun üçün bütün kino ittifaqının nümayəndələri yığılır, bülletenlər paylanılır, sonra sədrin hesabatı dinlənilir və nəhayət sonuncu mərhələdə seçkilər keçirilir. Həmçinin, qurultay üzvləri sədrin hesabatına münasibət də bildirməlidilər.
Ətraflı

Mənə dünən dedilər, qurultay olub və Şəfiqə Məmmədova sədr seçilib. Cavab olaraq bildirdim ki, bu hadisədən mənim xəbərim yoxdur.

Dünyanın hər yerində kino ittifaqlarının sədri kino rejissoru olur. Çünki bu, rejissor sənətidir. Aktyor isə gəlib çəkilir və gedir, onun yeri teatrdır. Aktyor necə ittifaqa rəhbərlik edə bilər ki?

Şəfiqə Məmmədova ilin sonunda hesabat adı ilə İdarə Heyətini çağırıb, seçki edərək özünü sədr seçdirib. Həmçinin, mətbuat xidməti idarəsinin xəbəri olmadan mediaya deyib ki, qurultay keçirildi və mən sədr seçildim. Hansı qurultay? Harada keçirildi?

İclasda idarə heyətindən 8-10 nəfər iştirak edib. Lakin burada ittifaqa daxil olan ən sadə üzvdən rəhbər heyətə qədər hamı iştirak etməli idi. Həmçinin, qurultayda sədr seçmək üçün bir neçə namizəd olmalıdır. Nə qurultay baş tutub, nə də Şəfiqə Məmmədovaya alternativ namizəd olub. Şəfiqə xanım da deyib ki, Şeyx gəlsə, aləmi qatar bir-birinə, kinoya xidmət edən və ittifaqın yadacısı olanlardan biri mənəm. 50 ildir ki, bu sahədəyəm, Şəfiqənin o zaman harada olduğunu heç kim bilmir. Şəfiqə Məmmədova hazırda bilmir ki, ittifaqda kim nə ilə məşğuldur. Mən 10 ildir ki, kinoda yoxam, onun isə bu sahəyə heç bir aidiyyatı yoxdur”.

O, əlavə edib ki, bu yalançı qurultaydı və dövlətin adından istifadədir:

“Şəfiqə Məmmədova dövlətin adı ilə yalandan alver edib və katiblərin hesabat məruzəsini dinləyib. Həmçinin, onu qurultay kimi təqdim edərək mətbuata da informasiya verib ki, guya yekdilliklə sədr seçilib. Bu, yalandır, belə bir qurultay və seçki olmayıb. Bu, çox gülməli vəziyyətdir. 10 ildir ki, qurulay keçirilmir, amma onun 5 ildən bir keçirilməsi lazımdır. Dövlət buraya pul ayırıb.

Şəfiqə Məmmədovanın 80 yaşı var, onun sədr kimi orada nə işi var? Bu ittifaq heç nəyi həll etmir. İttifaq 2-3 nəfərin şəxsi butqası və sexinə çevrilib. Onlar da öz qohumlarını oraya yığıblar. Orada nə işlə məşğuldurlar, heç kim bilmir. Dövlət ittifaqa o qədər pul ayırır, lakin kinonun özünə pul ayırmaq lazımdır. O puldan səmərəli istiafadə edərək yaxşı filmlər çəkmək olar”.

“Qafqazinfo”

Vatsap növbəti yeniliyini istifadəçilərin ixtiyarına verib.

Bu barədə "WABetaInfo" portalı məlumat yayıb.

Bildirilib ki, artıq mesencerdə mesajları səhvən silinməsini ləğv etmək mümkündür. Seçilmiş mətni silmək üçün isə istifadəçinin 5 saniyə vaxtı olacaq.

Hazırda funksiyadan "Android" və "iOS" əməliyyat sistemi ilə çalışan cihazlarda istifadə etmək mümkündür.

"20 ildir ki, mətbuat yayımı şöbəsində çalışıram. Bu yaxınlarda xəbərim olmadan işdən çıxarılmışam. Pensiya yaşına çatmamışam, amma iş tapa bilmirəm”.

Bunu Meydan TV-yə Biləsuvar rayon sakini, 58 yaşlı Füzuli Məmmədov deyib.

Onun sözlərinə görə, "Azərmətbuatyayımı” ASC-nin tabeliyindəki rayon şöbəsində çalışıb. Əmək müqaviləsinə xitam verirkən qarşılıqlı razılaşma olduğu yazılıb. Halbuki işdən çıxarıldığını sonradan öyrənib.

"Dövlət Əmək Müfəttişliyinə müraciət etdim, qayda pozuntusuna görə müəssisəni 1700 manat cərimələdi. Dedilər ki, işdən çıxarılma qanunsuzdur. Ən azından əvvəlcədən xəbərdarlıq edilməli idi. Amma nə işə bərpa etdilər, nə də təzminat ödənildi”, - şikayətçi deyib.

Füzuli Məmmədov bildirib ki, dolanışığı çətindir, əlavə gəlir yeri yoxdur.

Ona işəbərpa olunması üçün "Azərmətbuatyayımı”na qarşı məhkəmə iddiası qaldırdırmağı məsləhət görüblər: "Gərək rüsum ödənilsin, vəkil tutulsun. Mənim isə buna maddi imkanım çatmır. Hətta bunu necə edəcəyimi də bilmirəm. Onu mənə başa salan yoxdur, çox çarəsiz vəziyyətdəyəm. Övladımın ailəsi var, məni dolandıra bilmir. Təsəvvür edin ki, 140 manat maaşa işləyirdim, bunu da mənə çox gördülər, ondan da məhrum etdilər”.

Biləsuvar Rayon Mətbuat yayımı Şöbəsinin rəisi Mirzə Əzizov Meydan TV-yə deyib ki, Füzuli Məmmədov poçtalyon kimi çalışıb, müəssisənin maliyyə imkanı məhdud olduğu üçün ixtisara salınıb.
//Meydan TV//

Doktorantura, dissertantura və adyunkturada təhsil alan və ya təhsilini bitirmiş iddiaçıların xarici dillər, habelə əcnəbilərin Azərbaycan dili imtahanının nəticələri elan olunub.

Bu barədə Dövlət İmtahan Mərkəzindən xəbər verilib.

Məlum olduğu kimi, Dövlət İmtahan Mərkəzi tərəfindən 11 dekabr 2022-ci il tarixində xarici dillər üzrə fəlsəfə doktoru imtahanı (dekabrın 13-də əcnəbilər üçün Azərbaycan dili imtahanı) keçirilib. 17 dekabrda isə iddiaçıların danışıq bacarıqları yoxlanılıb.

İmtahan iştirakçıları nəticələr, cavab kartı və vizual təsvir üzrə yazı işləri ilə DİM-in internet saytında tanış ola bilərlər. İddiaçılar imtahanın nəticələri haqqında məlumatı mobil operatorlar (Azercell, Bakcell, Nar, Naxtel) vasitəsilə iş nömrələrini 7727 nömrəsinə göndərməklə də öyrənə bilərlər.

358 iddiaçı xarici dillər (ingilis, alman, fransız), 5 nəfər isə Azərbaycan dili üzrə imtahanda iştirak edib.

77 nəfər xarici dil üzrə fəlsəfə doktoru imtahanı üçün müəyyən edilmiş şərtləri ödəyib.

2 əcnəbi iddiaçı Azərbaycan dili üzrə fəlsəfə doktoru imtahanı üçün müəyyən edilmiş şərtləri ödəyib.

Həm xarici dillər üzrə fəlsəfə doktoru imtahanlarında, həm də əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanında namizədlərin və iddiaçıların hər bir test tapşırığına düzgün cavabı bir balla qiymətləndirilir, səhv cavablar düzgün cavabların nəticəsinə təsir göstərmir. Vizual məlumatın təsviri və danışıq bloku üzrə tapşırıqlar 10 ballıq şkala üzrə qiymətləndirilir. Beləliklə, imtahanda toplanıla biləcək maksimal bal 50-yə bərabərdir.

Dinləyib-anlama, oxuyub-anlama, dildən istifadə (leksik-qrammatik tapşırıqlar), yazı və danışıq bloklarının hər biri üzrə balların minimum 20 faizini, ümumilikdə isə xarici dil üzrə fəlsəfə doktoru imtahanından azı 30 bal toplamış iddiaçılar və əcnəbilər üçün Azərbaycan dili üzrə fəlsəfə doktoru imtahanından azı 25 bal toplamış iddiaçılar imtahanın nəticəsinə qoyulan tələbi ödəmiş hesab edilirlər.

Apellyasiya komissiyasına müraciət etmək istəyənlər 2022-ci il 24 dekabr saat 14:00-dan 26 dekabr saat 17:00-dək DİM-in internet saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apellyasiya üçün müraciət edə bilməyəcəklər.

İmtahan nəticələri ilə bağlı müraciətlərə baxılması üçün DİM tərəfindən 27 dekabr 2022‑ci il tarixindən etibarən telefon əlaqəsi vasitəsilə apellyasiya prosesi təşkil ediləcək.

Bir namizədin ərizəsi (müraciəti) üzrə ən çoxu 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.

Sosial şəbəkələrdə səyahət qruplarına, səhifələrinə göz gəzdirmək yetər ki, AZAL-ın insanlara necə başağrı yaratmasına əmin olasan. Səyahətsevərlər, səfərə çıxmalı olan şəxslər yüksək qiymətlərdən çox əziyyət çəkir. Hər gün həmin qruplarda, səhifələrdə bu istiqamətdə şikayətlərə rast gəlmək mümkündür. AZAL-ın struktur bölməsi kimi yaradılan “Buta Airways”in təklifləri də çox işə yaramır.
Birincisi, ucuz biletləri əldə etmək asan deyil. İkincisi, biletlər bir o qədər ucuz da nəzərə çarpmır. Baqaja az qala bir bilet qədər xərcləməli olursan.

Bizimyol.info xəbər verir ki, “Buta Airways” ucuz bilet kampaniyası elan etmişdi. AZAL-ın loukoster şirkəti 2023-cü ilin 26 mart-29 oktyabr tarixlərini əhatə edən 9 istiqamət müəyyənləşdirmişdi. Guya 10 min bilet 29 avrodan satışa çıxarılıb. Səyahətsevərlər 53-54 manat ödəyərək Ankara, İzmir, İstanbul, Tbilisi, Aktau, Həştərxan, Mineralnıe Vodı, Kazan və Ufa şəhərlərinə biletlər əldə etməliydi. Amma tapın görək nə baş verdi? Bəli, “Buta Airways”in saytı çökdü. Sayt özünə gələndə isə üzə çıxdı ki, 29 avroya, demək olar, bilet qalmayıb.

Baş verənlər sosial mediada böyük müzakirəyə səbəb olub. Yazırlar ki, “Buta Airways” bilərəkdən belə şərait, saytın çökməsi görüntüsü yaradıb. Əslində isə kuratorlar səyahət şirkətləri ilə əlbir iş görür. Yazılan rəylərin arasında nadir hallarda kiminsə bilet ala bilməsini oxumaq olur. Əksəriyyət istəyinə çatmaq üçün zaman sərf edib, amma heç bir iş alınmayıb. Rəylərdən birində qeyd olunur ki, müştərinin plastik kartından pul da çıxılıb, buna baxmayaraq, ortada bilet yoxdur. Başqa bir rəy “Buta Airways”dən şübhələnməyə ciddi əsas verir. Guya kartda problem var. Bilet almaq istəyən şəxs dərhal bankı ilə əlaqə saxlayıb. Məlum olub ki, hər hansı problemdən söhbət gedə bilməz. Bankdan ona əmin olmaq üçün başqa bir əməliyyatı həyata keçirməyi tövsiyə ediblər. Gerçəkdən də kartla bağlı problem olmadığı üzə çıxıb.

Bəs onda bu komediya nəyə lazım idi? Məzhəkə ona görə qurulmuşdu ki, şikayətlərin qarşısı alınsın. AZAL heç də bütün biletləri baha satmadığını göstərmək istəyir. Sabah çıxıb deyəcəklər ki, kampaniya təşkil edilmişdi, 10 min bilet satıldı. Halbuki 29 avroya ən yaxşı halda 150-200 biletin satılmasından söhbət gedə bilər. Karantin rejiminin vaxtı da uzadılıb. Bu o deməkdir ki, tezliklə quru sərhədlər açılmayacaq və AZAL meydanda at oynatmağa davam edəcək

Bizimyol.info

Rusiya sülhməramlılarına məxsus təminat avtomobillərinin Xankəndi-Laçın yolunda aksiya keçirilən yerdən maneəsiz hərəkət etməsinə növbəti dəfə şərait yaradılıb.

Nəqliyyat vasitələrinin maneəsiz şəkildə hərəkət etməsi təmin olunub.
Laçından Xankəndi istiqamətinə Rusiya sülhməramlılarına məxsus, təminat yüklü 12 avtomobil keçib.


Daha 2 avtomobil isə

Rusiya sülhməramlılarına məxsus təminat avtomobillərinin Xankəndi-Laçın yolunda aksiya keçirilən yerdən maneəsiz hərəkət etməsinə növbəti dəfə şərait yaradılıb.

Nəqliyyat vasitələrinin maneəsiz şəkildə hərəkət etməsi təmin olunub.
Laçından Xankəndi istiqamətinə Rusiya sülhməramlılarına məxsus, təminat yüklü 12 avtomobil keçib.


Daha 2 avtomobil isə Xankəndidən Laçın istiqamətinə hərəkət edib.

Bu gün ümumilikdə hər iki istiqamətə ümumilikdə təminat yüklü 25 avtomobil aksiya keçirilən yerdən maneəsiz keçid edib.

Bu, bir daha göstərir ki, Laçın-Xankəndi-Laçın yolu hər iki istiqamətə humanitar məqsədli keçid üçün açıqdır. Aksiya iştirakçıları avtomobillərin hərəkətinə heç bir maneə yaratmırlar.

Qeyd edək ki, Ekoaktivistlər, könüllülər, vətəndaş cəmiyyətinin nümayəndələri Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının qanunsuz istismarına etiraz olaraq dekabrın 12-dən aksiya keçirir.
Xankəndidən Laçın istiqamətinə hərəkət edib.

Bu gün ümumilikdə hər iki istiqamətə ümumilikdə təminat yüklü 25 avtomobil aksiya keçirilən yerdən maneəsiz keçid edib.

Bu, bir daha göstərir ki, Laçın-Xankəndi-Laçın yolu hər iki istiqamətə humanitar məqsədli keçid üçün açıqdır. Aksiya iştirakçıları avtomobillərin hərəkətinə heç bir maneə yaratmırlar.

Qeyd edək ki, Ekoaktivistlər, könüllülər, vətəndaş cəmiyyətinin nümayəndələri Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının qanunsuz istismarına etiraz olaraq dekabrın 12-dən aksiya keçirir.

Ukraynanın Prezidenti Volodimir Zelenski Azərbaycan Respublikasının Prezidenti İlham Əliyevi doğum günü münasibətilə təbrik məktubu ünvanlayıb.

Təbrikdə deyilir:

"Zati-aliləri.

Doğum gününüz münasibətilə ən səmimi təbriklərimi qəbul edin.

Cənab Prezident, Sizin rəhbərliyinizlə Azərbaycan Respublikası həm Cənubi Qafqaz regionunda, həm də beynəlxalq arenada öz mövqelərini möhkəmləndirərək mühüm uğurlara nail olmuşdur. Əminəm ki, bu, gələcəkdə də davam edəcək.

Azərbaycanın Ukraynanın suverenliyi və ərazi bütövlüyünə daimi dəstəyini, eləcə də Rusiya ilə müharibə şəraitində Ukrayna xalqına göstərdiyi yardımı yüksək qiymətləndirirəm. Biz bu cür dəstəyin artacağına ümid edirik.

Əminəm ki, ikitərəfli münasibətlərin mövcud potensialını birgə səylərlə maksimum surətdə reallaşdıra və Ukrayna-Azərbaycan əməkdaşlığını Qara dəniz-Xəzər regionunda təhlükəsizlik və sabitlik naminə daha da möhkəmləndirə bilərik.

Fürsətdən istifadə edərək Sizə möhkəm cansağlığı, güclü və firavan dövlətinizin gələcək inkişafı yolunda uğurlar və yeni nailiyyətlər arzu edirəm

Müsavat Partiyasının üzvü Tofiq Yaqublu inzibati qaydada həbs olunub.

Bu barədə onun qızı Nigar Həzi sosial şəbəkə hesabında paylaşım edib.

Məlumata görə, o, İnzibati Xətalar Məcəlləsinin 510-cu maddəsinin tələblərini pozub.

Səbail Rayon Məhkəməsinin qərarı ilə xırda xuliqanlıqda ittiham olunan T.Yaqublu 30 sutka inzibati qaydada həbs olunub.

***

Daxili İşlər Nazirliyi Müsavat partiyasının üzvü Tofiq Yaqublunun həbs olunması xəbərinə münasibət bildirib.

DİN Mətbuat Xidmətinin rəisi Ehsan Zahidov “Qafqazinfo”ya açıqlamasında qeyd edib:

“Bu gün bir qrup şəxs tərəfindən Səbail rayonu ərazisində yerləşən Fəvvarələr meydanında müvafiq dövlət qurumları ilə razılaşdırılmamış aksiyaya cəhd göstərilib.

Polis tərəfindən aksiyanın qarşısı alınıb və iştirakçılar ərazidən kənarlaşdırıblar.

Onlardan yalnız bir nəfər, əvvəllər məhkum olunmuş Bakı şəhər sakini Yaqublu Tofiq Rəşid oğlu saxlanılaraq barəsində İXM-in müvafiq maddələri ilə protokol tərtib edilib və rayon məhkəməsinə göndərilib. Rayon məhkəməsinin qərarı ilə o, 30 sutka müddətinə inzibati qaydada həbs edilib”.

Prezident İlham Əliyev Əmək və Əhalinin Sosial Müdafiəsi Nazirliyi əməkdaşlarının “Dövlət qulluğunda fərqlənməyə görə” medalı ilə təltif edilməsi haqqında sərəncam imzalayıb.

Sərəncamla sosial müdafiə sahəsinin inkişafında səmərəli fəaliyyətinə görə Azərbaycan Respublikası Əmək və Əhalinin Sosial Müdafiəsi Nazirliyinin aşağıdakı əməkdaşları “Dövlət qulluğunda fərqlənməyə görə” medalı ilə təltif ediliblər:

Abbasov Elnur Abbas oğlu

Allahverdiyev Zaur Rəşid oğlu

Əliyev Elnur Qaraxan oğlu

Ənsari Elnarə Məhəmməd qızı

Əsgərov Mətləb Hünbət oğlu

Hacıyeva Fəridə Şaiq qızı

İsmayılov Azər Həsən oğlu

Kövsərov Əlişah Kadir oğlu

Nəzərova Aynurə Bəhruz qızı

Salahov Orxan Saleh oğlu.

Mustafayev qardaşlarından narazı olan bir qrup hərbi qulluqçu redaksiyamıza növbəti şikayət məktubu göndərib və anonimliyin qorunması şərtilə onu işıqlandırmağımızı xahiş edirlər.

Ovqat.com məlumatların ciddiliyini və dövləti maraqlarımız üçün əhəmiyyətini nəzərə alıb məktubu bəzi ixtisarlarla yayımlayır:

“Naxçıvan şəhər Su idarəsinin yanında yerləşən, ordunun balansında olmağına baxmayaraq Nemət Mustafayev şəxsi obyekti kimi tanınan “qul bazarı” var. Adına “Nemətin Bazası” da deyilir. Kərəm Mustafayevin qardaşı Nemət Mustafayevin hər gün səhər və axşam zabit, gizir, MAXE-ləri həmin ərazidə düzüb özünəməxsus tapşırıqlar verir, hər günün sonunda isə 705 nomrəli məktəbdə görülən işlərlə bağlı zabitlərlə iclas keçirir.

Həmin bazada gündəlik “normativlər” mövcuddur. Misal üçün, taxta, mismar, armatur, katanka, balbanka, zambaq və sairə. Sadalan adda olan “normativi” gün ərzində verə bilməyən gizir və MAXE-lər Nemət Mustafayev tərəfindər sərt şəkildə cəzalandırılır.

Yeyintiləri güya leqallaşdırılmaq üçün N saylı Hərbi Hissə yaradılıb. Guya, bu hərbi hissə digər hərbi hissələrə təminat və kömək məqsədi daşıyır, amma əslində büdcədən ayrılan vəsaiti talamaq məqsədi ilə yaradılıb. Vasif Talıbov tərəfindən fəaliyyətinə son qoyulan Dizayn Holdinqdən müsadirə olunan texnika və avadanlıqlar bu hərbi hissəyə, yəni Nemət Mustafayevə öz qanunsuz işlərində istifadə edib varidatını artırması üçün həvalə olunub. Həmin hərbi hissənin bəzi hərbi qulluqcuları mülki formada gündəlik işə gəlirlər, ancaq Nemət Mustafayevin işlərini görürlər. Bu işlərdə işçi qüvvə olaraq əsgərlər fəhlə kimi işlədilir. Dövlətdən ayrılan fəhlə pulları isə yazılıb Nemət Mustafayev tərəfindən mənimsənilir. Nemət Mustafayev bazada qurduğu bu sistemlə Naxçıvan Muxtar Respublikasında bütün söküntü işlərini ələ alıb və söküntülərdən gətirlən materiallar əsgərlər vasitəsi ilə təmizlənərək saf-çürük edilir. Sağlamları ayıraraq tikintilərdə yeni material adı ilə göndərilir. Bu inşaatlarda əsgərlər sözün həqiqi mənasında "qul" kimi işlədilirlər. Tikintidə işləyən ustaları MAXE və gizir olaraq işə götürürlər. Onlar mülki formada işləyirlər və hərbi hissə üzü görmürlər dolayısıyla hərbi xidmət etmirlər. Həm dövlətdən maaş, həm də gördükləri işin kvadratına, həcminə görə ödəniş alırlar. Əsl əziyyəti isə yanlarında işlətdikləri pulsuz "qul" əsgərlər çəkirlər. Bu inşaatlara parklar, bayraq meydanları, hərbi hissələr, bokslar, hangarlar və s. daxildir. Nəticədə köhnə materiallardan inşa olunan bu tikililər tez zamanda sıradan çıxır və müxtəlif problemlər yaranır. Bu problemləri aradan qaldırmağa gəldikdə isə Nemət Mustafayev boynuna götürmür və "mən sizə sağlam iş təhvil vermişdim" deyir. Və bu minvalla problemlər ya daha da dərinləşir ya da təhvil alanlar təmir xərclərini öz ciblərindən ödəyərək təmir etməyə çalışırlar. İllik yekunda isə Forma 2-lərdə bütün materiallar avropa standartlarına uyqun göstərilir və dövlət büdcəsi bu şəkildə Nemət və Kərəm Mustafayevlər tərəfindən talanır.

Gələk cinayət faktına. Bazada xüsusilə iki nəfəri baş gizir Famil, təqaüdə göndərilən və təkrar orda mülki şəxs kimi işə götürülmüş Mürsəl haqqında cinayət faktını qeyd etmək istərdik. Familə dülgərlik sexi, Mürsələ isə malyarxana həvalə olunub və bundan əlavə bu ikisi Nemətin “işverənləri”, söz aparıb söz gətirənləridir. Orada nə olursa, nə görürlərsə bazanın rəisi olan polkovnik leytenant Şanov Aslana məruzə edib, işləmək istəməyən əsgərləri qorxudub artıq hərbi xidmətə saxlatdırırlar, əsgərlərə qəddarcasına davranıb işlədirlər. Bu iki nəfər həm gördükləri işə görə maaş alırlar, həm dövlətdən maaş alırlar”.

Məktub müəllifləri Famil və Mürsəl adlı bu şəxslərin təzyiqləri nəticəsində bir əsgərin intihar etdiyi barədə şok iddialar da irəli sürüblər. İddialar araşdırıldığından hələlik təfsilatlara varmırıq. Yaxın günlərdə araşdırmamızın nəticələrini yayımlayacağıq.

Ovqat.com